專櫃精華 推薦好用產品

Sarah好用推薦：La mer 獨有的香味，乳霜質地，上臉後輕薄滋潤。由於量少加上好貴，我是局部用的，皮膚狀態不佳或有暗瘡疤痕時會用。用完第二日起身真係有修復到的感覺，皮膚會變得平滑咗一啲，會細緻咗，而非單純保濕可做到的效果。相信日日用佢真係會變得更靚，應該比較適合熟齡肌用，但實在太貴。

Hoilly好用推薦： 用完後塊面滑左好多，好似做完煥膚咁，質地有少少油，如果我個排皮膚唔好都會焗到生暗瘡暗粒，但如果係一個穩定嘅肌膚，皮膚就會再昇華到另一個層次～

Emily Leung好用推薦：Laneige水光亮白精華原液：補水界嘅尖子生！💧 本身已經係Laneige嘅粉絲，用開佢哋嘅睡眠面膜，補水效果有目共睹。見佢哋出呢支新精華，主打細分子透明質酸，話可以深入皮膚底層補水，仲可以亮白同改善膚色不均，二話不說就入手試吓！ 💦 質地同使用感（最驚喜部分！） · 質地： 係帶少少稠度嘅半透明液體，一推開就化做水，零黏膩！ · 吸收度： 吸收速度真係快到你唔信，咻一聲就入咗皮膚，好似幫塊面即刻飲咗杯水咁。 · 氣味： 有陣好清新淡雅嘅花香，聞得好舒服，護膚個陣心情都靚啲。 用完之後，塊面摸落去係水潤軟滑，而唔係油膩嗰種「黐立立」，後續再搽面霜都覺得吸收得好啲。 🌟 效果分享 · 即時補水： 用完即刻覺得皮膚飽滿咗，有種光澤感，唔再係灰灰沉沉咁。 · 長效保濕： 最明顯係而家喺冷氣房瞓足8個鐘，第二朝起身塊面都唔會乾到繃緊，摸落依然好嫩滑。 · 上妝貼服： 呢個係最大改善！而家上粉底真係貼服到不得了，冇再因為皮膚乾而出現「卡粉」嘅尷尬情況。 · 亮白效果： 用咗大概一個月，我覺得膚色均勻咗同透亮咗，冇以前咁暗啞。至於淡斑，我本身斑印唔多，感覺有輕微淡化，但要持續觀察。

Kura好用推薦：呢一款美白精華用完係真係會變白，質地好水潤，我堅持用咗一段時間，肉眼可見變白咗，價錢合理，十分推薦

mandy好用推薦：Sulwhasoo 雪花秀 Concentrated Ginseng Rejuvenating Ampoule 滋陰生人參煥顏高效精華液 $880/ 20ml 功效: 提亮+緊緻+抗皺+舒緩 滋陰生人參煥顏高效精華液蘊含不少美肌成分，包括：保濕成分、抗衰老成分、抗氧化成分、鎮靜消炎成分及美白等成分。 由於滋陰生人參煥顏高效精華液的質地比較水感清爽，所以我在秋冬季使用時會混合美肌油或美肌膠囊一起使用，使滋潤度可以有所提昇。延展性極佳，可以輕易在全面均勻推開。 滋陰生人參煥顏高效精華液帶明顯人蔘香味，聞慣了覺得也不會不喜歡。 使用了差不多一整瓶，覺得膚況比較使用前更穩定，而且保濕力也有進步(做肌膚測試有改進)。使用後，提亮效果明顯，肌膚更是散發自然水光光澤。抗皺方面，雖然法令紋沒有完全消失，但也保持在較淡的狀態，並沒有加深。配合由下而上的按摩手法，肌膚漸漸變得更緊緻。 滋陰生人參煥顏高效精華液是早前用生日優惠半價購入，如果是要用正價入手(1瓶只有20ml 很快就用完)，會覺得太貴了，不可能一直長期使用，看來我還是比較在乎性價比。 (Formula 1)

Emma W好用推薦：其人參換顏精華露，感覺唔錯。一唧出嚟，有濃濃嘅人參味。質地輕盈，但偏有少少油質，適合秋冬天時使用。用左一個月左右，面部皮膚緊緻有光澤，起碼唔會洗完面後好乾燥。感覺唔錯。 適合肌膚：任何 成效度：4/5 保濕度：4/5 吸收度：4.5/5 值得推薦度：4/5

