防紫外線 推薦好用產品

lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻

mandy好用推薦：POLA WHITE SHOT （雙效祛斑煥白）防曬日霜 SKIN PROTECTOR DX SPF50+・PA++++ $550/ 45g 多功能的防曬+日霜，美白、防曬、保濕、抗衰老同步進行。一物幾用，防曬同時護膚，極方便(不用先用日霜再用防曬)，而且划算。 SPF50+・PA++++有足夠防曬保護，户外活動也不用擔心。 質地水感清爽, 延展性高, 易於均勻推開， 而且不影響後續上妝。 使用感舒適輕盈，使用後肌膚水潤飽滿嫩滑，透明度及肌膚光澤都有所提昇。 添加了不少優質護膚成分, 如美白、保濕、防曬及抗衰老成分。(注: 不是因調色功能美白，而是真正美白成分)。 WHITE SHOT 全糸列產品中價位比較好入手就是DX 防曬，其他大都接近$ 1000。好多時市面上的防曬都是以防曬成分為主，其他護膚成分不多。DX 防曬價位是貴，卻確實具多重護膚功效，所以也可說是物有所值，值得買入。市面上具優秀美白成分的防曬實在不多，很難找到DX 防曬的替代品。 (含有效成分) 美白/均勻膚色成分: 傳明酸, 甘草酸鉀 去斑成分: 傳明酸, 甘草酸鉀 保濕成分:

JessicaB好用推薦：☀️投奔夏季，背心短裙仔都要出動喇😎！香港嘅夏天太陽猛烈，紫外線指數又高，一定要高度防曬呀🥵，仲要keep住💦水潤透光嘅肌膚，凡士林嘅「日常提亮防曬精華液 SPF 50+ PA++++」，仲有泰國🇹🇭每8秒賣出1支’ 嘅「肌亮水潤精華凝乳 Dewy Radiance」就係Caca今個summer嘅防曬partner 🙌🏻！ 🩵【凡士林日常提亮防曬精華液 SPF 50+ PA++++】 😎室內、室外，都有效抵禦5大肌膚傷害。 🈶助防止UVA & UVB紫外線對肌膚造成傷害，適合每日使用🫶🏻 🈶效抵禦空氣污染~、藍光及冷氣乾燥等傷害 🈶維他命B3、C 及E，為肌膚注入所需營養，散發自然透亮光澤*。 🈶效快速吸收，質地清爽不黐笠

KaKi321好用推薦：Vaseline凡士林日常提亮防曬精華液 SPF50+ PA++++ 170毫升 首先，要多謝@cosme 抽中我，等我有機會試用產品🌸❤️❤️ 先睇下佢主打啲咩先，再俾一啲自己真實嘅用後感🥰 * 迅速吸收 ➡我真心覺得比起一啲好強勁嘅防曬，呢枝防曬精華液好快就吸收哂係皮膚度。 * 清爽不黐笠配方 ➡️一開頭俾我感覺應該係個種去沙灘會用個啲好黐笠嘅防曬，令我覺得驚訝嘅係，揸上身唔會覺得好黏笠，仲有淡淡嘅香味～ * 獨特配方提供50倍°的UVB防曬保護 ➡️我覺得係做到防曬黑嘅功效，呢排唔知點解成日都出去🤣個太陽又猛烈，有帶遮都曬黑🌚所以我就試用咗幾次揸上身，又感覺冇曬黑🧴 最後，如果你係經常外出，唔想曬黑，建議你可以買來試用😗

Fng好用推薦：suqqu 打底夠滋潤，搽上面等30秒會吸收，同埋有少許提亮效果， 毛孔會隱形30%，但spf15略為不夠，要額外補防曬， 有時朝早趕時間， 唯有用其他品牌嘅打底霜。😑

zetalhc好用推薦：含有滋潤油嘅成分，皮膚覺得好水潤，而且有少少粉紅色嘅提亮效果，後續上妝都好貼服

hellolulu好用推薦：Curel 化妝水分三種滋潤度，這款是中間的深層保濕化妝水II，無色無味，流動性極高。早晚潔面後按2-3泵輕拍上面，質感對乾性肌顯得非常清爽輕薄，春夏季使用亦不多夠力，要後續加強保濕。優點是貫徹品牌的質素保證，敏感肌能安心使用，雖然沒有驚豔之處，但使用期間膚況尚算穩定。特別喜歡它的泵頭，比一般倒出式化妝水方便，較易控制份量👍

