毛孔遮瑕 推薦好用產品

Emily Leung好用推薦：Maybelline 反孔特霧粉底液（Superstay系列） 測評 簡單啲講，佢就係油皮同混合肌嘅「定妝救星」，專治溶妝、出油，貪佢持久、遮瑕度高，但妝感會比較明顯。 1. 質地：似濃身嘅奶霜 擠出嚟係冇乜流動性嘅cream狀，推開有啲厚度，但唔會好黏。 ✨ 上妝貼士：因為佢乾得幾快，最好分區（一邊面頰/額頭咁），快手用化妝棉或者濕粉撲拍開，唔好一次過點成全塊面先至慢慢捽。 2. 妝感：全霧面，遮瑕力強 · 霧面感：上完妝即刻係好靚嘅全霧面，毛孔同油光即刻隱形，塊面望落好「乾淨」。 · 遮瑕度：高遮瑕！普通泛紅、暗瘡印、淺色雀斑，基本上一層已經遮到八九成，唔使點再用額外遮瑕膏。正因為咁，妝感係會有少少「面具感」，如果追求超薄透自然妝嘅人可能覺得重咗啲。 3. 持妝能力：堅挺！出汗出油都頂得住 呢支嘅賣點就係「超持妝」，實測落真係唔錯： · 抗油抗汗：夏天出汗，或者T字位出油，佢真係可以hold得住，唔會溶到一撻撻，只會慢慢變返少少光澤。 · 長時間表現：帶妝8-10個鐘後，基本上個底妝都仲喺度，唔會完全消失。最多係喺鼻翼、嘴角呢啲表情多嘅地方有少少卡粉或積線。

Lydia好用推薦：Maybelline Fit Me 反孔特霧粉底液 — 霧面妝感嘅高 CP 值之選，控油效果持久✨ 質地： 呢款粉底液嘅質地偏向流動性高嘅 liquid 狀， 上臉好容易推得開，唔會覺得厚重。 推勻之後好快就會變成霧面嘅 finish， 觸感偏滋潤，不過冇乜黏笠感， 對於偏油或者混合肌嚟講，呢種質地喺夏天用都幾舒服。 效果： 妝感係好自然嘅 matte look， 修飾毛孔嘅效果確實唔錯，皮膚睇落會平滑咗。 遮瑕力中等，對於普通嘅膚色不均或者淺色豆豆印，薄薄上一層已經遮到大部分，妝效唔會覺得好似戴咗面具咁。 控油力方面表現幾穩陣，平時返工出街大半日， T-zone 位置雖然會有一點點油光，但混合咗油脂之後，個妝反而會變成好睇嘅奶油肌妝感，唔會好容易成塊面溶晒或者出現斑駁嘅情況。 缺點： 不過呢款粉底乾得比較快，建議上妝嗰陣要分區處理，如果唔係可能會推得唔夠均勻。 另外，對於鼻翼或者皮膚本身有乾皮嘅位置，可能會有少少顯乾紋，所以妝前嘅保濕步驟一定要做足，咁樣個底妝先會更加貼服。 總結：平價好用嘅霧面底妝，油肌同混合肌嘅穩陣選擇。另一樣最大嘅優點就係佢好易買到，樓下屈臣氏都有。

Emily Leung好用推薦：Laura Mercier 柔霧粉底液測評 核心特點 · 妝效：自然的柔霧光澤。它不是重度遮瑕的假面感，而是偏向絲絨質地，能很好地修飾毛孔，打造「原生但精緻」的妝感。 · 遮瑕力：中度可疊加。一層能均勻膚色、遮蓋泛紅，對於痘印等瑕疵建議局部二次疊加，整體不會顯得厚重。 · 持妝度：中上水準。添加了控油成分，在混油皮上實測約 6-8 小時 開始出油，但出油後會轉為「奶油肌」而不會斑駁暗沉；乾肌建議做好妝前保濕。 · 膚感：極輕薄。流動性強的液態質地，推開後像「第二層肌膚」，幾乎沒有負擔感，也不易卡粉。 選購與對比 這款粉底的設計偏向「均衡型」。 · 如果你追求極致控油，它的控油力不如雅詩蘭黛 Double Wear，但精緻度更高。 · 如果你追求光澤肌，它比同品牌的「極限超時親膚粉底液」更為輕薄且帶有柔焦感。 · 關於色號：建議靠櫃試色，其色號分為 C（冷）、N（中性）、W（暖），選色邏輯較為細膩。 總結：它是一款適合混合肌（混油/混乾）的日常「不出錯」粉底，能兼顧輕薄與一定的持妝力，適合喜歡偽素顏、自然進階妝感的人。

