防紫外線 推薦好用產品

Emily Leung好用推薦：IPSA三色遮瑕膏｜真實用家評測：調色自由度高、貼服唔卡紋，瑕疵皮必試！ 如果講到遮瑕膏，IPSA呢盒經典三色遮瑕真係長青款，唔少化妝師同美妝博主都係佢嘅fans。我自己用咗年幾，已經鐵皮咗兩盒，真係忍唔住要同大家分享！ 🔸 產品設計： 一盒有三種顏色（淺米、自然、深黃），中間有個調色格，可以自由混合出最啱自己膚色嘅遮瑕。自帶鏡同兩支掃（一粗一幼），出街補妝都好方便。 🔸 質地同遮瑕力： 質地係creamy狀，唔會太硬或太油，推開好貼服，唔會卡喺眼紋或者毛孔位。遮瑕力中上，普通黑眼圈、痘印、暗瘡印基本上都可以遮到八成以上，重複疊加都唔會厚粉。 🔸 點樣用最好？我嘅調色心得： · 黑眼圈： 用最深色＋中間色調和，避開眼底最貼近睫毛嘅位置，重點遮暗沉位，再用最淺色提亮眼頭同淚溝。 · 痘印／紅印： 直接用最深色或者混合中間色點壓，再用手指輕印邊緣，令邊界自然融合。 · 提亮： 最淺色可以用喺鼻樑、眉心、嘴角，做局部打亮。 🔸 優點： ✅ 調色自由度極高，適合唔同膚色同瑕疵類型 ✅ 質地滋潤但唔黐膩，乾肌同混合肌都啱用 ✅ 持久度唔錯，做好定妝可以keep到大半日 ✅ 盒仔輕身易

Fng好用推薦：IPSA遮瑕膏， 出咗好多年， 都keep住有人讚佢好用， 去旅行見到就買嚟試下。 啱我中性偏乾膚質，用後感覺很好，持妝10小時也ok， 三個色調都啱亞洲人黃皮膚使用。 產品質感： 膏狀質感, 但是挺滋潤的 遮瑕效果： 少量多次慢慢耐心勻開，覺得還不錯 保濕效果： 比較滋潤的 ，不會移位，沒氧化 其他特色： 顏值簡約，附小巧掃子, 方便攜帶出街補妝

Kitty 好用推薦：Fresh呢支黃糖潤色護唇膏真係好出名，係品牌嘅皇牌產品。一打開已經聞到好香甜嘅黃糖味，好想食咗佢落肚咁！質地非常滋潤，好似將潤唇膏同護唇精華二合一，就算轉季時極緊繃或冬天乾燥到爆拆嘅嘴唇都可以即刻得到舒緩，仲有淡淡嘅自然血色感，好氣色即刻返晒嚟！ 不過要提一提，可能因為成分天然滋潤，佢嘅膏體真係比較軟，用嘅時候千祈唔好轉太多出嚟，否則好易一唔小心就整斷咗，真係心都痛埋😂！

Kmggigi好用推薦：嘴唇皮膚狀況: 嘴唇偏乾，比較易甩皮，上唇色偏暗沉 產品使用心得: Fresh黃糖潤色護唇膏主打為嘴唇帶嚟24小時保濕滋潤，同時又可以潤色 質地好滋潤，搽完會覺得上咗一層薄薄嘅油保護嘴唇，滋潤度亦都好持久 我依支玫瑰粉紅色唔太顯色，搽完會令唇色冇咁淡白，適合日常素顏用 如果本身唇色偏淡，偏暗沉都可以一試玫瑰粉紅色！ 效果圖:

