遮瑕力 推薦好用產品

Emily Leung好用推薦：Bobbibrown無重輕霧粉底液，打造零粉感原生好皮！ Bobbibrown家的新品粉底液真的讓我狂喜！！太適合油皮了！新品主打一個輕透無粉感的妝效，裸感舒適的同時遮瑕力也足夠，打造一種原生皮膚的自然光澤感！ 👍質地：流動性很好，很水潤，上臉很容易推開！！ 👍妝效：上臉的妝效是那種清透霧光奶油肌，完全沒有厚重的粉感！！ 👍持妝效果：一整天帶妝下來，都沒有斑駁浮粉脫妝!!油皮快衝！！

lingbb好用推薦： 呢枝被吸引係佢以輕霧做主打，令底妝輕盈薄透，雖然顏色看似好深但上面係白啲，妝效係半matt finish，防曬得15所以妝前需疊加層防曬，遮瑕度不錯可以遮到7成，整日落黎妝效多次補妝都唔會太厚重，但面上有輕微卡粉，所以係選擇防曬同妝前時要考慮埋同底妝夾唔夾。 #火熱新品

Fng好用推薦：NARS 源生光亮肌Cushion，擁高防曬系數 (SPF 50/PA++++)，喺香港 #夏天 紫外線超強，呢個氣墊自帶高防曬，慳返防曬步驟👏，戶外補妝更方便。 我覺它抗汗能力不俗❣️，出汗後唔會輕易溶妝，只係T位會少少出油，用紙巾印走油光後，妝容依然貼服。 光澤感自然，水光妝效睇落似 偽素顏😚，質地透薄，就算疊加兩層都唔會面具感。 保濕得嚟唔笠，質地清爽，混合肌用都唔會黐笠🤩。 遮瑕度唔算超高😨，深色暗瘡印或大塊泛紅可能要額外遮瑕膏，但普通毛孔、暗沉夠用。 ✅ 推薦俾👉鍾意水光妝感、需要快速上妝+補妝、常出入冷氣房+短時間戶外。 ❌ 唔建議： - 要求 極高遮瑕 或 霧面啞緻妝感。 - 成日暴曬/戶外工作（建議用專用防曬+持久粉底液）。 #夏天

popocarcar好用推薦：趁有優惠，買咗一個嚟試，第一次用cushion 產品。 有光澤感，唔卡粉，無起乾紋，唔錯。 #火熱新品

Miaomiao好用推薦：買左裸色同粉色既蜜粉，效果分別不大。閃粉比較明顯，通常帶閃粉既粉底，拍左上面都係輕微珠光，但係呢款係近睇會見到有一粒粒閃粉既狀態，適合鍾意妝感亮麗顯著既人。 控油能力高、配合埋同系列既long lasting primer可以持妝全日，特別適合夏天使用。我係混油皮，T字位出油位置覺得用呢款幾好，但係面頰同額頭位置就會有d起皮。

FishYu好用推薦：用開呢個牌子既粉底液，想試下同系列既碎粉，所以買左set試用裝。碎粉顏色係裸色，帶閃粉。 控油能力高，持妝效果強就算戴口罩都冇乜甩妝。如果用曬同系列既粉底液+碎粉我覺得太控油會偏乾，用呢隻碎粉會揀配其他較補濕既底霜。

Kmggigi好用推薦：Hourglass 無瑕遮瑕液 — 高遮瑕、輕薄、用完即刻變天仙咁誇張嘅遮瑕😍🔥 質地 & 效果: 呢款遮瑕液真係貴價界嘅神級存在！ 遮瑕度高到可以一抹隱形黑眼圈， 但質地又薄得嚟似第二層皮膚咁， 自然到嚇親人嗰隻🫣 薄薄一層已經係「天生好皮膚」嘅效果。 延展性好好，完全唔需要技巧，新手都用到好靚！ 色號選擇多，我用 Cream， Sephora 嘅 SA 都會幫你揀到啱啱好🤣 化妝新手都啱用，簡單到唔使諗！ 遮黑眼圈嘅話，只需要喺眼底點幾點， 再用粉撲輕輕印開，就會即刻變精神！ 效果自然又高級，好似天生自帶柔焦濾鏡， 完全冇斑駁😎 上妝前: 黑眼圈好明顯，仲有眼袋🫨 用咗遮瑕液遮黑眼圈後: 係咪唔講都唔覺遮咗？ 因為真係超級自然，同附近嘅膚色blend得好好， 要記住我連粉底都冇搽！🥳 ‼️乾肌注意：不過個妝耐咗可能略乾 雖然佢本身係滋潤系，但如果你眼底極度乾， 過幾個鐘會開始感覺到乾感浮現。 我試過搽面部，推慢咗會好快變乾， 所以乾肌記得好好保濕先用。 總結：用完仲點捨得轉返其他遮瑕？！ 高遮瑕、超輕薄、易推、色號靚，帶妝又好睇， 除咗比較貴🫣🤣 只要做足保濕， 效果真係

