角質護理 推薦好用產品

Kmggigi好用推薦：Lululun 抗痘淨肌水潤面膜 — 高性價比的日常急救面膜✨ 份量: 呢款面膜性價比相當高，一包有 7 塊， 適合每日使用。 不過因為屬於連袋式設計，開封之後最好盡快用晒， 確保精華保持新鮮同衛生。 質地 & 效果: 面膜入面嘅精華係輕薄水狀， 敷上面之後感覺清爽唔黏笠，吸收得幾快。 需要注意係，如果皮膚上有傷口或者爆痘未癒合， 敷上去會有少少刺激感。 敷完面膜後，痘痘嘅泛紅同腫脹會減輕， 膚況睇落穩定啲，痘印亦會有輕微淡化。 但以保濕力嚟講就比較一般， 偏向功能性而唔係深層補水類型。 總結：清爽不黏笠，適合日常穩痘急救 Lululun 抗痘淨肌水潤面膜以輕盈質地、 穩定痘痘嘅效果同高性價比見稱， 特別啱用嚟做日常急救或者想舒緩紅腫痘痘嘅時候。 保濕度唔算突出，但係想平衡膚況、減輕泛紅， 佢都算係一個方便又抵用嘅選擇。✨

Chloeincosme好用推薦：又回購了呢款面膜！ 🤍 淡印舒緩：4.5/5！最近爆咗幾粒壓力痘，連續敷咗幾晚呢隻Lululun抗痘面膜，真心覺得暗瘡印有淡到～而且冇再紅腫發炎，皮膚穩定返好多，唔會愈生愈多！ 🤍 保濕力：4/5！雖然係抗痘面膜，但保濕度一點都唔弱～精華液量剛好，敷完皮膚水潤飽滿，第二日上妝明顯貼服好多，唔會因為乾而浮粉！ 🤍 溫和度：4.5/5！成分溫和，冇酒精或刺激性香料，就算暗瘡位置有少少損咗，敷上去都唔會刺痛，敏感肌都可以安心用～ 🤍 貼合度同精華吸收：4/5！面膜紙厚度適中，貼面度不錯（當然唔夠一片裝面膜好），精華亦都容易吸收，敷完唔會黐立立，後續護膚都唔會搓泥！ 總結： 如果你又想要抗痘淡印，又驚面膜太乾或刺激，Lululun呢隻Hydra AZ Mask絕對係平衡之選！佢溫和得嚟有效舒緩痘痘同淡化痘印，保濕力亦足夠應付日常需要，價錢親民，絕對係爆痘期間嘅急救好幫手～特別推薦比痘肌、容易泛紅同需要穩定肌膚嘅你！

Emily Leung好用推薦：Avene抗敏活泉水 「就係呢支經典白紅包裝嘅噴霧！睇落簡單，但係我哋敏感肌嘅『救命水』！」 「你睇吓啲水珠幾細密！噴上塊面好似一陣霧咁，好均勻，唔會『射』到塊面一嗒嗒。」 「我最鍾意喺洗完面後，立刻噴全臉，輕輕拍打幫助吸收，為後續護膚打好個底！」 「每次曬到塊面紅噹噹，或者敏感痕癢，一噴上去，即刻有種冰涼降溫嘅感覺，舒緩效果超快！」 ✅ 我的真心評價： 優點： · 即時降紅止癢： 皮膚敏感發作時，佢真係最快幫到手，鎮靜效果一流。 · 百搭唔會撞： 無論係護膚前、化妝後、冷氣房抽乾水，隨時噴都得，唔會同其他產品打架。 · 溫和到極點： 成份純粹，冇香料酒精，敏感肌、濕疹肌甚至BB都用得。 注意位： · 記住要印乾： 噴完等20秒左右，要用紙巾輕輕印走多餘水分，如果唔係會越噴越乾！ · 唔好期望勁補濕： 佢主要係鎮靜舒緩，補濕要靠之後嘅精華同面霜。 雖然佢睇落好似好簡單，但絕對係我梳化、書枱、手袋都會長備一支嘅「安全感」產品！平、靚、正嘅萬用噴霧，真心推薦！

