防紫外線 推薦好用產品

Chloeincosme好用推薦：Lancome呢枝粉底液終於就黎用晒，新版已入手，今次講住舊版先！ 色號：b-01, 適合黃一白！ 沙漠乾肌既我對粉底要求好高：要少少控油但唔好太乾，要持妝但唔可以太重粉感。 呢枝主打油肌/ 混油肌，但我用起黎又好中意😍 佢質地輕薄水潤，上臉好容易拍開，非常貼服！即使再加定妝都稱得上妝感輕薄自然。 ♥️持久度： 9/10，12 小時冇問題，鼻翼兩側會甩（正常）。 ♥️控油度：7/10，香港天氣都足夠 ♥️保濕度：6/10，妝前做好保濕就可以！（呢枝粉底要用非油類保濕！用太油既妝前會一撻撻） ♥️遮瑕度：6/10， 提亮及均勻膚色為主，暗瘡印/ 雀斑等瑕疵都要另外靠遮瑕！ ♥️暗沉：超輕微，約0.5-1度（下面有相） ♥️浮粉：除鼻翼較易敏感位置外不太浮粉 暗沉情況大概係咁： 右邊係5分鐘前，左邊係新滴，色號會暗0.5-1 度，暗沉完之後右邊隻色會keep到成日！所以如果想再白粉少少比「走盞位」佢暗0.5-1 度，可以買白少少。 總括而言，我係好鍾意舊版，知佢停產果時嚇到心都離一離，好彩冇耐又出左新版😂 呢排開左枝新版用，用後感同舊感有少少唔一樣！會係另一篇講♥️

楊壯碩好用推薦： 購買其他化妝品獲贈LANCOME TEINT IDOLE ULTRA WEAR粉底液試用一包，測評如下： 使用感：5/5 ▶️質地輕盈、流動性高、延展性強，膚感透薄不油膩，好似無擦粉底，很舒服，不會悶痘 服貼度：5/5 ▶️底妝非常服貼，好像第二層皮膚，沒有面具感，不會顯得很厚重cakey ，可參考下面attached的上妝前後對比圖 遮瑕度：3/5 ▶️可以均勻膚色，但顏色較深的hyperpigmentation是遮不到的，例如色斑、黑色痘印（粉紅色淺色痘印可以遮住）等 妝效：5/5 ▶️自然啞光妝效，不會凸顯乾皮，有效將毛孔、細紋、乾紋等texture瑕疵隱形，可參考下面attached的上妝前後對比圖 控油力：4/5 ▶️控油力普通，但優點在於就算出油、輕微融妝，也不會融得特別斑駁難看，而是從啞光變得更加glowy 持久度：5/5 ▶️正常定妝的情況下可以全日持妝，持妝8小時後的狀態可以參考下圖： 綜合評分：4.5/5

Alison 好用推薦：夏天必備嘅一支粉底 超級大油皮建議使用👍🏻 呢一支粉底再加埋控油碎粉 持妝力可以長達12小時 遮瑕度高有微微啞光奶油肌效果 局部分區上粉底 快速成膜 超級推薦夏天油肌使用👍🏻

royu3好用推薦：這枝絕對是奶油肌妝感必備之粉底液！我的色號是N12，較適合膚色偏淺的人，算是系列中最淺色的幾個色號之一，但它塗上去並非死白的那種，而是有點粉紅調的淺暖膚色。相較日韓品牌的色號來說，個人覺得它不算白了。我身邊就有朋友沒能配到合適色號！ 質感較濃稠，要慢慢推開，每次用一小點已足夠塗勻全面。跟肌膚貼合度高，相當自然，沒有粉感。能完全覆蓋輕微的瑕疵，本來手上的紅點，細紋都能蓋掉⭕️ 較深的黑色素如痘印、黑眼圈等，則需另外使用遮瑕膏。單用它已有很好的遮瑕效果，再以水模擬流汗，看看持妝力。見圈圈位置，沒有浮粉和脫妝⭕️除了帶口罩被磨擦掉少許底妝之外，用後一整天幾乎沒有脫妝情況，持久度真的很驚人！加上高遮瑕力卻不厚重，而且用後沒有讓人難受的乾燥感，十分推薦！👍🏻👍🏻👍🏻

