找產品
防紫外線 推薦好用產品
761 件
Lumi Kwan好用推薦：之前睇好多日本雜誌，啲編輯都極力推薦，而且呢個產品成日都拎日本獎項，所以上次去日本嘅時候我刻意買咗一盒。以前覺得碎粉係一件用極都唔完嘅產品，但唔知點解用呢一盒嘅時候我大約用四個月，就用完啦。粉粒好微細，佢仲有另一款顏色係珠光，但因為我怕會好似成面油咁，所以冇選擇。入面有一個粉撲，我仲貪得意買多一個粉撲可以有替換，粉撲超級柔軟好舒服，但有時我都會用粉底掃去上妝，上左妝之後覺得皮膚好滑淨，就算之後再加highlight，都輕而易舉。我剛剛由去完日本返嚟，所以都冇貨買咗一盒，我會長期支持佢。
<看全文>YolandaAuYeung好用推薦：蜜粉粉末超級細緻柔滑，延伸性好。優秀的透薄感，原因是「Bouncing Powder 彈潤粉體」技術，令肌膚產生絲滑潤澤質感，輕柔地覆蓋肌膚，令肌膚整日也呈現自然明亮光澤，仙氣Level UP!! 用後感: 蜜粉粉末超幼滑，驚艷不已的絲滑觸感，令人一試難忘! 質地非常貼薄，能有效提亮肌膚色澤，就像第二層肌膚，透岀素肌感，連毛孔也完全隱形了，自然遮瑕修飾，沒帶一點厚粉感，即使帶着口罩，也不泛油，持久度很好，這是我定妝必備之恩物！ #細緻碎粉
<看全文>
mcosmetics好用推薦：見到有好多YouTuber都分享乾機適用呢個密粉，所以去咗SOGO啟德 Bobbi Brown 專櫃買。我用pure glow色號。粉質好幼細上面冇份感，但係本人T字位會出油，佢完全冇控油效果。不過包裝好好，有鏡，有塊膠隔開粉撲同粉末，有過篩粉末可以更加幼細，本身附送粉撲都好舒服。希望佢可以出一個控油力多少少嘅版本。
<看全文>Ahpin好用推薦：呢個Bobbi Brown嘅碎粉真係我作為乾肌人一年四季嘅必需品🥹 佢嘅粉質好細，就算喺眼下幫遮瑕定妝都冇問題。妝感係霧面光澤，好啱我呢啲唔鍾意太水光肌同埋底妝太黏嘅人。佢有少少顏色，所以有時落胭脂重手咗都可以幫手調返靚。大大盒有排用，值得一試！
<看全文>
Nicole好用推薦：一直聽人講Covermark依個牌子嘅底妝產品唔差，做咗幾日功課之後終於決定去專櫃試一下 顏色方面用咗櫃姐推介嘅SN20，上面之後比較自然，唔會過份白 Silky fit 比我想像中更加好用，粉質非常幼滑同細！上妝速度快又方便，上咗一層之後毛孔已經遮得七七八八，皮膚睇落去超級無敵好！妝效非常貼服，唔會浮粉、亦冇乜重粉感/面具感❤️ 唔會卡粉卡到一撻撻或上得唔均勻，眼紋同埋鼻翼位置都唔會卡粉 遮瑕效果可以少量咁疊加上去，唔會太厚重。一到兩層左右已經好勁，大致上可以遮到我嘅紅印同雀斑，但可惜未能夠完全對付到我個萬年黑眼圈XD 用後未見有敏感情況出現，上多兩層都唔覺得有負擔(*^^*) 見到自己皮膚好靚咁越用越上癮！ 目前為止未覺得乾，對乾皮膚非常之友善❤️ 同以前用過嘅粉餅差太遠，甚至好過氣墊！相信今個夏天至愛非佢莫屬 購入價$420，有盒同粉撲。粉盒設計太靚，令我忍唔住成日拎出嚟望XD 外型美觀大方，方便拎出街用~
<看全文>Miki2020好用推薦：本身買佢地支cc cream，BA介紹下就入埋呢個粉餅。 上面易推開，霧面，遮下中下。 用後嘅感覺係如果我係早3年唔洗帶口罩用就好...已經係配合佢支 cc cream, 試幾次出街載口罩都浮粉浮到好核突，一用手掂一掂就脫妝，轉埋day cream都搞唔掂。 但如果個日只係全日係屋企因開meeting化妝，佢又真係keep得幾好。 但而家一出街都要載口罩....佢就用全無用武之地