Chloeincosme好用推薦：好多人大讚既avene活泉水，用係我自己到就還好🥹🥲用咗好似可以令皮膚穩定啲，但係又唔太肯定係咪佢既功勞，冇咩保濕效果，主要係圖個安心～ 🤍 舒緩效果：3.5/5 皮膚泛紅或者曬後噴一噴，有即刻降溫感覺，但鎮靜效果唔算明顯，要配合其他修護產品先見到分別～ 🤍 保濕度：2/5 真係近乎零保濕，噴完之後唔即刻塗保濕產品，反而會覺得有啲乾～ 🤍 使用感：4/5 噴霧細密均勻，上妝後噴都唔會花妝，熱天用有清爽感～ 🤍 溫和度：5/5 成分純粹得礦泉水，完全零刺激，敏感肌同濕疹肌都可以安心用～ ### 總結： Avene活泉水適合用來鎮靜同舒緩，但乾肌唔好期望有好保濕或者修護效果～會回購但只限夏天用來降溫同舒緩，推薦俾追求純粹溫和噴霧嘅你！

TsuenMa好用推薦：#LA MER MOISTURIZING CREAM #深層水潤 #修復乾燥 乳白色嘅cream狀，有一陣好香嘅雪花膏味，摸上手好Creamy，質地好結實，但比想像中嘅容易推開，亦都可以好快咁被皮膚吸收😳 主要成份係一種專利叫做Miracle Broth™活膚精華同埋可以用嚟抗氧化嘅酸橙茶精華，呢兩大成份可以為皮膚帶嚟水潤嘅感覺，幫助皮膚自我修復。 官方建議嘅使用方法係以手指尖取適量，然後搓暖佢之後先再上面，目的係令到皮膚更加容易吸收到佢，達到預期中嘅功效。 本身對於佢呢一種質地嘅cream ，有少許抗拒，下意識覺得佢同娥羅納英嘅味道、質感都好相似，但用落就知會少咗佢嗰份嘅黏脷感，基本上推開之後就可以比皮膚吸收咗，的確係好適合秋冬季皮膚乾燥嘅時候使用，比皮膚補更加多嘅水份💦

Poyobb好用推薦：鼎鼎大名嘅中lamer cream，質地係綿蜜軟滑嘅乳霜，類似雪花膏嘅質地，但冇雪花膏咁硬身。用嘅時候只係需要拎取少量嘅份量，放喺手心用熱力乳化，然後先至好上面，其實每次用嘅份量都唔需要太多。 雖然我係混合性皮膚，但冬天有時候都會好乾燥，冬天好乾燥嘅日子都好啱用可以鎖住面部水份，而且佢嘅修復力真係比較較強，尤其是一啲落雪嘅地方皮膚係唔會乾燥同甩皮，貴得來有效果👍🏻

Emily Leung好用推薦：日本薏仁化妝水測評：平價真係有好嘢？ 喂！各位慳家姊妹睇過嚟～今日講呢支日本薏仁化妝水，成日聽人話平靚正，到底係咪真係咁抵用？ 第一印象： 樽身設計簡單到極，真係「冇咩包裝可言」嘅感覺，不過咁嘅價錢仲想點啊？水狀質地，一啲都唔黏立，倒出嚟似清水咁，有陣好淡嘅原料味，唔難聞。 我通常咁用： · 濕敷：倒滿個化妝棉，敷面5-8分鐘，抵讚係唔心痛！ · 當爽膚水：洗完面拍上臉，瞬間吸收，唔會「立黐黐」 · 裝入噴霧樽：夏天成日噴，降溫又補水 補水度合格有餘，敷完塊面即刻水潤咗，摸落去軟熟啲。至於美白？唔好期望用完會白幾個度，但皮膚睇落透亮咗，暗沉有改善。最正係溫和唔刺激，我敏感肌用都冇問題！ ✅ 優點： · 平到笑！點用都唔肉赤 · 百搭萬用，敷身敷手都得 · 清爽零負擔，油皮恩物 ❌ 缺點： · 保濕力唔夠大乾肌用 · 功能單一，只係基本補水 · 有少少酒精成分，超級敏感肌要試清楚

