找產品
高SPF・PA 推薦好用產品
319 件
JZ好用推薦：防曬系數較高的廣譜防曬，質地水潤輕薄，適合日常通勤使用。延展性高，但要用夠量才能達到包裝標注的防曬值喔！對我來講，這款防曬最大的優點是它的使用感十分水感輕盈，完全不會油膩厚重，因我是混合偏油性膚質，所以喜歡膚感透薄的護膚品及化妝品。 缺點的話，我認為大概只有它在防水防汗方面表現一般，不是專門為戶外運動設計的那種防曬。如果你預計是會大量出汗或接觸水的場合，最好還是用專門有標注waterproof的運動防曬比較安全。吸收成膜後會從白色變成完全透明，給肌膚留下淡淡光澤，不會泛白，影相也不會有white cast👍👍👍 #火熱新品 #火熱新品 #火熱新品
<看全文>Ming好用推薦：Kose 呢個牌子好常見，價錢又大眾化，質量一路都keep住水準，性價比高。我都買過好多唔同種類嘅護膚品，呢支新出嘅防曬精華霜，效果相當唔錯，唔會黐立立，防曬指數有50度，搽完之後曬咗成日行咗一日山都唔覺皮膚有變黑，至緊要佢唔會難推開同埋唔會黐立立，好清爽，仲有保濕功效。
<看全文>
lepetitblanc好用推薦：多謝@cosme同Sofina抽中使用Sofina IP Basic care系列 一早聽過呢個名，但係未用過 長效保濕護膚防曬乳霜 成日講我哋塊面總共有兩萬幾個毛孔 最基本一定要做到保濕 第一次用嗰陣唧得太多，唔識預計份量，所以第一日用塊面有啲油，我個人搽防曬大約係兩隻手指嘅長度，包裝都有寫明如果每日朝早用嘅話大約可以用到兩個半月嘅份量 呢個防曬冇平時既防曬乳液咁油，佢好似護膚品主日咁一推就好純好滑同埋冇白色一撻撻 一兩分鐘就吸收晒啦超快滲透同埋清爽唔黏笠 可以睇返before張相，我係面珠有毛孔粗大嘅問題 我覺得喺補濕嗰方面使做得好好👍🏻好似真係有白淨到 用完佢之後上粉底唔會一嚿嚿，同埋貼服好多 好鍾意😍用哂之後會比錢買🥳 Before After 冇燈 After有燈
<看全文>Cc2016好用推薦：多謝cosme 今次邀請我參加「SOFINA iP基礎護膚系列」嘅試用活動🩷😊 我本身都有用開sofina嘅化妝品，呢個品牌嘅品質有保證，而今次係我第一次用佢哋嘅護膚品～ 呢套護膚品嘅包裝設計簡單而清新，亦容易使用 呢個系列主力加強保濕，呢排天氣皮膚乾燥就最岩使用呢個系列喇～ 呢款「長效補濕護膚防曬乳霜」嘅防曬力強，有SPF50+ PA++++可以有效防曬。除咗高效力，呢款防曬嘅補濕度亦好好。質地水潤易推，搽完塊面唔會太過泛白，效果自然。搽完之後，再搽化妝品都唔會起擦子膠碎，幾好用。
<看全文>
Kitty 好用推薦：各位姊妹！最近試咗RMK呢支「UV水漾防曬乳」SPF50+ PA++++，真係要同大家分享吓！作為一個住喺香港嘅混合肌人，揀防曬最怕又黏又焗身，但呢支真心有驚喜～ 💧質地超水感： 一唧出嚟係偏水狀嘅乳液質地，推開嗰陣好似搽緊保濕精華咁，完全冇傳統防曬嗰種「漿住」嘅感覺。我通常用五蚊銀份量就夠搽全面，連眼皮位都唔會拮眼。 ☀️清爽度滿分： 最驚喜係成膜速度！大概30秒左右就變乾爽，摸落去有啲似絲絨粉嗰種滑溜感。試過晨早8點搽完去行花市，大汗疊細汗都冇出現「流白汗」嘅尷尬情況，個底妝仲keep得好貼服。 💦保濕力驚喜： 以為清爽=唔保濕？錯啦！入面有透明質酸同埋蜜桃精華，試過唔搽妝前乳直接上粉底，都冇出現龜裂紋。不過乾肌姊妹可能都要加多層乳液打底。 🌴潮濕天氣實測： 呢幾日濕度90%嘅魔鬼天氣，下晝3點補咗一次防曬（用紙巾印乾面油再拍上），完全冇結塊或者「起擦膠碎」。成日戶外活動都冇曬到面紅紅，防曬力夠穩陣！ ⚠️小缺點要提： 1. 對香味敏感嘅人可能要試過先 2. 價錢稍貴，不過用量慳都算抵用 💄上妝貼士： 建議等完全成膜（約1分鐘）先上粉底，用拍打方式上妝。試過配搭氣墊粉餅同