Kmggigi好用推薦：感謝@cosme 贈送Laura Mercier Real Flawless Weightless Perfecting Foundation LM粉底果然名不虛傳，完美演繹自然光澤妝感！✨ 今次收到OC1色號，係偏白膚色嘅完美選擇！ 色調自然，唔會過於偏黃或者過白， 用後整體妝感既清透又均勻。 呢款粉底嘅質地非常水潤輕盈， 一推就開，延展性高， 完全唔會有卡粉或者厚重嘅情況， 就算係乾性皮膚都可以駕馭得住， 仲帶有淡淡嘅滋潤感，使用體驗非常舒服！ 粉底帶有光澤妝感，令肌膚呈現健康嘅水光效果， 妝效自然又有質感， 特別適合鍾意低調又有氣色嘅妝容 遮瑕度屬於中低，能夠有效修飾膚色不均同細微瑕疵， 但如果有較明顯嘅痘印或者斑點，可能需要額外遮瑕 不過對於鐘意輕薄自然妝效嘅人嚟講， 呢個遮瑕度已經非常足夠，絕對能夠打造出輕盈無負擔嘅日常妝容😆

Lydia好用推薦：Product: Cle de Peau Radiant Cream Foundation 色號: 10 呢支粉底已經回購兩次, 係我每次去日本旅行嘅時候都會喺專櫃買嘅日本版。 顏色同質地：10色號好貼我本身膚色，上面之後個質地冇得輸 感覺好似絲緞咁幼滑，好容易就推得勻，完全唔會有厚重或者黐立立嘅感覺。偏向滋潤質地，搽完上面有水潤感，對油肌人嚟講冬天會更好用。 妝感效果：佢最吸引我嘅地方 就係嗰種高級嘅「奶油肌」光澤感。唔係油光滿面嗰種，而係好似皮膚自己透出嚟嘅自然光澤，睇落個人嘅膚質好似好好咁，有貴氣感。 持妝情況：我自己係油性皮膚，坦白講如果喺夏天或者天氣熱嘅時候用，佢嘅控油能力對我嚟講唔算好夠。大約帶妝5-6個鐘之後就會開始有啲溶油，需要補妝。不過天氣涼啲好似而家秋冬天咁，呢個問題就會冇咁明顯，可以保持得好好。 總結心得：雖然控油表現對我嚟講唔算完美，但因為實在太鍾意佢嗰種高級、自然奶油肌嘅妝感，我依然keep住用佢。我通常會喺天氣冇咁熱、或者需要出席重要場合、想皮膚睇落有貴價質感嘅時候揀佢。對我嚟講，呢支係一支可以提升整體妝容質感嘅粉底，每次用佢都覺得自己嘅妝特

Jasmine L好用推薦：Radiant Cream Foundation質地幼滑滋潤似奶油，推開易均勻，妝效自然透亮帶柔光，遮瑕力唔錯，毛孔同細紋遮得柔和有光澤。 保濕力強，皮膚感覺柔軟貼服，全日持妝都穩定，唔易卡粉或暗沉。敏感冇刺激，T字位半天後會有少少油光。整體高級感強，適合偏乾肌想水潤亮澤底妝嘅OL日常用。

Chloeincosme好用推薦：成日貪新鮮買好多唔同既化妝品，而NARS既大白餅絕對係我一生不停回購的產品！ 佢既外型偏大，鍾意用小廢包既我好少帶佢出街，主要用黎定妝，每次用完大白餅都會覺得自己皮膚超好。♥️粉質：10/10，極幼細，未預過比佢更幼細既蜜粉。 ♥️妝感：9/10，微霧，唔浮粉唔卡粉，有極幼既珠光，唔會好似登台咁閃但又帶到光澤感。 ♥️控油：7/10，當夏天坐冷氣房，7點化完妝，下午4點開始有油光，即使出油都唔會斑駁（好重要） ♥️保濕： 6/10，唔係保濕型。 ♥️持久：8-10小時 *要留意既係佢唔係有色粉餅，基本上冇遮暇度可言！但佢可以比到柔化同撫平肌膚既妝感！ 下圖中指係掃左5/6下既結果，可想而知佢既粉質幾幼細😍 但！佢有缺點！ 除左size太大唔想帶佢出街，另一個唔用佢補妝既原因係佢既「粉撲」好似紙咁薄😂超難用…（呢樣野都比人話左好多年🥹 不過因為我係屋企用，我會用其他工具取代佢，所以對我黎講唔算好大既缺點。 總結：係超好用的蜜粉餅，推薦！

TsuenMa好用推薦：NARS #大白餅 睇左好多comment，係定妝界應該無人吾識佢，NARS大白餅，light reflecting 原生光蜜粉餅。 粉質好細緻，粉餅壓得好實，如果用掃上可能要大力啲先會掃到d粉出黎。第一次吾敢太用力去攞粉，吾肯定有冇攞到粉就掃上塊面到，變左帶走左d foundation，再攞粉嘅時候hi返落塊粉餅到，令到大白餅有啲foundation嘅色🥹 （吾係全白了） 細緻嘅珠光係蜜粉入面，提亮膚色，繼而可以利用光嘅折射，有效柔化臉上細紋瑕疵。岩晒我好鍾意霧面感覺嘅自然妝效💕 品牌highlight:✨ ⭐️Photochromatic Technology自動感光科技，妝容可自動調節適應不同光源，令膚色與光線完美融合，不論真人或上鏡、任何角度和光線下，都能綻放自然光采，無時無刻展現最佳狀態！ ⭐️含有礦物甘油、高效抗氧化的維他命E，有助抵抗肌膚變得乾燥，肌膚全日保持觸感舒爽。 用後感： 戶外暴曬、出汗後都無脫妝嘅情況出現🩷 輕薄自然嘅妝後感，完全吾會有厚重死白嘅感覺🩷 果然係名不虛傳嘅大白餅，應該會返吾到轉頭用其他，不過暫時未試過係香港炎熱濕氣重嘅環境下挑戰，如果都

