不泛白(防曬) 推薦好用產品

ying好用推薦：🌟 HOURGLASS ILLUSION-Luminous Glow Foundation 透氣・保濕・自然光澤 乾肌日常底妝首選 Breathable・Hydrating・Natural Glow The go-to daily foundation for dry skin 產品亮點 + 新色調 🎨 全新4款色調登場 全系列共20色 可調節及疊加的中度遮瑕 自然・質感輕盈・SPF30防曬保護 無論你係咩膚色 都可以搵到屬於你嘅完美匹配✨ 🎨 4 New Shades Added Now 20 shades in total Buildable medium coverage Natural・Lightweight texture・SPF30 protection No matter your skin tone You'll find your perfect match✨ 🔬 成分亮點 ▫️ 透明質酸鈉 + 甘油 → 24小時長效保濕 ▫️ Advanced Hydra-Smoothing Technology → 透明質酸微球技術，接觸肌膚後激活 → 14

Fng好用推薦：DECORTÉ 美白防曬護膚霜｜ ✨ 質地與使用感 呢支CC防曬霜質地係絲滑奶油慕絲，推開瞬間化水，完全唔會黏笠！ 最加分係佢鼻翼位唔會卡粉，呢點好多防曬都做唔到。質地夠輕薄，真係有磨皮效果但係一啲都唔乾，On top再上粉底都好貼，唔會同粉底打交。 🌟 防曬力：SPF50+/PA++++，最高級別防禦，足夠應付香港夏天猛烈陽光。 💧 保濕與持久度 出街8小時都仲保持光澤感，唔會變黃同埋溶妝，鼻翼位置都冇浮粉嘅情況。 💔 注意事項 1. 需要卸妝：記得要用卸妝產品卸除 2. 油肌夏天要留意， 質地保濕，不控油 💡 混合乾肌夏日使用攻略 1. 懶人出街法：搽完防曬直接出門，薄薄一層已經有偽素顏效果 2. 妝前打底法：等1分鐘成膜再上粉底，完全唔會同粉底打交 3. 重點遮瑕法：有瑕疵嘅位可以on top加少少遮瑕膏，快手完成底妝 4. 用量控制：一粒珍珠大小就夠全面，唔使貪心 推薦度：★★★★☆（4.5/5，懶人必備！） 適合：趕時間返工返學、追求自然透亮妝感、混合肌/乾肌用家～ #DECORTÉ防曬 #水潤提亮CC #防曬底妝二合一 #火熱新品

mandy好用推薦：Naris Up Parasola Fragrance UV Spray SPF50 PA++++ Naris Up Parasola 美容液防曬噴霧  Naris Up Parasola 美容液防曬噴霧 是非常好用又抵買的防曬噴霧, 全身連頭髮都可以噴。 一般市面上的 防曬噴霧 大都以防曬成分為主, 不會添加太多美肌成分, 然而 Parasola 美容液防曬噴霧 卻含有不少美肌成分, 具保濕、抗偉化 及 鎮靜消炎 的功效。 Parasola 美容液防曬噴霧 細細枝帶出街用也很方便。 外型設計則以粉紅色作主色, 帶淡淡甜美的花香味, 非常好聞。 由於帶香味, 所以也可噴在頭髮去除異味。 Parasola 美容液防曬噴霧 噴灑得非常均勻細緻, 防曬噴霧略為冰感, 使用感非常舒適。 Parasola 美容液防曬噴霧 的討好香味令人想一再使用。 作為開架品牌推出的 防曬噴霧, Naris Up Parasola 美容液防曬噴霧 不只便宜也很高質,  比其他開架品牌更為優秀, 是性價比很高的防曬噴霧。 含防曬成分        : 桂皮酸鹽, 2，4-雙((4-(2-乙基

