平價護膚 推薦好用產品

kat好用推薦：上月去日本旅行， 很多時間停留在室外，但覺得冬季陽光不怎樣猛烈，所以防曬就只塗臉。 結果有塗防曬的臉幸保不失 ; 沒塗防曬的手變 得又乾又黑 , 手背和手掌是2截色 。 這款50度 防曬救了我臉的小命。 最重要的是它不黏稠，對皮膚沒負擔。

Fng好用推薦：防曬糸數夠高，容易推匀，不會泛白， 同埋質感就清爽，之後上底妝唔會同粉底打交， 控油能力亦好好。

lonia好用推薦：每逢戶外活動長時間曬太陽之後，皮膚就好容易變紅變乾，或者秋冬季節，日常護膚都不足以補濕嘅時候，就會敷mask幫皮膚補補水。 呢款mask價錢唔貴，所以屋企會長備作補水用。mask嘅前裁比一般mask闊，可以fit到不同面形大小嘅女生，完全cover到全塊面，同時非常貼面。敷上mask之後我會輕拍不同位置，幫助吸收精華液。敷完之後完全感覺到充足補水嘅效果，連帶膚色都有所提亮，皮膚當堂有一種水潤透亮感。

Verna好用推薦：我用開這品牌的保濕爽膚水，覺得很不錯，所以對這保濕面膜也有點期望，而且它無香料無色素無酒精，敏感肌也可以用 洗完面後，我會首先用花水噴濕整塊面，然後才敷上面膜，我覺得這樣做的效果會更好。敷上面膜紙，就發現它的剪裁很貼面，而且敷的過程也沒有走位 看包裝，它的精華液有23g，我覺得份量剛剛好，拿出面膜紙後，袋內還有少許精華液，我會把它倒出來再搽上面，這樣也沒有水滴滴 敷了10分鐘，我就跟包裝說明拿走面膜紙，面上仍然殘留少許精華液，是透明有少許黏稠的，不過我也習慣過一過水，然後才搽上護膚品 我覺得敷完面膜後，皮膚立時變得水潤了，毛孔細緻了，連膚色也好像有點白淨了，我覺得可以當作急救面膜，而保濕效果也可以維持一兩天

Angie好用推薦：面膜剪裁非常貼面，精華液都好足夠，敷嘅時候完全唔會走位，敷完皮膚好水潤

Catty好用推薦：一打開就聞到蜂蜜的味道，很清香！ 裡面的精華液很多， 可以先倒出一些來按摩臉部， 再敷上面膜， 敷15分鐘都不會乾， 生物纖維面膜像是果凍， 有點厚，不過很服貼！👌🏻 只是有時候會移位，可以躺著敷更適合！😆 敷完後覺得毛孔有縮小🤩 肌膚柔嫩，呈現啞光的好肌膚感， 而且敷完不會粘膩，很快吸收進皮膚， 可以直接擦上平時的保養品，不需清洗！

Yty好用推薦：精華內有日韓大熱既pdrn成份吸引咗我去買嚟用，精華質地係淡黃色嘅乳液質地，感覺好滋潤，好易推開吸收度唔錯，比較適合乾燥肌同秋冬天用，用後感覺緊致度不錯，尤其係瞓醒咗皮膚明顯白淨啲，而且我好鍾意精華嘅香味淡淡地好舒服，會考慮回購的

Also melon好用推薦：近期PDRN「水光肌」概念好多人講，Innisfree 呢支精華係咪綠茶分子PDRN，大概係更容易滲入皮膚。再有高濃度A醇，所以日間一定要認真搽防曬，而且唔好同去角質產品一齊用，容易刺激皮膚。 保濕力算中上，冬天用都唔會乾，但整體唔算驚豔。開始買嗰時見網上評價，不過我用落真係覺得幾普通，冇預期中「水光感」，整體就係一支保濕精華，如果係保濕精華又有其他選擇。

cheng2001好用推薦：Fit for 敏感肌❤️上臉出乎意料地舒服和非常輕盈！ 之前一直都有見到DR.WU玻尿酸精華，價錢親民但見評論…所以無試過，今次咁岩屋企有支DR.WU修護精華油出現左就一於試試佢🤣 我臉部屬於敏感易紅，容易乾燥變濕疹，自己都有用過角鯊成分既精華油，但用後感就係油黏，自己亦好怕，因為皮膚一油就容易發癢不舒服… 自己用法：水狀精華>DR.WU精華油>Cream 而且神奇在於這款用在臉部也很輕盈，不會黏笠，睡覺完全不用怕沾頭髮。 而且這款精華油除了吸收得快，用後皮膚亦有舒緩作用，完全不癢，摸上臉又覺得滑左好多，聞起來也有草本的香味（？）

