防水 推薦好用產品

Yty好用推薦：Canmake 慕斯打亮膏 #04 Light Blue 這顆 Canmake 04號藍色打亮膏 質地真的太好玩了！摸下去是像年糕一樣軟糯的慕斯質地，抹上臉一秒化為乾爽粉末，是打造日系清透「透明感」的神物。 ✨ 產品好處與用後感： 物理級去黃提亮（04 輕盈藍）： 藍色微光在視覺上能完美中和亞洲人的蠟黃。抹在眼下暗沉、淚溝或面中凹陷處，會折射出無辜的清冷感水光，整張臉瞬間看起來變得很乾淨、很嘭潤。 極致細膩，完全不顯毛孔： 它完全沒有大顆亮片，而是非常細緻的微珍珠光澤。質地極度貼膚，哪怕在眼周容易乾的部位用，也完全不卡紋、不顯皮膚顆粒感。 💡注意： 【用指腹一指搞定】： 用這款千萬不要用刷子。最完美的方法是用手指輕輕打圈沾取，然後在臉上用**「輕點、拍開」**的方式上妝。 【上妝順序要注意】： 雖然它是膏狀，但因為上臉會變粉質，建議在粉底後、定妝蜜粉前使用；如果要帶妝補光，用量記得要少，輕輕拍上去才不會跟原本的底妝打架。 💬 一句話總結： 體積小，價錢美麗，只要用對指腹輕拍的手法，這顆藍色小年糕絕對能幫你拍出仙氣滿滿的清透水光！ #「日系彩妝」

Karman28好用推薦：canmake 呢款highlight 04號色好出名，但我買左01號色，因為我皮膚係偏向中性，唔係cool tone，01號色會比較岩中性或者warm tone 既人。 在化妝最後一步，我會用canmake既呢款highlight係鼻頭、鼻樑位，個妝感會更加精緻。有時如果用了matt既胭脂，但想個妝睇落有光澤d，我都會用少少呢隻係面頰位。 佢呢隻highlight既閃係比較低調，唔會好誇張，日常使用都好適合。

Kitty 好用推薦：呢款粉底質地好輕盈，流動性高易推開，上臉之後係霧面妝效，但完全唔會覺得乾。遮瑕度屬中高水平，薄薄一層已經可以遮到7成左右嘅泛紅同暗瘡印，毛孔都修飾得幾好，妝感自然唔厚重，唔會有面具感！最驚喜係佢嘅持妝能力！朝早8點化完妝，到夜晚10點都Keep到七八成，鼻翼位冇乜點浮粉。出油之後仲有少少奶油肌效果，佢仲防水防汗防沾染，真係幾適合香港潮濕天氣💦。不過都要提一提，佢乾嘅速度都幾快，上妝要快少少；同埋乾性皮膚建議妝前保濕要做足。呢個開架價錢嚟講，性價比超高，絕對值得一試！🤩

Hellobeauty 好用推薦：小資女恩物,性價比高粉底液,我會推介Super Stay 超持久30H空氣感粉底液 賣點： 實力持妝 空氣感輕盈 防水防汗 不沾染 我就上述賣點,分享一下我用後感： 實力持妝方面-佢發揮呢方面確係出色,我喺戶外超過十小時,都沒有脫妝嘅情況,唔需要頻密補妝,絕對襟用 空氣感輕盈方面-質地輕薄已易推,順滑,完全唔會喺擦子膠粒粒的狀態,貼面舒服,最重要係遮瑕力方面都非常出色,明顯青筋都可以遮蓋,絕對係我大愛,有相為証😂 防水防汗方面-大部份同類產品係呢方面都非常出色,所以我就呢方面沒有太大感覺,只是唔須要就呢方面扣分 不沾染方面-對係我最愛的賣點,方便日常須帶口罩的我 温馨提示:卸妝過程要做足,本人覺得要花多少少時間去撤底卸妝😌

Sanna Cher好用推薦：擦塗產品時，是使用美睫妝容的最後步驟，作睫毛定妝之用。刷頭能夠梳理塗上睫毛膏的睫毛，加強分明條理的效果。 使用睫毛膏後如圖見睫毛已顯修長，但下睫毛仍見有點雜亂，可使用產品梳理。 使用產品後，上睫毛效果相同，只作鞏固。下睫毛在梳理後更整潔，條理分，，妝容感更強。 完妝照片，見睫毛方面的妝容有明顯加強，仍做到自然的妝容感。

Kuma好用推薦： 呢支近期架妹最愛既睫毛液♪ 架妹對於透明感精緻妝容嘅執著真係無人能敵( ；´Д｀) —————— ♪ 束感效果：★ ★ ★ ★ ☆ ♪ 持久度：★ ★ ★ ★ ★ ♪ 使用難度：★ ☆ ☆ ☆ ☆ ♪ 性價比：★ ★ ★ ★ ★ —————— 對比其他開架品牌嘅束感睫毛液，感覺呢款既質地相對較為輕盈，好快乾，喺香港呢個喺頭髮狂噴hair spray出門都會秒塌既潮濕天氣都keep到全日捲翹，性價比黎講小資女生同學生都絕對可以閉眼入！♪ 睫毛夾夾翹睫毛後先用下面既梳頭整理好睫毛，然後用Z型束感梳頭時我會稍為喺睫毛根部停留1-2秒先梳上去，確保大部分睫毛液都係沾喺根部而唔係睫毛尾端（如果唔係會變曱甴腳><） 本身有用開佢地嘅mascara base，按照佢地宣傳咁講一齊使用，睫毛比較稀疏嘅我感覺會比起單用束感睫毛液效果更好～但份量要拿捏得好好，搽太多base再用呢支會變曱甴腳⋯所以手殘黨都係建議單用呢支就夠！ 留意返因為超強持久力所以只使用卸妝水係卸唔甩的！！溫水都卸唔到，只可以用卸妝油～ #火熱新品