Luna好用推薦：日本薏仁美肌水嘅個人用法純分享 今次想分享下紅咗好耐嘅美肌薏仁水。話說呢支薏仁水真係至少紅咗七、八年啦，我都用空咗無數支，真係算係鎮靜肌膚補水好物。雖然我皮膚比較敏感，但我用呢支完全冇敏感現象，而且可以鎮靜肌膚，帶少少消炎作用，長期用落覺得肌膚更加健康。 講開又講，我用其他大牌子反而驚太滋潤或者有酒精，太多化學成分反而會令肌膚有負擔，黐立立，所以用嗰陣時其實話完全唔擔心唔驚就假㗎，但用呢支日本薏仁水我就哈哈完全放心隨便敷啊。 講返呢支化妝水，產品介紹裡面嘅成分係丁二醇，小分子保濕成分。有少少抑菌作用。我個人覺得佢喺補水、抗敏感方面尤其好用，跟住有少少美白咁啦。如果肯堅持，方法又啱，我覺得同神仙水基本上冇分別哈哈🤣 價錢方面都唔貴！一支薏仁水500ml都係50幾蚊！配合適當嘅手法用法，加上佢溫和、冇酒精、唔刺激嘅成分，同美白保濕嘅作用，就係性價比高嘅代表啊！濕敷都唔肉赤！ 用法： 1. 濕敷：我日日用呢支，尤其係春夏季，夜晚用呢支護膚水做面膜又抵又有效。濕敷嘅話我用化妝棉，或者嗰啲一次性面膜紙，整濕薏仁水之後，敷面5分鐘做保濕面膜。或者有時皮膚太乾，我會沖完涼之後用浸濕咗嘅面膜紙

Fish Tse好用推薦：我平時都會用開fancl既深層清潔面膜，我覺得效果非常好，但始終人係有惰性，敷面膜其實都真係幾麻煩 所以我見到哩款黑炭酵素深層清潔洗顏粉即刻心郁郁入手，佢一細盒好方便一次使用倒出黎係灰色好幼既粉，之後再加水就會有泡泡出現，好似洗面奶一樣係塊面都打圈 我多數會針對T字位同鼻翼旁邊加下巴比較容易出黑頭粉刺既位置清洗，洗完之後就可以沖水，用完之後唔會覺得皮膚好乾燥，因為佢含有玻尿酸同獨家氨基酸既成分係清潔既同時可以保留肌膚既水份 仲含有竹炭、吸附泥精華等成分徹底洗潔毛孔既污糟野、角質、黑頭同粉刺，比起用mask真係方便好多，真心推薦

Bear好用推薦：2025可能回購的產品！ 同朋友旅行時購入，買左最popular的Suisai金色比媽媽，自己就想試Fancl的產品。 帶去旅行真係好方便，通常1個星期的trip我就執2粒（如果想預比朋友試當然可以帶多d）用的時候好舒服，皮膚不會繃緊。 都keep到皮膚完全無粒粒，但係如果想絕對清除黑頭的話就要配合其他泥款面膜同油類清潔產品。

橘子貓好用推薦：Facial Masks with Prickly Pear 獨立包裝的Cream Mask，一包剛好是一次的份量。仙人掌是這個系列最熱賣的款式，主要功效是深層滋潤、舒緩鎮靜和補充水份。 打開包裝，面膜霜質地介乎於cream和gel之間，塗上臉有點清涼。可能一包面膜的份量對我來說不太足夠，只敷5分鐘左右膏體就開始變透明，需要過水。 整體來說，補水效果非常明顯，敷完皮膚有變得水潤，但滋潤鎖水效果稍弱，敷後需要疊加其他護膚品才可以將補水效果延長。另外，如果皮膚太乾或敏感時不太推薦敷這款面膜，我試過顴骨過敏時敷，感覺刺激。

