毛孔 推薦好用產品

JZ好用推薦：溫和A醇精華，長期用有效美白祛皺，因濃度較低不太會造成過敏反應

Emily Leung好用推薦：Sofina iP美活能量肌密化妝水測評：貴得有道理？ 各位姊妹，今次同大家分享Sofina iP系列支皇牌化妝水！專櫃姐姐話佢唔單止保濕，仲可以改善肌底、抗初老，聽到我心郁郁，用咗大半支之後同大家分享真感受！ 質地同氣味： 倒出嚟係偏濃稠嘅透明質地，有啲似精華水，推開之後好快吸收，唔會黏立立。味道係淡淡花香，好優雅，有種高級護膚品嘅感覺。 保濕度： 呢支嘅保濕力真係要讚！我係混合肌，兩邊面頰成日甩皮，用咗之後明顯覺得皮膚飲飽水，摸落去好軟滑。特別係妝前用，之後上粉底真係貼服好多，冇再起乾紋。 溫和度： 我皮膚有啲敏感，但用呢支完全冇泛紅或者痕癢，幾溫和。不過如果你係極敏感肌，都係建議耳背試咗先。 效果： 用咗大半支，最明顯係皮膚冇之前咁易乾，同埋膚色睇落均勻咗少少。至於抗老同收細毛孔呢啲功效，就未算好明顯，可能要再用耐啲先見到效果。 有咩缺點： 價錢真係唔平！而且用量都幾快，如果早晚用，大概兩個月左右就用到七七八八。同埋夏天用可能對油性皮膚嚟講有啲潤，要減少量。 總評： Sofina iP呢支化妝水保濕力真係出色，特別適合乾性同混合肌，或者開始想抗初老嘅姊妹。雖然價錢有

mandy好用推薦：Sofina IP Treatment Lotion 角質層修護凝露 $180 / 160ml 功效: 保濕鎖水+修護角質層 角質層修護凝露以保濕成分為主，可以為肌膚補濕， 從而令肌膚更水潤飽滿，並可減少毛孔。 質地水潤，觸感清爽，不是那種黏稠豐潤的化妝水， 一年四季都可使用，油性肌也適用。 有效為肌膚去角質，令肌膚變得更加潔淨亮白， 而用完化妝棉上會有污跡，那就是去掉老癈角質層的証據。 由於成分簡單溫和，不含酒精及色素，敏感肌也可以使用。 含保濕成分: 甘油, 雙丙甘醇, 二甘醇胍琥珀酸鹽, 脒基脯氨酸, 膽固醇, 玻尿酸鈉 及 丁二醇 抗衰老成分: 甘油, 膽固醇 及 玻尿酸鈉 鎮靜消炎成分: 琥珀酸 及 玻尿酸鈉 抗痘成分: 琥珀酸 抗氧化成分: 玻尿酸鈉

Tobimak好用推薦：#火熱新品 呢枝精華水拍咗上面之後真係吸收得好快，開頭一打開嘅時候聞到好大浸花香，都會有啲驚敏感肌唔啱用，但最後冇事。我嘅用法就係將佢入落小噴壺，之後噴上面兩三下，用完之後我覺得佢好保濕，同埋好似有啲白左。

Vivian好用推薦：感謝 @cosme 邀請我試用「Decorte 第8代新升級 WHITELOGIST「麴酸」速效美白精華面膜」。作為一名混合性偏乾的肌膚擁有者，我一直在努力改善皮膚的色素及暗沉問題。收到這款試用產品的時候正值1月的冬天，這讓我更加期待它的表現。現在就來分享我的使用心得。1. 精華液質地 這款精華液的質地真的是非常輕盈，讓我倍感驚喜。它潤而不膩的特性非常符合我的膚質，使用後不會感到油膩，相反，肌膚在塗抹後感覺非常清爽。它的延展性也非常高，輕輕一推就能均勻地覆蓋整個臉部，無需過多的用量。此外，精華液的吸收速度很快，幾乎在塗上後不久就完全被肌膚吸收，這讓日常護膚流程更加便捷。 2. 面膜紙設計 面膜的設計十分貼心，紙質厚實且貼服，能緊密貼合面部。我特別喜歡它的剪裁，能夠有效覆蓋到下巴和鼻翼等較難照顧到的部位。這樣的設計不僅提高了精華的滲透效率，更讓我的使用過程變得更加舒適。面膜上所殘留的精華在使用後不浪費，能隨之輕輕按摩至全臉，讓整個護膚過程更加完美。 3. 即時效果 在使用前，皮膚可見出現膚色不均、暗沉、泛黃以及黑色素沉澱等問題，如暗瘡印等。在第一次使用後，我的肌膚立即展現出澄澈透明的感覺