Nicole好用推薦：恆久貼肌cushion, 色號1N, matte款 氣墊方便易用，防曬/base之後上，遮瑕度已經好夠，均勻膚色，修飾毛孔都好好。右邊面未上粉底，明顯毛孔粗大有斑，左邊面上一層已經明顯遮咗好多。SPF35, PA+++, 有時偷懶唔用防曬都ok。回購咗4-5個，冬天就會轉用花蜜氣墊，會更保濕滋潤啲。但留意記得唔好太重手，夏天試過唔小心太重手，就會浮粉起芝麻粒。

Sophia好用推薦：首次試用Dior恆久貼肌氣墊粉底，感覺良好👍 - 妝感表現 🌟：上妝後妝面光澤自然不死板，屬於微光感肌，不會看起來太乾或太水光。遮瑕力中上，能均勻膚色並淡化瑕疵，但較深的痘印或色斑仍需局部遮瑕。 - 持久度 ⏱️：宣稱恆久效果確實有感，日常返工或外出大半天仍能維持不脫妝，出油後亦不卡粉斑駁。 - 遮瑕 & 底妝貼合度 🪄：粉質細緻，服貼皮膚且不浮粉，使用粉撲輕拍能達到較無痕的薄透妝感；要更高遮瑕可用按壓多層堆疊而不會顯厚。 - 適用膚質建議 🌈：乾性至混合性肌膚都能輕鬆駕馭，油性肌膚建議先控油或用妝前毛孔打底。 總結：如果喜歡妝感自然且持妝不錯的高級氣墊，Dior呢款很值得投資，而且正貨包裝十分精美，試用完已經在我wishlist❣️

Miranda好用推薦：【質感】 首先講質地。佢係偏稠嘅白色乳液狀，流動性唔算高，唧出嚟係一舊嘅。推開嗰下唔係「化水」嗰種，而係有種「滑捋捋」嘅感覺，需要比多少少力氣先可以推勻全面。上面之後初初係有啲潤，等一陣之後會慢慢乾，形成一層薄膜。 呢層薄膜嘅存在感都幾明顯。我摸落塊面嘅時候，會Feel到有一層嘢「包住」咗皮膚，但呢種感覺又唔係油膩嗰種，而係一種「保護膜」嘅感覺。初初用嗰陣我有啲唔慣，覺得好似有層嘢焗住，但用多幾次之後就開始接受到，甚至覺得呢層膜令我有種「安心感」，覺得防曬真係實實在在咁保護緊我。 味道方面，佢冇乜香味，但有少少化學原料嘅氣味，不過唔算濃烈，都接受到。 【使用感】 呢支防曬最令我滿意嘅係佢嘅 「防曬效果」。SPF50+ PA++++嘅最高防曬系數，我用咗佢一排，完全冇變黑。試過有幾次要去戶外，企喺太陽下面幾個鐘，返到屋企塊面都仲係keep到原本嘅膚色，完全冇變暗或者出斑。呢點令到我覺得好放心，以後去户外活動都會諗起佢。 佢仲有一個優點，就係 「唔泛白」 。好多高防曬度數嘅防曬搽完之後塊面會白咗一層，但呢支完全唔會。佢係透明嘅，搽完之後唔會改變我本身嘅膚色，呢點我好鍾意。 佢嘅

葉子🍃好用推薦：終於入手左ALLIE防曬水凝乳，無香料白色乳霜狀，一推開水潤貼服好快成膜，用後有光澤，唔會有泛白、無侷促感，鐘意佢高效防曬持久力強，出汗後擦乾仍感到有防曬保護，佢仲加入海洋友善配方，出海户外都可用，包裝輕巧，一支90g全身可用，而一般洗面，沖涼液就可以卸除，十分方便

Emily Leung好用推薦：Laura Mercier 柔霧粉底液測評 核心特點 · 妝效：自然的柔霧光澤。它不是重度遮瑕的假面感，而是偏向絲絨質地，能很好地修飾毛孔，打造「原生但精緻」的妝感。 · 遮瑕力：中度可疊加。一層能均勻膚色、遮蓋泛紅，對於痘印等瑕疵建議局部二次疊加，整體不會顯得厚重。 · 持妝度：中上水準。添加了控油成分，在混油皮上實測約 6-8 小時 開始出油，但出油後會轉為「奶油肌」而不會斑駁暗沉；乾肌建議做好妝前保濕。 · 膚感：極輕薄。流動性強的液態質地，推開後像「第二層肌膚」，幾乎沒有負擔感，也不易卡粉。 選購與對比 這款粉底的設計偏向「均衡型」。 · 如果你追求極致控油，它的控油力不如雅詩蘭黛 Double Wear，但精緻度更高。 · 如果你追求光澤肌，它比同品牌的「極限超時親膚粉底液」更為輕薄且帶有柔焦感。 · 關於色號：建議靠櫃試色，其色號分為 C（冷）、N（中性）、W（暖），選色邏輯較為細膩。 總結：它是一款適合混合肌（混油/混乾）的日常「不出錯」粉底，能兼顧輕薄與一定的持妝力，適合喜歡偽素顏、自然進階妝感的人。

