角質護理 推薦好用產品

Emily Leung好用推薦：日本Freeplus洗面奶，敏感肌最愛的洗面奶！ 這款日本氨基酸洗面奶，讓肌膚感受真正的潔淨體驗，用後肌膚細膩水潤，零刺激。深層清潔的同時，讓肌膚補充水分。洗後一點都不繃緊，毛孔清透，皮膚水潤通透！ 🫧氣味：不含香精和酒精，沒有很刺激的味道，淡淡的味道。 🫧泡沫：輕輕搓揉就能打出細膩泡沫，霜狀質地很綿密。 🫧清潔度：洗得乾淨，洗完臉上是潤潤的，沒有油感。 🫧乾澀：洗後不乾澀，很舒服的。 混油敏感肌用這支真的很安心！臉洗乾淨了，且不會過度清潔。用了半年狀態變好，不長痘痘了，肌膚敏感的狀態也好轉許多，十分推薦！😘😘😘

楊壯碩好用推薦：「Freeplus mild soap」產品測評： 包裝：5/5 ▶️Squeeze tube包裝走極簡風，較為輕盈，使用時方便控制用量。 ▶️每支100克的容量可以直接帶上飛機，不需要托運，它的travel friendly也是我喜歡的一點，不需要再買旅行裝。 效果：4/5 ▶️可以溫和有效地清潔面部皮膚。 ▶️用它洗面後，面部皮膚不會感到乾燥或受到刺激。 ▶️清潔力度較弱，可以用來洗去皮膚上出的汗和油以及沾到的灰塵等污染物，但不能洗掉防水防曬及彩妝，需要額外使用卸妝產品。 成分及配方：5/5 ▶️它使用的主要表面活性劑是Potassium Cocoyl Glycinate，一種氨基酸起泡劑，非常溫和，比較少會刺激皮膚，敏感性膚質的人也可以使用。 ▶️不含香精等致敏成分，更為安全。 ▶️我用pH值試紙測試了其酸鹼度，可見它的pH值在5到6之間（如上圖所示），屬於弱酸性，與人類皮膚天然的pH水平（約5.5左右）相近，這會對皮膚的健康和生態比較友好，因為太酸性和太鹼性的清潔劑都可能會有誘發過敏及炎症反應的風險。 綜合評分：4.7/5

Emily Leung好用推薦：【D Program 酵母益生元柔膚水】用後感：零毛孔係咪真係得？同黑頭講拜拜？ 日本Shiseido旗下嘅D Program呢支「零毛孔柔膚水」最近好hit，話用到酵母同益生元科技，專治毛孔粗大同黑頭！ 我T字位毛孔大到可以插針👃🏻，鼻翼黑頭又多，見到佢標榜「酵母+益生元」可以平衡皮膚菌群、收細毛孔，仲係日本藥妝口碑貨，即管搏一搏！ 💦 質地同用法 · 質地：倒出嚟係半透明水狀，有少少稠身，但推開好清爽，唔會黏笠。 · 用法：我每晚洗面後，倒喺化妝棉度，輕輕打圈抹T字位同鼻翼，當二次清潔用，有時濕敷3分鐘急救毛孔！ 👍 好用之處 1. 黑頭真係少咗！：用咗兩星期，鼻頭啲黑頭冇之前咁「猖狂」，摸落去冇咁多粒粒，乾淨咗～ 2. 毛孔冇以前咁顯眼：尤其係朝早起身，睇落毛孔冇咁「洞洞」，皮膚睇落平滑啲！ 3. 保濕度夠又溫和：雖然係毛孔水，但唔會搞到塊面乾繃繃，益生元成分令皮膚狀態穩定咗，冇咁易出油。 👎 有咩伏位？ · 效果要堅持：唔好期望用一兩次就毛孔隱形，至少要連續用個幾月先見到明顯變化。 · 價錢偏貴：細細支唔平，濕敷會好心痛⋯⋯ · 乾肌可能唔夠潤：主要針對油性/混合

lingbb好用推薦：有一期d program呢個系列網絡上好多廣告，咁岩我都有毛孔問題，而且皮膚間中會敏感就試下入手呢枝零毛孔爽膚水！ 處理毛孔問題我都會先用爽膚水，因為佢係最先被皮膚吸收嘅護膚品，對毛孔收細有關鍵作用，其次可以用作濕敷，係毛孔粗大地方濕敷就會有收細毛孔效果。 爽膚水質地好水，冇乜味，我會取出適量拍上面等佢初次吸收，再浸濕棉花濕敷5-10分鐘，我覺得效果都幾明顯，濕敷後毛孔有被收細，如果皮膚敏感令毛孔粗大呢個方法都可以減輕皮膚泛紅，毛孔自然變返細。 我會推薦俾有皮膚敏感、毛孔粗大嘅膚質。

