毛孔遮瑕 推薦好用產品

lingbb好用推薦：- 小資女乾肌之選 - 質地非常細滑，上面有中度遮瑕，少瑕疵都已經遮得唔錯 - 有淡淡香果味，成個使用感唔錯 - 主打俾乾肌用，非常保濕，貼服唔會好厚妝，適量定妝後可以支撐半日 - 可惜顏色選擇唔多，有機會要溝粉底 - 開價品牌頭三位粉底

Blueblueblue好用推薦：啱啱學化妝時買嘅粉底液，價錢相宜。 適合乾肌人士，不過要控制用量，不宜厚塗。

Simona好用推薦：YSL明彩筆真係外表吸引，金管拎出街一拎即刻加分✨！ 遮瑕力一般，但用嚟提亮眼底同補妝一流，保濕度都幾好。 有時真係趕時間，上唔切遮瑕，用YSL明彩筆隨手一掃都即刻有精神啲！👍 提亮眼底氣色好咗，夠晒方便快捷。

wintonggg好用推薦：好滋潤，遮黑眼圈都唔會卡紋，遮瑕度都做得好好，同埋筆狀都好方便

Emma W好用推薦：Revlon 持久無瑕水印潤粉底液能夠長時間保持妝容，不易脫妝。這款粉底液的質地輕盈，容易推開，讓肌膚感覺舒適，並不會有厚重感。最重要的是，對於想要遮蓋瑕疵或膚色不均的人來說，這款粉底液提供了良好的遮瑕效果，能夠遮蓋小瑕疵。塗抹後，更加光滑和有光澤，又不會起粒粒。一段時間段後，不易浮粉，係減少補妝的粉底液之一。 價錢方面，相較其他高端產品，依個較親民，似一個不錯的選擇。 適合肌膚：任何 成效度：4/5 保濕度：3.5/5 貼合度：4/5 質地：cream狀

Mo Wong好用推薦：呢款粉底遮瑕度唔錯，可以遮到我面上D斑7成左右，我係上薄薄地一層，用黎化霧面妝幾啱。佢都易推開，我係乾肌上面唔會太乾，而且佢keep到幾長時間唔甩妝，所以幾滿意。

Florence好用推薦：M.a.c[升級版] 專業無瑕霧鏡粉底 第一次用m.a.c粉底液，粉底液屬於霧面質感，推開較為容易，亦都唔會感覺好乾，妝同遮瑕度都ok，上面都唔會有種厚重感，上妝一整天塊面都係乾爽冇甩妝。共購入了兩枝， 持妝度很好，不卡毛孔，暫時出街都係用呢款粉底液。至於m.a.c另一款粉底液肌輕透精華粉底 畀我感覺係 粉底嘅比較閃亮， 可能想要畀人給予閃亮肌嘅質感，感覺太閃亮好似塗上閃粉咁，不太適合。

GinGin好用推薦：勁好用，係我用過咁多隻品牌最好用嘅粉底，唔需要額外加精華液，因為已經二合一，而且勁貼，勁輕薄

Hellobeauty 好用推薦：小資女又找到好妝物了 今次分享的產品係KATE 零瑕肌密柔霧粉底液，呢個「實而不華」產品雖然外表樸實，但係好好用，而且性價比高。 呢個【霧面妝】產品妝效很貼服，而且遮瑕力強，妝感好輕，好自然好舒服。我之前都好唔鐘意用【霧面妝】粉底液，因為會相對難推開，而且有一種黏稠厚實感。我唔太想我塊面好似有油漆批盪感妝效，所以一直好少用【霧面妝】粉底液。 KATE 零瑕肌密柔霧粉底液除了有上述優點外, 我對它就遮飾毛孔及隱藏細紋方面，都非常出色。(圖中效果係我愛上吒個產品原因) 有興趣就試下啦, 期待下次再分享好物。

