不易脫妝 推薦好用產品

Cherrie好用推薦：集打底、眼影、眼線一身 唔使三分鐘就化到一個眼妝 非常方便易用 已經用咗好多年

iliya 好用推薦：一盒有齊底霜、眼影、眼線，而且塊鏡好大塊，非常方便攜帶出街補妝！

Yty好用推薦：化妝底霜係水凝乳霜質地，遮蓋毛孔效果幾好同遮到比較淺既細紋、都keep到大概8個鐘，我試過配搭唔同類型嘅底妝都夾到，例如粉底霜，氣墊粉，粉餅，睇返平時個人嘅習慣同天氣去配搭，比較適合香港夏天同潮濕天用，如果係油性嘅皮膚就一年四季都可以，適合毛孔比較粗大同埋想遮少少幼紋用，效果幾好，值得回購

Simona好用推薦：MAC Studio Fix Mattifine 12hr Shine Control Primer輕氧毛孔隱形底霜（$390/30ml），用過一次即愛上！😎 之前櫃姐送試用裝，控油力一流，用咗之後即使成日留冷氣房個額頭都唔會再咁出油，效果可以頂到12個鐘，比之前明顯少油光。 推介俾易出油肌膚，想長時間keep住啞緻妝感絕對啱用！ 呢枝等於其他品牌兩三枝底霜，啫喱質地易推，保濕、控油、遮毛孔三合一，真係方便又省時間。加上成分勁有誠意：有丁二醇、乳糖酸、玻尿酸鈉等保濕成分，仲有金縷梅水、水楊酸鎮靜消炎，控油有PCA鋅、抗氧化有維他命E，難怪會成為MAC熱賣皇牌。 無論保濕、控油定遮毛孔，一枝搞掂，性價比高，值得入手！

Fng好用推薦：IPSA 零瑕修飾遮瑕霜 EX SPF25｜ 🎨 產品定位：三色自調遮瑕盤 防護規格：SPF25 PA++ ✨ 核心優勢： · 色彩學調色：深中淺三色 + 空白調色格，可精準調出貼合膚色的遮瑕色 · 智能貼膚質地：乳霜觸體溫融化，實測遮黑眼圈不卡紋，遮痘印不厚重 · 養膚成分：添加薑黃精華，遮瑕同時抑制痘痘惡化 ⚠️ 使用注意： · 調色難度：新手需練習3-5次掌握比例 · 防曬局限：SPF25僅適合室內防護，戶外需疊加防曬 · 取粉衛生：建議用專用刷具，避免手指直接取用 💡 專業調色公式： ▫️ 黑眼圈：中間色 + 少量淺色（偏青用橘調） ▫️ 新生痘印：深色 + 中間色（比膚色深半號） ▫️ 提亮淚溝：淺色 + 微量中間色 🖌️ 上妝技巧： 1. 遮瑕刷溫熱後取粉，點壓手法上妝 2. 黑眼圈採用「倒三角塗法」避免邊界感 3. 等待30秒再用蜜粉定妝 🌞 香港氣候表現： ✅ 潮濕夏季：搭配定妝噴霧持妝8小時 ✅ 乾燥冬季：混合半滴角鯊烷油防卡粉 ✅ 口罩摩擦：薄塗一層後噴定型噴霧 總結：彩妝師級的「自定義遮瑕盤」！適合追求精準遮瑕的混合肌玩家，但趕時間的通勤族建議選