<看全文>Steph好用推薦：係回購超過兩支嘅防曬，雖然已經出咗新嘅版本，但係呢一支都係我好鍾意用嘅防曬產品。 本身有化妝嘅習慣，以前成日都想搵一支唔會有擦子膠水，同埋唔會太厚重嘅防曬產品，遇到呢一支RMK之後一直都使用冇再轉過。因為佢真係可以做到質地透薄，就算喺化妝之前疊加skin care product，搽base，再上粉底，乾粉等等，佢都冇令到其他化妝品出現擦子膠碎，亦唔會因為搽咗防曬，而令啲foundation浮粉，而且感覺係好薄好唞到氣。 希望新出嗰支RMK防曬都係咁好用啦！
<看全文>
Poyobb好用推薦：雪肌精防曬有gel同milk版本，呢支係milk防曬乳嘅細支版本，添加咗植物性提取物作護膚，同時有日本最高級防曬度，SPA50/PA++++，夏天戶外非常足夠。質地流動性幾好，順滑容易推勻，冇黏笠感及冇泛白情況。 對我混合性皮膚嚟講，上面嘅時候一開始有點油，吸收晒之後就冇油感，但係用完都有機會起暗粒。始終呢種質地嘅防曬乳比較適合戶外使用，防水性好強，我會留返戶外活動日子先用。但用返防曬乳做比較，已經算係好清爽，質地非常接近乳液😉
<看全文>Fng好用推薦：Kose 亮白水感防曬精華乳係開架中價位（約$150-$180)，表現中上。同類似價位嘅Biore、Allie等品牌比較下，佢又有冇優勢🧐🧐🧐~？ 質地與膚感：👍👍👍👍 (水感之冠) 一按出嚟係偏稀嘅乳液狀，流動性極高，推開瞬間真係有爆水感覺，極速吸收，完全零泛白。完成後皮膚係啞緻乾爽嘅，冇任何黏膩或油膜感，膚感絕對係同價位中數一數二嘅清爽，甚至比Biore嘅Aqua Rich系列更冇負擔感，對混合肌來講非常討好。 亮白與保濕度：🤔 (僅屬基本) 標榜亮白，但主要係靠二氧化鈦帶來即時輕微提亮感，並非真正美白效果。保濕力方面，佢唔會抽乾兩頰水分，但也唔算滋潤，冷氣房下偏乾位可能要加強保濕打底。相比Allie的保濕系列，Kose呢支在滋潤度上明顯較弱。 持久與抗汗力：👍👍 (中規中矩) 以通勤為主嘅防曬力足夠，但由於質地非常水感，抗汗抗油能力相對較弱。長時間戶外活動或大汗嘅時候，需要更頻密補塗。相比之下，Allie在持久耐磨擦方面會更出色。 總結： 一支專攻極致水感、零存在感膚感的優秀通勤防曬。如果你最怕防曬嘅黏膩和厚重，佢絕對能給你驚喜，性價比高。⚠️但若追求極致抗汗、防水功能，或
<看全文>
