專櫃精華 推薦好用產品

Desse好用推薦：用過小黑瓶，小棕瓶，又試吓小紅瓶🤭 資生堂Ultimune小紅瓶精華 主打免疫細胞激活，專攻細紋、暗沉同疲勞肌，適合25+歲所有膚質 成分方面：專利山茶花活酵萃取（3.4倍再生力）+酵母精華抗氧化修復、深層滲透激活膠原，減少水份流失+33%、彈性提升+25%，冇酒精刺激 質地輕薄，一整包推開即化吸收超快，冇黏膩感（正裝大約用兩泵） 早晚潔面後用，配合乳霜鎖水 用後即時水潤有光澤，2週內細紋淺咗、膚色均勻亮咗，熬夜或轉季用唔錯🙂 🥸留意位 冬天用唔夠力，轉季用就好😎

lonia好用推薦：到咗三十幾歲，一啲初老嘅肌膚問題開始慢慢浮現。乾紋、細紋、皮膚彈性變差……之前品牌活動試用過ULTIMUNE皇牌全盛精華，覺得效果幾理想，所以就入手咗一支。 佢一支精華就已經做到多重效果，將精華擠落手心，精華比較杰身，但其實好容易推開，皮膚亦好快吸收。佢有一陣感覺舒服，令人放鬆嘅微香，搽上面就即時感受到佢嘅保濕功效，有水潤嘅感覺，第二朝起身發現皮膚多咗一份光澤感。 而令我覺得最驚喜嘅，就係肌膚免疫力得到改善。以前皮膚有時會泛紅，出現敏感痕癢。用咗呢支精華一排，皮膚狀況穩定咗，冇咁容易出現敏感泛紅，而且皮膚狀態都細緻咗、彈潤咗。每日keep住用呢支Shiseido皇牌精華，細紋、乾紋呢啲難搞嘅問題都慢慢得到改善，值得推介～

莓莓好用推薦：#火熱新品 MAC Hyper Real 精華水 測評 🪞定位： 呢支係一支集補水、修護、打底於一身嘅精華水，尤其係專為化妝前使用而設計，等你之後上粉底更加貼服持久。 🪞質地與使用感： 同一般爽膚水好唔同，佢係一啲似流動性高嘅乳液質地，半透明帶少少白，但搽上面一啲都唔黏笠，吸收得非常之快。佢嘅質地好滑，推開之後皮膚會有種飲飽水嘅柔軟感，唔會有膜感或者痴笠笠，即刻幫皮膚打好個底。 🪞成分與功效： · 補水滋潤： 即時為皮膚補充水份，舒緩乾燥。 · 修護屏障： 佢可以強化皮膚嘅保護屏障，穩定皮膚狀態。 · 平滑膚質： 用後皮膚表面會變得比較平滑，可以修飾毛孔同乾紋，後續上粉底就唔會卡粉，妝容更貼服。 🪞用後感分享： 用咗佢之後，最明顯係覺得之後上粉底順滑好多，粉底更容易推開，而且妝感更貼，無咁容易浮粉。對於乾燥皮膚嚟講，佢嘅補水力足夠，但又唔會影響粉底嘅持久度。就算唔化妝，就咁當精華水用，佢嘅保濕力同舒適感都好好，皮膚摸落會滑溜咗。 🪞優點與注意點： 👍 優點： · 妝前打底效果顯著，令粉底更貼服 · 質地清爽，快速吸收，不影響後續妝容 · 保濕同時能平滑皮膚，改善膚質 ·

JuneL好用推薦：它質地呈珍珠白乳液狀, 質感易推柔滑, 由於護膚以早C晚A程序使用, 這支晚上用性質較溫和, 用後肌膚明顯變得保濕光澤, 細紋方面也有所改善, 效果唔錯!