Kmggigi好用推薦：感謝@cosme 贈送Laura Mercier Real Flawless Weightless Perfecting Foundation LM粉底果然名不虛傳，完美演繹自然光澤妝感！✨ 今次收到OC1色號，係偏白膚色嘅完美選擇！ 色調自然，唔會過於偏黃或者過白， 用後整體妝感既清透又均勻。 呢款粉底嘅質地非常水潤輕盈， 一推就開，延展性高， 完全唔會有卡粉或者厚重嘅情況， 就算係乾性皮膚都可以駕馭得住， 仲帶有淡淡嘅滋潤感，使用體驗非常舒服！ 粉底帶有光澤妝感，令肌膚呈現健康嘅水光效果， 妝效自然又有質感， 特別適合鍾意低調又有氣色嘅妝容 遮瑕度屬於中低，能夠有效修飾膚色不均同細微瑕疵， 但如果有較明顯嘅痘印或者斑點，可能需要額外遮瑕 不過對於鐘意輕薄自然妝效嘅人嚟講， 呢個遮瑕度已經非常足夠，絕對能夠打造出輕盈無負擔嘅日常妝容😆

Fng好用推薦：ettuis 激長濃密捲竅睫毛液 呢支個刷頭好特別，係雙面梳齒設計。一面係密齒，另一面係疏啲嘅Z字型鋸齒。 我一開始用唔慣，蘸得太多，結果刷完變咗「曱甴腳」——又結塊又厚重。後尾學精咗，喺樽口颳走多餘膏體先上，效果即刻唔同晒。 正確用法：先用密齒嗰面由根部向上梳，將睫毛拉長；再用鋸齒嗰面左右Z字向上刷，營造一束束嘅「Idol級」束感。出嚟嘅效果係自然纖長＋濃密，捲翹度好高。 捲翹持久度：潮濕天都頂得住 香港呢啲又濕又焗嘅天氣，最怕睫毛液「塌樓」。呢支有雙重持久睫毛精油配方，防水防汗防皮脂。我試過全日冇補妝，冇下垂冇溶化成熊貓眼，捲度依然喺度。 易卸程度：呢樣真係加分 好多防水睫毛液要「捽餐死」先落得到，眼周皮膚好傷。ettusais 呢支用眼唇卸妝液濕敷一陣，輕輕抹兩三次就乾淨晒，唔使狂捽。 總結：好用，但要掌握技巧 一支睫毛液搞掂纖長、濃密、捲翹，仲要持久防暈＋易卸，開架價錢嚟講CP值好高。唯一缺點係刷頭設計要花時間適應，新手容易失手。 如果妳係追求自然纖長、唔想睫毛太重下垂嘅人，呢支好值得試。但如果你想要「假眼睫毛級」嘅濃密效果，可能要疊多層或者揀其他款。 同場加

Also melon好用推薦：Ettusais 新出嘅激長卷翹太陽花效果睫毛液🌻 剩係得一隻黑色，佢係齒梳睫毛梳，給本身 眼睫毛不太短的女孩子👧🏻依款睫毛液係比較多方面都顧及到，亦可以做到超長濃密、斤斤分明效果。 梳形設計下眼睫毛用得比較方便，而且睫毛液濕潤到適中，掃上下眼睫毛唔會周圍甩，全日持久度好，不會熊貓眼。持久得來最方便嘅係佢可以用暖水就可以卸到眼睫毛，沖涼可以直接落妝。 #火熱新品

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

Monkeyk好用推薦：我本身個人比較麻煩，同埋好鐘意試新嘢，真係會回購甚至空瓶嘅嘢數埋10樣都冇，但係呢支lavender rose# 10, 真係我回購咗而家用緊第四支，一去日本就會買，因為平啲，我本身皮膚混合性偏非常之乾，同埋長期瞓得唔好膚色好蠟黃，搽完佢之後成個氣息真係好好多，但又唔會白得好唔自然，如果懶唔化妝就咁搽佢已經可以提升氣息，如果要化妝搽完佢先化粉底都用少好多，不過有時去到冬天極乾嘅天氣搽佢係有少少偏乾，見到自己面頰會係有少少發霉嘅跡象，但唔多呢個情況(留意返我年紀都唔細,應該好小人好似我乾到咁)有一次買錯咗另外一隻色#01係粉底嘅顏色，都好用，我諗比較適合皮膚唔太黃嘅人，我都繼續試緊其他嘅替代品，想再平啲，但暫時仲未搵到🤭

Chloeincosme好用推薦：Decorte的碎粉係我最愛，所以收到呢支cc cream做禮物都幾開心😍 佢嘅提亮同均勻膚色效果都唔錯，雖然遮瑕度屬中等，黑眼圈/ 痘印要額外遮瑕，但日常返工完全夠用～ 🤍 均勻提亮：4.8/5 淺粉色調細緻自然，上臉後膚色即時透亮均勻，偽素顏感一流！ 🤍 遮瑕度：3.5/5 均勻膚色效果好，但明顯瑕疵要疊加遮瑕產品先夠～ 🤍 持久度：4/5 帶妝10 小時鼻翼明顯溶妝，一定要碎粉定妝！整體妝感依然保持得唔錯～ 總結： 呢支cc cream適合追求自然提亮同快速出門嘅人～😂雖然價錢偏高同遮瑕力一般，但作為偽素顏神器值得投資！推薦俾所有想打造透亮底妝嘅你！

