清潔力強 推薦好用產品

Fng好用推薦：Maybelline 維C潔淨亮肌卸妝液 質地同卸妝力💚💚💚💚 呢支維C卸妝液係水油雙層配方，用前要搖勻。質地比純卸妝水滋潤少少，但又冇卸妝油咁厚重，好適合香港夏天混合肌使用。卸妝力相當唔錯，日常防曬、底妝、眉妝同普通唇彩，基本上用化妝棉抹兩次就已經好乾淨，唔需要用力捽。用後感幾清爽，沖水後皮膚冇油膩膜感，但同時唔會即刻覺得好乾繃。 膚感同溫和度🩵🩵🩵🩵 對我哋混合偏乾肌來講，最怕用完卸妝產品後，T字位唔乾淨，但兩頰又乾到扯住。呢支卸妝液嘅平衡度處理得幾好，因為有油份，清潔時夠順滑，減低摩擦感；而維C成分則帶來少許亮澤感。不過，如果眼妝用緊防水產品，就可能要額外敷多幾秒先卸得徹底，否則有少許殘留。 同價位品牌比較💛💛💛💛 同樣開價位（約HKD$70-$90），常見對手有Biore嘅卸妝水同L'Oréal嘅三合一卸妝水。Biore質地更清爽，但保濕度稍遜，偏乾部位可能覺得「拮」；L'Oréal就溫和，但卸妝力對夏天嘅強效防曬可能勉強少少。Maybelline呢支嘅優勢在於水油平衡，卸完膚感舒服，兼顧咗清潔力同保濕，性價比高。 整體評價💥💥💥💥 總結嚟講，係一支幾可靠嘅日常卸妝選擇，

mysecretgarden好用推薦：卸妝係每日護膚流程一項好重要嘅一環，卸妝唔乾淨皮膚都會變差。一直用開第二個牌子的卸妝水，但係Maybeline新出就試吓呢一隻。呢隻標榜水油雙層配方，維C, 無添加酒精及香料，成份對於敏感肌嘅我嚟講用得比較安心 。每次用之前要搖一搖混合兩層，試用咗兩三個星期，最驚喜嘅係真係卸得好快，基本上日常防曬眉粉遮瑕 ，一抹就乾淨咗八九成，用後亦都唔會有好油膩嘅感覺，之前我用卸妝油都好容易出粒粒，但係呢款真係用完皮膚都好穩定 。不過美中不足嘅地方係個包裝設計。我自己將佢倒咗落第二個樽度，如果可以換成泵裝就好了。另外容量都比較少，一支好快用晒。 

Mondepp 好用推薦：用過最好的卸妝產品！ 用完不用再用其他洗面，而且用後不會有緊繃的感覺，也不會太油/黏膩 清潔度很夠，平常卸淡妝一支就夠了，基本上沒有用睫毛膏/貼假眼睫毛之類的話也不太要用到其他卸妝產品 用完後感覺膚質更穩定了，冬天用也不會太乾燥，而且用時有溫感很治癒！

ConnieWai好用推薦：溫感按摩卸妝潔面 一枝就有晒多功能 很方便 有淡淡檸檬味 覺得味道很清新

Candy Ng好用推薦：最喜歡用蜂蜜面膜就在自己係屋企，多手整黑頭、粉刺、暗瘡之後，臉仔開始泛紅及傷口，就用它。 大家會覺得那些對臉仔刺激之後的情況，會減少左。尤其係，如果正到有傷口及爆瘡，修復能力係會比起用其他成份的面膜，或者咩都吾用，來得快癒合的😊 我近日爆瘡，就隔日敷左它2次，我係見到瘡瘡位開始凋謝了💗😍 ⭐️好喜歡用完它之後，再用 AVÈNE 再生修護精華 + 極速舒敏修護霜，明顯著見到降紅能力顯著 

FishYu好用推薦：一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂 面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。 敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。 特價既時候買$90 12塊，性格比超高。同系列既金盞花面膜都好適合敏感泛紅個陣用。

Noel好用推薦：購自台灣寶雅，Freshel 卸妝按摩霜，Kanabo 旗下品牌，日本製造，便宜又大碗的好物❗這款卸妝潔面產品，白色霜狀，比較厚，適宜先在掌心 warm up，再塗到全面按摩。基本上所有彩妝及底妝都能帶走。 唯一就是沖清的過程，如按產品說明，用清水沖洗，會不乾淨，很油很膩。所以我買是建議先用化妝棉抹去按摩霜，再用溫水沖洗。或者按摩後，用洗面泡泡去做 double cleansing 👍 值得一讚，這款產品含有環境可分解的微型柔珠，對海洋和環境少一份負擔❗