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

林泳恩好用推薦：成份比較養膚的粉底，不用擔任用後會有暗瘡，但保濕知遮瑕效果未如理想，上妝幾小時後會開始浮粉，用作補妝粉底會更好

inkitsung好用推薦：回購又回購之一！ 呢個保濕度超高，真係勁養膚嘅一個cushion~ 但前提你要皮膚質素好好先用到佢~ 因為佢近乎0遮瑕力, 純粹幫你提亮膚色~ 望落皮膚更加好氣息👍👍

Fng好用推薦：MAC Lightful C+ 光透防曬底霜，呢支帶防曬嘅提亮底霜，聲稱能打造光透妝感。 質地與即時妝效：👍👍👍 (光澤感強) 佢係帶微微珠光嘅淡粉色乳液，質地水潤，好易推開。上臉後確實能即時提亮膚色，中和黃氣，帶來一種通透嘅光澤感，皮膚睇落更飽滿同精神。後續上粉底亦更貼服。 保濕與黏膩度：🤔 (秋天轉季剛剛好) 對混合偏乾肌來說，佢嘅滋潤度喺夏天明顯過高了，秋天就okay。完成後皮膚有種黏膩感，彷彿一層油膜冚住，在夏日濕熱天氣下令人不太舒適。這種膚感亦令後續底妝的舒適度大打折扣，相反地， 秋冬天氣濕度低，就剛剛好。 持久度與控油力：❌ (夏天不達標) 由於本身質地潤澤，在香港悶熱環境下，T位出油速度明顯加快，妝容融化速度比使用一般控油妝前更快，不到中午就已泛油光，毛孔亦更顯眼🫩🥴。追求持久啞緻妝效的話，它並非夏日首選。 總結： 一支更適合✅️乾燥季節使用的提亮型妝前乳。其光澤感和保濕力在秋冬會是優點💡，但放在香港夏天，對混合肌來說就變成了過度潤澤的負擔，嚴重影響妝容持久度。除非你是極乾性肌膚，或只需短時間在冷氣環境下活動，否則不建議在盛夏全臉使用。 #轉季

Jayla好用推薦：以Base嚟講佢嘅防曬系數好高，有SPF 50 PA+++。 質地係偏厚身，不過用粉底掃上好容易推開。淡淡嘅粉紅色上臉之後係完全冇妝感，但會有少少提亮效果，好似氣息好咗咁。但如果明顯瑕疵嘅話都係需要用遮瑕膏遮返。由於佢比較滋潤，我一般只會喺秋冬天使用。

Kitty 好用推薦：呢款粉餅遮瑕力幾高，所以粉質粗少少我都接受到。打完底妝之後用嚟定妝，會覺得有少少厚重。對油皮嚟講，控油力唔錯，持妝力都算OK。 缺點係毛孔比較大嘅位置、下巴痘痘粉刺多唔平滑嘅地方，如果帶妝耐咗，嗰妝效會變粗糙，冇咁貼服。呢款唔係輕薄型粉餅，皮膚缺水時，補妝會顯得有啲厚重同假面感，要做好保濕同埋控制好份量輕輕咁補。 如果皮膚好，或者唔追求無瑕妝效、想快啲出門口嘅話，搽完防晒加呢款粉餅都幾正㗎，總體來講我都好推薦大家試一試！

Fng好用推薦：作為熟齡混合偏乾肌人，喺香港呢個啱啱開始有啲涼風、但濕度依然飄忽嘅秋天，用 MAKE UP FOR EVER 高清柔霧粉餅，真係別有一番體會！🍁 🧏‍♀️ 膚質與測試環境： · 膚質：熟齡混合偏乾（T位微量出油，兩頰與眼周轉季時特別乾燥） · 測試環境：香港秋天，日夜溫差大，濕度下降，偶爾有風，長時間處於冷氣房。 · 上妝方法：針對轉季，調整了上妝手法，務求妝感與保濕並重。 👍 轉季優點：穩定膚況，妝容高級 1. 「微啞光」妝效，高級感滿分 秋天唔再需要極度啞光，呢塊粉餅出嚟嘅效果係一種帶有絲絨感嘅「微啞光」妝面，睇落非常高級！🤩 佢唔會好似全霧面咁吸走皮膚所有光澤，反而有種天生好皮膚嘅質感，對於熟齡肌來講，可以有效柔化毛孔同細紋，又唔會顯得粉感厚重，正正適合秋天追求嘅「自然偽素顏」感覺。 2. 遮瑕力持久在線 轉季時皮膚容易泛紅同有啲唔穩定，佢嘅高遮瑕度依然發揮穩定，一層已經可以遮蓋大部分瑕疵。最好係，即使皮膚有少少乾，佢都唔會好似其他高遮瑕產品咁，卡喺乾紋度，或者突顯皮屑，貼服度做得非常好。 3. 持久度驚喜！抗得住溫差同冷氣 呢點真係要大力讚！👍 朝早喺