Cheung2好用推薦：身為乾肌嘅我一直都搵緊一支命定眼底concealer，希望佢有coverage又唔顯乾紋 @hourglass vanish concealer好評如潮，忍唔住買咗嚟試🧐買咗crème同cotton兩隻色，都幾有驚喜😙 Crème用嚟遮眼底，cotton用嚟遮痘印，coverage好好，用法上有少少技巧，因為coverage過，最好點落手背，blend開之後再拎好少好少分量上面已經好夠，先會又夠薄又唔乾👍🏻啱哂香港夏天用🙌🏻 買細支啱哂去旅行/拎出街用，1.3ml都夠用好耐😂啱哂我中意不停試新產品😆

Fng好用推薦：Canmake 定妝粉 #01｜ 混合偏乾肌の「冬日冷調提亮術」 ❄️ --- ✨色調分析｜粉紫色盒實測 ▸ 色調屬性：冷調粉紫，帶細膩珠光微粒 ▸ 矯色效果：即時中和暗黃、提亮膚色，適合亞洲人泛黃肌 ▸ 光澤感：微珠光創造「自然血色感」，非誇張閃粉 ▸ 膚色兼容： ✅ 黃一白至黃二白：提亮去黃效果顯著 ✅ 蒼白肌：增添自然紅潤氣色 ⚠️ 黃三白或小麥肌：可能顯灰或色差 --- ✨寒冬實測：低溫下的矯色定妝 粉質細滑如紫藤花瓣粉末，上臉輕盈無負重感！ ✅ 寒風測試：戶外4小時不乾裂、不結塊 ✅ 暖氣房考驗：溫差下珠光依然貼膚，不浮粉 ✅ 口罩摩擦：僅鼻樑微脫妝，無明顯粉痕 --- ✨成分保濕秘技：冬日友好配方 ▸ 蠶絲蛋白粉體：低溫下不易吸水拔乾 ▸ 紫羅蘭色素微粒：矯色同時反射柔光 ▸ 抗靜電處理：預防冬季毛衣摩擦飛粉 --- ✨混合肌寒冬分區定妝 ✅ 全臉矯黃：蓬鬆刷具輕掃一層均勻膚色 ✅ 局部提亮：重點拍壓淚溝、法令紋，視覺膨潤 ✅ T區控油：粉撲局部按壓，避免過度矯色 ✅ 顴骨高光：餘粉輕掃創造自然紅暈 --- ✨色調搭配心機術 ▸ 底妝過黃急救：薄

Tszki好用推薦：Canmake 透亮美肌蜜粉餅 粉質細膩，能打造如棉花糖般絲滑、輕柔的啞緻底妝效果。能有效柔焦毛孔及面部瑕疵。採用親膚的天然礦物成分研製，若單獨使用，只需日常潔面產品即可輕鬆卸除。同時蘊含15種護膚精華成分，有助於修護粗糙、乾裂的肌膚。內含控油配方和防油光粉末，能吸走多餘油脂，保持妝容清爽持久。具有 SPF50/PA+++ 的高防曬係數，能有效阻擋紫外線。

Tszki好用推薦：YSL Beauté 明彩輕透亮肌氣墊粉底 提供高遮瑕度和一整天的舒適感體驗， 可即時提亮肌膚、均勻膚色，保持24小時持續保濕。推出一共4款專為亞洲肌膚而設的新色號，可以隨時隨地展現高訂光芒的亮肌氣墊粉底。配方經特別設計，質感輕盈幼滑，展現前所未有的通透感，同時保持高遮瑕度。具三合一功效，包括: 美妝、調色及保濕， 讓肌膚綻放由內至外的亮澤光芒，提升面部輪廓，是能讓肌膚發光的新世代氣墊粉底。