Meowcat好用推薦：精華質地流質，保濕力夠，快吸收唔笠😍淡淡茶香味，有舒壓嘅作用🤣

Kitty 好用推薦：呢款精華質地係透明水狀，推開好薄身，吸收得快，唔會黐立立。朝早用完再搽防曬都唔會搓泥。用咗大半支，感覺塊面冇咁易泛黃，嘴角同鼻樑啲暗沉位明顯亮白咗，尤其係新鮮嘅痘印淡得好快，成個膚色睇落勻循同透亮咗。 夏天用保濕度夠又唔膩，價錢親民，會繼續回購！

Miaomiao好用推薦：質地係奶白色，比平時用開既枝裝洗面奶偏流質。搓開泡泡唔多但綿密，按摩面部既時候感覺細膩。Cerave本身都主打係皮膚科醫生推薦既品牌，呢款潔膚露冇任何添加香味，用係眼周亦冇刺激覺，敏感皮膚可以放心使用。 夏天痴笠笠想洗乾淨皮膚既油脂，但係冷氣又令皮膚易乾，更加擔心過度清潔會破壞水油平衡。呢枝可以做到洗後清爽得黎唔繃緊，有足夠既補濕能力應對乾燥冷氣環境，有效穩定夏日肌膚。 平時出街主要搽防曬prima/bb cream，再加唇膏同畫眉，有刻意試過用完呢款洗面奶再用卸妝紙抹面，冇抹到任何顏色，證明係卸得乾淨既。可以一次過做曬卸妝+洗面非常方便。 之前都有用過藥妝店常見個款卸妝洗面乳，雖然都卸得乾淨，但係洗完面既感覺比較乾，塊面摸落好"啜"手。Cerave呢款用後既感覺會更加溫和、滋潤。

劉肥貓好用推薦：呢隻潔膚液性質溫和，但佢嘅清潔力比起其他牌子嘅溫和潔膚露強一點 過水即爽 冇香料配方

Emily Leung好用推薦：呢支 #紅茶精華水 真係不得了！ 質地有啲似好稀嘅蜜糖水 撳兩下就夠搽全面 拍拍吓好快就吸晒收 用完塊面即刻飲飽水咁 軟淋淋又唔會黐笠笠 最正係用咗個零星期 朝早起身照鏡 發現個膚色冇以前咁易黃 睇落透亮咗 同埋表情紋好似冇咁明顯 （可能因為皮膚飽滿咗？） 陣味好療癒 好似沖緊壺靚紅茶咁 每次用都覺得好放鬆 總之呢支真係 ✅ 保濕力強 ✅ 抗氧抵暗沉 ✅ 膚感滿分 會想繼續用落去睇吓效果！」

Ming好用推薦：Innisfree嘅產品，使用效果都唔錯，偏向年輕一族使用，呢支紅茶換膚精華霜，用咗大半支，皮膚緊致咗好多，保濕亦都達到，用咗之後皮膚即時感覺到有少少掹掹緊，但係又唔會好油膩，價錢中規中矩，作為日常使用還不錯。