Bchonfrise 好用推薦：好開心😆抽中咗@cosme 今次Decorte嘅試用！本身已經有用開佢嘅基礎線護膚品同化妝品，都好鍾意！ 今次係第一次試佢哋嘅面膜，面膜紙嘅設計係一般日系面膜嘅質地，比較厚少少，但係相比起其他品牌嘅面膜紙，我覺得Decorte呢款比較透氣少少，都比較貼合面部，以入面嘅精華液都好多，除咗倒落塊面膜到，更加可以輕搽關節位！入面既精華潤而不膩，保濕度都好高！因為自己有濕疹同玫瑰座瘡，好驚會敏感，所以一路都唔敢試美白產品，驚刺激到皮膚。但今次Decorte的WHITELOGIST「麴酸」速效美白精華面膜冇令到我敏感，即時敷完皮膚明顯透亮好多！冇咗陣黃氣，好有透明感，亦都變得更有光澤✨毛孔亦都明顯細緻好多！一般用坊間既美白面膜，我都會覺得不夠補濕，但今次敷完既 水潤亮白透明感都可以持續去到第二日！第二日起身個人感覺黃氣都冇咁重！個妝都貼服啲！❤️ 自己今次試用時間揀係打完激光之後三天左右，面膜冇令到脆弱既皮膚產生敏感，敷完面膜好似令到美容療程既效果更加持久，個種透亮既感覺都更勁！總括而言，係勁鐘意Decorte呢個面膜！如果有機會係一定會回購呀❤️❤️

維他他好用推薦：Biore出咗支新嘅噴霧式卸妝，幾新穎嘅卸妝方法，試試佢 呢支卸妝噴霧，每次卸妝大概都要噴10下以上，先會足夠可以卸乾淨全面嘅妝容，清潔力非常強勁，簡單易用，比起卸妝油會稀少少，但係比起卸妝水又會強勁少少，卸妝效果非常不錯，好乾淨，卸普通防曬一定冇問題，其實連眼妝胭脂呢啲都可以清潔得一乾二淨，重點係洗完之後，塊面一啲都唔乾燥，呢一點幾好，價錢大概$100一支，有120毫升，貴唔貴就見仁見智，但係效果真係幾好，會推薦俾朋友使用 #火熱新品

Ming好用推薦：#火熱新品 最近見到各大媒體都有報道呢支卸妝油，好多用家都認同卸妝能力好高，性價比非常高。 用咗之後呢支卸妝油嘅卸妝能力真係好好，無論係直接噴喺面上面又好，或者噴喺棉花上面抹又好，都可以輕鬆卸妝，有啲好難卸嘅睫毛液，眼線亦都好容易卸到，而且唔需要係咁捽塊面，卸完之後塊面唔會好繃緊，雖然都要再洗多次面，但係唔會咁乾燥，都試過喺沖涼嘅時候用，可以同一時間卸妝洗面都冇問題。就呢個牌子嚟講，呢款嘅卸妝油卸妝能力已經有好大嘅進步。。

chewyfruit好用推薦：Eve Lom 經典急救面膜測評 首先講下質地，佢係灰白色的泥狀，帶有明顯的樟腦味道，唔係人造香味，感覺好清新提神。入面仲有啲細細粒的杏仁粒，用嚟溫和去角質。 用法方面，洗完面薄薄敷一層就得。如果皮膚好缺水，一開始可能會少少刺刺地，但好快會消失。敷大約 10-15分鐘，面膜乾咗之後，就可以用溫水打圈按摩，啲杏仁粒會幫手帶走死皮同黑頭。官方建議用佢嘅「瑪姿林布」沾溫水抹乾淨，效果會更好。 用後感分享：洗完塊面即時好乾淨、好透氣，完全唔繃緊。佢嘅強項係急救暗粒、痘痘同去水腫，有助舒緩紅腫敏感，毛孔睇落都乾淨晒。如果你膚質偏乾或敏感，建議每星期用1次就夠，集中敷T字位；油性或混合肌就可以用2-3次。 總結一下： 👍 優點：清潔力強、急救去水腫暗瘡一流、用完有提亮感。 👎 注意：樟腦味唔係人人鍾意、質地易乾同分層（用前要攪拌）、價錢偏貴。 總括嚟講，如果你成日有暗粒、水腫，或者想搵一款強勁深清面膜，Eve Lom 係一個幾好的選擇，一大罐可以用好耐。

