防紫外線 推薦好用產品

Kmggigi好用推薦：全效濾光護膚 UV 乳液 — 輕盈快成膜、防曬同打底一次過搞掂✨ 質地: 呢款 UV 乳液質地好似清爽乳液咁，完全唔厚重， 一開始推開非常容易，延展性好高。 不過佢成膜速度都算快， 上面時記得要快手啲推勻，咁效果會最靚。 效果: 上臉之後完全唔會泛白，反而會有少少霧面效果， 但同時塊面會變得亮白有光澤， 係果種乾淨、自然嘅好皮膚質感🤩 🔽下面係搽完推開後嘅效果，一啲都唔厚重🔽 用完之後唔會覺得黏笠，黏立感好低， 直接當妝前打底用都 OK。 之後上粉底都好貼服，唔會好易起擦子膠碎， 妝面乾淨又穩定😎 🔽搽上面嘅效果，好有光澤、🔽總結：清爽、防曬、妝前打底三合一的實用之選 想搵一支唔厚重、唔泛白、 又可以直接接住上底妝嘅防曬？ 呢支全效濾光護膚 UV 乳液真係幾方便又好用， 日常必備！✨

Fng好用推薦：Anessa Sun Daul Care Day Serum 防曬精華二合一 ✨ 質地與使用感 呢支防曬精華質地似輕薄乳液，推開後有微微水感，吸收速度快，唔會留低黏膩感。香港夏天用，兩頰保濕度足夠，T區亦無泛油光，後續直接上粉底好貼服，唔會搓泥。添加咗透明質酸同植物精華，當日常保濕精華用都得～ 🌟 防曬與護膚效果 SPF50+/PA++++防曬力足夠應付通勤同戶外活動，試過周末行山2小時無曬紅曬黑。最大驚喜係護膚功能，帶妝8小時後卸妝，皮膚無暗沉繃緊，反而摸落滑溜咗。適合懶人想一支搞掂防曬同基本護理～ ⚠️ 局限性 控油力普通，大油肌夏天可能要加控油妝前。價錢中上（約$250/30ml），同開架防曬比稍貴。潤色效果近乎零，追求修飾膚色要疊加底妝～ 🆚 同類似產品比較 · VS Anessa金瓶防曬：金瓶防水抗汗更強，適合暴曬玩水；呢支Day Serum保濕同護膚成分更多，適合日常通勤～ · VS Sofina iP防曬：Sofina主打抗老同潤色；Anessa呢支側重保濕同輕盈感，皮膚負擔更細～ · VS Allie礦物防曬：Allie潤色同光澤感較強；Anessa呢支追

pigpig好用推薦：目前為止最好用的潤唇膏，有多款選擇，能適合不同唇色人士，有少量顏色可作日常打扮用途。使用後一星期明顯嘴紋和唇色有改善，由紫色轉為棗紅。保濕力高就算在冬天使用也綽綽有餘。黏度適中不會有雙唇黏合的情況的同時能好好保護嘴唇，嘴唇能隨意開合不需要額外用力，不黏頭髮亦不會被頭髮黏到嘴邊。無色無味，即使舔到也不會有膠味。刷頭大小適中，每次取量不多，不會令嘴唇厚重。雖然價錢略高但能使用很久，實在是每個人的必備佳品

JOYCE好用推薦：之前網購買返嚟，無咗口罩令先開始用😿原來已經停產 質哋係普通唇彩，但對唇部皮膚好嘅成份就同潤唇膏一樣，可以話係潤唇膏同唇彩嘅混合體。隻色仲要好靚好自然😿停產真係好可惜 睇返資料先發現咁高質⋯不含防腐劑、滑石同香料呢啲係基本，仲配合天然礦物成份做到低刺激性配方。仲有超過300億個即使常溫保存仍然保持到高品質嘅乳酸菌“La Flora EC-12”，呢種乳酸菌可以保持皮膚處於弱酸性，有效抑制害菌繁殖，平衡皮膚嘅微生態。 不過再好用都無啦😿😿