CC好用推薦：用咗呢一隻牌子嘅防曬不少於五支，雖然佢唔係物理性防曬，但係防曬能力係非常之高，比起其他貴牌效果更加好。 基本上日日出街都會搽佢上塊面度，用咗差唔多成年幾，塊面明顯係比身體白1-2度。 質地輕透，流動性高，搽咗上去延展性唔錯，唔會假白。對敏感混合性皮膚亦友好，有少少🤏🏻提亮膚色嘅感覺，自然有健康，同埋搽咗感覺出遊比其他品牌嚟得少👍🏻

Kaying Yeung好用推薦：去泰國冇曬黑 有衝動想俾滿分嘅防曬💯 本人皮膚狀態：混合偏乾+超易黑加難白翻 依家係日日都會搽佢 無論係日常出街/沙灘/野餐/露營/旅行🧳 今年中去泰國兩個星期 日日曬，但係都冇曬黑到！點解咁清楚，係因為我粉底顏色冇變+背脊冇搽所以背部明顯黑過身體其他部份😭 質地：搽完唔係成膜 係變粉霧狀 滑滑地 使用方法： 一個5蚊銀大細for我塊面 特色加缺點：好防水，要用卸妝水卸，洗面奶卸唔到！ 防曬真係好重要！如果想美白/抗老，防曬絕對係最basic要做到嘅嘢

楊一二好用推薦：一開始我係用佢地一片片嘅sample，完全唔清楚呢款Magic Cream本質係妝前乳，當左佢係帶防曬嘅日霜日日塗😂。用落驚喜十足，佢質地似軟芝士，有滋潤感覺，連續搽幾日膚質改善好明顯，面仔摸落嫩滑細緻好多💖 講真，我係油皮會覺得質地太潤，但佢修復膚質效果真係無得頂✌️。後尾做功課先知原來主打妝前打底😂，隨即入手正裝。 聽從sales建議，用之前雙手搓熱乳化再上臉，後續底妝貼服唔卡粉、唔浮粉。我用完Magic cream之後會用CT既Next Gen 粉底液，覺得粉底液變到好好推，妝效係光澤水潤潤！ 不過呢款cream我會留返秋冬天用～ *CT magic cream出左新版，新版無防曬可以日夜用

YYeman好用推薦：乾皮、混油皮嘅姊妹，衝啊！ 成日卡粉、脫妝嘅姊妹，衝啊！ 即係話呢， 我終於搵到個底妝唔浮粉、唔卡粉嘅秘密啦！ 就係Charlotte Tilbury支精華面霜！ 佢叫得做「魔法面霜」真係唔係流㗎！ 妝前急救真係一流！ 乾皮同混油皮真係好難搞， 一年四季T字位都油淋淋，其他位就乾爭爭，鼻翼同嘴角甩皮係家常便飯～ 妝前乳又搽咗，定妝噴霧又噴咗， 但個底妝都係浮喺塊面度， 同皮膚融唔埋一齊， 搞到個妝感好重仲要好核突！ 成日俾同事話我個妝好厚粉～ 直到我問我個好姊妹，佢介紹咗我呢支CT魔法面霜俾我！ 質地似綿綢嘅奶油，潤得嚟又唔黐立立， 一搽上面就吸收晒，超快！ 個底妝即刻好似「癡」實塊面咁！ 如果你係夜瞓王，朝早塊面狀態差到爆， 上妝肯定唔貼服㗎啦～ 但一搽咗呢個面霜， 塊面即刻變得又軟又嫩， 毛孔都睇唔到啦！ 再上粉底或者氣墊，有成塊面換咗膚咁嘅感覺！ 成個底妝出到嚟就係又乾淨又高級， 唔會話暗啞，仲有啲好好睇嘅光澤感㖭！ 而且之後都冇咁易脫妝， 24小時落嚟，個妝都仲係度， 唔會一撻撻， 鼻翼、嘴角都係原封不動！ 個底妝真係成個鎖實喺塊面度！而且越夜越靚！！！ 卡粉、甩皮同暗黃