Chloeincosme好用推薦：🤍 遮瑕力：4.5/5！IPSA呢盒三色遮瑕真係經典之作～遮瑕度非常高，普通黑眼圈、痘印同泛紅基本上都可以完美覆蓋，唔會話蓋極都仲見到🖤 🤍 質地與保濕：3.5/5！質地屬於中厚身，幾紮實，推開時要快手少少～如果皮膚唔夠濕潤，會有少少乾同顯紋，所以乾肌用之前真係要做好保濕打底！ 🤍 調色功能：5/5！可以自由調色～💡 ✨ 最淺色：適合提亮，可以用喺淚溝、眉心同鼻樑，即刻彭潤起來～ ✨ 中間色：最百搭！用嚟遮黑眼圈同鼻翼泛紅一流，同膚色融合得最自然～ ✨ 深色：適合遮痘印同斑點，或者調和淺色嚟準確match自己膚色～ 🤍 持久度：4/5！set好之後幾貼服，唔會話輕易移位或者溶妝，大半日都依然keep到～ 總結： IPSA呢盒三色遮瑕絕對係調色高手恩物！雖然對乾肌來講有少少挑戰，但只要做好保濕，#轉季 都岩用！ 佢高遮瑕同靈活調色嘅優點真係冇得輸～特別推薦比經常需要精準遮瑕（例如黑眼圈、痘印）嘅你，一盒就可以搞定全臉細位☺️🖤 #換季

Bendict好用推薦： 我買嘅色號係colorless $400一支 我覺得麻麻哋 無修飾毛孔效果 第二係太乾 一搽完上粉底 卡粉卡到飛起 如果真心要買 顏色買Beige會好啲 或者試下第二隻牌子我係敏感肌偏乾 用呢一支嘢會太乾 左中右分別係 rmk CPD 植村秀 可以見到植村秀 texture比較厚 rmk同cpd 係偏水狀 推開更加睇到 乾肌用呢支妝前打底 會比較乾 所以唔太推薦

Poyobb好用推薦：佢係三合一防曬隔離霜，有防曬SPF50/PA++++ 、base、調色效果。我係混合性皮膚，我唔鍾意分開用乳液、防曬、底霜疊加喺底妝，因為咁樣疊加多層一定爆粒粒，淨係買一支過嘅底霜。 如果買膚色嘅話，直接日常當底妝使用都OK。佢隻紫色好靚，可以做強嘅去黃效果。比其他開架牌子嘅紫色base，效果更自然。 我用佢再加Shu uemura既foundation，妝感貼服有光澤。持妝度好好👍🏻唔知點解佢用依支base係唔會令皮膚起暗粒，但佢嘅保濕度又幾好。即使粉底液用碎粉定妝後，都唔會令個皮膚底層乾燥💕

constance好用推薦：零粉感，質地清爽貼服，提供美白功效，並能夠防汗防皮脂，長時間保持妝容，很OK

jojoma123好用推薦：超幼滑的粉質,掃上臉後,效果極為自然,能令膚色更加白皙細緻,毛孔也能修飾過來

inkitsung好用推薦：本來以為佢係會水感重嘅一個氣墊，點知原來唔係～ 佢質地都幾厚，明顯係有妝感嘅感覺～ 啞面質地，持久力非常高，遮瑕力亦不錯～ 不過保濕方面較弱，要打底打得好好，唔係好易浮粉～

Joannefan好用推薦：Lamer cushion 有好多種唔同嘅顏色區分 … 而且每次買一盒新嘅都會跟多一個補充裝… 佢嘅cushion 非常薄 而且冇咩遮瑕度…只係可以遮蓋到面部上嘅少少瑕疵同毛孔.如果係鍾意一啲自然提亮嘅感覺用佢非常好…

Poyobb好用推薦：我用嘅係蛋白色opaline 冷調一白，但其實作為打底色差不大。底霜質地非常高級，絲滑奶油感嘅質地，好滑身，但又唔係好油。底霜不是流質，滑身容易推開，用後皮膚感覺好細滑bb肌。佢呢隻質地也可以隱藏皮膚毛孔，有一點假滑嘅狀態，但冇乜遮瑕度，要體諒就要買白一點嘅顏色。 佢個名叫輕底霜，ba介紹可以當有色面霜or base 用。防曬度只有spf15 ，好低。我混合性皮膚用兩三個鐘，就會溶妝。溶妝嘅位置不只T位出油，就連面額位置都會出油光，溶粉底液😪我唔建議當底霜使用，建議全日喺冷氣地方、成熟皮膚、乾性皮膚、直接當有色面霜使用較為適合。