Lydia好用推薦：Biore UV 水感凝膠防曬 — 夏日清爽首選，日常防曬零負擔✨ 質地： 呢款防曬一搽上手， 即刻feel到果種水感清爽嘅質地， 好似化妝水咁容易推開， 完全冇一般防曬嗰種粉感或者厚重感覺。 推勻之後好快就吸收晒， 皮膚表面形成一層薄薄嘅保護膜， 但完全唔會黏笠，仲有少少降溫感， 夏天用真係好舒服。 有陣淡淡嘅清新柑橘味， 搽嘅時候心情都靚啲🍊 效果： 作為日常返工、買餸嘅防曬， 呢支真係好夠用。 SPF50+ PA++++ 嘅高防曬度數， 但質地輕薄到完全唔覺得自己有搽防曬。 用喺化妝前打底， 唔會同粉底打架起擦子膠碎， 反而令粉底更貼服，冇咁容易浮粉。 最驚喜係佢防水防汗效果都唔錯， 夏天行路返工出汗， 都唔會流到成面白色一條條， keep住清爽感覺。 身體用都一流， 搽手腳快乾唔會黐立立， 唔使等好耐就可以著衫出門， 對於趕時間嘅早上真係好方便。 唯一要提係如果全日戶外活動， 或者長時間暴曬， 可能要補得密少少， 但日常使用絕對綽綽有餘。 用普通沐浴露就可以洗乾淨， 唔使特登用卸妝，夠晒方便。 總結：清爽零負擔，日常防曬必備 Biore 水感凝膠防曬屬於清爽型防曬， 質地

Tung Yi好用推薦：圖一是只有防曬液，圖二是防曬+粉底液。 擁有SPF50+PA++++的最高等級防 曬力,能有效阻隔 UVA和UVB,防止曬傷及由紫 外線引起的色斑與老化。 水感質地:採用獨有的「水感凝體技術」,將防曬 成分鎖在水分子中,質地如水般清爽、易推開且 不黏膩。 保濕成分:含有透明質酸(玻尿酸)、蜂王乳精華 及BG 保濕成分,能高度鎖水,讓肌膚保持潤澤。 多功能使用:適用於臉部及全身,且可作為妝前 底霜 使用,幫助底妝更持久貼服。 耐水洗卸易:具備防水耐汗功能(通過80分鐘浸 水測試),但使用一般洗面乳或沐浴產品即可輕鬆缷掉。 我最欣賞是無色無香料味，上妝後都沒有擦膠碎，對化妝人士十分友好，已經回購了三瓶。

Kelly Wong好用推薦：《底妝防曬篇》 早前介紹過嘅幾款都屬「化學防曬」，但其實仲有「物理防曬」，如果非常重視Clean beauty 溫和安全既朋友仔就要留意喇。 日本 肌研（Hada Labo）極潤系列的保濕產品，主打「高效透明質酸保濕」，所以呢個系列嘅產品好多產品都好高分，以簡單、安全、有效果的配方聞名。 低敏配方，無香料、無色素、無礦物油，無刺激性，好適合敏感肌。有時候唔想畀皮膚每日都吸收咁多「化學」負擔，單純簡單用「物理防曬」保護下皮膚就輕鬆出門口，呢款產品非常合適，仲可以減省落妝步驟，啱晒想偷懶嗰日用！ 質地屬於乳液/霜狀，延展性佳，吸收快，不黏膩，不過缺點就係會出大汗出油時，應該會減弱防曬力，有需要就要補一補防曬喇～

GinGin好用推薦：依款防曬比較濃稠，莎難推開，而且會泛白，不過可以接受，因為只係出門半小事，所以未知會否曬黑

Sakura醬好用推薦：講起NARS呢支「光亮柔滑遮瑕膏」（Radiant Creamy Concealer），可以話係口碑產品嚟。等我從質地、遮蓋力同持久度幾個方面，同你講下用後感。 首先講質地，佢個名改得幾貼切，「柔滑」係真嘅。搽出嚟係奶油感，推開嗰陣好順，用手指或者化妝掃都容易拍勻。雖然唔係嗰種水汪汪嘅液態，但都算滋潤，唔會一上臉就抽乾皮膚嘅水分，一般皮膚用都幾舒服。不過如果係極乾或者有好多細紋嘅位置，做好保濕打底會更穩陣。 跟住到遮蓋力，呢支嘢嘅遮瑕效果確實幾出色。普通嘅黑眼圈、暗瘡印同泛紅，薄薄一層已經遮到七七八八，可以話係「中度至高」嘅遮蓋力。如果你想遮啲好深色或者好突出嘅瑕疵，可以局部疊加多一層，都唔會話好厚好「面具感」。用來修正眼底三角位提亮，效果都幾自然。 至於持妝力，我覺得係佢嘅強項。我試過帶妝成日，佢都冇話溶到一撻撻或者明顯跌妝。就算係夏天出少少汗，只要定妝做得好，個妝都算keep得住。不過要留意，如果你眼部皮膚特別乾，帶妝耐咗可能喺眼底細紋位有少少積線，呢個都算係遮瑕膏嘅通病。另外，佢個色號選擇非常之多，由淺到深、冷暖調都有，好容易揀到同自己膚色match嘅一款。 優點： 1.

