不泛白(防曬) 推薦好用產品

Selena好用推薦：呢支防曬嘅質地水潤，用左唔會有假面感🎭，不泛白，一啲都唔笠！我以前唔搽防曬就係因為試過嘅防曬好笠，自從用左呢支防曬後，我每日都堅持搽防曬！ 另外，呢支防曬唔會同我用開嘅護膚品打架，唔會起擦子膠碎。我會再回購呢支防曬！

Retinairis好用推薦：購買原因還是因為推薦。 買回來用後後悔了。 先不說味道有點刺激我的眼睛，因為我很多東西也有過這樣的問題。 可能希望越大，失望越大。 看照片可以看到是又厚又有油亮亮的膜。 在臉上還有感覺，是一層膜糊著。 10分鐘都還未乾………… 而且還和底妝打架呢～ 性架比是高，但用不了還是浪費錢。 只推薦窮學生黨((現在學生都比我還有錢((哭

Chloeincosme好用推薦：呢排用緊 Avene 防曬乳液 (SPF30 PA+++)，適合室內日常防曬，但戶外活動就會唔夠力。質地唔算厚重，但都唔算好水潤，冬天用唔夠保濕。不過成分溫和，敏感肌用完全冇問題！ 🤍 防曬力：3.5/5 室內使用足夠應付，但如果長時間戶外活動或夏天暴曬，就會明顯唔夠力，需要補塗或轉用更高係數～ 🤍 質地與保濕：3/5 質地偏乳液狀，推開算容易，但保濕度普通～乾肌冬天用會覺得有啲繃，建議要先做足保濕打底！ 🤍 溫和度：5/5 真正為敏感肌設計！完全冇香料、酒精，就算皮膚泛紅或狀態唔穩定時用，都零刺激，仲有舒緩效果～ 總結： 如果你係敏感肌，主要喺室內活動，Avene呢支防曬係穩陣之選～溫和得嚟日常夠用，但保濕同戶外防護力就稍嫌不足。未必回購，想試下其他更高防曬系數嘅產品！

hmpanda好用推薦：非常易推清爽，沒有泛白問題，唯一矛盾是，夏天用會覺得spf30不夠，冬天用會覺得不夠保濕(需要先用保濕cream打底)，所以結論是適合潮濕陰天(&認為任何天氣都必須用防曬的人)使用。

Hamiii好用推薦：最近入手既防曬， 質地輕薄，快成膜， 粉色呢支對皮膚有潤色功效， 幾唔錯👍🏻

agnessstang好用推薦：一向都幾鍾意ALLIE嘅防曬 性價比高 又有唔同質地同顏色選擇 有日行Donki見到呢款限定櫻花色🌸就即刻買咗 完全抵抗唔到粉嫩嘅包裝+限定色🤣 淡粉色 好似忌廉嘅乳霜質地 有淡淡嘅花香味 易推 微微提亮效果 比較乾嘅位置會有輕微擦膠碎問題 但不太影響後續上妝 當素顏霜用幾方便

Ruby Wong好用推薦：呢張相係入定貨for今年夏天用，佢係我每年夏天必備防曬item,己經無限回購，記憶入面已經係第五支！🖐🏼😜 真心，夏天要有佢坐陣先夠安心，本人皮膚屬於偏白易長斑類型，所以一直對於防曬都好挑剔！不同嘅場合我會搽不同嘅防曬，但係呢支永遠都會係我嘅化妝袋入面。 我嘅工作經常要四圍走，夏天嘅太陽對我嚟講係硬傷！但係，呢支防曬，搽左真係唔會矖黑，保護力超好！而且質地輕薄水潤，唔會痴衫，仲有少少調色作用♥️ 我所講嘅唔會曬黑，係行山去旅行去沙灘果隻，普通防曬不能比擬！當然公平啲咁講，去沙灘我係唔會落水嘅，但係佢一般防汗係好ok的。 基本上市面上既太陽油大部我都試過，呢隻真係天花板（其實資生堂出嘅防曬都非常之好），真心推介！但係，佢亦都唔平，但係既然效果顯著，唯有豪俾佢啦！