<看全文>
CC好用推薦：La Roche-Posay 作為敏感肌研究的專家，絕對是敏感肌救星之一！身為超級敏感混合油肌的我，當然要試試佢旗下的防曬啦～ 🛡️ 這支粉色 Tone Up 比綠色清爽版更好用！帶少少粉色調，可以即時提亮氣色，讓膚色更有光澤珠光感✨ 雖然網友常說清爽版比較適合油性肌，但實際用落我覺得 Tone Up 反而冇咁油，質地偏向水潤杰～ 質地方面，手上試塗左邊是 La Roche-Posay Tone Up，右邊是另一隻超出名防曬，可以明顯睇到 Tone Up 流動性較弱，呈現較濃稠的乳霜感。塗開後不算很油，但油性肌還是建議之後用碎粉定妝控油💨 兩支 La Roche-Posay 比較之下，這支 Tone Up 我會打 4分，同線的清爽型就 3.5分。 不過… 油性肌膚的朋友我絕對不建議購買這一支，用完一次已經決定不會回購了😕
<看全文>楊壯碩好用推薦：LA ROCHE POSAY UVIDEA ANTHELIOS TONE-UP (ROSY) SPF 50+ PA++++ REVIEW 「理膚泉每日高效提亮防曬霜 (粉色) SPF 50+ PA++++」測評 綜合評分：4.33/5，詳情如下—— 使用感：5/5 ▶️霜體流動性不高，延展性佳，質地在歐美系防曬中都算作輕盈不厚重，但未達到日韓系防曬那種水感透薄的程度，可以形容為油潤但不油膩。 ▶️使用感較溫和，沒有在我臉上導致過敏或粉刺，也沒有刺激我的眼睛導致不斷分泌眼淚（我用有些化學防曬的時候眼睛會泛紅流淚）。 妝效：4/5 ▶️肉色防曬霜（雖然產品名寫了rosy但並非粉紅色霜體），用後有提亮膚色的效果（見下附前後對比圖），並且會令皮膚看上去更加有光澤感（或可稱為「油亮」？），無遮瑕度。 ▶️由於它是oil based的防曬，有可能會令後續粉底液更易融解移位，故此需要用散粉做好定妝。 防曬效果：4/5 ▶️我是作為日常通勤防曬使用的，早上護膚後擦完這款防曬再化妝，之後一整天都沒有補擦，到了夜晚時間T區的底妝和防曬基本已經融了，不過由於大部分時間我都在室內，所以未曾發現有曬黑跡象。 ▶
<看全文>
Yty好用推薦：呢支biore uv aqua rich(藍色)喺日本藥妝店買㗎，防曬系數SPF50+ PA++++加上阻隔UVB及UVA，可以係八十分鐘內防水耐汗，唔會泛白，質地超易推開，而且價錢超平性價比勁高，可以做隔離霜，唔會影響化妝，而且非常適合夏天，通過過敏測試用咗兩三支都冇問題非常安心，值得推薦呢 biore uv aqua rich(係白色)喺香港松本清買，呢隻比較少見，覺得幾特別就買咗嚟試吓，哩款防曬配合珍珠粉增強3D面部立體感，包括面部顴骨，鼻樑同額頭等嘅位置，亦可以平滑淡化毛孔，有控油成份，同可以當隔離霜用，同樣可以用喺面部同身體，呢支搽落去會有少少白白地，對比第一隻因為有控油嘅成份，所以係適合油性嘅皮膚，如果想素顏睇落去有啲精神就可以用佢，因為內含控油粉末唔需要要加碎粉了
