找產品
暗瘡痘痘 推薦好用產品
827 件
Tobimak好用推薦：我屬於敏感偏乾肌膚，對含果酸的產品一向有戒心，怕會刺激泛紅。但今次用左Benefit 的緊緻毛孔爽膚泡沫，竟然沒有敏感反應，真係有啲驚喜。 泡沫質地好輕盈，推開後好快吸收，唔會黏笠亦唔乾燥。我係早晚潔面後使用，感覺皮膚乾爽但唔繃緊，夏天用特別舒服。 鼻翼位置平時容易積黑頭，用咗幾日後，毛孔有收細左，黑頭亦冇咁明顯。妝前用一層，底妝貼服度明顯提升，唔易浮粉。 雖然佢有果酸成份，但我用後冇出現泛紅或刺痛，只係第一次用時面頰有好微弱嘅感覺，好似吉吉地咁，但之後就冇事。建議敏感肌可以先試局部，再配合保濕精華一齊用。 如果你都係怕果酸但又想改善毛孔問題，呢隻toner可以一試。
<看全文>Fish Tse好用推薦：除左另一款洗面啫喱狀既洗面之外，哩款洗面真係懶人既福音，一禁出黎就有好豐盈既泡沫可以直接上面洗唔洗好似其他咁要再加水先有泡出 哩款同另一款洗面都接近，都可以溫和咁去帶走面上既污糟野同油脂，好好咁清潔到肌膚
<看全文>
Desse好用推薦：喱款肌底液有著 小黑瓶 平替嘅美譽💓 當然要買嚟用吓啦 L’Oreal Paris 第三代青春密碼酵素精華肌底液 主要嘅成分有： •雙重酵母精華 : 提升肌膚修護力，強韌修護，柔化細紋 •S.F.E發酵精萃 : 有助擊退老化細胞，深入滋潤養護肌膚 •二裂酵母 : 強韌肌底，維穩修護 我就買咗8支 set 裝 用到最後兩支啦.. 大約用咗1個月左右 實測報告🧏🏻♀️🧏🏻♀️🧏🏻♀️ 💡雙酵素精華 強調修護及抗初老能力💪🏻 幫助提升肌底健康..增加彈性及水潤度 減淡細紋同皺紋 用咗一個月.. 眼尾嘅細紋有明顯嘅減淡 肌底膚色有變得清透 有效提升肌膚 #透明感 💡質地超水潤型 好容易吸收💪🏻 不會黏笠或起屑 各類膚質都適合..後續疊加其他護膚品不卡粉🧏🏻♀️ 💡保濕力好 膚質睇落即時變得飽滿有光澤 連續用咗一星期後.. 明顯見到膚況穩定咗 細紋又減淡咗😌 💡價錢親民，性價比高 平價小黑瓶..CP值高而且容易持續使用 🔔🔔🔔留意番 如果買支裝.. 記得擠得輕手啲.. 質地極水潤.. 需要嘅份量好少 小心浪費🔔 總結吓🧏🏻♀️🧏🏻♀️ Youth Code
<看全文>Fng好用推薦：L'Oréal 歐萊雅 青春密碼酵素精華肌底液用後感｜熟齡混合肌夏日開架打底王 歐萊雅呢支「黑樽」肌底液絕對係開架傳奇！核心成分二裂酵母發酵產物搭配酵素，溫和代謝老廢角質同時修護肌底，成分結構與貴價精華相近，但配方更注重清爽度，適合亞洲炎夏✨ 膚感實測： 水潤質地推開即吸收，滲透速度比OLAY青春密碼更快，用後皮膚軟嫩但表面零黏膩。熟齡混合偏乾肌夏天用完全無負擔，後續疊加防曬或粉底亦唔搓泥。 持久度比較： 保濕力約維持6小時（稍遜於SK-II神仙水），但維穩效果出色，持續使用兩週可見毛孔細緻、膚色勻淨。相比Innisfree綠茶籽精華（純保濕）或The Ordinary buffet（較黏膩），呢支平衡角質同抗老功能更全面。 夏日使用Tips： 冷氣房可拍兩層加強保濕，極潮濕日子單層已足夠。兩百幾蚊有30ml，性價比高到笑！ 推薦給：✔️ 追求平價酵母精華 ✔️ 怕厚重打底產品 ✔️ 夏日需要溫和煥膚+抗老二合一！
<看全文>