natanatalie好用推薦：大愛的急救修護精華❤️ 好滋潤嘅精華，一啲都唔刺激，性質好溫和，質地非常輕盈易推，唔會對肌膚造成負擔！🫶🏻 一搽上面，就感覺到直接俾到肌膚好強嘅保濕力，冬天最中意用佢。台灣買平過香港好多，台灣旅行必買！🤗

Cc2016好用推薦：趁做特價第二盒半價時買，性價比高，夠貼面型，亦夠滋潤，用完皮膚感覺更有彈性，已經再回購

jaye好用推薦：肌研呢個系列既面有3款，3款都好岩敏感皮膚，3款我自己都鐘意亦會交換用，面膜紙好貼臉亦親膚，一敷上臉已經好快感覺到滿滿既精華，完全無吉既感覺，15分鐘後再洗淨臉部，馬上見到皮膚水潤飽滿，後搽護膚品亦更快吸收晒，第二朝起身水潤感依然持續，呢款就美白功能既就係3款裡面精華中最清爽，保濕之餘仲可以逐步改善唔均勻既膚色。

SammyN好用推薦：此乃乾燥大爆擦嘴唇拯救者！好快見效、如果嘴唇損咗都唔乸。有時個手指爆擦都會搽少少。實乃居家必備良品。

Hchan好用推薦：由於踏入秋季及經常待在冷氣房，唇部開始乾燥脫皮，本身得過唇炎，所以一直選用成份簡單的護唇膏，試過各種款式及品牌後還是覺得這款藥用的最好用。 這罐是新包裝，容量多但因不方便沾取的設計，平時會放家中使用，另外同款的條狀則會隨身攜帶用。 護唇霜的質地是如凡士林般的膏狀，沒有味道，塗開後會有輕微的薄荷涼感，初用時會有點不習慣，但我的敏感唇用後並無不適；塗後會變霧感，不會有常見的油亮感，男士也適合；滋潤度屬中等，約兩三小時需要補塗，日常晚上也會厚塗當唇膜用。 一直在回購使用，不知是否跟藥用的成份有關，唇炎並未有復發，價格相宜又大罐，推薦有敏感唇的人可以試試。

Kitty 好用推薦：最近轉天氣，塊面又開始覺得繃繃緊，甚至有啲甩皮。用左呢款AHC玻尿酸安瓶保濕面膜，效果幾好，同大家分享吓！ ✨ 第一印象 ✨ 一打開盒，見到佢係錫紙包裝，感覺幾高級同衛生。 💦 精華液多到瀉 💦 拎出塊面膜，第一個感覺就係：哇！啲精華多到呢！成隻手都係，質地係有啲黏稠嘅，但唔會話笠滋滋。主要成分係高濃度玻尿酸。 🧖‍♀️ 上臉感受 🧖‍♀️ 塊面膜紙係纖維材質，厚度適中，承托到咁多精華液。面膜紙剪裁都幾貼面，唔會容易移位。尤其係鼻翼同嘴角呢啲平時好難照顧到嘅位置，今次都乖乖哋貼住。敷上臉嗰陣，感覺好冰涼好舒服，尤其係你放喺雪櫃雪一陣先拎出嚟用，個感覺正到呢～即刻醒神！ 敷咗大概15-20分鐘，其間塊面都係保持住水潤感，唔會話好快乾。 🥰 效果檢討 🥰 到最緊張嘅環節——除下面膜！ 真係要講句：嘩！塊面即刻亮白咗一個度，摸落去好滑溜，好似飲飽水咁！ 平時有啲乾燥引起嘅細紋即刻睇落淡咗。最好嘅地方係，佢唔係即時假象，第二朝起身，塊面依然Keep到水潤狀態，上妝真係貼服好多，冇再瘋狂卡粉！ 👍 優點總結 👍 1. 保濕力超強：玻尿酸真係名不虛傳，深層補水，抵禦乾燥一流。 2.