Yuki好用推薦：見網上介紹係全能面膜就入手左 買左已經一段時間 只係用左大概一半最後放到面膜都乾乾地 閒置主因係陣味唔好聞 係好濃烈嘅樟腦味 一路敷住聞到好頭痛 就算過完水陣味都會殘留面膜質地好厚係泥狀嘅mask 有杏仁研磨顆粒可以去角質要俾d時間慢慢推開敷到一定厚度 太薄會好易乾哂 敷左唔夠10分鐘已經乾到裂所以自己每次最多只會敷10分鐘 另外面膜比較難清洗 係清洗過程好易拉扯到皮膚 自己用完覺得有白淨左 但皮膚同時覺得乾左 感覺似做左次深層清潔 可能面膜比較適合油肌用 對於乾肌泥講用落冇咩功效 之後應該唔會再回購喇

Eun H好用推薦：使用了 Helena Rubinstein 黑繃帶面霜 一段時間，質地偏滋潤但延展性很好。皮膚乾燥或狀態不穩定時用，修護和舒緩感覺不錯，第二天皮膚會比較柔軟穩定。不過對我來說稍微有點厚重，建議少量使用或晚上用會更合適。整體是一款修護力不錯的面霜。

Kmggigi好用推薦：HR Replasty 修復晚霜 — 高效修復，減淡泛紅細紋✨ 效果: 呢款晚霜嘅修復效果非常顯著， 使用後可以有效抑制泛紅同減淡細紋， 尤其適合需要修護嘅脆弱肌膚，幫助重建健康膚質。 雖然晚霜本身滋潤度唔錯， 但對於乾肌用家，如果皮膚屏障唔算好強， 建議搭配保濕精華一齊使用， 可以進一步改善乾燥問題，令修復效果更加全面。 總結：修復力一流，脆弱肌膚的完美選擇 HR Replasty 修復晚霜以強效修復力見稱， 能有效舒緩泛紅同減淡紋路， 對於需要修護嘅肌膚非常適合。 如果你係乾肌，用前搭配精華使用， 就可以更好發揮晚霜嘅修復力量，絕對值得一試！

Blooming好用推薦：是啫喱質地的面霜，比起其他啫喱質地嘅面霜，這個面霜保濕度做得出色。喺春夏天用，好易推開、好快吸收。推薦！

Anna好用推薦：粉紅爆水啫喱呢個產品好好用，︀使用之後好滋潤、好清爽，︀原本肌膚乾燥嘅我，︀唔再乾燥，︀有種水嫩嫩嘅感覺，︀持續時間又好長，︀唔需要清洗，︀方便易用，︀用咗唔夠一星期，︀效果就超級明顯，可發揮長達100小時超長效的保濕功能。

Fng好用推薦：CeraVe 清爽泡沫潔膚露 CeraVe 清爽泡沫潔膚露（Foaming Cleanser）係一支專為「中性至油性肌」設計嘅弱酸性潔面，主打清潔力夠之餘，又唔破壞皮膚屏障，用法同感受都幾簡單直接。 💟 產品重點（成份／功效） - 主要適合：中性、混合偏油、油性肌，如果你係成熟偏乾肌，就要小心用或只限夏天。 - 成份重點： - 3 種 Ceramides 神經醯胺，幫皮膚維持屏障。 - 透明質酸，提供基本保濕。 - Niacinamide（煙醯胺）有助舒緩、輕微調理油脂。 - 特點： - 無香料、弱酸性（約 pH 5.7），敏感肌一般都可以試（但非常乾或極敏感要先做局部測試）。 - 可用於面部同身體，一支可以當洗面＋沐浴露用，CP 值高。 💟質地同清潔力 - 泡沫：凝露質地，加水後易起細緻泡泡，沖洗得好快、唔痴面。 - 清潔力： - 洗得好乾淨、去油力幾強，夏天、運動後用會特別舒服。 - T 字位唔易再好快出油，洗完係「舒服嘅乾爽」，唔係滑到好似洗唔乾淨。 💟乾不乾？適合邊種膚質？ - 混合肌用家： - 正

