Cole Cole 好用推薦：個人覺得一半一半，秋冬天氣乾燥時用非常好，好保濕，都唔覺得黐立立，但係如果夏天用，就算開冷氣，都會覺得好油膩，黏黏地，可能防止水份被吸乾，所以有少少保濕的作用，但係並非皮膚深層保濕嘅感覺。用完唔打算再買。

robinsbk好用推薦：見到呢隻sleeping mask評價咁差好想幫佢平反下🥲不過我都明skin care啱唔啱同效用呢啲真係好因人而異 Kiehl’s呢隻sleeping mask我係由2018年開始用，一直回購到而家！急救一流！懶人必備！已經用咗4-5晏🥹 首先講下我膚質：大乾肌！有時係乾到連夏天夜晚敷完mask起身都會甩皮嗰隻乾 我記得第一次用佢，一上面吉到傻以為係敏感，但因為我試過之前好乾嗰陣一搽好保濕嘅嘢都會吉吉哋，咁我就照俾啲時間佢，過咗陣就無咁吉。用咗幾年之後，間唔中一搽都會有好輕微嘅吉吉哋，但就覺得佢係好急救地pump水落我皮膚底層咁🥹 同埋一開頭我都唔識敷sleeping mask，起身嗰陣痴到個枕頭啊頭髮啊周圍都係🤣跟住我上網睇人哋點用，咁所以之後我每次用就會咁：沖完涼➡️Toner➡️厚敷呢隻sleeping mask同時輕輕打圈幫助吸收➡️敷到我臨瞓嗰刻用紙巾輕輕印走多餘嘅product(如果都係驚整污糟可以用紙巾隔住塊面同個枕頭嚟側瞓🤣)➡️第二朝用水洗走就會feel到好保濕好滑！最重要係懶人必備 夜晚可以skip走哂其他skincare routine🤣但唔可以日日都咁，一

Kura好用推薦：呢款妝前打底幫助到我每日都可以快速上妝，我用嘅顏色係rose，可以提亮同埋均勻返我嘅膚色，令到冇咁暗啞，搽上臉質地透薄，容易推開，用完之後就可以用碎粉定妝就可以出門，令到我全日都氣色唔錯，同埋有40度嘅防曬度數，啱曬我日常返工出街嘅需求，係我今個夏天最鍾意嘅妝前打底 @cosme #妝前打底 #妝前打底

Fng好用推薦：容易推匀又唔會笠，適合夏天使用，同埋spf 40+++，感覺戶外活動用此打底也可以。

Kura好用推薦：秋天轉季用呢款保濕液係一流，質地係偏濃稠，所以保濕鎖水程度好高，就算係搽係手推開都feel到佢好滋潤，保濕液係偏厚身嘅cream，延展性唔算好高，但都算易吸收，無香味無酒精呢一點值得加分，價錢唔算貴，所以cp值好高，係秋天季節值得入手嘅單品，用完唔會過敏，用完呢款保濕液後續上妝都好貼服，非常唔錯，產地係韓國 @cosme #cosme #秋冬保濕

Yoyo Sin好用推薦：超啱夏天用嘅保濕乳液😍 質地偏輕身 水潤易推開 平時係手心乳化完再上臉好快吸收👏🏻 無殘留感 岩曬中意清爽感覺既朋友🥰 用完唔會黐笠笠👍🏻超加分 夏天悶熱時搽完佢心情都好左🤣 完全解決左夏天唔鍾意搽乳霜嘅問題💯👏🏻 保濕力都好足夠 而冬天亁到甩皮個陣就會厚厚地查一層 即時令皮膚變得水潤☺️ 日常搽完精華之後會用佢當乳液鎖水，鎖水力都足夠應付到冬天 雖然聞落有少少香精味 但我係半敏感肌用左差唔多成支sample都無試過敏感 極度敏感肌可能要試吓～ 總括嚟講個人覺得係非常適合夏天嘅一支保濕乳液 😆 今年夏天絕對會買返支看門口 ～ 是不錯的保濕好物呢❤️

Rinka好用推薦：目前用完兩盒，質地像雪糕一樣軟軟的 敷上面的時候，有一陣陣果香 購買時，店員說過敷完的時候會有一點點乾的感覺，使用時的確有這感覺，但也正如店員所說一樣，洗乾淨之後就不會有乾的感覺 這款面膜最大的好處是，敷完後馬上見到皮膚有光澤感，明顯透亮 不過店員說，如果追求美白效果，檸檬那一款會比較好，下一次打算買檸檬試一試再作比較 整體而言也很推薦這款藍莓面膜

glo0_0好用推薦：Lush 嘅新鮮面膜每盒細細盒，可以保持用最優質嘅產品，呢個概念好好，唔洗皮膚接觸太多防腐劑同化學物質。藍莓面膜有好天然嘅果香，敷上面上有啲凍不過都好快適應到，但停留嘅時間好短，面膜乾得好快，如果鐘意享受敷mask休息嘅朋友就要留意一下。清洗都不難，敷完即刻亮白左。