Myonlyone好用推薦：夏日熱辣辣，毛孔好似識呼吸咁，但塊面就焗到出油又泛紅。Nature Republic蘆薈gel（92% aloe vera soothing gel）可以話係我夏天嘅「看門口」必備，以下係真實用後感： 🧴 質地 & 觸感 一打開係清新嘅青瓜/蘆薈味（有人話似洗潔精，但我接受到）。啫喱狀，比一般嘅蘆薈gel稀身，一挖上手好快會「瓊」返少少，但推開嗰下勁水潤，完全唔笠。夏天用最正係可以雪凍佢，搽上面嗰下冰涼感直頭降咗幾度溫。 🌞 夏日實戰用法（3種） 1. 厚敷急救（曬後必做） 戶外活動完，塊面熱到辣辣哋，即刻厚敷一層喺面同頸（大約2-3mm厚），等10分鐘再按摩吸收。褪紅效果顯著，就算冇甩皮，都會減少第二日變「燒豬」嘅機會。記住：放雪櫃效果加倍。 2. 混合粉底（變水光肌） 夏天用控油粉底太乾？唧一滴蘆薈gel溝落粉底液，即時變水潤薄貼，仲減低卡粉情況，妝感輕過羽毛。 3. 當補濕 toner 或 頸膜 沖涼後趁皮膚微濕，搽一層當導入精華，再用濕化妝棉敷頸，平靚正，唔心痛。 ⚠️ 缺點 · 酒精感明顯，如果敏感肌或爆瘡期，搽上去會有少少「刺刺地」，未必人
<看全文>Emily Leung好用推薦：Nature Republic蘆薈膠 嘅真實用後感 🍃質地同使用感 · 係透明啫喱狀，一推開就會化水，上手感覺好清爽。 · 吸收速度算快，撻完之後皮膚表面唔會黏立立，但如果你搽得厚，摸落去會有少少「黸」嘅感覺。 🍃保濕力同舒緩效果 · 補水能力：即時降溫同補水效果唔錯，尤其係夏天曬完之後用，好爽！不過對於乾燥爆拆嘅皮膚，佢嘅鎖水力就唔夠持久，通常頂到兩個鐘左右就要補。 · 舒緩功效：曬後皮膚泛紅或者輕微敏感，厚敷一層的確有降溫同鎮靜作用。但如果係嚴重敏感或者已經發炎，就唔好指望佢有治療效果。 🍃成分同溫和度 · 主要係蘆薈葉汁，但要注意成分表排得比較後，含量未必好高。 · 入面有酒精同少少香料，如果你係極度敏感肌，可能要先試一試會唔會刺激。 🍃萬用性同性價比 · 用法多變：可以當面部保濕gel、身體乳、頭髮保濕（搽髮尾）、甚至用來鎮靜剃鬚後嘅皮膚。 · 性價比：$30-$40就有一大支，抵用程度爆燈！雖然功效唔算好強，但以呢個價錢來講，絕對係平價之選。 👌優點缺點總結 · ✅ 優點：平！大支！清爽！萬用！曬後鎮靜效果快。 · ❌ 缺點：保濕唔持久，有酒精同香料，功效只係基本款
<看全文>
Poyobb好用推薦：以前用過原生液，保濕度好好，只限冬天，夏天用會就爆粒粒。 睇返產品原料嘅片段，感覺櫻花水比原生亦係多咗櫻花萃取成份，一樣主要用嚟做抗老功效。質地上比原生稀啲啲，但都有一浸發酵味，即使試過倒落化妝棉度做二次清潔，而且用完都會有浸黏笠感，一啲都唔清爽，依種感覺夏天好唔舒服，混合肌唔太鐘意🫣 上網睇啲人話要建立耐受性，但我都用咗幾日至一個禮拜，皮膚都唔覺得變靚咗或者穩定咗，依個係面頰兩邊出好多暗粒，唔太適合唔會再用🥲
<看全文>Mformomo好用推薦：Estee Lauder 嘅產品一直係我最愛最愛 呢枝Estee Lauder 櫻花微精華活膚原生液 我四年內不停回購同回購， 用過佢之後真係番唔到轉頭 四年前嘅我完全買唔到一直合適嘅爽膚水 直至遇見佢，我嘅T字位終於出少左好多油 皮膚亦好左好多。 佢嘅質地係唔油 好似水一樣 搽完真係好舒服 非常清爽 好適合唔鍾意笠痴痴感覺嘅朋友 佢產地有時會係內地有時係英國 要開左盒先知產地係邊度
<看全文>