Blueblueblue好用推薦：用完一支，皮膚變到有光澤，美白效果唔多覺。所以我又回購多一次。

mandy好用推薦：ONE BY KOSE  Melanoshot White Brightening Serum 有些美白精華液 的保濕力比較差, 容易令肌膚變乾燥, 而ONE BY KOSE 美白精華液 則沒有這樣的問題。 美白精華液  的質地跟平時大家用的保濕精華液一樣水潤易推, 延展性和保濕力非常好, 主打成分麴酸具美白及抗氧化功效。 美白精華液  的主要美白成分為麴酸 KOJIC ACID, 是一種不錯的美白淡斑成分, 然而過高濃度卻有可能導致皮膚敏感。 以我的個人經驗來說ONE BY KOSE美白精華液 用起來完全沒有敏感或不舒服, 但敏感肌還是要注意一下, 小心使用。 什麼是 麴酸 kojic acid  By-product of the fermentation process of malting rice for use in the manufacture of sake (Japanese rice wine). In vitro and in vivo research and animal studies have shown that kojic a

Desse好用推薦：用過小黑瓶，小棕瓶，又試吓小紅瓶🤭 資生堂Ultimune小紅瓶精華 主打免疫細胞激活，專攻細紋、暗沉同疲勞肌，適合25+歲所有膚質 成分方面：專利山茶花活酵萃取（3.4倍再生力）+酵母精華抗氧化修復、深層滲透激活膠原，減少水份流失+33%、彈性提升+25%，冇酒精刺激 質地輕薄，一整包推開即化吸收超快，冇黏膩感（正裝大約用兩泵） 早晚潔面後用，配合乳霜鎖水 用後即時水潤有光澤，2週內細紋淺咗、膚色均勻亮咗，熬夜或轉季用唔錯🙂 🥸留意位 冬天用唔夠力，轉季用就好😎

lonia好用推薦：到咗三十幾歲，一啲初老嘅肌膚問題開始慢慢浮現。乾紋、細紋、皮膚彈性變差……之前品牌活動試用過ULTIMUNE皇牌全盛精華，覺得效果幾理想，所以就入手咗一支。 佢一支精華就已經做到多重效果，將精華擠落手心，精華比較杰身，但其實好容易推開，皮膚亦好快吸收。佢有一陣感覺舒服，令人放鬆嘅微香，搽上面就即時感受到佢嘅保濕功效，有水潤嘅感覺，第二朝起身發現皮膚多咗一份光澤感。 而令我覺得最驚喜嘅，就係肌膚免疫力得到改善。以前皮膚有時會泛紅，出現敏感痕癢。用咗呢支精華一排，皮膚狀況穩定咗，冇咁容易出現敏感泛紅，而且皮膚狀態都細緻咗、彈潤咗。每日keep住用呢支Shiseido皇牌精華，細紋、乾紋呢啲難搞嘅問題都慢慢得到改善，值得推介～

粉紅寶寶好用推薦：沒想過有補濕力那麼強，卻又不起碎碎和快速吸收的產品！請留意這是護膚前用的肌底液，是每天洗面後、爽膚水前使用的。但因我習慣用爽膚水把未能徹底洗淨的污垢再抹一次，所以我會洗面後先用爽膚水抹，再用此產品，再直接把爽膚水倒到面上按摩。 成為美評之星後收到cosme送贈的60mL貨裝，在網上看過評論，得知是偏水狀的產品，而包裝的日文寫著是護膚前的肌底液。 原本打算留待夏天使用，因水狀嘅都是較清爽的，但早前一、二月天氣有點乾，便開來試用，沒想用效果極好，吸收迅速而且後續不論按摩多久都不起碎碎，就算戴上口罩後都一樣沒有碎，而且補濕維持了一整天，完全沒有因化妝的乾粉而有崩緊的感覺，非常值得回購！ 在網上查過應該還有大支120mL裝，價錢好像是$6xx，應該會比60mL裝抵買。

Kna好用推薦：皮膚狀況 ： 有濕疹底。轉季易發紅敏感。夏天T字會較油，2邊權骨位較乾。 測試季節係春夏。精華感覺好light, 同唔會令我敏感。 但好可惜，佢對於我黎講唔夠力。同我洗完面淨係上爽膚水一樣，有用同無用無咩分別，睇唔到有其他特別效果。（我已經用晒成枝，但我都睇唔到佢對我皮膚有咩幫助，可有可無item）