Cy好用推薦：我好落心機嘅心得～希望可以幫到想買嘅大家(*´∀`)~♥，見呢隻粉底液嘅好評排名都幾高，同啲人話夠透薄同持久，所以買左黎試～ 。 好多粉底液都冇得揀咁多色但shu uemura有20幾隻色仲要係for亞洲膚色嘅色調，呢個表示wow好pro🤣～但同時太多色揀我都買錯左色，依家呢隻對我黎講有啲黃😭 。 講下質地先：擠左滴落手度試，粉底液流動性幾高，延展性幾好，佢係流質得黎又唔係好水個隻～而我習慣用化妝蛋上妝，上妝個陣質地幾易推開，但佢乾得好快，個人覺得隻粉底有少少乾～另外‼️如果有酒精敏感的話要留意👀呢隻粉底係含有酒精成份㗎！成份表第四位！！！妝感透薄程度，個人覺得都算ok有想像中好，幾輕透ლ(╹◡╹ლ)，有70分～！妝後皮膚係算幾舒服嘅～而妝感望落都唔太厚。但上完粉底後會有少少黐立，所以最好要用蜜粉定妝！ 。 遮瑕度個人覺得有65分，都算唔錯～可以一層層叠上，但如果多瑕疵就建議一定要用埋遮瑕產品啦！(左邊上完粉底加蜜粉)vs(右邊冇擦任何野) ##影出嚟因燈光效果可能有色差！個實色係偏黃，但遮瑕嘅程度都應該ok可以對比到嘅！ 。 有實測過乾燥熱天出完街又冇補妝情況之下，係有出油嘅，但出左

Jasmine L好用推薦：粉底液質地超輕薄水感，推開易均勻，等一陣會粉底液好似變左粉質咁，變左陶瓷肌妝感。遮瑕力輕薄自然，毛孔唔會明顯卡粉。 持妝度相墦唔錯，係我夏天必備嘅粉底。最鍾意係佢控油力強，就算香港春夏又濕又熱都唔會溶妝，只會夜晚T字位有少少油光。 敏感用都冇刺激，但偏乾肌要先加強保濕，否則長時間會有啲乾。整體極致輕盈，適合想搵自然底妝+控油力強嘅女士日常用。

Jasmine Yuen好用推薦：新升級OLAY抗氧淡斑精華以獨家「NIA + SDL」專利淡斑配方，高效激活抗氧信號，根源穩定黑色素母細胞，令肌膚重拾淨白細膩無瑕！ 我用 Olay spot fading essence 大約一星期，就發現我的色斑淡了一點。肌膚的質地也變得更加光滑，感覺很不錯。 一支可以用到大約三個月（我晚上揸），我發現色斑明顯減少淡啲，肌膚變得更加均勻，比以前更有光澤和彈性。我會繼續使用這個產品，因為對我的肌膚有效。 ⬇️已經用哂嚕✌🏻會再買

Giselle 好用推薦：Olay Prox 亮潔晳顏淡斑精華 7ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前聖誕節見佢有套裝優惠所以入手咗( ` ･ω･ ´ )因為得7ml 所以以下嘅心得會屬於比較淺層體驗哦⸜(๑⃙⃘'ᵕ'๑⃙⃘)⸝⋆︎* ❤︎ ︎ ❤︎ 佢嘅質地屬於偏水潤嘅啫喱狀( ˙༥˙ )質地算容易推開( ˘͈ ᵕ ˘͈ )大約上面後5分鐘到就會吸收曬，皮膚唔會覺得黏膩₍ᵔ·͈༝·͈ᵔ₎後續上嘅護膚品都無出現擦字膠碎嘅情況發生୧⃛(๑⃙⃘⁼̴̀꒳⁼̴́๑⃙⃘)୨⃛一支7ml嘅精華用咗大約10日（每日搽2次）到就用完₍ᐢ⸝⸝› ̫ ‹⸝⸝ᐢ₎ ❤︎ ︎ ❤︎ 使用後覺得自己嘅原本比較暗啞嘅皮膚有變白到❤︎(｡☌︎ᴗ☌︎｡)面上嘅暗瘡印嘅色有變淡到( ♥︎ᴗ♥︎ )不過可能因為用嘅時間比較短，所以我自己覺得呢款產品對於雀斑呢啲比較頑固嘅斑好似無咩太大變化(◞︎‸◟︎；)如果好似我咁追求短時間內可以淡斑嘅小夥伴可能會失望哦(꒦ິ⌑︎꒦ີ)另外，如果單搽呢款產品會覺得保濕度會唔夠˚‧º·(˚ ˃̣̣̥᷄⌓︎˂̣̣̥᷅ )‧º·˚雖然搽上面嗰刻覺