Fng好用推薦：AHC 安瓶精華纖維面膜急救補水夠力💯 ✨ 面膜質地與精華量 AHC呢款面膜採用纖維面膜紙，厚度適中，剪裁貼面，尤其鼻翼同下巴位都好伏貼！精華量多到可以擠出嚟搽頸同手腳，質地清爽唔黏笠，敷15分鐘後面膜紙依然濕潤，適合香港夏天怕黏膩嘅混合肌～ 🌟 即時補水與修復效果 主打高濃度B5同玻尿酸，試過曬後敷一片，面頰泛紅同繃緊感即時舒緩，毛孔睇落細緻咗！補水力足夠維持到第二朝上妝零卡粉，但緊緻或美白效果唔明顯，主要針對基礎補水同維穩～ ⚠️ 局限性 價格中上（約$40/片），日日敷會肉痛。香味略重，敏感肌要先試耳背。纖維布承載力不及生物纖維面膜，精華容易滴落～ 🆚 同品牌產品比較 · VS AHC B5安瓶面膜（經典版）：經典版面膜紙較厚，精華更濃稠，保濕力更強但夏天用稍潤；纖維版則更輕薄透氣～ · VS AHC黃金錫紙面膜：黃金版主打抗老同提拉，適合輕熟肌；纖維版專注補水，適合年輕肌或基礎護理～ · VS AHC膠原蛋白面膜：膠原版針對彈性同光澤；纖維版則純補水，功能較單一～ 💡 使用心得 混合乾肌可以放雪櫃冷藏5分鐘後敷，即時降溫又收毛孔！一星期用1-2次做集中保濕已足

Luna好用推薦：無印良品化妝水（高保濕）測評：傳說中嘅「神水」？ 一句講晒： 如果你想搵一支平、大支、唔敏感嘅「安全牌」化妝水，呢支嘢絕對係你廁所櫃桶嘅長期住客！🧴 👍 優點 · CP值爆燈，乜都賺晒：幾十蚊支，仲要成400ml！真係「大件夾抵食」。就算你拎嚟濕敷、倒落頸、甚至當身體水抹，都唔會肉赤。💸 · 敏感肌恩物，零刺激：無香料、無色素、無酒精、無Paraben防腐劑。就算面珠「紅卜卜」或者剛針清完，敷上去都完全唔「乸」，好似俾杯暖水你飲咁舒服。 · 補水鎖水，唔係講笑：佢含有透明質酸、水解蛋白等保濕成分。質地係少少傑身（似好稀嘅精華水），但推開好快吸收。用完塊面係有種飲飽水嘅彈潤感，唔係得一層水咁簡單。 👎 缺點 · 吸收有啲慢，要俾啲耐性：因為質地偏「潤」，如果一次過倒太多上塊面，會感覺有啲「立黐黐」，要輕輕拍耐少少先吸收晒。最啱係分2-3次，逐少逐少咁搽。 · 油肌/夏天可能頂唔順：如果你係「大油田」，或者喺夏天30幾度用，可能會覺得有啲「焗束」。呢支比較適合乾肌、混合肌兩邊，或者秋冬用就一流。 · 包裝太老實：個膠樽設計真係好「無印」，簡約到有啲寡，泵頭要另外買，有時

Sandy好用推薦：[化妝水]產品心得 敏感皮膚用化妝水 toning water moisture 點解會買? 價錢抵買一大支有300ml 性價比超高 用後結果如何? 洗完面 肌底皮膚吸曬水 一啲都唔乾 化妝前用佢會吸水皮膚唔乾就唔會卡粉啦 我用超過十年以上 額外驚喜? 可以額外買呢個泵頭方便使用.💪 綜合以上嘅理由👍推薦畀大家使用👍

Fng好用推薦：肌研極潤保濕化妝水（清爽型）用後感 ——透明感升級，乾肌春夏冷氣房救星 💧 我係熟齡混合偏乾肌，香港又濕又焗又成日開冷氣，護膚品最怕笠，但保濕又唔夠力。新版肌研極潤保濕化妝水（清爽型，HK$135 / 170ml）用咗一個月～ 🧴 全新升級配方：5重透明質酸 + 首創發酵技術 · 舊版係4重玻尿酸，新版升級至5重透明質酸組合，包括高分子、中分子、低分子、雙倍、納米級5種大小分子 · 添加世界首創 「透明質酸發酵液」 ，即乳酸菌發酵玻尿酸，有效提升滲透力同鎖水力 · 新加入活性神經醯胺，強化肌膚表層鎖水屏障 透明感升級：官方稱配方採用乳酸菌發酵玻尿酸，研究證實能顯著提升肌膚水潤同透明感 💧 質地實測：清爽水感，秒速吸收 · 質地係水感液體，流動性好高，唔係濃潤版嗰種凝露狀 · 上面後輕拍幾下就吸收晒，清爽唔立，唔會黐立立 · 含控油成分可調節皮脂腺，特別適合春夏天潮濕天氣 🌸 熟齡偏乾肌實測：保濕夠力，冷氣房都頂得住 日間護理：洗完面直接拍上，補水力足夠，後續上妝貼服唔卡粉。清爽不黏膩，夏天用非常好用，而且不含酒精同香料，敏感肌都用得。 冷氣房過夜：呢個係最大驚喜！偏乾肌