msthea好用推薦：用左Kiehls呢支醫學雙維他命C抗氧亮活精華差不多一個月 佢話可以改善毛孔、皮膚暗啞同細紋 老實講，我就唔係好見到效果啦佢質地係比較潤厚，比較適合秋冬，因為實在唔太清爽 但係每次一搽上面，都會有少少刺痛嘅感覺 唔知呢啲係咪就係所謂嘅效果😅 因為好多人都話維他命C係會有咁嘅感覺 個人覺得秋冬用都還可以，不過就沒有顯著效果 如果春夏季就唔太推薦用呢個了

takemyokane好用推薦：産品兼顧色調和質感護理，特點是保濕而不粘膩，讓肌膚呈現出從底層散發的自然光澤，更有助於減少紫外線傷害。可以早晚使用，質地順滑、濕潤。推薦給想要擁有零瑕疵皮膚的人。 #逆齡護膚品分享

royu3好用推薦：乳白色的水狀精華，伸延性高，輕拍就能吸收。皮膚有即時變得水潤，但效果不持久。踏入夏季常開空調，翌日早上更會有輕微乾燥感。由於它質地真的很輕薄，我認為它比較適合春季使用。另外，濃濃的香料味也是令我卻步的原因，不考慮回購。

WSY好用推薦：有少少香味，好好聞！！皮膚吸收到幾多，好補濕好水潤。化妝前用都好持久！

Kelvin好用推薦：味道好聞，又幾易推開，沒有油膩感，比較似流質乳液，就算皮膚有少少紅嘅日子用都冇咩問題，不會刺激皮膚的美白精華。夏天用嘅時候有幾舒服，薄薄地一層上面，精華膚感舒適。 美白效果不大，淡斑也冇效，用晒成支都冇乜美白效果。同埋佢要一次差唔多用5泵先夠全面，容量都比較多，但精華唔平。

poonpoon好用推薦：Clarins淡斑精華質地唔稠，夏天好啱用，容易吸收，味道怡人。依款美白精華係行紅棗杞子養生路線，溫和唔會出錯，唔會刺激感早晚都用得，孕婦都用得。 因為屬於比較溫和美白精華，唔會用一個禮拜就見效，佢唔會令到你個皮膚白左一度，但係用完keep住用咗一段時間，感覺到皮膚係好透亮，而且捱夜出嚟嘅暗黃都無，年青嘅皮膚都可以用嚟預防色斑，最緊要孕婦用得，可預防孕斑！ 夏天必備！

Kelvin好用推薦：呢款LANEIGE水庫補濕微質酸精華係乳白色半透明啫喱，帶有微香。作為一枝補濕精華黎講，表現中規中矩，價錢都幾親民，近幾年LANEIGE換咗包裝，感覺高級啲。 精華比較適合春夏季使用，用完之後冇乜黏膩感，水潤度得以提升。純保濕功能，正因為佢係比較薄身嘅補水精華，用上去即時可以舒緩到潔面後嘅緊繃感。精華入邊裡面有透明質酸，可以幫助提升皮膚嘅彈性。 因為質地算好輕薄，如果需要強效保濕可以選擇其他產品會更好。滋潤感亦唔會好持久，尤其係如果天氣特別乾燥，可能會有點不夠，搭配啲滋潤嘅面霜會好啲。 推介人士💁🏻‍♂️學生黨、混合性皮膚至油性皮膚

sandy好用推薦：Laneige 新品膠原彈滑嫩肌精華，它蘊含膠原彈滑嫩肌精華，以高效科研配方帶來「緊緻、彈性、嫩滑」三大護膚效果，一瓶蘊含24,000顆彈滑嫩肌凝珠，凝珠裡面有3款高效成分，包括海藻油以促進新陳代謝，高效抗氧化的維他命E，以及促進膠原蛋白增生的維他命C，混合胜肽精華水，並加入專利牡丹及膠原蛋白複合物，令肌膚保持水潤兼有彈性嫩滑

ying好用推薦：IPSA Serum 0 緊致淨肌排毒精華 使用心得 😊✨ 產品效果 我用 IPSA Serum 0 後，真係感受到肌膚有明顯改善！精華液輕盈，吸收超快，用完後，肌膚緊致又有彈性，感覺好像重生咁！😌✨ 長期用仲有排毒效果，令肌膚更加清透，真心讚。 使用方式🤚 每次我都會喺早晚清潔完臉之後，取適量在手心，然後輕輕拍打喺臉上，特別係容易出油同暗沉嘅位置。咁樣嘅使用方式，肌膚吸收得更好，效果事半功倍！👏💖 真實感受 使用之後，肌膚真係水潤得多，完全唔再乾燥或者緊繃！✨ 持續用咗一段時間，肌膚質感有明顯提升，細紋都減少咗，膚色更加均勻。壓力大嗰陣，呢支精華真係幫到大忙，肌膚好似收到深層滋潤咁，感覺極好！😍🌟都用左三支啦😎 容量與功效 雖然瓶身唔算大，但每次用只需少量，完全唔會浪費。佢嘅排毒效果真係令我好信任，期待未來更明顯嘅改善效果！🙏🎉 IPSA Serum 0 緊致淨肌排毒精華真係一款值得推介嘅產品，無論係想提升肌膚狀態定係需要抗壓護理嘅人都好適合。用完後嘅感受非常滿意！期待繼續使用，看看未來仲會有咩驚喜！💖🌈 #冬天 #護膚 #明亮 #排毒