維他他好用推薦：幾好用，好水潤，好易推，冇乜味道，好薄好滑，價錢又唔貴，主要夏天用，搽手搽腳搽頸，又好似真係冇黑到，有d料到！👍🏻

nonlu好用推薦：質地清爽唔立，不過 都會feel到有存在感 可以用普通洗面乳清洗，不需要特別卸妝 會再回購

mandy好用推薦：Biore Aqua Rich UV AQUA PROTECT MIST (水凝系列 -極水感防曬噴霧) 共2款， 其一為沒有香味，另一款則是限定的茉莉小蒼蘭芬香版。 Biore Aqua Rich UV AQUA PROTECT MIST 水凝系列 - 極水感防曬噴霧 SPF50 PA++++ $89.90 / 60ml (買1送1 from Mannings) Biore的防曬噴霧跟Biore其他防曬產品一樣， 比較著重防曬成分及功效，添加比較少的護膚成分。 感覺某些開架品牌的防曬噴霧蘊含多些美肌成分。 水凝系列 - 極水感防曬噴霧的優勢在於細細枝， 不佔空間，隨時帶出街也可以。 此外，極水感防曬噴霧可以均勻地噴灑， 而且非常水感，完全不會有黏笠感，全身及頭髪適用 比市面上大部分的防曬噴霧更清爽，用後也不會泛白。 SPF50 PA++++提供充足的防曬保護，戶外活動也能使用。 推介給喜歡水感清爽使用感的防曬噴霧用家使用。 含防曬成分: 桂皮酸鹽, 二乙基氨基羥基苯甲酰苯甲酸己酯, 乙基己基三嗪宗, 聚矽氧烷-15 及 2，4-雙((4-(2-乙基-己氧基)2-羥基)-苯基

Yty好用推薦：Biore極水感防曬噴霧，有SPF50+ PA++++有效抵禦 UVB 和 UVA，含有水感保濕角鯊烷成分，防曬噴霧係透明嘅，因為有角鯊烷佢成份，所以噴完之後會有少少柔潤感覺，我帶佢行山重複補噴面部，手腳之後曬咗全日，都冇話曬傷皮膚或者冇乜黑到，而且細細支擺喺手袋都好方便，佢噴出嚟啲水係涼浸浸，行山咁熱嘅情況下好舒服，可以降溫又有防曬效果，而且價錢相宜，性價比高，值得推薦呀

Chloeincosme好用推薦：最近買咗Vaseline嘅日常防曬提亮精華液，用後感真係好好。呢款防曬美若其名：似足精華液！質地輕盈，容易吸收，塗上去之後唔會黏膩，搽防曬好似搽cream咁，即時感受到肌膚變得更加水潤，完全唔會太過厚重！ 而佢既基本功能防曬力都十足，擁有SPF 50+PA++++嘅保護，對於日常出街/ 做運動都非常合適！ 我真係好推薦！如果你想要一款價錢相宜，防曬力又十足既身體防曬，Vaseline呢款防曬絕對值得試下！

JessicaB好用推薦：☀️投奔夏季，背心短裙仔都要出動喇😎！香港嘅夏天太陽猛烈，紫外線指數又高，一定要高度防曬呀🥵，仲要keep住💦水潤透光嘅肌膚，凡士林嘅「日常提亮防曬精華液 SPF 50+ PA++++」，仲有泰國🇹🇭每8秒賣出1支’ 嘅「肌亮水潤精華凝乳 Dewy Radiance」就係Caca今個summer嘅防曬partner 🙌🏻！ 🩵【凡士林日常提亮防曬精華液 SPF 50+ PA++++】 😎室內、室外，都有效抵禦5大肌膚傷害。 🈶助防止UVA & UVB紫外線對肌膚造成傷害，適合每日使用🫶🏻 🈶效抵禦空氣污染~、藍光及冷氣乾燥等傷害 🈶維他命B3、C 及E，為肌膚注入所需營養，散發自然透亮光澤*。 🈶效快速吸收，質地清爽不黐笠