仙地好用推薦：這個卸妝按摩霜幾滋潤，清潔完唔乾，但卸妝力差一點點🤏，防水的彩妝卸不乾淨

Tobimak好用推薦：呢支舒特膚的潔膚乳用途好廣，佢無論沐浴、潔面、卸妝都能一支過搞掂，方便到爆👍🏻👍🏻👍🏻 佢係沒有任何香味的，而且用後不會乾燥、敏感和痕癢，毛孔亦能做到好好清潔，不會易生痘痘，能為皮膚屏障保濕。 如果當日我面部只搽左防曬的話我就會用佢直接卸妝和洗面，真正慳水慳力慳時間😂不過如果有用粉底、眼線等彩妝產品的話就要用返卸妝產品了，因為佢性質溫和但始終都唔可以接觸眼睛。 我認為佢好適合唧少少落個樽度之後帶去旅行，可以一支頂三支，超級慳位之選🥰

Mo Wong好用推薦：呢款洗面好用，佢無香味，加水會有泡沫都算綿密，我係乾肌，用佢洗面完全唔會覺得乾，佢仲要係低敏配方，皮膚敏感時都用得，我係近期轉季開始用佢，天氣時冷時熱我會佢洗面都乾淨而皮膚都無問題，所以我會keep住用佢。

ありさん好用推薦：用的時候倒沒什麼感覺，可是堅持用了一段時間之後，皮膚明顯變好了，皮膚看起來也水潤潤很多。

timetohaveacupoftea好用推薦：好保濕好保濕嘅化妝水！ 我係乾性膚質，每年冬天左邊右邊「面珠燈」都會有裂開嘅感覺，鼻頭會有脫皮。 呢一個化妝水係搽一層已經覺得好保濕，真係好保濕，你會覺得半個鐘頭後塊面都仍然好滋潤，唔會覺得吸收完塊面又變返乾！ 但有可能不會回購吧，這個價位都幾貴，希望可以再尋找更平價又保濕的化妝水👍

Gloria好用推薦：好開心可以得到cosme X 毛孔護理專家Benefit PORE CARE毛孔護理系列-滑溜毛孔去角質粉嘅試用呢個滑溜毛孔去角質粉嘅使用好簡單呀，好容易就可以起到泡，可以佢根據自己平時嘅習慣去使用。可以就咁加水用又或者加落洗面奶度用，咁我自己就鍾意加落去洗面奶嗰度，每個禮拜可能做一兩次嘅磨砂。 佢雖然係粉粒狀，但加水可以完全起泡，唔會感覺到磨砂粒粒係面到，而且洗完唔會覺得乾燥，可以好容易就同皮膚做去角質，步驟亦都唔多。用左兩星期後，原本我下巴有好多閉口嘅暗粒，平時好難清潔到，結果用咗呢個系列之後就清除咗好多角質，粒粒嘅污糟嘢終於可以浮到出嚟。 始終磨砂呢一個禮拜只可以做一至兩次，而呢個試用期就只有兩個星期，我都係用咗好少次，我覺得效果真係耐少少先可以體驗到。不過佢磨砂粉末會融解起泡，不刺激不傷皮膚，用的時候加落洗面奶一齊使用，可以好簡單就為皮膚做定期去角質。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 今次試既係滑溜毛孔去角質粉（毛孔打磨粉），先講下佢既質地😊佢由3款唔同既粉末組成，磨砂粉質地極幼細，真係超！幼！細！！😲我起完泡既時候，用手指感覺唔到磨砂粒粒。直至放喺面頰磨個陣，先感覺到好幼細既砂粒👍🏻好啱敏感肌使用! 而且呢個磨砂粉係可以自行調較唔同的磨砂強度。如果想溫和地去角質，加多d清水起泡，質地會更綿密；如需要加強去角質的效果，就加少d清水，令質地濃稠d。除左單用之外，亦都可以將去角質粉加到洗面膏用，自製磨砂洗面膏👍🏻👍🏻👍🏻用完之後覺得呢個磨砂同平時用開個d好唔同，唔會刺激皮膚，用完塊面冇痛既感覺，亦都唔會崩崩緊、乾到裂開。雖然性質咁溫和，但佢能夠有效去除角質。我既皮膚明顯有改善，唔單止膚色變得亮白，早排暗瘡同暗粒爆發🫨用完磨砂謝得好快，2,3日就收晒！去左角質之後，暗瘡印都消得快d✌🏻毛孔同時變得緊緻🫶🏻適合各種肌膚使用。