<看全文>Sakura醬好用推薦：Biore極水感防曬液 測評 今日同大家試呢支 Biore極水感防曬液。成日聽人講佢「水到好似唔記得咗搽嘢」，等我哋揭開佢真面目！ 優點 💖 1. 質地勁清爽 佢嘅質地真係好似 水 咁！一唧出嚟係乳白色液體，但一推開…… 喂？去咗邊？完全冇「立黐黐」嘅感覺，好似化妝水咁快吸收。夏天用一流，油皮／混合肌肯定會愛上！ 2. 零存在感 真係要讚吓佢嘅「零存在感」。搽完塊面唔會泛白，亦都唔會焗住皮膚。後續搽粉底或者碎粉，絕對唔會擦出擦膠碎，係化妝人恩物。 3. 防曬力足夠日常 SPF50+ PA++++，係目前最高嘅防曬級別。返工、返學、行街，應付日常紫外線絕對冇問題。而且佢聲稱用「超微米防禦技術」，可以堵塞毛孔之間嘅空隙，防曬更均勻。 要注意位 🙈 1. 防水力一般 因為佢主打「極水感」，質地太清爽，所以唔係超防水防汗。如果去沙灘、行山大汗、做運動，就唔建議搵佢，要揀番「超防水」系列（例如佢哋紅色嗰支）。 2. 要夠份量 太清爽嘅缺點就係，好容易唔覺意搽唔夠份量。防曬要有效，記住要搽夠一個 $5蚊銀 大細嘅份量，唔好慳！ 3. 酒精味 打
<看全文>
CLS24好用推薦：防曬粉真係油肌/混油既防曬BBF！！我唯一可以安心純用洗面奶洗走既防曬產品☺️敏感人士要試啦！！！佢無香料、無酒精，濕疹、暗瘡、細路、大肚婆、醫美術後等等等等都可以安心使用！ 憑肉眼睇，佢隻粉會帶少少黃色，可能因為有幾隻保濕份子啦。但上臉唔會顯黃，反而有少少blur毛孔！使用感受，2個字，清爽！比任何防曬產品都一定清爽！戶外/化妝個陣我會拎來做蜜粉同補妝，怕出汗出油會被我抹走，所以大約2-3小時補一次，室內既話剩係用佢都夠做，全日唔洗補！！ 佢有SPF50+ PA++++ ，純物理防曬，海洋友善配方，唔洗擔心影響地球環境！ 但係佢支伸縮掃未到十分好用，只係可用程度，有更好既選擇。而我只建議用化妝掃上粉，粉撲未必夠均勻。因為佢粉唔算幼細，如果潮濕，甚至容易結塊，盡量用掃打圈散番開！ 缺點： 1）佢粉盒呢個設計我唔算太喜歡，取粉唔夠幼細，要借用佢個蓋，然後因為粉帶黃色個蓋又好容易變黃… 2）外出用個陣，佢起個袋「浪」來「浪」去，冇防備之下一打開蓋可能走左好多粉出來，試過浪費左d粉之後我每次開之前都會敲下個蓋，等多d粉跌番落盒。 如果個包裝有新設計改善下就更好啦！
<看全文>claudiayanyan好用推薦：一直喺度搵可以出街補嘅防曬，上一年終於比我搵到呢隻Rachel Wine嘅礦物防曬粉！搽上面可以做到輕微修飾毛孔，而且係SPF50，有時懶起上嚟唔化妝都可以搽佢落街。個人比較鍾意用埋佢個數，可以上得均勻啲，唔會一撻撻。
<看全文>
chewyfruit好用推薦：Canmake絲滑潤澤碎粉用後感 ✨ 外觀同設計 佢個包裝真係夠晒「日系可愛」！個盒細細個，直徑同手掌心差唔多，扁身設計好易塞入化妝袋，帶出街補妝超方便。個粉撲係「重點好評」，好厚身軟熟，絨毛好密，摸落去好似摸緊兔仔耳仔咁舒服！ 🌸 粉質同妝效 粉質係「超級幼細」，打開個盒唔會飛到周圍都係粉（呢點好加分）。 上臉個下真係有驚喜——「即刻柔焦」！ 好似幫塊面開咗層薄薄嘅磨皮濾鏡咁，毛孔同細紋會變朦朧，但完全唔會厚粉或假面。 係一種啞緻絲絨感，光睇皮膚質感好似絨布咁細滑，唔會反光，適合追求自然霧面妝嘅朋友。 💦 保濕同控油表現 · 乾肌朋友注意： 因為入面加咗美容液成分，我自己（混合肌）用落真係唔會抽乾水分，帶妝幾個鐘面頰位都唔會乾到起屑。不過如果你係極乾皮，建議都係做好妝前保濕先。 · 控油力： 屬於「輕中度控油」。油鼻位大約頂到3個鐘開始會少少出油，但唔會溶妝，用紙巾印走油光後，妝面都仲係完整嘅。大油田就可能要補密啲。 ☀️ 防曬bonus 有個SPF23 PA++嘅防曬值，雖然唔可以代替防曬霜，但心理上會覺得安心啲，尤其係喺室內對電腦，或者落街買少少嘢嗰陣，算係多一