Emily Leung好用推薦：#火熱新品 Laneige新品氣墊｜和金碩珍一樣還原美貌吧！ 因為JIN有代言蘭芝，還送立牌，剛剛好氣墊用完了，抱著試試的心理，下單了氣墊。沒想到還可以，遮瑕力也湊合，妝感輕薄，滿足日常妝的基本需求。 💛本人膚質：混合偏油，有明顯毛孔，黃1白，橄欖皮 💛質地：粉質細膩輕薄，容易取粉 💛妝效：啞光和光澤之中的微水光肌感 💛遮瑕：五六分，偏自然輕透，能修飾一點毛孔。 💛持妝：未定妝的情況下能持妝6小時，定好妝估計8小時以上不成問題。 韓系氣墊一般主打清透水光肌，遮瑕力較爲欠缺。日常淡妝或者短途打個底還是可以的。如果是為了代言人周邊，就馬上入手！😘😘😘

Amy KHM好用推薦：老實說係因為Jin代言所以入手🫣但意外地發現係一款適合唔同膚質嘅cushion！ 以前冇聽過有Mewy呢個terms 官方話要Growy同Matte嘅中間值然後上妝個下會即刻明係咩一回事 本身皮膚係混合性偏油 尤其係T zone同面頰 佢個粉撲係好貼心嘅U型方便上鼻翼位同嘴角 因為始終夏天都會易出油所以用完都會用碎粉定妝 但如果for乾肌 真係可以直接上完噴個定妝就搞掂🙂‍↕️ 推薦比所有膚質嘅夏日cushion! 我官網買個陣仲連一個refill同啲mini skincare 方便帶去旅行用~

AngelC好用推薦：上面後透簿之餘又有少少遮蓋到面上斑斑、 最重要一點係不用上碎粉定妝都唔會有笠感覺、好鐘意

wintonggg好用推薦：專櫃買的，遮瑕力幾強，夏天都頗持妝，不過對比nars嘅粉底液，厚重左小小，同埋色號比較少選擇，但整體來講對得住價位，同埋cushion都方便返學返工一族，會再回購！

Sophia好用推薦：Suncut 防曬噴霧使用方便，噴霧細緻，不黏膩，而且沒有泛白現象。我通常用於身體和頭髮防曬，使用前搖勻，距離皮膚約10-15公分噴灑，再稍為輕輕推勻即可。SPF50+ PA++++ 的高防曬系數，即使長時間在戶外活動也能安心，有效防止曬黑和曬傷。它清爽的質地很適合做運動時使用，即使流汗也不會增添黏膩感。噴霧樽身倒轉亦可噴出，噴不同身體部位都更加就手。香味方面，這款是淡淡的花香味，日本經常有出限定味道，防曬都可以好有新意✨️✨️✨️

Heychauchau 好用推薦：具有調色功能的防曬噴霧，而且具有最高防曬系SPF50+PA++++，有效防禦UVA及 UVB的侵害。這支防曬特別的地方在於能夠調整膚色，本身膚色不均及較為暗啞，使用後肌膚亮度提升，整個人看起來也比較精神，所以很適合用作妝前打底，先均勻膚色，能提升後續底妝的亮度。使用時也不太覺得太黏膩，很容易推開，噴霧型的設計不局限於使用在臉，也可用作身體的防曬，令肌膚同步變得自然透亮。

Tobimak好用推薦：呢枝sample係響專門店索取的，質地算中等厚度並呈白色，我使用後面上沒有起粒粒。不過佢就同我底妝有打交情況，所以最後我選擇用在手腳上。

wintonggg好用推薦：The Body Shop嘅產品一路都覺得好natural，無色無味，對我依仲唔鍾意太重味嘅用家來講好加分🤣依款防曬霜嘅質地就乳霜狀，唔會好厚重好笠，搽上去好快就變得乾爽，同埋佢SPF有50，所以夏天冬天都幾夠用，冬天用又唔會好令皮膚好乾燥，同埋平時一曬到太陽塊面就勁紅，搽完依個就會避免泛紅問題，皮膚冇咁刺激，所以個人都覺得幾好用！

Silvia好用推薦：雖然係SPF50++++,始終係化妝品，但我唔會完全當係防曬用，OL室內日子用。所以唔知佢防曬係咪真係掂！但佢均勻膚色，防水防油防氧化都好好。單用膚色提亮唔少，可以偽素顏出街。加粉底，底妝好貼好靚，可以keep到7-8小時。但佢唔似其他妝前咁爽身，行cream狀路線，有d痴痴地，我哩d混白偏乾幾中意，油肌未必中意