Haidy好用推薦：Shiseido防曬有多好用不用我說吧🤣防曬能力超級好!!!!佢峇里島玩了一整個禮拜也沒有曬黑，價格有點高之外，其他都很香❤️就是用來查身體有點心痛，不過為了防止曬黑也是需要的😗 乾皮有另一款白色文字的那個，也超級好用!!!!超愛!!!抺上面完全不會卡粉 這款不會拔乾，也不會和後續化妝品打架~質地也很乾爽的~油皮必備

Wuxx好用推薦：早排去完韓國旅行係olive young入手左唔少美妝， 其中一樣就係依個白樺樹防曬。 如果要我簡單介紹，我會形容佢為存在感零防曬。 擠出黎係凝乳狀，唔泛白，無咩特別香味， 保濕度都足夠，輕盈不黏膩，易推開同吸收， 上臉成膜後唔會同底妝打交， 雖然話係零存在感防曬， 但佢係有好好做以防曬功能， 同時唔會令你察覺到佢嘅存在～ 唯一扣分位係無防水， 夏天易流汗嘅朋友可能要注意需要經常補搽防曬。 另外我仲入手左佢嘅防曬棒， 方便日中出街補防曬。 雖然係硬膏條狀， 但搽上手都有感受到有保濕效果， 唔會因為形態改變影響產品本質。 目前使用感良好，之後都應該會再入手～

Elaine好用推薦：好好用，完全唔笠，又唔會同其他化妝品有reaction 質地好容易推開而且唔會泛白 大推！！！！！

YiN好用推薦：因為本身我個人好容易曬黑，所以我對防曬嘅效能好有要求。之前試過同品牌藍色aqua rich，搽咗都仲會曬黑，我朋友就同我推介呢一隻，話點曬都唔黑。用咗大半枝，暫時效果都好滿意。本身有spf50+, PA++++，度數夠哂高。Tube裝單手都開到蓋，用落都好方便。唧出嚟係cream狀好易推到亦都好水潤，搽完唔會好油好笠。少少可惜係佢嘅防曬味都幾重，我自己本身唔太喜歡防曬陣味，但係為咗效果我都係忍咗。佢冇tone up嘅效果，搽完只係有令令地嘅光澤。對我嚟講呢個絕對係優點，首先單搽唔會揩污糟啲衫，然後我係一定要將防曬搽得夠份量先有安全感嘅人，如果佢本身有色，一搽厚就會變到面具咁。 整體嚟講，我覺得係一支幾好嘅防曬，喺未搵到第二支防曬味唔重又好用嘅防曬之前，我應該會回購。 #防曬

Ceccinmydin好用推薦：Biore Athlizm 呢支防曬，主打防水，高spf，推介戶外運動嘅時候用喺身上，油性皮膚用上身好正，但上面就有啲焗 膚感： - 乳霜狀🧴，好似gel cream，順滑易推開 不過搽上面之後感覺成膜後有啲油潤，略嫌厚重咗少少，個人唔太鍾意呢種滋潤感 - 氣味唔算明顯，冇乜防曬味/酒精味 防曬效果 ☀️： - 佢用咗「Tough Boost UV」技術，標榜極防水、耐汗、耐摩擦 - 實測夏天去沙灘嘅時候用，喺又熱又濕又玩水嘅環境，都覺得佢keep到持久，唔易甩，最後都冇曬黑到 - 大容量70 mL，好啱用喺身體上 我會將佢定位為「戶外活動專用」嘅身體防曬🤔 推介大家喺戶外活動、行山、游水或者夏天出街暴曬嗰陣用，平時喺冷氣房或者秋冬季，我可能會揀返其他清爽啲嘅產品

