找產品
防紫外線 推薦好用產品
774 件
Kmggigi好用推薦：最近用完支沐浴油，睇Cosme 發現依支彩豐 White Musk 沐浴露評價好，性價比又高， 所以就喺網上商店購入咗，一用就覺得物超所值！ 單睇個價錢~HK$ 40就有 1000ml， 真係性價比極高，適合一家使用 佢嘅 White Musk香味真係好好聞，係熟悉嘅氣味🤣 唔屬於刺鼻嗰種濃烈，帶有淡雅高級嘅自然香氣， 每次用完皮膚仲會留有淡淡嘅餘香，持久度唔錯👏🏻 依款沐浴露嘅質地係屬於輕盈啫喱狀， 起泡能力都唔錯！ 只需要少量就可以搓出唔少泡沫，清潔力亦唔錯，可以有效去除汗水同油脂，特別適合夏天使用 重要係用後唔會覺得皮膚乾燥或者繃緊， 咁嘅價錢咁嘅效果真係無嘢好投訴😆 總括而言，如果你鍾意淡雅香味， 又想搵一支大容量又平靚正嘅沐浴露， 呢支一定係唔錯嘅選擇！🥳
<看全文>natanatalie好用推薦：推薦呢款沐浴露俾大家！🛁 首先，佢價錢算平，無記錯三四十蚊有一大支，而且購買都好方便，除左有門市網購，印象中萬寧都有得買，唔怕買嗰陣好麻煩！😝 重點來了，包裝好lady，比起同品牌嘅包裝靚好多，放喺浴室心情都好啲！🥰 一打開，佢嘅重氣不得了，有一陣清香而不俗套嘅香氣，氣味好有高級感！加水起泡嘅清潔力亦好出色，用後肌膚會好嫩同水潤光澤，加上熱水嘅蒸氣，佢嘅香味係會維持喺浴室一段時間，每次行入去索到呢陣味，心情都會好好多！🙆🏻♀️
<看全文>
Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品
<看全文>Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！
<看全文>
Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品
<看全文>Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品
<看全文>
sammiimelda好用推薦：特登買來夏天用嘅一款粉底 質地比較輕盈 上面都清爽 遮瑕冇其他粉底高 但主要睇中佢夠輕薄 持久度都足夠全日 延展性亦都高 容量少少就夠用全面
<看全文>Beautyfish好用推薦：第一次使用Make Up For Ever的粉底~ 那天逛街時無意中看到，試了一點在手背上發現質地非常貼薄，水狀的質地很好推。而最吸引我的是它標榜不易脫妝，不會甩色落口罩上；咁啱最近天氣開始熱又潮濕，加埋帶mask個妝真係好易溶，所以忍唔住就買了，發覺佢真係幾好用❤️ 這隻粉底液的成份天然，而且相對簡單，對皮膚的負擔不會那麼大。親身試用過之後真係發覺佢比其他粉底貼面而且持久，妝感好自然，薄薄上一層已經可以令全面膚色均勻，semi-matt 嘅妝感幾靚，同埋持妝得嚟唔乾，呢點對於混合性偏乾皮膚嘅我來講就好好😍 要留意返佢嘅遮瑕度屬於低至中，需要多啲coverage嘅地方可以輕輕上多一層而唔會厚粉；不過對於喜歡多啲遮瑕力嘅朋友可能會嫌佢薄得滯，而且佢唔算控油。 總結：我覺得呢隻粉底同MAC嘅Studio Fix Fluid有啲相似，都係long-lasting同貼面；不過呢一隻會更加適合乾性皮膚；如果要控油同高啲coverage嘅話應該MAC會好啲😉
<看全文>
