找產品
不易脫妝 推薦好用產品
719 件
bibubibu好用推薦：一向都知道呢款粉餅喺開架彩妝嚟講好受歡迎 sofina成日都會推出好多期間限定嘅外殼 粉紅色外殼好有少女心  我揀咗一個比較自然嘅顏色 佢上面唔算太修飾毛孔 都有明顯嘅妝感 持久力尚可 唔算甩得勁 當然用紙巾抹汗嘅時候都會見到佢有甩 氧化程度一般 以佢嘅價錢嚟講，佢表現都算唔錯 不過唔知點解我冇跌過佢落地 佢自己就無啦啦碎咗
<看全文>格仔餅公主好用推薦：用佢好少浮粉，超趕時間出門都會簡佢，可能佢同我皮膚好夾，所以我keep住有再買用完一位又一盒。如果冬天用佢之前噴一噴保濕噴霧之後就好貼唔會話好乾。薄薄地都夠力遮到眼圈同痘印，但紅卜卜既痘印最好用返遮瑕膏會無咁明顯。 個價錢都唔貴所以大力推薦比返學黨啦同埋貪靚又要慳錢既靚女。
<看全文>
Fng好用推薦：貪佢包裝靚，所以買咗😅，份量king size應該用一世都用唔完。佢嘅顏色細緻，係有少少幻彩咁，如果走啲自然路線就唔太啱feel，同埋閃起上嚟都幾 浮誇，適合夜晚去events 用多啲。
<看全文>Sccan好用推薦：打亮對我依種扁平臉尤其重要，之前通常好少買珠光因為顯毛孔粗大，但我比Too Faced 鑽石高光粉嘅好評同少女包裝吸引左試下，效果比想像中好得多。盒比一般大容量都比一般多，就咁睇有幻彩嘅感覺，有白、粉、紫、藍色，雖然係冷色調但不挑膚色；粉質細，易掃上又顯色，輕輕一掃上臉已有高光效果，感覺都自然。 效果：貼服持久，顯色有光澤 質地：粉質細滑，粉餅好實好厚 缺點：唔可以重手，否則會白閃光一撻，而且用好耐都未用完
<看全文>
mcosmetics好用推薦：Dior Forever 呢支遮暇液一直有好多beauty youtuber推薦。我已經用完兩支。試左好多牌子嘅遮暇液係比較滋潤。我本身眼底較乾，帶妝一日容易現乾紋同卡粉，用dior效果係最好。顏色選擇多，容易搵到適合亞洲人嘅色調。雖然價錢唔平但佢都好大支用到好耐～開封耐左覺得有少少氧化，眼色橙左少少，但都好適合遮黑眼圈～遮暇度冇hourglass 咁高，但潤啲薄啲，可以疊加。最大嘅缺點係佢會漏到個蓋入面全部都係，用過兩支都係咁，覺得好浪費同埋有時會整污糟。不過冇hourglass咁差，唔會漏埋出黎。
<看全文>Wkk好用推薦：質地比較乾，塗抹前需要做好保濕。但是提亮效果非常好，並且很持久
<看全文>
糯米喵好用推薦：呢款canmake粉餅係我化妝時十分喜愛既產品！佢可以提亮膚色，而且有一秒磨皮既效果！ 平時化完啲水光感勁重既粉底，覺得太油就會搵佢壓一壓，即刻就冇曬，仲呈現一種好柔和既膚感，每次用完既效果真係心心眼！我暫時未搵到有其他嘅取代品，但佢就真係比較容易碎，所以難帶出街補妝。 同埋雖然佢可以直接素顏上面，但係可能因為我係乾肌，就咁單用會卡粉，所以我就唔推薦呢個用法，但係化妝就真係好好用，新手都十分之適合！
<看全文>Kayyan22好用推薦：Canmake 透亮美肌蜜粉餅 Mo 係我每次化妝必用既item!上臉後能提亮膚色但不泛白，中性膚色用剛剛好，像是天生好皮膚的透亮。 用刷子或粉撲輕拍可以均勻上妝，不會卡紋或顯毛孔，適合日常快速定妝，我自己中意用佢本身嘅粉撲上。 混合肌用剛剛好，T區出油能輕微吸附，但不會讓臉頰變乾，夏天用也OK。而且佢自帶鏡子和粉撲，出門補妝超方便，價格親民，CP值高！ 但佢只可以純粹定妝提亮用，痘印或泛紅遮不住，需搭配遮瑕產品。 油肌既話可能3-4小時後需要補妝，建議搭配控油妝前加強。
<看全文>
Kathy Wai好用推薦：好啊，呢支Laura Mercier極致持久水潤澤妝前乳（Hydrating Primer）真係乾肌同混合肌嘅恩物！ 支嘢係奶白色嘅乳液質地，好柔滑，推開個下感覺好水潤，好似搽緊保濕乳液咁，好舒服。吸收得幾快，唔會留低黏立立嘅感覺。 用咗佢打底之後，最大感覺係成塊面即刻充滿光澤感，好似飲飽水咁。之後再上粉底，真係會貼服好多，尤其係眼底同鼻翼啲容易卡粉嘅位置，情況改善咗好多。個妝好似「食」咗落皮膚咁，持久度都提升咗，冇咁容易因為皮膚乾而浮粉或者出乾紋。 如果你係大油皮就可能覺得太潤，但對於追求水光肌同需要保濕嘅用家來講，佢絕對係一支高分嘅妝前打底！