Fng好用推薦：Dermacept 維C多效修護化妝水｜夏日透亮 ✨ 質地同使用感 呢支化妝水清爽似離子水，拍上臉嗰陣吸收速度超快，完全唔會黏笠！淡淡柑橘香味好醒神，朝早用即刻精神晒～ 用完皮膚摸落去滑溜咗，後續搽精華都吸收得快啲！ 🌟 修護同透亮效果 主打維他命C衍生物同多重植物萃取，試過連續用一星期，額頭同下巴嘅暗沉真係有改善！最驚喜係鼻翼毛孔睇落細緻咗，就算素顏出街都冇以前咁尷尬～ 不過要達到明顯美白效果，可能要堅持用多幾支先得！ ⚠️ 注意事項 · 記住要日頭用就要加防曬，否則維C會見光死 · 開封後要放陰涼處，避免成分氧化失效 · 如果皮膚極度敏感，建議先試耳背位置 🆚 同級產品比較 · VS Melano CC美容液：Melano更濃稠針對斑點；Dermacept全面調理膚質 · VS Hada Labo白潤水：白潤水溫和保濕；Dermacept透亮效果更明顯 · VS Some By Mi果酸水：果酸水主打煥膚；Dermacept溫和修護 💡 使用小貼士 1. 化妝棉輕拍：倒$2銀分量，由內向外輕輕拍打 2. 重點濕敷：用化妝棉局部敷暗沉位3分鐘 3. 冰鎮用法：放雪櫃
<看全文>ChingLam好用推薦：含維c成份，主打美白嘅化妝水 我只係晚上嘅時候搽，但依支就快用完 我嘅感覺不大，唔覺得有明顯白左🫠 所以我都係夜晚用嚟當滋潤嘅水搽完就算
<看全文>
維他他好用推薦：Ipsa嘅更生活化乳液已經回購咗幾次，個人覺得佢幾好用，所以先會回購 乳液有多達8款號數，大家要去專門店做肌膚測試，先知道邊一隻最適合自己 我呢隻係2號，佢係透明嘅乳液，推開好容易吸收，保濕效果好好，可以keep到成日都唔乾，如果配搭同牌子嘅化妝棉去使用，效果會更加好。佢呢個乳液有好多功效，透亮，細緻，水潤，提升肌膚屏障同防禦能力等等 ipsa其實係資生堂旗下嘅一條line， 個人覺得資生堂嘅產品都唔錯，呢個係比較年輕嘅product，價錢唔係好平，但係都唔係好貴，可以試吓 
<看全文>Haidy好用推薦：2號超級適合油肌或喜歡乾爽、吸收得快的人去使用！超適合男生😬用幾耐不僅吸收得快，而且保濕能力也不錯！我是中性偏乾，比較喜歡3號。但我油肌的朋友超愛2號！
<看全文>
annielittlecake好用推薦：過咗20歲好一段日子.......... 肌膚就開始失去屏障，再加上外在環境、壓力，令肌膚漸漸出現老化，紋理現形，🌾乾枯及開始出現冇彈性。 加上生活壓力，令肌膚更快速老化，開始有細紋、 鬆弛、衰老等問題。直至遇上 BIODERMA Matricium再生水，肌膚彷如「再生」，比肌底液層次更高濃度達100%，含61多種再生養份，以醫療級技術生產製造，無香料、酒精、色素、防腐劑，岩曬肌膚食💊的「複合維他命丸」。 BIODERMA 的 Matricium 再生水蘊含氨基酸、礦物質等細胞再生養分，100%肌膚相容，能速透真皮層，瞬間傾活養分到「 細胞外基質」，為肌膚細胞與組織提供最理想生長環境，強化細胞保護屏障，免受各種壓力氧化傷害，並激活老化細胞自我修復、新生。 而家我都每日一支Matricium再生水💧爽膚後直接搽上面，質地水潤容易被肌膚吸收，親和性好高，先修復再激活肌膚！用左Matricium 12日肌膚回復彈、滑、嫩，肌膚鎖水力提高，改善細紋和快速舒緩降紅，有效激活肌膚細胞和膠原自生。