Water好用推薦：本人係混油肌，角質層都比較厚，黑頭粉刺都比較多，做完facial清完一輪都好快打回原形；所以試吓呢枝gel plus睇吓可唔可以改善上述情況。 Gel plus本身係果酸產品，上面會有少少吉吉地同刺眼，但呢啲感覺好快會消失；佢係好水感嘅gel狀，容易塗抹：搽完之後等15分鐘洗走，我通常會配合磨砂一齊用，用完會feel到真係清走咗啲污糟嘢，但一定要定期keep住用先見到效果。 雖然佢係家用版本比較溫和，但做完之後都要注意保濕同防曬啊！

Miaomiao好用推薦：我係混油皮膚質，下巴、嘴角、鼻翼既位置經常有粉刺，鼻上有黑頭。用後覺效果滿意，大概清到8成粉刺黑頭，雖然未至於針清咁乾淨，但勝在安全得黎又方便易用。一星期敷一次已經有明顯嫩膚去角質效果，亦改善到油脂分泌。 質地係偏流質既啫喱狀、透明。Gel plus主打含有15％甘醇酸，濃度都偏高，有一定刺激性。初次使用建議唔好敷太耐e.g.先試5分鐘，用慣左既我覺得可以敷夠15分鐘，有傷口/生粒粒/泛紅嚴重既時候就唔建議用住啦。 本身我既皮膚都容易敏感，暫時用左咁耐係皮膚健康既情況下搽完全冇"la"既感覺，亦冇試過用後敏感。唯獨係酒精味頗濃烈，特別係搽係鼻周既時候覺得太嗆鼻。雖然好快揮發，但係減少d酒精成份會用得比較舒服。

Poyobb好用推薦：首先有陣好淡難聞嘅味道，藥水味？消毒藥水味？醫院嘅味道😅 透明流質狀，比一啲煥膚酸精華冇咁黏立咩，亦都無暗瘡膏咁厚身。已經冇再買暗瘡膏好幾年，我當暗瘡膏用，於化妝前薄薄地喺暗粒位置搽一層，都吸收得幾快，覺得冇咁容易化完妝令到暗瘡/暗粒位置變嚴重。 但如果要快速去暗粒，會建議用返佢隻水楊酸洗面，洗2-3日已經有效果，超級work。感覺要一齊配搭使用效果會最快。另外去印效果又唔算太明顯，唔係好見到個定位🤔 #火熱新品

Fng好用推薦：CeraVe Blemish Control Gel：混合偏乾肌的化學煥膚雙面刃 這支以水楊酸（BHA）為主軸的暗瘡凝膠，在開架護膚中展現出罕見的配方精準度，但對熟齡混合偏乾肌而言，卻是極需技巧的。 配方解構：科學與風險並存 ➡️AHA (甘醇酸+乳酸); BHA (2%高濃度水楊酸)：溫和代謝角質，精準打擊黑頭閉口 ➡️3種神經酰胺+煙酰胺：修復屏障同時抗炎，緩解酸類刺激 ➡️無酒精香料：減低額外致敏風險 ▶️相比同價位The Ordinary水楊酸精華的單一粗暴，CeraVe以屏障修護成分實現 先破壞後建設 的智慧配方。 實測體驗： 在濕熱夏日，其清爽凝膠質地確實零負擔，T區毛孔視覺收細效果驚人。但兩頰偏乾處即使用保濕霜打底，連續使用3天仍出現輕微肉眼可見的脫屑——證明其「控油力」對熟齡肌實為過度剝脫。 同價位 比較： •勝La Roche-Posay Effaclar：溫和度更高，但爆發性大痘無能為力 •敗Paula's Choice 2% BHA：後者分層滲透技術明顯更適合熟齡肌 💥注意點： 1. 勿與A醇/維C疊加，否則必爛面 2. 日間必須使用防曬係數SPF50+

chasiutung好用推薦：係Sasa 網店積分+$69買一盒四件裝 有一支正裝嘅清潔面膜 三包7ml嘅大熱精華 依支清潔面膜質地吾乾幾濕潤Creamy 敷完感覺溫和不刺激 清洗後清爽不繃緊 敏感皮膚都可以用 清潔力一般 長時間使用 暗粒黑頭生少左 抵買 💕性價比高 推介👍