Hchan好用推薦：會入手這條防曬是因為看到消委會推薦，測試結果顯示它的防曬效能高但價格便宜，現時夏天的太陽太毒辣，因不想曬黑我習慣外出前臉部及身體都塗防曬。 它的質地是乳霜狀，有淡淡Nivea經典的香味，因比較稠要慢慢推開，塗開後會有一層包覆感，比較滋潤，不是我喜歡的清爽質地，混合偏油肌的我覺得它塗臉的話，與後續的化妝品不太融洽，妝較易浮，所以我改作塗身體，值得稱讚的是它不會泛白，穿黑衣服的話即使塗過防曬的手腳擦到，也不會有白痕令人尷尬，雖然它標榜涼感但感覺不太明顯。 塗身體用量較兇，已經正在用第3條，一整個夏天都沒有曬黑的情況出現，以前用開Biore那藍色方罐的，清爽是清爽，又便宜，就是一直來有曬黑了一點，這條性價比高，就是瓶身設計不太好擠，但確實有效果會一直回購。

lingbb好用推薦：- 性價比高既防曬 - 呢款防曬消委會高評佢，就吸引咗我去買 - nivea既其他防曬我有用過，呢款個味同其他系列既味都係一樣，一開首個味幾重，但隔一陣就冇味 - 質地cream狀好推，上面唔會有泛白，吸收後會透明咗，一開首塗抹係有點滋潤感唔會太笠，但吸收過後皮膚會有啲乾，建議使用前後都要做好保濕 - 呢枝防曬防水防汗，會用埋黎塗係身，性價比高，補防曬都會落力啲 - 使用呢款有spf50+ PA+++冇曬黑過

Nyaaa好用推薦：用完試用後入手了貨size👌🏻，質地薄身易推，透明冇色，少少笠但等吸收後就冇事，用後唔會起暗粒。香味係Decorte一貫嘅高級感香味，而且貨裝2百幾蚊有50ml，性價比都蠻高

Linabella 好用推薦：係專門店購買，以防曬來講質地都算幾輕薄，而且防曬係數適中，一支都可以用好耐。

LenaC好用推薦：#大人感妝容 🥰 要顯得 #能幹 #烔烔有神 #得體 我會推薦簡單不花巧既妝容 疫情下大家都帶口罩 眼神尤為重要 我會推介以下「秒出門」四寶(Sofina隔離底霜 、benefit 眼線筆、睫毛夾、FASIO 睫毛膏 ) 10分鐘內搞點快靚正😇😇😇 Sofina - Primavista Ange 水潤瓷效妝前隔離乳 UV SPF16 PA++ 25g (滋潤型) 擠適量既稀薄乳液 輕輕塗抹 雖說是妝前打底用 但佢本身帶少少珠光顏色 可以修飾膚色不均 打造勻透好皮膚既感覺 仲添加咗保濕成分 而且具防曬度SPF16 PA++ 護膚 修飾 防曬 一次過完成Benefit They're Real精細銳目持久眼線筆 呢款防水眼線筆質感柔滑 而佢既特製0.1mm錐形筆尖超精細且順滑 可以輕鬆畫出極精細眼線 色澤濃黑 唔易暈染 唔結塊 新手都可以輕鬆駕馭☺️ 睫毛夾 （aeon $12店 / sasa 有售） 小巧玲瓏 方便攜帶出門 隨時可以再夾再捲 而且適合我眼窩 好容易就位 每一條睫毛都照顧到 效果一啲都不遜於大牌子 持久度亦相當唔錯 夾一夾望落精神好多❤️ #小心機FASIO Po

Cici Wong好用推薦：人生第一枝primer，幾個朋友都介紹我用，比較適合乾肌，不過建議都係要做好妝前保濕，如果淨係用佢，始終會有啲乾，我有時會溝少少cream先搽上面。 佢有淡淡嘅珠光，但唔會好明顯，唔使擔心太誇張，用完明顯白亮咗，亦無同我d粉底打交。有時太懶或者皮膚狀態好嘅時候，會淨係用呢支primer，最多上少少遮瑕，已經有唔錯修飾效果 用量唔洗太多就足夠成塊面，我用咗大半年，最近回購第二枝，cp值高。如果油肌人，可以試控油version

Minnie Tse好用推薦：Primer 有淡淡花香🌸 已經有SPF50 ，質地較杰，但懶人又可以慳返一步 能令膚色有血色一點 配合YSL foundation / cushion 都可以

