JOSERISTINE 彩豐 好用推薦產品

GinGin好用推薦：面膜好貼面，而且用完會降紅，感覺清爽涼浸浸，仲有保濕效果，而且勁多精華素，市面上已經好少面膜係針對暗瘡而設

綺羅香好用推薦：已經用咗兩盒，雖然一早對茶樹無感，不過我仍然好鍾意買嚟用，皆因退紅效果非常好，有次係屋企用完機吸黑頭，全面紅當當，即刻攞一塊嚟敷，唔駛放雪櫃，一敷上面非常冰涼，面膜紙好厚實，好貼面，涼浸浸好舒服，敷完連人中位置都有明顯退紅，日後會長備一盒係屋企

zetalhc好用推薦：個人非常推介呢支潤膚乳比容易出疹或者出風癩嘅人用～我自己轉季好容易會出疹，加上出汗會好容易皮膚痕癢。夜晚沖涼用左呢個lotion之後即時會覺得唔痕，而且可以舒緩紅腫，用一個星期左右d疹就會退曬。呢個lotion質地比較水潤，夏天用唔會覺得黐立立，香氣好淡好清新而且都容易吸收。最重要係大大支都只係幾十蚊，性價比非常高！

Sophiaso好用推薦：上個月突然間起濕疹，痕到不得了，經過彩豐門口見到呢支BODY LOTION 諗住都係試下，用完皮膚濕疹位嘅痕癢真係減少左好多，夜晚都唔會突然痕醒左，超推薦，值得試下。

Miaomiao好用推薦：彩豐行呢支老薑沐浴露真係好啱冬天用。佢有薑根精油，搽上身覺得好暖，仲有蔗糖同透明質酸，保濕效果一流，用完皮膚唔會乾爭爭。燕麥成分仲可以舒緩皮膚，啱晒皮膚敏感嘅人。 質地幾濃厚，擠兩下就夠搽全身，薑味好香但又唔會太甜，聞到已經覺得好舒服。沖完涼成個人暖笠笠，仲好滋潤。如果你怕凍或者皮膚乾，呢支真係可以試吓。店家推薦係坐月嗰陣買黎用既~ 唯一缺點係價錢小貴🤣

shadow影子好用推薦：一路用一路可以聞到淡淡的姜嘅味道，而且lotion質地容易推開，使用後神奇地可以感覺到微微發熱，都幾舒服，同埋都啱冬天用。