royu3好用推薦：☀️夏天好物分享☀️精華篇 呢幾年keep住都要帶口罩，特別係夏天嘅時候， 皮膚好容易出暗粒、甚至誘發炎症、暗瘡等問題。 加上wfh 成日熬夜，皮膚差左好多(;_;) 本身係IPSA fans嘅我，見到呢枝Serum 0緊緻新肌精華正正就係針對以上問題，於是決定買黎試試！serum 0 蘊含魚腥草、楊桃、綠茶葉等草本萃取，深入肌底強化肌膚排毒機能，有助改善水腫，抑制炎症和促進新陳代謝。 用完柔膚水之後，用3泵份量塗勻面部～ 佢質地輕薄、啫喱狀，一啲都唔黏笠！ 按摩幾下就完全吸收哂！(*´∀｀*) 用左一星期左右已經feel到皮膚泛紅同暗粒問題真係有減退嘅跡象，同埋膚質有變柔軟、改善到皮膚粗糙問題。至於緊緻輪廓方面，暫時未有感 （笑） 基本上對呢枝serum 0 新肌精華都好滿意(*ﾟ▽ﾟ)ﾉ 唯一扣分位係，酒精味實在太重！ 如果改善埋味道問題就perfect！ #夏季水光肌養成挑戰

Ning好用推薦：吸收度幾ok，都有保濕嘅作用。 只係太貴，我諗我唔會再回購。 又唔係唔好用，但唔係特別好用，無預期咁好用咁啦。

Becca好用推薦：Sogo thankful week set裝跟左好多呢個sample, 一開始試用，除左快吸收外沒啥感覺就冇再用 有次去專櫃買嘢，BA係咁推介，佢話要長期用先見到效果，我聽佢咁講真係有用左2星期左右，覺得皮膚係有幼嫩左同柔軟左，後來買左一支60ml用，的確有用佢比起冇用直接上滲透乳係有差別 一次泵1-2下，以一支用到4個幾5個月計，價格上還可以，但效果都只係補濕同皮膚柔軟左，就性價比一般

lingbb好用推薦：- 黃金膠囊個包裝係高級高貴既盒子， - 入面裝住好多獨立包裝既精華，衛生之選👍🏻 -每粒膠囊都係無香精無防腐劑，採環保自然分解材質。 - 質地係淡黃色油狀，一般直接上金膠囊上面有人可能會覺得太油膩既話，可以參考下我既使用方法， 1. 清潔皮膚後， 上肌底液（幫助吸收）；將金膠囊用掌心稍微溫熱一下，然後上面輕輕打圈按摩 2. 從下往上提拉，局部輕輕打圈，大概按摩個10分鐘，按摩吸收既同時有機會揉出類似角質（泥）、粒粒或白頭 3. 再用清水清洗一下面部，洗走臉上既粒粒，洗完面部會有油質精華殘留，再敷上補水面膜，令毛孔即時收縮，幫肌膚補補水，順便促進剩餘金膠囊既精華吸收， 4. 塊面就變得非常滑溜溜，面上既不明粒粒都唔見埋。上妝就變得非常貼服 - 以前我塊面既額頭、咀角都會摸到有顆粒，用呢個方法就消失咗。 - 額頭既細紋都變淡！ 係我冬天保養「邊清潔邊滋潤」一舉兩得既小技巧💜❤️希望幫到大家 #冬季保養

reneeuc好用推薦： 係回購多次既產品。 有一次自己膚屏障受損同埋過敏，好多產品都用唔到，唯獨Elizabeth Arden既膠囊同埋佢既護膚油救番成個樣。 有時驚夏天太潤就格日用，冬天就用密啲。 用完訓醒第二日會有修復效果同有光澤，包裝乾淨又衛生，保持到新鮮。 膠囊已經係必備單品。