🌸好用推薦：我本身嘅皮膚都係偏乾嘅，呢隻調色底霜嘅保濕使得好好，用咗完全唔會有乾紋，淺紫色可以掩蓋偏黃嘅肌膚，妝感透薄自然。超級好用。

www好用推薦：前一段時間去左泰國，因為驚曬黑曬傷特別簡左個防曬系數就既防曬噴霧。結果沒有令我失望全程只用了他也沒有曬黑，重點我們還有去沙灘，用他非常防曬，防水，補防曬起來也非常方便。味道也沒有很重的防曬味，重點是十分容易清洗，用沐浴露已經可以卸除得非常乾淨。會再回購，推薦！！！

Cici Wong好用推薦：夏天比較鍾意用防曬噴霧，因為無防曬霜咁黏笠。呢隻聲稱適合户外活動，4小時防水防汗，所以買來去迪士尼用。噴上身感覺有一層保護膜，不過唔會焗，亦無泛白敏感情況，面部身體都能夠用，我半日就補噴一次，無曬傷或曬黑。沖涼就能洗走，不過要用d力捽。

Hazel好用推薦：前排皮膚敏感所以買黎試吓，雖然有啲乾亦都有泛白情況，但冇令我泛紅或者敏感，而且防曬系數高，尼個夏天都會繼續用佢°

connielo好用推薦：已經用完條屍都唔見埋 但真心好用所以分享 質地清爽 不油膩 沒有顏色 不過我覺得用完面色都會有輕微提亮因為膏體係白色嘅(想有明顯少少既提亮膚色效果可以選擇橙色嗰款) 本人用好多防曬之後都要加碎粉壓油光 不過呢隻防曬唔洗 好似係皮膚上面有層膜咁 推薦✔️

小Man好用推薦：我個人幾喜歡Clarins呢個品牌，不過呢枝防曬我確實覺得麻麻地，首先個香味太勁，而且有啲攻鼻。另外好細枝，好快用完。個出口位，吱完少少出嚟，會繼續流啲出嚟，設計上麻麻地。再者，有啲油，唔係好岩我皮膚。 個人而言唔會再回購。

Water好用推薦：混油肌友好！用完唔會毛孔閉塞生粒粒，夏天用有輕微黏笠感，但比起其他防曬產品已經好好多，輕輕拍一層碎粉上面就解決到。 我用rosy glow有自然潤色效果，都可以當make up base使用，唔會同粉底打交。

Kura好用推薦：呢款粉底液遮瑕度都算高，冬天好凍用都算滋潤，但價錢偏貴，顏色都算貼合我嘅膚色，唔會溶妝

Noel好用推薦：乾性肌膚的偽素顏好拍檔：YSL All in one 粉底❗由於不少歐美 YouTuber 都有推介過這一款粉底，而且大部份都屬於乾肌，加上YSL 亦大力宣傳粉底有多水潤 (MADE WITH 70% WATER AND HYDRATING AGENTS.)令我不自覺被燒到了🔥 個人入手的色號係 #B30 Almond，淺膚色帶 yellow undertone ，這個系列的色號名稱都較深色啊！B50 已經是 Honey 😂 產品包裝比較簡約，膠管泵裝，方便衞生；不過快要用完，剪開這個管，用手指取出 foundation 較麻煩。 產品係 cream狀，沒有流動性，就像 BB Cream 的質地。不過，這枝 All in one 推開很容易，具有超高的延展性👍塗到面上，感覺好滋潤同時又 lightweight，算係個人用過最舒服➕0負擔的粉底❣這枝帶有優雅的花香，好喜歡💕 使用時，不用特別留意防曬 / 妝前產品的配搭，方便❗乾肌而言，全年可用，冬天會尤其感到讚嘆！ 妝效方面，妝容非常自然，清透底妝 No.1❗光澤感亦高，對於喜歡奶油肌既朋友，可以一試。不過，產品只有很低遮瑕力，約3