Wkk好用推薦：質地比較輕薄，不是很厚重的粉底氣墊，這個氣墊的融皮膚度非常好，並且粉撲上妝很均勻

Catcmc好用推薦：係用過最好嘅遮瑕膏，之前已經試咗N咁多其他款，有啲遮唔到太深嘅黑眼圈，有啲又太乾，有啲又浮；最後發現呢個係最最最最最好，潤得來又唔會厚，但係又遮到！唔怪得知咁多人介紹

KDing好用推薦：呢款遮瑕都幾貼面，唔會喺眼底造成顯乾紋，黑眼圈調色嘅function都幾好

Kmggigi好用推薦：講到底妝，RMK依枝粉底霜真係好好用 本人混合偏乾，臉上主要瑕疵為少少痘印同曬斑 呢支粉底霜遮瑕力中高level，輕輕擦一層都可以遮到九成 睇落去皮膚好靚 持妝力都okay，我用咗八個鐘到 t字位有少少出油，但會令到效果變得更加似奶油肌 唯一麻煩位係要用時間心機將佢上得均勻啲

wingbks好用推薦：疫情呢3年，最重要嘅一定係粉底，所以試咗好多款，呢款最啱戴住口罩用❣️首先佢嘅粉底係呈牙膏狀，初時都怕秋冬好難搽，不過經過多月測試，佢不論春夏定秋冬，搽都好適合！因為春夏較熱，朝早用佢又唔會中午滿面油光；秋冬又唔會因為乾而上唔到妝！🈴 雖然佢唔自高遮瑕度嘅粉底，但作日常妝容就非常推介，搽完唔會好厚粉！🌟 同好多精華、防曬都夾到，唔會化妝時有「擦膠碎」。 當然唔少得嘅係，佢唔會甩曬啲粉係口罩上面，唔怕食飯除口罩時尷尷尬尬！ 價錢算係中價，但佢好「襟用」，唔洗搽好厚，所以幾合化算，可以回購！💸

Fng好用推薦：粉質幼細，遮瑕力還可以，用嚟出街補妝方便，算是 價廉物美之選。

Kpl6be6好用推薦：唔好講笑～當時喺日本買係會平啲～仲有贈品送～可以乾濕兩用好方便～上面亦夠服貼～遮蓋毛孔嘅效果都好好～令皮膚望落滑溜好多～

YYeman好用推薦：喺度同大家分享下我用Charlotte Tilbury粉底液嘅心得啦！✨ 我用嘅係佢哋出名嘅 Airbrush Flawless Longwear Foundation，以下係我個人用後感同小貼士： ⭐️質地同妝感 · 質地：偏向奶油狀，推開後好順滑，唔會太厚或太黏。 · 妝感：上臉係半霧面柔焦效果，好似自帶濾鏡咁，遮毛孔能力一流！唔會好似戴咗面具，有少少自然光澤。 ⭐️遮瑕度 · 中至高遮瑕：普通泛紅、暗瘡印基本上一層就遮到8成，如果瑕疵多可以局部疊加，唔會覺得厚重。 · 適合膚質：特別推薦俾混合肌至油肌，因為控油力唔錯；乾肌用之前要做好保濕，或者混合精華一齊用。 ⭐️持久度 · 長時間帶妝：我自己係混合肌（T字位出油），冬天用可以撐到8-10個鐘，只有鼻翼同額頭少少溶妝，用紙巾印一印就OK。 · 氧化問題：暫時未覺明顯變深色，就算出油後都keep到原本色號。 ⭐️優點 · ✅ 遮瑕力強但唔厚重 · ✅ 霧面柔焦效果高級 · ✅ 控油同持久度好 · ✅ 適合影相或重要場合 ⭐️缺點 · ⚠️ 乾肌可能覺得少少緊，一定要做好妝前保濕。 · ⚠️ 色號選擇要小心

oy 好用推薦：Charlotte Tilbury 呢款 foundation係好多化妝達人嘅愛🤣 粉底質地偏輕盈，但遮瑕力幾出色，可以輕鬆遮蓋暗沉、瑕疵同細紋，打造出無瑕嘅空氣感底妝 搽上面後，妝感非常自然，唔會厚重或者卡粉，有啲微霧啞光效果，令肌膚望落柔焦又細緻。粉底持久度高，日常返工或者長時間外出都唔使擔心甩妝，keep住靚靚 價錢雖然屬於中高價位，但用量好慳又好用，性價比唔錯，適合鍾意精緻妝感同注重底妝質感嘅粉絲。 清爽度： ⭐️⭐️⭐️ 遮瑕力： ⭐️⭐️⭐️⭐️ 持久力： ⭐️⭐️⭐️⭐️ 價錢： ⭐️⭐️ #火熱新品