Emily Leung好用推薦：Sofina iP美活能量肌密化妝水測評：貴得有道理？ 各位姊妹，今次同大家分享Sofina iP系列支皇牌化妝水！專櫃姐姐話佢唔單止保濕，仲可以改善肌底、抗初老，聽到我心郁郁，用咗大半支之後同大家分享真感受！ 質地同氣味： 倒出嚟係偏濃稠嘅透明質地，有啲似精華水，推開之後好快吸收，唔會黏立立。味道係淡淡花香，好優雅，有種高級護膚品嘅感覺。 保濕度： 呢支嘅保濕力真係要讚！我係混合肌，兩邊面頰成日甩皮，用咗之後明顯覺得皮膚飲飽水，摸落去好軟滑。特別係妝前用，之後上粉底真係貼服好多，冇再起乾紋。 溫和度： 我皮膚有啲敏感，但用呢支完全冇泛紅或者痕癢，幾溫和。不過如果你係極敏感肌，都係建議耳背試咗先。 效果： 用咗大半支，最明顯係皮膚冇之前咁易乾，同埋膚色睇落均勻咗少少。至於抗老同收細毛孔呢啲功效，就未算好明顯，可能要再用耐啲先見到效果。 有咩缺點： 價錢真係唔平！而且用量都幾快，如果早晚用，大概兩個月左右就用到七七八八。同埋夏天用可能對油性皮膚嚟講有啲潤，要減少量。 總評： Sofina iP呢支化妝水保濕力真係出色，特別適合乾性同混合肌，或者開始想抗初老嘅姊妹。雖然價錢有

mandy好用推薦：Sofina IP Treatment Lotion 角質層修護凝露 $180 / 160ml 功效: 保濕鎖水+修護角質層 角質層修護凝露以保濕成分為主，可以為肌膚補濕， 從而令肌膚更水潤飽滿，並可減少毛孔。 質地水潤，觸感清爽，不是那種黏稠豐潤的化妝水， 一年四季都可使用，油性肌也適用。 有效為肌膚去角質，令肌膚變得更加潔淨亮白， 而用完化妝棉上會有污跡，那就是去掉老癈角質層的証據。 由於成分簡單溫和，不含酒精及色素，敏感肌也可以使用。 含保濕成分: 甘油, 雙丙甘醇, 二甘醇胍琥珀酸鹽, 脒基脯氨酸, 膽固醇, 玻尿酸鈉 及 丁二醇 抗衰老成分: 甘油, 膽固醇 及 玻尿酸鈉 鎮靜消炎成分: 琥珀酸 及 玻尿酸鈉 抗痘成分: 琥珀酸 抗氧化成分: 玻尿酸鈉

JZ好用推薦：溫和A醇精華，長期用有效美白祛皺，因濃度較低不太會造成過敏反應

Emily Leung好用推薦：敏感肌專用洗面奶 非常好用的一款日常潔面!專門為乾敏肌設計，氨基酸配方➕弱酸性非常適合我這種混乾敏感肌，溫和不刺激。 按壓設計很省心，每次一按，綿密泡沫就出來了，不用自己費勁搓泡，省事兒又均勻。 洗臉時，泡沫敷在臉上軟軟的，像輕雲裹住皮膚，溫和清潔，帶走油脂和灰塵，還不會過度清潔，洗完臉蛋清爽舒服，沒有緊繃拔乾的感覺 。 有兩款哦，一個是保濕一個是控油，可以根據自己的膚質去選擇。 ·

Akassoo好用推薦：我最近皮膚出現咗問題，突然之間皮膚敏感，唔知咩原因搽咩都會敏感，就算係以前用開嘅化妝品或者護膚品都會敏感，所以最近開始要將所有護膚品同清潔用品都轉做敏感肌適用嘅。 CUREL呢隻敏感肌牌子係日本嘅，主打徹底潔淨汗水同油脂污垢，蘊含溫和潔淨成分，無香料、無色素、無酒精，唔會對肌膚造成負擔。 佢本身已經係泡沫嚟，用法係擠壓2次，我亦都冇特登再搓揉佢，洗完亦唔會話乾。官方話會提升肌膚自我防禦能力，希望可以救得返我個皮膚😭 雖然上網建議皮膚敏感最好用清水洗面，所以我而家都唔係每日用洗面乳去洗面，但係有時又覺得塊面多油，所以又會想用返洗面乳。依家用新買呢一隻都冇敏感，亦相信唔會對皮膚有好大負擔，所以都算可以放心使用。同埋重點係佢性價比都算高、以抗敏品牌嚟講價錢亦唔會話特別貴。