Luna好用推薦：Nars光亮柔滑遮瑕膏（Nars Radiant Creamy Concealer）真實測評： 🧴 產品全名： Nars Radiant Creamy Concealer 💰 價錢： 中高價位（專櫃級） 🎨 色號選擇： 非常多，偏黃、偏粉、中性色都有，容易揀到貼近自己膚色嘅色號。 👍 優點： 1. 遮瑕度強： 一層已經可以遮到七成黑眼圈、痘印，疊加多層都唔會厚重。 2. 質地貼服： 雖然叫「Creamy」，但唔會油膩，推開後好快貼住皮膚，唔易卡紋（乾皮建議做好保濕先）。 3. 持久度好： 帶妝8個鐘都唔會明顯溶妝，尤其適合混合性至油性皮膚。 4. 光澤感自然： 有微微嘅亮澤效果，唔會死實，睇落皮膚好似自帶光澤。 5. 方便衛生： 牙膏管裝設計，容易控制用量，而且衛生。 👎 缺點： 1. 價錢偏貴： 如果成日用，一支好快用完，性價比唔算高。 2. 乾皮要注意： 如果皮膚本身好乾，或者眼周紋多，有機會少少卡紋，建議用之前加強保濕。 3. 氧化問題： 部分色號會輕微氧化（變深少少），揀色時可以去專櫃試清楚。 💡 使用心得： · 上妝方法： 最好用指腹或者細嘅化妝掃點開，再

royu3好用推薦：為UZU Eye Opening Liner 的前身，是到目前為止我心中No.1 眼線液🌟當中最常回購的是啡黑色及淺啡色。首先，8角形微閃的筆桿設計超有質感，美感滿分💯而且手感良好，握筆時不滑手，方便繪畫細緻的眼線👍🏻 其次，它與有世界第一化妝筆之稱的「熊野筆」合作開發。雖然筆頭看上去非常尖細，毛量竟是一般眼線筆的1.4倍(#ﾟДﾟ) ，且用上4種優質毛料，使筆頭觸感非常細軟；難怪使用時特別順滑，輕易就能繪畫出理想的線條與弧度⭕️成分方面，眼線液內含有滋潤睫毛的美容成分，而且標榜可防水、防油、防暈染達24小時，卻不會造成色素沉澱👍🏻用水沖擦也完全沒有問題⭕️用紙巾來回磨擦了幾下，也沒有化開⭕️它無論是用料、設計，還是功能都非常優秀！幸好在改版前囤了好幾枝(˶‾᷄ ⁻̫ ‾᷅˵) 即使推出了新版本，Mote Liner依久是我心中最愛呢！ #出遊不能沒有它

natanatalie好用推薦： 買左黑色嘅我絕對會比呢支眼線液100分！💯 本身係油眼，用開嘅眼線液好易會溶會甩，但呢一支持妝效果好好，除左本身好易畫，好出色之外，最重要係防水防油效果好出眾！❤️ 我可以去出租廚房玩足一日，因為我最中意煮野食，但對住油煙火氣十足嘅爐頭，煮完兩個餸，眼線睫毛液都會甩光光！用左呢支防水眼線液，能夠做到防水防油持久不染暈！到時星期六日就可以約埋一大班志同道合嘅朋友，煮足十個菜，大合照時依然有對精靈大眼！👀💕

Emily Leung好用推薦：Benefit毛孔細緻霜測評 質地： 搽上手第一感覺係「滑得嚟有啲矽感」，唔會立癡癡，推開個陣有啲似慕絲咁，好快就啞面，完全唔油。如果你試過佢哋嘅反孔精英，呢個霜嘅質地會再輕薄少少，似一層好薄嘅柔焦濾鏡咁罩住皮膚面頭。乾皮用可能會覺得有少少繃，建議局部用喺毛孔粗大位（多數係T字同鼻翼兩側）。 毛孔細緻效果： 即時效果明顯，填平凹凸窿窿嘅能力幾強，尤其係鼻翼兩側同眉心位嘅細小毛孔，搽完即刻睇落平滑咗，有種「磨皮感」。但注意，佢唔係真係收細毛孔，而係透過填充同光線折射令毛孔「睇唔到」。持久度大概可以keep到半日左右，如果出油多，晏晝可能要用紙巾印一印油，再補少少。 小貼士： 1. 唔好當全臉面霜用，只搽喺毛孔明顯嘅位置，否則可能會有屑或者太乾。 2. 建議用完保濕打底（等吸收晒）先搽，之後再上粉底會更貼服，毛孔隱形效果會加倍。 3. 如果追求天然妝感，可以單用呢支霜，再薄掃一層碎粉定妝，已經有好靚嘅柔焦效果。 總結： 適合油性/混合肌，或者需要即時修飾毛孔嘅場合（例如約會、見工）。但如果你期望長期改善毛孔粗大，就要配合其他護膚品（例如果酸、維A醇）。一支都幾耐用，值得入手試吓！