Nicole 好用推薦：白色乳液質地，有一點點厚度，流動性強，很好推開，油皮上臉都算清爽，吸收也快。 個人感覺用到半瓶左右才慢慢出效果，感覺法令紋有變淡一點，眼下乾細紋有一點淡化效果，整體來說都滿意，應該會再回購。

Poyobb好用推薦：冬季護膚❄️ 每年冬天好乾燥嘅日子我都會用double serum，本身混合性乾性皮膚好少用油嘅精華，因為double serum唔會起暗粒，多年都有用。暫時淨係用過經典款，light版本未用過。 Clarins今年新出嘅第9代賦活雙精華，效果同之前嘅版本大致一樣。質地偏油性，啡色帶有淡淡嘅香味，兩管精華混合之後吱一泵落面霜，可以增加滋潤感，但唔會感覺油膩。 呢啲乾燥天氣用完之後皮膚有明顯改善，變得更加亮麗有光澤，彈性都好左，冇咗嗰種乾燥感可以令皮膚睇落淡紋，有少少飽滿皮膚。毛孔就冇太大改善，因為精華算係滋潤，反而用過多會閉塞毛孔，一泵就夠。 最主要嘅功效都提升皮膚光澤、恢復彈性、抗皺滋潤，而且又係可以一支可以加落粉底液嘅精華，冬天真係必備。 #火熱新品

Kmggigi好用推薦：Clarins 賦活雙精華 Double Serum — 水油雙效，急救疲憊暗沉肌✨ 質地: 呢款雙精華採用水油雙管設計， 混合後質地滋潤得嚟又好推開， 上臉之後吸收速度好快，唔會黏笠厚重， 皮膚即刻有種被滋養嘅感覺。 效果: 用咗一段時間之後，會feel到肌膚變得更緊緻， 有少少提升感，輪廓睇落更立體。 同時光澤感明顯增強，皮膚唔再灰暗。 細紋有淡化感覺，膚色變得更均勻， 毛孔睇落都細緻咗，整體膚質提升得幾全面。 如果成日熬夜、長時間對住電腦， 或者換季乾燥導致皮膚暗沉疲憊， 用呢支真係好有感，幫助穩定健康膚況， 令皮膚回復精神感。 總結：全面抗老型精華，想一次過改善多種問題可以考慮 Clarins 賦活雙精華屬於多功能型修護精華， 滋潤又唔笠，對暗沉、細紋、鬆弛都有幫助， 想要全面提升膚況嘅值得一試✨

Bchonfrise 好用推薦：好開心Cosme抽中我參加Decorte WHITELOGIST 1.8倍高濃度截黑美白精華既試用活動！😆😆😆我本身有濕疹同玫瑰痤瘡，皮膚比較敏感，所以唔係好夠膽試美白嘅產品！但今次用完Decrote既美白精華都完全冇敏感，而且真係有效果，所以真係好開心呀！我好怕啲skincare好笠，但皮膚又比較缺水，所以想skincare夠保濕，但係質地又唔可以太笠。今次Decorte完全做到！精華嘅質地比較流質，質地輕盈，但係唔黏笠，保濕效果係冬天都夠足夠，只需要喺精華後加面霜，第二日皮膚都依然水嫩！毛孔整體都細咗好多，而且個膚感都好柔軟！除咗保濕之外，美白嘅效果都非常明顯！照片可以見到使用前，肌膚比較黃同暗沉，而且面都會有之前生暗瘡留低嘅豆印，泛紅同埋膚色不均，毛孔都比較粗大🥲 第一次我係晚上使用，提亮同保濕既效果都可以保持到第二日！蠟黃感少咗好多！毛孔細啲膚感都柔軟好多😝 而且持續使用14天後，皮膚黃氣同埋暗沉有明顯改善，更加白淨透亮，光澤感都有更加明顯🥰而痘印同埋泛紅方面都有減淡到，皮膚睇落去因為毛孔細咗，所以感覺更加柔嫩冇咁粗糙，亦都飽滿好多！好似真係飲飽水咁！配合埋WHITELOGI