Poyobb好用推薦：用過Dior forever glow 好鍾意嗰種光澤感，而且我四季都會用，持妝度好令，但係Dior forever就係麻麻。 呢款只係sample，一樣都係選擇1N顏色。但Dior forever 係乾咗有少少偏黃。流質粉底液，佢首先拍上面嘅程度好快乾，好難可以用粉撲拍得好均勻，而且鼻翼位置非常容易卡粉。然後因為佢係比較乾身，用上面嘅時候好唔舒服，扯住扯住。上完碎粉更加乾🤨 明明係同一個brand，完全係兩種質素嘅粉底液。霧面質地整體感覺不理想，做唔到好高質嘅效果。我相信Dior forever對於年青肌膚或者油性皮膚會適合多啲。

YY好用推薦：購入自dior 專門店( *ᴗˬᴗ)⁾⁾ 本身皮膚屬於混合偏油肌，一般情況下用佢都唔會話大甩妝，妝感效果用左全日都會仲係到，遮暇程度值得一讚，亦都唔會有好重厚粉感覺。粉底液流動性偏高，都算易上同拍開。另外佢防曬系數係粉底液黎講都算高？ 曾經有一段時間，因為壓力塊臉暗瘡大爆發，有極多暗瘡印，上完粉底之後，除左好明顯個啲會仲有淺色灰印之外，都遮得七七八八，我個陣係非常滿意個效果(*´ ˘ `*)♡

Chingxd好用推薦：作為一個innisfree小fans 當然都有用過尼枝精華 初初係因為25歲後發覺膚質開始轉 覺得皮膚好易乾 一乾就爆瘡lol 之後聽fd講應該開始搵枝精華用下 當初唔太知道好多補濕精華可以係好黏笠下 曾經夏天試過用kihels既保濕精華 推左好耐都未吸收到 冬天又試過網上話好既bicelle b5 gel 結果都係太笠...笠到出油 爆瘡😑 當時覺得就咁試都唔係辦法😂 就開始睇下youtube啲人介紹 hk仲未有cosme所以都會睇tw cosme 個陣先知道innisfree綠茶籽精華係入門級 基本上係好多人都會用過～ 個陣乾到好易會敏感 所以對成份都好注意 咁岩睇到有個人comment對成份好有認識 除左有香精之外 其他成份都係安全既成份 而且佢幾推介 覺得佢真係幾保濕 所以就買左黎試 唔記得當初係幾時拎黎用 只係記得夏天返工公司冷氣太大 風口位係正自己頭上面 返左陣工就即刻爆瘡lol 然後就開始返工前會搽埋佢 之後就冇乾再乾到爆瘡 夏天同轉季真係好鐘意用佢 佢係幾爽 又夠保濕 都唔會令你爆瘡 比較油既地方 建議開冷氣先至用比較好～ 不過冬天偏乾既時候 乾肌真係會唔夠保

Giselle 好用推薦：Innisfree 綠色聖誕限量系列 綠茶籽保濕精華 160ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 前排又係見佢做緊優惠同有聖誕套裝所以入咗手試下(✿︎´ ꒳ ` )♡︎超鐘意佢嘅聖誕限定design (´,,•ω•,,｀)♡︎而且咁平就可以試到佢其他嘅綠茶系列產品(* ´ ｪ `*)♥︎ ❤︎ ︎ ❤︎ ︎ 佢嘅質地算係半濃厚半水潤嘅質感( •̀∀︎•́ )✧︎流動性算高( ∩︎´ω`*∩︎)目前搽咗1個星期，皮膚係覺得水潤咗(´•̥̥̥ω•̥̥̥`)♡︎但稍微覺得以我乾性皮膚係而家秋冬季節唔係好夠持久(´._.｀)希望春夏嗰陣用會好少少(*´･ε･*)σ||另外推開咗之後會覺得有黏膩感，就算過咗一排皮膚吸收完都係會仲有(◞︎‸◟︎；)如果好似我咁係比較介意黏膩感嘅小夥伴就會有少少失望(っ◞︎‸◟︎c) ❤︎ ︎ ❤︎ ︎ 佢嘅香味就係佢嘅品牌好signature嘅綠茶味ヾ(*>∀︎<)ﾉﾞ雖然佢嘅綠茶係有少少假假地，但係佢算係舒服好聞嗰種( ∩︎´ω`*∩︎)不過佢有添加香料，所以對香料敏感嘅要慎重考慮哦