Akassoo好用推薦：我最近皮膚出現咗問題，突然之間皮膚敏感，唔知咩原因搽咩都會敏感，就算係以前用開嘅化妝品或者護膚品都出事，所以最近開始要將所有護膚品都轉做敏感肌適用🥲。 今次係第一次用Sunplay嘅防曬，呢排都成日見到佢啲廣告，見官方同埋好多人都話適合敏感肌，而我最近因為敏感都唔敢化妝，所以就試買咗呢隻Sunplay Skin Aqua純物理礦物防曬調色霜 SPF50+ PA++++ ，搽完就直接出街。 呢款調色霜係粉粉地色嘅，覺得都幾啱普遍香港人嘅膚色，都幾自然提亮，唔會搽完之後塊面白咗一度、個質地亦都唔會話特別厚，都算易推。 作為突然變咗敏感肌嘅我，平時用過嘅防曬都即刻敏感爛面，最近轉咗用呢隻又真係冇敏感，因為佢講到明不含6大致敏成分，所以都叫放下咗心頭大石。 官方指呢支純物理防曬有新升級5倍護膚成分，加倍保濕同高效修護肌膚，可以舒緩曬後引致嘅泛紅同乾燥。當中嘅Betaine、Moringa Seed Oil同Ceramide係可以幫助皮膚維持水分平衡、防止水份流失同提供深層保濕滋潤，所以我而家為咗養好返啲皮膚如果搽防曬嘅話就會搽呢支出街。
<看全文>Ednababe好用推薦：一開始有擔心係開架產品，又係物理防曬，會懷疑個防曬係咪易推，因為我怕一啲痴lup lup嘅產品 用咗半年，接近日日用，我覺得效果好，揸咗會膚色白啲，但不泛白，普通揸完出街都可以，平時我會用嚟打底，再薄揸粉餅上妝。 呢個防曬易推，香味係橘子味。 我係T字位容易出油，但呢枝防曬無令我出油乜滯，用完亦無敏感、生粒粒。 同埋，佢係物理防曬，對身體負擔無咁大。 真心推俾大家用，性價比高，唯一壞處係用咗半年仲有三分一，未用得晒🤣
<看全文>
Kayyan22好用推薦：呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！
<看全文>Emily Leung好用推薦：樂敦skin aqua透明感漸變彩虹紫色防曬霜 在日本藥妝店盲買的這管防曬，用了一段時間，現在幾乎要空管了。 先說優點：平價大碗、顏值高。漸變色外包裝在一眾普通的平價防曬中立馬脫穎而出，膏體也是淺紫色帶珠光，不油膩。 缺點：不好推！假白！容易卡紋！ 但是很多人推它就說明這個防曬還是有它的功效，因為它確實有不油膩、顏值高、便宜，我覺得還是不過不失吧！
<看全文>
Fng好用推薦：🔍 Decorté透亮防護素顏乳 主打 防曬+提亮+妝前 三合一，SPF50+/PA++++高係數防護，添加珍珠光微粒聲稱可打造「透明感素肌」。 💁🏻♀️ ✅ 優點 1. 水潤唔黏膩 質地似輕爽乳液，推開後瞬間化水，T區無油光，兩頰保濕度足，後續上粉底完全唔卡粉～ 2. 自然提亮感 珍珠光微粒折射毛孔同暗沉，膚色即時勻稱透亮，偽素顏心機必備！ 3. 防曬力足夠 户外曬30分鐘無曬紅，流汗後無泛白溶痕，高防曬係數唔流於表面～ ❌ 缺點 1. 控油力普通 油肌夏天可能要疊加控油妝前，否則3小時後T區會出油～ 2. 價錢偏貴 但可取代防曬+妝前，計落 CP 值okay 💡 混合肌使用技巧 · 局部提亮：重點塗額頭、蘋果肌，避開易出油鼻翼～ · 底妝貼服法：等素顏乳完全吸收（約1分鐘）再上粉底，搓泥機會大減！ 防曬提亮二合一，懶人恩物！ 適合趕時間OL、追求自然光澤肌的混合乾肌～
<看全文>soying好用推薦：🙈空樽就是真愛，decorte防曬cc霜，這個夏天每日都搽佢做底霜，有時懶惰趕出門就當佢做粉底液，持久貼服不暗沉0粉感。。。。。原本我對底妝產品好花心，因為總覺得不夠好，所以一直沒停止過發掘新的底妝產品，試過很多品牌，在夏天都很易溶妝，直到今個夏天遇到decorte防曬cc霜，我才乖乖地用完一支底妝產品
<看全文>