Georgia好用推薦：首先感謝 @cosme 抽中我試用DECORTÉ WHITELOGIST 1.8倍高濃度截黑美白精華❤️🤗 呢款新產品日本2026年1月16號先發售，好開心可以喺日本推出嘅時候，就已經可以喺香港同步試用！！心情真係十分之興奮🥹💃🏻 平時我唔敢亂試美白產品，因為我本身係乾燥敏感肌，好怕會刺激皮膚，所以一開始用呢支高濃度美白精華都有d擔心，但用落之後，完全無刺激感，反而好溫和！質地清爽得黎但唔油，同時又可以滋潤到肌膚，推開好快就吸收晒，完全無厚重感💧 質地清爽，非常容易推開✨ 用咗大約半個月時間，每日都早晚使用，效果我覺得係幾明顯，蠟黃暗沉減少，膚色均勻咗好多，照鏡時覺得自己皮膚白淨咗一級✨。而皮膚摸落柔滑細緻，整體膚況更健康透亮🌸，而且完全無刺激感，乾敏肌用落都好安心😌😌 我覺得最吸引嘅係佢唔止抑制黑色素，仲可以強化皮膚屏障。對我呢種容易乾燥敏感嘅肌膚真係好有用，特別係最近乾燥低溫嘅天氣情況下，用落皮膚更穩定，比較淺嘅色斑有慢慢淡化，膚色愈嚟愈透亮。呢支美白精華真係好驚豔，效果超出我預期，好鍾意🥰❤️同埋我都想讚吓佢個包裝，係十分之高級，拎上手亦都好有份量感。 呢支美白精

mandy好用推薦：LANCOME Génifique Ultimate Dual-Repair Augmented Serum GÉNIFIQUE 煥活修護精華 (小黑瓶) $800 / 30ml; $1150 / 50ml; $1960 / 115ml 功效: 保濕+舒緩+抗衰老 昇級版的小黑瓶添加了不少優質美肌成分， 包括: 保濕、鎮靜消炎、抗衰老及抗氧化等成分。 由於昇級版的小黑瓶不含酒精及色素又蘊含鎮靜消炎成分，使用後肌膚完全沒有不適，連面上的泛紅也大大減少，即使敏感肌也可安心使用。 昇級版的小黑瓶質地剛剛好，在水潤及清爽之間平衡，有輕微的滋潤感，不會太水感好似冇搽野咁。這樣優秀的質地也是令人很想回購的原因。 使用不久後，昇級版的小黑瓶已效果顯著，肌膚水水嫩嫩，膚況變得穩定，面上泛紅減少，毛孔也不明顯。抗衰老方面，法令紋則冇以前咁深咁明顯。 如果天氣或肌膚特別乾燥時，BA建議每次按兩泵，令使用感更滋潤。 含保濕成分: 雙叉乳桿菌, 甘油, 戊二醇, 矽靈, α-葡低聚糖, 羧甲基 β-葡聚糖鈉, 玻尿酸鈉, 甘露糖, 對羥基苯乙酮, 辛乙二醇, 乳酸, 乳酸菌, 麥芽糖糊精, 酵母萃

Kelvin好用推薦：Lancome 最出名嘅王牌精華液就係genifique，雖然市面上有好多專櫃牌子有同類型多功能精華，之前Cosme 有個post都有介紹，genifique<小棕瓶<紅腰子，質地最清爽。聽到都覺得夏天啱曬。 有人話用耐咗之後冇效果，但我又冇咩特別需求，淨係需要保濕功效，我覺得幾啱用。 佢可以當基底液或者保濕精華使用，我就直接當保濕精華用最方便，上面嗰下有少少厚，推開後就會變好清爽嘅精華，吸收完之後冇殘留，係我近排用得最多嘅精華。 之前嘴邊有啲位食咗蝦少少敏感紅，搽genifique第二日就無紅，而且甩皮嘅地方好快修復返，感覺好似平平無奇，但用左之後皮膚穩定啲。