Conw好用推薦：集防曬 提亮 均勻肌色於一身，去短旅行要慳手提行李重量的話，帶一支就夠。 50度防曬，去東南亞都唔驚。 雖然質地偏杰但延展性好好，珍珠大少可以全臉使用。 有一定遮蓋力，有珍珠粒粒折射光線，均勻膚色綽綽有餘，配上遮瑕膏和有色碎粉，真的可以省下粉底步驟 有滋潤度，成膜後有光澤，在皮膚附著力不錯，乾燥清爽的天氣使用可以保持6小時以上 25g細細支牙膏裝，放在行李不佔位置和重量 #出國必備彩妝

Sakura醬好用推薦：Clarins 煥顏緊緻日霜（Extra-Firming Day Cream）實測 ⭐️質地： · 手感： 一打開樽仔，見到嘅係好豐潤、好似絲絨咁嘅cream狀。用手指挖一嚿，覺得佢夠挺身，唔會水汪汪，但係一推開呢——嘩！好順滑、好柔軟，完全唔黐手。 · 推開感受： 好容易就撻勻全塊面，吸收速度中等偏快，輕輕按摩幾下就已經「食」入皮膚，唔會留低一層油光或者黏立感。用完之後皮膚摸落去係軟熟、飽滿，有層好薄好薄嘅滋潤膜保護住，但絕對唔厚重。 · 氣味： 典型Clarins式清香，淡雅嘅花香，唔會太濃，好舒服。 ⭐️緊緻提拉效果： · 即時感覺： 搽完之後，皮膚有種微微收緊、有彈性嘅感覺，尤其係面頰同下顎位，好似有層好溫柔嘅力托住咁。 · 持續使用： 如果用咗一排（大約一至兩星期），會覺得朝早塊面冇咁易浮腫，輪廓線條望落精神啲、利落啲。對於初期鬆弛或者因為乾燥而睇落冇咁緊緻嘅皮膚，呢支日霜嘅「撐住」效果幾明顯。 · 注意： 如果你期望係好強烈嘅「拉皮」式提升，咁就可能要配合更針對性嘅精華或者療程。但作為日霜，佢嘅預防同維持能力做得唔錯，保濕夠，皮膚飽滿咗，自然睇落冇咁鬆垮。

Yeonjung好用推薦：Clarins嘅緊緻日霜用過一段時間，分享一下心得，尤其係緊緻效果方面： 🌵質地同使用感 · 乳霜質地算輕潤，唔算好厚重，廣東天氣潮濕嘅日子用都唔會太黏膩。 · 推開後吸收幾快，皮膚有即時滋潤感，後續上防曬或化妝都唔易「搓泥」 🌵緊緻效果 · 初期感受：用咗大約一星期，覺得皮膚有少少「拉緊」嘅感覺，尤其係面頰同下巴位置，摸落去彈性好似好咗。 · 長期效果：持續用一個月左右，覺得輪廓線有輕微提升，特別係朝早起身，面部浮腫情況有改善，鬆弛感冇之前咁明顯。 · 提醒：緊緻效果因人而異，如果本身皮膚好鬆，單靠護膚品未必有好大提升，但作為保養同預防，呢支日霜算係交到功課。 🌵優點 · 成分溫和，大部分膚質都啱用，敏感肌都OK。 · 帶有淡淡花香，幾舒服。 · 用完皮膚光澤感有提升，唔會暗沉。 🌵注意事項 · 如果係極油皮膚，夏天用可能覺得潤，建議晚間用或秋冬用。 · 想效果更明顯，可以配合佢哋嘅緊緻精華一齊用。 總結：作為一款日常抗老日霜，Clarins呢支喺緊緻同保濕方面表現平均，適合想預防初老或輕度鬆弛嘅人。如果追求顯著提升效果，可能要靠醫美配合，但作為保養步驟，值得試用

kameari好用推薦：一用過就返唔到轉頭，質地透薄，唔會黏笠，油肌的我都放心使用，上臉後一直有着保濕感不會很快出油，妝容都明顯貼貼服服。最讚是不焗促沒導致敏感。整體滿意效果很好。