Noel好用推薦：女士愛美白，怕曬黑，同時亦擔心衰老🧐 紫外線容易令皮膚老化，要抗衰老，就必須每天塗防曬霜。除了面部，手腳的防曬功夫都不能馬虎！Sekkisei 雪肌精的瑩透煥肌效能防曬乳，防曬系達高標準 － SPF 50+ PA++++，足夠應付夏日戶外活動，對抗紫外線侵害。 💙 瑩透煥肌效能防曬乳，藍色小胖胖的包裝，非常高辨識度。防曬乳呈白色，乳液質感，塗到皮膚會有一點變白，個過幾分鐘，這個“泛白”就會消失👌 使用感極好，乾肌感覺水潤不黏笠，補濕力剛剛好，不會油油的❗ 因為高SPF 同時又有滋潤感，個人喜歡將它當成下妝前產品使用。而且這款 CP值很高，容量比起其他中價防曬多！這罐快要空瓶了，下瓶會試試同系列的白色小胖胖🤍

橘子貓好用推薦：這顆小藍胖子已經打敗Shisedo和Anessa在我心目中必須回購的防曬位置！ 質感偏輕，流動性較高，初時上臉有點輕微泛白，成膜後會減低。成膜後，膚感會變得乾爽，適合混油肌。 重要的是，防曬度高，長期戶外活動下真的不曬黑。然後，抹近眼皮、眼圈皮膚也不會薰眼，出汗時也不會流白汗，可安心使用。 $155有足足50ml，比許多專櫃品牌（30ml）的多近一倍！我每天使用量近一個1元硬幣的情況下，也快1個半月才用完一枝，CP值真的非常之高。 現在基本用一囤一，超滿意！

Kmggigi好用推薦：全效濾光護膚 UV 乳液 — 輕盈快成膜、防曬同打底一次過搞掂✨ 質地: 呢款 UV 乳液質地好似清爽乳液咁，完全唔厚重， 一開始推開非常容易，延展性好高。 不過佢成膜速度都算快， 上面時記得要快手啲推勻，咁效果會最靚。 效果: 上臉之後完全唔會泛白，反而會有少少霧面效果， 但同時塊面會變得亮白有光澤， 係果種乾淨、自然嘅好皮膚質感🤩 🔽下面係搽完推開後嘅效果，一啲都唔厚重🔽 用完之後唔會覺得黏笠，黏立感好低， 直接當妝前打底用都 OK。 之後上粉底都好貼服，唔會好易起擦子膠碎， 妝面乾淨又穩定😎 🔽搽上面嘅效果，好有光澤、🔽總結：清爽、防曬、妝前打底三合一的實用之選 想搵一支唔厚重、唔泛白、 又可以直接接住上底妝嘅防曬？ 呢支全效濾光護膚 UV 乳液真係幾方便又好用， 日常必備！✨

Fng好用推薦：Anessa Sun Daul Care Day Serum 防曬精華二合一 ✨ 質地與使用感 呢支防曬精華質地似輕薄乳液，推開後有微微水感，吸收速度快，唔會留低黏膩感。香港夏天用，兩頰保濕度足夠，T區亦無泛油光，後續直接上粉底好貼服，唔會搓泥。添加咗透明質酸同植物精華，當日常保濕精華用都得～ 🌟 防曬與護膚效果 SPF50+/PA++++防曬力足夠應付通勤同戶外活動，試過周末行山2小時無曬紅曬黑。最大驚喜係護膚功能，帶妝8小時後卸妝，皮膚無暗沉繃緊，反而摸落滑溜咗。適合懶人想一支搞掂防曬同基本護理～ ⚠️ 局限性 控油力普通，大油肌夏天可能要加控油妝前。價錢中上（約$250/30ml），同開架防曬比稍貴。潤色效果近乎零，追求修飾膚色要疊加底妝～ 🆚 同類似產品比較 · VS Anessa金瓶防曬：金瓶防水抗汗更強，適合暴曬玩水；呢支Day Serum保濕同護膚成分更多，適合日常通勤～ · VS Sofina iP防曬：Sofina主打抗老同潤色；Anessa呢支側重保濕同輕盈感，皮膚負擔更細～ · VS Allie礦物防曬：Allie潤色同光澤感較強；Anessa呢支追