Hamiii好用推薦：另一款鐘意既crabtree handcream味 薰衣草味好香😌，唔會好人工，滋潤度幾好，好值得回購既一款😌 都係個句啦… 如果帶出街放袋記得盡快用/俾d protection, 樽身真係好易穿🥲

iliya 好用推薦：呢支潤手霜係好濃烈嘅薰衣草味，令人好relax~滋潤雙手而又可以心情舒暢🥰

Tobimak好用推薦：我塊面本身暗瘡印較多，但一直都好想搵到可以快速上底妝的方法。一直身邊朋友都話NARS既粉底液好好用，所以我就去左專門店試。sales姐姐強調話呢盒並不是bb cream，只係以cusion方式上妝既粉底液。 咁啱買既時候有特別版既粉盒賣，所以我粉盒係白色既😚 開頭用既時候較難拿捏份量，好易上多左變厚粉，但之後用慣咗就冇呢個問題。 呢隻粉底遮瑕度都夠，剛上完妝既時候真係好靚好自然，不過對我黎講就last得唔耐就會有溶妝情況。

Ivonne好用推薦：遮瑕力度夠, 滋潤度都ok，少量已經夠用一次 但對於我就需要定妝先hold得耐

royu3好用推薦：雪花秀一直是我愛用的護膚品牌，標誌性的天然人蔘香氣非常療癒。 新包裝換成了泵裝，比之前倒出來更方便。質感比一般乳液潤一點，流動性不高， 但意外地很好吸收，用量很少就能塗滿全臉，而且能有效即時紓緩肌膚的繃緊感。 對於混合/ 偏油的肌膚來說，這個滋潤度可能較適合用於秋冬。 但乾肌的我，覺得用在春夏剛剛好！ 價格方面，單獨購或許比較貴，建議套裝購入。 而且配合同系列產品及潤燥精華使用，會有加乘效果喔👍🏻

葉子🍃好用推薦：一打開係好標誌性既草藥味，我自己幾喜歡個味道，之前一套裝買，油肌秋冬季用就好適合，因為雪花秀面霜既滋潤力都好足，日日用容易會爆瘡，但呢款滋陰乳液係唔笠，補水修護既，滋潤度剛剛好，乳液質地好易推、快吸收，無殘留感，同埋即時已經感覺到皮膚軟身咗，有彈性，光澤感提升，用左一排好似美肌左，皮膚有平滑到，新裝瓶口泵裝更方便，覺得性價比不錯，會再購入 #我的崇光感謝祭必買乳液

Becca好用推薦：喺online store promotion period 買其他嘢送左一小盒試用裝嘅眼霜 見好多YouTuber 都力推，本身對呢隻眼霜有啲期望 質地比cream更稠些，吸收都好快，但吸收完感覺保濕力似陣風一樣冇左 用左兩星期感覺保濕度完全唔夠，本身右眼有一條比較明顯嘅紋，完左呢隻眼霜後感覺因為唔夠保濕令條紋更明顯… 本身用緊shiseido 紅瓶嗰隻眼霜，用左fresh 兩星期再用返shiseido 就睇到明顯分別，應該唔會再用呢隻眼霜

Winnie好用推薦：fresh送的sample, 質地易推易吸收，但可惜不見有任何功效，連最基本的保濕也見不到，好彩香味算討好。fresh價格不低，所以CP值不高。

diegolam好用推薦：very good, its super moisturising and not at all sticky, and it will easily absorb into my skin. i have tried so many hand cream but this is by far my favourite. the smell is pleasant too, and i hope there is a large one so i can use it longer

takemyokane好用推薦：每次用都覺得像芒果乾的味道😹不是甜甜水果味而是很天然的味道，喜歡。質地看似杰身，其實很易推又滋潤。也喜歡油份不會太重，洗手時只沖水也能洗乾淨，但有可能對乾性皮膚不夠滋潤。

劉肥貓好用推薦：佢嘅質地比較 傑同厚 但用上面 就非常之清爽舒服 吸收快 唔怕敏感

格仔餅公主好用推薦：唔會痴痴笠笠，用完有即刻保濕既感覺，夠哂秋冬用都完全okay，用黎間唔中濕敷都係good choice，乾肌或者混油肌都岩用