綺羅香好用推薦：可能因為年紀大，膚質變咗，以往覺得好用嘅base都變得唔啱用，底妝經常浮粉唔貼服，最後唯有試chantecaille ，因為samples無最白嗰隻色，只係買到第二白Aura ，話就話係base，人哋其實可以當係粉底，易推開，搽勻之後，的確好自然，好彩係自己本身皮膚咁，試過上完呢支base行咗全日，平時鼻翼同T字位勁出油，導致浮粉甩妝，搽咗呢支雖然唔係完全控油，不過明顯出油量少咗，而且唔會甩，之後都試過搽完再上粉底，全日嗰底妝好貼，下巴鼻翼呢啲重災區都無浮粉，最最最緊要就係唔會致痘，令我非常surprise ，後悔點解唔早啲買嚟試，之後實會買返正裝用

L好用推薦：我係混乾肌，額頭乾T區較易出油，即使做好妝前保濕，但都會卡粉起皮，唯一優點係不黏笠易推開。

xkatxx好用推薦：適合本身無咩瑕疵，且適合任何膚色～搽上面之後好薄好貼服，好有光澤👍🏻 用於日常番工就最好不過 ！ 另外唔痴口罩亦成為一大要點 而且價錢便宜 cp值好高👍🏻👍🏻

chewyfruit好用推薦：Hello！姊妹們～今次同大家開心share 呢個Media粉底霜 OC-B1 ！因為呢個「開架寶藏」 真係驚喜度爆燈，性價比高到令人想尖叫啊！💖 🌟 第一印象：開箱即心動！ 樽身小巧可愛，撳蓋設計好衛生。一打開見到係幼滑奶油霜狀，但係呢～ 一掂上手就知唔簡單！質地軟糯好似雪糕，用手指一推就化開，完全冇厚重感，超級貼心！❤️ 💧 上臉實測：水潤到喊！ 我係混合肌（T位油、面頰乾），用佢個日仲要係開緊冷氣嘅乾燥環境。點知一上臉——哇！好似飲飽水咁！ ✨ 光澤感：唔係油光，係從肌底透出嚟嘅自然光澤，好似皮膚本身好好狀態咁！ ✨ 遮瑕度：我面頰有少少泛紅同暗瘡印，薄薄一層已經遮到七七八八，毛孔即刻隱形，真係「偽素顏」神器！ ✨ 色號OC-B1：超級適合追求自然提亮嘅姊妹！唔會死白，係好乾淨嘅米調亮膚色，黃皮友好，出街冇人覺得你化咗厚粉，只會問：「你今日皮膚點解咁好？」😉 ⏰ 持久度測試：朝九晚九冇難度！ 朝早化好妝，冇用碎粉定妝（想試真佢實力）。 · 中午：T位少少出油，但反而變咗好靚嘅奶油肌，用紙巾輕輕印一印就恢復原狀。 · 夜晚：成個妝依然貼服，冇斑駁冇浮粉，只有鼻翼微微溶

Emily Leung好用推薦：Media粉嫩保濕礦物粉底霜測評 質地： 一打開係好似Cream狀雪糕咁嘅粉底，摸落去好軟糯、好creamy。用粉撲或者海綿輕輕印落去，會感覺到佢即時「融化」咗少少，變成好絲滑嘅粉體。質地屬於保濕型，推開個下有少少濕潤感，但唔會油膩或者痴立立。乾得好快，上臉後好快會變半啞光。 妝效： · 遮瑕度中等偏上：對於泛紅、暗瘡印、毛孔嘅遮蓋力幾好，一層已經可以遮到七七八八，屬於開架粉底中遮瑕力驚人嘅產品。痘印位可以疊加多一層。 · 妝感：自然嘅粉嫩柔焦感，唔係死啞光，帶有微微嘅自然光澤（似皮膚本身嘅光澤）。遠睇好似天生皮膚就咁平滑，有種「偽素顏」嘅感覺。因為係礦物粉底，粉感唔算重，但如果你皮膚狀態乾或者有皮屑，有機會卡皮。 · 持久度：中等。混合肌/油皮大概可以Keep到4-5個鐘，之後T位會開始出油，但出油後唔會斑駁得太難睇，用紙巾印走油光後妝面都仲算完整。乾皮用就比較適合，只要做好保濕，全日都唔會乾到裂。 · 氧化情況：有少少，建議揀色號嘅時候可以揀白半個至一個色號，等佢氧化後就啱啱好貼合膚色。 適合咩人？ · 混合肌至乾性肌膚（大油皮夏天用可能太快溶妝） · 追求自然遮瑕、唔喜