Chloeincosme好用推薦：好耐之前買落既Kate the base zero 粉底液 ，主打零毛孔同持久妝效，試用後覺得性價比幾高！ 🤍 遮瑕度：3/5 質地輕薄，遮瑕力中等，普通毛孔同泛紅都遮到七八成，係霧面肌妝感～ 🤍 妝效/ 貼服：4/5 上臉係啞光效果，如果保濕做得好，會同皮膚融合得好自然，鼻翼同眼底位都冇卡粉，似天生好皮膚～ 🤍 持久度：3/5 帶妝8粒鐘有明顯溶妝或暗沉，但用紙巾印走油光後妝容依然完整～ 🤍 控油效果：3.5/5 夏天對油肌可能唔夠力，但混合肌同乾肌用就還好（都要定妝 總結： 適合追求自然妝感同中等遮瑕嘅你，呢枝粉底液價格親民但質素都算幾好！ #轉季

Karman28好用推薦：係nars專門店揀左兩款顏色，化妝師幫我試黎遮黑眼圈好得，係好完美咁遮左。如果買，真係要試色上面，咁先可以揀到最岩自己既顏色。 不過自己係屋企用時，無化妝師咁好手勢，出黎效果係差少少。同埋用膏上面，感覺無咁易有乾紋，裂紋。

Pinky好用推薦：固體質地，用既時候用手指warm up，少少份量就夠，唔會乾，輕輕印係皮膚，逐少逐少搽，遮瑕度算高，但唔可以用太多，如果唔係會好易厚

mandy好用推薦：Excel Featherize On Powder 絲感輕羽美肌粉餅 SPF35 PA+++ #FO01 粉餅連盒及海綿 $209/ 粉餅 Refill $149 Excel 的3合1眉筆及4色眼影盤都是名品及熱銷產品，而本次試用的絲感輕羽美肌粉餅也很好用。 Sana 旗下的開架化妝品牌Excel 在一眾開架品牌之中，是定價最高的粉餅，這難免令人有更高的期望。 Excel 絲感輕羽美肌粉餅的粉盒設計非常簡約優雅高質，跟其他的可愛系開架化妝品牌完全走不一樣的路線。 Excel 絲感輕羽美肌粉餅 有著令人喜愛的超柔滑質地，我試過其他的開架粉餅，粉質都真的不夠Excel的滑嫩。 Excel 的確是貴一點, 但卻是真的很有實力! 但如果大家對價位比較執著，那也可以嘗試具口碑的Cezanne 及 Visee。 Excel 絲感輕羽美肌粉餅 共推出4色供大家選擇, 分別是較淺色明亮的FO01，標準色FO02，標準色(偏粉調)FO03 及較深色的FO04。基本上淺膚色選FO01，中間色選FO02 或 FO03，看那種色號較適合，較深膚色選FO04。 Excel 絲感輕羽美肌粉

貓餅好用推薦：偽素顏的好幫手，開價品牌嚟講算係幾平，粉末好細，質感輕薄，修飾毛孔能力唔錯，但係控油力一般

Poyobb好用推薦：質感類似Sofina Primavista 調色底霜，ettusais 呢支偏粉色，接近膚色狀態。 Primer控油能力強，用完之後皮膚會乾爽呈現霧面狀態。夏天日常可以淨係用喺T字位，減少出油情況，令妝感全日維持得更好。如果係油性皮膚可以全面用，用完控油度好強，面部感覺乾爽至少許繃緊，所以如果乾性皮膚就唔建議使用。 我買佢最主要嚟講都係增加底妝嘅控油度，至於修飾毛孔方面，有少少效果，建議用返修飾毛孔嘅底霜（豬油糕質地嗰種底霜）。呢支比Sofina嘅平約百元，視乎自己情況而買啦😉

Noelle S好用推薦：五月已經差唔多日日三十度超潮濕，混合偏乾都出油溶妝，用呢支妝前乳搽T字鼻翼就好好多，keep到成日妝。粉橘色mouse狀35PA++質地柔滑，撫平毛孔減少出油，加埋蜜粉就十分持妝。

Kura好用推薦：呢款妝前打底幫助到我每日都可以快速上妝，我用嘅顏色係rose，可以提亮同埋均勻返我嘅膚色，令到冇咁暗啞，搽上臉質地透薄，容易推開，用完之後就可以用碎粉定妝就可以出門，令到我全日都氣色唔錯，同埋有40度嘅防曬度數，啱曬我日常返工出街嘅需求，係我今個夏天最鍾意嘅妝前打底 @cosme #妝前打底 #妝前打底