Chloeincosme好用推薦：呢排用緊 雪肌精BB精華霜，入面加咗護膚精華，用落真係透薄貼服，不過冇咩遮瑕度，適合皮膚好嘅日子用！ 🤍 貼薄度：4/5 質地水潤輕薄，推開似護膚品多過化妝品，完全冇厚重粉感，偽素顏必備～ 🤍 妝效/ 遮瑕度：2/5 真係近乎零遮瑕，只能均勻膚色同提亮，痘印同泛紅完全遮唔到～ 唔好期望有粉底液嘅效果😂 🤍 護膚感：4.5/5 加入咗雪肌精招牌美白成分，用完塊面有水潤感😝 🤍 持妝度：3/5 因為太薄身，出汗多容易脫妝，建議乾肌同混合肌用，油肌要加強定妝～ 總結： 雪肌精呢支BB霜似有色乳液多過傳統bb cream，適合追求自然光澤同皮膚狀態好嘅日子用～會回購做日常快速出門妝！ #轉季 岩用

poonpoon好用推薦：添加了itowa 成份，有養膚功效。 擁有最高的防曬度SPF50/PA++++！ 質地似稀身base ，好輕身，不是bb cream咁厚身，上臉感覺好舒服，似一層薄膜搽上面，輕微泛紅可以遮到。 直接代替base同foundation 用，好方便！ 保濕度都可以，而且本身有身有養膚功效，妝前護膚淨係搽返乳液就足夠啦👱🏻‍♀️ #火熱新品

Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品

Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！

Tyc@@好用推薦：買咗15號色 成個系列出嘅色都幾黃 粉質中等 但因為顏色深 妝感會好厚重

綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印

Poyobb好用推薦：開價牌子粉底液嚟講，佢嘅質素係絕對唔差，我第一次用完全感覺係驚喜。 流質度高，延展性好，佢唔算係一啲好薄嘅粉底液，因此遮瑕度都幾好，最重要係持久不脫妝，絕對適合香港夏天日子使用。 我揀嘅係01，偏向自然，大部份女仔都啱既色🤗 粉底液本身唔係好霧面，會保留返自然光澤感，我幾鍾意呢種妝效。再用碎粉輕輕定妝，就已經可以last到全日，唔會去到幾個鐘頭之後粉底液斑駁狀態，真心幾靚。佢嘅粉底液完全係貼合佢嘅底妝產品一樣咁持久💕

Gtam 好用推薦：Primavista 水潤光感持久粉底液質地非常輕盈🫧容易推開，而且不會卡粉。這使得它非常適合那些希望使用一款輕盈、自然的粉底液的人，尤其是在夏天🌞或潮濕💦的環境中使用。它的質地非常薄透🌵可以輕輕地滑過肌膚表面，讓肌膚呈現自然的光澤感⭐️。 粉底液還有一個非常重要的優點，那就是它的持久力非常好👍🏻這款粉底液可以持續整天🌞不需要不斷地修補🌬️或補妝。這使得它成為一款非常實用的產品，尤其是對於那些需要長時間保持完美妝容的人來說。

Anson好用推薦：終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣

Elaine好用推薦：一支可以養膚嘅粉底液真係好吸引！妝感自然輕透，非常滋潤，睇落皮膚光澤好氣色，但相對遮蓋瑕疵很弱。冬天用比夏天用好，夏天用比較易甩妝，冬天比較貼服。可以用手上妝好方便。