Anson好用推薦：終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣

Elaine好用推薦：一支可以養膚嘅粉底液真係好吸引！妝感自然輕透，非常滋潤，睇落皮膚光澤好氣色，但相對遮蓋瑕疵很弱。冬天用比夏天用好，夏天用比較易甩妝，冬天比較貼服。可以用手上妝好方便。

Fng好用推薦：遮瑕液，遮瑕度夠高，一兩層已經遮到淚溝，貼面，唔會容易溶，加上碎粉可以last for一日。

Circlecyy20好用推薦：遮瑕度中上 沒有太大的氧化問題 上完過數小時的持妝力仍然很高 不錯的遮瑕

綺羅香好用推薦：乳液狀質地好易推開，有好淡嘅氣味，妝感透薄唔會厚，遮瑕力就一般般，乾咗係好靚嘅霧面妝感，很好貼合皮膚，暫時持妝半日都未見會致痘，但可惜暗沉得幾快，正考慮入手

LPM好用推薦：我其中一枝既4季粉底/諗唔到用咩會用佢 妝感 ： 偏matte 透薄啞緻型 有second skin既感覺 持久度 ： 中至高 夏天都一日無問題 控油 ： 中 佢唔會唔出油 但係唔會出好多令你甩妝/浮粉 整體妝感同持久度都仲係好靚 遮瑕 ： 中 可輕微build up 呢枝粉底 用完皮膚無出粒粒 易落妝 轉下個base基整上咩場合都岩用 我好鍾意試新粉底 但係呢枝會係用完回購既一枝！

Noel好用推薦：Kate 的綠色調色霜，帶點精油香氣，很好聞。質地乳霜狀，推開時有驚喜，因為水滋度高，延展性佳。個人喜歡用綠色去修飾一下鼻兩側的敏感＋泛紅。因為鼻敏感，流鼻水多，令鼻周皮膚乾燥又脆弱😔 使用這枝調色霜卻有驚喜，水潤＋不黏稠👍而且皮膚調色後，都算自然，不會泛白👌由於需要調色的部份不多，一枝可以用上整年，用量省。

HeiWa好用推薦：KATE TOKYO 妝前調色CC 霜，對佢幾有好感！因為我皮膚黃黃哋，所以都鐘意用紫色Base 較正返個黃底

布吶吶好用推薦：今次同大家試吓呢支風超大嘅 Estee Lauder持久水凝亮澤修護粉底液，聽個名都知佢野心好大啦——又要持久、又要水凝、又要亮澤、又要修護！係咪真係咁神奇？等我話你知～ ✨ 第一印象：包裝高級，泵頭好評！ 支嘢拎上手幾有份量，玻璃瓶+金蓋，擺上妝枱都覺得自己好似貴婦。最正係有個泵頭！衛生又易控制份量，唔會一時失手倒到成手都係～加分！ 💦 質地：果然「水凝」無呃人！ 擠出嚟係流動性幾強嘅乳液狀，推開好似絲綢咁滑溜～一掂到皮膚就覺得「咦？幾水潤喎！」完全唔厚身，無嗰種「戴面具」嘅感覺。乾肌姊妹應該會鍾意！ 🧏‍♀️ 上妝效果：自帶「溫柔光環」 上完一層，個膚質即刻升levellll～ 唔係啞光，唔係油光，係種好自然嘅「皮膚自己透出嚟」嘅光澤感！好似飲飽水咁，睇落精神咗，但又唔會變「燈塔」～ 遮瑕度中等，淺色雀斑、暗沉可以修到七八成，如果嚴重瑕疵可能要加少少concealer。 ⏰ 持久度：朝九晚六無甩色？ 我朝早化好妝，無用primer、無set碎粉（專登測試！），到中午T位有少少出油，但唔係溶妝嗰種，反而變咗「奶油肌」feel～ 到下晝4點幾，光澤感依然keep到，只係鼻翼

