不易脫妝 推薦好用產品

Tobimak好用推薦：我塊面本身暗瘡印較多，但一直都好想搵到可以快速上底妝的方法。一直身邊朋友都話NARS既粉底液好好用，所以我就去左專門店試。sales姐姐強調話呢盒並不是bb cream，只係以cusion方式上妝既粉底液。 咁啱買既時候有特別版既粉盒賣，所以我粉盒係白色既😚 開頭用既時候較難拿捏份量，好易上多左變厚粉，但之後用慣咗就冇呢個問題。 呢隻粉底遮瑕度都夠，剛上完妝既時候真係好靚好自然，不過對我黎講就last得唔耐就會有溶妝情況。

lingbb好用推薦：拎到試用第一個感覺係粉底質地好細滑，滑到上面時就算用佢果塊好細嘅粉卜上粉冇粉痕且好貼面，上完成塊面好有second skin感覺， 非常滿意呢種有輕微修飾顯得肌膚好細嫩嘅粉底，好有好感！ 遮瑕度方面，氣墊可以輕微修飾瑕疵，大約6成，眼圈位置需要再疊加遮瑕膏， 保濕度各方面都唔錯，過左一日整體冇乜脫妝同浮粉，唯一敗筆係感覺有輕微氧化，額頭明顯暗咗一度，所以要係選擇色號上建議買白一度，或者係妝前調亮膚色去平衡返個色澤。 試用完有心動想買正裝❤️

zetalhc好用推薦：定妝效果普普通通，油性肌覺得兩三個鐘之後開始脫妝，需要加蜜粉定妝。不過呢款噴霧可以用係化妝前保濕，覺得有令妝感貼d

agnessstang好用推薦：用過柔霧版 而家用緊呢款Pinklite係珠光版✨ 不過官網已經冇得賣 專櫃姐姐話妝前妝後都可以用 不過我習慣完妝用 其實佢係冇定妝成分 所以唔係會成膜嘅定妝 夏天/油肌未必啱用 我自己膚質間中會有少少偏乾 有時上完碎粉/蜜粉餅會有少少乾紋 之後用MAC呢支噴完會顯得冇咁乾 所以可能比較適合乾肌/冬天用⛄️ 啲珠光粒子會沉底 所以每次用之前會搖勻先 專櫃姐姐話隔20cm距離噴 呢款珠光版噴完之後會微微多咗少少光澤 唔係太明顯嗰種 噴頭表現真係一般 有時會噴一條直線 係噴水唔係噴霧😂 不過大部分時間都算正常嘅 Overall覺得普通 當保濕噴霧用係ok 做定妝噴霧嚟講就真係普通

Kayyan22好用推薦：呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！

Suki好用推薦：妝前打底：美肌亮膚防曬隔離霜（薰衣草紫） 💜 產品介紹： - 名稱：美肌亮膚防曬隔離霜（紫色） - SPF：高防曬值 - 顏色：薰衣草，紫色 用後感：❤️❤️❤️❤️❤️ ✅ 質地輕盈：呢款隔離霜質地輕薄，推開後非常容易吸收，唔會有厚重感。 ✅ 顏色效果：紫色能有效修正膚色，令肌膚看起來更加明亮，改善暗沉。 ✅ 妝前打底：適合作為妝前打底，能令後續底妝更加服貼，妝感更加自然。 ✅ 保濕效果：使用後肌膚感覺水潤，能保持妝容持久，適合乾性及混合性肌膚使用。 ### 上裝次序： 1. 清潔肌膚 2. 使用爽膚水 3. 塗上精華液 4. 使用保濕乳液 5. 塗上美肌亮膚防曬隔離霜（紫色） 6. 最後進行底妝 總結：❤️ ⭕️ 無限回購：如果你想要一款能提亮膚色並有效防曬的妝前產品，呢款美肌亮膚防曬隔離霜真係唔可以錯過！

Astory Choi好用推薦：好用 ，係好貼既 仲無麥粉感 高清妝感 我覺得佢白 但唔係死白 用貴野黎講 佢無得輸 但遮瑕就一般 不過我都係粉底液加chanel粉餅上妝

格仔餅公主好用推薦：粉質細加上遮瑕度幾高，噴埋定妝噴霧已經好完美，last到全日唔多溶妝，已經用左幾盒，再再再回購既product

維他他好用推薦：Missha bb cream 係最早期興起嘅bb cream , 又唔似搽粉底咁，但又有粉底嘅效果，最鍾意佢遮暇度好高，毛孔修飾得好好，但用完會略嫌唔夠自然，唔夠偽素顏XD 但整體都好好嘅，防水防汗方面都唔錯