Miulee好用推薦：Hada Labo 清爽型化妝水成份簡單而有效，新配方加入咗5種透明質酸，使用後可以明顯感受到皮膚被滋潤，吸收得又快，表面乾爽但內裡卻保持住水分，感覺清爽不黏膩，達到我最理想嘅效果。而且最重要嘅係，新配方無添加paraben，日日使用都唔使擔心會影響荷爾蒙。 尼隻化妝水質地輕盈，無論冬天還是夏天都非常適合香港的潮濕天氣。 在冬天，可以加入少量的黑蓖麻油（castor oil)來鎖住水分，而不會感覺太油膩。黑蓖麻油本身質地黏稠，但如果與 Hada Labo 清爽型化妝水混合使用，會非常容易推開，讓肌膚在乾燥的環境中保持滋潤。這樣的搭配不僅能夠形成保護層，還能有效防止皮膚龜裂，適合香港的冬季氣候。 總括來講，Hada Labo 清爽型化妝水已經成為我護膚Routine中不可或缺的一部分，無限回購嘅首選！

Miranda好用推薦：質感 呢款面膜嘅質地係白色乳霜狀，好軟滑，望落似絲絨咁細緻。佢唔會太稀或者太杰，介乎厚身cream同輕盈lotion之間，延展性極好，用手指輕輕一推已經可以均勻覆蓋全面。最加分嘅係佢完全冇香料，幾乎聞唔到任何味道，對氣味敏感嘅人好友好。上面之後感覺好舒服，唔會刺痛或者發熱，敏感肌用都零壓力。 使用感 用法好簡單：洗完面之後，厚厚地敷一層喺面同頸，等大概10-15分鐘，然後用化妝棉沾濕爽膚水抹走多餘嘅面膜，或者直接用清水洗乾淨。我鍾意佢敷嘅過程完全唔會滴漏，唔會好似paper mask咁要就住就住。敷緊嘅時候皮膚有一種好溫和嘅滋潤感，唔會焗促。洗完之後，塊面即刻變得柔軟、平滑，好似飲飽水咁，泛紅同乾燥繃緊嘅感覺即時消失。佢仲可以當作急救mask用，例如去完角質或者做完醫美之後，皮膚比較脆弱，敷佢可以快速舒緩。唯一要留意係佢需要清洗，唔可以過夜，對懶人嚟講多少少步驟。 持久度 保濕嘅續航力相當唔錯。敷完之後，我試過唔即刻搽後續護膚品，等半個鐘，皮膚依然keep住水潤，冇回彈變乾。就算第二日起身，洗完面都仲覺得皮膚有光澤同彈性。我係混合偏乾肌，喺冷氣房訓覺，朝早唔會出現乾紋或者崩緊。如果本

橘子貓好用推薦：Soothing Moisture Mask 最先接觸這款產品是朋友湊單，買一送一，大家都入手了兩枝試試。因為臨時起意去買的，沒怎樣先做功課，第一次用時是有點不適應這種如面霜一般的cream mask質感。 首先，我第一次用是在夏天，膚況是混合偏油。必須承認，我不太喜歡這款面膜，有點笠，有點悶，說有保濕感也不是沒有，但不是像gel mask 或 paper mask般補水，我不太習慣。因為已經開封了產品，唯有快快用完，厚敷：敷頸、敷手，就把第一枝用完了。 第二枝我就囤着沒開封。直到冬天，兩頰開始越來越乾，我才想起這枝面膜。 立馬找出面膜，厚厚敷了一層，乾緊的膚況即時被舒緩，就像是乾燥的唇紋被潤唇膏滋潤的感覺。敷5-10分鐘，面膜便會由白色慢慢轉變成半透明，就需要用清水洗走。過水後，仍有一層薄薄的油脂幫助鎖水，大半天兩邊臉頰也沒再變回乾緊。 總體而言，這是枝適合混合偏乾、乾性肌或醫美後乾燥脫皮的膚況使用。整年都是偏油肌的就不需要購入，不然就像我之前白白浪費一枝了。

