找產品
敏感肌 推薦好用產品
2,849 件
Kitty 好用推薦：我係混合性肌膚，T字位出油，但面頰有時會好乾，尤其係轉天氣或者開冷氣瞓覺之後，塊面會黐立立但又覺得繃緊，好麻煩。 質地同氣味： 個包裝已經贏咗，有質感又方便攜帶。入面嘅cream質地超柔潤，搽完好軟滑舒服，有滋潤感。因為小朋友都可以搽，應該冇加咩香精，氣味方面冇乜特別。 用後感覺同效果： 1. 即刻飲飽水感： 搽上面嗰一下，第一個感覺就係好潤澤，但完全唔會立！佢好似一秒鐘就俾塊面吸收咗，皮膚即刻變得軟熟咗，摸落去滑捋捋。之前面頰乾到有啲甩皮，用咗佢之後，啲乾紋即刻冇咁顯眼，好似飲飽水咁。 2. 持久保濕，唔再外油內乾： 最驚喜係佢嘅持久度！以前用啲cream，朝早起身個T字位成面油，但而家呢種情況改善咗好多。佢好似幫我平衡返啲油水，令到皮膚狀態穩定咗，唔會再亂出油或者異常繃緊。開成晚冷氣，第二朝起身塊面都依然keep到水潤，冇摷住嘅感覺。 3. 膚色提亮，有光澤： 用咗一段時間，發現塊面冇之前咁暗啞，有種健康嘅光澤感，唔係油光嚟㗎！上粉底都貼服咗，冇再因為皮膚乾而起擦膠碎。 4. 係咪真係萬用？ 老實講，佢唔係一支神奇藥膏，唔會話用完乜嘢紋都冇晒。但係作為一支高級嘅日常
<看全文>🌸好用推薦：我係乾敏肌膚，最近見到呢一款討論度好高嘅全效修護萬用霜，就忍唔住入手。 其實就咁睇個包裝已經贏咗，外觀設計符合人體工學，單手都可以拎嚟用。包裝上面嘅灰色Dior logo 斜紋設計同佢哋嘅手袋如出一轍，加上有BLACKPINK 嘅JISOO加持，當然相當加分🥰🥰🥰 非常容易擠出，膏體嘅質地係白色，係清淡自然嘅味道，冇額外添加香料，對敏感肌非常友好。質地柔軟唔黏立，相當容易推開，搽咗之後好似有一層薄薄嘅保護膜包裹住乾燥嘅肌膚。我睇返個成份表，原來佢含有幫助舒緩同埋修復肌膚嘅積雪草提取物，幫助修復肌膚屏障。乳木果油、荷荷巴油成份做到深層補水、滋養肌膚。 最近個指甲邊緣有啲位，因為經常洗手嘅關係而爆開咗，正好用嚟試下新產品 使用前：用咗一星期後： 乾燥爆裂嘅指甲邊緣已經好返，膚質明顯滋潤細緻返好多。而且質感柔軟唔黏笠，迅速融化，查完之後可以即刻做其他嘢，唔影響生活。因為佢清爽嘅關係，所以一年四季都可以使用。
<看全文>
Poyobb好用推薦：之前工作，因為壓力大手踭長出了乾廯，持續好多年都冇改善，時好時壞🥲試過市面上多個濕疹牌子嘅護膚霜，都不能治癒，而且對抗痕癢嘅功能也平平無奇。 反而呢支新出嘅新加坡牌子suubalm試咗佢哋嘅保濕霜同埋噴霧 ，雖然不能夠令到皮膚治癒，但止痕非常見效，搽咗保濕霜上痕癢位置，即時有涼浸浸薄荷嘅效果，唔會令我有好想r感覺，而且保濕護膚功效很好。 雖然而家仲未好返晒，但痕癢問題已經逐漸改善，乾廯範圍縮小咗，唔會再不停r爛皮膚位置。對於一個有濕疹或者皮膚出現問題嘅人搵到一隻對自己有效既產品好開心，建議有需要嘅人可以去試一試🤗