Mei_pk好用推薦：這款洗面奶，適合敏感肌，潔淨力ok，但是我個人比較喜歡用藍色的水楊酸。

mandy好用推薦：Caudalie Vinoperfect 葡萄蔓極緻亮白系列 葡萄蔓極緻淡斑亮白精華 Vinoperfect Brightening Dark Spot Serum $710/ 50ml 在整個Vinoperfect系列中，我最喜歡極緻亮白去角質泡沫、極緻亮白精華露及葡萄蔓極緻淡斑亮白精華。由於我在夏季也常走路，所以曬黑了好多，於是我在秋冬季的早上都會用葡萄蔓極緻淡斑亮白精華，努力用了1個月左右，肌膚開始變白淨。因此，我很推薦大家用Caudalie家的葡萄蔓極緻淡斑亮白精華。 葡萄蔓極緻淡斑亮白精華的質地柔滑好推，延展性很好。不過由於已踏入極乾燥的冬季，我會覺得葡萄蔓極緻淡斑亮白精華的質地太水感清爽了，所以混合保濕精華一起使用，令肌膚可以美白保濕並存。 成分方面添加了少量美肌成分，以保濕成分、抗衰老成分及抗氧化等成分為主，美白方面則以專利成份Viniferine葡萄藤萃取液為主。 葡萄蔓極緻淡斑亮白精華的價位是設定在中高價，大家可以留意Sogo Thankful Week 期間的特價套裝及打折優惠，會比平日抵買(有時facial也有特價的～)。 注：部分Cauda

YYeman好用推薦：Caudalie亮白精華：皮膚真係會透光？ 講到Caudalie嘅亮白精華，好多人都話佢係「平民版小燈泡」。今次就同大家簡單講下用後感！ ✨ 質地同氣味： · 質地係乳白色乳液狀，推開好水潤，吸收得快，唔黐立立。 · 有陣好天然嘅淡淡葡萄藤味，唔係人工香味，聞落好舒服。 💡 用後效果： · 保濕度不錯，就算係混合肌，用完都唔會覺得油膩或者乾。 · 用咗大約兩三個星期，會覺得塊面冇咁暗沉，尤其係嘴角、鼻翼呢啲位，膚色均勻咗少少。 · 淡斑效果唔算好明顯，但整體提亮同去黃氣就真係有料到，皮膚望落去會「透光」啲。 ⚠️ 注意位： · 如果你係極敏感肌，最好耳背試咗先，雖然成份天然，但都有少少酸類成份。 · 想效果明顯，一定要夠量同持之以恆，同埋日頭一定要搽防曬！ ✅ 總結： 性價比高，溫和提亮效果唔錯，適合想均勻膚色、去黃氣嘅人。如果想要強效淡斑，就可能要疊加其他產品。整體來講，係一支穩陣唔伏嘅入門亮白精華！

mandy好用推薦：CANVAS ROSE OTTO Multi-intensive HydraEssence Mask 玫瑰高效保濕精華面膜 $425/ 5pcs (after deducting $200 coupon from CANVAS+ $50 coupon from Sogo, paid $175 finally) 玫瑰高效保濕精華面膜是我挺喜歡的急救面膜， 但礙於貴婦價格實在不易入手，只能在特價時才入手。 玫瑰高效保濕精華面膜蘊含眾多護膚成分， 包括: 保濕/抗氧化/美白等成分。 功效: 保濕+提亮+緊緻 面膜厚薄適中，不易撕破，尺寸比我面型大少少。 注: BA建議敷面膜的時間可以延長至20-30分鐘， 因為面膜去到30分鐘都未變乾。 敷面膜時有面部正在收緊的感覺。 玫瑰高效保濕精華面膜精華量充足，保濕力非常好， 帶迷人玫瑰香味，令人心情很放鬆。 使用後肌膚水嫩動人，面部散發出美麗的自然光澤， 並能即時趕走暗啞倦容。 肌膚很乾燥暗啞時，一定要敷玫瑰高效保濕精華 面膜，馬上急救肌膚。此外，如果是重要日子前， 可以連敷面膜2-3天，加強急救效果。 含保濕成分: 甘油, 甜菜鹼