維他他好用推薦：幾好用，好水潤，好易推，冇乜味道，好薄好滑，價錢又唔貴，主要夏天用，搽手搽腳搽頸，又好似真係冇黑到，有d料到！👍🏻

nonlu好用推薦：質地清爽唔立，不過 都會feel到有存在感 可以用普通洗面乳清洗，不需要特別卸妝 會再回購

Chloeincosme好用推薦：最近買咗Vaseline嘅日常防曬提亮精華液，用後感真係好好。呢款防曬美若其名：似足精華液！質地輕盈，容易吸收，塗上去之後唔會黏膩，搽防曬好似搽cream咁，即時感受到肌膚變得更加水潤，完全唔會太過厚重！ 而佢既基本功能防曬力都十足，擁有SPF 50+PA++++嘅保護，對於日常出街/ 做運動都非常合適！ 我真係好推薦！如果你想要一款價錢相宜，防曬力又十足既身體防曬，Vaseline呢款防曬絕對值得試下！

JessicaB好用推薦：☀️投奔夏季，背心短裙仔都要出動喇😎！香港嘅夏天太陽猛烈，紫外線指數又高，一定要高度防曬呀🥵，仲要keep住💦水潤透光嘅肌膚，凡士林嘅「日常提亮防曬精華液 SPF 50+ PA++++」，仲有泰國🇹🇭每8秒賣出1支’ 嘅「肌亮水潤精華凝乳 Dewy Radiance」就係Caca今個summer嘅防曬partner 🙌🏻！ 🩵【凡士林日常提亮防曬精華液 SPF 50+ PA++++】 😎室內、室外，都有效抵禦5大肌膚傷害。 🈶助防止UVA & UVB紫外線對肌膚造成傷害，適合每日使用🫶🏻 🈶效抵禦空氣污染~、藍光及冷氣乾燥等傷害 🈶維他命B3、C 及E，為肌膚注入所需營養，散發自然透亮光澤*。 🈶效快速吸收，質地清爽不黐笠

TsuenMa好用推薦：Cle de Peau #高效防曬 #修護細胞 產品介紹： 採用深層細胞抵禦科技，此技術可以駕禦及過濾破壞性光線 –藍光及紅外線，並選擇性地讓陽光中對肌膚有益處的紅光傳遞到肌膚。長期使用下，可以令改善細紋💖 產品質地： 偏潤、易推，淡黃色，配有蘭花同玫瑰嘅淡淡花香。 用後感： 上面後會有輕微黏膩感，但好快會溶入左皮膚，無太大厚重感，不過後續吾上任何粉類產品，可能會摸到有啲笠笠地嘅感覺。 我好看重防曬夠吾夠輕薄、防曬系數夠吾夠高，會吾會可以multi function，一枝就可以handle 2-3個steps，雖然佢呢枝無提亮、均勻膚色，不過佢有護膚成分，一枝防曬就可以做埋妝前乳霜，從而減少厚重感，又可以搽少啲，比皮膚易吸收啲，上妝速度會快啲😉 呢點有加分。 如果講到佢標榜有嘅改善細紋效果，我就有些微保留，因為始終有用其他護膚產品，吾可以斷定係米佢嘅功勞🙈

JuneL好用推薦：第一次用呢個品牌的防曬，買時係因為它除防曬功效外，同時還有護膚效能，所以就算價格唔平，也要試試。 質地滋潤，容易推開，帶少許黏笠，乾性肌或秋冬時使用會較啱。帶有淡淡的花香，用後肌膚不會出現泛白情況，帶光澤感，加上呢支防曬同時具修護功效，肌膚用後有滋潤保濕感。 一枝防曬可以做埋護膚及妝前底霜，皮膚無咁多負擔之餘，膚質比起單用防曬時，確實變得柔軟潤澤。