Kmggigi好用推薦：Sofina Primavista 持久控油底霜 — 清爽控油界嘅神級好物，夏天必備！🔥 質地: 呢款底霜質地清爽，推開好滑好易 blend， 完全唔會有厚重感。 調色效果都幾好，色調接近膚色， 用完個底色會靚啲、均勻啲， 好似皮膚自然變咗好狀態。 效果: 佢最強嘅地方就係控油！ 有效減少出油、令底妝持久服貼一日。 混合肌、油肌、或者天氣熱到出汗嘅夏天， 都用得好舒服，唔會有溶妝既視感。 防曬係 bonus！一支搞掂兩樣嘢🤣 防曬指數高，可以直接當埋日常防曬使用， 真係一舉兩得。 懶人或者忙碌上班族會超鍾意， 少一步妝都即刻快咗好多。🤩 總結：輕盈、控油、調色、防曬，一支搞掂所有底妝前準備 Sofina Primavista 呢支真係夏天底妝救星，想底妝穩陣又唔出油嘅一定要試！✨
<看全文>A&R好用推薦：Sofina Primavista持久控油粉底霜好啱夏天或者容易出油嘅肌膚用。 質地輕盈易推，搽上面好快融合，好似多咗一陣保護膜，唔會覺得厚重。最大特色係控油效果好明顯，上妝之後面仔保持清爽，T字位都冇咁快出油，妝感可以持久一整日。 朝早上妝，去到下午都仲keep到自然妝效，唔會溶妝或者甩粉。 遮瑕力都ok，令膚色均勻，仲有保濕成分，唔會因為控油而令皮膚乾燥。
<看全文>
Kitty 好用推薦：近排天氣又凍又乾，轉季底妝真係好頭痛🥶 本身係混合偏乾肌，用開嗰啲粉底液一上臉就顯紋、浮粉，仲要兩個鐘後變面具面… 但！最近試咗資生堂呢款養膚修護粉底，真心想寫篇文表揚佢！ 🔸質地＆延展性： 一按出嚟勁易推開～ 似乳液嘅質地，用手指上已經好易推匀，唔使化妝掃都掂！乾肌上臉完全唔厚粉，似第二層皮膚咁貼薄。 🔸妝感： 係嗰種日系天然光澤肌✨ 唔係閃粉嗰種假光，而係皮膚本身飲飽水嘅透亮感。乾肌最怕卡粉，呢款喺鼻翼、眼下完全冇積線，連平時甩皮嘅下巴位都馴服到！ 🔸遮瑕度： 屬於中等遮瑕～ 萬年黑眼圈疊兩層遮到五成，泛紅、暗瘡印加層碎粉都隱形到。最驚喜係佢遮瑕得嚟唔厚重，唔會一撻撻。 🔸持久度： 朝早8點化妝，到下午2-3點妝容仍然健在，對持久度要求高嘅話一定要定妝！到放工前成塊面冇暗沉變灰，越夜越靚嗰種奶油肌效果💯 🔸適合邊類人？ ✅乾肌、混合偏乾必試 ✅鍾意光澤感、自然妝效 ✅追求貼服唔卡粉 ❌大油肌可能要諗諗，或者冬天先用 小總結： 雖然價錢比開架貴少少，但以質素嚟講絕對對得住個價！尤其係乾肌sis，呢個冬天真係要靠佢救返塊面～
<看全文>Anson好用推薦：終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣
<看全文>
Poyobb好用推薦：有啲似Ettusais 有一種藍色foundation ，變粉狀嘅粉底液，賣點防水不輕易沾污雙手，一啲唔鍾意搽碎粉嘅人仕，我喺讀書年代都買過呢種粉底 佢係流質粉底液，只有三隻顏色01 02 03。雖然01係明亮色，但係都有點偏黃嘅感覺，所以要試顏色先買。建議用粉撲去上妝，會比較均勻。試過用紙巾去抹，咁既然都會有粉底液真係唔算容易甩。 佢base使用保濕型嘅底妝先至啱用，雖然係好水潤輕透，但乾透後唔夠保濕。
<看全文>Akassoo好用推薦：以前用開韓國嘅粉底，呢排轉試下日本嘅粉底，當中最大嘅分別係日本嘅妝容一向都係輕薄自然啲，而呢款media luxe嘅輕透持效粉底液顧名思義，真係好輕透。用之前要搖晃，一倒上手可以睇到佢係勁流質，要好快拍上臉。我用嘅係02號色（自然），開頭倒出嚟見到咁黃勁驚買深咗色，好彩拍返上臉之後都符合返膚色（本身自己係普遍黃種人膚色）（如果你皮膚係比較白嘅話，就可以試吓01號色）。不過因為輕薄自然，所以遮瑕度唔會話特別高，如果大家多瑕疵嘅話，都需要另外用遮瑕。 呢隻粉底液主打「防水抗汗，輕透美肌持續全天」，個人覺得佢的確係防水，而持久度都真係高，基本都可以hold到7-8個鐘、暗沉亦唔明顯。不過，而家啲天氣咁炎熱，日日都30幾度嘅情況下鼻翼就比較易浮粉，鼻頭亦都會出現白芝麻嘅情況。 另外，呢隻粉底係SPF26 PA++++，喺而家咁炎熱嘅天氣底下我自己都會喺上妝前用防曬底霜打底。整體嚟講，呢隻粉底液嘅性價比高，港幣$100都唔洗，但都做到晒基本粉底液嘅要求。如果日常淡妝嘅話其實呢隻就夠晒。
