臉部美白 推薦好用產品

JuneL好用推薦：它質地呈珍珠白乳液狀, 質感易推柔滑, 由於護膚以早C晚A程序使用, 這支晚上用性質較溫和, 用後肌膚明顯變得保濕光澤, 細紋方面也有所改善, 效果唔錯!

Nicole 好用推薦：白色乳液質地，有一點點厚度，流動性強，很好推開，油皮上臉都算清爽，吸收也快。 個人感覺用到半瓶左右才慢慢出效果，感覺法令紋有變淡一點，眼下乾細紋有一點淡化效果，整體來說都滿意，應該會再回購。

L好用推薦：喺松本清買，睇中咗佢係期間限定，買返嚟果然冇伏，浸味勁香，無潤色效果，唔黏笠，抵買！

Wuxx好用推薦：本人係一個幾懶嘅人黎，無咩事都唔會點搽防曬，一黎驚黏笠，二黎覺得粉底本身已經有防曬點解仲要搽😂 購入依枝防曬係一次等人期間入cosme兜下，咩都亂試下。 然後突然間！我覺得叮一聲！好舒服！好香！仲好保濕！ 我即刻攞部電話search下依枝究竟係咩東東咁catch到我。 當我知道佢係一枝防曬，我就默點放低左佢。 然後個一個星期，每日我都會諗起依枝嘢，真係唔係講笑。 最後我竟然唔係俾專櫃姐姐sell到防曬重要性，而係產品太優秀令我主動買佢😂 佢除左香味令我覺得好舒服之外，更令我驚艷嘅係作為一枝防曬，佢可以做到好似保濕乳液咁， 仲要唔笠，仲要高防曬系數！what a perfect item?!!! 我除左用係妝前打底之外仲會搽埋手腳腳，我真係無諗過我竟然會主動搽防曬~~~ 目前已經用完一枝，並正於前往購買嘅路上~~~🕺🏻 希望令到好似我咁嘅sis愛上搽防曬~~~

DorDor好用推薦：Dermacept 化妝水幾好用，多滋潤，CP值高，係會用完再買嘅化妝水。

Fng好用推薦：NARS 源生光亮肌Cushion，擁高防曬系數 (SPF 50/PA++++)，喺香港 #夏天 紫外線超強，呢個氣墊自帶高防曬，慳返防曬步驟👏，戶外補妝更方便。 我覺它抗汗能力不俗❣️，出汗後唔會輕易溶妝，只係T位會少少出油，用紙巾印走油光後，妝容依然貼服。 光澤感自然，水光妝效睇落似 偽素顏😚，質地透薄，就算疊加兩層都唔會面具感。 保濕得嚟唔笠，質地清爽，混合肌用都唔會黐笠🤩。 遮瑕度唔算超高😨，深色暗瘡印或大塊泛紅可能要額外遮瑕膏，但普通毛孔、暗沉夠用。 ✅ 推薦俾👉鍾意水光妝感、需要快速上妝+補妝、常出入冷氣房+短時間戶外。 ❌ 唔建議： - 要求 極高遮瑕 或 霧面啞緻妝感。 - 成日暴曬/戶外工作（建議用專用防曬+持久粉底液）。 #夏天

popocarcar好用推薦：趁有優惠，買咗一個嚟試，第一次用cushion 產品。 有光澤感，唔卡粉，無起乾紋，唔錯。 #火熱新品

Chloeincosme好用推薦：Decorte既碎粉（/蜜粉）係我一直嘅回購品，亦都係我用過最好嘅碎粉（沒有之一）。 雖然價錢望落小貴，但係其實好大容量，除返比開架品牌更平😂 呢盒係好耐之前囤既貨（因為之前嗰盒用咗好耐，終於用晒😆🤣😓）。 1. 粉撲： 暫時未見到比佢更有誠意既粉撲🤣夠軟夠厚長毛，抓粉力恰到好處，唔會太多但唔會上左空氣。  2. 色號：11 號。 妝感：日系自然，好輕微既粉色再加少少閃粉，上面效果精緻，略帶珠光，喺陽光下有一種好自然嘅透膚感。 Zoom近影見唔見到有極細極細既珠光閃粉，唔會令塊面登台咁，但又有光澤。 控油：混乾肌表示返工/ 行街完全夠做，如果全日戶外活動就要噴定妝噴霧。 保濕：偏高（控油比大白餅冇咁好！但比大白位保濕） 簡單黎講，平靚正🤣 