choichoi好用推薦：大部分的防曬噴霧都有一個缺點 就是噴出來不夠勻導致白色粉末一堆～白白的一片很煩很醜 Parasola卻不會 其霧化程序做得很好 , 是噴嘴做得出色的關係吧 帶有淡淡的花香 用了好幾次發現除了透薄的質感之外 使用過的地方也不會顯得乾燥 防曬力也不錯 每朝唔開遮出門係空曠地方行返工成10幾分鐘都唔會曬黑

lena好用推薦：我的命定BB cream，色號合適不泛白，很貼妝，持久度好。已經用緊第二支，一支可以用大半年。

whTsoi好用推薦：之前看到很多youtuber都推薦它 說是安全的物理性防曬 成分對海洋也很友善諸如此類的 然後我就好奇在官網買下來 結果還真讓我十分驚艷 它的質地看似是黏稠的霜狀 但實際上擦上去非常容易推開 擦完皮膚也非常清爽 物理性防曬肯定會呈現的泛白我覺得也很自然（本人拍攝技巧太爛 可能看不太出差異 請見諒） 這是我用過最滿意的防曬霜沒有之一 絕對會回購

Fng好用推薦：Paul & Joe呢支升級版白蓋隔離乳（SPF42 PA+++）絕對係香港夏天嘅偽素顏寶藏💝！作為黃調肌＋混合偏乾皮，試完之後真心想回購——尤其鍾意佢嘅自然提亮效果同輕薄質地⚜️。 ✨色號點揀？ 雖然呢支係隔離乳唔算有明顯色號分，但推開後帶輕微調色功能（偏向自然提亮）。黃調肌用完全無壓力！唔會死白或泛灰，反而似自帶濾鏡咁中和暗沉感。如果本身膚色偏黃又想提氣色，佢嘅潤色效果足夠替代淡妝；但如果明顯瑕疵或泛紅，就要後續加粉底。 💦質地同保濕度： 乳液狀質地水潤輕薄，撈埋高防曬系數（SPF42）都零厚重感！推開後瞬間吸收，無黏膩感，後續上粉底亦非常貼服。對混合偏乾肌嚟講，佢保濕度足夠唔抽乾，粒子細緻唔顯毛孔，反而有種「透光感」。冷氣房全日都無繃緊。 ☀️夏日表現： 香港30℃+濕熱天氣下，單用呢支再撲層碎粉已經夠哂日常出門。防汗度中等，出汗後用紙巾印面會輕微沾到，但唔會斑駁。建議油肌T位要加強定妝。作為妝前打底，佢能讓粉底更持久，出油後變自然奶油肌，暗沉情況亦改善咗不少。 總結：黃調肌搵自然提亮防曬隔離一流，保濕同防曬力平衡得好好，細緻唔誇張，混合偏乾皮夏天用零負擔！ 推薦給：✔️

Yty好用推薦：Beauty of Joseon朝鮮美人有機米糠益生菌水潤防曬霜係韓國olive young買架，防曬指數SPF50+ PA++++日常用好足夠啦，質地好水潤，感覺似好滋潤嘅透明乳液，唔會影響之後化妝，不過香港天氣比較潮濕同埋開始悶熱，所以油性皮膚建議一層碎粉效果更靚，如果乾性皮膚就咁單用就可以啦，有少少水光肌嘅效果，不過因為透明所以係冇任何嘅修飾作用，但之後再配搭隔離霜或者粉底液就夠晒精神了

keinice好用推薦：SPF50 PA+++,防曬質輕盈容易吸收，和一般水潤的面質感相近，很適合夏天使用。吸收後不會成膜，不會讓皮膚感到有負擔。 可替代妝前底霜，用後有效令粉底更加貼服，不會影響妝感。

Kura好用推薦：fresh嘅紅茶防曬真係我夏天嘅好幫手，有50度防曬適合我平日出街用，同埋質地非常水潤，搽上臉非常容易推開，搽完就算後續化妝都好貼服，我已經用咗一段時間，夏天30度出非常多汗都冇曬黑到，係一款非常防曬黑嘅防曬 @cosme #火熱新品 #火熱新品