zetalhc好用推薦：用過覺得最好用嘅蜜粉，就算係去跳舞比賽幾個鐘頭都唔會脫妝，防水防汗同控油嘅能力都非常好

Hchan好用推薦：由我第一次以試用心態買下此碎粉後，就一直回購大約有幾年了。有小罐及大罐裝售賣，售價中等，但由於我混合肌易泛油，平日喜愛霧面妝感，用量頗多，所以都買大罐裝不用省量。 我使用的透明那款，粉質細緻幼滑，在用量多的情況下上臉後會有提亮效果不死白，亦可修飾我的粗大毛孔，另外防汗及控油效果也不錯，維持了整日的妝都不會暗沉，十分推薦，產品另提供珠光，膚色等色號，可按個人需求購買。

Ntra好用推薦：一直都知好多人激推，台灣旅行時見到即入手，平時我搽完防曬，懶得搽粉底液直接用佢拍全面，效果真係令人好驚訝，雖然佢係粉餅，但一d都唔厚，好輕薄，有少少遮瑕度，超貼服，平時趕返工用佢基本上好快出到門口，懶人必備

bearbear246好用推薦：色號OC10 妝效持久自然 同時粉質幼細有效修飾毛孔 控油效果一般 要配合控油底霜使用 性價比高既一款產品 附上粉卜 粉卜質素唔錯 唔洗特別使用技巧都可以快速上妝 所以應該會繼續回購 唯一美中不足係粉盒入面既設計 粉卜同粉餅只係附上一片透明膠片作為分隔 如果粉盒有設計多一層會更衛生

Shelleyluk 好用推薦：我皮膚係沙漠機, 上網睇到差唔多皮膚勁推薦佢個粉底. 佢真係好好用，但係佢係比較低coverage. 做啲藝素顏裝或者淡妝比較適合. 但係佢真係好貴! 😣😣😣😣

Natp好用推薦：果然係貴婦粉底， 無論質量， 香氣都很高級！ 不過年輕皮膚應該感受唔到佢既美好 因為有毛孔， 甩皮， 紋等等狀況都好， 一上呢個精華粉底、 都立即唔見哂！ 雖然紋，毛孔一定仍在， 但會修飾左勁多！ 所以成熟肌一定好鐘意！ 另外， 只需要用手指當cream咁樣揸就可以， 有毛孔的地方就慢慢捽， 毛孔就會變得不明顯， 成個過程都極之方便！

robinsbk好用推薦：呢枝concealer係我2021嗰陣某日見到dfs清貨大減價用$40買返嚟玩嘅😹 買嗰陣純粹覺得嘩幾十蚊唔買就笨 就算唔好用 packaging咁靚都值啦！ 點知！乾肌表示勁好用👏🏻👏🏻👏🏻你見佢俾我用到啲字甩哂就知佢同我經歷咗幾多嘢啦😹夠潤得嚟coverage完全交到功課 可能潤變相無咁long lasting 但可能只係會無咗2-3成左右 完全可接受 同埋佢容量真係大到非常之驚人 勁勁勁勁勁抵用！用咗兩年幾 每次出街就用 到而家都好似仲有好多😹但好似話makeup product開咗咁耐唔係太好 所以我準備買過枝新喇！✌🏻

Nyaaa好用推薦：Too Faced其實係一枝性價比唔差嘅粉底，色號勁多，我用Pearl，偏粉睇落冇咁黃；呢個Matte款控油力中上，另一款肥仔樽就係保濕啲。 上年夏季我都係用佢多，有時仲會混少少精華型粉底再上面，不過冬天用會太乾甩皮。 缺點係始終係唔夠貼膚，同埋唔耐磨，帶口罩嘅情況下會甩好多落口罩，仲會磨到一撻撻。如果冇口罩嘅話佢會係一枝性價比唔錯嘅粉底，3百幾蚊/30ml。佢雖然叫Finish，但上完面係唔會好似Double Wear/MUFE咁好快定左，唔拍碎粉都係唔得，我覺得佢屬於Semi-Finish，或者甚至唔算Finish粉底 同埋想順便吐嘈下，Too Faced啲包裝上面印嘅字冇一款係會唔甩的，尤其係金色字，粉底胭脂隔離霜遮瑕蜜粉碎粉，只要係有成日用嘅都甩到冇晒字