Chloeincosme好用推薦：呢排用緊雪肌精藥用雪肌精美白乳液，美白效果有少少感覺，不過最驚嘆係佢嘅保濕能力！用完皮膚水潤咗好多，仲有透亮感～ 🤍 保濕度：4/5 質地輕盈但鎖水能力強，用完皮膚即刻有種飽滿水潤感，冷氣房吹成日都唔會乾！ 🤍 美白效果：3.5/5 用咗三星期覺得膚色均勻咗少少，斑點有輕微淡化，但要明顯美白可能要再持續用多一段時間～ 🤍 透亮感：4/5 皮膚光澤度有提升，有種健康光澤！ 🤍 使用感：4.5/5 吸收速度快，唔黏膩，淡淡香味好舒服，適合日常保養使用！ 總結： 雪肌精呢支乳液將美白同保濕平衡得幾好！雖然美白效果未算迅猛，但保濕同提亮效果確實令人驚喜～會繼續使用，推薦比想同時兼顧美白同保濕嘅你！

wingche好用推薦：夏天黑咗咁多，換季就要乘機美白一下！ 但轉季又要潤身啲，雪肌精符合曬兩者💕 買套裝送咗好多包，而家拎去旅行用啱曬！ 就算搭完飛機✈️/ 轉季，皮膚較乾，但佢好流質，佢建議用化妝棉上面，感覺再吸收啲！ 就算面對秋冬陽光下行山⛰️，夜晚用佢急救返紫外線曬完嘅肌膚！

Fng好用推薦：Burt's Bees呢支經典蜜蠟潤唇膏（原味）喺網上一直好多人推，親試後覺得性價比確實高～ ✨質地與滋潤度： 偏硬身嘅蠟質膏體，塗上嘴有少少「實感」，唔會過軟易斷。滋潤度屬於中等偏輕爽，唔會好似搽咗層厚油咁黐立立，夏天用完全冇負擔！對於怕悶嘅人來講，佢提供到基本滋潤但又保持透氣感，特別適合日間使用。 ✨成分與溫和度： 主打天然蜜蠟、薄荷醇同維他命E，成分簡單溫和。塗上後有微微薄荷涼感，好舒緩～但如果你對薄荷敏感就要避開！網上好多用家都讚佢唔會引起唇炎或敏感，係穩陣之選。 ✨持久與修護力： 滋潤度大約維持1-2小時就要補搽，始終唔算超長效型。對於極乾爆拆唇，可能唔夠力急救；但日常保濕同妝前打底就足夠。晚間使用的話，建議疊加更滋潤嘅唇膜。 ✨CP 值: 原味版本清爽得來有基本修護力，而且價錢平實（約$40-50），粗用唔肉痛。但極乾唇或冬天就可能要揀更潤嘅款式（如椰子味）。 缺點： 持久度一般，要經常補搽；薄荷涼感唔係個個接受到。 總括：平、靚、正嘅入門潤唇膏！ 夏天放喺手袋日常用，清爽又方便！

Emma W好用推薦：來到2024年年末，又要想交換禮物的環節。Burt's Bees Beeswax Lip Balm 係消委會都推薦的潤唇膏，絕對係首選之一。而依支潤唇膏，又實用，又係其下的皇牌。能有效滋潤雙唇，長時間保持水潤感，不易乾裂。 成分為100%純天然蜜蠟，蘊含抗氧化劑維他命E、椰子油。其天然成分，就算食左落肚，都唔駛太擔心。 其質地較為厚重，能在唇部形成一層保護膜。但不黏，頭髮也不會經時黐住嘴脣。也可當作唇膜之用。另外，搽時有輕微的薄荷味，讓人感到清新。就算夏天搽時都唔會唔舒服。絕對係送禮首選。 適合肌膚：任何 成效度：4/5 保濕度：4/5 光澤度：3/5

