防水 推薦好用產品

Circlecyy20好用推薦：使用後感覺有小驚喜，因為能夠做到防水防汁嘅效，而且會顯得更加結實明亮

chymiaaa好用推薦：呢款眼睫毛液有防水同防油 持久度效果好好 而且個刷頭好好用 唔會容易結塊 性價比好高 推薦購買！🥰👍🏻

natanatalie好用推薦：有同事推薦就購入左呢支Allie防曬！☀️ 首先佢價錢唔貴，印象中百幾蚊，一支份量都幾多，可以隨便用，而且佢有SPF50+，好適合香港咁曬嘅夏天！👍🏻 擠出嚟有微微香氣，對大汗嘅我都幾友好！質地唔算十分清爽，但一啲都唔笠。我用完爽膚水直接用佢剛剛好。🥰 佢有輕微提亮感覺，唔會泛白，我通常用完會再用蜜粉，咁就非常清爽。用完佢出汗都唔會流白汗，而且防曬力都幾強，我暴曬左好幾日都無黑到，會繼續回購。🙌🏻

LenaC好用推薦：ALLIE既防曬水凝乳一抹極易推開 薄薄一層毫不黏笠 之前玫紅色嗰隻 有玫紅色調 增添紅潤好氣息 今次呢一款白肌苿桃香☺️ 質地同樣水潤 呈乳狀 不過係白色 一樣好易推開 有淡淡優雅花香 係好舒心怡人既香氣塗勻後猶如薄薄一層極具光澤水令令既薄膜 呢款色調特別添加高閃耀度光感粒子 讓肌膚提亮效果更突出 輕鬆打造清亮自然底粧佢除咗添加玻尿酸美容保濕成份 讓肌膚保持水潤之外 仲有超強抗摩擦技術 防曬不留痕！ 不易脫落於口罩 好適合宜家日日戴口罩既炎炎夏日 ❤️💕❤️

lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻

綺羅香好用推薦：自上次用過Pola 美白精華之後，對同系列其他產品都好有興趣，就試入呢款美白防曬，質地水潤，好推唔笠，又唔會泛白，但一睇成份表，入面有危害珊瑚嘅成份，為咗想對海洋生態出一份力，唯有忍痛放棄入正裝，希望日後會出海洋友善嘅版本

Fng好用推薦：Canmake棉花糖粉餅 #01繡球花園｜春日限定偽素顏神器！ ✨ 粉質與色調 呢塊春日限定粉餅融合珠光感嘅淡紫、粉紅、米白、嫩黃、淺藍五色，粉質延續棉花糖系列嘅空氣感細滑，但比舊版更多咗層次感！混刷後上臉會自然調節膚色，紫色修正暗黃、粉色提氣色，似為皮膚打上柔光濾鏡～ 🌟 妝效與控油度 實測香港春日潮濕天氣，薄撲一層已有柔焦毛孔效果，控油力屬中等偏上，T區可維持3-4小時乾爽。最驚喜係零粉感不厚重，疊擦兩層都唔會假面，真正做到「若有似無」的偽素顏～ 💔 美中不足 · 遮瑕力近乎零：純粹調色定妝，瑕疵肌要另用遮瑕 · 粉撲依舊難用：建議自配絨面粉撲或散粉刷 · 限定色難回購：錯過季節可能絕版，要囤貨！ 🆚 同系列比較 · VS 經典透明色MB：MB純控油；#01多咗調色提亮功能 · VS 舊版五色蜜粉：新版粉質更貼服，色系更柔和 · VS 薰衣草紫色款：薰衣草款偏冷調；#01冷暖調平衡更百搭 💡 春日使用技巧 1. 三明治定妝：粉底後輕拍→噴定妝噴霧→再薄撲一層 2. 局部調色：單獨沾取紫色掃T區，即刻去黃氣 3. 補妝秘訣：先用吸油紙，再用粉撲按壓出油位 春日適