Emily Leung好用推薦：「Clé de Peau Beauté」鑽光妝前乳 質地： 一擠出嚟係好水潤嘅淡肉粉色乳液，流動性幾高，推開個下感覺好絲滑，好似擦緊高級精華咁。佢有少少矽感（但無Benefit反孔精英咁重），主要係幫助順滑皮膚。吸收速度中等，唔會立痴痴，保濕感明顯，乾皮同混合皮都會鍾意。味道係好清淡高級嘅花香味，唔會俗氣。 妝效： · 即時提亮：因為有少少肉粉色調，可以好自然地中和暗啞同少少泛黃，成塊面即刻「醒神」咗，有健康光澤。 · 轉油為光：呢個真係唔係講笑！就算出咗油，啲油光都會變成一層好靚嘅「鑽光」，唔會係一塊塊噉溶妝，個妝感會變得更貼更透，好似本身皮膚就好靚咁。油皮朋友可能會覺得光澤感太強，建議局部用喺需要提亮嘅位置，或者之後壓多啲碎粉。 · 貼服度：後續上粉底真係會更貼，尤其係用返CDP自家粉底，簡直係「天作之合」。可以令妝容持久度提升，冇咁易浮粉或者起皮。 · 遮瑕度：接近零，佢主要係調節膚色同光澤。如果皮膚瑕疵多，一定要後續用遮瑕。 適合咩人？ · 追求自然光澤肌、貴婦妝感嘅人。 · 膚質偏乾、混合肌，或者唔介意出油後有光澤感嘅輕油肌。 · 預算充足，想投資一支高質妝前打底。

Lydia好用推薦：Product: Cle de peau Correcting Cream Veil 呢支妝前乳係我喺日本買嘅日本版。比起CDP粉底, 呢支妝前乳霜對我嚟講吸引力相對低少少。 質地：佢係帶少少潤色嘅霜狀質地，有輕微遮瑕力同調色效果。不過我覺得佢冇我想像中咁易推開，上面嗰陣要用多少少力同時間先推得勻。網上好多人都話用完佢就唔需要搽粉底，但對我嚟講效果唔算明顯。可能因為我本身皮膚瑕疵比較多（有啲暗瘡印同毛孔），單用呢支妝前係完全唔夠遮瑕嘅，最後都係要用返粉底或者遮瑕膏。 控油能力：我係油性肌膚，用落覺得佢控油能力唔算出色。夏天用嘅話，大概三四個鐘頭已經開始出油，冬天會好用啲。佢嘅防曬系數得SPA25唔算高，但對我嚟講日常用係足夠嘅，如果唔係長時間曝曬都ok。同其他CDP產品一樣，偏向滋潤質地，搽完上面都有水潤感，但對油肌人嚟講唔算好友好。 優點：最值得讚嘅係佢夠貼服，好少有搓擦子膠碎情況，同埋調和膚色嘅能力都唔錯，可以做到均勻膚色嘅效果。 總結：整體嚟講，呢支妝前對我嘅皮膚嚟講性價比唔算高。如果你本身皮膚底子好，只係想均勻膚色同有基本防曬，或者係偏乾性肌膚

mandy好用推薦：Chantecaille Compact Makeup 清透粉餅 $760 / 10g 來自高端價位品牌Chantecaille的清透粉餅雖然價位較高，但品質真的很優秀，絕對值得一試。 成分方面添加了一些美肌成分，以抗氧化成分、保濕成分及控油等成分為主。 清透粉餅的粉質很細緻幼滑，完妝感則是輕盈清亮透薄，完全不油不笠，妝效極自然不明顯，帶少許以為是天生的光澤。具有控油定妝效果，午後也沒有出油溶妝，持妝出色，非常適合油性肌及混合肌使用。中度遮瑕，能遮蓋毛孔及面上的泛紅。 上底妝時，可以在妝前底霜及粉色液後使用，又或者補妝時單用亦可。由於清透粉餅不帶足夠的防曬保護，所以使用清透粉餅前，需要先用具足夠保護的防曬或是有防曬的妝前底霜。 清透粉餅隨粉餅附鏡及粉撲，帶出街隨時上妝或補妝都十分便利。 使用粉餅步驟: 1. 防曬+妝前乳 2. 粉底液 3. 遮瑕膏 4. 粉餅（定妝） 含控油成分: 滑石粉 及 矽石 保濕成分: 矽靈 及 大豆油 抗氧化成分: 大豆油, 余甘子萃取 及 二丁基羥基甲苯 抗衰老成分: 大豆油 及 余甘子萃取 油性滋潤成分: 大豆油 鎮靜消