Fng好用推薦：容易推匀又唔會笠，適合夏天使用，同埋spf 40+++，感覺戶外活動用此打底也可以。

Fng好用推薦：我屬於乾性肌膚，Bobbi Brown透薄柔焦碎粉於夏季潮濕天氣使用時，控油力中等，乾肌唔起乾紋，佢主打柔焦👍🏻，毛孔即時隱形😍，粉質輕薄透光，相對保濕型碎粉控油力稍強 。 乾肌在夏季T位微出油時，薄掃一層可抗暗沉，但我會避開易起皮區域，如法令紋、眼下。 冷氣房長時間帶妝後，建議補噴保濕噴霧（如Avene舒護活泉水）避免繃緊。 冬季（乾燥天氣)我就只會局部使用，不會全臉定妝。✅ 冬季乾肌可以用bobbi brown 維他命底霜打底，提升貼妝度。

wintonggg好用推薦：會話blur妝blur得幾好，粉質好細膩，不過比較貴，性價比唔係咁高

Wuxx好用推薦：唔係講笑，依個應該係唯一可以係冬天或者極乾天氣下使用嘅粉餅～ 有時帶妝耐得濟我會係日中落妝再上多次妝， 但無理由帶枝粉底液翻公司咁大陣仗， 所以我會隨身帶住粉餅，唔上妝都方便補妝～ 首先冬天嘅使用感係超級滿意！！ 佢上妝後時間耐左係變好靚好靚嘅奶油肌， 除左粉質本身好細滑之外粉質保濕度都非常足夠， 就算妝前保養做得唔太足夠都唔怕， 就算去北海道用佢底妝都係可以好貼同好持妝！ 所以連坐飛機我都係用依隻粉餅上妝～ 但香港依隻粉餅夏天用可能控油同持妝度會稍微不足， 鼻翼和下巴會比較容易出油，有脫妝嘅情況， 但其他部分都可以保持貼服嘅奶油肌～都唔太會暗沉～ **注意選色部分 我用最白嘅色號OC00都會有啲黃， 而換左佢最新出左嘅偏粉調嘅色號BP00之後就好少少 如果你日系粉底色用開明亮色、淺膚色之類可以參考下～

Noelle S好用推薦：四月已經有28度，工作有時要外出，出出入入冷氣地方，食完lunch必定溶妝。呢款maquillage oc10粉餅一開盒就用足一星期，非常適合混合乾皮夏天淡妝用。粉質綿綿的，遮瑕度ok，自然妝感，另加concealer遮黑眼圈，帶上粉盒隨時補補妝就可以last足一日。粉餅𢹂帶方便，上妝方便快速，旅行趕景點shopping又shopping早起搭車搭船，黎緊呢幾個月愈黎愈熱 #出國必備彩妝，遲啲去旅行都諗住靠佢。

Jasmine Yuen好用推薦：用左幾年，一直有用。第1次接觸既時候係因為幾年前懷孕，想用成份比較天然的礦物粉底。 BareMinerals Original Foundation SPF15係一款礦物質粉底，適合各種膚質，尤其是敏感肌膚。這款粉底的特點是它的成分簡單，不含油脂、香料、酒精和防腐劑，對皮膚的刺激很小。 1. 輕薄透氣：這款粉底的質地非常輕薄，不會感覺厚重或是堵塞毛孔。它能讓肌膚呼吸，唔會生痘痘，就算懷孕時皮膚變差，呢個粉底都啱用。 2. 遮瑕力度可調：可以根據需求，少份量方式一層一層疊上，達到自然效果。 3. 防曬效果：有SPF 15的防曬效果，能提供一定程度的紫外線防護。 4. 易上妝：這款粉底很容易上妝（用bareminerals既刷)，而且妝效能維持一整天，持久度相當不錯。

