清潔力強 推薦好用產品

wintonggg好用推薦：OK嘅，唔會卸唔乾淨，同埋caudalie本身都幾天然溫和，所以都唔會對皮膚敏感

Lego好用推薦：皮膚超容易敏感 有時只搽防曬或淡妝時會用 好多卸妝水抹眼周時會「拿」 呢枝卸妝水完全冇問題 可以放心用 不是太厚妝/防水妝都可以抹得很乾淨

Kmggigi好用推薦：Curel 深層控油保濕泡沫潔面乳係一款專為油性肌膚設計嘅潔面產品 相比起同系列嘅豐盈泡沫洗面乳， 呢款潔面乳喺控油方面表現更加優秀， 專為容易出油、毛孔堵塞嘅肌膚設計， 有效清潔多餘油脂並維持肌膚水油平衡， 令面部更加清爽乾淨。 泡沫質地同樣綿滑豐盈，能輕柔包裹肌膚， 溫和去除污垢同油脂，用後肌膚感覺潔淨清爽， 但唔會出現繃緊感，保持舒適嘅潔面體驗。 潔面乳特別針對毛孔問題設計， 能有效預防黑頭同粉刺， 日常使用後，明顯感覺到毛孔更乾淨， 油脂分泌減少，肌膚變得更平滑健康。

Wendy好用推薦：Cruel 呢支洗面奶適合敏感肌膚使用 泡泡好綿密 好溫和 夏天使用可以控油而且用後吾會感到好繃緊 會再購

Emily Leung好用推薦：Freeplus 卸妝油用後感：抵唔抵買？真心唔錯！ 我本身係混合肌，T字位出油，面頰有時會乾，仲有少少敏感，所以揀護膚品都好小心。Freeplus 呢支嘢話係為敏感肌設計，用落真係幾驚喜！ 首先講質地： 佢係油狀，但唔算好「漿」，推開嗰陣好順滑，唔會扯住塊面。我通常按兩泵就夠卸全面同頸，乾手乾臉按摩，好快就溶到粉底、眼線同唇膏（就算係防水款都溶得幾乾淨）。 乳化速度超快！ 呢點我真係要讚，一沾水即刻變白，沖完水之後塊面唔會「黐立立」，亦冇油膜感。我試過唔再用洗面乳二次清潔，都唔會生粒粒或者悶痘，方便！ 溫和度滿分： 用咗兩個禮拜，完全冇刺激或者痕癢，眼周用都唔燻眼（不過大家最好避開眼內側）。香味係淡淡嘅，似植物味，唔人工，我鍾意！ 總結： 如果你係敏感肌，或者怕卸妝油「膩」，Freeplus 呢支真係可以考慮。價錢中中挺挺，但用量省，一支可以用好耐。

Desse好用推薦：喱支絕對係驚喜… 本身只係打算買嚟卸吓防曬.. 都無咩期望.. 點知.. 竟然意外地卸得好好.. 同專櫃品牌有得一比🌟 卸妝油最重要卸得乾淨.. 帶走彩妝之餘又唔好令皮膚覺得乾💡 Freeplus深層卸妝油 有圖有真相🤭 手上面本身搽咗 primer/ 粉底/ 定妝噴霧/ 眼線筆/眼線液 結果： 為咗方便試..用埋卸妝綿 抺第一下.. 只淨底好淡嘅眼線 抺第二下.. 眼妝全卸（見圖） 抺第四下… 底妝全卸 因為係油底.. 卸完皮膚完全唔乾 喱個表現絕對出色🌟 卸妝卸得乾淨同時又唔傷皮膚 加上價錢唔貴.. 性價比亦高.. 用完都有機會回購💓

Kura好用推薦：用黎卸日常妝真係非常推薦，質地唔油膩，我通常兩泵就可以卸走曬我日常化嘅但妝，用完再用洗臉奶就可以清潔得非常乾淨，係值得一試嘅卸妝產品 @cosme #卸妝

inkitsung好用推薦：一隻非常溫和嘅卸妝乳，但出奇地清潔力亦都非常足夠～ 就算防水眼線，捽2捽都可以甩到～ 而且過完水亦都完全唔乾仲好舒服添～

chasiutung好用推薦：Fancl清潔泥膜 灰黑色色泥狀質地 有淡淡嘅香味 洗完臉直接搽係鼻上厚敷5分鐘左右 用暖水洗乾淨 洗嘅時候用洗臉巾搓下 洗完臉吾乾 清爽無繃緊感 用完鼻頭乾滑左黑頭粉刺會浮曬出嚟 平時洗臉會慢慢洗走 用多幾次之後 黑頭 會生少左 而且出油少左👍使用後可以用收毛孔嘅產品/敷返d保濕收毛孔嘅面膜 效果會更好 一星期用一兩次就足夠 推介👍