<看全文>Heychauchau 好用推薦：這個在身上在我做完激光後，皮膚較為敏感的狀況使用能夠修復肌膚的屏障，令我後續使用嘅保養品能夠吸收，加上成份配方沒有使用化學成份，適合肌膚較為敏感的情況下使用，減少外在刺激，亦能同時提升肌膚彈性及水潤度。
<看全文>
何何好用推薦：被某youtuber燒到，係hktvmall搵到有得買即入手一支。本身想用佢消除上手臂粒粒，同均勻手臂膚色（因為手臂晒後唔識白返好傷心……），我用左佢斷斷續續有大半年，但未見有大改善……佢單價唔平，而且滋潤度不足，只夠夏天用，沒有太大香味，如果份量用得太多，會顯示笠痴痴，份量不能用太多。 相信未必會回購了
<看全文>SKY好用推薦：從圖片就可以明顯看出來，這款身體乳比果酸的那款薄很多，水楊酸這款是把蓋子打開就會自己流出來，果酸那款是要擠壓瓶身才會出來，幾乎沒有流動性。因為流動性佳，很好抹開，所以很容易就可以擦好乳液，省時省力。 香味明顯，是一種類似益力多的酸甜味。 因為是酸，所以如果皮膚有小傷口不小心抹到的話，會痛不欲生🫠 黏膩感不重，算是輕薄，也很快吸收。 原本的購買原因是期待可以改善皮膚的顆粒感和關節處的暗沉，一條用下來顆粒感有用就有改善，沒用的那天就恢復原狀，暗沉方面效果不明顯。一條單價偏高，所以應該不會回購了。 *結果還是回購了，因為真的有減少胸前的顆粒感，還有清爽不黏膩。效果不持久的部分只好透過每天努力使用去應對了～
<看全文>
Kakar好用推薦：佢既質地比較滋潤，同埋無特別既香氣，唔擔心佢有對皮膚唔好既香料，完全唔會加重皮膚既負擔。 呢排天氣乾燥，塊面一有少少敏感，我就會用呢支cream，厚搽過夜，第二日就會無事，唔再紅。不過呢支cream 我唔會全面搽，因為面部有局部出油的問題。如果搽一d太滋潤既cream,有機會會有暗粒或者焗瘡，所以我只會用起乾燥皮膚既位置。 總括黎講，呢支cream 用係敏感或者乾燥肌，係非常有效，十分推薦。
<看全文>Miu Lai好用推薦：開始進入秋冬季節，皮膚變得更敏感，容易泛紅又變得乾燥，今次推介Physiogel 抗敏紓緩乳霜（面部系列），為敏感及乾燥皮膚打打氣！ Physiogel抗敏紓緩乳霜（面部系列）有效改善面部乾燥、敏感及泛紅，強效保濕滋潤，成份不含防腐劑、香料、色素，大朋友小朋友、敏感及濕疹性肌膚都合適！ 用後感： 1. 白色乳霜，無香味，質地輕盈，容易推開，有助肌膚吸收，有即時滋潤乾燥肌膚的效果。 2. 持續使用有效舒緩泛紅及乾燥。 3. 補濕效果很好，修復肌膚鎖水屏障。 醫學美容品牌，信心保證，值得推薦!
<看全文>chasiutung好用推薦：一到夏天又熱又焗日日化妝重要帶住個口罩10幾個鐘 皮膚敏感重生左好多暗粒同暗瘡 之前見到VT老虎抗痘面膜買一送一咁扺買左返黎試下 一試就愛上💓 一盒有10片抗痘面膜 一片補水面膜一片提亮面膜一片營養面膜 我自己最喜歡就係佢嘅抗痘面膜 天絲薄紗面膜紙質 厚厚一片吸滿精華 敷左10分鐘 感覺好溫和不刺激 皮膚明顯降紅做到舒緩皮膚敏感同鎮靜皮膚嘅功效而且好保濕 敷完第二朝敏感完全退左 暗瘡細粒左同無咁紅 👍👍 依款面膜非常扺用 推薦俾混油肌同油痘肌人士使用 性格比高💕💕 #夏日必備保養
<看全文>royu3好用推薦：曬後護理必備的補水修復mask，打開包裝可見滿滿透明狀的精華液，面膜紙質比VT 家普通積雪草mask的更薄更貼面！積雪草成分有助穩定曬後皮膚狀態及舒緩泛紅⭕️ 用後明顯感受到面膜的超強補水力，使暴曬後流失水分的肌膚重拾健康活力！非常適合乾燥或狀態不穩的皮膚！