Joyce好用推薦：第一次用礦物粉底，我買的色號是06號neutral ivory（官網live makeup功能推薦的色號），我本身膚色是自然偏白（Kate粉底液用01號色），這個色號對我來說有點深，選色方面可能要花點功夫。 但粉質幼細，配合bareMinerals專用粉掃，少量多次，打圈方式掃上面，就很均勻貼面，不會浮粉，妝感自然，很舒服不會覺得悶焗，不過遮瑕度一般，要疊加幾次先遮到一半，持妝力亦麻麻，大概2-3小時就要補一次，如果是平日只想均勻膚色就很適合，但如果喜歡化全妝的朋友，中途補妝就很不方便。

mandy好用推薦：Ettusais Face Edition (Primer) for oily skin 毛穴控油修正液 $135/ 5.5ml 毛穴控油修正液已採用全新packing。  毛穴控油修正液是局部的控油primer, 可在底妝前、後隨時使用。 特別是容易在T字位出油時,  就可以用毛穴控油修正液來去油、 遮蓋毛孔 及 即時令肌膚變得啞緻。 毛穴控油修正液剛開始是液狀,  之後很快會變成清爽的粉末狀, 使用感舒適清爽不會覺得焗或悶熱。 如果介意T字位出油, 除了作局部控油primer外， 也可隨時帶備毛穴控油修正液以急救出油位置。 有了毛穴控油修正液，那就不用擔心油光及毛孔的問題啦! 含保濕成分: 雙丙甘醇 及 甘油 肌膚修復成分: 甘油 鎖水成分: 甘油 

VictoriaPanda好用推薦：ettusais 毛穴控油修正液好耐之前有用過，我覺得今次新包裝，外型好睇啲之外，個控油都做得好過之前。呢支修正液可以係出油及溶妝的部位使用。我自己就會朝早用黎當妝前底霜使用。都Keep到去下晝

綺羅香好用推薦：拎咗兩個sample，不得不讚小包裝開口設計唔錯，唔會驚撕得太落或者太高而浪費粉底液，遮瑕力唔錯，可以遮到6-7成，質感似乳液易推開，好快貼合皮膚，氣味幾好聞，上面唔會乾，但持妝能力比想像差一啲，同好快氧化暗沉，想帶妝全日可能要揀淺一啲色號，另外好似都係會致痘

keinice好用推薦：價錢屬於比較貴的粉底，但樽身設計精緻，和品牌形象非常相襯。 質感不錯，只是用手指，就可以很均勻地塗上，我個人會再用Beauty Blender 按壓，增加貼服度。 妝感非常細緻，奶油般的光澤感，又有不俗的持久度。毛孔和小瑕疵都可以輕鬆遮蓋，但不會覺得太厚重，遮瑕能力中上。 但要留意面部比較乾的部份，例如鼻翼位和嘴角，上妝後會有少少乾，妝前要加強重點保濕。

Wuxx好用推薦：第一次投稿 多多指教~ 因為真係太好用所以想多啲人知道依個冷門粉底液！ 大家都知資生堂有好多唔同定位嘅副線品牌， 而主線嘅光芒成日都會俾人忽略， 今次就講下依個個人覺得無敵嘅粉底！ 係香港依個夏天室內乾寒，室外濕熱嘅奇怪異世界黎講， 要搵到枝平衡到極端氣溫嘅粉底液真係唔容易，但資生堂做到啦！ 依隻粉底極高遮瑕，半泵已經可以用到全面。 我自己雖然唔係啲咩大瑕疵肌， 但透薄粉底有時疊加都未必可以做到好嘅修路作用， 所以有枝高效嘅遮瑕粉底液會方便好多。 而佢最令我佩服嘅位係， 雖然佢係霧面，但佢無霧面粉底液嘅通病， 就算係冷氣房都唔會收乾皮膚。 而鍾意水光面嘅朋友， 依隻粉底係有出光澤型咖！ 可以滿足到唔需求嘅人士。*一小泵已經可以大範圍使用* 希望依篇感想可以幫到仲未搵到心水粉底液嘅你♥️ *是次購入色號為130