JL好用推薦：我在香港買的這款防曬日霜全名為“B.A 多重修護防曬日霜LIGHT SELECTOR SPF 50 PA++++”，購買原因是因為POLA的科研實證，這防曬可代替日霜及隔離霜使用，非常方便，而日復日使用更可促進肌膚彈性，對於熟齡肌的我十分重要，只是價錢略高一點😓 它是乳霜狀的，但夏天使用也不覺悶熱，由於可代替隔離霜，所以再上粉底液也不會有厚妝感！知道POLA將會推出有美白功效的防曬日霜，非常期待🤗

Jasmine L好用推薦：ANESSA極防水美肌UV乳液一直都係我嘅首選，防水同防曬力係最大亮點。質地係乳液狀，偏輕盈，推開容易，吸收速度中等偏快，唔會範白，做妝前防曬都唔會起擦膠碎。而且防曬力強勁，極防水配方喺香港潮濕悶熱天氣下都好穩陣，出汗或者戴口罩都唔易甩防曬，日常出街同戶外活動使用都放心。 對混合偏油肌嚟講，控油力算中等，T字位同鼻翼半日後會有少少油光，但比好多厚身防曬好得多，唔會嚴重焗住毛孔。 敏感肌可以使用。唯一小缺點係如果唔徹底卸妝，長時間用可能會有少少殘留，建議用油性潔面徹底清潔。性價比高，值得入手。

莓莓好用推薦：Anessa極防水美肌UV乳液測評 🧴 質地同觸感 · 流動性高：倒出嚟係好稀身嘅奶水狀，唔係杰身嘅乳霜。推開嗰下好滑，好快就吸收。 · 成膜速度極快：基本上搽完幾秒鐘已經feel到塊面好似有層透明保護膜咁，即刻爽身粉咁滑，唔痴立立。 ☀️ 防曬效果同持久度 · 超強防水防汗：流汗之後唔會起白汗，仲愈出汗愈均勻，烈日當空去戶外活動都無有怕。 · 清爽零負擔：雖然防水力強，但落妝唔難，普通卸妝產品就搞得掂。 👩‍🦰 適合邊啲人用？ · 混合肌/油肌：用完係啞緻爽身感覺，好鍾意。 · 乾肌/秋冬：如果用之前唔做足保濕，會覺得有少少乾爭爭，建議妝前要做好保濕打底。 💄 化妝兼容度 · 等一等先上妝：最重要係等佢完全成膜（大約等2-3分鐘），之後上粉底會好貼服，唔會起擦字膠。 · 唔建議用作妝前保濕：如果追求保濕滋潤妝效，呢款唔係最適合，可以揀金粉瓶。 ⚠️ 用前小貼士 記得用之前一定要摇勻！如果無摇勻倒出嚟嘅液體會水還水、油還油，影響防曬效果㗎！ 總括來講，如果你追求極致清爽、超強防曬，呢支係夏天必備之選！

雪雪好用推薦：最近入手左呢支Biore智能水感防曬慕絲，佢支出黎好似唧蛋糕唧花咁，幾靚幾特別。防曬慕絲係白色的，慕斯質地，順滑易推，有少少提亮膚色，不過只係少少only ，追求明顯提亮的美女們，呢支就唔啱喇。 呢支防曬有SPF50+，可以隔離UVB，防止曬紅曬傷，而佢嘅PA++++可以預防UVA引起的色斑，室內戶外都夠哂用。 佢賣點仲有防水耐汗，非常適合香港嘅夏天使用，不過如果留咗好多汗，都要注意要補搽防曬。 防曬質地方面，佢都有少少笠，可以用碎粉/爽身粉保持乾爽。 整體黎講，支防曬都幾好，質地輕盈，防水耐汗，價錢唔算貴，大約$120，都可以入手一試。 #防曬