<看全文>
natanatalie好用推薦：各方面都表現出色的粉底👍🏻 我一向用了這品牌的蜜粉很多年，這一次試試他們的粉底。粉底的顏色選擇也是很多的，這次我選了中性的顏色，適合亞洲肌膚。😝 粉底的質地比較輕薄輕盈，很容易推開，我是把它點在面上再用化妝棉推開的，保濕度不錯，有微微的緊致提拉效果。粉底的光澤度也是很滿意的，能夠塑造美味水光肌的效果。而且這款粉底的遮瑕度我也是挺滿意的，基本的黑眼圈和淡淡的痘印他也是能夠覆蓋到。😜 妝感自然而且持久，化了一整天也不會變暗，也不會怎樣脫妝和溶妝，各方面的表現也是十分出色的。😊
<看全文>Conw好用推薦：自帶美顏粉底 LM除了碎粉和妝前做得好，粉底也非常好，中價位中粉底必買之選。 質感： 稠的乳液，延展很好，帶滋潤感 中度遮瑕，可堆疊 妝感： 啞面緞光，受光位會出現漂亮光澤 使用感受： 控油滋潤度好平衡，不會拔乾，香港適合秋冬使用，乾肌夏天都可以。 完妝稍稍黏手，吃進皮膚定妝後乾爽。 出油後成奶油肌，不會有白芝麻，只有少許積線情況，堆開補補粉ok。 持妝中上，4到5小時需補補妝，適合日常使用。 妝感漂亮各方面表現平均，不會出錯的一款。💖 就是香港專櫃色號選擇較少。
<看全文>
Noname 好用推薦：左邊在日本藥妝店隨手買，我搽臉上會有點厚和太近眼燻眼，原諒她因價格美麗😅搽身體也是可以的 右邊經常回購款，不記得用了幾多枝，妝前都可以用，spf50令我放心😊細小便攜👍🏻
<看全文>Noel好用推薦：其實行街時總見到這個品牌的開架防曬，但都沒有入手... 最近 My Bestie 真的向我推介了 SunCut 金色防曬，所以就即管試試！感覺很驚喜，再看看價格及容量，根本係 “爆 CP 好物”❗ UV Prefect Essence 防曬乳有點水感啫喱的質地，淡淡黃色，味道不難聞👌 KOSE Cosmeport 出品，防曬系數 SPF50 PA ++++，對產品很有信心。塗到面上很水很好推，因為啫喱狀，所以延展性極佳，又沒有泛白問題👍 雖然它是防水配方，但是很 light，沒有焗促感，其他膚質的靚靚也可以試試啊～ 這枝防曬乳又大罐又便宜，高效又不黏笠，塗面塗手腳都適合❗
<看全文>
natanatalie好用推薦：適合油肌的BB霜❤️ 一開始推開的時候，質地真係好輕盈，延展性好，唔會有厚重感。對我這種容易出油的肌膚來講，最驚喜係佢真係有一定控油力，至少頭幾個鐘唔需要補妝，T字位都算乾爽。妝效係自然偏啞緻，唔會太光澤，但又唔至於死板，係一種「素顏但乾淨」的感覺。👍🏻 防水防汗效果我覺得係佢最大賣點，夏天行街或者坐戶外都唔容易溶妝，仲有SPF防曬，方便懶得多塗一層防曬的日子。不過，遮瑕力就真係中等，痘印或者紅印要靠遮瑕膏幫手。長時間用落去，雖然唔會暗沉，但油肌始終會有少少焗促感，特別係天氣濕熱的時候。🥰
<看全文>Meoww好用推薦：1支結合防曬、底霜及粉底及遮瑕效果，持久保濕、均勻膚色、修飾瑕疵的高機能BB霜。 延展性好好，性格比高👍🏼夏天用有點焗身，冬天用剛剛好
<看全文>