choichoi好用推薦：Addiction的產品有著很多日本女生的支持，在使用過其粉底後我也是讚不絕口，那麼底霜我又怎能錯過呢（配一套XD ）而且這個也是明星商品呢，只是我買的是30ML方罐型版本。 質感帶點清涼的霜狀，看著很厚重但延展度超優而且感覺很。保。濕！真的保濕到帶種錯覺在使用保養面霜XD（經歷過脫皮時期要化妝後用上它表示得到解救） 完全吸引後臉部感覺毫無負擔，後續的上妝亦變得更貼服，感覺它跟很多粉底都能搭並使其效果昇華，比方說： 粉餅=更貼服令粉感降低不會產生厚重感 使用帶光澤感粉底液=會令其更美麗妝容更立體 絕對不會輕易出現卡粉的情況，那是保濕功效同時發揮的關係吧！

Ressie14好用推薦：最近開左支新既打底霜，易用又有感，價錢親民，必須推一推薦！ 「豆乳美肌保濕防曬隔離霜」一支50g, 自帶SPF40 PA+++，又有少少調色效果。 我呢兩星期每日於護膚程序完成後就使用，作為妝前打底的一步，我發現佢既效果可以媲美幾百蚊既打底霜！佢係日系化妝品，質地冇歐美品牌sss咁厚重，但仍然達致鎖水效果；其中豆乳發酵液係保濕成分既一種，用落好親膚，而且調色效果令人滿意，好自然，搽上後膚色顯然冇咁蠟黃，又能提升膚色透明感，再配搭唇膏都顯色啲。放假落一落街懶得化妝，就咁靠呢支隔離霜就可以一步出門，不但保護肌膚受到紫外線侵襲，臉上又可以有自然通透嘅妝感。 雖然只係用咗兩星期，但係我呢支隔離霜好感度極高，想介紹俾預算唔高既小資女或中學生都可以平平一試

choichoi好用推薦：SANA豆乳系列其中一個我喜歡的產品，味道不會濃，敏感時也能用，我會稱它是「保養加防曬」的完美結合，只是開架的價格但有優質的效果，大推薦喔。單用OK，有保濕防曬了；妝前粉底前用也能體會到它的保濕感，粉底會比較貼服持久喔

Lydia好用推薦：Biore 晶凝光感防曬乳 — 身體專用防曬同時提亮膚色✨ 質地： 呢支防曬乳質地係水感乳液狀， 唧出嚟嗰下已經feel到好輕盈， 搽上手臂或腳嘅時候推開超順滑， 延展性高，幾下就均勻塗滿一大片皮膚， 完全唔會留低白色痕跡或者一撻撻。 用完之後皮膚表面唔會黏笠， 反而有種絲滑嘅清爽感， 摸落去滑溜滑溜，完全冇防曬嗰種厚重負擔。 最驚喜係佢有自然嘅潤色效果， 搽勻之後皮膚會帶有透明感光澤， 膚色均勻咗但又唔會死白， 好似本身皮膚好咁，自然又有精神。 效果： 用喺身體上面，最加分係佢嘅提亮效果。 夏天著短袖短褲出街， 手臂同腳搽完之後望落光澤感提升， 暗啞膚色即時均勻返， 成個人望落精神晒，氣色好咗好多。 有時著背心或者涼鞋， 露出來嘅皮膚有種自然透亮感， 唔使化妝都覺得成個look upgrade咗。 防曬力方面，SPF50+ PA++++日常用絕對夠， 返工買餸、行街或者戶外活動都安心晒。 佢防水防汗效果唔錯， 夏天行完一陣或者出汗都唔會流到一撻撻， keep住清爽感覺，唔使成日補搽。 最正係佢加入咗透明質酸等保濕成分， 搽完之後皮膚全日keep住水潤， 唔會因為曬住或者冷氣而乾爭