KDing好用推薦：補防曬黎用係幾方便 不過都係天氣乾既時候用好d 因為佢噴出黎唔算好均勻 要自己再推開

Hamiii好用推薦：呢支真係🙂‍↕️🙂‍↕️🙂‍↕️ 用完一日就bye 入camp諗住大汗噴完「清爽」番 結果 係更立 不了

Kitty 好用推薦：Guerlain呢支小燈泡粉底—搽上臉真係有種啪著燈嘅光感效果✨佢個樽身圓碌碌好似支精華，揼頭設計衛生又易控制份量。一泵出嚟係帶少少流動性嘅乳液質地，推開嗰陣好似第二層皮膚咁貼面，完全冇粉漿感。 ✨光澤度： 一上臉即時叮一聲，水光妝效出晒来！唔係油光滿面嗰種，而係從肌底透出嚟嘅自然光，好似皮膚本身飲飽水咁。我本身係混合肌，T位易出油，但用佢之後顴骨同眉骨位的光澤真係靚到唔捨得上碎粉！ 🎨遮瑕力： 中等遮瑕度，我臉頰淡淡嘅雀斑同毛孔可以遮到七成，如果瑕疵明顯嘅部位可以疊加，都唔會結塊。貪佢透薄，我通常會再用遮瑕膏局部修飾，出嚟效果零粉感。 ⏳持久度： 試過帶妝8個鐘，冇用primer情況下，鼻翼同下巴有少少溶妝，但唔會斑駁。最驚喜係轉油為光——出油後反而同粉底融合得仲靚，不過會有少少氧化暗沉問題，大概會暗沉半個色號。 💡小貼士： 乾肌朋友可以直接上妝；油肌建議掃層薄碎粉定妝。如果想要更強遮瑕，可以用粉撲快速拍開，記得唔好來回捽呀！ 總體來講，呢支絕對係秋冬偽素顏神器！適合鍾意自然光感妝效、唔想粉感太重嘅人。雖然價錢有少少貴，但個精華質地同貼服度真係冇得輸～ 下次見閨蜜一定會被問你

Noel好用推薦：Guerlain 小燈泡粉底，一試難忘的底妝產品，輕易打造靚靚奶油肌，個人感覺完勝同一品牌的 24k 小金條粉底液❣產品含有 97%天然成份及 SPF20~ 我在 02W 和 02N 之間想了好耐，最後入手 02N🤗 粉底液質地很 creamy，手指觸感密著，流動性較低。要提一提，粉底的味道有少少難聞，但上妝後會消散👌上妝工具而言，我比較喜歡用 氣墊粉撲 / 美妝蛋 去apply，氣墊粉撲有效堆疊出遮瑕度，而美妝蛋就能使底妝更清透❗ 上完妝的一刻，會覺得妝感自然，就像自已的皮膚一樣；過了5分鐘左右，可以發現光澤感慢慢透出，很美很自然。小燈泡的遮瑕力不錯，可堆疊到約有7成，暗瘡印和斑點等等，都要加一點遮瑕膏👌 持妝力也出色，化妝大半天，都沒有脫妝問題，晚上觀察，就只出了一點油，妝感仍在，感覺很驚喜💕 遮瑕 🌟🌟🌟🌟 滋潤 🌟🌟🌟🌟🌟🌟 光澤 🌟🌟🌟🌟🌟🌟 毛孔修飾 🌟🌟🌟🌟🌟 持久 🌟🌟🌟🌟🌟🌟 價格 🌟🌟🌟

Kitty 好用推薦：今年夏天真係悶熱到癡線，出街唔使5分鐘已經成面油，個妝溶到好似地圖咁。之前見好多人推蘭芝呢隻Neo綠色氣墊，話專為油皮同混合肌而設，控油力一流，宜家同大家分享下我用落嘅真實感覺啦！ 1. 包裝：真係冇得輸！ 首先，個包裝真係冇得彈！佢個綠色好靚，有種好清新嘅感覺，質感幾好，簡約得嚟又夠潮。 2. 質地同妝感： 撲上臉嘅第一下，感覺好清爽，完全冇黐笠笠嘅感覺。粉質算幾幼細，拍勻之後係個種半霧面嘅妝效，唔會好似戴住個面具咁假，光澤度係從皮膚裡面透出嚟咁，幾自然！ 遮瑕度方面，我比中等偏上啦！我面頰有啲泛紅同暗瘡印，基本上拍一層已經遮到七七八八，如果瑕疵多嘅位置，可以局部再輕輕按多一層，都唔會覺得好厚粉。 3. 控油同持妝度：呢個係重點！ 作為一個大油皮，我最關心就係呢點！ - 頭4個鐘：真係冇得頂！個面保持到乾爽，喺冷氣房入面個妝完全冇變，好似自己本身皮膚咁好。 - 出街6個鐘後：T字位開始有少少出油，但唔係個種油光滿面嘅恐怖情況，而係變成一種好自然嘅光澤。最好嘅係，佢唔會點溶妝，只係用紙巾輕輕印走面油，個妝仲係好完整，冇斑駁！ - 成日返工放工：到夜晚睇，鼻翼兩側有少少