Kitty 好用推薦：作為一個對底妝有啲要求嘅女仔，我呢幾年試過唔少專櫃同開架嘅碎粉。作為混合肌，DECORTÉ呢盒碎粉真係有驚喜！ 佢最大賣點係妝效自然，帶微珠光，上臉後，唔會死白，反而透出好似皮膚自己嘅光澤，即時提升氣色，柔焦毛孔效果亦好出色。 粉質真係超幼細，近乎零粉感，因為添加咗氨基酸，所以就算係面頰偏乾位都唔會繃緊。控油力對我嚟講算中等，出油後妝面會融合成自然嘅奶油肌，但大油皮夏天就可能要補妝。 總括來講，佢完美打造咗一種精緻嘅偽素顏感。雖然屬專櫃中高價位，但粉質同妝效確實對得住個價，一盒可以用好耐。好推薦俾追求自然光澤肌、同怕碎粉乾嘅乾性/混合肌姊妹！

Sakura醬好用推薦：INNISFREE 超強補水精華 最近試咗INNISFREE嗰款綠茶籽精華，真心被佢嘅補水力嚇親！🌿💧 我本身係偏乾肌，尤其成日留喺冷氣房，塊面好易乾同繃緊。用咗呢款綠茶精華之後，皮膚明顯有改善，又水潤又清爽！ 佢嘅質地輕身易推，搽上塊面一啲都唔笠唔黏，而且吸收得好快。朝早用都完全冇問題，唔會悶痘，之後上妝仲貼服啲。 持續用咗一兩個星期，真係覺得皮膚變得柔軟有光澤，連原本乾燥嘅細紋都唔見咗，成塊面好似飲飽水咁💦 如果你都係成日對住冷氣、皮膚容易乾嘅話，呢個綠茶精華真係超啱你，清爽又保濕 👍

Fng好用推薦：佢個樣咁靚咁可愛🥰就買咗返嚟試下😍 綠茶籽保濕精華有效補充肌膚水分，使肌膚水潤透亮。質地水狀，易於推開，吸收快，不會有黏膩感。綠茶成分有助於舒緩肌膚，對乾燥、敏感肌膚有一定幫助，而且價格親民，容量大，性價比高，適合所有膚質，特別是乾燥敏感肌。😒缺點係用於妝前，可能會導致妝容起屑🤐 總體來說，Innisfree綠茶籽保濕精華是一款性價比高、保濕效果不錯的產品，適合大部分膚質使用，尤其是在日常保濕方面表現優秀。 但如果擔心妝容起屑的問題，建議在使用前測試吓先。 #補濕

Kmggigi好用推薦：Anessa Perfect UV Sunscreen Skincare Milk — 防曬界No.1，輕薄又強效！☀️✨ 呢支可以話係防曬產品界最出名嘅一支， 唔論係口碑定評價都非常高，果然名不虛傳！ 質地&上面效果: 佢嘅質地係乳液狀態，非常水潤輕薄， 一推即開，完全唔會覺得厚重或者黏笠， 使用感非常舒服，而且上臉之後係自然啞緻效果， 唔會覺得油膩，非常適合日常使用。 佢帶有微微嘅調色效果， 均勻膚色但唔會令到塊面假白或者偏灰， 普通妝前打底或者唔化妝就咁出街都可以！ 效果: 防曬效果出名好，能夠有效抵禦UVA同UVB， 長時間戶外活動都唔怕曬傷 同時因為佢嘅質地咁輕薄，平時冇化妝嘅話補防曬都非常方便，唔會有層層堆疊嘅黏膩感🥳

Emily Leung好用推薦：Anessa防曬霜真的太太太好用了 防曬系數最強SPF50➕，炎炎夏天沒有這個級別的防曬系數根本扛不住。 小金瓶非常輕薄，像水狀一樣。淡淡的香味，聞起來不劣質，乳液的質地，很好推開，成膜速度很快，個人感覺還挺好用的。 並且這款真的超級防水，特別適合去海邊遊玩的時候使用。防曬的同時還能夠有效的保濕，臉部包括全身都可以使用哦～