劉肥貓好用推薦：呢隻化妝水原來係有分號數 購買時睇清楚 無色素香料 用上面唔會敏感，但保濕效果比我想像中較清爽 可能較適合春夏天使田或喜歡清爽嘅朋友使用

Catcmc好用推薦：用咗兩次已經急不及待上嚟分享，我係乾性肌，用呢一個用完好舒服好潤，真係非同凡響，之後再用粉底都好甜貼! 缺點係好鬼死貴 呢兩日咁啱天氣回暖，遲啲再喺啲凍啲或者熱啲嘅時候再試睇吓效果如何

Fng好用推薦：cle de peau uv protective cream 防曬乳 spf50+，它乳狀感，易推開，均勻吸收快，不乾燥也不膩。 我乾肌覺得好好，份量唔使勁多，偏潤，過多份量可能會覺得油，畢竟一年四季也需要防曬，這支真的真愛， 無限回購的首選，崇光感謝祭必買防曬 。💖

Kura好用推薦：呢款妝前打底幫助到我每日都可以快速上妝，我用嘅顏色係rose，可以提亮同埋均勻返我嘅膚色，令到冇咁暗啞，搽上臉質地透薄，容易推開，用完之後就可以用碎粉定妝就可以出門，令到我全日都氣色唔錯，同埋有40度嘅防曬度數，啱曬我日常返工出街嘅需求，係我今個夏天最鍾意嘅妝前打底 @cosme #妝前打底 #妝前打底

Fng好用推薦：容易推匀又唔會笠，適合夏天使用，同埋spf 40+++，感覺戶外活動用此打底也可以。

CLS24好用推薦：防曬粉真係油肌/混油既防曬BBF！！我唯一可以安心純用洗面奶洗走既防曬產品☺️敏感人士要試啦！！！佢無香料、無酒精，濕疹、暗瘡、細路、大肚婆、醫美術後等等等等都可以安心使用！ 憑肉眼睇，佢隻粉會帶少少黃色，可能因為有幾隻保濕份子啦。但上臉唔會顯黃，反而有少少blur毛孔！使用感受，2個字，清爽！比任何防曬產品都一定清爽！戶外/化妝個陣我會拎來做蜜粉同補妝，怕出汗出油會被我抹走，所以大約2-3小時補一次，室內既話剩係用佢都夠做，全日唔洗補！！ 佢有SPF50+ PA++++ ，純物理防曬，海洋友善配方，唔洗擔心影響地球環境！ 但係佢支伸縮掃未到十分好用，只係可用程度，有更好既選擇。而我只建議用化妝掃上粉，粉撲未必夠均勻。因為佢粉唔算幼細，如果潮濕，甚至容易結塊，盡量用掃打圈散番開！ 缺點： 1）佢粉盒呢個設計我唔算太喜歡，取粉唔夠幼細，要借用佢個蓋，然後因為粉帶黃色個蓋又好容易變黃… 2）外出用個陣，佢起個袋「浪」來「浪」去，冇防備之下一打開蓋可能走左好多粉出來，試過浪費左d粉之後我每次開之前都會敲下個蓋，等多d粉跌番落盒。 如果個包裝有新設計改善下就更好啦！

claudiayanyan好用推薦：一直喺度搵可以出街補嘅防曬，上一年終於比我搵到呢隻Rachel Wine嘅礦物防曬粉！搽上面可以做到輕微修飾毛孔，而且係SPF50，有時懶起上嚟唔化妝都可以搽佢落街。個人比較鍾意用埋佢個數，可以上得均勻啲，唔會一撻撻。

Stones好用推薦：幾好用, 我係拎黎搽面的,不會太厚，亦都不會同化妝品打架，不會起擦膠碎。同埋一支都可以用幾耐的。

Angie好用推薦：已經買過好多款呢個牌子嘅防曬，每一支都好好用，呢支都唔例外👍🏻化妝前用嚟打底都唔會起白色屑屑

Lumi Kwan好用推薦：已經用完一支又一支，以前我喺Paul and Joe嘅fans，作為一個妝前底霜，最緊要夠易推同埋夠保濕，但我試過three後，我覺得效果非常之好，仲要有防曬效果。呢個品牌其實香港人真係比較少用，可能廣告唔夠，但日本非常之受歡迎，所以我每次去日本都會入貨。