<看全文>Kitty 好用推薦：Suu Balm速效舒敏保濕乳，夏天皮膚嘅滅火筒。 乳液呈奶白色，質地輕盈薄身，推開後快速吸收，一啲都唔黐立立，夏天用清爽零負擔。 搽完即刻有陣涼浸浸嘅感覺，5分鐘內皮膚灼熱痕癢明顯舒緩，紅腫部位明顯降溫，急性濕疹發作時急救最啱用。連續用幾日，乾燥位置逐漸軟化，耳背、手腳等甩皮位慢慢恢復水潤彈性，保濕效果都幾好。 配方安心，冇香料、類固醇同刺激成分，敏感肌可以長用。薄荷醇截斷痕癢信號，神經酰胺深層修復屏障，從根源減少敏感反覆。 佢係我呢排痕到瞓唔著時嘅“滅火筒”，輕透涼感 + 長效屏障修護，真正兼顧即時見效同治本。
<看全文>
Fng好用推薦：B.glen 礦泥潔面乳絕對係溫和派代表！同其他深層潔面產品（如Innisfree火山泥、Kiehl's白泥）相比，佢贏在唔會過度清潔——含天然礦泥成分，但質地似輕盈乳液，按摩時溶出少許泡沫，沖水後零繃緊感，仲保留肌膚水分 🔆熟齡混合偏乾肌夏天用超適合：T位油脂同毛孔污垢能溫和洗淨，面珠墩又唔會乾到扯住。試過帶妝12小時後使用，黑頭有減少，而且無敏感泛紅（呢點贏咗好多強力清潔產品！）。✅️持久度方面，長期使用能平衡水油，出油量有輕微減少～ ⚠️唯一要注意係佢唔起泡，習慣豐盈泡沫感嘅人可能要用耐少少先適應。但勝在溫和，早晚用都得！ 推薦給：✔️ 熟齡肌要深層清潔但怕乾 ✔️ 敏感肌找溫和礦泥產品 ✔️ 夏天需要平衡水油！
<看全文>takemyokane好用推薦：身為混合偏油肌，T字部位容易出油、兩頰卻偶爾乾燥。這款潔面乳溫和的黏土質地能深層吸附多餘油脂，洗完臉完全不會緊繃或乾澀，反而有種毛孔暢通的清爽感，洗面過程很舒服。淡淡天然礦物香氣很療癒，用了兩週後白天出油量變少，鼻頭粉刺亦明顯減少，後續保養吸收更順暢。
<看全文>
Kmggigi好用推薦：Kérastase 逆時光至臻修護浴髮乳 — 高級香氣，極致修護💆♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛
<看全文>Sandy好用推薦： youth Revitalizing shampoo 逆時光至臻修護浴髮乳250ml [賦活強韌 水潤光澤] 口號並不是浪得虛名 我試過一次就冇用其他品牌洗頭水嘅產品, 原因如下： 居家奢享頂級體驗、 唔需要走出去做頭療，treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單
<看全文>
YYeman好用推薦：d program粉色精華用後心得 呢支精華可以話係「潤物細無聲」嘅代表，唔會即刻有驚天動地嘅效果，但係用落就會知道佢好嘢。 整體評價： 一支非常出色嘅「打底精華」，主要功效係維穩、保濕、平衡肌底。特別適合敏感、脆弱、容易泛紅、水油失衡嘅肌膚。 詳細使用心得： 1. 質地同氣味： · 質地： 係帶有少少稠度嘅半透明凝露狀，一啲都唔油膩。 · 推開感： 非常好推，上臉一撻撻開就即刻化水，吸收速度超快，「咻」一聲就入咗皮膚，完全唔會黏立立。 · 氣味： 同d program其他產品一樣，完全無香料，只有好輕微好輕微嘅原料味，唔難聞，好有安全感。 2. 使用感受： · 保濕度： 好好！雖然佢係水感質地，但保濕力絕對唔弱。拍上臉之後，會覺得皮膚飲飽水，有種「嘭」起嚟嘅感覺，軟軟嫩嫩。 · 舒緩效果： 呢樣係佢最強項！當你塊面有少少痕、少少燶，或者洗完面有啲繃緊泛紅，用咗佢之後真係會好快鎮靜落嚟，個「燶」感會減輕好多。 · 水油平衡： 用咗一段時間（大約一至兩星期），會覺得T字位冇咁易出油，而面頰又冇咁乾，成塊面嘅狀態穩定咗。佢唔會話令你完全唔出油，但個「油量」會正常返，冇咁「油光