Yeeting 好用推薦：天生黃黑皮膚色嘅我。 只要一到夏天，膚色明顯會深咗2-3度。 加上平日夜訓嘅我，訓得唔夠，喺令皮膚蠟黃嘅元兇。 所以依家除咗用美白產品外，防曬對我嚟講係非常重要‼️ 我平時最常用嘅日本No .1防曬品牌Bioré，鍾意呢個牌子係因為佢多唔同選擇 ，而且係日本製造。 內含美肌成分透明質酸、蜂王乳精華等，全肌膚全天候鎖水。 而且通過過敏性測試，可作妝前底霜，只要on top 加小小遮瑕或者碎粉，就已經好似上左全妝咁，唔洗擔心會有厚重妝感。 每日用都無問題，仲可以對抗光老化問題🧡 而好想推介俾大家嘅💁🏻‍♀️喺Bioré 「晶凝光感防曬乳」。 對於好似我咁，想打造自然白皙膚色，呢枝防曬乳霜就啱曬，好似幫肌膚調埋色咁，即時擊退肌膚暗啞 ！！ 仲要喺無添加人造色素🫶🏻🫶🏻 質地好易推開，而且好快被皮膚吸收。搽上面好自然，唔會好假白 同有光澤感。 仲適合用喺面部同全身！ 今個暑假可以同蠟黃肌膚講「bye bye 」👋👋 你哋都快啲去入手啦‼️ @biorehk_official #Bioré#調色UV之選#晶凝光感防曬乳#自然防曬LIGHTER#暗沉膚色可用#美妝#biore#夏日防曬產

Hamiii好用推薦：Bb cushion黎講質地比較厚 比較適合秋冬天用 滋潤度 遮瑕度都好足👍🏻 但建議用完唔好再上乾粉定妝 會顯得妝感過重 定妝噴霧就好夠啦：）

Noel好用推薦：我的冬日 BB Cushion 首選❗乾肌會愛上的韓方滋養 Cushion，對於滋潤➕光澤感底妝有執著的朋友，不妨一試👍這個金盒 Cushion 較白盒有更高遮瑕力啊~ 雪花秀 BB Cushion，一直想買來試試，但係價格較高，未能拿定主意。因為紫色蝴蝶的限定包裝，更有同樣設計的化妝袋禮物，包裝實在係太美❣我就購入了第一組，色號係 #21 Natural (Pink) 🥰 完全不會後悔，乾燥日子化妝，必定用它了！ 一撕開氣墊粉的鋁質包裝膜，就會散發很濃郁的韓方藥材➕化妝品的香味，個人感覺不太吸引，但上面後會消散👌 新一代Perfecting Cushion EX，粉撲比較厚實，使用上更好手感；舊版沒有EX，我試過用到後期，粉撲邊緣有少少爆開 ~ 個人大約按壓三次粉芯，就可以上完全面的底妝，coverage 約6成；如 眼下/鼻周 位置需要重點遮瑕，可以多拍一層，達到8成左右遮蓋度，表現理想❗光澤感亦有良好表現，上妝後可見權骨位置，有道很自然的光，有天生奶油肌感覺😍 不過，光澤沒有 Guerlain 小金條那麼囂張😂 冬天使用，個人會減少使用定妝粉；而夏天使用，我只用小小RCMA

Kpl6be6好用推薦：鍾意其絲滑質地～感覺用落無增加皮膚負擔～輕盈又易吸收～喺潮濕嘅天氣下用就啱啱好～

mavis好用推薦：非常適合夏天使用既面霜，推開就好似水咁，搽上面零負擔，天氣潮濕都用到

natanatalie好用推薦：🫶🏻專櫃高級防曬🫶🏻 今次帶左呢一支Clarins專櫃防曬去旅行用。效果都幾滿意！🥰 首先講講呢枝防曬嘅價錢，50ml價錢$600，價錢比較貴，不過主打升級UV防護，防曬之餘仲抗污染，有護膚功效，特價時買仲有好多贈品，計落性價比都算高。🙆🏻‍♀️ 佢嘅質地係白色乳液，唔算好流質，推開會有輕微光澤感，令肌膚帶有一種自然嘅光澤，呢個效果我幾中意，因為有時如果唔想化妝，可以就咁用佢，都可以令皮膚睇落好好多！🤤 呢次去旅行，每日都陽光普照，我先用佢做底霜，再用粉底。質地唔笠，而且可以令粉底抓得更實，亦無流白汗嘅情況。幾日之後，皮膚都無黑左無出斑，防曬效果幾好！🤩