Tobimak好用推薦：呢枝sample係響專門店索取的，質地算中等厚度並呈白色，我使用後面上沒有起粒粒。不過佢就同我底妝有打交情況，所以最後我選擇用在手腳上。

wintonggg好用推薦：The Body Shop嘅產品一路都覺得好natural，無色無味，對我依仲唔鍾意太重味嘅用家來講好加分🤣依款防曬霜嘅質地就乳霜狀，唔會好厚重好笠，搽上去好快就變得乾爽，同埋佢SPF有50，所以夏天冬天都幾夠用，冬天用又唔會好令皮膚好乾燥，同埋平時一曬到太陽塊面就勁紅，搽完依個就會避免泛紅問題，皮膚冇咁刺激，所以個人都覺得幾好用！

Sophia好用推薦：Suncut 防曬噴霧使用方便，噴霧細緻，不黏膩，而且沒有泛白現象。我通常用於身體和頭髮防曬，使用前搖勻，距離皮膚約10-15公分噴灑，再稍為輕輕推勻即可。SPF50+ PA++++ 的高防曬系數，即使長時間在戶外活動也能安心，有效防止曬黑和曬傷。它清爽的質地很適合做運動時使用，即使流汗也不會增添黏膩感。噴霧樽身倒轉亦可噴出，噴不同身體部位都更加就手。香味方面，這款是淡淡的花香味，日本經常有出限定味道，防曬都可以好有新意✨️✨️✨️

Heychauchau 好用推薦：具有調色功能的防曬噴霧，而且具有最高防曬系SPF50+PA++++，有效防禦UVA及 UVB的侵害。這支防曬特別的地方在於能夠調整膚色，本身膚色不均及較為暗啞，使用後肌膚亮度提升，整個人看起來也比較精神，所以很適合用作妝前打底，先均勻膚色，能提升後續底妝的亮度。使用時也不太覺得太黏膩，很容易推開，噴霧型的設計不局限於使用在臉，也可用作身體的防曬，令肌膚同步變得自然透亮。

Lydia好用推薦：Biore 晶凝光感防曬乳 — 身體專用防曬同時提亮膚色✨ 質地： 呢支防曬乳質地係水感乳液狀， 唧出嚟嗰下已經feel到好輕盈， 搽上手臂或腳嘅時候推開超順滑， 延展性高，幾下就均勻塗滿一大片皮膚， 完全唔會留低白色痕跡或者一撻撻。 用完之後皮膚表面唔會黏笠， 反而有種絲滑嘅清爽感， 摸落去滑溜滑溜，完全冇防曬嗰種厚重負擔。 最驚喜係佢有自然嘅潤色效果， 搽勻之後皮膚會帶有透明感光澤， 膚色均勻咗但又唔會死白， 好似本身皮膚好咁，自然又有精神。 效果： 用喺身體上面，最加分係佢嘅提亮效果。 夏天著短袖短褲出街， 手臂同腳搽完之後望落光澤感提升， 暗啞膚色即時均勻返， 成個人望落精神晒，氣色好咗好多。 有時著背心或者涼鞋， 露出來嘅皮膚有種自然透亮感， 唔使化妝都覺得成個look upgrade咗。 防曬力方面，SPF50+ PA++++日常用絕對夠， 返工買餸、行街或者戶外活動都安心晒。 佢防水防汗效果唔錯， 夏天行完一陣或者出汗都唔會流到一撻撻， keep住清爽感覺，唔使成日補搽。 最正係佢加入咗透明質酸等保濕成分， 搽完之後皮膚全日keep住水潤， 唔會因為曬住或者冷氣而乾爭