Emily Leung好用推薦：日本好物｜我願稱佢為🐮e大饼平替！ 前排去東京藥妝店掃貨，摷到呢塊補妝蜜粉餅，終於得閒同大家分享下。 無濾鏡真心分享 ！之前都用過e大饼，但成日斷貨兼貴到飛起，專登去藥妝店睇下有冇代替品，點真係畀我搵到！原來係canmake！！🤭 佢啲粉真係幼到無得彈，唔會死白，顏色帶少少血色感。跟身塊粉扑都唔大，超方便攜帶，放入手袋隨時拿出來控油補妝。 ⭐️粉質：超細緻，好似絨粉咁軟滑，上臉零粉感，唔會卡毛孔。 ⭐️顏色：帶微微血色感，自然提氣色，唔會死白或灰灰哋。 ⭐️妝效：啞光柔焦，一上臉毛孔同油光即刻隱形，妝感乾淨唔厚重。 ⭐️持妝：控油力中等，油皮頂到3-4個鐘，補妝唔結塊，性價比高！ 最緊要係平！百零蚊有咁嘅質素，真心抵玩平替之選！原價千幾日元，真係抵到爛🌝

Wuxx好用推薦：唔係講笑，依個應該係唯一可以係冬天或者極乾天氣下使用嘅粉餅～ 有時帶妝耐得濟我會係日中落妝再上多次妝， 但無理由帶枝粉底液翻公司咁大陣仗， 所以我會隨身帶住粉餅，唔上妝都方便補妝～ 首先冬天嘅使用感係超級滿意！！ 佢上妝後時間耐左係變好靚好靚嘅奶油肌， 除左粉質本身好細滑之外粉質保濕度都非常足夠， 就算妝前保養做得唔太足夠都唔怕， 就算去北海道用佢底妝都係可以好貼同好持妝！ 所以連坐飛機我都係用依隻粉餅上妝～ 但香港依隻粉餅夏天用可能控油同持妝度會稍微不足， 鼻翼和下巴會比較容易出油，有脫妝嘅情況， 但其他部分都可以保持貼服嘅奶油肌～都唔太會暗沉～ **注意選色部分 我用最白嘅色號OC00都會有啲黃， 而換左佢最新出左嘅偏粉調嘅色號BP00之後就好少少 如果你日系粉底色用開明亮色、淺膚色之類可以參考下～

Noelle S好用推薦：四月已經有28度，工作有時要外出，出出入入冷氣地方，食完lunch必定溶妝。呢款maquillage oc10粉餅一開盒就用足一星期，非常適合混合乾皮夏天淡妝用。粉質綿綿的，遮瑕度ok，自然妝感，另加concealer遮黑眼圈，帶上粉盒隨時補補妝就可以last足一日。粉餅𢹂帶方便，上妝方便快速，旅行趕景點shopping又shopping早起搭車搭船，黎緊呢幾個月愈黎愈熱 #出國必備彩妝，遲啲去旅行都諗住靠佢。

oy 好用推薦：呢支絕對係 MAC 嘅隱藏好物，亦係好多化妝師必備嘅 items！好多人都知 MAC 嘅子彈唇膏，尤其係 Matte 質地雖然色靚，但有時真係乾到顯唇紋，甚至會甩皮。呢支 Lip Primer 就解決到呢個問題 佢個樣好似一支潤唇膏咁，旋轉出嚟係白色嘅，但搽上嘴係透明無色。佢唔係嗰種油淋淋嘅潤唇膏，而係有一種「絲絨」嘅觸感，好似幫個嘴唇填平晒啲坑紋咁。用咗佢打底之後，再搽霧面唇膏，你會發現順滑好多，而且啲色會更加實、更加持久，最重要係真係無咁顯唇紋！佢仲可以防止唇膏向外化開 我有時嘴唇狀態差，直接搽有色唇膏會起死皮，用咗佢嚟急救打底真係差好遠。不過要留意，搽完佢最好等返一陣或者抿一抿紙巾先再上唇膏，效果會更好 同埋佢消耗量其實幾大，因為太好用，好快就會用完😵‍💫 撫平唇紋： ⭐️⭐️⭐️⭐️⭐️ 滋潤不油膩： ⭐️⭐️⭐️⭐️ 抓色力： ⭐️⭐️⭐️⭐️ 推薦度： ⭐️⭐️⭐️⭐️⭐️ (愛用 Matte 唇膏必買)