格仔餅公主好用推薦：要keep住用先見效，好似男仔咁心急個d應該覺得無用，佢可以去到淺層污糟野，用完之後係特別嚴重既位再搽少少海泥mask堅work

Emily Leung好用推薦：MUJI溫和磨砂洗面乳｜臉部清潔+去角質二合一 我願稱之為MUJI最具性價比的洗面奶。磨砂質地，內含小顆粒，沒有香精沒有致敏物，上臉就是揉搓給你去廢置角質。乾皮油皮皆可衝，而且它超便宜，性價比拉滿。 使用感受： 🌿膏體是白色帶細小顆粒的質地，磨砂感幾乎不扎臉，溫和到我這種偏敏感肌也能安心用。它不是那種洗完立刻“皮膚變白”的強去角質型，但它清潔得剛剛好，特別適合每周給臉做個溫柔大掃除。 💧泡沫不多，但洗得乾淨；洗後皮膚不乾，也不假滑，就是那種“乾淨但不空洞”的舒服感。

Poyobb好用推薦：Muji 磨砂洗面膏，平價超級大枝有排用。依款洗面膏入邊含有磨砂粒子，一物兩用。 磨砂粒子較細，係可以每天都用嘅洗面膏。而且唔會令到皮膚刮損。用完之後皮膚好滑，可以令之後用嘅護膚品更加吸收。 起泡力強，洗完面塊面好乾。去油力大，對我嚟講有啲過度清潔。過度清潔會破壞皮膚屏障，較適合青春皮膚👧🏻

lingbb好用推薦：- cure去角質係我唯一回購超過十枝既去角質。 - 質地係透明水狀易推開，使用方法係放係面上打圈就會有好多死皮、角質碎碎走出黎， - 爭議性在，有人話d碎係產品自己既碎黎，係假既 - 但當你洗完一次過水再用佢黎上面，係會完全無哂d碎，但如果你仲有好多角質就會依然繼續有碎出現。（例如頸後，老泥勁多） - 重點係點用都唔會敏感！ - 而且佢係面同身體兩用，真係講唔出有咩缺 - 好多地方有，易買！ - 一物二用，而且唔係好貴，係無限回購既產品。 - 推介俾全世界👍🏻 #清潔好物推介

mandy好用推薦：護膚世界是無限寬廣 在如此激烈的競爭下 Cure以開架品牌的價位 及 如專櫃的高品質 為大家帶來真正溫和有效的肌膚護理產品 如此好用的獨一無二產品, 不用實在太可惜 Cure Natural Aqua Gel/ Cure 天然去角質啫喱 9成是水份 的溫和去角質啫喱, 並同時有護膚效能 只需一周使用2次 便可輕鬆去角質 (不止面部, 全身肌膚都可用) 由於成分極之溫和, 又沒有粒子, 所以是適合全部膚質使用的去角質產品 定期的去角質 可以幫助肌膚更吸收後續使用的護膚品 跟大家用過的其他去角質產品不一樣, Cure 天然去角質啫喱 質感是水狀 又全無顆粒 與別不同的配方 成功令去角質時對肌膚的刺激減到最少 如此溫和舒服的使用感 絕對只此一家啊! 使用方法: 潔面後, 乾手乾面塗抹 Cure 天然去角質啫喱 在需要去角質的地方 用手打圈按摩1-3分鐘直至出現白色小顆粒, 再用水洗淨便可 在沐浴時也可順便去角質呢 ,真是非常方便。   含保濕成分: 庫拉索蘆薈葉萃取 抗氧化成分: 銀杏葉萃取 及 迷迭香葉萃取 鎮靜消炎成分: 銀杏葉萃取 每週大約做2次去角質保養, 後續護膚品會吸收得更

Milo101好用推薦：（專門店取得試用包，淺層體驗一下～） 🌟潔臉泥只需用量很少，就可以搓出大量泡沫 （官網稱每次2cm，像圖中的份量減半） 🌟成份有摩洛哥熔岩泥，洗臉時會感受到磨砂粒，經按壓會化成粉泥狀，挺有趣 🌟洗完臉清爽又不至於繃緊，體驗感覺不錯，會考慮回購～

nicolebuzz好用推薦：網上見到有好評這款洗面，男生女生都很適合用，估唔到真係幾適合夏天使用。 我是混合肌膚油性肌膚，即使洗了臉都不會很乾，反而很清爽很乾淨，洗面乳裡面含有顆粒，可以慢慢按摩並帶走臉上髒污。 如果你今天粉刺痘痘特別多，洗澡前可以在臉上薄敷5分鐘內洗掉就可以了！每天洗皮膚也不會越洗越乾，適合每天使用，推薦大家買來用！ #火熱新品 🔥🔥