Tobimak好用推薦：#火熱新品 呢枝精華真係驚艶到我！雖然佢價格唔係平，但真係物超所值。 首先佢質地水潤、延展性高，搽完之後換件衫已經被皮膚吸收晒。之後再化妝都唔會浮粉。 我覺得用完一排之後皮膚望落白咗，啲暗瘡印都淡咗好多。

維他他好用推薦：呢支DECORTE WHITELOGIST截黑美白精華真心值得推薦！質地超清爽，一推開已經吸收晒，完全唔會痴立立。最勁係佢「截黑」技術，真係感覺到由源頭截斷黑色素，用咗大半支，成塊面白淨均勻咗，尤其係幾年前嘅陳年痘印都淡咗好多。而家朝早洗面都覺得塊面有種透光感，膚色無咁黃。如果想搵一支高效溫和嘅美白精華，呢個絕對唔會令你失望，我會繼續KEEP住用！ #精華 #火熱新品

Poyobb好用推薦：先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕

楊壯碩好用推薦：YSL Pure Shots Night Reboot Serum Review 綜合評分：4.5/5；詳情如下—— 包裝：4/5 ▶️comes in an airtight pump, good for preserving active ingredients👍 ▶️a bit bulky for travelling though✈️有替換裝支持環保是好事，但外面那個大塑料殼真的沒有必要 成分及formulation：4/5 ▶️含有antioxidants、甘醇酸等保養有效成分，但官網描述該產品pH值為4，而甘醇酸在pH值4的環境中只有約40.34%是active的(see source below)，估算下來，包裝標注的3.4%甘醇酸乘以40.34%的活躍度約等於可能只有1.37%的甘醇酸能夠有效滲透角質層，可以說有效濃度並不高。當然，有效成分並不是濃度越高越好，作為每天使用的護膚品，低濃度的甘醇酸已經能夠溫和地達到改善效果 ▶️成分表（圖）中有denatured alcohol和fragrance，這些是用來提升產品使用感，但對護膚沒有顯著好處又同時具有刺激性、風險

Gloria好用推薦： 好開心可以得到Cosme X 毛孔護理專家Benefit PORE CARE毛孔護理系列-毛孔水份導入精華（爆水泡泡珠）嘅試用。佢呢個爆水珠珠，係一個水性嘅啫喱入面有油性嘅珠珠，啫喱狀可以好易推開，滋潤的油就慢慢滲透入皮膚，接摩吸收完，會覺得皮膚有一層精華油嘅膜咁好滋潤，但又清爽不立痴痴。佢呢個啫喱狀接觸到皮膚就開始慢慢溶化，而佢個玻璃樽加上樽口設計，要大力少少先可以倒到出嚟，所以較難控制用量。我T字位容易出油，毛孔好粗大，特別下巴位置有好多粒粒。 試用時覺得出油少咗，不過毛孔無變化，皮膚就變得有光澤又好水潤咁。大概第14日，朝早發現下巴位的粒粒裏面啲污糟野浮晒出嚟。用化妝棉清理浮出嚟嘅污糟之後，下巴即刻光滑咗好多，粒粒減淡咗。 用左兩星期嚟講，我覺得用爆水泡泡珠，對於毛孔粗大嘅情況我覺得冇乜太大幫助，但毛孔會乾淨咗，出油情況係改善好多可以keep到成日，同埋皮膚好光澤，膚色均勻咗，摸落去係滑咗嘅。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 講下個包裝先，好少讚包裝靚，但佢隻色真係好鬼靚，一打開個內盒係粉紅色，撞得好靚，一路開一路期待試呢支 毛孔水份導入精華（爆水泡泡珠）😍 一拎出黎，嘩，d爆珠睇落閃令令，好靚，即刻試用下先！ 試上手，少少份量已經可以推開全隻手。啫哩質地水潤柔滑，一抹即時補充水份。乾燥既細紋即刻被撫平，用後肌膚明顯感到滋潤同嫩滑❤️❤️ 前後前後搽上面時，會聞到淡淡既玫瑰果清香，感覺舒服😌 持續使用兩星期，配合其他benefit產品（滑溜毛孔去角質粉、緊緻毛孔睡眠面膜），面部肌膚變得柔滑，面頰毛孔變細緻。而且感覺後續護膚品更易吸收👍🏻👍🏻👍🏻 肌膚依家水油平衡，訓醒冇再滿面油光😍返工坐喺冷氣房內，到下午都只係出少少少少油，個妝貼服左好多！好開心好鍾意❤️ 推薦給水油唔平衡，T字位油，面頰乾既混合肌🫶🏻