<看全文>
Fng好用推薦：Decorté Liposome Advanced 小紫瓶面霜｜ 混合偏乾肌の終極水庫封存術💜 ✨質地與滲透科技 凝霜質地觸膚即融，微囊包裹技術令保濕成分層層釋放！吸收後形成隱形鎖水膜，香港夏天用都唔覺黏膩，兩頰乾紋即時被撐開～ ✨混合肌分區實測 ✅ T區：薄搽一層夠控油又保濕 ✅ 兩頰：疊搽兩層解決秋燥脫皮 ✅ 妝前：替代妝前霜令粉底超貼服 ✨成分黑科技解密 ▸ 多重層微脂囊體：滲透力比傳統面霜強3倍 ▸ 白樺樹汁：抗氧同時舒緩泛紅 ▸ 黛珂獨家Lipsome：修復屏障長效鎖水 ✨同價位擂台戰 VS 資生堂百優面霜：百優更潤澤但吸收度輸 VS IPSA循環乳液：IPSA更清爽但續航力不足 VS Sisley全能乳液：兩者保濕力持平但黛珂修復更佳 ✨缺點坦白區 ⚠️ 價格屬貴婦級 ⚠️ 油肌夏天可能嫌潤 ⚠️ 香氣較成熟未必人人愛 總結：貴婦級「保濕終結者」🔚 除咗價錢令人深呼吸，其長效保濕力確實無可挑剔！混合偏乾肌秋冬必收～回購指數★★★★☆ #日系護膚
<看全文>Candy Ng好用推薦：由冬天用到夏天💗 開始在夏天用時，以為會太滋潤生粒粒，又出奇沒有✌️而且，用完之後，我又唔覺得臉部好油，在冬天用時，皮膚比較乾，那份滋潤感就會好快被吸收，所以夏天用時，都有一個疑問，是否啱用。 真係用咗之後又覺得都仲幾好用，佢用了一個Liposome 的技術，令到我覺得營養被傳送到皮膚底層，所以推介大家不論春夏天都用🤣
<看全文>橘子貓好用推薦：有些失望的產品。 我是混油痘肌，這款凝露沒有改善到我長痘痘的狀況，該長的還是會長。對於已長出的痘痘，也沒有加快痘痘凋謝或達到去印的效果。 最大感覺是使用後，皮膚會看起來有彈性一點，細緻一點點。但我使用A醇等成份的產品也有這樣的效果。 另一方面是產品質地很獨突，是非常濃稠半固體半液體的凝膠狀，一定要先在手心預熱搓開才可上臉。而且上臉後也有點黏笠感，很容易跟其他面霜不合而起屑。 可能我皮膚跟BC凝露還處於磨合期，只用了大半個月，還需要點時間去體驗。
<看全文>維他他好用推薦：Aesop 隻B triple C facial balancing gel 好杰身，係晚霜黎嘅，sales教同瑩澄面部精華mix, 可以做返深層保濕，但用完塊面會笠啲，不過夜晚唔緊要啦
<看全文>
Emily Leung好用推薦：【毛穴撫子面膜】用後感：日本米力量真係搞得掂黑頭同毛孔？ 日本呢隻「毛穴撫子」面膜真係紅到發紫！主打用日本國產米精華，話可以針對性對付黑頭同毛孔問題。 我鼻翼同眉心嘅毛孔長期「開放」，黑頭多到好似士多啤梨咁🍓！見呢款面膜喺@cosme長年霸榜，又話天然米成分零刺激，咪買盒試下囉～ 💦 質地同用法 · 面膜紙：偏厚身，但剪裁算貼面，尤其係鼻翼位包得幾好。 · 精華液：係乳白色嘅米漿狀，杰身但唔黏膩，聞落有陣好天然嘅米香～ · 用法：我通常敷10-15分鐘，之後用剩餘精華打圈按摩鼻頭，等吸收晒先沖水。 👍 好用之處 1. 即時飽水感超正！：敷完塊面即刻變得水潤柔軟，摸落去「咕𠱷」咁滑～ 2. 黑頭真係易清咗：敷完之後，鼻頭嘅黑頭同白頭會浮出嚟，用棉花棒輕輕一推就清到好多！ 3. 毛孔睇落細緻咗：即時效果幾明顯，毛孔冇之前咁「洞洞」，好似飲飽水咁撐返滿！ 4. 溫和不刺激：成分簡單，我敏感肌用都冇泛紅，夠晒安心～ 👎 缺點 · 效果唔持久：毛孔細緻同黑頭減少只能維持一兩日，要持續使用先keep到。 · 精華液唔算多：相比其他日系面膜，佢精華液偏少，敷耐啲會乾，最好跟足時間。 ·