Kaying Yeung好用推薦：敏感嘴唇都啱用！ 滋潤程度：5/10 （唔會覺得潤）（冬天可能唔夠） 味道：好香雲尼拿味😋 佢好明顯嘅效果用完可以上唔同質地嘅唇膏 無論係亮面/果凍嘅定霧面/絲絨嘅🌟 嗰潤唇膏唔會影響妝感 都唔需要上妝前抹走 感覺係好似用緊嘴唇版本嘅benexfit 毛孔打底膏咁👄 同埋我嗰咀係好容易免疫力低生唇瘡or過敏嗰d 呢個都幾好用 冇刺激到嗰嘴唇 不過我覺得佢係加分類化妝品 唔係必須 如果鍾意「潤」嘅美女們可能未必鍾意

Stones好用推薦：幾好用, 我係拎黎搽面的,不會太厚，亦都不會同化妝品打架，不會起擦膠碎。同埋一支都可以用幾耐的。

Angie好用推薦：已經買過好多款呢個牌子嘅防曬，每一支都好好用，呢支都唔例外👍🏻化妝前用嚟打底都唔會起白色屑屑

jaye好用推薦：我呢支係淺啡色，支筆既包裝好靚，筆頭好尖細，較硬度適中，好順滑又易上色 ，可以畫到好精準幼細自然既眼線，顯色度夠高，而且好持久，防水防油都做得好好，性價比十分之高，準備買多支黑色用下！推介！！

YolandaAuYeung好用推薦：深炫霧感眼線液RL04 0.01mm極細筆尖可以自然刻劃出完美眼線，焦糖棕能自然放大眼睛之餘，又可帶出親切柔和的妝感眼線液內含美容精華，可以呵護眼部肌膚膚。防水防汗又快乾，任何天氣眼線也沒有暈開，而且還能維持整天，超讚！

Kirby好用推薦：行藥妝見見到特價就買嚟試吓，筆頭算尖及流暢。可惜我眼角位比較油，唔係咁容易上色，亦冇last到好耐。

chasiutung好用推薦：我混油肌眼皮會出油 一向愛用K-palette 1day tatto眼線液 真的一整天都不掉色的 去游水去浸溫泉都沒掉色 這個黑色非常顯色 容易描繪 防水防汗防暈染 用之前搖一搖 出墨順暢 沒有流墨我畫上下眼線一整天持久不暈染 完全一點都沒掉色 唯一缺點就是毛毛容易開叉

helloapap好用推薦：❌ 方便度 喺網上搜尋SOFINA呢盒粉底，會見到好多個碌碌既負評😂自己親身用過之後，的確係唔好用。個海綿碌碌既設計，令鼻翼兩側、嘴角、眼角呢啲細微位置好難精準上妝，通常我都用手指撩少少粉補角位。而且個碌根本掂唔到盒粉底既邊角位置。加埋本身啫喱狀好易痴墊，用一陣已經係肉眼可見既污糟。呢個設計真係好扣分。 ✨ 妝感 雖然上妝過程係幾伏，但係妝感自然貼服，柔焦毛孔嘅同時冇厚重粉感，睇落膚質健康又精緻，適合鍾意霧面妝既人。 ⏳ 持妝效果 Primavista系列最令我欣賞嘅，係佢嘅持妝能力。對我呢個混合肌嚟講，佢嘅控油能力幾好，T字位出油速度明顯慢咗，但兩頰又唔會因為咁而覺得繃緊或者乾。正常情況下，帶妝一整日只有鼻翼有輕微脫妝，成個妝容完整性好高，唔會暗沉或者斑駁。 特別要提嘅係，佢好適合轉季嘅時候用。喺天氣唔穩定、皮膚容易敏感或者乾癢嘅春秋兩季，佢既可以提供足夠保濕度避免乾紋出現，又可以有效控制因為溫度變化而失衡嘅油脂分泌，令個妝容喺轉季期間都可以保持穩定靚仔嘅狀態。