YiN好用推薦：之前睇好多日雜同sns都推介unlabel嘅精華，當中最多人講就係佢呢枝Vit C精華。佢主打高壓壓縮精華令佢易啲滲透吸收，用完之後清爽不粘膩。淨係個包裝已經好吸引我，感覺好似好pro但又好清新。 我本身有用維他命C嘅習慣，都用過幾個唔同品牌，都係遮光滴管包裝，每次開樽都會令空氣入去，就算我每次用完都放雪櫃，都係避唔開用到尾會氧化到變橙色呢個命運。但係unlabel呢枝係pump頭，唔駛每次扭開，好方便用，而佢都冇變橙色呢個問題。質地超級水狀，擠手背一定會流落黎嘅程度，所以搽上面超級清爽，唔覺得佢會影響後續保養程序。 效果方面，佢主打解決毛孔粗大，暗沉粗糙嘅肌膚問題，做到美白抗氧化。我覺得以上嘅野佢都有幫助，我本身只要曬到少少太陽都好易變黑，喺日頭搽佢覺得有延長到防曬保護嘅效果，冇咁易黑。 用完依家呢枝我應該會回購，以前淨係日本先有得賣，依家香港都有賣真係太好喇。
<看全文>YY好用推薦：LDK榜五連冠既Unlable Lab維他命c精華，號稱一個月後能減少毛孔數量500+😮 依枝維c精華水油比例水多過油💧稀身質地，茶完再疊加清爽面霜無負擔，吸收就幾快，而且早晚都可以用。不過上面有少少刺痛感🫥 混合性皮膚的我，一用錯野skincare會出痘痘暗粒，但用咗依支維c精華，好快淡印。第二日皮膚好滑，上妝貼服。但乜見到收毛孔效果。 以百幾蚊幾價錢，可以做到白淨，係我心目中合格。但要美白幾度就要打美白針先work🫣
<看全文>
YYeman好用推薦：曼秀雷敦薄荷潤唇膏真係我每個冬天都唔可以冇嘅唇部救星！一到冬季，雙唇乾到繃緊、甩皮甚至爆拆，唔搽潤唇膏真係唔掂。而呢支薄荷潤唇膏就成為咗我冬季護膚 routine 裡面，隨身必帶嘅神器！ 保濕同修復效果相當唔錯： · 膏體軟硬適中，一搽上嘴就有陣清涼薄荷味，好醒神！而且涼涼哋嘅感覺，可以即時舒緩乾燥帶來嘅不適。 · 佢嘅保濕力好持久，唔係假潤嗰種。冬天出街前厚搽一層，可以維持幾個鐘唔覺唇部繃緊，就算戴口罩都唔會覺得黐立立或者好悶。 · 對於輕微爆拆同甩皮，佢嘅修復效果都幾明顯。我試過臨睡前厚敷，第二朝起身死皮會軟化，輕輕一抹就甩，唇部變得柔軟好多，冇再扯住痛。 冬季護唇心得： · 我會習慣喺搽唇膏或者唇釉前，薄薄打底一層，等幾分鐘吸收咗先上妝，咁樣可以減少唇紋，又唔會影響妝效。 · 如果唇部狀態特別差（例如嚴重爆拆），我會先濕敷再用佢厚敷，當作唇膜咁用，急救效果會更加好！ · 不過要注意，如果唇部有傷口，薄荷成份可能會帶來少少刺痛感，建議等傷口好返少少先用。 總括來講，曼秀雷敦薄荷潤唇膏係我冬季性價比極高嘅選擇！清涼感喺凍冰冰嘅天氣用特別舒服，而且保濕同修復能力都交足功課，細細
<看全文>Kmggigi好用推薦：嘴唇皮膚狀況: 嘴唇偏乾，比較易甩皮，上唇色偏暗沉 講到潤唇膏，稱這支曼秀雷敦為經典始祖也不為過！ 春夏季雖然濕度較高，但日常唇部護理仍不可忽視 平時我就習慣用曼秀雷敦潤唇膏維持夏季唇部健康狀態🥳 潤唇膏質地輕盈水潤，無色透明但使用後會帶有自然透明感， 同時散發淡淡薄荷香氣，會有清涼嘅感覺 上唇後有即時保濕效果，同時亦不會過度滋潤或黏膩， 非常適合春夏季節使用。 另外因為質地透明，能有效撫平唇紋，作為妝前打底效果一流👏🏻 產品效果: 唇部明顯乾燥，唇紋較為明顯 上唇後，肉眼可見唇部狀態有明顯改善，唇紋顯著減淡
<看全文>
Noel好用推薦：Sofina防曬個人非常信賴，防曬系數夠高，效果持久，也不曬黑。這枝高保濕防曬，不會抽乾皮膚水份，上到面上，感覺有層油潤的薄膜在皮膚表面，乾肌感覺舒服。防曬乳呈白色，水液狀，流動性高，具高度延展性，不泛白。唯一美中不足，係容易會保濕面霜／底妝打架，所以只能素顏不化妝的日子用，或直接塗手臂上。