格仔餅公主好用推薦：有潤色嘅效果，面色唔好個時用佢會有改善🙃睇落精神左，瑕疵都會少啲，出嚟個感覺好自然，撲完碎粉都OK行得

agnessstang好用推薦：很喜歡的氣墊粉底❤️ 不是新款 已經係2年前出嘅 今年先買嚟試🤣 簡潔嘅奶油白色包裝 粉撲係菱形 尖尖可以更仔細咁上鼻翼、眼底、嘴角呢啲位置嘅底妝 我用嘅色號係Halla 係自然偏白嘅顏色 妝感透薄 唔會有厚重嘅感覺 但遮瑕度幾唔錯 除非係好嚴重嘅黑眼圈同印🐼 大部分嘅黑眼圈、痘印、泛紅都遮到 而且可以喺需要遮瑕嘅位置疊加多一兩層上去都ok 但依然keep到透薄感 減少咗後續遮瑕用量 遮毛孔都唔錯 好容易拍勻 自然透薄嘅光澤+裸肌感✨ 持妝度唔錯 十幾個鐘成個妝都係完整 除咗鼻有少少油 粉盒同粉底補充裝係分開買 唔知係我裝得唔好定點 冇辦法完全合實個粉盒:(

natanatalie好用推薦：#我的崇光感謝祭必買氣墊粉餅 一直對氣墊粉餅都有少少保留，因為我係油肌，好怕用完會油光滿面。。。😞 直到試左NARS水光氣氣墊粉底，我就知揾到一款啱我嘅氣墊了！🥰 佢有超高SPF 50+/PA+++防曬系數，好適合香港而家一年有十個月都係夏天嘅暴曬天氣！而家妝感有自然水感，加上光線折射，會令妝容睇落有韓妝嘅奶油水光肌感覺！夏天用持妝效果都好強，因為佢有保濕成份，一啲都唔乾，但又唔會笠，好適合油肌！❤️

Noel好用推薦：夏日將至，又係時間搬出比較強的防曬用品，加到 skincare routine❗個人對 Sofina 的 iP 系列及 Jenne 系列都甚為喜愛，對乾肌非常友善😘 手上這枝 Sofina UV Resister 係 rich cream 版本，質感是濃稠一點的乳液狀，並帶有同一系列土台美容液香味，很好聞又不刺激👍 因為防曬系數高 SPF50＋ PA＋＋＋＋，無論日常翻工翻學，或者戶外運動，我都喜歡用它，感覺萬無一失😍 乾肌的我會同時用它作為妝前產品，因為這枝的保濕感覺強，而又清爽不油膩，高防曬同時又膚感 light，很讚👍加上它不泛白，不會留白汗，沒有擦膠碎，使用感絕佳❗ 如果有 budget 可以試試 iP系列，如果學生或小資女想試試 Sofina 防曬產品，也可考慮 Jenne 白色瓶防曬，價格稍為便宜。

Vivian好用推薦：已經第N次回購 SPF50+ 防曬效果一流，既可防曬又可做隔離霜 番工同戶外活動都用佢

Jcxjessie好用推薦：用左Pony effect 已經好耐喇🥰 我就有用埋佢個base，然後先上cushion 佢嘅補濕做得好好，夏天用唔會覺得笠，冬天用又唔會乾，而且個妝最長我試過hold倒18hrs以上 遮瑕效果都好好，眼袋果啲位拍多幾下就遮得住

Fng好用推薦：各方面表現平均，上妝後奶油肌妝效， 貼面， 遮瑕度中上， 持妝都有六小時 ，之後會溶。

Jane好用推薦：超級適合夏天用既防曬，混油混乾冬天用保濕度都可以，大乾皮冬天要考慮用其他/加強妝前保濕，不泛白，好水好易推開，無香精味，新舊版都用過，重點係平！會一直回購！

Fng好用推薦：防曬度夠高，不泛白，容易推勻， 保濕又透明 ，缺點不防水不防汗，其他一切都好。

bibubibu好用推薦：呢支防曬嘅防曬度適合日常使用 質地少少癡手 但喺面上都算容易推開 等一陣會成膜 塊面會白咗少少 感覺唔會焗住塊面 但有黏住嘅感覺 最大問題係會同其他產品起擦膠碎 用咗幾次都有呢個情況 如果妝前使用唔推介

Imelda 好用推薦：質地水潤易推不黏膩，防曬同時護膚，用普通潔面乳洗面就可以，唔駛特別卸妝，用過好多其他品牌，最後都係揀返佢

Emma W好用推薦：其質地比較水潤薄，使用後不會感到厚重或乾，能夠提供自然的光澤感，係妝前打底的好幫手，能使肌膚看起來更健康、明亮。遮瑕效果不錯，可以遮蓋小瑕疵。但要補妝，若炎熱潮濕天氣，就要適當定妝。 適合肌膚：任何 成效度：4/5 保濕度：3/5 貼合度：3.5/5 質地：lotion 狀 光澤度：4/5