布吶吶好用推薦：La Roche-Posay Mela B3 淡斑精華實測 「塊面啲印幾時先肯走？」 呢個問題唔知困擾咗幾多人。暗瘡印、雀斑、色素沉澱好似黐身膏藥咁，搽幾多遮瑕膏都治標唔治本。法國藥妝王牌 La Roche-Posay 推出嘅 Mela B3 淡斑精華，近年成為香港藥妝店熱賣淡斑神器，究竟係咪真係 work？ 【主打功效】 1. 針對色素沉澱：淡化痘印、雀斑、曬斑、暗瘡印 2. 均勻膚色：提亮暗啞肌膚，減黃氣 3. 保濕修護：含維他命B3（煙酰胺）同埋La Roche-Posay溫泉水，舒緩肌膚 【核心成分】 · 維他命B3（煙酰胺）：阻截黑色素轉移，改善膚色不均 · 甘醇酸 + 水楊酸：溫和代謝老廢角質，令皮膚更透亮 · La Roche-Posay溫泉水：抗刺激、保濕，減低酸性成分帶嚟嘅刺激 【使用感受】 1. 質地： 白色乳液狀，推開清爽唔黏膩，吸收得快，油皮同混合皮都唔會覺得厚重。 2. 溫和度： 雖然含酸類成分，但用落唔會刺痛（除非皮膚極度敏感），溫泉水成分有助鎮靜。 3. 效果： · 淡印速度：對於新嘅紅色痘印，大約1-2週見到明顯變淡；

oy 好用推薦：La Roche-Posay 呢支 Melatonin M3 精華主打夜間修護，特別適合想加強肌膚抗氧化同延緩老化既朋友。佢嘅最大賣點係加入咗褪黑激素（Melatonin）同維他命 C、E 等多重抗氧化成分，專門針對環境污染同自由基傷害，有效提升肌膚自我修復能力 質地方面，Melatonin M3 Serum 屬於杰撻撻型精華，但神奇嘅係推開之後即時就吸收，唔會黏笠或者油膩，適合所有膚質，包括敏感肌。夜晚用嘅時候，感覺肌膚好似被溫柔呵護咁，第二朝醒嘅時候膚質明顯光澤感提升，細紋亦有淡化跡象。 配方安全溫和，無香料添加，敏感肌都可以放心用好好 最吸引嘅係佢可以作為晚間護膚嘅加強步驟，配合日間防曬產品使用，幫助肌膚達到更全面嘅抗老效果！ 雖然價錢唔算平，但因為效果明顯，加上質地舒服，值得長期投資，用完一瓶會好想再回購 清爽度： ⭐️⭐️⭐️⭐️ 吸收度： ⭐️⭐️⭐️⭐️⭐️ 修護力： ⭐️⭐️⭐️⭐️⭐️ 價錢： ⭐️⭐️⭐️

mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。

Sakura醬好用推薦：人生建議：呢套先係乾皮糙臉嘅天命抗老水乳！ 塊面又乾又糙又有乾紋細紋又暗啞冇光嘅人，都要去用OLAY大紅瓶！！ 講真，呢套抗老水乳我先用咗無幾耐，仲要係三日打魚兩日曬網咁用，成塊面已經肉眼可見！好水嫩！好細滑！ 皮膚質感直接next level咗！首先啲乾紋細紋直接俾佢潤到平伏咗，而且唔知係咪錯覺，覺得皮膚比以前更加瑩潤透亮。 然後一捱夜就又粗糙又乾瘪嘅面珠墩，居然飽滿咗好多！unbelievable!!!! 成塊面唔會再似之前咁殘樣，連毛孔超大嘅出油區望落都細緻咗！！成個皮膚質感特別特別顯貴！！ 而且OLAY呢啲大牌子，你永遠可以相信佢落足料，一套抗老水乳主打四重胜肽！再乾瘪嘅臉都可以同你嘭返起，再粗糙易生紋嘅皮都同你拉平！佢唔單止可以提升膠原蛋白，等你塊面更豐盈飽滿，仲可以促進彈性蛋白，成塊面好似水煮蛋咁嫩彈嫩彈，真係靚到爆！！ 再加埋肌肽同VE，清除自由基抗氧化，你想暗啞都難！包含玻尿酸在內四大補水保濕系統，幾乾嘅臉都可以同你補到足！保濕水嫩成日！ 皮膚質感一點點咁改善，塊面成個水嫩細滑，仲滑捋捋咁！