Luna好用推薦：Biore防曬慕斯測評 質地方面，佢唧出嚟係真·慕斯狀，即係棉密嘅泡沬，好似cream咁，但一拍開就化水，好快乾爽。比起傳統防曬乳液，呢支感覺輕好多，零油膩，油肌、混合肌夏天用都啱。 推開後無泛白，自然到近乎透明，唔影響後續化妝，可以直接當妝前底霜用。SPF50+ PA++++，日常戶外都好夠。 要講缺點嘅話：慕斯質地比較快乾，上臉要快手推勻；有輕微酒精味，皮膚敏感或對酒精唔耐嘅人要試吓先；保濕度一般，乾肌冬天用要諗下打底。 總結：呢支好適合香港夏天潮濕天氣，快吸收、唔立、唔泛白。怕油、怕悶、想要清爽防曬嘅話，值得試。皮膚偏乾嘅朋友就要配合保濕用。 真心推介比追求「上咗等於冇上」嘅朋友！

Pin好用推薦：見到 5.7 ⭐️同D comments 都好似幾好所以買嚟試吓，買咗先見到Ingredients係有Alcohol 😰即刻唔敢試上面. 唔想嘥咗佢唔用，嘗試搽喺兩邊手臂手背，感覺非常乾🫪完全感覺唔到有少少🤏滋潤成份，應該係酒精成份令到一搽上去再推開已經好乾，酒精揮發時會帶走皮膚水分，導致肌膚乾燥。（有關含有酒精成份對皮膚影響上網都可以查到） 同D reviews 所寫既用𢓭感好大差別。如敏感同皮膚薄、中性皮膚、及想有一般防曬最基本既moisture ，建議自行考慮。

Sandy好用推薦：見到個post有人介紹「 #火熱新品 」 今日買支試下，上手容易推開感覺舒服 又唔會黐立立😀 我本身係乾皮膚 用完之後皮膚多左水潤感覺😀 因為容易出班，所以露出皮膚 如手背手臂我心得是每日出街都會搽防曬 😀防曬好重要㗎 😀 同我相同年紀朋友 手臂冇搽防曬出街 年紀大了。出咗好多黑色一點點嘅雀斑。 所以除咗面部頸部一定要 所有露出皮膚都需要搽😀😀😀 😀

Yeonjung好用推薦：Excel「溫和全效水感防曬精華」 總體評分：⭐️⭐️️⭐️⭐️ (4.5/5) 呢支嘢最近真係好 hit，因為佢將防曬同護膚二合一，好啱而家鍾意簡化護膚程序嘅女仔。 ⭐️質地：清爽到好似無搵嘢！ 佢真係對得住「水感」呢個名！質地係白色乳液狀，一推開就化水咁，好快就吸收曬。搽完塊面係完全唔白、唔痴立立，仲有少少保濕嘅感覺。就算你之後再化妝，佢都唔會擦出擦膠碎，妝容會好貼服。 ⭐️防曬效能：返工出街都夠用 佢係SPF50+ PA++++，最高防曬級別，日常返工、行街、揸車用絕對足夠，可以抵擋 UVA 同 UVB。佢話可以隔離埋空氣污染微粒，仲有提亮膚色嘅效果，但呢啲就當 bonus 啦。 ⭐️溫和度：敏感肌友善 佢無酒精、無香料、無礦物油，而且有加入保濕精華成分。用落真係好舒服，唔會「乸」眼，敏感肌用都冇問題，用普通洗面乳就可以洗乾淨。 ⭐️總結：邊啲人適合用？ · 懶人一族：想一支搞掂防曬同乳液，慳時間 · 混合肌/油肌：最怕笠，呢支零油感你會鍾意 · 日常化妝人士：當妝前底霜用，唔會影響妝容 要注意嘅位：如果係大汗或要去戶外暴曬（例如行山、游水），就要揀返專用嘅防