Poyobb好用推薦：我用Dior glow foundation之前淨係用精華水加埋水凝霜，因為暫時夏天關係唔使太多保濕產品。之後再用YSL嘅instant glow base，保濕度已經足夠。冬天就要加多少少保濕產品。 另外呢款粉底液嘅遮瑕度唔錯，輕鬆遮到我嘅痘印，最重要係用咗幾次都冇爆暗粒，真係對我呢個肌膚狀態來講，已經好優秀。就算我而家唔用碎粉定妝，佢嘅持久性都好好，甚至可以持久到全日！晚上嘅時候，膚色依然保持到大約八成，整個妝容都仲係微微自然嘅光澤。 有啲人就將Dior同Nars小方瓶做比較，之前我都有提過我好鍾意Nars小方瓶，因為佢做出來的水光韓妝感覺好靚。但問題係冬天用的話，有時會有浮粉情況，真係好可惜。對比之下，Dior呢款粉底液嘅光澤度真係接近90%，我覺得非常啱我。下次我會寫埋dior forever foundation款。 剛上妝⬇️ 4小時後⬇️

takemyokane好用推薦：如果你一直嚮往奶油肌就絕對不要錯過這支 Dior 粉底。我用 1N 色號，不偏黃也不偏粉，可以稍為修飾暗沉，質地順滑。擦上後臉部立刻提亮，有如自帶高級光澤。它不是那種油光滿面的豬油感，而是一種從皮膚底層透出來、充滿水分的緞面光。同時對毛孔的修飾力意外地好，能把肌膚紋理修飾得像磨過皮一樣平滑。 官方標榜 24h Wear 雖然有點誇張，但持妝力確實不錯，氧化也不嚴重。

So Fun好用推薦：這個底霜已用了很多年，以前不懂化妝的時候，永遠都係用呢隻做打底，再加眼影，眼睫毛或者眉粉。 現在學了簡單化妝後，就比較少用了，因為皮膚可能因為年紀增長而比較乾，感覺這個沒有以前那麼適合自己 基本調色是做得不錯的，只是對於我現在來說太乾，或者需要在使用之前使用較滋潤的潤膚才可以，相對其他的控油做得不錯，所以對於皮膚比較油的女士應該唔錯，總括來說這個產品的價錢性價比都算幾好，年輕女士或者面油比較多的人用都不錯

Ronni好用推薦：Sofina 呢支Base係我一直會囤貨嘅item! 以前一直唔覺有咩特別～ 但上妝時間一長就好覺分別！ 佢好貼而且令到個妝last好耐！ 囤貨！ 佢係流質，每次只需要好少～ 已經好夠！仲有一樣嘢！ 就係佢有令毛孔睇落細咗嘅效果！ 左👈🏽係未上妝嘅皮膚 右👉🏽係輕輕一層嘅效果 毛孔真係睇落細咗！唔好以為少少就覺得無咩特別！ 呢少少會令成個妝睇落細緻好多！

