不泛白(防曬) 推薦好用產品

Hamiii好用推薦：岩岩先發現佢停產左， 咁我會好好珍惜我手上呢支🤫 個人覺得佢幾好用wo 噴上去小小提亮， 防曬50度夠晒日常番工， 我通常出去lunch前噴一下當補左防曬😂

Kura好用推薦：我幾鍾意呢款防曬噴霧，首先有120度防曬度數，好適合我夏天用，價錢又合理

Ming好用推薦：一直都用開Anessa嘅防曬產品，不得不說佢哋嘅防曬產品真係好好用，好容易推開，味道又清香，又防水又防油，防曬指數好高，去行山一定會用佢。

bearbear246好用推薦：呢款係凝乳質地 防曬效果不錯 出汗出油都唔甩 但質地唔夠清爽

royu3好用推薦：這枝Tone Up CC可修飾膚色，屬最高防曬系數SPF50+PA++++的它亦能抵禦高強度紫外線。 在日本有很高的評價，亦是我買過的底妝產品中最愛之一！💕 先講講我是乾性肌💁🏻‍♀️ 膚色屬於暖色調春季色。 皮膚較薄，容易透出血管和紅點， 所以一直避免使用偏紅偏粉調的底妝產品， 擔心塗抹後像皮膚敏感似的，更突出泛紅問題。 考慮很久，最終購入了色號10 Lavender Rose。 擠出來是乳霜質地，質感較稠密，沒有黏笠感。 色調為偏粉紅的紫色， 老實說第一眼有點嚇到，太粉紅了！(#ﾟДﾟ) 但塗抹後的效果令我十分驚喜！ 薰衣草紫色調和了膚色的暗沉， 將暖膚色的黃氣完全帶走，即時變得透亮。 配合粉紅色，提昇肌膚紅潤感， 像原生肌般白裡透紅！(˶‾᷄ ⁻̫ ‾᷅˵) 它的質感較滋潤，乾肌的我即使在冷氣房一整天都沒有覺得繃緊，配搭合適碎粉使用，帶著口罩也沒有太大脫妝情況！ 這枝Tone Up CC 有輕微遮瑕度， 每朝多睡幾分鐘，塗抹後直接拍上碎粉便能打造自然的偽素顏妝感，十分方便！很適合新手、忙碌的朋友呢💁🏻‍♀️ ⭐️小總結⭐️ 妝感：透亮輕薄（不使用粉底的情況下） 適合膚質：沒

Kellyleeeeeee好用推薦：妝前打底推介！質地清爽，少少閃，如果皮膚本身唔太多瑕疵，用呢個簡單提亮膚色已經好靚！

Apple0708好用推薦：佢個質地偏清爽薄身，啱哂依家夏天，聞落亦無乜化學香味，平時用嚟做底霜效果唔錯，防曬度亦都足夠~

Tsyyy好用推薦：白色乳液狀十分容易推勻👍🏻 高防曬之餘又唔影響後續上妝 美中不足係偏貴 只能特價時買

Haidy好用推薦：去完泰國蘇梅島，完全冇黑過返嚟！ 油係油少少㗎喇，但係放黑能力真係冇得頂🥹 大家記得用呢款嚟查身！搽面嘅話，好容易生粒粒~ 不過佢仲有另外一款gel防曬，嗰隻搽面都幾好！ 超級推薦大家如果要同陽光玩遊戲嘅話查佢！

iliya 好用推薦：ANESSA一向都係好出名嘅防曬牌子，除咗防曬度高同防曬效果好好之外，塗上去又唔會好黏笠，最適合係夏日炎炎、天氣悶熱嘅時候用，而最重要嘅係塗上去之後又唔會白咗一大撻咁，效果自然，唧唧裝外出攜帶及補塗方便，真係防曬恩物！！！ #專櫃抵買好物

Cy好用推薦：之前一直用開biore藍色個款，佢個質地我係勁中意擦上去清爽又唔油膩，但用曬之完想轉試物防曬，咁本身想買Dr.Wu嘅物理化曬見網上啲人都話好，但搵唔到想買嘅個支🥲 之後就轉左買Anessa呢支物理+化學防曬，無酒精無香料又無色素不泛白，用後感得呢支係實力防水防曬😆 防曬力)Anessa唔使多講，個人覺得基本上唔會曬黑，SPF50+PA++++ 質地) 質地好輕盈，擦落係好絲滑嘅feel，有種形成一層保護膜嘅感覺，擦上去有少少油感但又唔會話好笠，而吸收速度都快。 幾啱妝前使用，冇潤色效果 見佢有遇汗禦強防摩擦技術，可以延長防曬時間，唔使話太勤力補防曬，啱曬我呢啲懶人😂 依家出街戴住口罩又熱塊面好易出汗，成日要抹汗，之後有次除口罩男朋友都哇左聲話我塊面有好多粒汗珠😂尷，咁但係防水汗同防磨擦方面真係幾ok。 防水防汗抗摩擦測試埋) 隻手背用毛巾磨擦完再噴左啲水試下佢防水力同抗摩擦力，如圖，係形成一粒粒嘅圓形水珠狀態👍🏻利申非打手純粹用後感🤣