Emily Leung好用推薦：一句講晒：「電眼心機神器，塌睫毛救星！」 👍效果超屈機： 佢係白色帶啲黑色纖維嘅膏體，未搽睫毛膏之前用。一搽上去，啲睫毛即刻「站」起身，仲會好似偷偷幫你加長咗咁，變到好濃密！之後再補多層黑色睫毛膏，個效果真係誇張到好似戴咗假睫毛咁！ 👍持久度爆燈： 最勁係佢個「定型」能力！朝早出門到夜晚返屋企，啲睫毛都係咁翹，完全唔會打回原形。落雨流汗都頂得住，絕對唔會變「熊貓眼」。 點用先最掂： ❤️記住要 「由睫毛根部」 開始向上Z字形咁掃，咁先可以撐到最起。 ❤️千祈唔好搽太厚，等佢乾咗七八成先好上黑色睫毛膏，如果唔係容易有「蟑螂腳」。 缺點： ⚠️如果唔小心搽太多，或者未乾透就上黑色睫毛膏，會有少少結塊。 ⚠️落妝要用眼唇卸妝液，耐心敷多陣先容易卸得乾淨。 如果你係「睫毛下垂星人」，或者想個眼妝再突出啲，Kate呢支真係必入！平平哋但效果拍得住大牌，絕對係開架寶藏！

chasiutung好用推薦：Kate極致大眼睫毛底膏 透明gel狀質地加幼細黑色纖維  毛毛搽上眼睫毛會變有乳白色嘅絨毛感 乾左睫毛會定型但吾會生硬 感覺好輕 一d都吾厚重 之後搽平時用開嘅睫毛膏疊塗上去 可以做到纖長根根分明嘅豐盈效果 Kate依支眼睫毛底膏防水防汗防皮脂 好似我依種又大汗眼皮又油嘅人士都可以用 一整天睫毛依然捲翹完全無塌 而且一條纖維都無甩 👍非常好用 一直回購

jojoma123好用推薦：一直以來, 也十分喜愛Canmake Tokyo 的彩妝產品, 除了價錢親民之外, 產品亦夠多元化. 早前試了這款三合一眼妝筆, 當中設有圖中的01淡粉紅色, 出來的色調十分淺淡, 不怕太過濃妝, 由於筆頭非常之幼細, 可以輕易勾畫出線條, 於眼底位置輕畫幾下, 即使未之於造到很鮮明的卧蠶妝, 但多少有助突出眼部輪廓! 另外亦可於眼頭位置畫幾下, 同樣可以強化眼妝. #眼妝部門

Ressie14好用推薦：我大支細支都有。 一支係大貨裝（200ml），一支係2023年倒數月曆既內容之一（50ml）；暫時我仲用緊細嗰支。噴嘴口冇乜分別。 我化全妝會用佢，上完matte finish foundation之後就噴一次面，so far 喺咁既天氣（2月至4月）冇溶過妝、冇乾到脫皮，效果唔錯👍 我欣賞佢霧化效果，噴完個刻有水份感覺但又唔會見到有小水珠💦 快成膜。 同埋我係鍾意玫瑰金色嘅產品 🥰 所以點解帶咁多CT產品唔多唔少都係因為鍾意個包裝。

