毛孔遮瑕 推薦好用產品

A&R好用推薦：Armani 粉底液都真係幾好用，一印上皮膚即刻遮蓋豆印，化咗成日都冇甩妝，好貼服。就算好熱成身汗都好，印走小小色，但係都依然keep到底色，可以遮蓋毛孔同膚色均勻。保濕度都高，冷氣房唔會令皮膚好乾燥甩皮。又控油，又熱又焗嘅天氣皮膚都唔會好快油光滿面。

TY好用推薦：粉底推開可以推到幾透薄，試過唔同上妝方法，用手指+美妝蛋上修飾力較好，用粉底棒會太薄。 遮瑕度大概八成，毛孔就唔係太修飾到，偏向自然妝效。持妝度都強，坐 office 一日都唔太需要補妝，晏晝補少少鼻位就 ok。 如果皮膚冇乜大問題只係有印用佢會做到幾自然嘅妝效，但好似我咁需要修飾毛孔佢就唔足夠。

Sophia好用推薦：SOFINA Primavista 持久控油防曬調色底霜（Beige）穩陣防曬primer之選👍👍👍 - 質地係輕薄乳液，有自然潤色效果～瞬間調整膚色偏暗/泛紅問題 🌿 - 控油力良好，混油肌T字位lunch後都唔會咁快出油 - 上妝更服貼，有適當黏合力能抓住底妝，粉底/遮瑕都更加持久 🎨 - 防曬度SPF 50 PA+++十分足夠，防曬+primer二合一，唔需要搽咁多product上面 - 總結：有助持妝、控油、又帶自然調色的日常防曬底霜，值得推介✅

Desse好用推薦：Sofina嘅prima 一直都係平靚正之選💡 舊版起碼用咗3支以上🧏🏻‍♀️ 過年出去拜年.. 由朝玩到晚. 想keep住個妝全日靚靚..持久嘅底霜好重要！ Primavista 持久控油底霜 （紫色） 💡有助提亮膚色 亞洲女性皮膚一般都比較偏黃.. 特別係好似我喱種經常唔夠瞓嘅.. 眼圈特別深色.. 就好需要用提亮膚色嘅產品令自己睇落精神啲🧏🏻‍♀️ 喱款primer一捈提亮💓 質地易推.. 唔會搞到一撻撻💡 💡防曬度數spf 50 pa+++ 懶人就最鐘意all in one🫢 當防曬同妝前底霜變咗同一支 就可以減少搓泥機會！ 50度基本上夠日常出入用💓 💡質地好推，不泛油 舊版曾經有個問題…. 就係好易出油🥲 新版改良咗喱個問題. 好用咗好多🧏🏻‍♀️ 💡防水防捽 過年流流病咗… 係咁抺鼻.. 咁啱就發現… 個妝無咩點甩🧏🏻‍♀️ 🌟 唯一要提.. 係綠色支prima.. 只可以局部泛紅位置用 朋友全臉搽… 就搞到個妝有點怪🤫