Hoilly好用推薦：貴既一定有佢既好處！當我皮膚好差好敏感到咩都用唔到既時候，好在遇到佢，本身爆曬粒粒，皮膚質素暗沉，用左佢大約2星期到，皮膚開始冇咁暗，皮膚有番光澤～用既份量好少2pump 就好足夠成塊面，唔好貪心用得太多，反而會狂出油！

Kmggigi好用推薦：由於價錢較貴 (HK$3200/30ml)，主打抗衰老(i.e. 柔滑膚質，收緊毛孔， 減褪皺紋，均勻膚色，亮澤肌膚，重拾緊緻)，相信比較少大學生用過。我都係因為屋企人買就一齊share用，感覺幾好🫶🏻 質地比Estee Lauder嘅Advanced Night Repair輕盈，快吸收，但冇ANR咁補水🤣 搽左一段時間覺得膚質穩定咗同平滑咗，額頭本身啲暗粒都慢慢冇咗🤣 可惜比朋友話過太早(25歲)用抗衰老嘅精華未必好，所以宜家都少用咗，屋企人就好中意用，用緊第二支~

Emily Leung好用推薦：DECORTÉ 抗皺緊致の時光逆襲神器 一款夏天用起來也很清爽的精華，洗臉後第一步使用，好吸收，不黏膩，溫潤保濕，成分溫和不刺激，用完之後皮膚軟軟的，推薦給大家！ ✨多层微脂囊缓释科技✨ 像"时间胶囊"般层层渗透，24h持续修护！ 🌟三大核心黑科技 1️⃣TIME RELEASED MULTILAMELLAR LIPOSOMES 👉 微脂囊體搭載活性成分，智能釋放至肌底 2️⃣Source Targeting™ Technology 👉 精准定位受損屏障，重建肌膚防禦網 3️⃣高濃度植物精粹×角鯊烷 👉 抗氧抗糖雙管齊下，法令紋嘭彈立現！ 使用體驗 💛水感凝露質地一抹化水💧 💛3秒吸收不黏膩，乾皮油皮通吃！ 💛連續使用28天👉 蘋果肌上揚15° 💛細紋淡化80%❗️熬夜肌秒變"反光板"

Micwy好用推薦：少有用到空瓶嘅精華🤭 第一次接觸Decorte護膚品 旅行時係機場免稅店買咗成set嚟試 個人特別鍾意呢支精華，我本身肌膚無太大問題，睇中佢全方位護理，緊緻肌膚、改善暗啞兼保濕，啱晒日常保養。 之前轉季會間中出現乾痕，用後感到有明顯改善，摸落塊面柔軟感，最緊要質地滋潤又唔黏笠，吸收得好快！

Sanna Cher好用推薦：產品是透明水性，本人習慣將水份輕輕滴在化妝棉再輕拍在臉上，是屬於補充水份的產品。由於使用份量不用太多，因此一支貨量的使用時間挺久。大概是這個份量，然後輕拍在臉上，令膚質變得飽滿和充滿水份。