A&R好用推薦：呢款BB cream用後之後感覺有驚喜，遮瑕度很高，令到膚色光亮提高，唔會好暗啞，滋潤效果也不錯，同埋都好貼服皮膚，防曬指數都很高，會繼續回購

🌸好用推薦：多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同Fig Skin Perfector。 今次講嘅係完妝嘅最後一部，Fig Skin Perfector 長效控油蜜粉餅，只有一個色號。 金色鏡盒嘅包裝相當有質感，粉質細膩，略帶珠光，但呢個粉餅並冇附設粉撲，需要自行配置，所以如果想帶出街補妝嘅話就有啲難度。 我平時習慣使用化妝掃定妝，用化妝掃打圈取粉比用粉撲上妝容易。質地清爽透氣，粉質光滑細緻。平時化妝之前即使做晒妝前保濕，有時都會因為皮膚太乾，上setting powder之後出現卡粉/甩皮嘅情況。但係呢一隻定妝粉餅可以做到妝感輕盈透薄，而且略顯光澤。半透明嘅粉末設計能夠輕盈無痕地定妝，唔會留低一撻撻白色嘅印喺塊面上面。出咗街全日都唔會喺T字位出現浮粉嘅現象。 使用前： 使用後： 暗沉嘅膚色瞬間提亮，妝容略帶磨皮嘅效果，睇落好自然。敏感偏乾肌嘅我喺做咗妝前基本護膚之後再上妝，都唔會有乾紋，亦冇任何敏感不適。 #火熱新品

Maggie Cheng好用推薦：首先感謝 @cosme 抽中我試用今次嘅試用, DOLCE & GABBANA嘅化妝品包裝好靚 呢個Fig Skin Perfector係一盒比較重同大嚿嘅定妝粉, 我以為佢會包埋掃, 但係佢冇, 並唔適合出街補妝使用 雖然佢有修飾毛孔嘅功能, 粉感唔重, 亦都冇喺皮膚留下白色印, 用咗佢之後keep住喺冷氣房吹冷氣都真係比平時少咗出油, 但係霧化妝容同定妝嘅效果唔大, 而且佢正價都唔係平, 性價比略嫌低少少

Fng好用推薦：入手咗Visee TONE UP primer，佢有25 SPF ++防曬糸數，我用來作妝前打底。它控油功能幾好， 質感輕薄，適合混合性偏油肌使用，同埋 有效潤色肌膚，因為我膚色偏暗黃，以💜紫色底霜塗喺暗黃位置，用補色原理打造亮白， 增加肌膚剔透感， 但不會死白，可以同底妝容為一體，使後續妝容更完美貼合肌膚， 一take過有防曬控油 潤色功能，啱曬朝頭早 趕時間出門時使用😆，以開㗎品牌嚟講，各方面表現卓越，推薦👍🏻。

Mssi好用推薦：質地水潤清爽 唔會起擦膠碎 有提亮既功能 觸感不厚重 舒適 係提亮好物 #提亮

綺羅香好用推薦：感謝@cosm送贈嘅雪肌精 cc絲絨雪粉餅，送嚟嘅淨係粉芯，無外盒，我見官網嘅粉盒圖好靚，銀白色圓形外盒上面有雪花圖案，就自己去買嚟配返 收到嘅色號係01，顏色有啲偏黃，粉質好細滑，用手輕輕掃幾圈就融入皮膚，妝感係自然嘅柔霧感，因為個名帶CC兩字，本嚟就唔太期望遮瑕度會高，對痘印同黑眼圈嘅遮蓋算中度偏低，雖然可以疊加上去，不過唔會遮到完全看不見，而且將係瑕疵柔焦，對毛孔跟肌膚紋理嘅修飾也很不錯，但係如果毛孔非常粗大，都係搭配專門填平毛孔嘅產品比較好

格仔餅公主好用推薦：包裝勁靚但亦係令我對雪肌精大跌眼鏡既一樣產品，上完臉成個妝感好乾，如果保濕唔做就用佢塊面睇落會好乾同顯毛孔，所以比3星..