bibubibu好用推薦：只要我有化妝嘅日子都一定會用睫毛膏，令到睫毛更加濃密更加纖長，但係持久嘅睫毛膏好多時有一個問題，就係佢會比較難卸除 即使係聲稱溫水可卸嘅睫毛膏，有時用卸妝油都係落唔乾淨 我非常推介呢一個落睫毛膏專用嘅產品 已經回購過唔知幾多支 喺日常落妝程序之前只要將呢個精華搽喺用咗睫毛膏嘅位置 然後照正常落妝咁樣去清洗面上其他彩妝 呢個精華好快就會溶咗睫毛膏，無論係幾持久嘅睫毛膏，佢都可以好輕易咁樣溶解 用帶有卸妝水嘅卸妝棉輕輕一抹，又或者係有卸妝油嘅手輕輕抹一下 所有睫毛膏都可以輕易帶走 佢仲會溶埋眼周嘅眼妝 用佢再配上卸妝水，連眼唇卸妝液都唔需要特登買 而且佢冇難聞嘅氣味 梳頭嘅設計可以令每一條眼睫毛都沾上精華 價錢好相宜 一支可以用好耐 非常推介大家使用

jas2468f好用推薦：能有效乾淨地卸除睫毛液，小頭非常好掃，但還是會有少許容易掉入眼睛，但不會太拿

dor.r好用推薦：呢支潔面泡沫係利用物理起泡原理，即係靠個內置泵去起泡🫧所以泡沫唔算豐盈細緻，但勝在不含皂鹼，冇化學起泡劑、酒精、防腐劑等有害化學物，性質溫和💧佢有一種淡淡嘅草本香味，我講唔出係咩味，唔臭但又唔算好香😂尚可接受👌🏻優點係洗面後皮膚唔會乾燥繃緊，保濕度做得幾好👍🏻用後皮膚都幾乾淨舒服，敏感肌都用得🙆🏻‍♀️

zetalhc好用推薦：泡泡好綿密，可以深層潔淨皮脂同毛孔嘅污垢，有線皮膚洗完之後覺得好乾淨又唔繃緊。

GinGin好用推薦：依款洗面膏洗得好乾淨，而且唔會乾，用完皮膚好滑，少少份量已經起到好多泡，好抵用，一定會回購

何何好用推薦：呢支洗面膏係我細細個廿令歲開始接觸扮靚時就用，果陣面油比較多，有暗瘡，粗毛孔，而且面色不均勻，呢支洗面膏我最鐘意佢性價比好高，冇香味不敏感，有清潔力但唔乾，年輕肌用一流!宜家我都冇再用返，如果手上既洗面膏用晒，夏天既話都有可能回購呢！以為用過不下十支❤❤❤有佢有回憶

Kpl6be6好用推薦：天氣咁熱就係應該用呢種咁清爽嘅沐浴乳～靜崗綠茶味嘅香氣非常沉靜溫和～擠出嘅質地為絲滑觸感～卻完全唔黏笠且帶有水潤感～用後夠乾淨亦絕無乾爭爭嘅感覺～爽！！

Fanny好用推薦：em...麻麻地囉...個人覺得綠茶味係有嘅，但留嘅時間唔係好長，而且我用嘅膚感比較乾，成日都有種好澀嘅feel，差啲以為自己係維他檸檬茶，澀得起🙂‍↕️。

Jcxjessie好用推薦：呢個潔顏粉係之前響日本買嘅特別版 因為成日都飛，所以買潔顔粉帶上飛機好方便，唔使怕因為液體而驚俾人收。 卸完妝之後，倒少少粉喺手，再加啲水然之後捽落塊面就ok喇 啲泡泡都幾細緻，而且用完塊面都冇覺得乾，同埋佢冇乜味道，敏感肌都可以用👍🏻

zetalhc好用推薦：呢個洗面粉好容易起泡，清潔力好強，可以洗走毛孔中嘅污垢，而且洗完之後唔繃緊有少少嘅保濕效果

Puffysheep好用推薦：呢個真係好好用忍唔住回購咗 佢雖然有少少顆粒咁但係非常之容易推開 用完之後塊面真係白咗乾淨咗 個感覺好好值得推薦 少少香味啦不過香味我就覺得都唔係重點