<看全文>takemyokane好用推薦：今個夏天常用的一款防曬乳液，質地水潤，偏 Cool tone 藍白色。搖匀後塗上臉有調色效果，後續上妝不卡粉，而且還多了一層光澤感，上光影粉的步驟都可以略過。防曬效果除非全日戶外活動，否則都十分夠用。小缺點是要慢慢推匀，早上超趕時間的話可能就要⋯⋯準時起床？😹 #底妝升級好物
<看全文>
agnessstang好用推薦：很喜歡的氣墊粉底❤️ 不是新款 已經係2年前出嘅 今年先買嚟試🤣 簡潔嘅奶油白色包裝 粉撲係菱形 尖尖可以更仔細咁上鼻翼、眼底、嘴角呢啲位置嘅底妝 我用嘅色號係Halla 係自然偏白嘅顏色 妝感透薄 唔會有厚重嘅感覺 但遮瑕度幾唔錯 除非係好嚴重嘅黑眼圈同印🐼 大部分嘅黑眼圈、痘印、泛紅都遮到 而且可以喺需要遮瑕嘅位置疊加多一兩層上去都ok 但依然keep到透薄感 減少咗後續遮瑕用量 遮毛孔都唔錯 好容易拍勻 自然透薄嘅光澤+裸肌感✨ 持妝度唔錯 十幾個鐘成個妝都係完整 除咗鼻有少少油 粉盒同粉底補充裝係分開買 唔知係我裝得唔好定點 冇辦法完全合實個粉盒:(
<看全文>natanatalie好用推薦：#我的崇光感謝祭必買氣墊粉餅 一直對氣墊粉餅都有少少保留，因為我係油肌，好怕用完會油光滿面。。。😞 直到試左NARS水光氣氣墊粉底，我就知揾到一款啱我嘅氣墊了！🥰 佢有超高SPF 50+/PA+++防曬系數，好適合香港而家一年有十個月都係夏天嘅暴曬天氣！而家妝感有自然水感，加上光線折射，會令妝容睇落有韓妝嘅奶油水光肌感覺！夏天用持妝效果都好強，因為佢有保濕成份，一啲都唔乾，但又唔會笠，好適合油肌！❤️
<看全文>
Sanna Cher好用推薦：使用產品240色號，左面是用手簡單抹塗的效果，右面是未使用的妝效。質地方面是有流動性但不至於超輕薄，未抹塗前，會覺得是中規中矩的粉底液。使用一字掃延伸，見整個皮膚色調有被提亮，有透明感和均勻膚色，是真的非常適合日系的妝容。完妝的照片
<看全文>Wuxx好用推薦：第一次投稿 多多指教~ 因為真係太好用所以想多啲人知道依個冷門粉底液！ 大家都知資生堂有好多唔同定位嘅副線品牌， 而主線嘅光芒成日都會俾人忽略， 今次就講下依個個人覺得無敵嘅粉底！ 係香港依個夏天室內乾寒，室外濕熱嘅奇怪異世界黎講， 要搵到枝平衡到極端氣溫嘅粉底液真係唔容易，但資生堂做到啦！ 依隻粉底極高遮瑕，半泵已經可以用到全面。 我自己雖然唔係啲咩大瑕疵肌， 但透薄粉底有時疊加都未必可以做到好嘅修路作用， 所以有枝高效嘅遮瑕粉底液會方便好多。 而佢最令我佩服嘅位係， 雖然佢係霧面，但佢無霧面粉底液嘅通病， 就算係冷氣房都唔會收乾皮膚。 而鍾意水光面嘅朋友， 依隻粉底係有出光澤型咖！ 可以滿足到唔需求嘅人士。*一小泵已經可以大範圍使用* 希望依篇感想可以幫到仲未搵到心水粉底液嘅你♥️ *是次購入色號為130
<看全文>Yty好用推薦：韓國olive young購入嘅孖裝套裝，價錢實惠，防曬成分溫和，不含香精，酒精同色素，非常適合敏感、泛紅及痘痘肌皮膚，水凝乳質地，非常容易推開同埋清爽，防曬入邊有積雪草、魚腥草萃取精華，可以幫助鎮靜 而且佢係標明物理性防曬，但係完全冇物理性防曬嘅感覺，就好似搽緊一個好清爽舒服快吸收嘅乳液，日常出街用非常足夠，如果咁啱皮膚敏感緊或者生痘痘我就一定會連續用佢幾日，首先唔會令到豆豆再發炎加重，如果面珠敏感紅嘅話，有時用其他品牌喺敏感緊嘅情況下，都會有dd刺激同埋起乾皮仔，但係用呢一款因為實在太溫和，所以同保乳乳液嘅感覺一樣，如果平時都會間唔中突然起敏感或者生痘痘嘅女仔可以買定一支備用，性價比極高，值得推薦的
<看全文>Hazel好用推薦：前排皮膚敏感所以買黎試吓，雖然有啲乾亦都有泛白情況，但冇令我泛紅或者敏感，而且防曬系數高，尼個夏天都會繼續用佢°
<看全文>