Kura好用推薦：呢款防曬真係好好用，質地係偏厚身嘅cream，搽上臉好水潤貼服，有調整膚色嘅作用，夏天搽佢出街都唔會曬黑，又容易落妝，產地係法國，價錢就偏貴小小，不過我都會繼續回購

Bendict好用推薦：我十幾年前開始用MAC 嘅產品 當時mac嘅色號 男仔好難揀得啱 因為當時mac嘅產品顏色對於亞洲人嚟講一般偏黃 到呢兩年再重新試用mac 粉底嘅色號改善咗好多 色號我用NC25 粉底遮瑕能力高 但粉體細緻度一般 修飾毛孔效果高 但始終有一個問題 就係texture偏乾 我用170s 粉底刷上妝 推得比較薄 但因為男士嘅色號選擇仍然比較少 上咗妝終仍然覺得有少少偏黃😿 試過NC20 顏色太過白😅 如果用其他方法上妝 處理得唔好好容易會有面具感 持妝能力高 夏天用持妝可以超過八個鐘 但男士如果買要試清楚色號👍 下圖： 上邊為 植村秀unlimited 674 下邊為 MAC Studio Fix NC25

Kitty 好用推薦：呢款霧鏡粉底我真心覺得係混合肌嘅恩物。 質地方面，流動性好高，輕輕一推就勻，唔會話好快乾住。妝感係自然柔霧，唔係死白嗰種，似天生好皮膚再打咗層柔光咁。遮瑕度中上，暗瘡印大概遮到七成，疊多層都唔會厚粉。 控油持妝最驚喜——而家呢個天氣，朝早化妝到傍晚，T字位只係微微出油，用紙巾印一印就還原，完全唔會斑駁溶妝。最緊要係唔氧化，收工個妝仲同朝早一樣色。 不過乾肌朋友要留意，妝前保濕要做足，否則鼻翼可能會有少少乾紋。我自己混合肌，用濕美妝蛋上妝就啱啱好。 包裝係泵頭設計，好衛生，一泵就夠全面。價錢三百幾，以專櫃粉底嚟講性價比好高。總括嚟講，追求全日清爽又自然柔霧妝感嘅，呢支值得入手！

Kmggigi好用推薦：最近用完支沐浴油，睇Cosme 發現依支彩豐 White Musk 沐浴露評價好，性價比又高， 所以就喺網上商店購入咗，一用就覺得物超所值！ 單睇個價錢~HK$ 40就有 1000ml， 真係性價比極高，適合一家使用 佢嘅 White Musk香味真係好好聞，係熟悉嘅氣味🤣 唔屬於刺鼻嗰種濃烈，帶有淡雅高級嘅自然香氣， 每次用完皮膚仲會留有淡淡嘅餘香，持久度唔錯👏🏻 依款沐浴露嘅質地係屬於輕盈啫喱狀， 起泡能力都唔錯！ 只需要少量就可以搓出唔少泡沫，清潔力亦唔錯，可以有效去除汗水同油脂，特別適合夏天使用 重要係用後唔會覺得皮膚乾燥或者繃緊， 咁嘅價錢咁嘅效果真係無嘢好投訴😆 總括而言，如果你鍾意淡雅香味， 又想搵一支大容量又平靚正嘅沐浴露， 呢支一定係唔錯嘅選擇！🥳

natanatalie好用推薦：推薦呢款沐浴露俾大家！🛁 首先，佢價錢算平，無記錯三四十蚊有一大支，而且購買都好方便，除左有門市網購，印象中萬寧都有得買，唔怕買嗰陣好麻煩！😝 重點來了，包裝好lady，比起同品牌嘅包裝靚好多，放喺浴室心情都好啲！🥰 一打開，佢嘅重氣不得了，有一陣清香而不俗套嘅香氣，氣味好有高級感！加水起泡嘅清潔力亦好出色，用後肌膚會好嫩同水潤光澤，加上熱水嘅蒸氣，佢嘅香味係會維持喺浴室一段時間，每次行入去索到呢陣味，心情都會好好多！🙆🏻‍♀️

Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品

Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！