poonpoon好用推薦：蜜粉偏細蜜，屬於保濕型蜜粉，我簡呢隻係膚色，有少少遮瑕，可以提亮面部膚色。 保濕效果好，濕潤一啲都唔乾身💧佢有一個濾網，可以阻隔多餘嘅蜜粉，取粉少少起霧，不會過於浪費。而且配搭一個黑色粉撲，黑色粉撲可以睇到取粉量，粉撲質地舒服柔軟。按上面冇粉感，妝感輕薄。 因為我係乾性皮膚，夏天對我嚟講係夠，保濕力比美貴婦牌子，唔會乾唔會起皮，水貨百幾蚊有交易🤝

Bendict好用推薦： 呢盒碎粉幾好 因為我試過其他顏色碎粉 始終透明碎粉比較啱男仔 控油效果唔錯 修飾毛孔能力都幾好 粉感唔會太重 同埋MAC呢個碎粉盒個設計非常好 有濾網嘅設計 取粉可以好均勻 另外粉盒分兩層 粉撲取粉之後 可以喺上層搓勻 咁樣比較衛生 因為粉撲同碎粉分層設計 粉撲用完之後唔會污染底層嘅碎粉 👍😸 呢個都推薦

Monkeyk好用推薦：我本身個人比較麻煩，同埋好鐘意試新嘢，真係會回購甚至空瓶嘅嘢數埋10樣都冇，但係呢支lavender rose# 10, 真係我回購咗而家用緊第四支，一去日本就會買，因為平啲，我本身皮膚混合性偏非常之乾，同埋長期瞓得唔好膚色好蠟黃，搽完佢之後成個氣息真係好好多，但又唔會白得好唔自然，如果懶唔化妝就咁搽佢已經可以提升氣息，如果要化妝搽完佢先化粉底都用少好多，不過有時去到冬天極乾嘅天氣搽佢係有少少偏乾，見到自己面頰會係有少少發霉嘅跡象，但唔多呢個情況(留意返我年紀都唔細,應該好小人好似我乾到咁)有一次買錯咗另外一隻色#01係粉底嘅顏色，都好用，我諗比較適合皮膚唔太黃嘅人，我都繼續試緊其他嘅替代品，想再平啲，但暫時仲未搵到🤭

Chloeincosme好用推薦：Decorte的碎粉係我最愛，所以收到呢支cc cream做禮物都幾開心😍 佢嘅提亮同均勻膚色效果都唔錯，雖然遮瑕度屬中等，黑眼圈/ 痘印要額外遮瑕，但日常返工完全夠用～ 🤍 均勻提亮：4.8/5 淺粉色調細緻自然，上臉後膚色即時透亮均勻，偽素顏感一流！ 🤍 遮瑕度：3.5/5 均勻膚色效果好，但明顯瑕疵要疊加遮瑕產品先夠～ 🤍 持久度：4/5 帶妝10 小時鼻翼明顯溶妝，一定要碎粉定妝！整體妝感依然保持得唔錯～ 總結： 呢支cc cream適合追求自然提亮同快速出門嘅人～😂雖然價錢偏高同遮瑕力一般，但作為偽素顏神器值得投資！推薦俾所有想打造透亮底妝嘅你！

Sakura醬好用推薦：講起NARS呢支「光亮柔滑遮瑕膏」（Radiant Creamy Concealer），可以話係口碑產品嚟。等我從質地、遮蓋力同持久度幾個方面，同你講下用後感。 首先講質地，佢個名改得幾貼切，「柔滑」係真嘅。搽出嚟係奶油感，推開嗰陣好順，用手指或者化妝掃都容易拍勻。雖然唔係嗰種水汪汪嘅液態，但都算滋潤，唔會一上臉就抽乾皮膚嘅水分，一般皮膚用都幾舒服。不過如果係極乾或者有好多細紋嘅位置，做好保濕打底會更穩陣。 跟住到遮蓋力，呢支嘢嘅遮瑕效果確實幾出色。普通嘅黑眼圈、暗瘡印同泛紅，薄薄一層已經遮到七七八八，可以話係「中度至高」嘅遮蓋力。如果你想遮啲好深色或者好突出嘅瑕疵，可以局部疊加多一層，都唔會話好厚好「面具感」。用來修正眼底三角位提亮，效果都幾自然。 至於持妝力，我覺得係佢嘅強項。我試過帶妝成日，佢都冇話溶到一撻撻或者明顯跌妝。就算係夏天出少少汗，只要定妝做得好，個妝都算keep得住。不過要留意，如果你眼部皮膚特別乾，帶妝耐咗可能喺眼底細紋位有少少積線，呢個都算係遮瑕膏嘅通病。另外，佢個色號選擇非常之多，由淺到深、冷暖調都有，好容易揀到同自己膚色match嘅一款。 優點： 1.