Fongfong好用推薦：非常貼服自然 容易推開顏色跟肌一致 而且有防哂遮瑕美效 質感非常幼，細一支能夠做到乾濕兩用

Kitty 好用推薦：【真心分享】Estée Lauder Double Wear 粉底液：油皮嘅“鐵打江山”！ 講真，我係油皮，尤其係夏季，個面真係可以油到煎蛋！試過無數粉底，唔係未夠晏就溶咗一達達，就係遮瑕力唔夠，塊面啲瑕疵（暗瘡印啊、毛孔啊）原形畢露。直到俾朋友推坑試咗呢支Estée Lauder Double Wear (DW) 粉底液，真係有種終於搵到你喇嘅感覺！ 先講佢嘅勁正優點： 1. 極貼膚，持久力超班！ 呢個絕對係佢嘅皇牌賣點！大夏天朝早9點上妝，落街食lunch、返工對住電腦、放工仲要同朋友打邊爐（仲要係麻辣鍋！）... 到夜晚10點返到屋企照鏡，個妝仲喺度！冇誇張，真係冇乜點溶妝，冇浮粉，冇變地圖臉。T位係有少少油光，但係係好自然嘅光澤感，唔係油淋淋嗰隻，用紙巾印一印，個妝仲係好完整。對我呢啲油皮嚟講，呢種持久力簡直係救星！ 2. 遮瑕力強到冇朋友！ 我塊面有啲陳年暗瘡印同毛孔，平時要用遮瑕膏先搞得掂。但用 DW 呢，薄薄一層已經遮到7、8成！如果你有啲好深色嘅印或者好大粒嘅暗瘡，可能都要加少少遮瑕，但整體嚟講，佢嘅遮瑕力真係數一數二咁勁，出街完全夠用，塊面即刻乾淨勻稱好多。

TY.s好用推薦：講翻我一開始點解會搵防曬先！ 主要系日常行去反工既路上曬黑左ಠ_ಠ 由於我一開始覺得「查身既話. 應該防曬噴霧好啲wo, 一泥快啲啦. 每日朝頭早反工都趕頭趕命甘　」 如事這，買左某牌防曬噴霧，用後感就吾系甘好啦，好立痴痴ಠ_ಠ 因為初接觸，我就以為系我吾識用。 好啦，甘我用多日。 然後就奶哂野，超級痕，啲毛囊爆哂出添。一粒粒勁密集又肉酸。 到最後要睇醫生，原來我對防曬某成品敏感（詳細系咩我吾清楚，無去驗）然後要搽類固醇先好反( ･᷄ὢ･᷅ ) 甘我心諗「吾會掛，吾通無防曬岩我用？」 我吾信！去搵到呢個牌子既防曬！一開頭無研究甘多，試左藍色蓋果款上手，OH!!!! 好乾爽\(≧▽≦)/ ！同之前買果支噴霧差別系「巨大！」 然後就諗「防曬噴霧吾岩我用姐，呢隻系揸既！無問題既！」 HA!!!!!!! 奶野( ´▽｀)又敏感，哈哈…… 好啦～我都系吾死心，覺得個防曬質地好正！好乾爽！好舒服！ 再去睇「咦？粉紅色呢一隻防敏感wo！小朋友都可以用！再試多次！今次都系吾得就….以後吾x再試！(｡ì _ í｡)」 YA!!!!( ´▽｀) 我終於成功搵到一支超乾爽！吾立！吾敏感！既防曬！！！超

miko_83好用推薦：不泛白，不油膩，不刺激，無味道。不耽誤後續上妝，不搓泥，不斑駁。

chasiutung好用推薦：昇級版個氣墊粉盒嘅設計真係好靚黑色金色皮革設計既高貴又型格 我用嘅色號係b25 有日系奶油肌妝效 妝感服帖 上臉遮瑕度一般 黑眼圈位置同痘印需要另外用遮瑕液遮 妝感吾厚重透薄透奶油肌妝感我混油肌夏天持妝大概四小時左右開始出油 有輕微浮粉用紙巾印下都ok 無用定妝產品個妝都keep 得幾好 整體感覺吾錯 秋冬使用無咩點出油 控油同持妝效果都好理想 右邊係恆時啞緻氣墊粉底B30 左邊係昇級版輕透無重羽毛氣墊粉底B25

lingbb好用推薦：- ysl cushion外型從來唔會令人失望，黑襯金色ysl字非常型格，摸上手都好有質感， - 粉樸印有金色ysl字，而且樸嘅質地非常柔軟舒服，絕對高質 - 氣墊有spf 50 加咗好多分，夏日炎炎出去補防曬都好足夠 - 質地好creamy但唔厚身，好快就化好底妝，真係做到氣墊快速而又完美地化好個妝 - 夏天用咗好多次都好滿意 - 遮瑕度中上，圖中我無用遮瑕膏，遮蓋咗我8 成泛紅位置，好出色，matt finish ，令成個妝容都好無瑕，用定妝粉輕輕定妝就出得街🥹 - 係戶外行走持妝6 小時+ 帶口罩=都無乜甩妝 - 中途有用碎粉補一補（個人習慣） - 雖然無溶，但感覺好似有輕微氧化 - 非常適合戶外走動、需要快速上妝又唔想額外拎防曬既你😍