Ressie14好用推薦：YSL緊緻保濕精華 YSL緊緻保濕精華有著酷酷既立方體包裝，驟眼睇以為容量很有誠意，中間支tube實在得30ml，日常使用的話，好快用晒架嘞！ 呢一支保濕精華配方不含色素，呈天然淡紫色，係因為佢有玻色因复配鼠李糖，另外还有腺苷，四肽-9以及特色鸢尾花根提取物，護膚成分好高級！至於用後感… 曾有一排覺得自己既法令紋漸漸出現，於是我重點將YSL緊緻保濕精華鋪喺法令紋上，早晚都有用，保濕效果+pump pump 效果係優勝既！ 護膚品要有效果必須用得多。 約兩個半月用完30ml 後我轉用左其他品牌既保濕精華。 總括而言，如果有預算嘅美女可以試用呢支王牌緊致保濕精華。 佢未能夠攞到滿分係因為一支既容量太少，如果佢出大支裝50ml就好了！

🌸好用推薦：我係偏乾嘅敏感肌，一直為初老嘅肌膚問題感到煩惱😣 朋友介紹我用咗呢隻ysl pure shots lines away serum,比起上一代嘅youth系列，呢隻serum更滋潤，但更容易吸收。用咗一個月，皮膚明顯好咗，細紋減淡咗。一年四季都用得，得就比較偏向晚間使用。 買替換裝會平啲，又環保。會一直回購。👍🏻

Sym97好用推薦：鎖水精華質感十分豐盈，搽上面立即感覺肌膚注滿水分，有彈性。特別適合乾燥天氣下需要補水的皮膚使用。個人建議於沖完涼後使用，吸引得最快，亦可以晚上使用以免深夜水份流失。由於較滋潤，敏感性皮膚既人會易出粒粒，搽太多會使面部黏黏笠笠。所以只需二滴分量搽全面。

626.0好用推薦：have been using this for some times. Since I have oily skin, so i love this product that it is not too thick in texture.

Hchan好用推薦：膚況：敏感混合肌 容易過敏、起蕁麻疹，眼睛及嘴唇較敏感；T字油、毛孔粗大、會泛紅、偶爾長痘。 隨著年齡增長，膚質逐漸變乾及缺乏彈性，剛好碰到有優惠即買來試試這有名的雅頓膠囊。 單顆包裝的設計既能保持衛生又能維持成分的穩定性，一粒可以用到早晚各一次。 扭開後倒出來是膏狀的精華質地，延展性高易推開，推開後不油，用後感覺滋潤度不錯，且不會有悶厚感 30粒裝剛好可用一整個月，去旅遊感覺會挺方便攜帶，會回購

Sccan好用推薦：第一次試用依粒出名的黃金精華膠囊是同事給我的， 簡直驚艷！ 今次見網上有做減價，見天氣較悶熱，就買依隻保濕膠囊試下。 效果：即時滋潤效果明顯，有光澤但不油笠笠，感覺似有層膜 質地：半透明似膏狀，質感有點油，易搽全臉 流動性： 低 CP值： 中等 缺點： 逐粒搣而一粒全臉又用不完，難保存

iliya 好用推薦：呢款精華含有高濃縮山茶花油精華，係比較厚身嘅精華水狀，皮膚好快吸收，好滋潤，而且可以加強後續吸收力！

kameari好用推薦：見成份天然就會想試試，用落真的感覺唔錯。質地係比較濃厚少少，但易推亦意外地易吸引。 油性肌膚都唔會話覺得笠而抗拒。查完感覺皮膚有補水滋潤番，之後查護膚品都易啲吸收，皮膚狀態係有好咗。 有時好怕有啲精華會太滋潤而出痘痘，不過呢一枝用了都冇出現敏感或痘痘情況，比我可以安心用。整體感覺幾好。

shadow影子好用推薦：用嘅時候有淡淡橙香，感覺好舒服！建議用之前最好做返足夠嘅保濕，如果唔係會有輕微嘅刺痛感，但係美白效果真係幾好！ 同埋維他命C最好夜晚先用。

AmyAmy好用推薦：質地比較滋潤，用完之後完全唔覺得有任何嘅效果，唔會再回購

natanatalie好用推薦：好耐之前買過，感覺唔到任何功效，叫做有啲野搽左上面，不會再買。

wingshan1124好用推薦：質地好清爽，皮膚吸收得好快，粉紅色令少女心爆發，亦都幾香，不過保濕效果只係一般，冇乜特別