維他他好用推薦：Canvas呢塊玫瑰高效保濕面膜真係名副其實，撕開包裝，已經有好香嘅玫瑰味道，聞到好舒服。面膜size足夠大，可以cover成塊面，面膜有好多精華，佢啲精華已經滲透咗喺塊面膜入面，拎出嚟唔會滴水，敷上面之後，覺得好Rich嘅感覺，剪裁方面，佢嘅眼耳口鼻位置都好貼合，尺寸適合，敷完15分鐘之後，拎走塊面膜，覺得好多精華留喺塊面度，係黐立立嘅，佢唔會乾得好快，證明佢真係好多精華，係好用嘅，當然價錢方面亦都會貴返少少，大家不妨試吓

Paris merci 好用推薦：NIVEA 舒敏修護雙管精萃凝乳用軟管裝，透明 包裝，感覺比其他支裝body lotion高質，而且價錢都貴少少，一支賣$13x。手上呢款係舒敏修護雙管精萃凝乳，舒敏修護款有專利成份Symsitive，主要舒緩乾燥、敏感、泛紅同埋癢嘅問題。 軟精水凝乳有兩層成份，外面透明係修護精華液，入邊白色係舒敏精華液，一按就兩種成份就會一齊出嚟。包裝背面有個手指模位，好清楚話你知邊個位咁精華出嚟係最適合。但如果用到未知出嚟就會唔平均，好似我第三張圖一樣。 精華質地清爽，吸收快，無任何黏立感。夏天用完非常舒適。用完之後，感覺皮膚充滿水分，仲有光澤，就算皮膚有啲敏感，都唔使擔心，可以安心用。用佢俾用膠罐裝各種蘆薈啫喱更有舒緩作用💕

Kelvin好用推薦：內外管設計好得意，透明加白色啫喱。即使係啫喱狀凝乳，呢支係敏感肌都適用👶🏻 好易吸收，全身都好舒服，一啲都唔黏笠。沖完涼茶身開冷氣有冰涼感💨香香地幾好聞👻夏天好怕搽一啲黏立咁重嘅lotion ，呢支保濕得來又清爽，仲要搽上身之後皮膚快速吸收，正👍🏻 睇起來水潤、有光澤，皮膚水潤自帶透明感😍 不過就得200 mL ，加上啫喱質地容量較多，比其他潤膚乳份量就少咗啲😬

Kitty 好用推薦：呢款經典面霜質地係豐潤嘅霜狀，要係掌心搓揉乳化㗎！我通常加爽膚水搓到變半透明再輕輕印上塊面，一掂到皮膚就知唔同啲～即刻有種被滋養嘅感覺，但完全唔黐立立👌 💧水潤保濕度真係無得彈！ 朝早瞓醒摸落去依然軟嫩，好似有一層保護膜鎖住水份。以前轉季鼻翼會甩皮，今年居然平安過渡，妝容都貼服好多！ 緊緻效果呢，就真係要讚👍 我本身有少少baby fat，易浮腫，輪廓唔算好明顯。連續用咗幾星期，發現下巴同顴骨位有種被托住嘅感覺，睇落線條精神咗！唔係即時變V面嗰種，而係皮膚好似實淨咗、有彈性咗，搽嘅時候順便按摩埋頸部，連頸紋都覺得淺色少少～ 最驚喜係修復力！ 有一次敏感泛紅，厚敷一晚第二朝就退紅七八成，果然係急救面霜之王👑 皮膚狀態穩定咗，毛孔都感覺細緻d～ 雖然價錢真係肉赤，但對於需要修復、抗初老嘅乾肌/混合肌來說，確係值得投資。記住乳化步驟好關鍵，同埋晚間用效果最明顯～ 想皮膚有水潤光澤同緊緻感嘅朋友，可以試試佢！🌟