維他他好用推薦：姐姐送左兩包apivita cream mask俾我 平時用開paper mask, clay mask多 Cream mask真係少用 今次用完之後我諗我會用多啲cream mask喇 保濕能力好好，敷完等左15分鐘佢都仲係好有感，未乾，過完水之後滑左好多，feel到皮膚即時補濕左，原來cream mask都唔錯！ 一包份量都幾多，我分左兩次用 秋冬特別適合用cream mask 仲有一包等天氣涼啲再用！

A&R好用推薦：呢款紫色深層淨化毛孔泥Mask，顏色幾靚。 本身個鼻頭同埋兩頰經常容易出現粉刺，用呢款泥面膜可以清潔黑頭粉刺，以及控制出油的情況。 洗完面之後薄薄地塗一浸喺面部，面膜好容易推開，容易掃得均勻，快乾，敷10分鐘之後已經開始感覺到繃緊，敷約30分鐘已經完全乾晒，用清水洗淨之後，見到毛孔情況有明顯改善，鼻部黑頭粉刺有減少。 注意用嘅時候一定要將頭髮全部梳起，未乾之前好容易揩到，一個星期用一次就足夠，功效唔錯，推薦使用。

Nicole 好用推薦：Benefit這款深層淨化毛孔泥膜，整體使用感受相當不錯。作為混合性肌膚的我，T字部位容易出油且毛孔明顯，這款泥膜正好能解決我的困擾。 紫色泥狀質地相當柔滑，延展性很好，約敷30分鐘後，泥膜變乾便可洗淨，能明顯感覺肌膚變得乾淨清爽，鼻頭的黑頭粉刺也浮出來不少，後續用粉刺夾清理變得更容易。 使用幾次後，我發現毛孔看起來沒那麼明顯了，出油狀況也有改善。特別喜歡它不會讓肌膚過度緊繃，這點比許多清潔泥膜來得溫和。不過要提醒的是，這款清潔力較強，建議後續要加強保濕。

Aleishayanheidi好用推薦：多謝cosme 抽中試用NIVEA 新系列LUMINOUS630 生完小朋友，又成日冇塗防曬，皮膚底層色斑同暗啞肌膚令我納悶成個人看起來疲憊冇精神！收到呢個系列，令我燃點希望同期待見證產品雙重耀白專利 3天煥白， 7天祛黃的威力。 LUMINOUS630專研多重淡斑透白系列，包括精華水、雙能瓶精華同乳液，令我讚嘆同覺得神奇！淡斑專利成分Thiamidol 630 針對源頭擊黑+肌底抗糖-狙糖因Glycostop TM 包裝和產品設計以銀色為主有科研感，而精華水的樽蓋輕按一下按鈕就可以輕易把樽蓋打開，快捷方便。雙能瓶精華和乳液的泵設計好貼心只要轉動個泵就輕易把泵鎖上，避免泵以溢出乳液／精華。產品的氣味帶有微微清新香味，令人放鬆 Step 1: LUMINOUS630 專研多重淡斑透白煥膚精華水#630精華水 平時洗完臉，我會精華水打底。 質地清爽輕盈，透明無色，瞬間就被皮膚吸收，完全不黏膩! 不像一般煥膚產品用後會比較乾！它性質溫和，促進肌膚再生，變得細緻平滑！ 用左一排皮膚滑左，毛孔收細左，而臉上的暗沉感真的有改善，蘋果肌更有點「透亮」的感覺，散發光澤。 Step 2: LUM

Karen Liang好用推薦：從Cosme獲贈試用Nivea全新推出的Luminous630多重淡斑透白煥膚系列，分別包括精華水、雙能瓶精華和透白平衡乳液。這個系列主打雙重專利成分，可以三天煥白、七天祛黃，並建議三個步驟搭配使用以達到最佳效果。 Step 1：Luminous630 尊研多重淡斑透白煥膚精華水 這款精華水質地非常清爽，帶有淡淡的香氣，上臉後感覺很溫和，沒有任何刺激感。連續使用7天和10天後，明顯感覺肌膚變得細緻平滑，毛孔也有收細的效果。最重要的是，它能幫助後續精華更好地吸收。對於淡化色斑、暗沉和提亮膚色都有不錯的改善，整體來說質地不黏膩且吸收非常快，適合每天早晚使用。 Step 2：Luminous630 尊研多重淡斑透白煥膚精華（雙能瓶） 精華質地偏清爽，容易推開且很快就被皮膚吸收。這一點對於油性或混合型肌膚尤其友好。用了7天和10天後，發現膚色有明顯提亮，整體變得均勻，暗沉和黃氣都有減退，斑點和痘印也有稍微變淡，肌膚看起來更有透明感。不過，這款精華的保濕度稍嫌不足，對於乾性皮膚來說可能需要搭配其他保濕產品。 Step 3：Luminous630 尊研多重淡斑透白平衡乳液 最後一步的乳液同樣