Suki好用推薦：入手咗兩個色號1C0（冷調最白） 同 1N1（中性調一白），兩隻色都超貼亞洲膚色！1C0適合追求白皙透亮妝感嘅女生，而1N1就自然啲，黃白皮用都唔會灰。混搭使用仲可以調出更貼合膚色嘅效果，好貼心！ 呢支粉底質地水潤輕薄，推開似精華咁滑溜，上臉唔會卡粉或顯乾紋。妝效係好似皮膚本身咁好有透明感，完全冇粉感厚重嘅問題。夏天用都keep到水潤，開冷氣房都唔緊繃！ 唯一缺點係遮瑕力偏弱，適合皮膚底子好、追求偽素顏嘅人。如果係明顯痘印或黑眼圈，需要額外用遮瑕膏。不過輕薄同遮瑕難兩全，取捨之下我依然鍾意佢嘅貼服度！

robinsbk好用推薦：已經空瓶咗3枝🤣 因為我都算係沙漠肌 就算係夏天 個妝全日都唔會點出油 反而係帶妝8-9個鐘後可能會開始變乾🥲 完成哂skincare routine會用呢枝spray打底 再用嚟噴濕個sponge嚟上foundation 搽埋concealer同cream contour之後 會全面再噴多幾下 成膜之後落少量碎粉 用完真係set得貼貼服服 個妝同啲coverage都唔會點溶點郁 仲要唔點變乾!! 但其實佢都係會transfer 如果呻鼻涕個啲抹到都係會甩 不過只要唔掂塊面就無事! 佢補妝用都好好!! 放工前輕輕印一印面啲油/甩咗嘅妝 噴一噴spray再上返啲concealer又靚返✨ 不過有樣嘢仲想提嘅係佢個噴嘴都幾參差xd 佢本身噴出嚟已經唔算幼細 我都覺得尚可接受 但有次我買咗枝唔知點解噴出嚟直線咁打落塊面度LOL 學有個會員咁講:好似用緊消防喉 所以我就擰返上一枝個噴頭落新個枝度 到之後新買個啲都無事 應該只係個別狀況xd

Heychauchau 好用推薦：要讓妝容維持最好的狀態，我的秘密武器是用Make Up Forever 水氧定妝噴霧。噴上定妝噴霧，可以在皮膚上形成薄膜，隔絕暴露在陽光下，繼而令妝容溶化。是作為我妝容維持持久的最後一道程序。 完成底妝後，我會先用Make Up Forever的超高清無瑕蜜粉作第一步定妝，之後再噴在水氧定妝噴霧，加強妝容的保護。的確，底妝真的變得牢固和貼服，而且能夠明亮肌膚，去除暗啞膚色，讓皮膚能夠持久地維持水潤狀態，減水出油所導致浮粉和脫妝的問題。由於皮膚狀況偶爾不穩定，會擔心產品會導致肌膚過敏，而定妝噴霧成分主要以水份為主，不含酒精，相對也比較溫和。上妝前用作保濕噴霧，讓妝容更貼服，化完底妝後，用作定妝噴霧，夏天一整天妝容還是維持好好的，也不用頻密補妝，也不會大量出油，是我夏天的妝容秘訣。

chasiutung好用推薦：質地乳液狀粉膚色淡淡的香味 防曬度SPF45，PA++++ 日常夠用 依個質地非常輕薄 搽上面好滋潤吸收快 有提亮膚色輕微遮瑕效果 可用作隔離霜 都可以加入粉底液用 我混油敏感肌 無過敏 但感覺有d油 加入粉底液用個妝吾持久 當隔離霜用還好 如果皮膚無乜瑕疵可以直接用佢 或者用完佢上d蜜粉就可以了 #BA照