Fng好用推薦：Charlotte Tilbury Airbrush定妝噴霧， 細細枝試用裝放喺手袋勁方便，用後感👇👇 ✅ 優點： · 超強鎖妝力：高溫濕熱下實測，底妝堅挺8小時以上，口罩摩擦都唔點脫妝！ · 霧面高級感：一噴即時柔焦毛孔，變啞緻絲絨妝效，油肌救星 · 噴頭出色：水霧細密均匀，唔會射花底妝 ❌ 缺點： · 價錢進取，同級產品中偏貴 · 偏乾繃感：乾肌用後可能覺得繃緊，要加強妝前保濕 · 香味濃烈：玫瑰香較人工，敏感鼻可能頂唔順 💡 總結：香港夏天油肌／混合肌必試！控油同持久度無得輸，但乾肌同香味敏感者請試用先～

Verna好用推薦：這品牌是Kose的副線，是日本的人氣彩妝，所以我對它的產品很有興趣 這款眼線筆總共有8隻顏色，有幾隻色都很特別，但都是深啡色BR340比較適合我😝 它毛筆型的筆頭，就算手殘的我也可以輕鬆畫出流暢的線條，無論是粗線條定幼線條，也可以容易地就控制得到，而且它很顯色，輕輕力就已經很出色 它的持久力也不錯，畫了整天也沒有暈染，我試過畫在手背再用力捽，也沒有捽走眼線，但它卻可以用溫水卸走，很容易就可以卸得乾乾淨淨，真的很讚👍 而且它的成份有骨膠原和甘油，雖然我不會倚賴它來保養我的眼睫毛和眼周肌膚，但有美容成份總是好的，可以邊化妝邊滋潤皮膚🤭 所以用過一次後，它就已經成為我的愛用眼線筆之一💕💕💕 #我的秋冬愛用彩妝

Kky520好用推薦：第一次新手用眼線筆 見佢價錢幾平就買泥試下 性價比係幾好的 都易畫 都無咩化 不過有時捽眼就會花

Kelvin好用推薦：M.A.C出過四款唔同嘅定妝噴霧比唔同嘅膚質用，2024年我新買咗呢支👉🏻 長效定妝噴霧 (紫噴) 紫噴主要用於化妝後，噴係成份俾無酒精成膜劑！所以敏感肌都可以用～ 呢支噴頭做到霧化效果，比基本透明黑蓋嗰支更加好。噴出嚟清新香味，好似成個妝高質咗。 我係用完蜜粉之後疊加setting spary，延長帶妝時間。噴完之後有微微嘅水光感。噴完全日真係冇乜點甩妝，定妝效果強！ 新手用setting spray請先搖勻，然後離遠面部10至20公分，以T字加X字方式均勻噴上，全面就可形成防護膜。 質地有少少笠，偏保濕，中性肌至乾性肌會較鐘意。歲未通頂岩曬無甩妝👍🏻

zzzhelen好用推薦：噴頭做到霧化，但都有小水珠出現，需要用手幫忙拍打開先快啲乾。乾後，會係面上形成一層光澤感表面。 以往夏天一出街就成面油，噴完之後，可以keep3個鐘（室外加冷氣凍既地方）先出油。不過由於我毛孔粗大，光澤面會突顯毛孔問題，所以就唔考慮回購了

kkayinn好用推薦：夏天響日本嘅藥妝店買入呢支美白防曬霜，冬天終於可以用啦！如果平日唔需要化妝只係想提亮肌膚同埋做到防曬，淨係搽呢個都已經足夠，佢係紫色因此有提亮膚色嘅功能，而且效果比較滋潤，會有輕微量肌效果。但係如果油性肌膚嘅話可能需要用蜜粉定妝。總體嚟講特價嘅時候值得買入，最鍾意佢有一陣淡淡嘅香味，有少少似柚子味，我覺得好清新。☺️

