@cosme STORE 產品資訊

Blueblueblue好用推薦：係我用過最薄嘅面膜紙，敷上面會透到皮膚。 用咗呢款面膜後，皮膚水潤柔軟。

劉肥貓好用推薦：回購多次嘅面膜 精華液超多夠貼面 敷10分鐘之後塊面感覺飲飽水咁但唯一缺點係佢個剪裁比較細塊面形較大嘅未必夠用 響Donki買又平$45有10片 但我好得意 我淨係用上面先至唔怕敏感試過用上身體其他部份手畫腳頸背脊大腿小腿泛紅 要等幾個鐘啲泛紅先慢慢退

Nikl0629好用推薦：用過一次，香味持久，好滋潤，唔會令頭髮好乾，唔用護髮素都可以‼️👍🏻

choichoi好用推薦：簡約的外包裝設計是購買的原因之一（汗），帶有清澈的香氣，不俗；使用後髮絲不打結且柔順

綺羅香好用推薦：買嗰時分唔到70同71號有咩分別，拆出嚟睇先知原來71號係70號嘅短柄版，除咗柄短啲之外，其他都無乜分別，所以無必要兩隻都買哂，既然70號唔啱用，71號都唔會因為柄短啲而啱用

Rin好用推薦：試過好多唔同嘅睫毛夾 連呢隻好出名嘅睫毛夾嘅眼影同埋長度都唔係咁啱我 佢嘅問題可能係弧度太彎

Emily Leung好用推薦：RMK卸妝油測評：抵唔抵買？真心用後感分享！ 喂，各位姊妹！最近試咗RMK呢支卸妝油，真心要同大家分享下用後感。本身我係混合肌，T字位出油，兩邊面頰有啲乾，仲要好驚悶痘㗎！所以揀卸妝油真係揀到頭都大，今次試RMK都係抱住搏一搏心態。 質地同氣味： 一揼出嚟，佢嘅質地係偏水感嘅油，唔會「立黐黵」推得幾順。味道係好清新嘅柑橘香，唔會俗氣，卸妝個陣聞到真係幾放鬆，有種做緊facial嘅感覺！ 清潔力： 我平時化全妝，粉底、眼線、睫毛膏、唇釉乜都齊。RMK呢支卸妝油乳化速度真係快！一掂水就變白，沖完水之後塊面零油膩感，摸落去係乾淨嘅。最驚喜係連防水眼線同睫毛膏都溶到，唔使特別用眼唇卸妝液，慳返啲步驟幾方便。 溫和度： 試過用佢捽眼，完全唔刺眼，呢點我好滿意！而且沖完水之後冇繃緊感覺，皮膚仲幾潤添。不過如果你係極敏感肌，可能都要先試吓sample穩陣啲。 有冇缺點？ 講到尾都有一樣要彈：價錢有啲貴！如果日日用大概兩個月左右就空瓶，對於打工仔來講有啲肉赤。同埋雖然話唔會堵塞毛孔，但我覺得油性皮膚嘅姊妹可能夏天要用返啲再清爽啲嘅產品。 總評： RMK呢支卸妝油整體來講係高質嘅，尤其適合

Circlecyy20好用推薦：是清爽的卸妝油 乳化後加水清潔後面上不番油膩感 而且能夠卸去所有的妝

Verna好用推薦：我第一次接觸這個品牌，是在youtube有人拍片介紹，後來再在@cosme store見到，就買來試試 這支base吱出來是帶點淺粉紅色，質地很容易推開。用這base的份量不用多，一點黃豆的份量就可以了 我記得我第一次用的時候，可能是我用的份量太多，推開之後，整塊面也好似有點油光滿面，真的嚇了我一跳。幸好過了一陣，皮膚吸收之後，亮澤感就變得剛剛好，而且很水潤，膚色也明顯變得均勻淨白了，粉粉嫩嫩的，膚質好像一下子就變得很好，而且摸上去一點黏膩感也沒有，反而皮膚很清爽很滑溜

kita好用推薦：有綠色同粉紅色選擇，無香味，我自己用開粉紅色可以令到膚色有返氣色同光澤感，無咁倉白，質地唔會杰身好易推,推開後有明顯光澤感，性價比超高！好滿意

Reneeeeeeeé好用推薦：🤩咁好用點解冇人講㗎！ 目前準備回購第3支，敏感肌，秋冬較乾 暫時用過最好用既精華粉底液 ❕沒有之一❕ 用全日，帶埋口罩皮膚完全無過敏／生粒粒現象 氧化陰沉色差極不明顯‼️ 持妝力十分穩定 💯 上妝方法官方介紹用小量用手指上 超級方便 😍👋🏻

choichoi好用推薦：質感水潤容易吸收，如果天氣乾燥時可以淡化臉上的乾紋感，加上容易卸除，是愛用品之一

zetalhc好用推薦：畫得好順滑，超級適合新手。而且一筆就可以營造臥蠶，非常容易，眼影筆好上色同埋好自然，持久度都好好，可以防水防汗。

Circlecyy20好用推薦：好易畫 用係卧蠶位最怕易溶妝 呢款算持久力唔錯 唔會怕好易捽甩

Cc2016好用推薦：喺日本買嘅蜜粉，蜜粉質感好輕柔，搽上塊面感覺幾舒服，可以減輕膚色泛紅同定妝，第日去日本會考慮回購

sscxy好用推薦：遮瑕度一般，但勝在自然，沒有太大瑕疵就會覺得幾好用，價錢便宜，不過不失

Kpl6be6好用推薦：最近實在太乾躁～要入手多支精華油作護膚最後一步至夠!!呢支友人介紹嘅精華油～搽上皮膚潤而不黏笠～仲有陣高級感嘅玫瑰花香🌹個人覺得保濕效果幾好！！

iliya 好用推薦：雖然係寫住精華油，但係搽上面之後意外地冇油膩嘅感覺，滋潤度及鎖水力都唔錯！

Sarah好用推薦：細細枝好可愛，金屬手感好好，放手袋好方便。顏色接近自己膚色，質地水潤，感覺自然，不過唔太持久。而且真係容量少，計落其實幾貴。

Sym97好用推薦：水潤光澤，上唇自然不脫色 唇膏係偏粉紅透明色，有啲似果凍，上面既閃粉只係裝飾用，本來沒有閃粉。 塗上嘴唇十分自然而且唔會油膩，加上有美容液既配合，撫平唇紋並且減少乾燥甩皮情況。戴口罩都唔會沾染到唇膏，唔會脫色👍🏻對於嘴唇成日處於乾燥+甩皮既我嚟講，依隻幾好用。