Mei_pk好用推薦：這款洗面奶，適合敏感肌，潔淨力ok，但是我個人比較喜歡用藍色的水楊酸。

格仔餅公主好用推薦：有少少傷口都唔會嗱，同埋有岩岩好既潔淨感覺，唔會刺激到皮膚，夏天用都唔會乾爭爭成個感覺岩岩好

pillowjai好用推薦：最近參加完Sofina舉辦嘅workshop入手咗呢枝水光去角質碳酸慕絲精華，當日workshop有專業化妝師示範親身講解，上臉試用之後就被燒到了😻用完之後塊臉滑捋捋好神奇！佢唔似其他去角質產品令皮膚刺激，好温和就輕鬆去到角質，用法都好方便，搽喺臉度輕輕按摩然後用化妝棉抹乾淨就完成，臉都唔需要洗啱晒我呢啲懶人👍🏻 清潔度：⭐️⭐️⭐️ 温和度：⭐️⭐️⭐️⭐️⭐️ 保濕度：⭐️⭐️⭐️⭐️ #火熱新品

YYeman好用推薦：Sofina今年新出嘅水光去碳酸精华，真係零磨砂粒子又唔搓泥嘅溫和去角質精華！當初係衝住「水光」呢個賣點去試，其實主打溫和去角質，所謂水光就係清潔後短暫水潤透亮感，之後上妝最明顯效果就係「貼服」，建議隔兩日用一次就夠 😆點樣用：洗面後手面都要乾，搖勻支精華，按一泵，將啲慕斯搽勻塊面，打圈按摩10秒左右，再用化妝棉抹走，唔使過水，直接跟返爽膚水、精華、面霜就得。 😆好處：比一般去角質產品溫和，用完之後皮膚睇落會細緻啲。

mandy好用推薦：CANVAS ROSE OTTO Multi-intensive HydraEssence Mask 玫瑰高效保濕精華面膜 $425/ 5pcs (after deducting $200 coupon from CANVAS+ $50 coupon from Sogo, paid $175 finally) 玫瑰高效保濕精華面膜是我挺喜歡的急救面膜， 但礙於貴婦價格實在不易入手，只能在特價時才入手。 玫瑰高效保濕精華面膜蘊含眾多護膚成分， 包括: 保濕/抗氧化/美白等成分。 功效: 保濕+提亮+緊緻 面膜厚薄適中，不易撕破，尺寸比我面型大少少。 注: BA建議敷面膜的時間可以延長至20-30分鐘， 因為面膜去到30分鐘都未變乾。 敷面膜時有面部正在收緊的感覺。 玫瑰高效保濕精華面膜精華量充足，保濕力非常好， 帶迷人玫瑰香味，令人心情很放鬆。 使用後肌膚水嫩動人，面部散發出美麗的自然光澤， 並能即時趕走暗啞倦容。 肌膚很乾燥暗啞時，一定要敷玫瑰高效保濕精華 面膜，馬上急救肌膚。此外，如果是重要日子前， 可以連敷面膜2-3天，加強急救效果。 含保濕成分: 甘油, 甜菜鹼

維他他好用推薦：Canvas呢塊玫瑰高效保濕面膜真係名副其實，撕開包裝，已經有好香嘅玫瑰味道，聞到好舒服。面膜size足夠大，可以cover成塊面，面膜有好多精華，佢啲精華已經滲透咗喺塊面膜入面，拎出嚟唔會滴水，敷上面之後，覺得好Rich嘅感覺，剪裁方面，佢嘅眼耳口鼻位置都好貼合，尺寸適合，敷完15分鐘之後，拎走塊面膜，覺得好多精華留喺塊面度，係黐立立嘅，佢唔會乾得好快，證明佢真係好多精華，係好用嘅，當然價錢方面亦都會貴返少少，大家不妨試吓

tellasss好用推薦：痘痘肌，成日聽人講A醇好用，但係驚過敏又驚爆痘，INNISFREE呢支拯救咗我塊爛臉🥹🥹搽上面唔會刺痛，連續用5日痘痘退散左好多 搭配埋佢嗰支維C精華一齊做早C晚A，效果好驚喜！紅印、膚色暗沈都KO埋🥹一定回購！ 

Cole Cole 好用推薦：Innisfree呢支皮膚修護精華估唔好好用，首先佢唔似普通嘅精華，搽上面唔會痴痴立立唔會好油膩，皮膚好快吸收到，乳白液狀，好似有少少香味，查上面即刻感受到保濕，而且可以持久整個晚上，通常我早上唔會查，因為要化妝。只係夜晚會用，係修護皮膚嘅最好時刻，第二日起身會見到明顯的變化，皮膚好似透亮咗好多。