robinsbk好用推薦：本身係大乾肌+間中敏感 所以一直都係搵啲物理防曬嚟用 唔會對皮膚造成傷害 但以前好多物理防曬都會好笠好有存在感/粉粒感重🫠但呢隻質地真係易推! 水潤得嚟唔黏笠! 重點係真係long lasting+防到曬!! 之前夏天出海玩2-3個鐘唔補之下塊面都無曬黑無曬紅 船P全日8個鐘 補一次就OK都係無黑 (不過有戴帽) 推介俾所有乾敏肌!! 佢好似係萬寧watson都幾常做優惠 上年同frd夾一人一枝都係百6蚊左右~

橘子貓好用推薦：Perfect UV Sunscreen Mild Milk SPF50+ PA++++ 最初接觸防曬時，Anessa真是一枝獨秀，不同質地的選擇性、防曬力高、防水抗汗方面真的是很出眾。 這款敏感肌專用的物理防曬液就是當時所購入。有點厚度的cream狀，很易推開。膏體有一定保濕度，需要更多時間被皮膚吸收。就算成膜後，依然會有一層防曬霜的油膜感。很適合偏乾肌使用。混油肌用，會感覺有點負擔，尤其是在香港濕熱的環境下，更為難受。改為用放手、腳上的防曬，都會有層油潤的感覺。 以前會為它高防曬力而忍受其不算好的膚感，若以專為敏感膚況的純物理防曬來說，現在有更多更好的選擇。

Jan好用推薦：質地輕盈水潤 流動性高 塗開後會有油潤感但唔黏膩 吸收快 感覺透氣 無香味 敏感肌可以每日用 唔會致痘 似乎有修飾皮膚功效 望落去變得細緻且有光澤

Kura好用推薦：對於我黎講防曬度數偏低，日常出街搽都ok，夏天出街搽對於我黎講唔夠，同埋有小小油

MaikoAoki好用推薦：試用總結：兩字記之曰——方便！ 護膚完畢就可以立即上粉，不用先打底。加上大概是防水防曬粉餅的緣故，遮暇力甚高，如果淡妝的話基本上不用遮暇產品就可以了，當然也不用定妝粉。 疫情下使用一款粉餅就能達到幾種功能很重要，而試用它時似乎沒起敏感。會繼續使用以確定這點。 不知道是香港沒有進口還是根本沒有推出補充裝？希望回購時能買到，那就能減少浪費粉盒了。

hereisboojai 好用推薦：質地唔黏落好清爽🥹 用完唔會生粉刺 仲有真係曬唔黑 唔會曬傷！係暫時用過最好用嘅防曬 如果有其他好介紹嘅話，都想試吓其他防曬。

WSY好用推薦：用來擦臉覺得都幾清爽的~唔會話黏笠。會用嚟茶擦的手腳，都冇曬到曬黑

A&R好用推薦：專門店送嘅試用品，Canvas Sun Protection Gel SPF30 Light Weight & Moisturize， 防曬SPF30，提供日常外出足夠嘅防曬保護，輕盈清爽，清香味道，可以做到保濕同低刺激，適合敏感肌使用。推開好容易，唔會起擦膠碎，吸收快，搽上面之後好似搽咗保濕啫喱，完全冇厚重感，夏天用都唔焗身，用完皮膚有水潤感，唔會乾燥繃緊，仲可以代替日霜。搽完再上粉底液都好貼服，唔會起屑或令妝感厚重。除咗價錢貴啲，其他都滿分

Jenjen好用推薦：天然清爽透薄防曬乳液質地好薄身，不黏笠，搽上面冇負擔適合日常使用~要多用d先知有無曬黑！

jaye好用推薦：呢支係之前係藥妝店買，停產左有點可惜，白色乳霜狀，好質地好滑好易推開，一搽係有滋潤感，但推開左等3-4分鐘，就會成左膜，無笠感，而且無起粉刺油脂粒，亦無泛白，臉同身體都岩用，又係一支兩用，方便！唔錯！