Luna好用推薦：Nars光亮柔滑遮瑕膏（Nars Radiant Creamy Concealer）真實測評： 🧴 產品全名： Nars Radiant Creamy Concealer 💰 價錢： 中高價位（專櫃級） 🎨 色號選擇： 非常多，偏黃、偏粉、中性色都有，容易揀到貼近自己膚色嘅色號。 👍 優點： 1. 遮瑕度強： 一層已經可以遮到七成黑眼圈、痘印，疊加多層都唔會厚重。 2. 質地貼服： 雖然叫「Creamy」，但唔會油膩，推開後好快貼住皮膚，唔易卡紋（乾皮建議做好保濕先）。 3. 持久度好： 帶妝8個鐘都唔會明顯溶妝，尤其適合混合性至油性皮膚。 4. 光澤感自然： 有微微嘅亮澤效果，唔會死實，睇落皮膚好似自帶光澤。 5. 方便衛生： 牙膏管裝設計，容易控制用量，而且衛生。 👎 缺點： 1. 價錢偏貴： 如果成日用，一支好快用完，性價比唔算高。 2. 乾皮要注意： 如果皮膚本身好乾，或者眼周紋多，有機會少少卡紋，建議用之前加強保濕。 3. 氧化問題： 部分色號會輕微氧化（變深少少），揀色時可以去專櫃試清楚。 💡 使用心得： · 上妝方法： 最好用指腹或者細嘅化妝掃點開，再

Emily Leung好用推薦：Benefit毛孔細緻霜測評 質地： 搽上手第一感覺係「滑得嚟有啲矽感」，唔會立癡癡，推開個陣有啲似慕絲咁，好快就啞面，完全唔油。如果你試過佢哋嘅反孔精英，呢個霜嘅質地會再輕薄少少，似一層好薄嘅柔焦濾鏡咁罩住皮膚面頭。乾皮用可能會覺得有少少繃，建議局部用喺毛孔粗大位（多數係T字同鼻翼兩側）。 毛孔細緻效果： 即時效果明顯，填平凹凸窿窿嘅能力幾強，尤其係鼻翼兩側同眉心位嘅細小毛孔，搽完即刻睇落平滑咗，有種「磨皮感」。但注意，佢唔係真係收細毛孔，而係透過填充同光線折射令毛孔「睇唔到」。持久度大概可以keep到半日左右，如果出油多，晏晝可能要用紙巾印一印油，再補少少。 小貼士： 1. 唔好當全臉面霜用，只搽喺毛孔明顯嘅位置，否則可能會有屑或者太乾。 2. 建議用完保濕打底（等吸收晒）先搽，之後再上粉底會更貼服，毛孔隱形效果會加倍。 3. 如果追求天然妝感，可以單用呢支霜，再薄掃一層碎粉定妝，已經有好靚嘅柔焦效果。 總結： 適合油性/混合肌，或者需要即時修飾毛孔嘅場合（例如約會、見工）。但如果你期望長期改善毛孔粗大，就要配合其他護膚品（例如果酸、維A醇）。一支都幾耐用，值得入手試吓！

Lindabb好用推薦：Benefit毛孔細緻霜（即係「反孔精英」妝前霜 質地： 搽落係滑溜溜嘅「慕絲」感覺，唔油膩，推開後有啲啲粉感，但唔會好乾。顏色係肉色，但上臉後會變透明，唔會影響後續粉底顏色。 功效： 1. 即時收毛孔： 塗喺鼻翼、眉心同面頰毛孔粗大位置，真係有「磨皮」效果，毛孔望落細咗好多，皮膚睇起嚟平滑咗。 2. 控油同持妝： 對於混合性同油性皮膚幾友好，可以延緩出油，令粉底冇咁易溶妝。乾皮膚可能要用少啲，或者局部用。 3. 妝前打底： 可以令粉底更貼服，唔會容易浮粉，尤其適合夏天或者潮濕天氣用。 缺點： · 如果用量太多，或者手法唔啱（例如用力摩擦），有機會有「搓泥」情況。 · 單用唔夠保濕，乾皮膚可能要額外加保濕霜打底。 · 效果偏向「即時修飾」，長期用未必真正縮細毛孔，主要係化妝時視覺上改善。 使用心得： 建議用手指輕輕拍開，唔好來回捽。局部用喺毛孔粗大位置就夠，唔需要全臉搽。最好等半分鐘左右，等佢乾咗先上粉底，效果會更持久。 總結： 適合毛孔粗大、容易出油、想要妝前平滑皮膚嘅人。如果你經常化妝，想個底妝睇落更精緻，呢支值得試。但如果你追求天然護膚、或者係極乾皮