Kelvin好用推薦：依枝大家都唔陌生，就係Bifesta碳酸潔面泡沫保濕款，一直以來都係用藍色嘅亮白款，因為冬天關係第一次用粉紅色，全個系列價錢都係39.9。本身就係一支好平嘅洗面泡泡🫧 呢支係粉紅色樽身，原來啲泡泡唧出嚟都係粉紅色，綿密到好似cream咁可以企身，實在係太太太好用。其實佢成份都有少少唔同，深層保濕型添加咗乳木果油同可可包油，更加適合乾燥皮膚，每個款式都真係有分別㗎。 之前用亮白型，感覺亮白效果就一般，但膚感唔錯。至於深層保濕型，用後保濕效果係更加強，用完皮膚似用完高級嘅洗面產品，一啲都唔繃緊，同時無假滑。以呢一個咁優惠嘅價錢。亮白型同保濕型我都好滿意，一樣都係方便又好用！ 推介人士💁🏻‍♂️任何皮膚都適合使用，尤其是乾性皮膚

GinGin好用推薦：泡沫豐富，不過用量需要很多才夠，而且像我混合性皮膚，好像洗面膏乾淨點

Mani Tso好用推薦：超正，從未試過有產品令我一搽即愛上。 深色痘印真的有減淺，搽上面有絲滑感覺， 第一次買30ml未用完都急不及待再買定支100ml， 本身痘痘算嚴重又多痘印，相信會一直用落去。

Kura好用推薦：超級無敵好用嘅面霜！我已經回購無數次，有痘痘搽佢會好快就退，同埋佢去痘印，千年黑色素都超有效，但真係要好耐心咁晚晚搽，我唔會全臉搽，只會係臉上有好嚴重問題嘅地方搽佢，無香味質地係好滑嘅cream，搽上臉好容易推開，亦都好快吸收，係真實有效嘅一款面霜，超級推薦俾大家，如果有痘痘黑色素沉澱用佢真心得！我已經由佢出30ml買到100ml，之後都會繼續回購，因為真係一年四季都啱用 #夏日必備保養

Ceccinmydin好用推薦：L'Oréal呢款面膜，用落有驚喜，真心大推！係保濕神器✨ - 面膜紙超薄又貼面，面膜含33g高濃度精華液 ，精華多到可以抹手腳，仲有獨特安瓶注入設計，用嘅時候將精華壓爆注入乾嘅面膜紙，好有新鮮感💯 - 精華液水潤唔笠，敷完唔洗過水 - 保濕效果好，即時補水，敷15分鐘之後皮膚乾紋即時隱形，毛孔睇落細緻咗，推介一星期定期敷2-3次🙌 - 試過忙完一日之後敷，塊面即刻褪晒灰黃感，後續護膚品都吸收得好快👍 我絕對會回購！平價但效果拍得住專櫃，CP值超高😆

A&R好用推薦：呢款幾特別嘅L’Oréal透明質酸注入式保濕精華面膜，我就覺得有少少麻煩，但係效果唔錯，有高濃度透明質酸成分，可以快速滲透肌膚，令皮膚即刻感覺到水潤飽滿。 精華份量夠多，面膜紙質地柔軟貼面，敷上去好舒服，唔會容易移位。敷完之後皮膚滑滑哋，仲有光澤感，好似幫皮膚飲咗水咁。