Hoiyi好用推薦：#火熱新品 呢支精華我用咗大概都有三個月，佢質地都好水潤，用完之後都唔會焗到生暗瘡，百幾蚊大大支真係好抵用，用完之後冇敏感，所以好推薦俾大家！

Kala好用推薦：我試用OLAY新生高效緊緻護膚霜，質地柔滑，易推開，塗後肌膚即時水潤有彈性。選用50g裝，適合乾性肌，保濕力強，不黏膩。用了兩週，細紋略減，膚質更平滑。價格親民，性價比高，但香味稍濃，敏感肌要先試用。整體滿意，值得一試。

Chan1123好用推薦：每年秋冬必買產品，已經用緊第三樽，夠潤又唔會笠。上妝之後唔會卡粉。

Kelvin好用推薦：白色半透明的精華流質狀，有一點點嘅稠度，我一次會用2-3泵擠喺手心，直接拍上面使用，整體感覺保濕舒緩，吸收後會有一層輕薄嘅滋潤感。因為吸收後的滋潤感不算太清爽，沒有作二次清潔使用。 白米提取嘅精華水，帶有少少淡淡嘅酒味，但一定未去到神仙水嘅平替。作為基底液？精華原液？定位有少少模糊。對我嚟講屬於保濕類型嘅精華水，用後皮膚柔軟舒適，但美白功效就不見，用完一支都冇話特別透亮。 一年四季任何膚質都可以使用。

Ariaaa好用推薦：已經用緊糀潤白糀酵源修護肌源液第三枝啦～第一次買係因為想搵技可以做美白代妝水嘅嘢，然後就揀咗呢技 我本身係個好鍾意試唔同嘢嘅人，所以我搞到我塊面而家一用啲錯嘅護膚品就好易敏感，但係呢技我搽咗起碼半年都冇敏感過，面色仲好咗好多，塊面白就唔知有冇白到，其他人都話我多咁種紅潤感（我諗係白咗？），仲好似多咗架妹所講嘅透明感😹 佢嘅質地睇落好似好杰撻撻咁，但係佢勁水潤，搽落塊面到勁快吸收一啲都唔油，吸收完仲一啲都唔油幾清爽，仲幾保濕～我上年秋天用到而家，感覺上佢就係適合每個天氣都用

lingbb好用推薦：- 對所有膠囊護膚品都好有好感🥹，乾淨衛生唔使諗份量，而且膠囊有點像心💜嘅形狀，仲要係我鐘意嘅紫色，好靚💖 - 吱出黎係淡黃色油份，推開有種滋潤感，初頭上面有黏笠感，但過十分鐘就會完全吸收哂，乾肌會喜歡嘅質地 - 通常晚上使用，皮膚狀態唔好會用哂成粒用哂厚塗都唔覺黏笠，皮膚狀態ok會用少許份量混合面霜用，皮膚會變得好細緻有種被油份保護膜包圍住嘅感覺。 妝前用就太厚身唔太適合（除非超乾肌或超乾天氣） - 厚敷係額頭有紋嘅位置，使用兩個星期有明顯淡咗 - 非常推薦懶人又係乾肌嘅你 #火熱新品

Linda yan好用推薦：呢個精華質地較濃稠 擦完都會有種黏住的感覺 係比較需要時間吸收 用左兩星期覺得有feel到皮膚年輕左🤣最有感覺係洗完面繃緊時 用完佢係會變得平滑左 但相於係淡紋或者緊緻方面都有改善。細心查看返產品裡成分都比較溫和，真係用既時候都絕對放心。 ⭐️⭐️⭐️⭐️⭐️⭐️值得推介⭐️⭐️⭐️⭐️⭐️⭐️