<看全文>Kelvin好用推薦：D program係喺藥妝經常見到嘅牌子，5x酵母益生元保濕強韌精華精華質地唔厚重，半透明gel狀，容易於面部推均勻，完全冇油膩。而且感覺一搽上面就容易推入皮膚，感覺舒服又幾快吸收。冇一啲化學嘅香料味，都幾容易令人接受。 一次用2泵，用完之後，感覺皮膚濕潤飽滿，好似俾水包住皮膚咁。用咗一段時間之後，T字位冇咁容易出油重，面頰皮膚冇咁容易乾燥，整體肌膚穩定咗。我用完呢支精華之後就直接送返保濕面霜吸防曬就已經可以出門口。 因為呢個精華可以穩定皮膚，適合轉季嘅時候敏感肌，脆弱肌使用。另外對皮膚水有平衡不均嘅人士都比較有效。
<看全文>
皮皮爱马桶好用推薦：首先感谢@cosme的试用装体验，但是由于本人之前在旅行所以迟到一周才交心得。本次试用品为滴露ProFresh清爽保湿沐浴露2瓶，分别为水感蜜桃950g，玫瑰及白麝香900g，满满两大瓶够全家人使用好一阵子。 首先上个正面包装，超级大的两瓶，试用装由于暂未上市，所以暂无正式的包装。目前季节本人身体的皮肤偏中性，不易出汗也不太干燥，不过对沐浴乳就更加偏好洗后不假滑的类型。 由于本人比较喜欢蜜桃的味道，因此首先试用蜜桃这瓶，气味非常好闻，使用时整个浴室都蔓延着蜜桃的香味，令人身心愉悦，洗澡都变得快乐起来。沐浴乳挤出呈琥珀透明状的液体，加入少许水后用沐浴球轻轻搓洗就可以出泡沫，泡沫算比较丰富细腻，但是如果直接用双手搓泡的话，起泡效果不是特别明显。每次沐浴大约需要3-4泵的样子。另外一瓶玫瑰及白麝香的味道颜色为透明状液体，和蜜桃味最大的区别就是气味不同，有种夏天驱蚊水的特别味道，也很好闻，尤其麝香的味道能令人镇静，会让人联想到夏天，但是洗完后留香并不持久。出泡以及沐浴效果两者大致相同，冲完水后会有假滑的感觉，如果喜欢滑溜溜不绷紧的感觉，或者男生如果体毛长的话，那选择滴露这两瓶就没错。缺点就是
<看全文>Kim Chan好用推薦：產品名稱：Dettol滴露ProFresh 清爽保濕沐浴露 感謝@cosme 抽中，有機會體驗Dettol 滴露 新推出的ProFresh 系列： * 水感蜜桃沐浴露質地方面：水潤感質地的沐浴露比較清爽，而且泡沫好豐盈，絕對能夠去除黏膩感，沖完涼唔會覺得好乾，肌膚變得好清爽，再加上滴露的防菌保護，潔淨的同時令人更安心！兩款植萃花香沐浴露加入左Activ-Botany保濕成份，有效鎖緊肌膚嘅水份同時溫和親膚，沖完涼真係感受倒皮膚好細滑，唔會有嗰種繃緊，實測沖完涼全日都好乾爽，唔會有黐立立的情況！ 味道方面：我相信每一位用家選用沐浴露除左功效之外，最在意的就係香味，採用左7 種天然優質精油調製而成，唔怪之得香味非常持久！ 最重要係無刺激性化學殘留物，無添加矽，無防腐劑，無礦物油以及人造色素，用得更放心🫶🏻* 水感蜜桃味🍑 比較偏甜美的水蜜桃味，感覺同啫喱味好似， 香味亦都好拎久，兩者比較，我個人都係喜歡橙花果款，好舒緩壓力！總結：沖涼除左潔淨身體之餘又做到保濕肌膚，香味又持久，而且又令人有放鬆心情，舒緩疲勞的功效，睡眠質素都大大提升！