shinchan好用推薦：本身都知有啲人用Olay產品會敏感，原來我自己都係會敏感嘅人，家姐用完有敏感所以俾咗我用🥲因為夏天喺冷氣房皮膚比較乾，想透過Olay呢隻「新生高效緊緻精華乳液」令皮膚彈潤啲，好期待見到皮膚嘅轉變，點知敏感...第一晚用完冇事嘅，第二朝上妝前都覺得皮膚好水潤。第二晚沖完涼大概6點用，但到10點幾嘅時候塊臉開始好痕，照鏡見到有好多油脂粒生咗出嚟 (睇嚟係太滋潤...)，臉頰都有紅腫灼熱嘅情況，頂唔順唯有洗臉洗咗佢。可能唔可以用得咁頻密 (?) 遲啲等皮膚穩定返先再試，敏感肌暫時不推薦🥲

橘子貓好用推薦：S.I.G.N.A.L Peptides Essence 萬寧活動的贈品。 配合面霜使用也很清爽。質地很流質，保濕度挺好的，可以即時改善輕微的乾紋。  使用了數天晚上，有微微去水腫的效果，雙頰看起來有變得緊緻了一點。會繼續嘗試使用的。

Emily Leung好用推薦：Bobbibrown無重輕霧粉底液，打造零粉感原生好皮！ Bobbibrown家的新品粉底液真的讓我狂喜！！太適合油皮了！新品主打一個輕透無粉感的妝效，裸感舒適的同時遮瑕力也足夠，打造一種原生皮膚的自然光澤感！ 👍質地：流動性很好，很水潤，上臉很容易推開！！ 👍妝效：上臉的妝效是那種清透霧光奶油肌，完全沒有厚重的粉感！！ 👍持妝效果：一整天帶妝下來，都沒有斑駁浮粉脫妝!!油皮快衝！！

lingbb好用推薦： 呢枝被吸引係佢以輕霧做主打，令底妝輕盈薄透，雖然顏色看似好深但上面係白啲，妝效係半matt finish，防曬得15所以妝前需疊加層防曬，遮瑕度不錯可以遮到7成，整日落黎妝效多次補妝都唔會太厚重，但面上有輕微卡粉，所以係選擇防曬同妝前時要考慮埋同底妝夾唔夾。 #火熱新品

natanatalie好用推薦：市面上比較少的開架A醇精華🙌🏻 之前好興A醇，但市面上A醇開架精華唔多，呢款又平又好似幾高效咁，即刻試！🤤 質地一啲都唔笠，我油肌推開吸收得都算快，而且無坊間講咁刺激，起碼我用完無甩皮！🫶🏻 用左一排，痘印真係減淡得算幾快，效果都幾明顯，不過用佢就一定要用保濕精華！🙆🏻‍♀️

HYL好用推薦：比較稀好推開，很清爽。 一開始我用在耳後。用了兩天沒過敏，於是在全臉開始用，臉塗的少，因為怕不耐受。 塗上去也沒有不舒服和刺激的感覺。 結果在隔天晚上用一次，用了3次之後，下巴開始和唇周還有額頭開始脫皮。

Suidan好用推薦：#火熱新品 我中意呢支精華滋潤得黎唔黏膩，有小小香味，可以接受。 我一次用一泵已經夠，用左佢大約一個月，覺得法令紋冇之前咁深，好期待繼續用落去既效果。 佢價錢合理，所以都會巧慮回購。