Nicole 好用推薦：Physiogel 這款抗敏紓緩面膜紙比較薄，剪裁很服貼，能緊緊巴住臉部肌膚，精華液是清爽的乳液質地，沒有香味。 它的最大優點就是溫和、零刺激，當我臉部因為換季而泛紅、乾癢，甚至有點敏感刺痛的時侯，敷上它都完全不會有任何不適感。 敷完 15-20 分鐘後取下來，最明顯的就是泛紅立刻退掉一大半，肌膚的灼熱和緊繃感也消失了，皮膚被深層滋潤，而且保濕感可以持續到隔天早上，上妝也會變得更服貼。對我來說，它是一款有效的急救型面膜，鎮靜舒緩的效果一流👍

Rin好用推薦：當時是買盒裝有藍色紅色 紅色感覺上更加黏笠一些，主要是用在修復期，但是使用過後我認為藍色的效果好一些 優點： 沒有香味 精華足夠 保濕度足夠 防敏感 不夠適合我的原因： 有一種悶重感 可能在特定時期使用比較好 譬如醫美，修復期 比較少於日常使用

橘子貓好用推薦：UltraSensitive Repair Intensive Source Mask 為敏感肌專門研發的面膜，面膜的精華液含有SymSitive、積雪草提取物、維他命B5和透明質酸。 面膜有一定的保濕功效，舒緩絳紅功效就見仁見智。每次我過敏時用，感覺這款面膜的效果不太明顯。 另外面膜紙用可生降解棉，環保理念上是不錯的。但使用感真的十分一般，面膜太過柔軟，容易拉扯變形，對精華液的承載量也不太可以，我在敷面膜時，下巴位置已經有精華液會滴落。 在眾多為敏感膚況而設的舒緩面膜中，有其他更好的選擇。

Kitty 好用推薦：話說前排轉天氣，塊面又開始敏感泛紅，搞到妝都唔貼服😭 好多人推薦Eucerin呢款修復面膜，專登買嚟試下水！用咗幾次之後同大家分享下真實感受～ ✨質地同香味： 面膜精華液係清爽乳液質地，推開好水潤唔黏膩！無香料味，聞落有淡淡護膚品原料味（唔刺鼻），適合唔鍾意香精嘅朋友～ ✨使用過程： 敷上臉嗰陣有微微涼感，幾舒服～說明話敷10分鐘，但我試過敷15分鐘都無刺痛感（敏感肌表示感動！）沖水後無假滑感，摸落去軟軟嫩嫩～ ✨效果評價： 👉即時補水：⭐️⭐️⭐️⭐️（用完毛孔睇落細咗） 👉鎮靜泛紅：⭐️⭐️⭐️⭐️✨（退紅效果真嘅驚艷！） 👉持久修護：⭐️⭐️⭐️（要保持連續使用先明顯） 💡個人小Tips： 1️⃣ 如果爆痘期間建議局部試先 2️⃣ 放入雪櫃凍敷鎮靜效果加倍！ 3️⃣ 一週用2-3次就夠，唔需要日日敷 總結：性價比高（屈臣氏經常做優惠！），尤其適合換季/激光後護理～會回購❤️

Kelvin好用推薦：Avene最新出咗幾支精華，一支係保濕，另一支係B3，仲有支好似抗敏，枝枝都睇落差唔多。 一樣都係泵頭，擳出嚟精華流質。透明用手推開或滑滑地，吸收完之後會有一層保護膜喺皮膚上面。B3依支主打緊致去皺紋，精華無太大Avene味，可接受。除咗維他命B3之外，添加透明質酸。 用落佢去紋方面不太大效果，感覺好似同保濕精華差唔多，但係就冇保濕精華嗰支咁黏笠，不過皺紋呢啲其實好難用精華去到，對我嚟講冬天嚟講會幾啱可以keep住用，可以抗老預防皺紋，質地適合。