<看全文>
Meowcat好用推薦：前排系ig 睇到kol 講緊呢個系列，滲透力媲美1064波長Laser😍 超微細分子直達真皮層1.5mm😍 快用完一支，真系驚艷到！質地好輕盈，是凝露狀，上臉之後吸收快、不黏笠，特別適合夏天這種悶熱嘅季節！ 平時番工通宵又熬夜😭 脸色真的很容易暗沉冇光澤架😭早晚堅持用，皮膚狀態穩定透亮細膩，泛紅減退，看起來休息足夠，氣血很足的樣子！原本最困擾的法令紋和卡粉問題都緩解了，皮膚變得有 彈性，素颜出門都比以前更有自信！
<看全文>Fng好用推薦：曼秀雷敦肌研臻致淡紋精華｜ 平價版皺紋橡皮擦 質地與膚感：👍👍👍 (中規中矩) 按出嚟係半透明凝露狀，推開時有少少黏感，但吸收後呈半啞緻狀態。對混合偏乾肌來講，秋冬季節用剛好，夏天就可能要減少用量，或者只集中用喺紋路位置。 真實淡紋效果：🤔 (要有耐性) 用咗四星期，最明顯係額頭同眼尾嘅細紋冇咁顯眼，尤其上妝後冇再卡粉。不過要期望佢消除深層法令紋就諗多咗，屬於「預防勝於治療」型，適合剛出現細紋嘅輕熟肌。 使用Tips ： 1. 「紋路集中法」：額頭、眼尾、法令紋重點按摩 2. 「混合面霜」：覺得太潤可以混入面霜，加強全臉抗老 3. 「化妝前急救」：妝前薄擦喺易卡紋位置，即時撫平 溫馨提示： ✨建議晚間使用，日間要加強防曬 ✨要連續用至少28日先看到明顯效果 總結： 一支合格有餘嘅「入門級抗皺精華」！特別適合預算有限、剛開始出現細紋嘅輕熟混合肌。雖然唔會帶來驚天動地嘅逆齡效果，但以其針對性成分同合理定價，絕對係開架中誠意之作！記住，要俾耐性同用足量，先對得住佢個「淡紋」名號呀！ #日糸護膚
<看全文>
Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️
<看全文>Kitty 好用推薦：包裝係厚實塑膠樽，入面係粉紅色嘅液體。一打開陣味係好清新嘅果酸味，有少少似樹莓或者莓果咁，唔會俗氣，沖完涼成個浴室都係香噴噴，好舒服！ 🧴使用方法🧴 好簡單咋，洗完頭，將洗頭水同護髮素沖乾淨之後，揸住個樽係頭頂繞三圈，用量剛剛好。髮醋從頭頂開始按摩，均勻搽喺濕頭髮上面，如果想清潔止癢效果好d記得按摩埋頭皮！輕輕按摩下等佢吸收，跟住沖水！ 💖用後感💖 第一次用完已經覺得好神奇！啲頭髮即時順滑咗好多，用手指梳開打結嘅地方完全冇難度，好似幫頭髮做咗個SPA咁！沖水嗰陣感覺到髮質好軟熟，唔會鞋掹掹。 吹乾頭之後個效果更加明顯！頭髮光澤咗，睇落健康啲，而且摸落去真係滑捋捋，自己都忍唔住成日摸😂！之前啲髮尾好乾，而家感覺有咗層保護膜咁，冇咁易打結，朝早起身都冇咁毛躁。 👍優點👍 - 即時見效，用一次就feel到順滑 - 氣味清新 - 平價！一支可以用好耐 - 漂染受損、毛躁頭髮都岩用 👎缺點👎 - 如果你頭髮本身偏幼細，可能唔可以次次用，否則會有少少扁塌 - 一定要徹底沖洗乾淨，留香不太持久 總括來講： Yves Rocher呢支髮醋絕對係性價比高之選！尤其適合頭髮受損、經常打結、缺乏光
<看全文>