Kathy好用推薦：呢個價錢有呢個效果嘅遮瑕簡直係超值！易推，夠滋潤貼服，遮瑕力強遮到我千年黑眼圈。但係得2度色揀，我屬於自然膚色，用深1度嘅20號色覺得偏白，但當做埋提亮係ok的

Apate好用推薦：遮瑕力一般，我最唔鐘意嘅地方係佢太乾太難推，變咗一pat嘢感覺太重。

格仔餅公主好用推薦：對得住個名好水潤但相對黎講遮瑕度就變低左，太重度既瑕疵就要用遮瑕產品啦，呢點要自行取捨下。不過我有啲鍾意佢既原因係佢有別於其他粉底液，佢會多左種淡淡既香味，搽左落臉用落個人都舒服啲唔洗下下聞到傳統粉底味，你都知而家帶住口罩啲味幾應。我額頭下巴偶然會出汗，上網睇好多人話呢支會暗沈，無錯，你出油既位佢會比較（暗沈）明顯，如果你無出油問題，佢就唔易甩同埋唔會乾，乾肌既靚女都可以放心用！

oh.minnie.hk好用推薦：超貼妝持久，乾肌必備 無論用掃，海棉甚至用手都好貼妝，用碎粉定粧後大概keep 到8個鐘唔洗補妝👍👍👍 妝效自然，係少少霧面但又保留番原本塊面嘅光澤 遮暇力就五成，毛孔可以遮到，如果有痘痘要先用遮暇。用化妝掃上妝效最貼最自然。

Kura好用推薦：呢款粉餅可以令到我輕鬆打造到完美底妝，粉質細膩，用完唔會浮粉，卡粉，粉餅顏色貼合我嘅膚色，底妝有光澤，使用時方便快捷，令到我平時5分鐘就可以靚靚出到門，係我日常底妝嘅好幫手，就算夏天用都唔會特別溶妝，極力推薦嘅底妝好物 #底妝 @cosme #底妝

iliya 好用推薦：呢款粉餅嘅粉粒都算幼細，可以修飾毛孔等小瑕疵，而且持久度都OK

誠實豆沙包好用推薦：用左兩次就冇用，原因是非常顯暗粒，妝感唔掂

Aivlys好用推薦：比較耐之前用， 唔係記得非常清楚啦， 最深印象係控油功效好好， 就算偏油肌喺夏天用都可以捱足一日然後維持奶油肌， 出咗油都唔會結塊， 表現唔錯！

Katrina好用推薦：好特別嘅碎粉體驗，係夏天嘅時候入手，當時都好驚個妝會用溶，但冇呢個問題。用量唔洗好多就夠全面，用佢嘅專屬海綿上，BA 教每次上半邊面就會均勻啲。用後個妝有光澤。不過對我來講，夏天我都係鍾意用乾碎粉多啲，比較清爽啲。所以我留返佢係冬天用，可能效果會更好。

choichoi好用推薦：能夠打造啞緻但又不失光澤感的妝容，或許是質地關係，沒那麼易掉妝而且清爽中帶點水潤感，瑕疵稍多的人需配搭遮瑕膏會比較好

940727.0好用推薦：粉底防水耐汗，不易溶妝，遮瑕力也算合格，是日常自然妝容之選。 [遮瑕度] ★★★ 泛紅位置須再塗抹多一層。 [光澤感] ★★★ 妝感比較啞緻，質地清爽 👍🏻 [持久度] ★★★★ 8小時後也不會溶妝變灰，抵讚！

🌸好用推薦：專櫃購物，贈送嘅贈品。質地透薄，滋潤度高，但係唔係太持妝，幾個鐘就氧化+甩色。喺呢方面可以多多改善。

auntiemuscle好用推薦：舊版都用過 當時冇感想 新版依家又入手 入左三隻色 工作用😀 牙膏吱裝 我自己鐘意用oil free呢隻版本 有防晒 雖然oil free冇閃 但佢唔係啞色 吱出黎都係cream狀 都算易推 遮霞度係低既（記住佢係tinted moisturizer 唔係粉底）但均暈膚色一流 而且上完係有似皮膚好好既狀態有好自然既光澤感 唔係閃果種 想遮得好啲 就上多少少 比較適合 唔鐘意用粉底 唔想有粉感 皮膚好想均暈啲同埋慳時間既朋友 因為用手推用手上都ok 持久度就弱 但如果想持久度高 就再加碎粉好好多 絕對用呢個好過bb cream 因為佢有分唔同色 bb cream個效果出黎太灰白 乾性皮膚建議做好保濕 佢唔算好潤 但唔算乾既

sinman1110好用推薦：好自然夠薄，啱晒而家戴口罩又想均勻膚色既我 買左佢地既cushion foundation 先，我平日每日都戴8-9個鐘口罩咁制，用左一排cushion就唔知點解暗粒暗瘡多左，跟住停用左再買佢地呢款粉底就舒服好多了。 不過就唔好期望佢有高遮瑕度，主打輕薄、調色、控油！