Yty好用推薦：呢款防曬質地唧出嚟係淡粉紅色，上面嘅效果有輕微提亮睇落會白左少少精神d，但係唔會好假白，用咗之後化妝感覺上冇咁容易出油唔需要補妝，較為適合春夏秋較潮濕天氣使用，如果冬天用嘅話要着重保濕打底都係可以嘅

TT好用推薦：在日本購買cp值很高，高防曬，有SPF50+及PA++++，一定唔怕曬黑。質地滋潤好易推開，搽喺面上會閃令令，有調色效果膚色變得好，唔化妝就搽呢個都唔錯。但係比較容易撞護膚品，特別係眼霜，會起擦膠碎。我會搽完防曬之後再搽cream中和返d擦膠碎。

hereisboojai 好用推薦：質地唔黏落好清爽🥹 用完唔會生粉刺 仲有真係曬唔黑 唔會曬傷！係暫時用過最好用嘅防曬 如果有其他好介紹嘅話，都想試吓其他防曬。

WSY好用推薦：用來擦臉覺得都幾清爽的~唔會話黏笠。會用嚟茶擦的手腳，都冇曬到曬黑

Jasmine好用推薦：😳Cosme開業推出咗Suqqu 底妝set，呢個品牌一直都好想試，但正裝價格較貴，一直都唔捨得買，今次$680就可以試齊底妝3寶（妝前、粉霜、碎粉），每樣都係正裝嘅一半，超級抵買！💕 貴婦級品牌真係有啲料到😍，第一次用已經好驚艷到我。我屬於混合肌，尤其冬季，剛上妝會乾，帶妝幾個鐘後會出油。用左呢個set之後，個底妝越夜越美麗🥰！出左油唔係甩妝，而係有啲奶油肌嘅感覺，輕輕印走啲油已經ok，唔需要額外補妝。👌🏻 🩵粉霜質地係cream狀，雖然較「傑」身，但延展性仍然好高，coverage遮瑕相當不錯，一層就cover到我本身9成痘印。👍🏻 真係超推薦大家入手！一定唔會後悔！😎 #火熱新品

橘子貓好用推薦：Suqqu是我的愛牌，品牌的彩妝產品基本上都很適合我，尤其這款粉底膏，是我秋冬常用的粉底之一，難得適合我偏油的混合膚質。 我膚色是黃一白，所用的色號是#101，粉底顏色很貼合我膚色，底色不會偏黃，有提亮膚色的效果，上妝一整天粉底也不太會氧化。 我最愛在秋冬用這款粉底，因為香港天氣變乾，我皮膚沒那麼愛出油，Suqqu這粉底保濕度剛好，可以打造出奶油肌妝效。同時，不會卡粉在眼下乾紋，讚！另外，這款粉底遮瑕度也很不錯，達到中上程度。我手臂上剛好有一個新鮮的、突出的傷口，跟剛剛清理完的暗瘡很像，可以證實一下粉底的遮瑕度：用手大範圍塗上了一層粉底的效果，傷口已被遮掉大部份紅色：用遮瑕掃重點再上一層粉底膏，傷口不仔細看已經找不出來了：Suqqu粉底膏真是既不卡粉，又有遮瑕度，不會有面具感，十分難得。沒有長大痘痘的時候，基本上我用這一瓶粉底就可以滿足我所有的底妝需求。推薦給秋冬皮膚輕微出油至偏乾的肌膚。 至於持久度方面，始終Suqqu這款是粉底膏，不能跟主打持妝的控油粉底相比。但只要在肌膚出油的位置用上控油的妝前，加上好好定妝，我是混油肌在戴口罩的情況下，整天妝感也可以維持得很好，只有跟口