Kmggigi好用推薦：講到底妝，RMK依枝粉底霜真係好好用 本人混合偏乾，臉上主要瑕疵為少少痘印同曬斑 呢支粉底霜遮瑕力中高level，輕輕擦一層都可以遮到九成 睇落去皮膚好靚 持妝力都okay，我用咗八個鐘到 t字位有少少出油，但會令到效果變得更加似奶油肌 唯一麻煩位係要用時間心機將佢上得均勻啲

wingbks好用推薦：疫情呢3年，最重要嘅一定係粉底，所以試咗好多款，呢款最啱戴住口罩用❣️首先佢嘅粉底係呈牙膏狀，初時都怕秋冬好難搽，不過經過多月測試，佢不論春夏定秋冬，搽都好適合！因為春夏較熱，朝早用佢又唔會中午滿面油光；秋冬又唔會因為乾而上唔到妝！🈴 雖然佢唔自高遮瑕度嘅粉底，但作日常妝容就非常推介，搽完唔會好厚粉！🌟 同好多精華、防曬都夾到，唔會化妝時有「擦膠碎」。 當然唔少得嘅係，佢唔會甩曬啲粉係口罩上面，唔怕食飯除口罩時尷尷尬尬！ 價錢算係中價，但佢好「襟用」，唔洗搽好厚，所以幾合化算，可以回購！💸

YY好用推薦：偏啫喱感既膏狀質地，上臉舒適，容易推開和吸收。附有防曬功能SPF25・PA++ 適合混合皮/毛孔粗大既女孩，佢嘅柔焦毛孔效果非常好，可以瞬間讓皮膚變得細膩光滑，呈現出柔焦啞光肌效果。 雖然無調色遮瑕作用，但相信油皮/瑕疵皮比較着柔焦皮膚效果。另外產品話有oil control功效，但控油效果感覺一般。我會混合其他base用，感覺更全面☺️ 我夏天溝落shisedo藍胖子，增加控油度又有最強防曬⛱️ 冬天溝Shu uemura 紫色base用，增加保濕去黃效果⛄️ 而且CPB既skincare都好出名，用完佢皮膚無起粉刺暗粒等奇怪反應。試過用其他歐美牌子嘅毛孔底霜用完起暗粒。 一支有38ml，用咗成年都未用晒。藥妝店買都係貴開價牌子少少，但有專櫃護膚品嘅效果，值得買😽

Fng好用推薦：Cle de peau cdp 長管隔離霜啞光版 Mattifying Veil SPF25 PA++係一款非常適合春夏🏖🌞使用嘅啞光型化妝底霜，主打針對毛孔問題，解決皮脂和汗水引起的溶妝問題。 搽上臉表面質地光滑，同時有柔焦效果，可減少毛孔和皺紋的出現，隱藏毛孔👍，又唔會令你覺得皮膚乾燥。修飾毛孔及粗糙膚質，塑造輕透無瑕matte 妝容。 啞緻配方 相比cdp另一個 配方(光采柔滑)，我覺得 啞緻配方較適合油皮使用，不但能吸取肌膚多餘油脂，更不會阻塞毛孔，更清爽貼服，一般情況達10小時持妝及保濕功效，同時解決粉底氧化變色問題🌈， 如果當天要戶外活動嘅話🛶⛵️，我會喺上妝前底霜之前，再加防曬乳，咁就perfect! #底妝升級好物

TsuenMa好用推薦：Make Up Forever 超多好評嘅定妝蜜粉 HD 高清持久定妝蜜粉 我呢隻色係2.2 universal clair / light neutral ，就甘睇隻粉嘅色，以為會深色左d，但掃上面比預期中好，吻合度更高✨產品系列，一共有八個色號，主打一個總有一款可以適合到你用😆 蜜粉嘅控油成份好好，可以幫你打造陶瓷妝感👩🏻‍🦰能夠好好咁控油，就係可以令個妝keep得長久嘅一個關鍵，所以品牌稱佢能夠幫你瓷磚高達廿四小時；不過呢款控油力比較強嘅蜜粉，可能未必適合乾肌使用。 蜜粉粉質都好幼細，我係用化妝掃上粉，無使用化妝撲，但之前使用佢粉餅嘅時候有用過，都覺得好好用，佢粉撲嘅抓粉力都好強，但同時間亦都唔會整花你個妝，值得一讚💕 總括而言，呢款蜜粉定妝效果很不錯，對於我呢個追求霧面妝感、陶瓷肌妝感嘅就好適合🙂‍↕️同埋重點係需要揀啱色號嘅粉，咁就唔怕一失手攞得太多粉嘅時候會fail🥹 我多數都會係攞粉量會多啲，希望可以keep到個底妝靚啲🥰 如果係普通返工日常嘅話，基本上個底妝都唔會點甩或者花，但有時可能走動得比較多，有出汗嘅話，效果就會爭啲，鼻翼嘅周圍都可能會有少少浮粉嘅情況🥹