Jasmine Yuen好用推薦：1️⃣賣點係不含香料，成份天然，非常適合敏感肌膚使用，孕婦都🆗️ 2️⃣定妝效果：粉很幼細，不易脫妝。(但夏天控油我覺得Innisfree控油定妝粉比較好) 3️⃣自然妝感：適合偽素顏。

Kpl6be6好用推薦：之前因爲成日化妝又要戴口罩而狂出粒粒～所以入手咗呢款唔致痘痘嘅天然定妝粉～感覺透薄又修飾到皮膚～最重要真係冇焗住毛孔而再出新暗瘡～

Emma W好用推薦：其質地比較水潤薄，使用後不會感到厚重或乾，能夠提供自然的光澤感，係妝前打底的好幫手，能使肌膚看起來更健康、明亮。遮瑕效果不錯，可以遮蓋小瑕疵。但要補妝，若炎熱潮濕天氣，就要適當定妝。 適合肌膚：任何 成效度：4/5 保濕度：3/5 貼合度：3.5/5 質地：lotion 狀 光澤度：4/5

維他他好用推薦：我用的是2號色 Bb cream是個好東西 一支已具備多種功效 呢支bb cream texture比較厚 好似粉底液咁 一上面已經修飾容顏色 提亮左，光滑左，瑕疵少左 重點係佢都幾防油，用大半日都係鼻頭有少少出油 另外要卸妝，亦用普通卸妝油就可清洗乾淨 懶人恩物！

Kura好用推薦：土灰色嘅陰影嘅修容效果真係好靚，雖然顏色有d暗沉，但搽上臉非常靚，我鍾意用黎修飾臉部輪廓真係非常自然，同埋令到塊臉變細勁多，係即刻變瘦同埋就算掃多咗都唔會覺得好奇怪，我會有個打陰影嘅技巧tips就係下巴位可以打圈上就算大範圍打都非常自然，令到我塊大臉更加細同埋精緻，妝容立體感非常突出 @cosme #陰影 #修容

Cheeeeery好用推薦：Canmake真係性價比極高既牌子！ 呢盒陰影粉我都用左好一段時間，早排先hit pan🤣 先講下產品本身～呢隻陰影粉粉質好細緻，亦都好易blend開～我買既係01色，呢隻色十分自然，上面唔會太明顯但係又可以見到效果，好啱新手用～不過我個人就覺得隻色太過暖色調，下次應該會買灰tone 啲試下🫢 而產品本身附有既掃既幾好用，掃上面唔會拮好舒服～而且都冇乜嚴重甩毛，size又啱哂掃鼻影～ 會回購呢盒咁抵用既陰影粉～

KDing好用推薦：粉質好幼細 上面既遮瑕度雖然唔高 但係就因為咁好有自然妝效 有時候會用埋佢黎做定妝粉餅 妝感都唔會太厚重 新手好岩用

jaye好用推薦：a r mani呢盒兩用粉餅好岩春夏用，防曬同時化埋個底妝，粉質好細緻，毛孔都遮到，持久度亦可以，一整日透薄清爽自然既妝效！

_.0406._好用推薦：大概用左1-2個月左右 用過好多其他牌子嘅碎粉 有啲就算係買透明 用完之後都係會覺得白左一噠咁 唔夠自然 但係Kate嘅碎粉除左夠幼細之外 佢唔會令到肌膚好死白 用完之後會即刻霧面左 持妝度都好好 而且性價比好高 （但帶口罩+出汗都係會甩妝🥲） 唯一嘅缺點係佢啲窿窿真係好大個 好難控制出粉量 所以用掃上會方便啲 主要會用掃上一層再用撲補少少 如果用撲會比較難控制取粉量

alicec好用推薦：這款蜜粉的控油效果良好，可以讓肌膚保持清爽。 粉質是白色的，沒有遮霞度但細緻，不會刺激敏感肌，反而讓妝容更服貼，不會有卡粉的問題。 如果沒有預算又想要無瑕妝感，非常適合，值得一試！