Lindabb好用推薦：Benefit毛孔細緻霜（即係「反孔精英」妝前霜 質地： 搽落係滑溜溜嘅「慕絲」感覺，唔油膩，推開後有啲啲粉感，但唔會好乾。顏色係肉色，但上臉後會變透明，唔會影響後續粉底顏色。 功效： 1. 即時收毛孔： 塗喺鼻翼、眉心同面頰毛孔粗大位置，真係有「磨皮」效果，毛孔望落細咗好多，皮膚睇起嚟平滑咗。 2. 控油同持妝： 對於混合性同油性皮膚幾友好，可以延緩出油，令粉底冇咁易溶妝。乾皮膚可能要用少啲，或者局部用。 3. 妝前打底： 可以令粉底更貼服，唔會容易浮粉，尤其適合夏天或者潮濕天氣用。 缺點： · 如果用量太多，或者手法唔啱（例如用力摩擦），有機會有「搓泥」情況。 · 單用唔夠保濕，乾皮膚可能要額外加保濕霜打底。 · 效果偏向「即時修飾」，長期用未必真正縮細毛孔，主要係化妝時視覺上改善。 使用心得： 建議用手指輕輕拍開，唔好來回捽。局部用喺毛孔粗大位置就夠，唔需要全臉搽。最好等半分鐘左右，等佢乾咗先上粉底，效果會更持久。 總結： 適合毛孔粗大、容易出油、想要妝前平滑皮膚嘅人。如果你經常化妝，想個底妝睇落更精緻，呢支值得試。但如果你追求天然護膚、或者係極乾皮

Kaze13579好用推薦：之前試過好多其他日本同韓國品牌嘅持妝噴霧，效果都係普普通通⋯⋯ 跟住上網睇吓仲可以試吓乜嘢牌子啦就見到urban decay呢支all nighter long lasting makeup setting spray好似幾多好評，就決定一於試吓。 佢個噴嘴唔係壓縮噴霧，所以噴出嚟嘅唔係霧氣而係水珠比較大嘅汁汁。所以要適量咁樣控制距離，同埋唔好係咁狂噴。但係效果真係好唔錯！成膜速度都快！噴完同未噴過妝咁差好遠，即時見到水潤同埋貼服嘅效果。不過美中不足嘅係，如果佢嘅味道清香啲或者冇味就好啦。

TsuenMa好用推薦：URBAN DECAY All Nighter 持久定妝噴霧 首先佢個瓶身紫色底白色字，對我嚟講覺得好靚，時尚感拉滿，但係有少少唔明點解，大概入邊會有個細蓋，趕時間嗰陣要開兩次個都覺得少少煩。🤣 效果方面，佢唔係啲好細嘅噴霧，如果太靠近面去噴，同埋因為佢呢一個唔係透明而係有啲乳白色嘅噴霧，太近面去噴的話會好容易有白色一點點。 🫢 整體而言佢都係一個中上嘅Fixer，成膜速度都算快，可以有效甘保護到個妝。 除咗完成晒成個妝之後噴，有時候我都會將佢Mix埋foundation上妝，會定到個妝更貼服。😉

Kitty 好用推薦：KissMe睫毛打底霜！唔使100蚊，由朝撐到晚嘅睫毛鐵柱係咁煉成嘅！ 喂！各位姊妹，想同大家分享吓我一路用左n支都肯回購嘅開架眼妝神物 —— KissMe持久捲曲睫毛打底霜！講真，我對睫毛膏要求好簡單：夠翹、夠持久、唔暈妝、唔蟑螂腳！呢支嘢？真係冇得輸！ 之前用開某大牌睫毛膏，下晝已經變落湯雞，暈到變熊貓！見到好多日本妹同台灣YouTuber都狂推KissMe呢支打底，話係油眼救星、塌睫毛恩物，所以買來試下，一試真係不得了！ 支膏體係半透明灰黑色，入面有啲好細好細嘅黑色纖維。刷頭係彎彎哋嘅，好貼眼型，連眼頭眼尾啲短毛毛都輕易掃到！質地唔會太濕笠，亦唔會一嚿嚿，乾得幾快吓。 我嘅使用步驟好簡單： 1. 夾睫毛（夾到最翹！） 2. 即刻！記住係即刻！掃上呢支打底膏，由根部 Z 字形向上掃，重點加強根部。 3. 等10-15秒左右，等佢乾透、定型（呢步好重要！）有需要的話可以再夾一次睫毛。 4. 再疊加上你鍾意嘅睫毛膏（我通常會再上一層黑色睫毛膏加強效果）。 💥 效果點？驚艷位喺邊？ 1. 捲翹度爆燈！💥 真係冇誇張！佢個定型能力超強！我啲天生向下生嘅直毛，夾完再上佢，真

Miranda好用推薦：【質感】 首先講刷頭，佢係微彎嘅梳子型刷頭，齒距密，可以輕易抓住每一根睫毛，由根部掃到尖端都好順手。膏體係墨藍色，上面之後唔會灰灰白白，單用已經好自然。質地唔會太濕，亦唔會太乾，上面之後好快就乾，唔怕眨眼嗰陣黐住眼皮。佢嘅配方有纖維，但纖維幼細，唔會掉落或者刺眼。刷頭嘅大小適中，眼頭眼尾同上睫毛下睫毛都用到，唔會沾到周圍都係。 【使用感】 使用感方面，呢支底霜真係為「油眼人」而設。我本身睫毛偏直偏硬，夾完之後唔用底霜的話，半日就會塌返落嚟。但用咗呢支之後，朝早夾完睫毛掃上一層，睫毛全日保持翹起，完全唔會塌。佢嘅定型力好強，但唔會令睫毛變硬變脆，摸落仲係有少少彈性。最驚喜嘅係佢嘅防暈染效果，我係超級油眼，用其他睫毛膏半日已經變熊貓，但用呢支打底再疊加其他睫毛膏，全日都冇暈染。官方話佢可以單用，我自己試過單用兩層，效果係自然纖長，睫毛翹翹地，好適合裸妝或者返工淡妝。唯一要留意係，因為佢嘅膏體乾得快，掃嘅時候要快手啲，否則會有少少結塊，建議分層薄薄咁掃。 【持久度】 持久度係呢支底霜嘅最大強項。朝早八點化好妝，到夜晚十點，睫毛依然翹起，下眼瞼完全冇黑色暈染。我試過喺潮濕嘅夏天出街全日