Yeeting 好用推薦：天生黃黑皮膚色嘅我。 只要一到夏天，膚色明顯會深咗2-3度。 加上平日夜訓嘅我，訓得唔夠，喺令皮膚蠟黃嘅元兇。 所以依家除咗用美白產品外，防曬對我嚟講係非常重要‼️ 我平時最常用嘅日本No .1防曬品牌Bioré，鍾意呢個牌子係因為佢多唔同選擇 ，而且係日本製造。 內含美肌成分透明質酸、蜂王乳精華等，全肌膚全天候鎖水。 而且通過過敏性測試，可作妝前底霜，只要on top 加小小遮瑕或者碎粉，就已經好似上左全妝咁，唔洗擔心會有厚重妝感。 每日用都無問題，仲可以對抗光老化問題🧡 而好想推介俾大家嘅💁🏻‍♀️喺Bioré 「晶凝光感防曬乳」。 對於好似我咁，想打造自然白皙膚色，呢枝防曬乳霜就啱曬，好似幫肌膚調埋色咁，即時擊退肌膚暗啞 ！！ 仲要喺無添加人造色素🫶🏻🫶🏻 質地好易推開，而且好快被皮膚吸收。搽上面好自然，唔會好假白 同有光澤感。 仲適合用喺面部同全身！ 今個暑假可以同蠟黃肌膚講「bye bye 」👋👋 你哋都快啲去入手啦‼️ @biorehk_official #Bioré#調色UV之選#晶凝光感防曬乳#自然防曬LIGHTER#暗沉膚色可用#美妝#biore#夏日防曬產

natanatalie好用推薦：🫶🏻專櫃高級防曬🫶🏻 今次帶左呢一支Clarins專櫃防曬去旅行用。效果都幾滿意！🥰 首先講講呢枝防曬嘅價錢，50ml價錢$600，價錢比較貴，不過主打升級UV防護，防曬之餘仲抗污染，有護膚功效，特價時買仲有好多贈品，計落性價比都算高。🙆🏻‍♀️ 佢嘅質地係白色乳液，唔算好流質，推開會有輕微光澤感，令肌膚帶有一種自然嘅光澤，呢個效果我幾中意，因為有時如果唔想化妝，可以就咁用佢，都可以令皮膚睇落好好多！🤤 呢次去旅行，每日都陽光普照，我先用佢做底霜，再用粉底。質地唔笠，而且可以令粉底抓得更實，亦無流白汗嘅情況。幾日之後，皮膚都無黑左無出斑，防曬效果幾好！🤩

Kura好用推薦：呢款防曬真係好好用，質地係偏厚身嘅cream，搽上臉好水潤貼服，有調整膚色嘅作用，夏天搽佢出街都唔會曬黑，又容易落妝，產地係法國，價錢就偏貴小小，不過我都會繼續回購

mandy好用推薦：Biore Aqua Rich UV AQUA PROTECT MIST (水凝系列 -極水感防曬噴霧) 共2款， 其一為沒有香味，另一款則是限定的茉莉小蒼蘭芬香版。 Biore Aqua Rich UV AQUA PROTECT MIST 水凝系列 - 極水感防曬噴霧 SPF50 PA++++ $89.90 / 60ml (買1送1 from Mannings) Biore的防曬噴霧跟Biore其他防曬產品一樣， 比較著重防曬成分及功效，添加比較少的護膚成分。 感覺某些開架品牌的防曬噴霧蘊含多些美肌成分。 水凝系列 - 極水感防曬噴霧的優勢在於細細枝， 不佔空間，隨時帶出街也可以。 此外，極水感防曬噴霧可以均勻地噴灑， 而且非常水感，完全不會有黏笠感，全身及頭髪適用 比市面上大部分的防曬噴霧更清爽，用後也不會泛白。 SPF50 PA++++提供充足的防曬保護，戶外活動也能使用。 推介給喜歡水感清爽使用感的防曬噴霧用家使用。 含防曬成分: 桂皮酸鹽, 二乙基氨基羥基苯甲酰苯甲酸己酯, 乙基己基三嗪宗, 聚矽氧烷-15 及 2，4-雙((4-(2-乙基-己氧基)2-羥基)-苯基