Fng好用推薦：SOFINA iP 亮肌抗斑防曬乳霜｜ 混合偏乾肌嘅「防曬＋淡斑」二合一實驗！ SOFINA呢支「iP防曬乳霜」新推出，聲稱可以一邊防曬一邊抗斑，對於又怕斑又怕黏嘅混合偏乾肌來說，真係好吸引😍 ☀️ 質地與膚感： 擠出嚟係白色乳霜狀，質地似輕盈版妝前乳。推開時有少少潤色效果，吸收速度中等，完成後皮膚呈自然光澤感。對混合肌來講，冬天用剛好，夏天就可能要減少用量。 ✨ 防曬與淡斑效果： · 防曬力：SPF50+ PA++++足夠日常通勤，試過戶外活動3小時無曬紅 · 抗斑表現：用咗兩星期，鼻樑同顴骨嘅雀斑無明顯加深，甚至覺得有輕微提亮效果 · 保濕度：含有透明質酸，無一般高係數防曬嘅拔乾感 💡 獨家技術解密： • ADVAN技術：提升防曬膜均勻度，減少漏防曬嘅情況 • 洋甘菊ET精華：針對紫外線引起嘅斑點形成 同舊版SOFINA藍小花比，呢支更注重抗斑功能；同ELIXIR抗皺防曬比，就清爽得多。 ⚠️ 需注意： · 潤色效果，黃肌用可能會有少少灰白感 · 建議用卸妝產品徹底清潔 🌟 「防曬＋淡斑」組合心得： 我發現如果朝早潔面後，直接跳過乳液步驟，單用呢支防曬乳霜，反而效果更

Desse好用推薦： Sofina UV Protector 03 產品介紹係一款專為容易出斑、膚色不均和敏感肌而設嘅高效 #防曬 產品 啱曬我喱啲一曬就出斑嘅人.. 咁就當然要買嚟試吓😶‍🌫️😶‍🌫️😶‍🌫️😶‍🌫️ 💡防曬指數高 SPF50+ PA++++ 可有效阻擋UVA/UVB 防止色斑和曬傷形成，特別適合香港強烈紫外線環境 平時室內環境番工就絕對夠用👌🏻 💡亮肌效果 內含多種抗氧化成分及美白成分，有助抑制黑色素生成，慢慢修正膚色不均，提算肌膚 #透明感 睇相其實都好明顯… 一搽就提亮咗好多💓 💡質地輕盈保濕 乳霜狀但吸收快，不黏膩，適合全天候使用 就算喺office開住冷氣，都唔會覺得乾，個妝亦無起乾紋💓 💡溫和親膚通過敏感測試，無添加酒精和刺激成分，敏感肌、易泛紅肌都啱用🧏🏻‍♀️ 💡質感細膩不泛白 推開後呈現自然光澤，唔會白面或厚重，還有輕微修飾毛孔效果🧏🏻‍♀️ 總結嚟講呢🧏🏻‍♀️🧏🏻‍♀️ 用完一支，無覺得有多咗曬斑.. 至於淡斑功能就so far唔太覺得 但係亮肌功效絕對閃杠杠得！💓 #日系 防曬好多時都容易泛白.. 但呢款好ok! 我覺得會適合追求美白護膚和高防曬同時兼

Emily Leung好用推薦：講起呢支 #科顏氏維C淡斑精華 真係要大力推！ 用咗半支已經想同佢平反 之前聽人講話會『癢身』 其實係維C喺度努力工作緊啊！ 質地係透明水感 上臉吸收得快 頭兩次用會有微微刺刺哋嘅感覺 （櫃姐話正常，建立耐受就得） 果然第三日開始就冇事喇 最驚喜係額頭啲痘印 淡咗超多！ 成塊面睇落勻淨咗 冇以前咁『花面貓』 同埋透白感係由內而外咁發出嚟 唔係死白嗰隻 而家化妝唔使特登用遮瑕膏蓋黑眼圈 慳返唔少時間 會繼續回購嘅一支！