<看全文>Sanna Cher好用推薦：產品自推出以來一直是我不停回購的面膜產品，保濕面膜更符合我的面型。脫下面膜過後，精華大多被吸收，沒有殘留過多精華於紙膜，是能夠好好被利用的保濕產品。 使用產品前使用產品過後，肌膚保濕度有被增強，毛孔有被重點修護，使用產品過後可用保濕面霜完成程序。
<看全文>
Emily Leung好用推薦：Innisfree 火山泥面膜用後感 點解會買？ 之前見成日有人講呢支嘢，話深層清潔好得，又話對黑頭同毛孔有用，咁我鼻翼同額頭又多油又有啲黑頭，咪買支試下囉！ 支面膜係灰灰色嘅泥狀，推開嗰陣幾順滑，唔會好快乾晒。有陣淡淡的泥味，唔難聞，感覺幾天然。 我通常一個禮拜用一次，沖涼之後趁毛孔打開，搽全面（避開眼同嘴），T字位會搽厚啲。等大概 10-15分鐘，見到佢乾咗八成左右就用溫水打圈按摩沖走，尤其係鼻頭位置，輕輕揉下可以帶走啲粉刺。 用後感覺： · 乾淨咗！ 洗完塊面有啲「唞緊氣」嘅感覺，唔再黐立立。 · 黑頭少咗，尤其係鼻頭，見到有啲白頭浮咗出嚟，用棉花棒輕輕一推就清到。 · 毛孔睇落細緻咗，不過都係暫時性，要持續用先keep到。 · 唔算好繃緊，比起其他泥膜，呢支算係溫和，但如果乾性皮膚可能要用完再保濕。 缺點 · 如果等得太耐（超過15分鐘）會乾到裂，塊面扯住扯住，所以千祈唔好敷過龍。 · 對於好頑固嘅黑頭未必一次就清得晒，要定期用先見到明顯效果。
<看全文>Emma好用推薦：【適合夏日的護膚品】 夏天又焗又熱，連我呢個混合性偏乾皮膚既人都覺得毛孔好唔乾淨又油 <質地/氣味>呢款泥mask質地易推開，用落涼涼地，有好溫和既粒粒幫你去角質。 聞落有淡淡薄荷朱古力味，夏天用好舒服 <使用方法>一星期一次 (我乾肌兩星期一次） 厚敷喺多出油、粗毛孔既位十分鐘，然後就可以洗走啲泥啦。角質比較厚嘅朋友，可以先濕少少水，再打圈按摩，泥mask啲粒粒會輕輕幫你去角質，跟住沖走啲泥，就會得到好嬌嫩既皮膚👍🏻 值得讚：比起其他泥mask, 佢質地比較軟，容易推開，亦都容易洗走。而且用完唔覺得繃緊，不過建議用完泥mask都一定要注意保濕呀
<看全文>
takemyokane好用推薦：深色玻璃樽包裝保護防光變質，配以按壓式滴管設計可以精準控制每次的使用分量。內容是以優質角鯊烷、月見草油及薰衣草精油等天然成分組成的油。大家都聽過以油養膚，我通常在夜晚加1至2滴在護膚品，份量少不怕太油，加入油份上臉更易延展，精華油很快就會被皮膚吸收，可以避免吹冷氣而引起的外油內乾問題。 因為始終是精華油，用量必須嚴格控制，否則對混油肌來說仍會稍有負擔。
<看全文>羅小白好用推薦： 我用Kiehl's深夜奇蹟修復精華露捱夜後，第二日皮膚狀態真係好好。佢嘅修復效果幾好，令我嘅皮膚狀狀態好穩定，而且佢嘅保濕功效都唔錯，即使捱夜都唔會令皮膚變得乾燥同暗啞。仲要令之前搽咗嘅護膚品都好快吸收。
<看全文>