Sakura醬好用推薦：應該好多人跟風買咗呢款經典面霜，點知返到屋企一用：「就係咁？好厚身！好難推！仲有少少焗？」 但係對我嚟講，真係完全冇平價替代品，因為只要用啱方法，效果就好唔同！ 呢款面霜唔是求其搽吓就得，用啱咗就係「面霜之王」，用錯咗就真係「生暗瘡神器」… 佢個靈魂成分係【神奇活性精萃 Miracle Broth™】，對於乾肌同極乾肌嚟講就係本命面霜！秋冬救命神器！ 如果係敏感肌或者皮膚屏障受損，換季紅晒、做完果酸換膚、醫美後修復，佢就係定心丸！ 混合肌可以喺秋冬乾燥嘅時候用。 時間方面，就係早晚都用得，尤其係捱完夜急救，第二日塊面又軟又嫩！ 我覺得最緊要就係要乳化！乳化！乳化！ 呢步做唔到，幾千蚊嘅面霜效果直接打半折！ 1. 攞份量：用跟埋嘅小挖勺，攞一粒黃豆大小（千祈唔好貪多，如果唔係會好油！）。 2. 預熱：將面霜放喺掌心（或者手指頭）。 3. 乳化：雙手合十，用手掌嘅溫度輕輕搓揉，或者用手指頭打圈。 4. 觀察：直到白色嘅膏狀變成半透明嘅乳液質地，嗰陣「神奇活性精萃」就俾你喚醒咗啦 上面嘅手法係按壓，唔係塗抹！將乳化好嘅面霜，輕輕按壓喺成塊面度就得。

Also melon好用推薦：依款係Innisfree嘅A醇同積雪草精華，個名叫速效靜肌修復精華。A醇主打抗老去皺紋，不過A醇係一種比較刺激嘅成份，佢呢款精華特別地加入咗積雪草，積雪草可以舒緩皮膚，相對地成支精華會溫和返。用咗好耐都冇刺激痕癢止痛感👍🏻 倒出嚟會比較似保濕精華質，乳白色，流質好清爽，冇負擔。A醇對於有暗粒皮膚粗糙嘅皮膚更加適合，用咗一段時間，感覺皮膚係保濕咗，但對於收細毛孔或者去暗粒冇大作用。成支精華係比較屬於維持皮膚穩定，冇好強烈嘅變化。

Tszki好用推薦：innisfree 速效淨肌修復精華 質地輕薄、呈水潤乳狀，能迅速被肌膚吸收且不留黏膩感。 持續使用一段時間後，黑頭和粉刺有所減少，膚質變得更細緻平滑，且痘印有淡化跡象。 這款精華非常溫和，使用時不會產生明顯的刺痛、脫皮或紅腫現象。 ·含有透明質酸成分，被認為比一般 A 醇產品更具保濕感，適合日常保養。 

mandy好用推薦：Sulwhasoo First Care Activating Serum VI 雪花秀 潤燥再生精華(第六代) $630 / 60ml + 8ml x 8pcs (Black friday Sulwhasoo Online Shop promotion only) 不經不覺潤燥再生精華已經來到第六代啦～ 而我也是愈來愈喜歡使用潤燥再生精華， 昇級版的第六代潤燥再生精華比上一代更好用， 試用過就愛上，即時變成鐵粉了。 蘊含大量美肌成分，如：保濕成分、抗氧化、抗衰老及鎮靜消炎等成分。 潤燥再生精華(第六代)的質地非常水感清爽，適合不同膚質使用，延展性亦很好，可輕易在全面推開按摩，而且即時被肌膚吸收，完全沒有黏笠感。使用後，肌膚更加保濕水潤，而且膚況更穩定，並且具提亮功效。 含保濕成分: 丁二醇, 甜菜鹼, 雙-PEG-18 甲基醚二甲基矽烷, 黃芩根萃取, 乙基己基甘油, 角叉菜, 蜂蜜, 戊二醇, 生物糖膠-1, 丙二醇, 梅果萃取 及 氫化卵磷脂 抗氧化成分: 黃芩根萃取, 可哥萃取, 蜂蜜, 羥基積雪草甙, 地黃根萃取, 甘草酸鉀, 乙基維他命C, 牛磺酸

Chloeincosme好用推薦：🤍 質地同吸收度：4.5/5！雪花秀再生精華第6代延展性極高，少少夠搽全面，推開後好快被皮膚吸收，吸收後皮膚好水潤，摸落去又軟又滑！ 🤍 修復效果：5/5！用咗一段時間，覺得皮膚彈性同光澤感有明顯提升～原本暗沉同粗糙嘅位置變得細緻咗，膚質整體穩定好多，夜晚用第二朝起身塊面依然水潤飽滿✨ 🤍 晚間專用：4/5！由於精華營養豐富，同我嘅日間防曬/粉底有少少「打交」情況（容易搓泥），所以我會專登留喺夜晚用～咁樣反而更好發揮佢修復同滋潤效果！ 🤍 溫和度：5/5！成分溫和，敏感肌用都完全冇問題～淡淡嘅草本香味好療癒，用完覺得成個護膚過程好享受～ 總結： 雪花秀再生精華第6代絕對係夜間修護嘅高手！雖然唔太適合妝前使用，但夜晚用就可以享受佢帶來嘅彈性同光澤感😎🥹～持續使用真係會覺得膚質提升咗一個層次，已經成為我晚間必備嘅修護伴侶！推薦比乾肌、輕熟齡肌，或者追求修復同滋潤嘅你！