Wkk好用推薦：敏感皮膚不適合用這個護膚水，適合油皮喝不是敏感肌膚的人，保濕效果一般

Emily Leung好用推薦：呢支MAC煥顏精華真係幾有驚喜！ 質地係奶白色乳液狀 推開好似絲絨咁滑 吸收完個面係乾爽嘅 但摸落去又夠潤 後續搽防曬/化妝都唔會搓泥 用咗兩個禮拜最大感受係： ✅ 皮膚穩定咗好多 ✅ 鼻翼兩邊啲粗大毛孔睇落冇咁顯眼 ✅ 成塊面有種『喝飽水』嘅光澤感 （唔係油光個隻喔！） 特別鍾意佢陣淡淡花香味 好高級嘅感覺 每次用都覺得自己好似去咗做facial咁 雖然價錢有少少貴 但一支做到保濕+修護+煥亮 計返都算抵！會想回購～」 #MAC精華 #清透煥顏 #毛孔救星 #底妝貼服秘訣

Also melon好用推薦：我皮膚係混合偏乾，唔係好鍾意用太滋潤嘅護膚品，只要有適合嘅水潤感，而唔會令之後化妝乾燥就足夠。 MAC煥顏精華嘅質地好似濃郁嘅精華，半透明狀偏淡黃，推開之後吸收得好快。推開之後好絲滑，帶有水感，過幾秒後，面上的乾燥感就冇咗，亦唔會有油油的感覺。可以令到面部係有一種水光肌，而不是出油肌。作為日常護膚絕對冇問題，但因為佢有香味嘅關係，我都係比較鍾意化妝之前用佢，用完之後粉底液係好貼服。 對於皮膚偏乾嘅人來講，可能滋潤度唔夠，但對混合肌嚟講就啱啱好。

Water好用推薦：係Caudalie嘅皇牌系列，帶有淡淡香味，令人感覺舒緩；膏狀質地，容易推開之前冬天帶去旅行用，好夠保濕；夏天喺香港當埋面霜用，都唔會令到塊面好笠唔舒服，好評！

Blooming好用推薦：Caudalie 白藜蘆醇提昇緊緻精華，質地好滑，用完皮膚都好軟滑，好易推好快吸收，可幫助膠原蛋白自己增生，抗衰老的一款精華。

Eun H好用推薦：Clarins 呢支舊版 Double Serum 真係我嘅秋冬續命水！佢嗰種水油混合配方滋潤感超強，但記得唔好就咁直接搽上臉，如果唔係會覺得好油。最好嘅做法係先喺手心搓開、用體溫整熱佢，等水油充分融合之後，再用手掌慢慢按壓上臉，咁樣精華先會瞬間吸收晒，仲會有一種好自然嘅光澤感。不過呢支嘢真係秋冬先好拎出嚟用，夏天用就太厚喇，凍凍哋嗰陣用佢嚟對付乾燥同乾紋簡直係一流！

YY好用推薦：秋冬嘅護膚品有好多我比較鍾意嘅就係呢一支Clarins Double serum！ 買返嚟個時以為好油膩，但係其實係冇呢個問題。精華入面水油分隔，官方用法放喺手心乳化混合，用熱力喺皮膚上面按摩，而唔係直接將精華油塗上面。我比較鐘意喺功能精華之後疊加上/當面霜用於精華後。 混合性皮膚到乾性皮膚都適用，廿尾三十開始使就差唔多。clarins Double serum平和咁樣令到皮膚keep住穩定嘅狀態，唔會出現甩皮泛紅嘅問題。皮膚好咗，毛孔細咗，乾紋都少咗。真心正！ 遲啲用曬就試下clains 全新第9代 賦活雙精華! #秋冬護膚神隊友