choichoi好用推薦：質感很透薄舒適，不會造成厚重的面具粉感；我在夏天時間很容易溶妝，但是用了這個持妝度相對提升

bbbcls好用推薦：膚質：混合性（T字位出油，面頰偏乾） 控油 ★★★★☆☆：有控油效果，不過都建議搭配控油散粉定妝。 質地 ★★★☆☆☆：我明白佢既特色係唔易脫妝，但偏乾，推開稍難，影響使用感。 調色 ★★★★★☆：自然透薄，中度遮瑕，適合輕妝感。 香味 ★★★☆☆☆：香味普通，無特別印象。 方便度 ★★★★★☆：包裝細小，易攜帶，適合外出。 呢款BB Cream適合混合性膚質，調色同方便度出色，但質地偏乾需注意。推薦喜愛輕薄妝感嘅人試用。

Ressie14好用推薦：水感啫喱既質地在推抹時迅速貼合肌膚，無黏膩感，使膚色立即提亮了一度；另一方面，保濕度也不錯，相信能長時間維持妝容與肌膚的潤澤度，持妝度表現也在平均之上，對於長時間外出室外的，搽呢隻BB cream就可以輕鬆skip曬其他護膚化妝程序，一支搞掂。

mandy好用推薦：Valentino Very Valentino 高訂輕透粉底液 SPF 25 $640 Valentino推出的高訂輕透粉底液 功效方面著重輕盈透氣+24小時持久。 雖然跟想像不一樣， 以為這個價位會添加多些養膚成分， 然而實際上並不多，成分以保濕及防曬成分為主。 不過這也無阻Very Valentino 高訂輕透粉底液 的極優秀表現。 只需少量粉底已有full coverage， 高度遮瑕，可完美遮蓋泛紅及毛孔。 底妝極自然貼薄，好像沒有上粉一樣。 有效提亮調整膚色，令膚色更均勻。 使用感舒適透氣，整天上底妝也不悶熱。 持久度很不錯，午後也沒有溶妝。 帶Spf25防曬保護，足夠OL使用。 Very Valentino 高訂輕透粉底液完妝效果為 半啞緻，期待將來有機會嘗試Valentino 光澤型的粉底。 含保濕成分: 矽靈, 丁二醇, 甘油 及 氫氧化鋁 防曬成分: 桂皮酸鹽 及 二氧化鈦 抗衰老成分: 甘油 控油成分: 氫氧化鋁 抗氧化成分: 二丁基羥基甲苯

lingbb好用推薦：- 找到另一款有哂外在內在美既foundation😍 - 初初見到樽粉底外理，玫粉襯金字既真係好靚好特別💓 - 用落個粉底真心很不錯😳 - 今次試用係mr2 號色，影出黎好似啲暗，但定妝後提亮返隻色係岩岩好👍🏻 - 配搭埋佢既護膚底霜，成個妝感都好靚 - 面色均勻，皮膚無瑕既感覺， - 遮瑕都有中至高，我有d損痕瑕疵都遮得到（見對比圖） - 持妝大約7 個鐘，妝無乜溶，溶既位係口罩位置，唔算好明顯，成個妝感都好似同皮膚融合埋一齊， - 使用完既感受係，冬天落雨有點濕既情況下佢既持妝效果已經唔錯，估計夏天都應該用到，但要重點控油既位置定妝定好啲就完美😍派對用一定掂！ #派對完美底妝

940727.0好用推薦：持久抗倦底霜 (中度至健康膚色): 奶黃色調，有效改善暗沉，令肌膚望落健康同時充滿朝氣。 佢依款妝前底霜有好幾隻色，可以跟返你想改善啲咩問題而去揀。

Laam好用推薦：香味特別 質地濃稠 會點少少再拍上臉 隻綠色調得啱啱好 修飾泛紅同時唔會太綠 好啱泛紅或暗瘡肌 後續上薄薄粉底或遮瑕已經遮到泛紅

Circlecyy20好用推薦：好容易推開 方便輕易使用 highlight ge 光澤感好自然 不會係死實既光澤

choichoi好用推薦：質感輕盈好推開，不易結塊易伸延，想要打造光影的位置也不會帶突兀感，是款新手也能安心使用的產品