Kk.ac好用推薦：Kiehl’s 醫學維C淡斑精華，透明感up up up✅ 🧡顏色：透明 🧡氣味：有淡淡的香味，不刺鼻 🧡質地：流動性高，但會黏笠 💛產品賣點： ✔️ 顯著減淡色斑大小及密度，抑制黑色素沉澱 ✔️ 促進膠原蛋白新生，肌膚顯著飽滿亮澤 ✔️ 均淨膚色，讓肌膚更光滑通透，促進老化角質代謝 *･゜ﾟ･*:.｡..｡.:*･･*:.｡. .｡.:*･゜ﾟ･*･゜ﾟ*:.｡..｡. 🩷肌膚： 我本身混合偏油肌膚、毛孔細、皮膚有光澤。但有爆瘡的問題，特別眉心跟下巴位 🩷夏天護膚流程： 日間：清水洗面➡️爽膚水➡️眼霜➡️精華，如果要出門就塗防曬 夜間：洗面奶➡️爽膚水➡️眼霜➡️精華 🩷使用量： 一滴管或兩滴管，臉上每個位置都塗滿精華 🩷用後感分享： 整體來說令到個人氣色變好，散發飽滿感同透明感💗化妝時沒有搓泥，就是摸上臉還有點黏笠 痘印：⭐️⭐️⭐️⭐️ ▫️針對黑色痘印是有顯著效果，能夠減淡痘印；紅色痘印則因應痘痘發炎的程度而比較慢變淡 淡斑：⭐️⭐️⭐️ ▫️有少少改善，但色斑還在。可能長時間使用才有更明顯 毛孔：⭐️⭐️⭐️ ▫️不明顯，或許我本來毛孔細看不出 提亮：⭐️⭐️⭐️

Kitty 好用推薦：💁🏻‍♀️講真，香港天氣真係好濕熱，出街一陣已經成面油汗交雜！之前用開嘅防曬一流汗就變白線，仲會焗到出粒粒⋯⋯直到試咗Biore呢支水凝長效保濕防曬乳，先發現防曬都可以咁舒服！ ✨質地超驚喜 擠出嚟係淡白色嘅乳霜狀，易推開，好似搽緊保濕乳液咁！完全冇傳統防曬嗰種黏膩感，夏天用真係一流～吸收速度好快，唔會搞到頭髮黐面或者白色屑屑。 ☀️防曬效果夠穩陣 SPF50+ PA++++ 日常通勤絕對夠用！試過連續幾個鐘頭喺戶外，冇補搽都冇曬紅（當然流汗多的話建議兩小時補一次）。最重要係唔會燻眼！戴隱形眼鏡或者眼敏感嘅人可以放心用～ 🌸後續上妝冇難度 搽完皮膚有自然水潤光澤感，但唔會油光滿面。幫底妝做咗個完美打底，試過夾粉底液、氣墊粉餅都冇打架～懶人可以直接搽完撲層碎粉出街！ 🙅🏻‍♀️小缺點都要講 如果係大油皮的話，T位可能三四個鐘後會少少泛油（但要讚嘅係即使出油都唔會溶曬白條）。 總結：性價比之王！ 幾十蚊一支，抵用到爆！無論係學生黨定辦公室族都啱用～如果追求零存在感+高保濕+唔燻眼呢支真係閉眼入得過✨

Milo101好用推薦：Biore 這個aqua rich 系列防曬的 watery essence跟watery gel 非常相似，剛好兩支都在日本購入～ Watery Essence這支外型是牙膏狀，塗出來，感覺是較水潤、輕透亮，也較適合作打底base用，不會起擦膠粒屑。 至於Watery gel的質感分別，會再在它的產品頁面再述啊～ 兩支都主打「世界初 超微米防禦配方」，超微米防曬粒子，可以迅速填滿肌膚隙縫和紋路，均勻覆蓋、全面防禦。而且有SPF50+高防曬系數及PA++++，寬波段(Broad-Spectrum)阻隔UVA/UVB。 至於防曬防黑防曬老的功效，當然是比較難評定，只好注意每兩小時補塗防曬。。。

Jeniel好用推薦：見寫「水潤」，一定要提起： Curel的 Moisture Cream 因為天氣忽凍忽熱，我塊敏感混合肌就開始作反，又乾又泛紅😭 好彩用開Curel呢罐皇牌面霜用黎命。佢專為敏感肌設計，無香料無色素，用落零刺激～ 質地係輕盈嘅乳霜狀，推開嗰下好似化水咁，超級水潤！吸收得快，完全唔會黐立立或者留低油膜感～ 保濕力一啲都唔弱，就算開住暖氣瞓覺，朝早起身塊面都仲係潤嘅，鼻翼同額頭冇再甩皮卡粉✨ 我最鍾意佢夠溫和但又有修復力，用咗幾日，面頰嘅泛紅同緊繃感明顯減退，皮膚狀態穩定返好多。如果遇到極乾日子，我會直接厚敷一層當睡眠面膜，第二朝皮膚即刻飽滿返，上妝都貼服啲！ 總括嚟講，呢罐面霜係敏感肌同乾燥肌嘅冬日恩物，溫和、保濕、穩定，一支搞掂晒👍 會無限回購！ 保濕度： ★★★★★ 溫和度： ★★★★★ 吸收速度： ★★★★★ 修復穩定： ★★★★☆ #敏感肌救星 #冬季必備 #Curel面霜 #水潤