SYJU好用推薦：呢支防曬買嘅時候因為優惠一次過買兩支, 諗住比一支我女用, 但係用後發覺佢比較油唔適合我女, 而我用嘅時候亦覺得佢唔夠水潤, 好容易顯出乾紋

糯米喵好用推薦：呢款canmake粉餅係我化妝時十分喜愛既產品！佢可以提亮膚色，而且有一秒磨皮既效果！ 平時化完啲水光感勁重既粉底，覺得太油就會搵佢壓一壓，即刻就冇曬，仲呈現一種好柔和既膚感，每次用完既效果真係心心眼！我暫時未搵到有其他嘅取代品，但佢就真係比較容易碎，所以難帶出街補妝。 同埋雖然佢可以直接素顏上面，但係可能因為我係乾肌，就咁單用會卡粉，所以我就唔推薦呢個用法，但係化妝就真係好好用，新手都十分之適合！

Kayyan22好用推薦：Canmake 透亮美肌蜜粉餅 Mo 係我每次化妝必用既item!上臉後能提亮膚色但不泛白，中性膚色用剛剛好，像是天生好皮膚的透亮。 用刷子或粉撲輕拍可以均勻上妝，不會卡紋或顯毛孔，適合日常快速定妝，我自己中意用佢本身嘅粉撲上。 混合肌用剛剛好，T區出油能輕微吸附，但不會讓臉頰變乾，夏天用也OK。而且佢自帶鏡子和粉撲，出門補妝超方便，價格親民，CP值高！ 但佢只可以純粹定妝提亮用，痘印或泛紅遮不住，需搭配遮瑕產品。 油肌既話可能3-4小時後需要補妝，建議搭配控油妝前加強。

iliya 好用推薦：Anna Sui嘅產品外觀世一，滿滿嘅歌德風再配上經典嘅玫瑰花，真係好靚！🫶🏻呢款密粉嘅顆粒幼細，控油效果都算滿意。

Tiffany好用推薦：比較淡的玫瑰味，粉撲用起來跟看着一般的一般，有種用爽身粉的感覺。包裝取勝。

choichoi好用推薦：原來這粉餅是品牌資深元老了，口碑不錯；粉質細緻不厚重，上臉之後直接把皮膚粗糙感自然蓋過；擁有中度遮瑕感，不會有明顯的妝感算是自然

AngelC好用推薦：粉質很細膩幼滑，上面後非常輕薄 清爽及自然，雖然遮瑕效果一般，但因為上妝後真的很輕盈很貼服 似沒有妝感，效果非常自然，由於我對遮瑕度要求不高，所以沒太大遮瑕效果我可接受的，最緊要不厚妝感，而且帶出街補妝都很方便

Kpl6be6好用推薦：旅行時因爲行李位有限無帶備齊全化妝品(笑)～所以喺日本藥妝店就入手咗呢支價格極抵(幾百円咋❗❗)嘅修容棒！佢嘅顏色好自然～用落質地順滑易推！個人使用小心得係💁🏻‍♀️直接搽喺腮位～再用手指/掃輕輕推開～已經可以有小臉效果～非常易上手～不過如果要用嚟修鼻影位置～就建議用手指上～避免直接將粗身棒狀膏體塗上～以免唔fit位😉😉

Nicole 好用推薦：色號是01 膏體順滑無顆粒，顯色和持久度也不錯，效果自然，用海綿撲暈染很方便。 因為膏體比較粗，個人覺得不太適合來畫鼻影。