毛孔遮瑕 推薦好用產品

lingbb好用推薦：買錯色買咗好死白嘅pale，比較杰同乾特別搽係眼底，果時學網上美妝達人大範圍塗，嚇親自己。 因為太白用黎輕輕打亮，遮瑕力屬中至高，遮痘遮得好完整，量多會好厚粉，會乾到粒瘡想裂

Aivlys好用推薦：坦白講本來對呢款粉底液係好大期望， 只可惜希望愈大失望愈大。 佢嘅外形係Jill Stuart品牌內比較簡單嘅設計， 粉紅色膠樽再加塑膠感濃嘅多面切割球形樽蓋， 都幾顛覆品牌一貫嘅甜美公主風格。 佢嘅設計係塗改液式， 每次用前都要先搖勻， 粉底本身係流動性高嘅水狀， 帶有淡淡蜜桃香味。 佢嘅延展性高、遮瑕度唔錯， 可以輕易地推勻全臉， 敗筆之處係佢嘅持久度非常低， 標榜適合油性肌膚但溶妝速度無論喺夏天定冬天都好快， 而且溶妝之後必定會出現「白芝麻」同結塊， 重災區係鼻、下巴同嘴唇邊緣。 我曾經因爲唔信邪而多次改變使用方法同輔助產品， 譬如用長效持妝底霜打底、用唔同形狀同密度嘅粉底掃去上呢隻粉底， 可惜結果都依然冇變， 所以依家雖然未用曬都好想斷捨離同佢講bye bye！ 絕不推薦！