Lindabb好用推薦：Curel深層高效保濕面霜使用心得 身為一個注重 護膚，尤其係 冬天 皮膚會變得極度乾燥敏感嘅人，每年一到 冬季 就要展開一場保濕大作戰。今次想同大家分享我喺 冬季護膚 流程中，不可或缺嘅好幫手——Curel深層高效保濕面霜。 1. 質地與使用感： 面霜嘅質地係白色乳霜狀，望落有啲厚度，但非常好推開，一接觸皮膚就好快化開，吸收速度驚人。塗上臉完全唔會覺得油膩或黐立立，反而係一種被溫柔包裹住嘅滋潤感。對於 冬天 寒風吹到塊面繃緊、甚至脫皮嘅狀況，佢能夠即刻提供舒緩。 2. 保濕續航力： 呢一點真係要大力讚！冬季 嘅乾燥天氣，好多保濕產品可能到下午就已經覺得打回原形。但Curel呢罐面霜嘅鎖水能力非常出色，搽完之後一整天都能感受到皮膚保持住水潤軟嫩嘅狀態，完全抵禦到室內暖氣同室外冷風嘅雙重夾擊。作為 冬季護膚 最後一步嘅鎖水產品，表現非常稱職。 3. 溫和性與效果： 產品標榜適合敏感肌，我用落真係覺得好溫和，無香料無酒精，完全唔刺激。經過一整個 冬天 嘅使用，皮膚嘅穩定度提升咗好多，以往 冬季護膚 最煩惱嘅泛紅同乾燥痕癢問題，今年真係大大減少。皮膚角質層好似被修護好，摸上去更飽滿光

Emily Leung好用推薦：日本Freeplus洗面奶，敏感肌最愛的洗面奶！ 這款日本氨基酸洗面奶，讓肌膚感受真正的潔淨體驗，用後肌膚細膩水潤，零刺激。深層清潔的同時，讓肌膚補充水分。洗後一點都不繃緊，毛孔清透，皮膚水潤通透！ 🫧氣味：不含香精和酒精，沒有很刺激的味道，淡淡的味道。 🫧泡沫：輕輕搓揉就能打出細膩泡沫，霜狀質地很綿密。 🫧清潔度：洗得乾淨，洗完臉上是潤潤的，沒有油感。 🫧乾澀：洗後不乾澀，很舒服的。 混油敏感肌用這支真的很安心！臉洗乾淨了，且不會過度清潔。用了半年狀態變好，不長痘痘了，肌膚敏感的狀態也好轉許多，十分推薦！😘😘😘

楊壯碩好用推薦：「Freeplus mild soap」產品測評： 包裝：5/5 ▶️Squeeze tube包裝走極簡風，較為輕盈，使用時方便控制用量。 ▶️每支100克的容量可以直接帶上飛機，不需要托運，它的travel friendly也是我喜歡的一點，不需要再買旅行裝。 效果：4/5 ▶️可以溫和有效地清潔面部皮膚。 ▶️用它洗面後，面部皮膚不會感到乾燥或受到刺激。 ▶️清潔力度較弱，可以用來洗去皮膚上出的汗和油以及沾到的灰塵等污染物，但不能洗掉防水防曬及彩妝，需要額外使用卸妝產品。 成分及配方：5/5 ▶️它使用的主要表面活性劑是Potassium Cocoyl Glycinate，一種氨基酸起泡劑，非常溫和，比較少會刺激皮膚，敏感性膚質的人也可以使用。 ▶️不含香精等致敏成分，更為安全。 ▶️我用pH值試紙測試了其酸鹼度，可見它的pH值在5到6之間（如上圖所示），屬於弱酸性，與人類皮膚天然的pH水平（約5.5左右）相近，這會對皮膚的健康和生態比較友好，因為太酸性和太鹼性的清潔劑都可能會有誘發過敏及炎症反應的風險。 綜合評分：4.7/5