_.0406._好用推薦：雖然我係混合（偏乾）嘅皮膚 但因為比較多痘印 想遮瑕能力好啲就買左呢款 用左一年 不斷回購 佢嘅遮瑕能力的確唔錯 基本上一層已經可以覆蓋到啲印 唔洗再特別上遮瑕 出街真係好方便～而且佢唔算好乾 之前買其他牌子嘅cushion都會浮粉浮得有啲嚴重 但佢唔會有呢個問題（就算食開A酸+冬天環境下 只要做夠保濕都冇問題！）而且出完汗佢個妝對我黎講會更加服貼同好睇🤣氧化速度都唔算好快 持妝度都好好 粉撲上嘅窿窿都可以令用量更加平均 遮瑕：🌟🌟🌟🌟（4/5） 持妝度：🌟🌟🌟（帶口罩都係會甩妝有少少扣分）

bellahly好用推薦：Fasio作為Kose嘅副線品牌，佢嘅質素都有返咁上下，但係佢性價比好高，好容易可以搵到適合自己嘅化妝品。 呢一隻Fasio BB cream聲稱能夠防水防汗，喺夏天用就比較適合。 搽起上嚟都非常之容易推，而且單搽一層嘅遮瑕能力都唔錯，同時可以疊加以增加其遮瑕能力。搽出黎都非常之貼服，過咗幾個鐘都唔係好覺有氧化，妝感比較輕盈透薄。 作為混合性偏油肌，眼肚同埋鼻頭都需要額外用定妝粉，乾肌嘅朋友可能直接用佢都足夠持久。

Daisy好用推薦：好用！已經用到就快用晒。我用2號色 調色潤色效果一流，妝感唔會厚重，延展性好好，一粒豆大細就可以用全面。維持長久妝感，唔會變成粉樣，出油印一印又可以Hold返一個下晝，亦唔會因為印油印走啲粉底。上班族趕返工就可以快速上妝😆

Emily Leung好用推薦：我會無限回購🥑科顏氏牛油果眼霜 像我們經常玩手機的姐妹們，眼周肌膚出現暗沈乾燥的！！！眼周長細紋的，給我閉眼衝這一款眼霜就可以了！本人用空好幾罐了，無限回購中！ 牛油果的顏色真的很特別，而且質地真的跟雪糕一樣絲滑！🥑打開來的話是一股濃濃的牛油果香味，裡面主要富含牛油果精華➕乳木果精華。 用之前記得用指腹乳化一下再在眼周推開，這款眼霜真的很好吸收，而且吸收完之後皮膚超級潤滑不油膩，可以適當得按摩放鬆眼部，別提多舒服了！ 女孩子要要對自己好一點，因為眼周這一塊比較脆弱也是最暴露年齡的一塊！眼霜選對，事半功倍哦！

lonia好用推薦：本人眼周嘅皮膚，進入秋冬就會變得好乾燥，眼皮位置甚至會有少少脫皮嘅情況出現。一直都喺度揾緊合適嘅眼霜，舒緩乾燥嘅情況。 誤打誤撞嘅情況下，買咗呢款Kiehl's嘅牛油果眼霜。佢嘅顏色真係會令人聯想到牛油果，係淡淡地嘅綠，聞落冇乜特別明顯嘅香料味道。睇返產介紹，原來佢係99％天然萃取成份，加上純素配方，啱晒追求產品成份純粹、天然嘅sis。呢款眼霜質地有光澤而且好creamy，一抹好似細滑嘅忌廉，非常容易推開。 我個人習慣，點一點適量眼霜，再點喺眼皮同眼底位置，再用指腹輕輕推開，等眼部皮膚完全吸收。呢款眼霜非常好推同易吸收，搽完即時有滋潤感，第二朝瞓醒依然keep到。之前難搞嘅輕微脫皮問題，使用咗幾日，已經冇再出現過。而且眼霜嘅減紋功效都值得一讚，搽完之後眼肌四周嘅細紋，真係冇咁顯眼。用咗差不多個半月，都冇出現過油脂粒嘅情況。 我買嘅係7g裝，估計可以用到大概兩個月，以眼霜價錢嚟講，其實唔算貴，加上佢嘅功效真係立杆見影，絕對值得入手！