mandy好用推薦：Caudalie Vinoperfect 葡萄蔓極緻亮白系列 葡萄蔓極緻淡斑亮白精華 Vinoperfect Brightening Dark Spot Serum $710/ 50ml 在整個Vinoperfect系列中，我最喜歡極緻亮白去角質泡沫、極緻亮白精華露及葡萄蔓極緻淡斑亮白精華。由於我在夏季也常走路，所以曬黑了好多，於是我在秋冬季的早上都會用葡萄蔓極緻淡斑亮白精華，努力用了1個月左右，肌膚開始變白淨。因此，我很推薦大家用Caudalie家的葡萄蔓極緻淡斑亮白精華。 葡萄蔓極緻淡斑亮白精華的質地柔滑好推，延展性很好。不過由於已踏入極乾燥的冬季，我會覺得葡萄蔓極緻淡斑亮白精華的質地太水感清爽了，所以混合保濕精華一起使用，令肌膚可以美白保濕並存。 成分方面添加了少量美肌成分，以保濕成分、抗衰老成分及抗氧化等成分為主，美白方面則以專利成份Viniferine葡萄藤萃取液為主。 葡萄蔓極緻淡斑亮白精華的價位是設定在中高價，大家可以留意Sogo Thankful Week 期間的特價套裝及打折優惠，會比平日抵買(有時facial也有特價的～)。 注：部分Cauda

YYeman好用推薦：Caudalie亮白精華：皮膚真係會透光？ 講到Caudalie嘅亮白精華，好多人都話佢係「平民版小燈泡」。今次就同大家簡單講下用後感！ ✨ 質地同氣味： · 質地係乳白色乳液狀，推開好水潤，吸收得快，唔黐立立。 · 有陣好天然嘅淡淡葡萄藤味，唔係人工香味，聞落好舒服。 💡 用後效果： · 保濕度不錯，就算係混合肌，用完都唔會覺得油膩或者乾。 · 用咗大約兩三個星期，會覺得塊面冇咁暗沉，尤其係嘴角、鼻翼呢啲位，膚色均勻咗少少。 · 淡斑效果唔算好明顯，但整體提亮同去黃氣就真係有料到，皮膚望落去會「透光」啲。 ⚠️ 注意位： · 如果你係極敏感肌，最好耳背試咗先，雖然成份天然，但都有少少酸類成份。 · 想效果明顯，一定要夠量同持之以恆，同埋日頭一定要搽防曬！ ✅ 總結： 性價比高，溫和提亮效果唔錯，適合想均勻膚色、去黃氣嘅人。如果想要強效淡斑，就可能要疊加其他產品。整體來講，係一支穩陣唔伏嘅入門亮白精華！

Fng好用推薦：Decorté 「小紫瓶」Moisture Liposome｜ 混合偏乾肌嘅「萬能水前導」！ 黛珂呢支「小紫瓶」精華（$800+中高價位）真係紅到發紫，成日話係「保濕界天花板」，究竟係咪真係咁誇張？ 質地與膚感：👍👍👍👍 (零負擔享受) 一泵出嚟係半透明凝露狀，推開那刻真係有驚喜——秒速吸收，好似幫皮膚飲咗杯冰水咁爽！完成後係啞緻水潤感，完全冇黏膩，後續擦乜都唔搓泥，夏天用真係感動到喊！ 黑科技解密： •多重層微脂囊體：將保濕成分打包成納米級，直送肌底 •白樺樹汁：天然補水大王，敏感肌都安心 同貴婦級The Ginza能量水比，黛珂性價比贏晒；同平價版Aqualabel比，就知咩叫「技術差距」！ 真實效果：💦 (保濕力驚人) 用咗一星期，最明顯係朝早起身塊面仲係水潤嘅，冇平時咁「扯住」！上妝貼服度升呢，鼻翼同眼底唔再瘋狂卡粉。不過要提提，佢真係純補水精華，唔好期望佢會幫你美白抗老呀！ 使用神技： 1. 「潔面後第一步」：化妝水前用，吸收力開到最大 2. 「三泵定律」：面+頸要用足三泵，少咗冇效果 3. 「面膜前打底」：敷面膜前薄擦一層，保濕力即時x2！ 溫馨提示： ✨油肌姊

Noel好用推薦：一直很想試用這枝 Decorte 皇牌產品，Liposome 肌底液，後來購買了不少品牌的化妝品，櫃姐送了很多禮物呢💕 Liposome 呈透明無色，流動性高，容易推到全面。由於產品很易吸收，所以我會不自覺地塗完一層又再一層❣ 對乾性皮膚而言，春夏季使用真的 ok，滋潤皮膚又不黏膩，用完韓式導入機，再用Liposome 感覺好舒緩 💜 皮膚吸收了精華後，變得柔軟＋嫩滑👍不過，冬天使用就會稍後不夠補濕了～