橘子貓好用推薦：SUPERIEUR Day Care Revolution Tone Up SPF50+ PA++++ 因為被很多日本KOL燒到，當初這款防曬一上市，我就去日本購入了！！！ 在日本天冷時使用，感覺非常驚豔。我使用了比官方建議的兩倍份量，令其有充足的防曬度，防曬霜提亮皮膚整整亮白了一度，然後整體妝感非常貼服，完全不會死白，恍如媽生好皮。難得試到一枝既可以正經防曬又能作妝前的防曬霜，所以我當日試用完之後，趁着還未離開日本，立馬回購了3條。可惜回到香港，因為香港天氣跟日本非常不同，又濕又熱，而且我是混油皮，這款防曬的使用感和效果大打折扣。因為出油出汗之後，皮膚會感到悶焗，甚至很容易起屑。於是我減少了使用份量至官方建議的大小，妝感和使用感就好了很多，但就沒有了在日本使用時容光煥發的效果。 如果你是偏乾肌，相信這款防曬會很適合你呢！現在，這枝防曬我會留待下次去日本等寒冷氣候的地方使用。
<看全文>Idy Wu好用推薦：我試用了Elixir 的這款調色提亮防曬妝前乳液大概三個月，真的非常驚艷！SPF50+ PA++++ 有足夠防曬性能讓我在日常外出時感覺很安心。 質地與效果 非常輕薄，潤色效果更佳，讓肌膚看起來更加明亮自然。使用後，我發現肌膚的暗沉瞬間被遮蓋，整體膚色變得均勻，彈性也有明顯改善，使用感覺亦都相當貼服。 卸妝方便 值得一提的是，這款乳液能夠輕鬆卸妝，不會造成暗粒粉刺！ 總結來說，這款乳液非常優秀，性價比高，值得推薦給朋友！
<看全文>
楊壯碩好用推薦：LA ROCHE POSAY UVIDEA ANTHELIOS TONE-UP (ROSY) SPF 50+ PA++++ REVIEW 「理膚泉每日高效提亮防曬霜 (粉色) SPF 50+ PA++++」測評 綜合評分：4.33/5，詳情如下—— 使用感：5/5 ▶️霜體流動性不高，延展性佳，質地在歐美系防曬中都算作輕盈不厚重，但未達到日韓系防曬那種水感透薄的程度，可以形容為油潤但不油膩。 ▶️使用感較溫和，沒有在我臉上導致過敏或粉刺，也沒有刺激我的眼睛導致不斷分泌眼淚（我用有些化學防曬的時候眼睛會泛紅流淚）。 妝效：4/5 ▶️肉色防曬霜（雖然產品名寫了rosy但並非粉紅色霜體），用後有提亮膚色的效果（見下附前後對比圖），並且會令皮膚看上去更加有光澤感（或可稱為「油亮」？），無遮瑕度。 ▶️由於它是oil based的防曬，有可能會令後續粉底液更易融解移位，故此需要用散粉做好定妝。 防曬效果：4/5 ▶️我是作為日常通勤防曬使用的，早上護膚後擦完這款防曬再化妝，之後一整天都沒有補擦，到了夜晚時間T區的底妝和防曬基本已經融了，不過由於大部分時間我都在室內，所以未曾發現有曬黑跡象。 ▶
<看全文>Suki好用推薦：見Sns上面話呢支防曬好用，即刻入走咗一支，搽咗上面會亮白左，加埋防UV 50+ spf夏天返工好需要，質感幾順滑同埋滋潤，唔會好黏，可以再入手多支
<看全文>