mandy好用推薦：Minon Amino Moist Gentle Wash Whip 水潤綿密潔面泡 $98/ 150ml (hktvmall) 非常User-friendly，一按即出豐盈軟滑綿密泡沫， 不用花時間慢慢起泡，省回不少時間， 對忙碌早上的都會女性來說真是必需品。 Minon是針對乾燥肌及敏感肌而設的開架護膚品牌， 水潤綿密潔面泡不含酒精、香料或色素， 添加了不少保濕及鎮靜消炎等成分，適合不同膚質使用。 使用後，肌膚潔淨水潤保濕，不乾燥不繃緊， 而且感到對肌膚很溫和。 含保濕成分: 丁二醇, 雙甘油, 甲基葡糖聚醚-10, 白氨酸, 絲氨酸, 甘氨酸, 丙氨酸, 精氨酸, 蘇氨酸, 纈氨酸, 組氨酸, 脯氨酸, 賴氨酸 HCl, 植物固醇/辛基十二醇月桂醯谷氨酸酯, 甘油 及 氫化卵磷脂 抗氧化成分: 甘草酸鉀, 絲氨酸, 丙氨酸, 精氨酸, 蘇氨酸, 組氨酸, 肌肽, 賴氨酸 HCl 及 維他命E 鎮靜消炎成分: 甘草酸鉀, 纈氨酸, 組氨酸 及 維他命E 美白/去斑成分: 甘草酸鉀 及 維他命E 抗衰老成分: 絲氨酸, 丙氨酸, 精氨酸, 蘇氨酸, 組氨酸, 肌肽, 脯
<看全文>chasiutung好用推薦：之前用錯潔面產品 洗完面塊面吉吉咁刺痛 個面又紅又痕 要去睇皮膚科先好番 但從此以後皮膚就變得敏感 用潔面產品同護膚品都要好小心 係依斷時間洗面都吾敢用潔面產品 只係用清水洗面 但係洗完面重好油 行行下街係萬寧見到依隻洗面泡泡係for敏感皮膚用 所以買黎試下 唧出黎就已經係好棉密嘅泡泡好方便 洗完面超清爽 一d都吾乾 用完個面都吾油 雖然清潔度吾高 但一般日常潔面係足夠嘅 我用完無過敏無爆痘 敏感肌可以放心用
<看全文>
Poyobb好用推薦：樂敦cc維c精華原來已經出到第三代。超勁，講到可以美白，去斑、收毛孔、去痘印🍋 因為呢排痘印多左，想搵啲快速去痘印嘅產品用。講到有純特濃維c，好似效果唔錯。佢唧出嚟係油狀，少少檸檬味。當爽膚水同面霜中間精華嗰step，會好油。其實佢個樽口係要用力先會唧精華，一滴滴咁唧出嚟，方便每次用少份量。 我會將佢點係暗瘡印嘅位置，過咗十幾分鐘之後都未吸收晒，精華依然停留喺皮膚面層，好似有層油份覆蓋。感覺好似會令到暗瘡更嚴重🤨 反而最好係溝落面霜用，感覺會吸收得好啲，但呢個方法就冬天/開冷氣較好。 用完唔覺得有特別大嘅效果，暗瘡印完全冇退到，美白又無，平時用有效嘅去印產品係2-3日已經睇到淡咗。當然另外更加期待可以收毛孔，更加唔覺。可能我不太適合VC美白產品。
<看全文>Emily Leung好用推薦：自從疫情開始就一直戴口罩，偶爾悶出暗瘡，有時仲會留低啲暗瘡印。開始搵適合嘅去暗瘡印精華，買咗幾款之後都係覺得樂敦Melano CC純天然檸檬祛斑精華液最溫和，效果亦係最明顯。喺日本嘅人氣超高，如果有留意開日本護膚博主嘅應該都見過呢隻產品。 升級版精華含有活性型維他命C同維他命B6，可以有效提亮暗沉膚色，調理皮膚分泌同維持肌膚油水平衡。另外亦加咗三重維他命C誘導體：維他命C衍生物、維他命C醣苷同脂溶性維他命C。 我自己連續用咗差唔多一年，暗瘡印淡咗好多；真心推介俾大家。一支大概可以用到四個月左右，價錢又親民。全銀色係舊版，有黃色嘅係升級版（濃密+控油款）。個人推薦升級版，去暗瘡印快咗少少～ 使用方法： 乾性皮膚可以全塊面用，油性皮膚就局部用（畢竟係油狀液體）。產品可以早晚使用，如果朝早用的話要做好防曬。我自己就係臨睡前洗面後用4至5滴，輕輕喺手心搓勻再搽上全塊面，等吸收之後再搽保濕霜。如果覺得質地太油，可以同面霜混合之後先搽上塊面，膚感超正！
<看全文>