Sakura醬好用推薦：INNISFREE 超強補水精華 最近試咗INNISFREE嗰款綠茶籽精華，真心被佢嘅補水力嚇親！🌿💧 我本身係偏乾肌，尤其成日留喺冷氣房，塊面好易乾同繃緊。用咗呢款綠茶精華之後，皮膚明顯有改善，又水潤又清爽！ 佢嘅質地輕身易推，搽上塊面一啲都唔笠唔黏，而且吸收得好快。朝早用都完全冇問題，唔會悶痘，之後上妝仲貼服啲。 持續用咗一兩個星期，真係覺得皮膚變得柔軟有光澤，連原本乾燥嘅細紋都唔見咗，成塊面好似飲飽水咁💦 如果你都係成日對住冷氣、皮膚容易乾嘅話，呢個綠茶精華真係超啱你，清爽又保濕 👍
<看全文>Fng好用推薦：佢個樣咁靚咁可愛🥰就買咗返嚟試下😍 綠茶籽保濕精華有效補充肌膚水分，使肌膚水潤透亮。質地水狀，易於推開，吸收快，不會有黏膩感。綠茶成分有助於舒緩肌膚，對乾燥、敏感肌膚有一定幫助，而且價格親民，容量大，性價比高，適合所有膚質，特別是乾燥敏感肌。😒缺點係用於妝前，可能會導致妝容起屑🤐 總體來說，Innisfree綠茶籽保濕精華是一款性價比高、保濕效果不錯的產品，適合大部分膚質使用，尤其是在日常保濕方面表現優秀。 但如果擔心妝容起屑的問題，建議在使用前測試吓先。 #補濕
<看全文>
Cosmeemee好用推薦：#火熱新品 🗓️使用時間：持續使用一個月 💆🏻♀️個人皮膚狀況： 混合乾性肌膚，全面易乾而出油 膚色有點不均勻，有少許雀斑及暗瘡印 皮膚有時洗澡後有敏感及易紅約情況 使用產品後沒有任何過敏反應 🔽全面使用心得如下🔽 1️⃣產品質地: 這款精華液的質地非常輕盈,無油光感。滑順易推開,即使在潮濕天氣下也不會有任何黏膩感，並能夠快速滲透進肌膚,基本上1分鐘內已完全吸收。 2️⃣淡/防印效果: 在持續使用一個月後,我發現暗瘡印和色斑確實變淡了不少，使肌膚看起來更加平滑。🔼剛使用🔼一個月後 3️⃣保濕效能: 精華液含有多種保濕成分,能給肌膚長效補水保濕。每日早晚都有用，雖然冇純B5gel咁保濕，但以美白精華來說，保濕效果非常不錯，即使在炎熱天氣下也沒有任何乾燥或緊繃感。 4️⃣低敏配方: 這款精華液非常溫和,不含酒精、香料和防腐劑，是敏感肌也能用的美白產品～ （使用方法:早晚洗臉後，上爽膚水，取適量精華液塗抹於全臉，再上面霜。） 🙌總結評分🙌 低敏程度：♥️♥️♥️♥️♥️ 美白效果：♥️♥️♥️🤍🤍 防班效果：♥️♥️♥️♥️🤍 淡印效果：♥️♥️♥️🤍🤍 推薦程度：♥️♥️♥️♥️
<看全文>Kelvin好用推薦：Olay PROX皙顏袪斑精華液 從根源防班淡印，具備有「NIA + SDL」專利淡斑配方，穩定黑色素母體，減少黑色素擴散和沈積，有助從肌底淡斑🤗 質地透明珍珠白色，我塊面需要一次用3泵，搽上面大概30秒已經吸收晒，清爽唔黏笠，朝早用都唔會黐立立，仲有啲保濕效果，大部份用都鍾意嘅質地👍🏻 大概用咗1/3，暗瘡印位退得快，用完會塊面白淨咗。但我多年嘅色斑就感覺退嘅效果就唔太見到，但係我覺得可以keep住用，開架牌子又有專利效果針對淡斑嘅精華唔多，希望用落夏天keep住唔好再出咁多斑。 但會提返美白精華，一定要用足夠份量，如果唔係用咗等於冇用
<看全文>