Jasmine L好用推薦：excel溫和全效水感防曬精華質地好水好清爽，同精華液一樣咁輕薄，一推即刻吸收，完全唔黏膩，T字位同鼻翼都好舒服，冇加重油光問題。 防曬系數強，日常返工夠用，仲帶有自然柔光效果，搽完皮膚即時透亮少少，毛孔感都柔和咗。 敏感肌用落去零刺痛，溫和度高，控油力中等偏上，半日至大半日都算穩定，唔會好快出油。主要係提亮同防曬為主，整體輕盈舒適，夏天用特別合適。性價比不錯，值得日常入手。

Youpi 好用推薦：夏天出街好多時都需要補防曬，今次試用呢支「NIVEA 專研絲滑輕盈UV防曬棒」，最大嘅優點的確係方便。佢體積偏細，放入細手袋或者衫袋都冇問題，而且直接扭出嚟搽，唔會整污糟對手，喺戶外補防曬的確比傳統防曬就手好多。質地方面，呢支算係做得幾清爽。佢搽完之後係Matte嘅效果，唔會令塊面反光或者覺得油膩。 我個女(9歲)唔鍾意搽防晒，因為唔鍾意黏笠笠的感覺 (對手同身體都怕)，呢枝防曬棒佢就好鍾意。 佢係無香料配方，對氣味敏感嘅人會比較容易接受，例如我老公。雖然防水防汗嘅持久力需要更長時間同去戶外活動先測試到，但如果只係講日常行街、補塗嘅便利度同埋清爽感，呢支防曬棒嘅表現係合格有餘嘅，適合怕麻煩嘅朋友。 另外，我鍾意佢有expiry date，好清楚知道幾時到期，唔怕買咗過期貨，質素更有保證。

Winnie Soo好用推薦： 感謝@cosme 的邀試用 Nivea 專研絲滑輕盈UV防曬棒 我個人喜歡嘅防曬係搽完唔黐立立、同冇香味 (所以多數揀敏感肌) 我本身比較少用防曬棒 因為之前嗰支搽完會唔均勻同埋泛白 不過防曬棒嘅好處就係可以帶出街使用亦都唔怕搞到隻手黐立立 啱曬成日出門口都好趕嘅我XD 今次試用Nivea 專研絲滑輕盈UV防曬棒 啱啱好符合曬我想要嘅野！個設計角度都可以搽到鼻樑同埋眼之間嗰啲凹位！ 搽咗一陣上面已經成膜！(摸到同啱啱搽上去嘅感覺唔同 唔會黐立立) 不泛白！我又唔覺得乾 同埋呢一個防曬棒完全冇香味 啱晒我隻眼！ 我呢排返工就係搽呢個 趕住出門口係lift搽真係好方便XD 榮登我最喜愛防曬Yeahhhh～ 不過我呢排都係返工放工 比較短時間係室外 冇咩特別喺戶外曬嘅經驗 比較難評論佢戶外防曬嘅功效如何 感覺防曬正正常常啦 會繼續使用～

Monkeyk好用推薦：我本身個人比較麻煩，同埋好鐘意試新嘢，真係會回購甚至空瓶嘅嘢數埋10樣都冇，但係呢支lavender rose# 10, 真係我回購咗而家用緊第四支，一去日本就會買，因為平啲，我本身皮膚混合性偏非常之乾，同埋長期瞓得唔好膚色好蠟黃，搽完佢之後成個氣息真係好好多，但又唔會白得好唔自然，如果懶唔化妝就咁搽佢已經可以提升氣息，如果要化妝搽完佢先化粉底都用少好多，不過有時去到冬天極乾嘅天氣搽佢係有少少偏乾，見到自己面頰會係有少少發霉嘅跡象，但唔多呢個情況(留意返我年紀都唔細,應該好小人好似我乾到咁)有一次買錯咗另外一隻色#01係粉底嘅顏色，都好用，我諗比較適合皮膚唔太黃嘅人，我都繼續試緊其他嘅替代品，想再平啲，但暫時仲未搵到🤭