Ming好用推薦：一直都用開Anessa嘅防曬產品，不得不說佢哋嘅防曬產品真係好好用，好容易推開，味道又清香，又防水又防油，防曬指數好高，去行山一定會用佢。

bearbear246好用推薦：呢款係凝乳質地 防曬效果不錯 出汗出油都唔甩 但質地唔夠清爽

Tobimak好用推薦：冬天天氣好乾燥，適逢見到Mirror既Frankie幫手賣廣告，咁身為皮寶寶既我就因為廣告而揀左Nivea既潤膚露試。 呢支潤膚露質地比較薄，擠少少已經可以大範圍使用，搽上身係無黏笠感既。而在潤膚方面亦能達到我心中預期既效果。唔知係咪心理作用，我覺得用左兩個月之後真係有白左❤️而且性價比很高，我會再回購及推薦給朋友。

小Man好用推薦：買完無耐就懷孕，唔敢亂用嘢，結果收埋左好耐，最近拎番出嚟用，我本身對腳極乾，所以專買嚟查腳，諗住平平地，一查落腳就吸晒，滋潤度係夏天都可以，冬天就唔夠啦，美白方面有少少用，但要勤力晚晚用。用完會買新版再試。

YiN好用推薦：好耐以前已經有買paul & joe嘅底霜，已經用到見哂底。包裝充滿少女感，壓花玻璃樽，淨係擺喺度都覺得心情好好。後來發覺旅行拎出去太重，佢就冇再陪過我出去。但因為喺日本買平啲，去日本嗰陣我都係會買枝返嚟。質地好水潤，搽出嚟有保濕嘅效果。帶有一陣香味，有啲人可能會介意，但我自己係幾鐘意隻味嘅。 點解我會回購主要係因為佢本身有顏色，我揀01色會有提亮效果，佢本身又有防曬度數，膚況好嘅日子我有時會就咁搽佢再上少少碎粉就當化完個底妝，佢個提亮感我覺得真係好靚。 至於真係妝前去搽，因為我本身係混乾肌，本身化妝都唔會大溶妝，好難講得實佢有冇令我個妝keep得好咗，但一定未試過令後續底妝差咗。

chasiutung好用推薦：Paul and joe 防曬妝前乳SPF15 PA+ 配方提升至90%精華成分 加入Moisture Essence 保濕精華、四種透明質酸、保濕橙花水加強保濕功效而設最滋潤保濕的隔離霜 蜜桃色調色有點遮瑕度 質感滋潤 搽完上面有提亮同光澤感 有香氣味 瑕疵不多可以單用或加少量碎粉就可以出門 混油皮適合秋冬使用 上粉底後妝感貼服 無溶妝 吾卡粉 但不建議混油皮春夏使用 會有點笠同脫妝 使用後:

Wing好用推薦：**質地輕盈精緻**:質地好輕盈滑溜，上妝時感覺好滑順,易融入肌膚，冇厚重感。 **遮瑕效果出色**:呢支粉底液有遮瑕能力，可以均勻膚色 **自然貼服妝感**:上妝後會好自然咁融入肌膚，冇明顯粉底痕跡

mssylviaa好用推薦：已經用到第三枝power frabic，因為底妝嚟講真係唔錯。 質地🌟🌟🌟 比起Dior、Lancôme，Armani相對冇咁液體，但流動性高，好易推，同埋唔會上手就好快乾，新手都好易handle。不過相較之下，我覺得上面後感覺冇其他牌子咁薄。我自己夏天用掃上，冬天用手上。 遮瑕度🌟🌟🌟🌟 質地偏厚身，我覺得遮瑕度比其他牌子高。簡單紅印一抹都遮到，不過如果係紅腫暗瘡就要另外加遮瑕膏。 持久度🌟🌟🌟🌟🌟 早上化妝，去到夜晚先會見到明顯浮粉，持久度十分高。我通常去到下午就會輕輕用紙巾印印粉，補補碎粉。不過長時間戴口罩的話，沾粉情況都嚴重。 色號🌟🌟🌟🌟 我用3.5，黃調自然白，大部份亞洲人都啱用，有自然提亮功效。不過記得當初都曾經中伏，專櫃staff揀咗隻深一度嘅顏色俾我，結果我用咗少少就冇再用。所以最好認真去專櫃試清楚先買。