Noelle S好用推薦：呢款比罐裝2x火山泥清潔面膜溫和啲流動性高啲，啫喱狀泥，兩款潔淨功能都好，用咗一段時間少咗油脂黑頭。但本人用2x罐裝敏感皮膚會太乾泛紅，冬天用甚至會痕癢，呢個牙膏裝温和版本就更合適。建議敏感皮先係T字位敷5-6分鐘再沖洗，試吓試吓咁，冇敏感用大啲再大啲範圍，下巴、面頰⋯⋯而家隔日用都ok。

Circlecyy20好用推薦：質地比較特別去呈現cream狀嘅mask敷完之後嘅效果唔錯，去黃嘅效果幾好，改善皮膚既小瑕疵

katrina523好用推薦：這是我用完的第2盒。現在會一個星期用一次。這面膜我會一直回購下去的。它能溫和的袪掉老費角質的同時又能幫忙增加皮膚的保濕度和透亮度，整體來說我很喜歡它，效果也還蠻不錯也能看得見。敷的時候也很舒服。它也是一款能敷在眼周和嘴唇上的面膜。 涼涼的很舒服、皮膚軟軟的、有光澤

TsuenMa好用推薦：#Clé de Peau 鉑鑽淨膚潔面泡沫 一支出嚟就會見到佢乳白色偏Gel狀嘅、但係有閃閃亮亮嘅成份喺入邊，無虧欠咗佢個產品名「鉑鑽」，配搭住淡淡嘅香氣，高級感爆燈！ 篇膠狀嘅洗面乳，推開個黏性比較強，會感受到佢將你毛孔入邊嘅污糟嘢帶走。深層清潔好皮膚，先可以俾返你皮膚原有嘅光澤度，令皮膚更加光澤從細滑。但由於呢款清潔力比較強，乾性皮膚或許會有些少繃緊的感覺，我自己就局部地方會有些微繃緊嘅感覺，所以用完佢之後我都會即刻用返啲保濕度較高嘅產品去做保護，等皮膚keep住水份。 產品含有覆盆子精華，主要係抗氧化功效，令皮膚透亮光澤，製造柔滑嘅膚質。 淡雅香味縈繞，舒適潔面體驗，綻放明亮光澤。淨化肌膚表層，觸感平滑柔軟，令肌膚透亮白皙! 我呢個都差唔多用完一支，可能都會去繼續試吓發掘有冇其他更加高性價比、更加好嘅product。

TinaWongLK好用推薦：潔面乳篇 面上嘅污糟嘢佢可以好輕易吸走， 用水沖一沖就乾淨曬， 沖完感覺仲好水潤，唔會有緊繃嘅感覺❤️ 深層清潔嘅同時又可以滋潤肌膚💦 佢質地似雪糕一樣creamy， 對肌膚比較溫和💓 每次用唔洗擠太多，大概一粒黃豆大小 適合人群：混合/偏油肌❣️

JuneL好用推薦：Parsley Seed Facial Cleanser 香芹籽潔面露含有香芹籽潔面凝露含甘草,乳酸,黑加侖籽,能達致輕柔的去角質、清潔及軟化肌膚!  每次使用,只需把潔面露搓至起泡,再塗抺微濕的臉上,再打圈按摩一下,由於產品含有乳酸去角質功效,再將泡沫停留在臉上約2分鐘,便可沖洗乾淨!用後皮膚十分幼滑,而且不繃緊,皮膚更留下淡淡的清新香味!

格仔餅公主好用推薦：有種木質嘅精油香味，如果鍾意精油香嘅人一定好滿意，好容易就氣出一啲柔滑嘅泡泡，按摩再過水塊面乾淨晒又唔會乾

iliya 好用推薦：潔面泡沫嘅清潔力都幾好，洗完面之後唔會有乾燥嘅感覺，而且有淡淡嘅香味，令每晚心情更靚😍

chymiaaa好用推薦：用完之後塊面會好乾 而且整少少出嚟就已經可以起到好多泡 用完之後會聞到一陣香味 又唔會話太濃 我自己來講就覺得幾唔錯

Wendy好用推薦：味道非常冶癒，淡淡的植物香薰味道,深 層清潔皮膚之餘，不會令到皮膚繃緊，皮膚洗完很絲滑。極具保濕效果。而且獨特的導入技術,快速滲透皮膚底層潔淨肌膚