<看全文>Chloeincosme好用推薦：乾性肌膚揀蜜粉真係要好小心，唔係好易會卡粉或者顯乾紋。行街見到呢盒Canmake好多好評嘅碎粉，價錢又唔貴所以就買咗嚟試吓。 **包裝** Canmake 嘅蜜粉包裝一如以往行可愛路線，而且細細盒方便攜帶。 **粉質** 粉質方面，摸上手都算幾細滑，但冇我既愛牌LM嗰種好驚艷嘅感覺。 **使用方法** 可以喺搽完防曬或者底妝之後用，用佢附送嘅粉撲輕輕印喺臉上。乾性肌膚既我會避免用太多，薄薄一層就夠，而易出油嘅地方譬如鼻翼兩側可以加強少少。 **使用效果** 佢嘅柔焦效果唔錯，可以修飾毛孔，令皮膚看起來平滑啲。而且佢喺紫紫地色，有輕微提亮去黃既效果。遮瑕力就比較弱，如果想遮瑕嘅話，就要另外用遮瑕膏！
<看全文>
布吶吶好用推薦：今次同大家試吓呢支風超大嘅 Estee Lauder持久水凝亮澤修護粉底液，聽個名都知佢野心好大啦——又要持久、又要水凝、又要亮澤、又要修護！係咪真係咁神奇？等我話你知～ ✨ 第一印象：包裝高級，泵頭好評！ 支嘢拎上手幾有份量，玻璃瓶+金蓋，擺上妝枱都覺得自己好似貴婦。最正係有個泵頭！衛生又易控制份量，唔會一時失手倒到成手都係～加分！ 💦 質地：果然「水凝」無呃人！ 擠出嚟係流動性幾強嘅乳液狀，推開好似絲綢咁滑溜～一掂到皮膚就覺得「咦？幾水潤喎！」完全唔厚身，無嗰種「戴面具」嘅感覺。乾肌姊妹應該會鍾意！ 🧏♀️ 上妝效果：自帶「溫柔光環」 上完一層，個膚質即刻升levellll～ 唔係啞光，唔係油光，係種好自然嘅「皮膚自己透出嚟」嘅光澤感！好似飲飽水咁，睇落精神咗，但又唔會變「燈塔」～ 遮瑕度中等，淺色雀斑、暗沉可以修到七八成，如果嚴重瑕疵可能要加少少concealer。 ⏰ 持久度：朝九晚六無甩色？ 我朝早化好妝，無用primer、無set碎粉（專登測試！），到中午T位有少少出油，但唔係溶妝嗰種，反而變咗「奶油肌」feel～ 到下晝4點幾，光澤感依然keep到，只係鼻翼
<看全文>tangym0704好用推薦：一直用開 Estee Lauder Futurist 持久水凝亮澤修護粉底 SPF20，質地水潤好推，1N1 色號啱晒我亞洲黃調肌，遮輕微紅腫暗沉都自然。秋冬冷乾天氣特別岩，保濕力 OK，香港上班潮濕環境都頂得住。 持久度嚟講，朝早化好妝，無 primer 無碎粉，中午 T 字位微油但變奶油肌 feel，下晝 4 點光澤仲有，鼻翼稍 小小卡粉，日常約會夠用。差唔多日日用都無敏感無痘痘，同埋卸妝後皮膚唔乾。 岩曬乾肌同混合肌用～
<看全文>
Emily Leung好用推薦：Avene 清爽防曬乳液 SPF50+ 使用心得 質地 · 白色乳液，好推開，唔會一舊舊。 · 清爽型算薄身，油肌/混合肌夏天用都接受到；但極度控油款就乾爽啲。 泛白/潤色 · 純化學防曬？其實係 混合型（物理+化學），初初上面會有一層白，推勻幾下就變透明，深膚色都唔會面具樣。 黏膩感 · 香港潮濕天氣下，開冷氣/乾爽日子就 成膜後清爽；但出面又熱又濕時，T字位幾小時後會出油 + 有少少黏。建議上面後等一兩分鐘，再印層碎粉。 防曬力 · SPF50+ PA++++，日常返工夠用，戶外活動（行山/沙灘）要勤補。唔會曬傷，但暴曬幾個鐘後膚色會稍稍變深。 優點 · 無香料、無酒精，敏感肌或醫美後用都安全。 · 溫和，眼周用唔刺痛。 · 抗汗能力中等，唔係強勁防水型。 缺點 · 價錢偏貴（$200+ / 50ml）。 · 油肌夏天正午用，唔掃碎粉會出油令妝溶。 · 成膜速度一般，趕時間會覺得慢。 總結畀唔同膚質： · 乾/中性肌 → 鐘意，夠潤又唔笠。 · 混合/油肌 → 可試「控油版」，夏天最好加碎粉。 · 極度敏感肌 → 高推薦，不刺激、防曬夠力。 一句到尾：