Noel好用推薦：資生堂的 SYNC 粉底液於歐美非常火紅，不少 beauty guru 都大推這枝，因此我都充滿期待！因為作為日本品牌，粉底產品竟然能打入外國美妝圈，真的極為神奇😍 肌感同步持久粉底的包裝很實在，磨砂玻璃瓶配上黑色塑膠泵頭，設計乾淨利落。而黑色的扭扭開關設計，又省卻了額外一個瓶蓋，使用上更方便👍我的色號 160 Shell，上到面上超自然，像是 second layer of skin 💗 使用這個粉底液前，必須先搖勻再泵出，沒有搖勻的話會有點一塊塊。粉底液具中高流動性，延展性超好，可以在皮膚上推到超薄❗個人喜歡使用氣墊粉撲＞美妝蛋上 SYNC粉底，因為感覺可以增加多一點 coverage，習慣使用氣墊粉撲上兩層，基本的瑕疵都已遮蓋 8成，表現理想。 雖然是啞緻的粉底液，但是用起上來：絕！不！乾！身為大乾肌，本人初初試用這枝粉底時，正要跟幾位大學朋友見面，真的超不安😝 不過，這一次的 wear test 卻是一個大成功，眼下沒有乾紋，眼皮沒有積線，鼻兩邊也沒有明顯脫妝！ OMG！沒有斑駁，沒有氧化，持久力超讚💕 是本人目前用過，最好的一枝 dry skin friendly 啞緻粉

helloapap好用推薦：❌ 方便度 喺網上搜尋SOFINA呢盒粉底，會見到好多個碌碌既負評😂自己親身用過之後，的確係唔好用。個海綿碌碌既設計，令鼻翼兩側、嘴角、眼角呢啲細微位置好難精準上妝，通常我都用手指撩少少粉補角位。而且個碌根本掂唔到盒粉底既邊角位置。加埋本身啫喱狀好易痴墊，用一陣已經係肉眼可見既污糟。呢個設計真係好扣分。 ✨ 妝感 雖然上妝過程係幾伏，但係妝感自然貼服，柔焦毛孔嘅同時冇厚重粉感，睇落膚質健康又精緻，適合鍾意霧面妝既人。 ⏳ 持妝效果 Primavista系列最令我欣賞嘅，係佢嘅持妝能力。對我呢個混合肌嚟講，佢嘅控油能力幾好，T字位出油速度明顯慢咗，但兩頰又唔會因為咁而覺得繃緊或者乾。正常情況下，帶妝一整日只有鼻翼有輕微脫妝，成個妝容完整性好高，唔會暗沉或者斑駁。 特別要提嘅係，佢好適合轉季嘅時候用。喺天氣唔穩定、皮膚容易敏感或者乾癢嘅春秋兩季，佢既可以提供足夠保濕度避免乾紋出現，又可以有效控制因為溫度變化而失衡嘅油脂分泌，令個妝容喺轉季期間都可以保持穩定靚仔嘅狀態。

Poyobb好用推薦：呢支係glow版本，出嚟感覺不是韓妝水光，係呈現皮膚狀態好好嘅自然光澤感。 粉底液偏稠身流質，試過用刀刷有粉痕，建議用密度較高嘅粉底刷較適合。粉底液有點快乾，建議逐part上面，同時遮瑕度幾好👍🏻即使上一層已做到好高遮瑕度。 保濕度一般，我混合肌toner+保濕base感覺啱啱好，干肌要再加強保濕。 我用嘅日子30度（上碎粉前用定妝噴霧），冇補妝只用紙巾輕印嘅情況下，大半日都keep到七成。 #火熱新品

natanatalie好用推薦：這一款粉底是一款比較滋潤性高的粉底，適合乾性肌膚的女生使用，因為粉底的滋潤感是不錯的，對於乾肌女生們來說是非常友好！💯 我這次用3W的顏色，這個色號適合亞洲女性肌膚使用，不會過白也不會顯黃，上面的感覺是非常滋潤和保濕度很高，因此不會顯乾紋和不會有龜裂的情況。🥰 它的遮瑕度也是不錯的，可以看看我手背的血管和青筋也遮得7788 ，而且粉感不會很強，皮膚不多瑕疵的女生薄薄一層，基本上就不需要用太多遮瑕膏。持妝效果是不錯，在夏天比較潮濕的天氣，這款粉底的持久度也能維持在八九小時左右。☺️ 總括來說，這款粉底並不算十分透薄，它算是滋潤度和遮瑕度不錯的粉底，適合混合性肌膚女生在秋冬天使用或是乾性肌膚女生使用。🫶🏻