Fng好用推薦：韓國麗珠蘭PDRx 7% 超水光肌膚再生安瓶精華 ✨ 質地與吸收度 呢支安瓶精華擁有凝露狀質地，推開瞬間化水，滲透速度極快，唔會黏膩。香港夏天使用，T區零負擔，兩頰即刻有種飲飽水嘅感覺，後續疊加護膚品都唔會搓泥，清爽度滿分！ 🌟 修復與光澤效果 主打7% PDRn專利成分同多種胜肽複合物，試過熬夜後連續使用3晚，皮膚嘅暗沉同疲態明顯改善，毛孔睇落細緻咗，仲帶有自然透光感！相比一般保濕精華，佢嘅修復同抗老效果更全面，特別適合輕熟肌對抗初老問題。 ⚠️ 注意事項 · 初次使用建議先試耳背，雖然成分溫和，但高濃度配方可能對極敏感肌有刺激 · 避免與酸類產品同時使用，以免成分打架引起敏感 · 開封後盡快用完，保持成分活性 🆚 產品比較 · VS AHC玻尿酸安瓶：AHC純保濕為主，麗珠蘭修復抗老更全面 · VS CNP蝸牛安瓶：CNP針對舒緩同褪紅，麗珠蘭光澤感同飽滿度更勝一籌 · VS Mediheal胜肽精華：兩者都主打胜肽，但麗珠蘭PDRn專利成分修復力更明顯 💡 推薦護膚Steps 1. 溫和潔面：用低刺激洗面乳清理肌膚 2. 爽膚水打底：輕拍保濕化妝水軟化角質 3.

natanatalie好用推薦：#火熱新品 用過呢個品牌好耐，對呢個品牌嘅產品好有信心，除左因為價錢平，仲因為佢嘅功效好顯著，有物超所值嘅感覺！🥰 價錢都算平，佢比較一般精華份量更多，有成40ml，所以用到2到3個月都無問題！質地係好水潤同易推，搽上面好易就吸收曬！🫶🏻 功效方面，佢可以有即時保濕嘅效果，毛孔會𣊬間脹卜卜，我最中意係搽完佢再敷面膜，敷完會即時覺得個樣水潤有光澤，白淨左勁多，大愛！❤️

Suidan好用推薦：呢支精華係朋友送畀我嘅，本身我好少用韓國牌子嘅護膚品， 因為總覺得會令皮膚刺激同敏感。 不過 我用呢支精華又冇呢個情況出現， 而且好感度唔錯。 佢嘅質地好水好容易吸收， 性價比都好高。 #火熱新品

Emily Leung好用推薦：CeraVe 二合一洗面奶用後感：平價抵用嘅「萬金油」？ 見好多外國皮膚科醫生都推薦，話佢溫和、唔貴，又話適合敏感肌。咁啱自己又想搵支平平哋、朝早用嘅簡單洗面奶，就買嚟試下。 🌟質地： 係嗰種唔稀唔稠嘅乳液狀，有少少似平時用嘅保湿乳液。推開唔會好多泡泡，係好輕微嘅泡沫，或者可以話近乎冇泡。如果你係鍾意「泡泡浴」感覺嘅人，可能會覺得唔夠爽。 🌟氣味： 基本上係冇味嘅！冇加香料，聞落好安心，適合唔鍾意香味或者容易受刺激嘅皮膚。 🌟日常用： 對於朝早起身，或者唔化妝嘅日子，佢嘅清潔力絕對夠晒。可以洗走面油同塵，洗完塊面係乾淨嘅，但又唔會「咕咕聲」咁繃緊。 🌟卸妝力： 講到「二合一」，你唔好期望佢可以獨力卸除防曬同化妝品。如果只係搽咗好薄嘅防曬或者淡妝，佢或者可以應付到。但係如果係防水防曬或者完整妝容，一定要用專門卸妝產品先！ 唔好偷懶，否則好易生暗粒。 用後感覺： 呢支嘢最大嘅賣點就係佢入面有神經酰胺同透明質酸呢類保湿成分。所以就算係冬天用，洗完臉都真係唔會乾，塊面係保持住一種軟熟、濕潤嘅狀態。對於乾性皮膚或者混合肌偏乾嘅位置（例如面頰）非常友好。

Tobimak好用推薦：#火熱新品 呢枝精華水拍咗上面之後真係吸收得好快，開頭一打開嘅時候聞到好大浸花香，都會有啲驚敏感肌唔啱用，但最後冇事。我嘅用法就係將佢入落小噴壺，之後噴上面兩三下，用完之後我覺得佢好保濕，同埋好似有啲白左。