Viannie好用推薦：淡紫色防曬霜，質地清爽容易推開，有即時提亮去黃效果，唔會好黏笠，適合夏天使用。

橘子貓好用推薦：一向知道Fasio睫毛膏很有口碑，日本通關後旅遊Shopping，在一系列睫毛膏之中藍色包裝最順眼，就選購了一枝。 這款是自然捲翹纖長防水，四項之中有三項半達標： 自然✅ 自然眼睫毛妝效，不會誇張，塗了像是天生眼睫毛就那麼長。 捲翹✅ 基本上卷曲度可以維持一整天，難得我不用mascara base打底，眼睫毛也不會塌下。 纖長✅ 自然增長睫毛，不同濃密型，就算塗上3、4層也一點都不會令睫毛變曱甴腳。 防水⭕️ 上妝半天就有點溶妝，睫毛膏會暈到眼下有明顯黑色，雖然未去到一撻撻那般誇張。 整體睫毛膏表現是不錯的，可能我是油眼皮，防水防暈效果未如理想，不過也可以用mascara base去補救。還是值得推薦。 #火熱新品

zetalhc好用推薦：用嘅時候唔會起一粒粒膠，可以令到睫毛跳跳分明，個人覺得性價比幾高。而且防水防汗，唔會甩色，但係用普通卸妝油都可以好乾淨清除。

raissa好用推薦：用之前一定要搖勻，唔係會油水分離。防曬能力都ok，揸左之後出去戶外都唔點覺得曬黑左。但我鼻同額頭嘅位都容易出油，間唔中用完之後都會出少少粒粒，所以我都未去到日日都會用。但用完係唔會覺得痴立立，幾舒服。

mavis好用推薦：見佢寫到明防水 有一次去水上樂園嘅時候就用佢 唔知係咪俾啲水沖走晒玩完覺得自己好黑

Hchan好用推薦：會入手這條防曬是因為看到消委會推薦，測試結果顯示它的防曬效能高但價格便宜，現時夏天的太陽太毒辣，因不想曬黑我習慣外出前臉部及身體都塗防曬。 它的質地是乳霜狀，有淡淡Nivea經典的香味，因比較稠要慢慢推開，塗開後會有一層包覆感，比較滋潤，不是我喜歡的清爽質地，混合偏油肌的我覺得它塗臉的話，與後續的化妝品不太融洽，妝較易浮，所以我改作塗身體，值得稱讚的是它不會泛白，穿黑衣服的話即使塗過防曬的手腳擦到，也不會有白痕令人尷尬，雖然它標榜涼感但感覺不太明顯。 塗身體用量較兇，已經正在用第3條，一整個夏天都沒有曬黑的情況出現，以前用開Biore那藍色方罐的，清爽是清爽，又便宜，就是一直來有曬黑了一點，這條性價比高，就是瓶身設計不太好擠，但確實有效果會一直回購。

lingbb好用推薦：- 性價比高既防曬 - 呢款防曬消委會高評佢，就吸引咗我去買 - nivea既其他防曬我有用過，呢款個味同其他系列既味都係一樣，一開首個味幾重，但隔一陣就冇味 - 質地cream狀好推，上面唔會有泛白，吸收後會透明咗，一開首塗抹係有點滋潤感唔會太笠，但吸收過後皮膚會有啲乾，建議使用前後都要做好保濕 - 呢枝防曬防水防汗，會用埋黎塗係身，性價比高，補防曬都會落力啲 - 使用呢款有spf50+ PA+++冇曬黑過

www好用推薦：前一段時間去左泰國，因為驚曬黑曬傷特別簡左個防曬系數就既防曬噴霧。結果沒有令我失望全程只用了他也沒有曬黑，重點我們還有去沙灘，用他非常防曬，防水，補防曬起來也非常方便。味道也沒有很重的防曬味，重點是十分容易清洗，用沐浴露已經可以卸除得非常乾淨。會再回購，推薦！！！

Cici Wong好用推薦：夏天比較鍾意用防曬噴霧，因為無防曬霜咁黏笠。呢隻聲稱適合户外活動，4小時防水防汗，所以買來去迪士尼用。噴上身感覺有一層保護膜，不過唔會焗，亦無泛白敏感情況，面部身體都能夠用，我半日就補噴一次，無曬傷或曬黑。沖涼就能洗走，不過要用d力捽。