Kelvin好用推薦：其實我夏天身體唔算係太乾，但最近轉季，個手臂和關節位就感覺到乾燥得唔掂，沖完涼有啲痕癢。 喺萬寧見到新出嘅vaseline 雪融霜，呢款雪融霜大罐裝，跟我屋企用緊嘅Cetaphil cream差唔多樣。打開見到質地好輕盈，雖然睇起來似乎幾濃，但用上去吸收得非常快，完全唔會黏膩。用完之後，肌膚即刻變得滑嫩。用硬睇落皮膚表面變得水潤，仲冇出現過敏嘅情況，味道舒適淡淡地🫶🏻 最重要係，佢價格都幾平民，對於我呢啲中性皮膚，又無特別要求既人嚟講，算係好嘅選擇
<看全文>Sakura醬好用推薦：凡士林雪融霜測評 一到轉季或者開冷氣，對手同身體啲皮膚就特別容易乾燥，甚至甩皮。成日聽人講凡士林支雪融霜好厲害，今次就同大家開箱試下，睇下係咪真係咁「一抹化水」！ 香味： 有好淡好淡嘅清香，幾乎可以話係接近無味。唔會留低任何濃烈香味，對氣味敏感或者鍾意自然感覺嘅朋友應該會好鍾意。 質地： 最得意就係佢嘅質地！白色嘅雪葩狀，一掂到皮膚真係會好似「雪融」咁，即刻化開變成水感，好輕薄。推兩下就已經吸收咗，完全冇黏膩感，皮膚即刻變得滑溜。 保濕效果： 雖然質地輕薄，但保濕力絕對唔弱！用完之後皮膚會覺得好水潤柔軟，即時補充咗水分咁。對於普通乾燥或者日常保濕嚟講非常足夠，不過如果係極度乾燥嘅部位，可能就要補多層或者揀再潤啲嘅產品。 價格： 親民到極！幾十蚊港幣就有一大支，藥房同超市輕易買到，絕對係平價保濕之選。 總結： 一支質地清爽、吸收快、保濕力不錯的高性價比身體乳霜，非常適合怕黏膩、追求日常基礎保濕嘅人使用！
<看全文>
Fng好用推薦：CeraVe 全效保濕精華水💦 質地似稀釋咗嘅精華液，推開後秒吸收唔黏膩，兩頰即刻有飲飽水感！香港夏天冷氣房測試8小時，完全冇繃緊，T區亦唔會泛油光，保濕力拍得住部分貴價產品。添加嘅三重神經酰胺確有修復效果，試過刷酸後泛紅，連續用3日明顯退紅，毛孔都睇落細緻咗～ ⚠️ 局限性 雖然保濕同修復效果出色，但功能較單一，冇抗老或美白成分，需要疊加其他功能性精華。瓶口設計較大，倒出時容易浪費🤫🤨，建議分裝到噴霧瓶使用～ 🆚 同價位產品比較 · VS Hadalabo白潤精華水：Hadalabo質地更濃稠，保濕極強但較黏膩，適合乾肌；CeraVe則清爽得多，混合肌夏天用更舒服～ · VS La Roche-Posay溫泉水：LRP溫泉水主打舒敏降紅，保濕力中等，更適合油性敏感肌；CeraVe修復屏障更全面，保濕力也更持久～ · VS Neutrogena玻尿酸精華水：Neutrogena較側重即時保濕，但持久度一般；CeraVe勝在長效修復，適合日常維穩～ 💡 使用心得 混合乾肌夏日可以當妝前打底，濕敷3分鐘再上粉底，貼服度大增！百零蚊超大支，頸部同手肘一樣用得，性價比超高～ 推薦度
<看全文>維他他好用推薦：CERAVE 全效保濕修護精華水, 呢隻牌子嘅產品好適合敏感肌朋友使用，產品由皮膚科醫生研發 呢支保濕精華水冇酒精，冇香料， pH值 balance, 可以放心使用 佢嘅質地非常輕盈，入面有三重保濕因子，面部皮膚即時可以吸收晒爽膚水嘅成份，幫助保護肌膚屏障，用完之後皮膚會變得柔軟，睇落去更加健康 個人覺得都幾唔錯，價錢$160 ，有200毫升， OK啦 