lingbb好用推薦：購入色號: 紫色 適合人士: ✓ 追求控油碎粉 ✓ 追求多顏色選擇碎粉 ✓ 對粉撲質量有追求 碎粉說明: ✓ 外型是令身的淺灰色蓋，配透明罐，感覺專業 ✓ 粉質依舊幼細 ✓ 附送絲絨粉撲非常大塊，質地柔軟，經過歲月摧殘狀態仍舊保持。 ✓ 沒有SPF功能 ✓ 沒有香味 使用心得: ✓ 相比起舊版HD透明粉，此款控油度沒有特別出色。，舊版較出色。 ✓ 粉撲雖然柔軟舒服，但抓粉力欠佳 ✓ 更推薦大家使用該品牌的kubaki124掃一起使用，毛質使用多年都依舊濃密（見圖） ✓ 期望越大，失望越大。 不會回購 曾使用過的碎粉參考: ✓ MUF HD 透明 及多色碎粉 ✓ LM 柔光碎粉 ✓ INNISFREE 礦物質散粉 ✓ 日本ETVOS 2022 限定防曬系列ETVOS Mineral UV body powder SPF40 PA +++ ✓ AVANT SCENE HD珊瑚精萃定妝蜜粉

Sophia好用推薦：首次試用Dior恆久貼肌氣墊粉底，感覺良好👍 - 妝感表現 🌟：上妝後妝面光澤自然不死板，屬於微光感肌，不會看起來太乾或太水光。遮瑕力中上，能均勻膚色並淡化瑕疵，但較深的痘印或色斑仍需局部遮瑕。 - 持久度 ⏱️：宣稱恆久效果確實有感，日常返工或外出大半天仍能維持不脫妝，出油後亦不卡粉斑駁。 - 遮瑕 & 底妝貼合度 🪄：粉質細緻，服貼皮膚且不浮粉，使用粉撲輕拍能達到較無痕的薄透妝感；要更高遮瑕可用按壓多層堆疊而不會顯厚。 - 適用膚質建議 🌈：乾性至混合性肌膚都能輕鬆駕馭，油性肌膚建議先控油或用妝前毛孔打底。 總結：如果喜歡妝感自然且持妝不錯的高級氣墊，Dior呢款很值得投資，而且正貨包裝十分精美，試用完已經在我wishlist❣️

erica tsang好用推薦：我已經用咗第6個 cushion , 我25年 4月開始用， 一時就愛上咗。😍😍😍 呢一款係25年12月 聖誕特別版， 回購再回購 ，真心好用, 遮瑕力好強， 唔容易脫妝， 而且亦都唔會乾。 全日keep 住妝容， 唔太需要補妝。 啲同事仲讚我，皮膚好好添。🤣🤣🤣

布吶吶好用推薦：Maybelline Fit Me 遮瑕膏（色號 15 Fair）詳細測評 今次同大家深入測評 Maybelline Fit Me 遮瑕膏，重點講吓 色號 15 Fair，呢隻色號喺香港都幾多人用㗎！ 整體評價： Fit Me系列以「自然貼服」做賣點，呢支遮瑕膏係開架品牌中嘅人氣王。色號15屬於 偏象牙白嘅淺色，帶少少 粉調，非常適合 白皮至自然偏白膚色 嘅朋友用嚟 提亮 同 遮蓋輕度瑕疵。 1. 質地與妝效 · 質地： 乳液狀質地，水潤易推，唔會黐立立或好快乾。對於偏乾皮膚嚟講比較友好，唔會卡粉喺眼紋。 · 妝效： 上臉後係 自然啞緻 效果，有少少皮膚本身嘅光澤感，唔會完全死實。因為質地輕薄，所以妝感唔重。 2. 遮瑕度與用途（色號15重點分析） · 遮黑眼圈： ★★★☆☆ 因為質地水潤，用喺眼下唔會太乾。但色號15 偏淺兼帶粉調，非常適合用嚟 提亮淚溝 同 中和灰黑色黑眼圈。如果係嚴重啡色黑眼圈，可能要先用橙調校色遮瑕打底，再用呢隻提亮。 · 遮痘印/瑕疵： ★★★★☆ 遮蓋 紅色痘印、輕微泛紅 效果非常好！因為粉調可以中和紅色。遮瑕度屬中等，可以疊加。 · 提亮用途：

Chloeincosme好用推薦：因為眼下皮膚偏乾，用遮瑕膏經常卡紋，Fit Me柔滑遮瑕膏出左新色- 三文魚色，就買黎用下。整體質地輕盈水潤，推開好順滑，冬天用幾好，係搵到一支唔會令眼下乾到現皺紋嘅遮瑕～ 新三文魚色（黑眼圈嚴重嘅朋友可能會嫌佢唔夠橙）質地偏水潤 🤍 滋潤度：4.5/5 水感質地好貼服，即使用喺眼底都冇卡粉，冬天乾肌用都零負擔！ 🤍 遮瑕力：4/5 薄薄一層已經遮到7-8成黑眼圈同痘印，不過重複疊加就會有啲妝感！ 🤍 持久度：3.5/5 帶妝大半日會有少少減淡，但唔會積線或斑駁，補搽都方便～ 🤍 色號選擇：5/5 有齊冷暖調多個色階，容易揀到啱自己膚色嘅遮瑕～ 總結： Fit Me呢支遮瑕膏係平價遮瑕中嘅優等生！尤其適合眼下乾燥又需要自然遮瑕嘅人～唔知夏天嘅持久力如何？有機會回購，推薦俾所有怕厚重又追求貼服妝感嘅你！