Giselle 好用推薦：The Body Shop 人蔘大米煥白亮肌面膜 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前聖誕節呢個牌子出咗聖誕套裝嘅時候入手咗(๑˃͈꒵˂͈๑)佢陣味係類似穀物加少少人蔘嘅苦味，好難去用言語嚟形容( ･ㅂ･)و ̑̑佢係主打敷完之後會有美白嘅效果⸜( ´ ꒳ ` )⸝同埋佢入邊有一啲嘅粒粒所以洗面嘅時候可以做埋磨砂去角質嘅步驟⁽⁽٩(๑˃̶͈̀ ᗨ ˂̶͈́)۶⁾⁾用咗全罐之後我覺得塊面係有變白咗少少塊面亦都有變得滑咗( ˘͈ ᵕ ˘͈ )但係每次用完之後塊面都會覺得有啲乾(´._.｀)如果係同我一樣皮膚偏乾嘅小夥伴一定要做好後續保濕步驟哦( ･ㅂ･)و ̑̑

Fng好用推薦：揀沐浴產品最怕黏膩同唔夠保濕！L’Occitane 乳木果沐浴油用後一個月，優缺點明顯： ✅ 優點： 1. 溫和潔淨＋卸防曬：乳化速度快，輕按摩可卸走身體防曬，唔需要雙重清潔，用後無悶粒敏感 2. 保濕力驚人：含25%乳木果油，沖水後皮膚觸感軟滑，即時無乾繃感，冷氣房瞓覺都唔會癢 3. 改善暗沉：輕微去角質效果，用後關節位透亮感提升，唔會「灰沉沉」 4. 香氣治愈：天然堅果香溫暖放鬆，唔會人工濃味 ❌ 缺點： 1. 夏天用量難控制：濕熱天用太多易有「沖唔乾淨」嘅薄膜感，建議減半用量（1泵夠全身） 2. 油肌慎選：背部易出油人士可能覺得唔夠清爽，局部如胸口可改用啫喱 3. 價錢偏高：$250/250ml 消耗快，性價比輸開架沐浴油 💡 夏天使用貼士： · 沐浴後趁微濕即刻塗乳液，鎖水效果加倍 · 搭配溫和去角質棉一齊用，減少殘留感 · 推薦給乾肌、混合肌，油性肌建議試用先 總結：係一支貴但有效的保濕沐浴油，適合香港夏天冷氣抽乾+暗沉困擾，但油肌同怕黏人士要諗過！

BubbleWaffle好用推薦：L’Occitane 乳木果淋浴油 review- ⭐️質地 雖然係油 倒出嚟係比水黏稠啲 喺身上查係好易推得開 亦都好容易乳化同起泡 ⭐️香氣 雖然話係乳木果香氣，但佢同handcream 陣味完全唔同，佢依個be honest 有少少似膠味，可能依個先係乳木果陣味？ 但陣味未到好turn off嘅，所以都係去試下啱唔啱你會比較好！ ⭐️清潔力 其實同普通溫和淋浴露差唔多，feel到洗完會乾淨咗，但唔會洗到好乾。 洗完會覺得皮膚滑咗啲。

Camilalkw好用推薦：溫和 保濕力不錯 好好沖洗 唔會有殘留感 但唯一缺點係無乜泡泡 另外佢都有添加經典既Sk2 PITERA™成分 可以調理肌膚平衡

Noel好用推薦：SK-II 的 Gentle Cleanser 由於單價比較高，所以個人對這件產品有很高期望。潔面乳呈白色膏狀，只有一粒黃豆多dd 的份量，就能起泡，泡泡多而且綿密，使用時很舒服👍用量又省，算是可以接受。而且用後清爽，沒有繃緊，我這個大乾肌用也覺得 ok❗ 缺點方面： 1️⃣ SK-II 價格比較高，我會選擇能達到差不多效果，但相對便宜的 Decorte AQ系列 2️⃣ 花香味很重，鼻敏感人士千萬留意

Circlecyy20好用推薦：質地比較特別去呈現cream狀嘅mask敷完之後嘅效果唔錯，去黃嘅效果幾好，改善皮膚既小瑕疵

katrina523好用推薦：這是我用完的第2盒。現在會一個星期用一次。這面膜我會一直回購下去的。它能溫和的袪掉老費角質的同時又能幫忙增加皮膚的保濕度和透亮度，整體來說我很喜歡它，效果也還蠻不錯也能看得見。敷的時候也很舒服。它也是一款能敷在眼周和嘴唇上的面膜。 涼涼的很舒服、皮膚軟軟的、有光澤