維他他好用推薦：我用的是2號色 Bb cream是個好東西 一支已具備多種功效 呢支bb cream texture比較厚 好似粉底液咁 一上面已經修飾容顏色 提亮左，光滑左，瑕疵少左 重點係佢都幾防油，用大半日都係鼻頭有少少出油 另外要卸妝，亦用普通卸妝油就可清洗乾淨 懶人恩物！

貓餅好用推薦：幾好用的防曬，唔笠，唔泛白，唔提亮，係香料，敏感肌可用，略嫌防曬系數只得30不夠高，不過只要唔笠嘅我都覺得好用

黯然仙人掌好用推薦：孕婦同兒童friendly ge 物理防曬，揸完會白咗少少，一d 都唔痴笠，但有少少少少防曬焗焗地ge feel,不過都無引起痘痘。 敏感肌可以入，但如果追求完全清爽無feel ge 防曬就要揀化學防曬la

LenaC好用推薦：ALLIE UV防曬 玫瑰水凝乳 燦爛光澤薔肌 除咗防曬之外 仲有護膚同粧前飾底效果 防曬+護膚+隔離 3效合1防曬霜 一枝搞定 💕防曬度為極高既SPF50 高效隔離UVA 阻擋陽光紫外線 仲添加左美容液護膚等成分 有助保濕唔會太乾起晒紋 亦無添加Paraben防腐劑 將皮膚負擔減至最低🌝 質地係帶粉紅色嘅乳液狀質感水潤 好容易推開 塗抹時聞到淡淡既優雅玫瑰香擠小小份量都好足夠 打圈按至薄薄一層 相比起其他防曬度同樣高既防曬乳液 佢絕對係零厚重感 一啲都唔黐立抹開後肌膚平滑光亮 滋潤均勻 略有粉紅既色調亦輕鬆打造出健康紅潤好氣色而且佢嘅無油GEL配方 有助持久清爽控油 適合夏天使用使用 防曬 護膚 修飾 一枝KO 推！

Blueblueblue好用推薦：日本旅行時係藥妝店買嘅。 ALLIE 防曬水凝乳帶有少少粉紅色光感粒子，可輕微修飾暗沉，不黏膩。

綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印

Kala好用推薦：粉質幼細，雖然我唔係用黎化底妝，我當係碎粉定妝用，會有更高既遮瑕度，又可以控油，拎出去補妝唔錯。

Lilyscl好用推薦：暗黃皮膚有提亮作用，而且可以修飾毛孔，可以做偽素顏。化妝前用左可以改善暗沉。

Hana0125好用推薦：呢枝底霜係我秋冬必備，包裝有質感，用落非常貼服同補濕，有調色作用，有時好懶單用佢拍少少碎粉就出到街，全日都唔會起乾紋！不過夏天用落效果就麻麻地，好快就甩。

mandy好用推薦：Clé de Peau Beauté The Foundation 臻緻精華修護粉底 SPF25 PA++ $2300 來自Clé de Peau Beauté The Foundation 臻緻精華修護粉底， 作為Shiseido Group 眾多美妝品牌中最奢華的殿堂級美妝品牌， 光是價位已不是一般的高端， 定位為精華級護膚粉底，蘊含不少養膚成分，具備8大護膚功效: 抗皺+撫平細紋+改善肌膚粗糙+提亮+增加光澤+緊緻+彈性+提昇柔軟度 在我來說，當然希望可以化妝同時護膚， 不過臻緻精華修護粉底的玄妙之處還在於打破化了底妝的觀念，使用感輕薄透氣自然舒適，令肌膚處於好像有化底妝，又好像覺得沒怎麼上底妝之間。總之肌膚看起來彷如天生麗質的健康完美，且散發非常自然的光澤就是了。即使到了晚上稍為有輕微脫妝，由於底妝夠輕薄，也不會很明顯。這種粉底真的很令人一試愛上，絕對是讓人秒變美肌女神。除此之外，這瓶天價粉底還附上防曬成分，讓一眾OL有足夠的防曬保護，真的很貼心便利。 個人認為如果各位靚靚對粉底很講究，又不介意貴婦價位，絕對可以一試，特別是進入30代後總是不知道用哪款粉底會適合自己膚況或是

Natp好用推薦：果然係貴婦粉底， 無論質量， 香氣都很高級！ 不過年輕皮膚應該感受唔到佢既美好 因為有毛孔， 甩皮， 紋等等狀況都好， 一上呢個精華粉底、 都立即唔見哂！ 雖然紋，毛孔一定仍在， 但會修飾左勁多！ 所以成熟肌一定好鐘意！ 另外， 只需要用手指當cream咁樣揸就可以， 有毛孔的地方就慢慢捽， 毛孔就會變得不明顯， 成個過程都極之方便！