Candy Ng好用推薦：最喜歡用蜂蜜面膜就在自己係屋企，多手整黑頭、粉刺、暗瘡之後，臉仔開始泛紅及傷口，就用它。 大家會覺得那些對臉仔刺激之後的情況，會減少左。尤其係，如果正到有傷口及爆瘡，修復能力係會比起用其他成份的面膜，或者咩都吾用，來得快癒合的😊 我近日爆瘡，就隔日敷左它2次，我係見到瘡瘡位開始凋謝了💗😍 ⭐️好喜歡用完它之後，再用 AVÈNE 再生修護精華 + 極速舒敏修護霜，明顯著見到降紅能力顯著 

FishYu好用推薦：一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂 面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。 敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。 特價既時候買$90 12塊，性格比超高。同系列既金盞花面膜都好適合敏感泛紅個陣用。

Poyobb好用推薦：透明gel狀，滴管方便控制分量，茶完有少少黏立感，要俾少少時間等佢吸收，吸收用完好似變咗水光肌，水潤感強，有效減少乾燥引起既不適感 ，適合而家轉季天氣✨用完面部充滿水感，因為我混合性皮膚，即使上完toner+依支b5 serum，然後直接上base+粉底已經好足夠，冇咩出油，見得保濕力強💧 之前夏天嗰陣時候用皮膚好焗黏，而家天氣乾燥咗就適合喇 但留意返25年頭電視廣告話可以溝落foundation ，但我溝完之後上面再上碎粉就起擦膠碎，可能要睇咩粉底先可以溝🫠 始終純保濕精華市面有超多選擇，可以試吓啱唔啱質地先買🫶🏻

Tszki好用推薦：質地像啫哩般，極易被肌膚吸收且不黏膩。保濕度相當高，提供長達 48 小時的保濕效果。脫皮情況減少了以及降紅速度快明顯的即時舒緩效果。用了之後沒有產生敏感或刺激皮膚！

Tszki好用推薦：質地透明啫喱狀，潤而不黏膩，吸收快。「保濕神水」，適合醫美術後、敏感泛紅或缺水乾燥肌。感到肌膚修復，保水度很好，有鎖水功交令肌膚有種「水光肌」的光澤感。敏感肌也可以放心使用！

Kala好用推薦：我試用OLAY新生高效緊緻護膚霜，質地柔滑，易推開，塗後肌膚即時水潤有彈性。選用50g裝，適合乾性肌，保濕力強，不黏膩。用了兩週，細紋略減，膚質更平滑。價格親民，性價比高，但香味稍濃，敏感肌要先試用。整體滿意，值得一試。

Hoiyi好用推薦：保濕力強：質地豐潤但不油膩，能深入補水，讓肌膚看起來更飽滿、水潤、有光澤。 #面霜部門

Ressie14好用推薦：一唧出嚟，完全就係NIVEA一貫嘅香味， 皮膚手感比較滋潤，但同時間推開好快變得清爽。吸引我使用佢嘅最大原因係睇過佢嘅成份含有獨家研發嘅Luminous630，一種抑制黑色素形成嘅化學成份 — 「在皮膚和色斑變黑嘅過程中降低催化反應」，即係肌膚暴露喺紫外線下都有從體內嘅防禦屏障…. 有咗咁樣嘅解釋，令我對呢支美白精華相當有信心。 NIVEA老牌子，成份一直安全可靠，抗氧化提亮美白有感，淡斑方便還需時日等待看效果～ 仲要俾我遇見佢喺個人護理品牌店見到做特價 7 折，（原價$299 ）所以毫不猶豫用咗$21X 蚊買咗返去試 ，開心死我！

zetalhc好用推薦：美白同淡斑效果都好顯著，用嘅時候唔會覺得刺激皮膚，好容易推開同吸收