<看全文>
Sccan好用推薦：香港夏日咁熱容乜易出晒油溶妝，唔用控油碎粉定妝補妝點得呀？ innisfree依隻礦物碎粉我由佢一開始出用到依家，佢包裝得5g，內含一個絨毛粉撲，細細盒袋係身隨時補妝好方便。我專登沾咁多影比大家睇，粉質算幼細，用粉撲上或者用掃掃上，會即刻變左霧面，控油力大約2小時，因人而異，有少少遮毛孔嘅功效，皮膚睇落平滑啲，但唔會令膚色白左一度，反而好有透明感。加上依隻係礦物碎粉，成份天然，無香料味，唔傷皮膚又透氣唔會生粒粒，痘痘肌同敏感肌都啱用，十分推薦！
<看全文>Desse好用推薦：如果你久唔久先化一次妝 #夏天 易出油嘅時候又想買盒碎粉嚟定吓妝 咁喱盒 #碎粉 就好啱你啦！ 佢只有5g ! 100蚊內就有交易⭐️ 唔怕浪費又性價比高💓💓 產品榮獲 @cosme「2024年度香港美妝大賞 碎粉第1名」 係咪好吸引先😆😆 Innisfree控油礦物散粉（No-Sebum Mineral Powder）係韓國嘅大熱產品🇰🇷🇰🇷 專為控油同定妝而設💡 粉質超級細緻..💓💓 用上面好輕盈..唔會卡粉或者令妝感變厚重 🍵仲有淡淡薄荷香味..用完感覺清爽舒服！ 控油效果好明顯💓 夏天或者出油多嘅時候補一補，即刻啞緻返晒，唔怕變「油面」🤩 產品優點💡 控油力強🫶🏻適合油性或混合性皮膚 粉質幼細🫶🏻唔會反白或者結塊 價錢親民🫶🏻細細盒方便攜帶 無香料！無防腐劑！🫶🏻敏感肌都用得 不過呢……. 🏮粉盒細細個…5g好快用完.. 如果你係長期用家.. 就要一次過入定幾盒貨🔔innisfree 官網都有幾件嘅優惠.. 可以留意番💓 🏮控油效果未必可以維持全日 油肌或者勁出汗.. 可能要補多幾次 總結吓先🧏🏻♀️🧏🏻♀️ 性價比高❤️定妝補妝都啱用 特別適合夏天或者易出
<看全文>
mysecretgarden好用推薦： 對於我哋呢啲濕疹皮膚來講，揀潤膚露真係好大嘅學問。好多時唔係太黐笠笠，就係保濕力唔夠，最慘係一用錯嘢，即刻起粒粒、發紅，分分鐘成個月先好返，好長手尾。尤其係對手，自從疫情之後洗多咗手，皮膚屏障變得好脆弱，一般坊間嘅Hand Cream又多香料，完全唔敢用。 苦苦物色咗好耐，終於遇到Nivea呢支75小時修護保濕身體乳。首先，佢完全通過咗我皮膚嘅敏感測試！用落完全無引起任何痕癢或者粒粒，成份溫和呢一點，對濕疹人來講真係最重要。其次係佢嘅質地係乳液狀，推開好水感，吸收得又快。用完之後對手係有種實在嘅保濕感，但就完全唔會「立」。就算即時要拎嘢或者打字，都唔會有黏膩感，呢個平衡點做得好好。 我而家主要係拎佢來當Hand Cream用，因為一支大大支，價錢又平，用得多都唔會肉痛。每次洗手後用，都可以即時補充返被洗走嘅油脂同水份，長時間保持雙手軟滑，唔會再因為乾而繃緊。 Nivea呢支身體乳絕對係一個「平、靚、正」之選。佢未必係神奇特效藥，發緊濕疹嘅時候用都唔會好返，但係好返之後作為一支日常基礎保濕、穩定皮膚狀態嘅產品，佢交足功課，令人用得安心。