Chloeincosme好用推薦：Decorte的碎粉係我最愛，所以收到呢支cc cream做禮物都幾開心😍 佢嘅提亮同均勻膚色效果都唔錯，雖然遮瑕度屬中等，黑眼圈/ 痘印要額外遮瑕，但日常返工完全夠用～ 🤍 均勻提亮：4.8/5 淺粉色調細緻自然，上臉後膚色即時透亮均勻，偽素顏感一流！ 🤍 遮瑕度：3.5/5 均勻膚色效果好，但明顯瑕疵要疊加遮瑕產品先夠～ 🤍 持久度：4/5 帶妝10 小時鼻翼明顯溶妝，一定要碎粉定妝！整體妝感依然保持得唔錯～ 總結： 呢支cc cream適合追求自然提亮同快速出門嘅人～😂雖然價錢偏高同遮瑕力一般，但作為偽素顏神器值得投資！推薦俾所有想打造透亮底妝嘅你！

Fng好用推薦：SOFINA iP 亮肌抗斑防曬乳霜｜ 混合偏乾肌嘅「防曬＋淡斑」二合一實驗！ SOFINA呢支「iP防曬乳霜」新推出，聲稱可以一邊防曬一邊抗斑，對於又怕斑又怕黏嘅混合偏乾肌來說，真係好吸引😍 ☀️ 質地與膚感： 擠出嚟係白色乳霜狀，質地似輕盈版妝前乳。推開時有少少潤色效果，吸收速度中等，完成後皮膚呈自然光澤感。對混合肌來講，冬天用剛好，夏天就可能要減少用量。 ✨ 防曬與淡斑效果： · 防曬力：SPF50+ PA++++足夠日常通勤，試過戶外活動3小時無曬紅 · 抗斑表現：用咗兩星期，鼻樑同顴骨嘅雀斑無明顯加深，甚至覺得有輕微提亮效果 · 保濕度：含有透明質酸，無一般高係數防曬嘅拔乾感 💡 獨家技術解密： • ADVAN技術：提升防曬膜均勻度，減少漏防曬嘅情況 • 洋甘菊ET精華：針對紫外線引起嘅斑點形成 同舊版SOFINA藍小花比，呢支更注重抗斑功能；同ELIXIR抗皺防曬比，就清爽得多。 ⚠️ 需注意： · 潤色效果，黃肌用可能會有少少灰白感 · 建議用卸妝產品徹底清潔 🌟 「防曬＋淡斑」組合心得： 我發現如果朝早潔面後，直接跳過乳液步驟，單用呢支防曬乳霜，反而效果更

Desse好用推薦： Sofina UV Protector 03 產品介紹係一款專為容易出斑、膚色不均和敏感肌而設嘅高效 #防曬 產品 啱曬我喱啲一曬就出斑嘅人.. 咁就當然要買嚟試吓😶‍🌫️😶‍🌫️😶‍🌫️😶‍🌫️ 💡防曬指數高 SPF50+ PA++++ 可有效阻擋UVA/UVB 防止色斑和曬傷形成，特別適合香港強烈紫外線環境 平時室內環境番工就絕對夠用👌🏻 💡亮肌效果 內含多種抗氧化成分及美白成分，有助抑制黑色素生成，慢慢修正膚色不均，提算肌膚 #透明感 睇相其實都好明顯… 一搽就提亮咗好多💓 💡質地輕盈保濕 乳霜狀但吸收快，不黏膩，適合全天候使用 就算喺office開住冷氣，都唔會覺得乾，個妝亦無起乾紋💓 💡溫和親膚通過敏感測試，無添加酒精和刺激成分，敏感肌、易泛紅肌都啱用🧏🏻‍♀️ 💡質感細膩不泛白 推開後呈現自然光澤，唔會白面或厚重，還有輕微修飾毛孔效果🧏🏻‍♀️ 總結嚟講呢🧏🏻‍♀️🧏🏻‍♀️ 用完一支，無覺得有多咗曬斑.. 至於淡斑功能就so far唔太覺得 但係亮肌功效絕對閃杠杠得！💓 #日系 防曬好多時都容易泛白.. 但呢款好ok! 我覺得會適合追求美白護膚和高防曬同時兼