Rachel Hui好用推薦：學生時期知道INTEGRATE這個品牌，是去台灣/日本旅行就會買。知道是SHESEIDO的小資女市場的副品牌。產品包裝簡單可愛😍，CP值高。 最近一次去台灣看到這個粉餅做推廣，還聯乘牛奶妹，買一盒送牛奶妹摺疊粉刷。 用起來有驚喜。本身是敏感肌加乾皮，有點怕用乾粉類底妝產品。但這盒，高防曬之餘，還不會抽乾皮膚水份、不脫皮！直接上臉也不會有乾裂，遮瑕度不錯。日常外出補妝、補防曬很方便。 缺點就是它的海綿很粗糙，我都另外用粉刷。

Cici Wong好用推薦：平時有用開呢個牌子嘅粉底液，見到好多人話佢嘅粉餅都好好用，所以今次去日本旅行特登買來嘗試。 我平時好少用粉餅，因為我係乾性肌，好驚用粉餅會好乾，但用完佢之後完全冇呢個感覺，特別適合夏天使用。佢嘅遮瑕度都唔差，我平時會先用遮瑕膏，然後再輕輕用粉撲上底妝。佢嘅粉感唔會好重，妝感幾自然，微微出油之後會更加好睇，出街全日都冇乜甩。佢個粉撲都算柔軟，不過我多數用即棄粉撲，感覺衛生啲。個包裝都好可愛，入邊係心形，細細盒，帶出街補妝都方便。會考慮回購！

Poyobb好用推薦：點解會買💕 開架出名有份量多又唔太貴嘅日本牌子，其實用過好多專櫃牌子嘅碎粉都冇乜特別突出感覺，反而想用返啲多人推薦嘅Chacott碎粉 質地💕 我揀嘅係761色號，屬於自然膚色，大部份香港女仔揀呢隻色都冇錯。冇添加閃粉，不含滑石粉 使用感💕 膚色嘅碎粉，粉質未去到最細，比Laura mercier粗身dd ，但上面有填補毛孔功能。最鐘意係皮膚差、即係爆暗粒嘅時候用，有遮蓋毛孔作用，好似開咗磨皮功能一樣😍 而且唔會反光，只有少許保留底妝既光澤感。上面之後有少許薄霧，粉感明顯🤭 掃碎粉上面後皮膚非常乾爽，即使30幾度嘅，夏天都好乾爽，碎粉吸油力強，香港天氣非常適合。即使全日，持妝度都保留得好好，只有鼻翼微微浮粉。我鍾意留返係當日長時間戶外活動用佢 建議💕 唔好全打開曬成塊貼紙，剪開少少岩岩好倒出嚟。雖然可以加錢配粉撲，我覺得無必要用粉撲，唔太好用。用撲粉粉感重，反而建議用平頭粉底掃，掃兩次全面定妝效果更佳🤭 建議妝前保濕及底霜用保濕款，全面就唔會太乾。761完妝感高級，比透明更優秀。面部有瑕疵一定鍾意🩷 推薦比適合嘅你💕 十分推薦比油性皮膚，或者炎熱又焗既夏天日子混合性皮膚都

bellahly好用推薦：之前喺@cosme 舖頭見到Chacott呢個牌子，知道佢係舞蹈員常用嘅化妝品牌。 買咗佢嘅底妝同埋定妝粉，試完之後真係返唔到轉頭。香港地咁濕咁熱，作為混合性偏油嘅朋友，夏天化妝一定要用定妝粉。 買咗兩盒，一隻係霧面（灰蓋）；另一隻係冰感（藍蓋），兩隻都有皮膚顏色。 藍蓋係比較新出嘅蜜粉，雖然佢有冰感，搽完上去之後皮膚會覺得冰冰涼涼，本身係好適合夏天用，但係我自己用完相比之下就覺得灰蓋霧面比較持久，冇咁容易溶妝；而且份量亦都大啲啲。 如果今個夏天未買定妝粉，大家記得試吓呢一隻日本牌子啦🥰

Clara KY Chan好用推薦：我係第一次用貴價碎粉，完全出乎意料之外，效果好出色，非常鍾意！佢粉質未算最幼細但佢持妝度非常好。 一盒30g真係可以用勁耐，我自己T字位比較油，上左之後可以hold到大半日。喺冬天用佢會有少少乾同卡粉， 不過出左少少油之後成個底妝好好睇，定妝效果亦好好。

Connie好用推薦：透明色號，容量大性價比高，已經用左3盒。四季都啱用，上面後唔會乾但控油好。塊面出油後妝感更好。唯一小缺點係粉撲太硬，我自己係用掃上呢款散粉。