布吶吶好用推薦：Curel化妝水測評！乾燥敏感肌救星？🤔 Hello大家！最近轉季，塊面又開始扭計，又乾又癢？😭 等黎同大家實測下呢支Curel化妝水，睇下佢係咪真係咁work！ 包裝： 💙簡簡單單嘅藍白設計，好有藥妝feel，夠晒乾淨衛生。 質地： 倒出黎係透明水狀，流動性高，輕輕一推就吸收，完全唔黏笠！👍 使用感： 搽上面之後，好似飲飽水咁，即刻舒服晒！😌 佢冇酒精、冇香料、冇色素，用落真係好溫和，敏感肌嘅朋友可以放心使用！ 保濕度： 覺得保濕力都幾唔錯，特別係滋潤型，對於乾燥肌嘅朋友，應該會覺得好夠潤。佢有分清爽型同滋潤型，大家可以根據自己嘅膚質揀返！ 總結： ✅ 優點： · 平價大碗，性價比高💰 · 溫和無添加，敏感肌好朋友 · 質地清爽，吸收快 · 分兩種滋潤度，選擇彈性大 ❌ 缺點： · 保濕持久度一般，可能要補搽 · 功能比較單一，純粹保濕 Overall， 如果你係敏感肌，或者想搵一支簡單保濕、冇負擔嘅化妝水，Cureil係一個唔錯嘅選擇！👍 但如果想追求其他功效，例如美白、抗皺，就可能要揀其他產品啦！ 評分： ⭐⭐⭐⭐ (4/5) 小貼士： 配合Curel自家

Kmggigi好用推薦：香港大多地方都係長時間開住好強嘅冷氣，所以即使係夏天都唔可以忘記保濕 化妝水就係可以保濕得嚟又唔會好笠嘅選擇 皮膚狀況: 冬天乾敏肌，夏天混合偏乾+少敏感 Skincare morning routine: Curel 化妝水 ➡️; skin ceutical CE (早) ➡️skin ceutical 全能眼部精華 ➡️ skin ceutical Ptox -➡️ skin ceutical b5 (如果乾) 產品使用情況: Curel 化妝水分三種保濕濃度，我通常夏天用II，冬天用III (會再滋潤啲) 產品無色無味，無香料，無酒精 所以十分適合乾性敏感皮膚使用 搽完上面好快被吸收，同時唔會有任何刺激 (不過都代表唔係超級保濕 咁嘅價錢冇乜好投訴🤣 效果: 保濕程度適合夏天，保濕得來又唔會太笠 但除咗保濕之外，都見唔到有其他效果，例如收毛孔等 唔知大家有冇其他化妝水推薦呢？🤣

Poyobb好用推薦：樂敦cc維c精華原來已經出到第三代。超勁，講到可以美白，去斑、收毛孔、去痘印🍋 因為呢排痘印多左，想搵啲快速去痘印嘅產品用。講到有純特濃維c，好似效果唔錯。佢唧出嚟係油狀，少少檸檬味。當爽膚水同面霜中間精華嗰step，會好油。其實佢個樽口係要用力先會唧精華，一滴滴咁唧出嚟，方便每次用少份量。 我會將佢點係暗瘡印嘅位置，過咗十幾分鐘之後都未吸收晒，精華依然停留喺皮膚面層，好似有層油份覆蓋。感覺好似會令到暗瘡更嚴重🤨 反而最好係溝落面霜用，感覺會吸收得好啲，但呢個方法就冬天/開冷氣較好。 用完唔覺得有特別大嘅效果，暗瘡印完全冇退到，美白又無，平時用有效嘅去印產品係2-3日已經睇到淡咗。當然另外更加期待可以收毛孔，更加唔覺。可能我不太適合VC美白產品。

Emily Leung好用推薦：自從疫情開始就一直戴口罩，偶爾悶出暗瘡，有時仲會留低啲暗瘡印。開始搵適合嘅去暗瘡印精華，買咗幾款之後都係覺得樂敦Melano CC純天然檸檬祛斑精華液最溫和，效果亦係最明顯。喺日本嘅人氣超高，如果有留意開日本護膚博主嘅應該都見過呢隻產品。 升級版精華含有活性型維他命C同維他命B6，可以有效提亮暗沉膚色，調理皮膚分泌同維持肌膚油水平衡。另外亦加咗三重維他命C誘導體：維他命C衍生物、維他命C醣苷同脂溶性維他命C。 我自己連續用咗差唔多一年，暗瘡印淡咗好多；真心推介俾大家。一支大概可以用到四個月左右，價錢又親民。全銀色係舊版，有黃色嘅係升級版（濃密+控油款）。個人推薦升級版，去暗瘡印快咗少少～ 使用方法： 乾性皮膚可以全塊面用，油性皮膚就局部用（畢竟係油狀液體）。產品可以早晚使用，如果朝早用的話要做好防曬。我自己就係臨睡前洗面後用4至5滴，輕輕喺手心搓勻再搽上全塊面，等吸收之後再搽保濕霜。如果覺得質地太油，可以同面霜混合之後先搽上塊面，膚感超正！