Emily Leung好用推薦：Maybelline 反孔特霧粉底液（Superstay系列） 測評 簡單啲講，佢就係油皮同混合肌嘅「定妝救星」，專治溶妝、出油，貪佢持久、遮瑕度高，但妝感會比較明顯。 1. 質地：似濃身嘅奶霜 擠出嚟係冇乜流動性嘅cream狀，推開有啲厚度，但唔會好黏。 ✨ 上妝貼士：因為佢乾得幾快，最好分區（一邊面頰/額頭咁），快手用化妝棉或者濕粉撲拍開，唔好一次過點成全塊面先至慢慢捽。 2. 妝感：全霧面，遮瑕力強 · 霧面感：上完妝即刻係好靚嘅全霧面，毛孔同油光即刻隱形，塊面望落好「乾淨」。 · 遮瑕度：高遮瑕！普通泛紅、暗瘡印、淺色雀斑，基本上一層已經遮到八九成，唔使點再用額外遮瑕膏。正因為咁，妝感係會有少少「面具感」，如果追求超薄透自然妝嘅人可能覺得重咗啲。 3. 持妝能力：堅挺！出汗出油都頂得住 呢支嘅賣點就係「超持妝」，實測落真係唔錯： · 抗油抗汗：夏天出汗，或者T字位出油，佢真係可以hold得住，唔會溶到一撻撻，只會慢慢變返少少光澤。 · 長時間表現：帶妝8-10個鐘後，基本上個底妝都仲喺度，唔會完全消失。最多係喺鼻翼、嘴角呢啲表情多嘅地方有少少卡粉或積線。

Lydia好用推薦：Maybelline Fit Me 反孔特霧粉底液 — 霧面妝感嘅高 CP 值之選，控油效果持久✨ 質地： 呢款粉底液嘅質地偏向流動性高嘅 liquid 狀， 上臉好容易推得開，唔會覺得厚重。 推勻之後好快就會變成霧面嘅 finish， 觸感偏滋潤，不過冇乜黏笠感， 對於偏油或者混合肌嚟講，呢種質地喺夏天用都幾舒服。 效果： 妝感係好自然嘅 matte look， 修飾毛孔嘅效果確實唔錯，皮膚睇落會平滑咗。 遮瑕力中等，對於普通嘅膚色不均或者淺色豆豆印，薄薄上一層已經遮到大部分，妝效唔會覺得好似戴咗面具咁。 控油力方面表現幾穩陣，平時返工出街大半日， T-zone 位置雖然會有一點點油光，但混合咗油脂之後，個妝反而會變成好睇嘅奶油肌妝感，唔會好容易成塊面溶晒或者出現斑駁嘅情況。 缺點： 不過呢款粉底乾得比較快，建議上妝嗰陣要分區處理，如果唔係可能會推得唔夠均勻。 另外，對於鼻翼或者皮膚本身有乾皮嘅位置，可能會有少少顯乾紋，所以妝前嘅保濕步驟一定要做足，咁樣個底妝先會更加貼服。 總結：平價好用嘅霧面底妝，油肌同混合肌嘅穩陣選擇。另一樣最大嘅優點就係佢好易買到，樓下屈臣氏都有。

Sophia好用推薦：在日本旅遊通常都會入手睫毛膏，一來液體眼妝產品更需要定期替換才衛生，二來日本品牌的擦頭較歐美品牌細適合亞洲人用。藥妝店產品多到簡直花多眼亂，旅遊時分秒必爭的情況下，有著@cosme第一位貼紙的OPERA Mylash Advanced睫毛膏立刻吸引了我的目光，沒有用過也毫不猶豫地放入購物籃！ 用後果然沒有失望～纖細的刷頭能輕鬆捕捉每一根睫毛，即使是下睫毛也能均勻塗抹，根根分明，完全不會結塊或蟑螂腳。溫水可卸的特性更是方便，卸妝時輕鬆不費力，卻又能維持一整天的捲翹，持久不暈染。對於追求自然妝感的朋友，OPERA Mylash Advanced睫毛膏是日本旅遊必買！