Chloeincosme好用推薦：Avene 細胞激活緊致精華，俾佢個名吸引所以入手！用落覺得成份簡單溫和，質地算係維他命B類產品中相對清爽，但吸收後仍會有一層薄薄膜感，唔鍾意有嘢「𥺆」住塊面嘅人要慎選～持續用覺得皮膚彈性有提升！ 🤍 清爽度：3.5/5 質地呈半透明乳液狀，推開後不算黏膩，搽完會感覺到一層薄薄的保護膜，要啲時間吸收，適合晚間或後續不需上妝時使用。 🤍 溫和度：5/5 一如既往Avene作風，成分簡單低刺激，不含香料酒精，敏感肌甚至醫美後使用都無負擔。 🤍 彈性提升：4/5 使用兩週後，確實感覺肌膚飽滿度與彈性有改善。 總結： 如果你係敏感肌或肌膚狀態不穩，Avene這支精華是不出錯的選擇～

貓餅好用推薦：夏天用呢一款曼秀雷敦嘅面膜真係好舒服，呢一隻係山茶花亮白淨化酵素面膜，首先面膜嘅質地好柔軟，敷上面非常舒服，然後剪裁都好好，面膜好貼面，補水好足夠 呢塊面膜可以提亮，夏天好容易曬黑，呢塊面膜就好適合啦，佢入面山茶花精華嘅成份，仲可以令水油平衡，美白嫩膚，保濕鎖水，淨化毛孔。 面膜敷上面之後，個袋仲有好多精華液，可以再搽喺面上面或者頸度，等我哋嘅皮膚盡情吸收精華  重點係曼秀雷敦嘅面膜一啲都唔貴，買多啲都唔會心痛，性價比好高 敷15分鐘啱啱好，夏天建議可以擺雪櫃，仲可以同時收細埋毛孔，一舉兩得  #面膜

A&R好用推薦：曼秀雷敦面膜口碑一直都不錯，這款也不例外，大減價時買一送一，一盒6片用一個禮拜，性價比很高，粗用日日敷面膜都沒有問題，凍呼仲舒服，呢款面膜質地很絲滑，剪裁很貼面，水份精華份量充足，早上呼一次之後，保濕可以維持一整天，美白唔多覺，化妝更加貼服，味道也很溫和，不含酒精不會刺激皮膚。

Kathy Wai好用推薦：Freeplus保濕修護乳液嘅用後感真係要同大家開心share！作為一個長期同敏感肌打交道嘅人，搵到佢真係好似執到寶咁。首先，佢成分簡單乾淨，冇香料、酒精、色素，成個使用過程都係「零負擔」，完全唔驚會刺面或者泛紅。 質地方面，我要比個like！乳液係稀身嘅奶白色，推開嗰陣好似化咗水咁，吸收速度超快，幾乎係「咻」一聲就入咗皮膚度，唔會留低任何油膩感或黏笠嘅膜，後續上防曬或化妝都好貼服，絕對係香港呢種又濕又焗天氣嘅恩物。 保濕效果令我幾滿意。朝早用咗之後，直到下晝皮膚都依然係柔軟水潤嘅狀態，唔會覺得繃緊，亦都冇因為出油而令到個面「立痴痴」。修復力方面，佢算係默默耕耘型。我試過轉季時皮膚有啲唔聽話，局部有少少乾燥同痕癢，連續幾晚厚敷少少喺位位度，第二朝起身見到啲微小嘅泛紅同脫皮真係鎮靜咗好多，皮膚屏障感覺被修補緊，摸上去係飽滿嘅柔滑，而唔係假滑。 總括嚟講，Freeplus呢支乳液係一支溫和、穩陣嘅基本功課。未必有即時驚艷效果，但長用會覺得皮膚狀態變穩定，保濕同維穩做得好好。對於敏感肌、或者追求簡約有效護膚嘅人嚟講，絕對係值得回購嘅安心之選！

橘子貓好用推薦：Moist Care Emulsion 1 超水感的gel cream，流動性好高，一抹就化成水狀，好適合偏油肌秋冬用，有滋潤感但沒有太多負擔，好適合年輕肌膚、只有鎖水需求的人使用。