Hamiii好用推薦：最近入手既防曬， 質地輕薄，快成膜， 粉色呢支對皮膚有潤色功效， 幾唔錯👍🏻

agnessstang好用推薦：一向都幾鍾意ALLIE嘅防曬 性價比高 又有唔同質地同顏色選擇 有日行Donki見到呢款限定櫻花色🌸就即刻買咗 完全抵抗唔到粉嫩嘅包裝+限定色🤣 淡粉色 好似忌廉嘅乳霜質地 有淡淡嘅花香味 易推 微微提亮效果 比較乾嘅位置會有輕微擦膠碎問題 但不太影響後續上妝 當素顏霜用幾方便

Kitty 好用推薦：最近成日吹冷氣，搞到塊面敏感又繃緊，仲出咗幾粒油脂粒，真係好煩😣！好彩屋企常備Avene呢支保濕潤膚水，真心想同大家分享下～ ✨使用感： 一搽上面已經覺得好舒服，質地滋潤，一開始會有少少黏立，但吸收得超快！佢唔會好似其他護膚品咁有酒精，成分安全好適合敏感肌用，有少少香料味，不過我唔太介意。我通常早晚都用，化妝前會用嚟濕敷幾分鐘，個底妝即刻貼服好多～ 💦超滋潤但完全吸收後唔會笠： 最驚喜係佢滋潤度夠晒高，但完全唔會阻塞毛孔！就算日日用都唔會生暗瘡或者閉口，反而覺得皮膚穩定咗好多。就算係咁乾嘅日子，佢都可以keep住塊面水潤潤，唔會甩皮或者泛紅～ 🌙敏感乾燥一夜回春？ 真係冇誇張！有晚我塊面又紅又癢，厚敷咗一層Avene呢支潤膚水瞓覺，第二朝起身竟然冇事啦～😲 皮膚摸落去滑溜咗，仲有光澤感，好似飲飽水咁！之後我每次覺得皮膚唔妥都會攞佢嚟急救，次次都救得返～ 總結： 如果你都係敏感肌或者成日覺得皮膚乾到爆，真係可以試下Avene呢支！溫和、保濕、唔致痘，仲可以穩定皮膚狀態～已經成為我護膚品裡面必備嘅萬用寶品❤️！

Emma W好用推薦：Avène 依款化妝水能有效提供深層的保濕效果，讓肌膚感覺柔軟光滑。本身依個品牌都主打天然，敏感肌人士都用得。其成分溫和，不含香料，適合敏感肌膚使用，能減少刺激和不適感。其具有舒緩肌膚的功效，能有效減少紅腫和不適 質地輕盈，使用後不油膩，但有少少潤，適合乾燥、秋冬季節時使用。搽後要拍幾下，就能迅速被肌膚吸收。 另外，雖然個名標明係潤膚水，但都可用作化妝水或鎖水劑，能提升其他護膚產品的效果，讓肌膚保持水潤。 適合肌膚：任何 成效度：4/5 保濕度：4.5/5 吸收度：3/5 質地：水狀，但較黏

aya_lai好用推薦：之前有一段時間非常乾燥，手指都乾都好似沙紙咁，睇消委會推介呢支護手霜，廿蚊平平地買嚟試下 搽左兩日，CP值係真高，唔洗吱太多，少少地一粒白豆size，就足夠，對手都好似飲飽水，真潤，但係唔可以吱太多，太多會起屑