<看全文>Chloeincosme好用推薦：呢排用緊 Avene 防曬乳液 (SPF30 PA+++)，適合室內日常防曬，但戶外活動就會唔夠力。質地唔算厚重，但都唔算好水潤，冬天用唔夠保濕。不過成分溫和，敏感肌用完全冇問題！ 🤍 防曬力：3.5/5 室內使用足夠應付，但如果長時間戶外活動或夏天暴曬，就會明顯唔夠力，需要補塗或轉用更高係數～ 🤍 質地與保濕：3/5 質地偏乳液狀，推開算容易，但保濕度普通～乾肌冬天用會覺得有啲繃，建議要先做足保濕打底！ 🤍 溫和度：5/5 真正為敏感肌設計！完全冇香料、酒精，就算皮膚泛紅或狀態唔穩定時用，都零刺激，仲有舒緩效果～ 總結： 如果你係敏感肌，主要喺室內活動，Avene呢支防曬係穩陣之選～溫和得嚟日常夠用，但保濕同戶外防護力就稍嫌不足。未必回購，想試下其他更高防曬系數嘅產品！
<看全文>
CC好用推薦：這支安耐曬是在日本藥妝店買的，主打低敏感配方。但作為敏感混合油性肌的我，其實最愛的還是金色那支安耐曬☀️ 質地對比看圖就很清楚： 左上方是另一個敏感肌品牌的防曬，右下方白色液體就是這支低敏安耐曬（粉紅色包裝）。 這支低敏版流動性極強，超容易推開👍 但實際用落比金色版明顯更油！塗完滿面油光，夏天用真的很悶熱😓 完全不適合油性及混合油性肌膚，尤其香港的潮濕天氣。 雖然沒有起擦膠粒，延展性不錯，但作為防曬底妝，脫妝風險頗高。 開了又怕浪費，最後只能拿來搽手腳或身體😅 總結：敏感肌想低敏可以試，但油性肌強烈建議直接選金色版會舒服得多！
<看全文>Kuma好用推薦：我係其他分享都有講過雖然我唔係經常皮膚敏感嘅人群，但對於mark明敏感肌適用嘅產品都有種迷の執著同偏見覺得佢成份會好溫和XD Anessa應該可以話係開架防曬始祖，以前見得最多嘅係金色樽個款，最近見到有埋粉紅色呢支話係敏感肌適用嘅防曬，敗家女又出動again ♪ 第一次用之前唔記得搖匀，擠咗水油分開嘅液體出黎，所以我諗佢mark住一定要搖匀XD因爲呢款防曬不具調色效果，如果當日會化妝我就會用呢款防曬，唔會影響粉底or遮瑕顔色。 質地的確都好milky，非常易推開，聞唔到有特別嘅香料味，但我唔太鍾意油份多嘅防曬（尤其香港嘅夏天！！又濕又熱！）所以上粉底之前都會拎紙巾印一印多餘嘅防曬先，如果唔係上粉底會起擦子膠碎…強烈建議搽完要上碎粉 價錢如果唔係減價其實都就快同專櫃貨差唔多，建議sis可以喺減價嘅時候多多囤貨用到冬天XD —————— ♪ 流動性：★ ★ ★ ★ ★ ♪ 滋潤度：★ ★ ★ ★ ☆ ♪ 性價比：★ ★ ☆ ☆ ☆ —————— #火熱新品
<看全文>
Fng好用推薦：Sofina iP美容防曬霜🔍 主打「防曬+抗老+妝前」三合一，SPF50+/PA++++，聲稱可同時阻隔紫外線與近紅外線傷害。香港夏天濕熱難頂，同價位仲有Anessa、Allie等對手⚠️⚠️⚠️ 💁🏻♀️ 實測結果 ✅ 優點 1. 水潤輕薄唔黏膩 乳液質地推開化水，兩頰保濕度足，T區無油光，後續上粉底零搓泥～ 2. 抗老功能加分 添加保濕抗老成分，帶妝同時護膚，適合輕熟肌～ 3. 提亮自然唔死白 微微光澤感修正暗沉，單用已有好氣色～ ⚠️ 注意位 1. 控油力中等 大油肌夏天可能要疊加控油產品，否則3小時後T區會出油～ 2. 耐汗力稍弱 暴曬流汗後需補塗，否則防護力下降～ 💡 推薦度：★★★★☆（4/5，抗老功能加分！） 適合：25+輕熟肌、追求護膚防曬二合一嘅混合乾肌～ 🆚 同價位產品比較 · Sofina iP：勝在 保濕+抗老二合一，適合日常通勤及冷氣房長時間使用～ · Anessa金瓶：防水抗汗最強，戶外活動、暴曬首選～ · Allie礦物柔光：光澤感最突出，但油肌夏天易溶妝～ 點揀好？ · 混