YY好用推薦：細個嗰陣成日生粒粒，mami買雪肌精比我用，用咗好多年。以加出咗新品👉🏻藥用雪肌精美白化妝水（透亮精華版） 升級版買點有甘草同和漢植物嘅萃取成份，擁有美白同保濕嘅雙重功能😍抑制肌膚炎症嘅發生 顏色 新牌濃奶白色，舊版透明感重啲奶白色 味道 好香雪肌精既味道淡咗，無咗陣重火消味 質地 一样清爽唔黏立 我會用黎二次清潔同埋上妝前濕敷。我覺得新版上面無咁刺激，應該保濕功效強咗。相反酒精份量可能少咗？🤔濕敷係舒服啲。用咗兩星期皮膚有返光澤、提亮咗👍🏻希望長期使用暗粒可逐漸減少 個人而言鐘意舊版個陣強烈既雪肌精味（酒精味），依款岩混合性至乾肌or冬天用。

Chloeincosme好用推薦：用緊佢枝乳液覺得幾鍾意，就買埋支化妝水♥️ 一打開就聞到經典嘅草本清香，用落比舊版更水潤透亮！ 🤍 透亮度：4.5/5 用化妝棉濕敷後，皮膚即刻有種「飲飽水」嘅光澤感，用耐左暗沉位置明顯提亮，仲透出自然光澤～ 🤍 美白效果：4/5 持續用咗三星期，覺得膚色均勻咗，嘴角同鼻翼嘅暗沉有改善！ 🤍 保濕力：4.5/5 質地比普通版更潤澤，拍上臉好快吸收，用完皮膚軟滑水潤，後續護膚品都吸收得更好～ 🤍 溫和度：3.5/5 雖然加入咗美白成分，但用落唔算刺激，有少少酒精味，極敏感肌建議先試用手臂內側～ 總結： 雪肌精呢支透亮版化妝水，將美白同保濕平衡得唔錯～特別適合想改善暗沉同追求水光肌嘅你！會回購，推薦濕敷效果更驚喜！

Vince好用推薦：感謝@cosme邀請本人參與Grown Alchemist 細嫩去角質乳霜試用活動。我膚質粗糙脆弱，容易泛紅，面頰兩邊、下巴和鼻翼兩邊經常缺水脫皮，尤其是在秋冬乾燥的天氣特別嚴重，我十分需要可以溫和去角質的產品，既能去走死皮又不會磨損皮膚。 Grown Alchemist 細嫩去角質乳霜正好符合我的要求。包裝設計簡約，呈乳白lotion 狀，可全面使用，只要慢慢塗抹按摩面部，在角質比較厚的位置重復輕輕打圈，然後過水，就能輕易清洗面上的死皮和角質，肌膚變得光亮。因其質感柔順，磨砂細緻，不會磨損皮膚之餘，還令肌膚變得水潤有彈性，其蘆薈葡萄子油成份更能舒緩面部紅腫不適。我最喜歡它的草本香味，非常治癒，好像享受spa一樣舒服。它成分天然，不會傷害大自然，可放心使用。

940727.0好用推薦：呢一款卸妝膏係店務員介紹俾我，我之前有用過佢哋潔面啫喱，佢哋潔面啫喱，都幾好用。依款卸妝膏嘅特質係10秒溶解頑固妝容。另外可以針對黑頭粉刺，我用完的確粉刺會少咗好多.

rainbow好用推薦：很推薦，已經用了第三盒。用小匙將膏狀放在手心按壓就會變油，之後的用法同缷妝油一樣，在臉上打圈。有好多粉刺黑頭會走出來，有很好的清潔作用。而且佢成份温和，專比敏感皮膚使用，連眼唇都用用得。

Camilalkw好用推薦：呢枝慢慢治療我的暗瘡肌 係枝幾溫和的A醇 但個人認為適合第一次用A醇的皮膚 因為好低濃度 用幾星期會感覺到毛孔有細緻到 唔算好篣吸收得算快

Ding好用推薦：Kiehl’s醫學淡紋緊緻再生精華 含0.1% A醇，胜肽，細胞間脂質以及透明質酸 質地易推，有少許味道。 Kiehl’s 職員建議初次使用第一個星期使用2次，然後第二個星期使用3次，直至肌膚適應後再增加至每天1次。 第一次使用A醇，先一星期用三次然後加到每天一次，感覺温和，初時只有少許脫皮，但很快適應 使用一個月後，毛孔感覺有少許改善 價錢偏中高，$585 30ml