CLS24好用推薦：防曬粉真係油肌/混油既防曬BBF！！我唯一可以安心純用洗面奶洗走既防曬產品☺️敏感人士要試啦！！！佢無香料、無酒精，濕疹、暗瘡、細路、大肚婆、醫美術後等等等等都可以安心使用！ 憑肉眼睇，佢隻粉會帶少少黃色，可能因為有幾隻保濕份子啦。但上臉唔會顯黃，反而有少少blur毛孔！使用感受，2個字，清爽！比任何防曬產品都一定清爽！戶外/化妝個陣我會拎來做蜜粉同補妝，怕出汗出油會被我抹走，所以大約2-3小時補一次，室內既話剩係用佢都夠做，全日唔洗補！！ 佢有SPF50+ PA++++ ，純物理防曬，海洋友善配方，唔洗擔心影響地球環境！ 但係佢支伸縮掃未到十分好用，只係可用程度，有更好既選擇。而我只建議用化妝掃上粉，粉撲未必夠均勻。因為佢粉唔算幼細，如果潮濕，甚至容易結塊，盡量用掃打圈散番開！ 缺點： 1）佢粉盒呢個設計我唔算太喜歡，取粉唔夠幼細，要借用佢個蓋，然後因為粉帶黃色個蓋又好容易變黃… 2）外出用個陣，佢起個袋「浪」來「浪」去，冇防備之下一打開蓋可能走左好多粉出來，試過浪費左d粉之後我每次開之前都會敲下個蓋，等多d粉跌番落盒。 如果個包裝有新設計改善下就更好啦！
<看全文>claudiayanyan好用推薦：一直喺度搵可以出街補嘅防曬，上一年終於比我搵到呢隻Rachel Wine嘅礦物防曬粉！搽上面可以做到輕微修飾毛孔，而且係SPF50，有時懶起上嚟唔化妝都可以搽佢落街。個人比較鍾意用埋佢個數，可以上得均勻啲，唔會一撻撻。
<看全文>
Kuma好用推薦：我係其他分享都有講過雖然我唔係經常皮膚敏感嘅人群，但對於mark明敏感肌適用嘅產品都有種迷の執著同偏見覺得佢成份會好溫和XD Anessa應該可以話係開架防曬始祖，以前見得最多嘅係金色樽個款，最近見到有埋粉紅色呢支話係敏感肌適用嘅防曬，敗家女又出動again ♪ 第一次用之前唔記得搖匀，擠咗水油分開嘅液體出黎，所以我諗佢mark住一定要搖匀XD因爲呢款防曬不具調色效果，如果當日會化妝我就會用呢款防曬，唔會影響粉底or遮瑕顔色。 質地的確都好milky，非常易推開，聞唔到有特別嘅香料味，但我唔太鍾意油份多嘅防曬（尤其香港嘅夏天！！又濕又熱！）所以上粉底之前都會拎紙巾印一印多餘嘅防曬先，如果唔係上粉底會起擦子膠碎…強烈建議搽完要上碎粉 價錢如果唔係減價其實都就快同專櫃貨差唔多，建議sis可以喺減價嘅時候多多囤貨用到冬天XD —————— ♪ 流動性：★ ★ ★ ★ ★ ♪ 滋潤度：★ ★ ★ ★ ☆ ♪ 性價比：★ ★ ☆ ☆ ☆ —————— #火熱新品
<看全文>Aim好用推薦：呢支Anessa 粉紅色防敏感防曬液質地唔會好厚，是流質的，查上臉同身都唔會立痴痴，好快變得乾爽，尤其適合夏天用，而且唔會泛白，值得推薦。
<看全文>
Fng好用推薦：Sofina iP美容防曬霜🔍 主打「防曬+抗老+妝前」三合一，SPF50+/PA++++，聲稱可同時阻隔紫外線與近紅外線傷害。香港夏天濕熱難頂，同價位仲有Anessa、Allie等對手⚠️⚠️⚠️ 💁🏻♀️ 實測結果 ✅ 優點 1. 水潤輕薄唔黏膩 乳液質地推開化水，兩頰保濕度足，T區無油光，後續上粉底零搓泥～ 2. 抗老功能加分 添加保濕抗老成分，帶妝同時護膚，適合輕熟肌～ 3. 提亮自然唔死白 微微光澤感修正暗沉，單用已有好氣色～ ⚠️ 注意位 1. 控油力中等 大油肌夏天可能要疊加控油產品，否則3小時後T區會出油～ 2. 耐汗力稍弱 暴曬流汗後需補塗，否則防護力下降～ 💡 推薦度：★★★★☆（4/5，抗老功能加分！） 適合：25+輕熟肌、追求護膚防曬二合一嘅混合乾肌～ 🆚 同價位產品比較 · Sofina iP：勝在 保濕+抗老二合一，適合日常通勤及冷氣房長時間使用～ · Anessa金瓶：防水抗汗最強，戶外活動、暴曬首選～ · Allie礦物柔光：光澤感最突出，但油肌夏天易溶妝～ 點揀好？ · 混