L好用推薦：上網買，係夏天用完全唔會花，效果纖長自然，唔會結塊，可以keep到10幾個鐘，高性價比，抵買。

布吶吶好用推薦：Maybelline Fit Me 遮瑕膏（色號 15 Fair）詳細測評 今次同大家深入測評 Maybelline Fit Me 遮瑕膏，重點講吓 色號 15 Fair，呢隻色號喺香港都幾多人用㗎！ 整體評價： Fit Me系列以「自然貼服」做賣點，呢支遮瑕膏係開架品牌中嘅人氣王。色號15屬於 偏象牙白嘅淺色，帶少少 粉調，非常適合 白皮至自然偏白膚色 嘅朋友用嚟 提亮 同 遮蓋輕度瑕疵。 1. 質地與妝效 · 質地： 乳液狀質地，水潤易推，唔會黐立立或好快乾。對於偏乾皮膚嚟講比較友好，唔會卡粉喺眼紋。 · 妝效： 上臉後係 自然啞緻 效果，有少少皮膚本身嘅光澤感，唔會完全死實。因為質地輕薄，所以妝感唔重。 2. 遮瑕度與用途（色號15重點分析） · 遮黑眼圈： ★★★☆☆ 因為質地水潤，用喺眼下唔會太乾。但色號15 偏淺兼帶粉調，非常適合用嚟 提亮淚溝 同 中和灰黑色黑眼圈。如果係嚴重啡色黑眼圈，可能要先用橙調校色遮瑕打底，再用呢隻提亮。 · 遮痘印/瑕疵： ★★★★☆ 遮蓋 紅色痘印、輕微泛紅 效果非常好！因為粉調可以中和紅色。遮瑕度屬中等，可以疊加。 · 提亮用途：

Chloeincosme好用推薦：因為眼下皮膚偏乾，用遮瑕膏經常卡紋，Fit Me柔滑遮瑕膏出左新色- 三文魚色，就買黎用下。整體質地輕盈水潤，推開好順滑，冬天用幾好，係搵到一支唔會令眼下乾到現皺紋嘅遮瑕～ 新三文魚色（黑眼圈嚴重嘅朋友可能會嫌佢唔夠橙）質地偏水潤 🤍 滋潤度：4.5/5 水感質地好貼服，即使用喺眼底都冇卡粉，冬天乾肌用都零負擔！ 🤍 遮瑕力：4/5 薄薄一層已經遮到7-8成黑眼圈同痘印，不過重複疊加就會有啲妝感！ 🤍 持久度：3.5/5 帶妝大半日會有少少減淡，但唔會積線或斑駁，補搽都方便～ 🤍 色號選擇：5/5 有齊冷暖調多個色階，容易揀到啱自己膚色嘅遮瑕～ 總結： Fit Me呢支遮瑕膏係平價遮瑕中嘅優等生！尤其適合眼下乾燥又需要自然遮瑕嘅人～唔知夏天嘅持久力如何？有機會回購，推薦俾所有怕厚重又追求貼服妝感嘅你！

Kitty 好用推薦：各位姊妹！最近試咗RMK呢支「UV水漾防曬乳」SPF50+ PA++++，真係要同大家分享吓！作為一個住喺香港嘅混合肌人，揀防曬最怕又黏又焗身，但呢支真心有驚喜～ 💧質地超水感： 一唧出嚟係偏水狀嘅乳液質地，推開嗰陣好似搽緊保濕精華咁，完全冇傳統防曬嗰種「漿住」嘅感覺。我通常用五蚊銀份量就夠搽全面，連眼皮位都唔會拮眼。 ☀️清爽度滿分： 最驚喜係成膜速度！大概30秒左右就變乾爽，摸落去有啲似絲絨粉嗰種滑溜感。試過晨早8點搽完去行花市，大汗疊細汗都冇出現「流白汗」嘅尷尬情況，個底妝仲keep得好貼服。 💦保濕力驚喜： 以為清爽=唔保濕？錯啦！入面有透明質酸同埋蜜桃精華，試過唔搽妝前乳直接上粉底，都冇出現龜裂紋。不過乾肌姊妹可能都要加多層乳液打底。 🌴潮濕天氣實測： 呢幾日濕度90%嘅魔鬼天氣，下晝3點補咗一次防曬（用紙巾印乾面油再拍上），完全冇結塊或者「起擦膠碎」。成日戶外活動都冇曬到面紅紅，防曬力夠穩陣！ ⚠️小缺點要提： 1. 對香味敏感嘅人可能要試過先 2. 價錢稍貴，不過用量慳都算抵用 💄上妝貼士： 建議等完全成膜（約1分鐘）先上粉底，用拍打方式上妝。試過配搭氣墊粉餅同

MoonMoon好用推薦：RMK高效水漾防曬霜 平民式用後感 質地： 稀過奶昔，流動性強到瀉，一掂到皮膚就「跣」開，推兩下已經收晒皮。清爽到癲，好似搽咗陣風咁，夏天用爽過食雪條。 變白？ 冇！ 完全透明，你咩膚色就keep返咩膚色，唔會變紙紮公仔，唔會變灰面。想要紫色綠色嗰啲？呢支唔該借過。 乾唔乾？ 夠水但又唔立，乾肌用覺得補咗水，油肌用覺得吸咗油，總之就係所有人都冇投訴。 防曬掂唔掂？ SPF50+ PA++++，數字睇得人安心。不過佢唔係戰鬥格，游水暴曬就唔好揀佢，平時行街返工就綽綽有餘。 化妝會唔會起屑？ 唔會！ 薄到癲，粉底上完仲貼過冇搽防曬，呢個真係佢最大賣點，化妝人恩物。 缺點老實講： · 唔防水，出汗要補 · 唔平，三百幾蚊得60g，荷包會痛 · 冇調色，想要執靚膚色嘅會失望 一句KO： 「輕薄到懷疑人生，化妝專用，但防水調色欠奉，仲要貴到肉赤。」