Kmggigi好用推薦：全效濾光護膚 UV 乳液 — 輕盈快成膜、防曬同打底一次過搞掂✨ 質地: 呢款 UV 乳液質地好似清爽乳液咁，完全唔厚重， 一開始推開非常容易，延展性好高。 不過佢成膜速度都算快， 上面時記得要快手啲推勻，咁效果會最靚。 效果: 上臉之後完全唔會泛白，反而會有少少霧面效果， 但同時塊面會變得亮白有光澤， 係果種乾淨、自然嘅好皮膚質感🤩 🔽下面係搽完推開後嘅效果，一啲都唔厚重🔽 用完之後唔會覺得黏笠，黏立感好低， 直接當妝前打底用都 OK。 之後上粉底都好貼服，唔會好易起擦子膠碎， 妝面乾淨又穩定😎 🔽搽上面嘅效果，好有光澤、🔽總結：清爽、防曬、妝前打底三合一的實用之選 想搵一支唔厚重、唔泛白、 又可以直接接住上底妝嘅防曬？ 呢支全效濾光護膚 UV 乳液真係幾方便又好用， 日常必備！✨

Karman28好用推薦：我已經係回購第三支。 我日常都係會化妝出街，所以防曬一定要同護膚品同化妝品都唔撞，唔起擦膠碎，又唔可以太笠，呢隻就符合到。 佢本身係少少既淡粉紅，我覺得有好輕微做到調色既效果，提亮到我本身少少暗黃既膚色。 防曬系數黎講，佢係PA++++,SPF50+，完全夠哂日常活動。同埋防曬能力，anessa 呢個牌子十分可信。 而我係四季用呢支防曬都覺得係十分合適，就算皮膚唔穩定時用佢都無問題。

mandy好用推薦：Too Faced  HANGOVER GOOD TO GO  防曬保濕乳霜 SPF25 帶明顯椰子水香味，保濕力很不錯。 質地不油不笠、延展性很好。 使用後，肌膚感到水潤不泛白。 比較來說，Too faced 防曬保濕乳霜 質地上未有Allie/ Biore/ Charlotte Tilbury 防曬的清爽度， 但又不至於有油膩感。 含有不少對肌膚有益的成分, 如保濕、抗氧化 及 鎮靜消炎成分等。 適合OL返工使用， 如需到戶外，則最好 轉用SPF50 PA++++的防曬產品， 提高對肌膚的保護。 如果大家喜歡高SPF、接受不了椰子水香味 或是 很追求清爽的使用感, 可能HANGOVER GOOD TO GO 就不夠適合。 最好買之前去專櫃看看, 如果真的受不了椰子水香味, 也不要勉強。 含防曬成分: 帕索 1789, 甲基水楊醇, 水楊酸鹽 及 奧克立林 保濕成分: 廿油,丁二醇, 醋酸鹽維他命E, 玻尿酸鈉, 錫蘭肉桂樹皮萃取, 荷荷巴油, 乙基己基甘油, 菊粉, 乳酸桿菌發酵物 及 肌氨酸 肌膚修復成分: 甘油, 玻

Noel好用推薦：本身已經係粉色 Hangover Primer 的fans，知道出了帶防曬功效的藍色包裝，就快快用完手上既底霜，入手這一枝😆😆😆 坦白講，無論質地和味道，滋潤效果，和原有版本都很接近，唯獨塗完全面，這款有小許膩的感覺。可能加了防曬功能的副作用。 對於乾性皮膚而言，Too Faced 是我最愛的 Primer 品牌。一枝就能夠做到滋潤皮膚，減少皮膚紋理，又能夠防曬打底，令你提升皮膚的質素再上底妝~