robinsbk好用推薦：呢枝concealer係我2021嗰陣某日見到dfs清貨大減價用$40買返嚟玩嘅😹 買嗰陣純粹覺得嘩幾十蚊唔買就笨 就算唔好用 packaging咁靚都值啦！ 點知！乾肌表示勁好用👏🏻👏🏻👏🏻你見佢俾我用到啲字甩哂就知佢同我經歷咗幾多嘢啦😹夠潤得嚟coverage完全交到功課 可能潤變相無咁long lasting 但可能只係會無咗2-3成左右 完全可接受 同埋佢容量真係大到非常之驚人 勁勁勁勁勁抵用！用咗兩年幾 每次出街就用 到而家都好似仲有好多😹但好似話makeup product開咗咁耐唔係太好 所以我準備買過枝新喇！✌🏻

Nyaaa好用推薦：Too Faced其實係一枝性價比唔差嘅粉底，色號勁多，我用Pearl，偏粉睇落冇咁黃；呢個Matte款控油力中上，另一款肥仔樽就係保濕啲。 上年夏季我都係用佢多，有時仲會混少少精華型粉底再上面，不過冬天用會太乾甩皮。 缺點係始終係唔夠貼膚，同埋唔耐磨，帶口罩嘅情況下會甩好多落口罩，仲會磨到一撻撻。如果冇口罩嘅話佢會係一枝性價比唔錯嘅粉底，3百幾蚊/30ml。佢雖然叫Finish，但上完面係唔會好似Double Wear/MUFE咁好快定左，唔拍碎粉都係唔得，我覺得佢屬於Semi-Finish，或者甚至唔算Finish粉底 同埋想順便吐嘈下，Too Faced啲包裝上面印嘅字冇一款係會唔甩的，尤其係金色字，粉底胭脂隔離霜遮瑕蜜粉碎粉，只要係有成日用嘅都甩到冇晒字

　peg好用推薦：佢啲粉質好細，可以遮到毛孔同埋唔會卡粉，如果嗰排啲皮膚好可以直接淨係上呢個粉餅，因為其實佢啲遮瑕能力喺粉餅嚟講算高，如果唔係啲太明顯嘅瑕疵佢都可能遮到少少，但遮瑕度高嘅缺點就係粉感有啲重，有時唔小心重手咗會變到有啲面具感，不過佢都係我最鍾意嘅粉餅之一。

lingbb好用推薦： - 用緊11 號色，粉質幼滑透薄輕巧，同時具有吸油及控油效果👍🏻 夏日生痘痘都無問題 - 有瑕疵既時候用佢會比較貼妝 - 我既使用技巧係重點遮瑕會用粉撲上，會高遮瑕啲，亦有效修飾毛孔，打造出柔霧妝感。 - 成面用會用掃，有磨皮感，千奇唔好上太多，會好厚重， - 持久力相當強既粉餅，試過hold8個鐘無問題 - 加上粉餅含有維他命E成分，能防止氧化，維持定妝效果。呢樣係非常加分位，最怕塊面過咗一日暗過條頸既顏色， - 而且聽講呢款係比教耐用既粉餅，cp值幾高 -推俾瑕疵肌或黃皮肌👍🏻

Kura好用推薦：呢款bb cream用完整體妝感都非常乾淨，打破咗舊有嘅bb cream嘅厚重感，妝感透明感非常足，同埋有50度防曬，使用非常方便，一支就可以搞掂 #透明感 @cosme

Emma W好用推薦：其質地比較水潤薄，使用後不會感到厚重或乾，能夠提供自然的光澤感，係妝前打底的好幫手，能使肌膚看起來更健康、明亮。遮瑕效果不錯，可以遮蓋小瑕疵。但要補妝，若炎熱潮濕天氣，就要適當定妝。 適合肌膚：任何 成效度：4/5 保濕度：3/5 貼合度：3.5/5 質地：lotion 狀 光澤度：4/5