Hchan好用推薦：忘了在網上哪一篇評比文章介紹這條潤手霜便宜又好用，所以就買來放辦公室日常使用。平日用潤手霜都蠻挑剔的，不愛黏手的，油膩的，工作不方便；不愛太清爽的，滋潤無感的，所以這條用著算不錯。 用量不多，膏狀質地，推開後有淡淡的妮維雅經典的香味，在辦公室使用不會過濃影響別人，使用後滋潤度不錯，但又不會有油膩感，用後摸電腦只有少量手指模印，挺合我心意，會回購。

chewyfruit好用推薦：最近試咗「我的美麗日記」呢款玻尿酸面膜，同大家分享下用後感。首先包裝好簡單，一盒十片獨立裝，攞出嚟嘅時候覺得精華量幾足，面膜紙係天絲棉質地，摸上手軟熟，貼上臉都算伏貼，鼻翼同下巴位都唔會翹起，敷緊嘅時候都幾透氣，唔會覺得悶住皮膚。 敷咗大概十五分鐘左右，拎下面膜嗰刻覺得塊面即刻水潤咗，摸落去軟滑啲，尤其係面頰啲乾紋有即時減淡。精華質地屬偏稠少少，但吸收完唔算太黏，不過我自己習慣會用清水輕輕沖一沖，再跟返日常護膚步驟。 保濕效果方面，即時補水力真係唔錯，皮膚光澤感明顯提升。但如果唔搽乳液鎖水，隔咗一晚朝早會覺得冇咁潤，所以建議敷完一定要跟返保濕霜。成分睇落都溫和，冇酒精同濃烈香味，我係敏感肌用咗都冇痕冇痛，不過穩陣起見大家都可以耳背試咗先。 價錢來講真係好親民，街坊價錢，日日敷都唔肉赤。對於學生或者只想基礎補水嘅人來講，呢款面膜性價比幾高。當然啦，如果你要求極緻長效保濕，就可能要配合其他護膚品先得。 總括來講，呢款面膜係一款穩穩陣陣嘅日常補水選擇，尤其適合皮膚冇大問題、純粹想飲飽水嘅朋友。天氣乾燥或者妝前急救用，都幾方便抵用！ 推薦指數： ★★★★☆（4/5星） 適合人群： 中性

羅小白好用推薦：我諗呢個牌子應該冇乜女仔未用過，我記得喺中學嗰陣已經好流行 作為基礎保濕面膜嚟講，佢嘅效果好好，用完之後明顯皮膚有種飲飽水嘅感覺，皮膚雖然冇韓妹嗰種水光肌咁誇張，係自然有光澤感嘅感覺，敷完面膜化底肌會貼好多 佢嘅效果對得住佢嘅性價比，想試絕對可以試下

Emily Leung好用推薦：【毛穴撫子面膜】用後感：日本米力量真係搞得掂黑頭同毛孔？ 日本呢隻「毛穴撫子」面膜真係紅到發紫！主打用日本國產米精華，話可以針對性對付黑頭同毛孔問題。 我鼻翼同眉心嘅毛孔長期「開放」，黑頭多到好似士多啤梨咁🍓！見呢款面膜喺@cosme長年霸榜，又話天然米成分零刺激，咪買盒試下囉～ 💦 質地同用法 · 面膜紙：偏厚身，但剪裁算貼面，尤其係鼻翼位包得幾好。 · 精華液：係乳白色嘅米漿狀，杰身但唔黏膩，聞落有陣好天然嘅米香～ · 用法：我通常敷10-15分鐘，之後用剩餘精華打圈按摩鼻頭，等吸收晒先沖水。 👍 好用之處 1. 即時飽水感超正！：敷完塊面即刻變得水潤柔軟，摸落去「咕𠱷」咁滑～ 2. 黑頭真係易清咗：敷完之後，鼻頭嘅黑頭同白頭會浮出嚟，用棉花棒輕輕一推就清到好多！ 3. 毛孔睇落細緻咗：即時效果幾明顯，毛孔冇之前咁「洞洞」，好似飲飽水咁撐返滿！ 4. 溫和不刺激：成分簡單，我敏感肌用都冇泛紅，夠晒安心～ 👎 缺點 · 效果唔持久：毛孔細緻同黑頭減少只能維持一兩日，要持續使用先keep到。 · 精華液唔算多：相比其他日系面膜，佢精華液偏少，敷耐啲會乾，最好跟足時間。 ·

Sanna Cher好用推薦：產品自推出以來一直是我不停回購的面膜產品，保濕面膜更符合我的面型。脫下面膜過後，精華大多被吸收，沒有殘留過多精華於紙膜，是能夠好好被利用的保濕產品。 使用產品前使用產品過後，肌膚保濕度有被增強，毛孔有被重點修護，使用產品過後可用保濕面霜完成程序。