Noel好用推薦：女士愛美白，怕曬黑，同時亦擔心衰老🧐 紫外線容易令皮膚老化，要抗衰老，就必須每天塗防曬霜。除了面部，手腳的防曬功夫都不能馬虎！Sekkisei 雪肌精的瑩透煥肌效能防曬乳，防曬系達高標準 － SPF 50+ PA++++，足夠應付夏日戶外活動，對抗紫外線侵害。 💙 瑩透煥肌效能防曬乳，藍色小胖胖的包裝，非常高辨識度。防曬乳呈白色，乳液質感，塗到皮膚會有一點變白，個過幾分鐘，這個“泛白”就會消失👌 使用感極好，乾肌感覺水潤不黏笠，補濕力剛剛好，不會油油的❗ 因為高SPF 同時又有滋潤感，個人喜歡將它當成下妝前產品使用。而且這款 CP值很高，容量比起其他中價防曬多！這罐快要空瓶了，下瓶會試試同系列的白色小胖胖🤍

橘子貓好用推薦：這顆小藍胖子已經打敗Shisedo和Anessa在我心目中必須回購的防曬位置！ 質感偏輕，流動性較高，初時上臉有點輕微泛白，成膜後會減低。成膜後，膚感會變得乾爽，適合混油肌。 重要的是，防曬度高，長期戶外活動下真的不曬黑。然後，抹近眼皮、眼圈皮膚也不會薰眼，出汗時也不會流白汗，可安心使用。 $155有足足50ml，比許多專櫃品牌（30ml）的多近一倍！我每天使用量近一個1元硬幣的情況下，也快1個半月才用完一枝，CP值真的非常之高。 現在基本用一囤一，超滿意！

Fng好用推薦：我係熟齡混合偏乾肌，香港又濕又焗又成日開冷氣，搽防曬最怕笠黐黐同假白。入手呢支 CPB 御齡養膚型防曬乳霜（SPF50+ PA++++，50ml / 約HK$539-800），膚感冇得輸😊！ 🧴 質地：絲滑乳霜，唔立唔假白 擠出嚟係淡白色乳霜，質地幼滑好似精華一樣，輕輕一推就化開，吸收速度超快，完全冇油膩感。我試過搽完直接上粉底，冇卡粉亦冇擦膠碎，順滑到不得了！零泛白，敏感肌嘅朋友都唔使擔心，配方無添加酒精同香料，用起身好溫和。 ✨ 養膚 vs 修護：名副其實嘅「抗老防曬」 一支防曬竟然含有超過50%嘅護膚成分！用完最驚喜嘅係，膚質肉眼可見變滑溜同細緻。呢支嘢仲識過濾藍光，吸收對皮膚有益嘅紅光，平時對住電腦手機，啲傷皮膚嘅藍光就交俾佢擋住。 🌞 清爽持妝：全天候防護，懶人恩物 喺又濕又熱嘅香港，搽完面之後即刻清爽成膜，全日冇補塗都冇有怕，出汗之後都冇流白湯。夜晚只需普通洗面奶已經可以輕鬆卸乾淨，懶人必備！ 💸 總結：貴得有道理，值得 坦白講，呢支防曬係我今年用過最貴嘅，但每次用完望住塊面嗰種自然透亮感，都會覺得錢真係冇白洗😂。如果你同我一樣係熟齡偏乾肌，又想一支搞掂「防曬＋抗老＋

Sarah好用推薦：挤出来系柔滑嘅乳霜质地，推开完全唔会卡、唔会搓泥，吸收之后皮肤会出一层自然嘅柔光，唔会干到紧绷。 我系混干皮，冬天用够润，夏天用會有d闷，易出油。 整體來說防曬效果不錯，但唔適合夏天用。