<看全文>YYeman好用推薦：秋冬季至愛身體潤膚乳分享 𝙉𝙞𝙫𝙚𝙖～ 𝙉𝙞𝙫𝙚𝙖 敏修復潤膚露 🤍 我本身已經係 Nivea 嘅用家 ❤️ 由防曬到潤膚乳都係用緊呢個牌子 ✨ 我好鍾意呢個牌子佢獨有嘅氣味，聞落好舒服好放鬆 😌 同佢自己牌子另一個系列（藍色樽嗰款）🔹 比起嚟 呢支明顯杰身啲、濃稠啲，但又比想像中容易推開 🉐 我一直用開 Nivea 最主要原因， 係因為佢嘅質地可以好快被皮膚吸收 👍🏻 而呢支都無令我失望！ 推開嗰陣覺得佢幾潤，仲以為會好黐身， 點知出奇地又無喎 👏🏻 踏入秋天開始用，已經明顯感覺到皮膚無咁痕！
<看全文>
YYeman好用推薦：innisfree 綠茶面膜 一款合格嘅「基礎保濕急救兵」。唔好期望有咩神奇功效，但係當你塊面「口乾舌燥」，想即刻補濕水，佢係一個平、靚、正嘅選擇。對於學生黨或者護膚新手來講，性價比幾高。 1. 質地同氣味： · 精華液： 分量算多，但唔會多到滴到成地都係。質地係清爽嘅水狀，完全唔黏膩。 · 氣味： 係好清新嘅綠茶味，唔係好假嗰種香精味，聞落幾舒服放鬆。 · 面膜紙： 係佢嘅扣分位！面膜紙偏薄，唔係好貼面，尤其係鼻翼同嘴角位，好容易翹起，敷嘅時候唔係太好郁動。 2. 使用感受同效果： · 補濕力： 呢樣係佢最主要嘅功能。敷完之後，塊面即刻會覺得水潤咗，摸落去滑溜咗。尤其係洗完面覺得繃緊嘅時候敷一片，好快可以舒緩到。 · 舒緩效果： 有少少嘅鎮靜作用，如果塊面有少少燶燶哋，敷完會覺得冇咁唔舒服。 · 吸收度： 因為精華好清爽，所以吸收得好快，敷完拍多兩下就已經入咗皮膚，唔使點清洗，之後直接搽乳液/面霜就得，好方便。 3. 優點缺點大總結： 👍 優點： · 價錢親民，點用都唔肉赤。 · 精華清爽，油皮同混合肌都用得，唔怕悶痘。 · 即時補濕效果明顯，適合用來急救。 · 氣味清
<看全文>Kmggigi好用推薦：innisfree 天然能量綠茶面膜係一款保濕、溫和舒緩嘅面膜，適合各種膚質，特別係敏感肌同醫美後使用！ 面膜內嘅精華非常豐富，足夠用嚟搽埋頸，完全唔會浪費！ 敷完面膜後，精華依然充足，可以輕輕按摩至吸收，帶來全方位嘅滋潤效果 精華質地水潤輕盈，用後肌膚即時感到保濕滋潤， 但同時完全唔會過分黏笠，令肌膚保持輕透舒適， 尤其適合炎熱天氣或者醫美後使用。 面膜紙嘅厚薄設計唔錯，敷喺面上服貼度非常高，連鼻翼等位置都可以覆蓋到 敷面膜時會感到少少涼意，特別適合喺醫美後使用，帶來舒緩同鎮定效果 雖然面膜有少少氣味，但係完全喺可接受範圍內
<看全文>
Chi好用推薦：控油效果不錯，妝感十分自然，圖中分別是上妝前，上妝後及上妝8小時後的效果，可以見到產品的持妝效果是不錯的，瑕疵皮用都沒有出現浮粉的情況，红血絲可以輕鬆遮到，痘印及黑眼圈就要疊加幾次粉液，8小時妝後只有鼻翼位置稍微脫粉。
<看全文>Wuxx好用推薦：又係俾新科技吸引貨金系列。 見佢個夾心海綿好似好好玩咁所以我又去買左黎試， 可能用慣平時一壓就出嘅氣墊粉餅，依隻有啲難估量。 依隻圓拱型海綿好似壓極都唔出粉咁，逼你少量多次咁上妝， 上一次全面我諗起碼壓15～20下。 加上佢遮瑕唔係話好勁，有時上完都唔肯定係咪有上到粉🤨 而控油方面都一般，帶妝2~3個小時已經全面油要補粉。 不過優點係佢防曬系數夠高，帶出街補妝都方便。 Btw最後我係剪開左個海綿黎用😗
<看全文>