Verna好用推薦：我用開這品牌的防曬乳液，但沒有貨就試下這支UV水感乳霜 防曬乳霜質地相對比較稠厚，但也很容易推開，延展性不錯，推開後膚色也沒有泛白，但觸感有少少黏笠，沒有防曬乳液那麼清爽 它的防曬度有SPF50++++，平時返工出街也不擔心會曬黑

natanatalie好用推薦：價錢十分便宜，聲稱適合痘痘肌使用。感覺不是很黏立，質地清爽而推開。用後不會刺激痘痘。

Jan好用推薦：有調色效果的暗瘡肌專用防曬兼隔離乳 質地偏水很清爽而不會感覺乾 反而有點油 有痘痘時使用都唔使擔心令痘痘惡化 會甩色 會印落口罩 價格平 抵用 可惜很難買

dandan好用推薦：週年慶買嘅2支套裝，😍日系防曬質地真系好清爽 又保濕.夏天用量大 都唔會覺得焗住塊面. 上面時會變水珠. 50＋＋＋＋ 用得好安心. 不過一開頭用覺得會搓泥 . 可能我面霜太滋潤😂😅換左面霜後就無尼個問題了！ 而且我覺得Rmk 防曬有小小修正膚色效果 白淨D 😁🤭

JuneL好用推薦：它具有高效防曬指數，質地偏水潤，容易推，且清爽唔黏lup, 觸感柔滑，好適合夏季使用，用後唔會有泛白情況，另外防曬霜中還添加了保濕、抗衰老、抗氧化等成分, 防曬同時護膚。

Imelda 好用推薦：質地水潤易推不黏膩，防曬同時護膚，用普通潔面乳洗面就可以，唔駛特別卸妝，用過好多其他品牌，最後都係揀返佢

natanatalie好用推薦：酒精味略嫌太濃，價錢不貴，有很大支，質地清爽易推，但酒精味令人卻步。

羅小白好用推薦：戶外運動用嘅話確實係曬唔黑，仲要幾持久，不過仲未真係幾臭，同埋用完塊面幾油，一定要用碎粉，同埋有種黐立立嘅感覺，但勝在防曬效果真係好好，比較適合攞嚟搽手腳

Karman28好用推薦：舊包裝時都有用。防曬一般都會比較油，但佢呢支係有少少似cream狀，所以使用時都覺得比其他防曬清爽一d 。我通常都係用係手腳，一般戶外活動，呢隻防曬都夠防曬系數。

Noel好用推薦：乾肌適用的滋潤型防曬乳，SPF 35 足夠應付平日上班翻學的需要。如果會在防曬上加疊帶 SPF 的底妝，感覺更佳。防曬乳呈白色具高流動性，塗抹容易，不會起碎屑，不會泛白 👍 而且具備滋潤皮膚效果，不會 dry up 額頭和鼻子，對乾肌友善❤️ 不過，塗抹完防曬，會有輕輕一層留在面上的感覺，最後待上兩分鐘才上底妝。

Anna好用推薦：用落唔錯，日常通勤使用，防曬效果佳，唔會令到皮膚過分焗促，謹記要卸妝徹底。

lingbb好用推薦： - 因為Anessa牌子效應而入購，耐水、耐汗及皮脂，係戶外活動時用 - 小小一枝出外補好方便 - 噴出黎係一層白白地色嘅油，有陣膠膠地嘅味，要立即推勻，面部如果帶妝就噴唔到面，但呢個質地噴面應該都會幾黏笠。 - 臉部、頭髮都用得嘅防曬，但唔敢噴頭因為唔知會唔會黏埋一齊，而且有點白色 -60g勁快就噴完，CP值品唔高，

natanatalie好用推薦：超強的防曬功效，非常適合夏天使用。價錢不是很貴，我會帶他到戶外使用，防曬效果非常出眾。

麥精好用推薦：原來已經停產(•́へ•́ ╬)里枝Anessa防曬乳液使用感唔錯，滋潤感強，容易查，冇擦膠碎，又不泛白。化妝前全面用又得，查手腳都得，黏笠感少，good(/≧▽≦)/ 不過只有SPF35，戶外活動就未必夠用！

PegPeg好用推薦：以前一直用開金瓶，後期見到藍色又係保濕過敏肌啱用，就轉左呢支。呢支質地比金瓶稠身，咸豐帝感覺上係滋潤d，防汗既功能都一樣做到。但佢既缺點係佢比金瓶吸收力慢，搽完佢要上妝就要等一陣。同埋佢得SPF35 PA+++，呢個就唔夠理想，但因為呢隻孕婦同bb都用得，就決定轉佢。

Angie好用推薦：細細支擺喺手袋同背囊都好方便，有時候出去全日戶外活動補防曬唔使再帶咁大支出門口，可惜而家已經冇出

lingbb好用推薦：- 細個除咗biore會用一定係Sunplay -包裝好吸引我買，紅紅橙橙嘅色放係手袋好易搵到 - 細個覺得防曬系數愈高愈好，就會買呢枝 - 噴霧噴出黎都算乾爽唔黏笠，噴霧真心方便補防曬