mandy好用推薦：SKINFOOD Black Sugar Perfect Essential Scrub 2X 黑糖米酒5合1光采精華面膜 (洗淨式) 這是 舊版本 的黑糖面膜 昇級版，粒子比舊版 更小巧，更不傷肌膚。 我很愛洗澡時敷黑糖米酒5合1光采精華面膜 (洗淨式)。 香味倒是有點像可樂的味道。 如果皮膚較易敏感或較薄，比較建議用 黑糖米酒5合1光采精華面膜 (洗淨式) 或黑糖蜂蜜潤肌面膜 (洗淨式)，這兩款會對肌膚較溫和。 如果想 Multi-masking, 可以在額頭(T-zone)及下巴位置敷 黑糖米酒5合1光采精華面膜 (洗淨式)，而其他部位敷保濕面膜 或是 整張臉敷 黑糖米酒5合1光采精華面膜 (洗淨式) 洗淨後 再敷保濕面膜。 另外，如皮膚較易敏感或較薄，可以敷5-10分鐘後不用按摩面部直接輕輕力沖水便可。 黑糖系列是 skinfood 的皇牌產品，也是我回購率最高的產品，使用後肌膚更幼滑而且增添光采。   含保濕成分: 甘油, 乳木果, 白芒花籽油, 乙基己基甘油, 荷荷芭油, 丁二醇 及 邁因葶藶根萃取 抗氧化成分: sarcodon aspratu

SzeChan好用推薦：🧏🏻‍♀️《SKINFOOD-黑糖光采肌底精華 & 黑糖5合1光采精華面膜》 @SKINFOODHK I▪️🅘🅝🅣🅡🅞 黑糖除咗可以食之外，仲可以護膚㗎❗️SKINFOOD出咗黑糖嘅護膚產品，就等我試吓啦❗️😝 「黑糖5合1光采精華面膜」 🔅深層清潔+去角質+補水 3功效同步進行 ✔️揉合兩項專利成分，配合5大草本植物油深層導入 ✔️以巴西有機黑糖幼細磨砂粒子溫和去角質 ✔️再以傳統米酒導入肌底 一次解決肌膚5大問題，令肌膚回復生氣 👍🏻滋潤細胞 👍🏻調理膚質 👍🏻改善紋理 👍🏻 改善肌膚粗糙 👍🏻 改善暗啞問題 💁🏻‍♀️【用後感】 先使用「黑糖5合1光采精華面膜」，將肌膚中的老廢角質溫和地清除，黑糖中的幼細磨砂粒子，除了深層清潔、去角質外，亦做到會補水功效❗️使用後皮膚即時柔嫩白滑咗❗️之前再配上「黑糖光采肌底精華」 佢有獨家專利黑糖酵素成份「Sugar Toning」，可以迅速將營養同水分由表皮滲透至底層，提升肌底營養吸收力，令後續嘅護膚品發揮最佳功效👍🏻👍🏻👍🏻

Yolanda Kwok好用推薦：唔適合我皮膚用，夏天購買同使用。但每次用完過2日都會出好多粉刺。不太推薦。

Kura好用推薦：呢款清潔面膜係我用過嘅咁多款清潔面膜之中算比較好用嘅，搽上臉容易推開，清潔力中等，用完之後覺得啲毛孔有變乾淨咗，夏天用控油效果都唔錯

Chloeincosme好用推薦：紅爆日本既Melano CC維他命C酵素深層清潔洗面乳真係好好用！每次用佢洗臉後，感覺肌膚徹底清潔，超乾淨，但又唔會有緊繃感，完全唔乾燥，呢點特別好。（以前用過有d酵素洗面，對乾肌黎講太乾） 呢款洗面乳含有維他命C同酵素，能夠有效去除肌膚表面嘅污垢同多餘油脂。我發現用咗幾個星期之後，黑頭同白頭都明顯少咗，肌膚變得更加光滑。每次用時，細膩嘅泡沫能夠深入毛孔，令我感受到清新的感覺。 總括而言，Melano CC呢款洗面乳真係一款性價比高嘅產品，我應該會繼續回購到天荒地方。

Sophia好用推薦：最近入手的Melano CC維他命C酵素深層潔面乳真的好適合夏天使用～這款日系開架好物，價格親民容量多，但有媲美酵素洗面粉的清潔力。 🥰很容易起泡，綿密的泡沫能輕鬆帶走臉上多餘油脂和髒污，洗後清爽不緊繃，每天使用毛孔感覺乾淨許多，還有淡淡的柚子香氣。 ✨ 持續使用一段時間後，感覺到皮膚變得更加透亮，素顏也自帶透明感，膚色暗沉的問題也有改善。 👍 真心推薦給正在尋找高CP值、追求肌膚透明感的油肌和混合肌朋友！