<看全文>何何好用推薦：無論冬天同夏天，都要做足防曬，呢支sofina ip防曬smooth milk之前一直回購，日頭返工會當佢日霜用，唔泛白，夠潤，又輕身滑身，防曬系數好夠，spf50+ pa++++, 雖然冇乜調色效果，但上面係舒服唔乾。 但係呢年香港周圍搵佢都搵唔返，得返同系列smooth cream.... 可能要係日本先有？？？
<看全文>
Selena好用推薦：呢支防曬嘅質地水潤，用左唔會有假面感🎭，不泛白，一啲都唔笠！我以前唔搽防曬就係因為試過嘅防曬好笠，自從用左呢支防曬後，我每日都堅持搽防曬！ 另外，呢支防曬唔會同我用開嘅護膚品打架，唔會起擦子膠碎。我會再回購呢支防曬！
<看全文>Retinairis好用推薦：購買原因還是因為推薦。 買回來用後後悔了。 先不說味道有點刺激我的眼睛，因為我很多東西也有過這樣的問題。 可能希望越大，失望越大。 看照片可以看到是又厚又有油亮亮的膜。 在臉上還有感覺，是一層膜糊著。 10分鐘都還未乾………… 而且還和底妝打架呢～ 性架比是高，但用不了還是浪費錢。 只推薦窮學生黨((現在學生都比我還有錢((哭
<看全文>
hmpanda好用推薦：非常易推清爽，沒有泛白問題，唯一矛盾是，夏天用會覺得spf30不夠，冬天用會覺得不夠保濕(需要先用保濕cream打底)，所以結論是適合潮濕陰天(&認為任何天氣都必須用防曬的人)使用。
<看全文>Noel好用推薦：抱著一試無妨心態，趁特價購買，結果喜出望外呢！我就像是找到 Jennie 防曬之後的新竉：Avene 水漾乳液 SPF30 PA＋＋＋❗白色一條軟管支支裝，容易控制份量。乳液白色，近乎無味，中度流動性，延展性良好。 乾肌會很喜歡這枝乳液，水潤度高，感覺能夠直接代替日霜使用。塗到皮膚會即時感到滋潤，2－3分鐘後防曬融合了 skincare，變得清爽不黏不笠不焗❣滿分❣這款防曬乳液能夠做到水油平衡，使用感令人滿意👍
<看全文>
Ruby Wong好用推薦：呢張相係入定貨for今年夏天用，佢係我每年夏天必備防曬item,己經無限回購，記憶入面已經係第五支！🖐🏼😜 真心，夏天要有佢坐陣先夠安心，本人皮膚屬於偏白易長斑類型，所以一直對於防曬都好挑剔！不同嘅場合我會搽不同嘅防曬，但係呢支永遠都會係我嘅化妝袋入面。 我嘅工作經常要四圍走，夏天嘅太陽對我嚟講係硬傷！但係，呢支防曬，搽左真係唔會矖黑，保護力超好！而且質地輕薄水潤，唔會痴衫，仲有少少調色作用♥️ 我所講嘅唔會曬黑，係行山去旅行去沙灘果隻，普通防曬不能比擬！當然公平啲咁講，去沙灘我係唔會落水嘅，但係佢一般防汗係好ok的。 基本上市面上既太陽油大部我都試過，呢隻真係天花板（其實資生堂出嘅防曬都非常之好），真心推介！但係，佢亦都唔平，但係既然效果顯著，唯有豪俾佢啦！
<看全文>Haidy好用推薦：Shiseido防曬有多好用不用我說吧🤣防曬能力超級好!!!!佢峇里島玩了一整個禮拜也沒有曬黑，價格有點高之外，其他都很香❤️就是用來查身體有點心痛，不過為了防止曬黑也是需要的😗 乾皮有另一款白色文字的那個，也超級好用!!!!超愛!!!抺上面完全不會卡粉 這款不會拔乾，也不會和後續化妝品打架~質地也很乾爽的~油皮必備
<看全文>