Emily Leung好用推薦：【皮膚救星！✔️一按搞掂泛紅敏感！】 有冇人明每次生理期塊面就紅敏嘅痛苦！！！ M期荷爾蒙搞到個人超敏感 唔生性塊面一捽落去粗過砂紙 搞到個人勁焦慮啊啊啊😭 之前一直用開佢支靈芝水 敷面退紅滅痘真係無得輸 今次入手靈芝精華更加冇令我失望 ✔️抗紅敏鐵三角 赤靈芝+白樺茸+甘草根 組成抗紅敏鐵三角戰隊 3大路線打殘紅敏因子 由根源撲滅泛紅 抑制紅敏出現👍 ✔️獨家仿生屏障科技 又修到屏障又減低敏感 先幫皮膚補窿補罅 再起返座城堡幫塊面擋走外來刺激💪 佢係液體繃帶精華乳質地，真係好特別！ 搽上塊面好似貼多層皮 無形中形成咗層隱形修護膜 雖然成膜但係完全冇黏笠悶熱感✨ 而家經期皮膚敏感泛紅終於有解！ 平時夜晚護膚我都用佢 塊面只要稍微唔聽話好快就鎮壓返 第二朝起身塊面水嫩嫩💦 用多排之後發現 皮膚狀態定過枱腳！！

Catherine 好用推薦：朋友介紹購買，用過之後，自己都覺得幾好用，皮膚有改善，有變白滑，沒有過敏

Poyobb好用推薦：冬季護膚❄️ 我同Estée Lauder 護膚品唔係樣樣夾，小棕瓶只會喺冬天化妝之前用個效果喺我面上最好。 即使冬天，化妝之前我都唔鍾意用過分滋潤嘅面霜，所以好多時候都會用精華水+小棕瓶作為妝前護膚，同時我用嘅base都係保濕類，咁樣成個底妝就俾我最舒服嘅感覺。 喺化妝之前用小棕瓶皮膚冇出錯，亦都唔會因為過分滋潤而出暗粒，小棕瓶大概用半泵份量就可以全面推開，而且佢嘅質地有少少修飾毛孔，半啞光質感質感，用完之後上嘅base同粉底液都好貼服。而且上妝皮膚都唔會好容易乾燥。 小tips，小棕瓶可以加入foundation增加滋潤度，不過就會減低遮瑕度，所以我真係鍾意化妝之前用佢🥰

Emily Leung好用推薦：Estee Lauder小棕瓶｜萬年回購的熬夜救星！ 琥珀質地清爽水潤，上臉輕輕一推就化開了絲毫不粘膩 第二天起床臉蛋像是按了重啓鍵一樣的透亮！完全不像前一晚上熬了大夜的肌膚！ 它的核心成分律波肽成分真的很厉害，就像是會給細胞定上精准鬧鐘！哪怕我晚上幾點睡都能按時開啓夜間抗老模式，把熬夜帶來的泛紅和乾燥都一點點壓下去！ 堅持用一段時間下來，整張臉透出的光是從肌底里滲出來的嫩！毛孔細膩到隱形！就連難搞的頑固紋也肉眼可見的淡化了不少！ 就算是敏敏肌也可以放心使用！有它在真的是只有越熬越年輕的感覺

applepie好用推薦：官網買嘅試用套裝其中一枝，唧出嚟有淡淡人蔘香，搽上面配合埋按摩可以促進精華發揮其緊致功效！用咗一段時間，覺得面部肌膚比之前緊致了，遲啲會回購大size💕

Fng好用推薦：朝早塊面暗啞，搽咗之後明顯去黃， 清爽又夠 保濕 同埋令到肌膚穩定，朝早我用唔會同底妝打交。