<看全文>何何好用推薦：無論冬天同夏天，都要做足防曬，呢支sofina ip防曬smooth milk之前一直回購，日頭返工會當佢日霜用，唔泛白，夠潤，又輕身滑身，防曬系數好夠，spf50+ pa++++, 雖然冇乜調色效果，但上面係舒服唔乾。 但係呢年香港周圍搵佢都搵唔返，得返同系列smooth cream.... 可能要係日本先有？？？
<看全文>
Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍
<看全文>Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少
<看全文>
Lydia好用推薦：LA ROCHE-POSAY UVIDEA ANTHELIOS Tone Up Cream (Clear) — 面部專用清爽提亮，防曬同時打造絲滑底妝✨ 質地： 呢支防曬霜嘅質地係輕盈乳液狀，唧出嚟已經feel到水潤感。搽上面嗰下好易推開，延展性高，幾下就均勻覆蓋全臉。 最驚喜係佢嘅潤滑貼薄質感，推勻之後完全唔泛白，係自然嘅透明感光澤。皮膚表面完全唔會黏笠，反而有種清爽嘅絲滑感，清爽得嚟又有少少柔焦效果，完全冇一般防曬嗰種厚重負擔。 清爽版配方真係做到零油膩感，夏天用都唔怕焗住塊面，敏感肌用都完全冇刺痛或不適感。 效果： 用喺面部，最加分係佢嘅透明感提亮效果。 本身成日熬夜，塊面成日暗啞冇精神，呢支一搽上去即刻有自然光澤，膚色均勻咗，望落精神晒，但又唔會好似搽咗粉底咁假面。 防曬力方面，SPF50+ PA++++絕對係頂級防護，返工對住窗邊、行街或者戶外活動都好安心。同埋見佢之前係日本人測試中防曬系數最高嗰款防曬。佢可以抵禦紫外線同香煙引起嘅氧化壓力，同埋加入咗吸油因子，夏天出汗或者潮濕天氣都唔會變油光滿面，keep住清爽感覺，唔使成日補搽。 作為妝前底霜用更加係一流，後續上
<看全文>TsuenMa好用推薦：產品介紹： 品牌推出咗好多唔同系列嘅防曬，適合過敏性皮膚使用，呢款係透明款，其次嘅都仲有tone Light up，使用後可提亮膚色，防曬兼打底。產品稱係專為亞洲肌膚研發嘅，可以有效抵擋到紫外線：UVB同UVA，都係最高防曬係數SPF50+、PA++++。 質感： 偏流質嘅乳白色液體，清爽易推開，冇乜黏膩感，可以好快比皮膚吸收👏🏾 用後感： 本身以為係一支比較普通嘅防曬，但用落之後覺得佢冇濕度都好夠，因為本身皮膚係混合性偏乾，所以呢一點可以令到之後個妝可以keep得耐啲，冇咁容易浮粉。佢係透明嘅特質，唔會令到個妝感太過白或者粉感過重，係有比到驚喜我💓 Overall，推薦呢一款產品🥳
<看全文>
ying好用推薦：☀️ 日間水膜防曬精華 SPF50+ PA++++ ✔️ 無敏感，我用得好放心 💖 ✔️ 好方便，一支過搞掂保濕＋防曬＋妝前 💯 ✔️ 個香味我好鍾意，舒服唔會太濃 🌸 ✔️ 保濕做到，全日都唔乾 💧 ✔️ 防曬度good，戶外活動都夠 ☀️ ✔️ 好易推，水潤質地一推就勻 ✨ ✔️ keep住日日用，唔會擺喺度封塵 📆 水潤易推，唔笠，底妝仲貼咗 乾肌友好，潮濕天氣輕壓碎粉就搞掂 ⭐ 4.8 / 5 會回購 👍