Emily Leung好用推薦：【D Program 酵母益生元柔膚水】用後感：零毛孔係咪真係得？同黑頭講拜拜？ 日本Shiseido旗下嘅D Program呢支「零毛孔柔膚水」最近好hit，話用到酵母同益生元科技，專治毛孔粗大同黑頭！ 我T字位毛孔大到可以插針👃🏻，鼻翼黑頭又多，見到佢標榜「酵母+益生元」可以平衡皮膚菌群、收細毛孔，仲係日本藥妝口碑貨，即管搏一搏！ 💦 質地同用法 · 質地：倒出嚟係半透明水狀，有少少稠身，但推開好清爽，唔會黏笠。 · 用法：我每晚洗面後，倒喺化妝棉度，輕輕打圈抹T字位同鼻翼，當二次清潔用，有時濕敷3分鐘急救毛孔！ 👍 好用之處 1. 黑頭真係少咗！：用咗兩星期，鼻頭啲黑頭冇之前咁「猖狂」，摸落去冇咁多粒粒，乾淨咗～ 2. 毛孔冇以前咁顯眼：尤其係朝早起身，睇落毛孔冇咁「洞洞」，皮膚睇落平滑啲！ 3. 保濕度夠又溫和：雖然係毛孔水，但唔會搞到塊面乾繃繃，益生元成分令皮膚狀態穩定咗，冇咁易出油。 👎 有咩伏位？ · 效果要堅持：唔好期望用一兩次就毛孔隱形，至少要連續用個幾月先見到明顯變化。 · 價錢偏貴：細細支唔平，濕敷會好心痛⋯⋯ · 乾肌可能唔夠潤：主要針對油性/混合

lingbb好用推薦：有一期d program呢個系列網絡上好多廣告，咁岩我都有毛孔問題，而且皮膚間中會敏感就試下入手呢枝零毛孔爽膚水！ 處理毛孔問題我都會先用爽膚水，因為佢係最先被皮膚吸收嘅護膚品，對毛孔收細有關鍵作用，其次可以用作濕敷，係毛孔粗大地方濕敷就會有收細毛孔效果。 爽膚水質地好水，冇乜味，我會取出適量拍上面等佢初次吸收，再浸濕棉花濕敷5-10分鐘，我覺得效果都幾明顯，濕敷後毛孔有被收細，如果皮膚敏感令毛孔粗大呢個方法都可以減輕皮膚泛紅，毛孔自然變返細。 我會推薦俾有皮膚敏感、毛孔粗大嘅膚質。

A&R好用推薦：萬寧大減價買嚟試吓用，呢個牌子一直都係用潤膚露比較多啲，第一次用抗皺面霜精華，質地似lotion多啲，味道好香，但係一啲都唔會敏感，保濕都唔錯，皮膚好容易吸收，用咗一段時間，皺紋沒有加深，要長期使用先得。

Desse好用推薦：#火熱新品 Nivea妮維雅Q10全方位抗糖抗皺精華 最近忽然發現木偶紋又深咗…. 梗係要快啲處理🙅🏻‍♀️ 家姐介紹用nivea嘅抗糖精華🧏🏻‍♀️ 成份有Q10 x 狙糖因GLYCOSTOP💡 官方話2週有效淡化頑固皺紋並預防新紋🧏🏻‍♀️ 實測咗兩星期.. 係有啲用💆🏻‍♀️ Test tub嘅設計令到成件事感覺好衛生.. 而且可以好好控制份量💡 一開始expect隻精華可能係偏透薄一啲.. 但用落好似lotion.. 一樣輕薄易推💡 份量上比平時精華用量多咗.. 大約要4-5滴先可以搽勻全面+頸⚖️ 吸收度正常.. 大約要2-3分鐘 保濕度唔錯.. 日本開晒heater訓都唔會覺得乾💡 ⚖️無廣告描述咁誇張… 話5分鐘淡化皺紋😅 但一星期左右會睇到效果💡 一支30ml 大約用到一個月左右 值得一試💡