mysecretgarden好用推薦： 夏天要為手腳做防曬真係幾麻煩，搽防曬乳液成日覺得黏膩，所以我就開始留意防曬噴霧。市面上大部分防曬噴霧都含有較多添加劑，直到我試到Biore呢支水感防曬噴霧，見到佢標榜係水劑配方，就決定買嚟試下。 第一次用嘅感覺真係幾驚喜，噴出嚟嘅防曬真係水咁，完全無傳統防曬嗰種厚重感。質地輕薄到幾乎感覺唔到存在，仲帶住陣陣清香，唔會好似其他防曬噴霧咁有濃烈嘅化學味。使用過程真係好方便，對手手腳腳噴幾下 。不過因為佢係水所以都係唔會好似噴霧咁噴得好大範圍，要自己用手搽勻佢。 不過防曬力度就一般啦，如果係日常或者只係出街一陣問題唔大。但係如果要在戶外長時間活動，或者陽光比較猛烈嘅時候，皮膚會有少少曬黑。 另外就係用完之後如果遇到潮濕或者出汗多嘅天氣，皮膚會覺得有少少黏膩感，雖然比起傳統防曬已經改善咗好多，但呢種黏膩感始終都存在。

Fng好用推薦：Sofina Jenne 水油平衡美白防曬乳液▶️質地似輕爽乳液，推開後瞬間啞緻，仲有微微潤色效果，黃調肌用無泛白，後續直接撲碎粉就可以出門，懶人恩物✨ 控油力對混合偏乾肌來講剛剛好——T位keep到3-4小時乾爽，面珠墩又唔會抽乾繃緊。防曬系數SPF50+ PA+++足夠日常通勤，試過30℃戶外活動2小時無曬黑，但流汗後需要補搽（輕微有白痕）。 持久度中上，冷氣房內可維持半日，出油後無斑駁但光澤感會增加。百幾蚊有提亮+防曬+控油三合一，性價比超高！ 推薦給：✔️ 混合偏乾肌找平價多功能防曬 ✔️ 黃肌怕泛白 ✔️ 短時間戶活動需求！

dor.r好用推薦：Sofina防曬係我嘅必備妝品之一，一定要有一兩支存貨先安心😂用咗好多年空瓶過無數次，不過近來買咗好多新嘢所以有時都會離棄下佢😜呢支係化學性防曬，質地係液體狀，好容易推，我自己用大概5毫子的份量就夠搽全面，好薄好清爽，唔會泛白，又唔會焗住毛孔出粉刺，油性同混合性皮膚多數都會鍾意呢種冇負擔感覺，不過壞處係佢有陣化學味，呢度扣少少分🤏至於防曬功效都唔錯，試過搽咗佢去行山都冇曬黑，整體而言都做到預期嘅功效👍🏻不過美白功效就唔係好見到😝

sami.mew好用推薦：蜜糖味道很可愛，質地水潤的一款防曬～容易推開，也不會很厚重，很輕透～

Midori好用推薦：大大支好抵用。而且樽身可按壓出來，防曬液十分水潤，用來搽身，有淡淡的蜜糖味，好cute！敏感皮膚用後沒有不適，防曬係數不高，適合平時普通外出用。

mavis好用推薦：買一送一優惠時入手既防曬乳液，意想不到咁好用，完全唔笠，唔會起屑屑

Tiffany好用推薦：質地軒薄易推，塗上唔會過分死白，有些些提亮效果，spf 30日常通勤使用好足夠

Noname 好用推薦：左邊在日本藥妝店隨手買，我搽臉上會有點厚和太近眼燻眼，原諒她因價格美麗😅搽身體也是可以的 右邊經常回購款，不記得用了幾多枝，妝前都可以用，spf50令我放心😊細小便攜👍🏻

Noel好用推薦：其實行街時總見到這個品牌的開架防曬，但都沒有入手... 最近 My Bestie 真的向我推介了 SunCut 金色防曬，所以就即管試試！感覺很驚喜，再看看價格及容量，根本係 “爆 CP 好物”❗ UV Prefect Essence 防曬乳有點水感啫喱的質地，淡淡黃色，味道不難聞👌 KOSE Cosmeport 出品，防曬系數 SPF50 PA ++++，對產品很有信心。塗到面上很水很好推，因為啫喱狀，所以延展性極佳，又沒有泛白問題👍 雖然它是防水配方，但是很 light，沒有焗促感，其他膚質的靚靚也可以試試啊～ 這枝防曬乳又大罐又便宜，高效又不黏笠，塗面塗手腳都適合❗