<看全文>橘子貓好用推薦：Veil of Day SPF50 PA+++ 防曬是淡粉色的精華啫喱狀。非常易推，一抹就均勻。很多防曬精華是初抹開時很水感，但被皮膚吸收後經常（因為防曬成份的性質）會有一層油膜感。 這款防曬的膚感才可說是真正的清爽水潤！就算我是混油皮，也完全沒有感到油膩，皮膚就好像單純用完精華般即時保濕透亮，再掃上一層蜜粉輕輕定妝就可以了。 膚感滿分，難得一款貴婦防曬用完旅行裝後，想回購正裝的。
<看全文>
Kakar好用推薦：佢既質地比較滋潤，同埋無特別既香氣，唔擔心佢有對皮膚唔好既香料，完全唔會加重皮膚既負擔。 呢排天氣乾燥，塊面一有少少敏感，我就會用呢支cream，厚搽過夜，第二日就會無事，唔再紅。不過呢支cream 我唔會全面搽，因為面部有局部出油的問題。如果搽一d太滋潤既cream,有機會會有暗粒或者焗瘡，所以我只會用起乾燥皮膚既位置。 總括黎講，呢支cream 用係敏感或者乾燥肌，係非常有效，十分推薦。
<看全文>Miu Lai好用推薦：開始進入秋冬季節，皮膚變得更敏感，容易泛紅又變得乾燥，今次推介Physiogel 抗敏紓緩乳霜（面部系列），為敏感及乾燥皮膚打打氣！ Physiogel抗敏紓緩乳霜（面部系列）有效改善面部乾燥、敏感及泛紅，強效保濕滋潤，成份不含防腐劑、香料、色素，大朋友小朋友、敏感及濕疹性肌膚都合適！ 用後感： 1. 白色乳霜，無香味，質地輕盈，容易推開，有助肌膚吸收，有即時滋潤乾燥肌膚的效果。 2. 持續使用有效舒緩泛紅及乾燥。 3. 補濕效果很好，修復肌膚鎖水屏障。 醫學美容品牌，信心保證，值得推薦!
<看全文>
Poyobb好用推薦：Dw持久無瑕霧光氣墊粉底 2c0 （Estee Lauder 白金系列都係用2c0) 附有一個替換裝及一個氣墊粉撲 點解會買？💕 一直都知道DW既粉底液出名持妝，試過上面太乾， 更新過唔同版本亦無太大分別，因此卻步。但新出既持久無瑕霧光氣墊粉底明顯保濕度大大提升，因為買黎試 使用感💕 本人混乾肌，少少痘印，黃一白 岩岩開始1月既日子，香港天氣得十二、三度，妝感明顯，感覺浮粉😅 放咗個幾月大概4，5月既日子，再用時温度上升返二十幾、三十度，今次用保濕型base打底就更適合了。我逐少逐少上面用氣墊粉撲上面，霧面得黎帶點微光，妝感係幾靚，而且無再浮粉了。另外大半日都keep到，持妝幾好，而且無斑駁。 效果💕 遮瑕度中上，大部分紅印暗啞都遮到。 六小時後，個人問題主要都係暗瘡印死皮只係少少浮出嚟，但可接受，全個妝容大致上無點甩👍🏻 乾燥天氣唔洗上碎粉，cushion 持妝力都夠，唔用碎粉膚質更靚。 建議💕 如果真係怕溶妝/全日戶外活動，建議係base後， 氣墊粉底前噴一噴setting spray，全個妝last得更耐。但如果全日係冷氣室內無咁既需要。 另外屬於霧面快乾型氣墊粉底，
<看全文>Tszki好用推薦：Estée Lauder 粉持久無瑕霧光氣墊粉底 SPF 45/PA+++ (Double Wear Soft Glow Matte Cushion Makeup) 提供立體、柔焦的霧光妝感，輕透且不顯厚重。具備 24 小時持妝效果，抗汗防水，適合油性及混合性肌膚，尤其在濕熱天氣表現良好。提供 SPF 45/PA+++ 高效防曬，並添加玻尿酸和甘油等成分，提供 12 小時保濕效果。妝力佳、遮瑕度中高，但長時間佩戴口罩後可能出現浮粉現象。
<看全文>