inkitsung好用推薦：個人覺得不過不失之作，清潔力OK～ 針對日常妝有效，明顯都覺得乾淨～ 但洗後都係覺得有偏乾嘅感覺～

Hana0125好用推薦：呢舊潔面皂，功效同健康水一枝都係主打鎮靜、舒緩、降紅、同消炎。但我唔係用係面部，而係用係背部！一壓力大背脊就會出好多暗粒，呢舊皂有助去除背脊色素沉澱，又可以消到炎，對背部暗瘡、暗粒好有效！

chymiaaa好用推薦：呢一隻好容易可以查到起泡 而且清潔能力幾明顯 洗完之後覺得好清爽 特別係我塊面容易出油 宜家係夏天用就感覺幾好 會再考慮購買 

格仔餅公主好用推薦：泡沫既豐盈程度係用手都起到好多，個味幾舒服幾好聞，用落唔乾不過我慣性照搽body care product

choichoi好用推薦：味道討好，用後不乾澀，沖涼後忙碌未能即時護膚，長至半小時也未覺乾燥👍🏻

natanatalie好用推薦：淡淡冰涼感覺洗出清爽柔嫩肌！❤️ 我份工要長期返夜人地訓緊美容覺時我就努力拼搏...作息唔定時搞到臉色很差，而且工作環境悶熱潮濕，仲要帶口罩，感覺皮膚好多污糟野積聚進住！肌膚水油失衡， 肌齡同年齡不符，皮膚老化得好嚴重，毛孔仲好大，令我好困擾！😔 呢支成份天然嘅Burt’s Bees洋甘菊deep cleansing cream質地好舒服，能夠温和去除老角質，輕易幫我去除毛孔內嘅頑固污垢，令肌膚光滑潔淨，即時回復柔嫩，唔會油光滿面之餘，仲吸收其他護膚品吸收得好啲，打通左肌膚管道，令護膚品能直達肌膚底層！✨

Noel好用推薦：這枝潔面乳令我對“天然”產品完全改觀，Burt's Bees 的 deep cleansing cream 表現超出期望呢！白色的潔面乳帶有淡淡草本香氣，稠稠的乳霜，沒有流動性。 塗到面上會慢慢感覺都清涼，夏天使用格外爽快啊～ 不用加水，直接在面上按摩，可以清除防曬及一些簡單化妝 👍 沖水後皮膚清爽不崩緊，涼快感覺可以維持多一會💙 不過，使用這個潔面乳，要留心眼部周圍，太近眼晴的話，冰涼感會帶來不適啊！

jhope0725好用推薦：清理角質對油性皮膚來講好緊要，我覺得產品當中包含嘅合桃殼粒子，的確可以幫助清理面上多餘嘅死皮，每次用完都會覺得皮膚光滑！ 而且用嘅時候帶有淡淡綠茶清香~ 不過值得留意嘅係綠茶洗面膏入面嘅磨砂粒子比較大，千祈唔好太大力，否則容易令皮膚受過大傷害，而且我唔會好似包裝所講每日使用，一星期兩至三次就夠~

格仔餅公主好用推薦：有淡淡唔假既綠茶香味，清清地用落好舒爽，推薦夏天既時間用，但始終有去角質功效，唔建議日日用囉 -富含茶葉精華(保濕成份)及溫和核桃磨砂粒子(潔面輔助成份) -能徹底清除毛孔黑頭及老廢角質，令素肌重煥光滑剔透 -減低潔面後的繃緊，防止水份流失，保持肌膚柔滑

A&R好用推薦：首先我好鍾意呢支潔面洗面乳嘅香味，好香，香薰嘅味道感覺好舒緩。 其次係質地方面，有少少膏狀比較杰身。 洗面嘅時候完全冇泡泡，但有精油嘅成份，洗完面之後都仲係好滋潤。 而且潔面清潔效果都唔錯，洗得好乾淨，去面油能力又ok。 潔面得來同時又可以保養皮膚，適合乾性及敏感皮膚。 不過價錢偏貴，性價比不高。

Ming好用推薦：自從@cosme邀請試用了這個牌子嘅一款面膜之後，開始關注這個牌子的產品。 呢款化妝潔面及卸妝乳膏高質地潔膚好溫和，有精油成份，成份天然，洗完面皮膚仲好柔嫩，而且仲唔會掹掹緊，keep住皮膚保濕又乾淨，而且味道非常舒緩，好香，清潔力強。非常適合秋冬天乾燥嘅天氣用。