<看全文>mcosmetics好用推薦：乾肌秋冬天氣必備嘅妝前底霜！已經用過兩至都係咁鐘意🩵 我本身皮膚比較容易敏感，LM呢款皇牌產品係無矽無香味，搽開係gel 妝好容易吸收。皮膚即時保水，面頭留低輕微黏感，之後上妝會貼服好多☺️即時由暗啞皮膚變得飽滿有光澤👇🏻
<看全文>
TsuenMa好用推薦：#CLIO KILL COVER FOUNDATION CUSION 係我第一次入手嘅氣墊粉底，氣墊粉底評價好壞參半，有人看重佢嘅方便性，亦有人話吾衞生（係係清潔好個粉撲嘅情況下）。我入手嘅原因係睇到有人評論話上妝補妝都好方便，但事實上呢個產品未必適合我。 呢隻氣墊粉底係韓牌，一般色號都係偏白，我呢隻係3.5 BO vanilla 色，上左面明顯白左兩度以上，對我嚟講有啲啲多左。 但呢隻好嘅係已經有最高防曬系數，SPF 50 PA+++，趕時間出門吾需要再另上防曬，慳返些少時間。遮瑕力亦算好吾錯，基本上印多兩下就遮到黑眼圈。 但係唯一用左甘耐都有嘅問題係佢好浮粉，我坐office 冷氣房，淨係返工有出過戶外，但係未到放工時間，下午就已經浮晒粉，對我嚟講都仲係未跨越到嘅痛點，試過配搭吾同嘅保濕打底，都係仲有呢個問題出現。 如果帶出街補妝仲災難，補完個位會一撻撻，好吾貼服，吾用佢補妝可能會仲好啲。 但佢一上完面係好ok的，可以只適合我用黎短暫出個街。
<看全文>Akassoo好用推薦：Clio嘅氣墊無論係黑方盒定粉方盒都好出名，而呢款黑方盒（色號3）係我人生中第一次用嘅氣墊粉底。 雖底色號係比較白，但本身諗住3號（自然亮膚）已經係深咗一度，結果原來都係偏白，所以如果下次買呢款嘅話我會試吓買3.5色號。 呢隻嘅好處係佢有SPF50+/PA+++，已經唔使另外搽防曬，黑方盒係啞面妝感，遮瑕力都幾高，持久度亦都好高。 不過個人覺得缺點係會氧化同埋鼻翼都會脫粉，當用咗大概超過八個鐘之後個粉底就會暗，而佢暗咗嘅顏色就反而比較啱我想要嘅顏色。 整體嚟講其實個妝感都幾靚，不過我會繼續試吓唔同類型嘅粉底先再考慮回購。
<看全文>
Kitty 好用推薦：🌟無限回購❗️Curel控油保濕毛孔細緻妝前打底霜真係驚艷到爆燈💥 睇完博主推薦買返嚟試，真係好勁咯😱 我係油敏皮👩🦰，但完全唔敏感，用完超正👍控油力MAX💯 搽完塊面滑捋捋，有啲磨皮效果📸，即刻變啞光面，零油光✨真係超級❗️超級❗️超級❗️控油🌬️ ☀️日頭搽完，成日都唔出油💦，仲保持住啞光效果添！放工嗰陣額頭先有少少油光（我主要額頭，鼻翼出油多🧏♀️） 👩🎨之後上妝仲超貼服，完全唔卡粉💄，連妝都持久啲！ 拎俾同事試👥，個個都話正到拍爛手掌👏，真係要無限回購🔄💸 正到喊❗️🔥 #妝前打底
<看全文>arlam521好用推薦：今次推薦產品係呢支👉🏻Curel控油保濕毛孔細緻妝前打底霜👈🏻 #單手攝影 吱出黎 有啲似牙膏狀但推開佢 好有「模糊」嘅感覺 可以遮蓋毛孔 而且同時做到控油效果 直得推薦俾毛孔粗大及混油肌者使用👍🏻👍🏻👍🏻
<看全文>
zzzhelen好用推薦：超值之選，買哂都唔肉赤，又有好多顏色玩。顯色度好高，啱哂鍾意玩色既人。粉壓得唔係好實，取粉時要點點點，唔好係咁掃 我手頭上眼影盤黎講有yes please, give me to me straight同埋citrus fizz yes please我最鍾意用黃 mischief 同橙chauffeur 加閃閃butter cake化夏天維他命妝。秋冬又可以用南瓜色GNO同Spoiled give it to me straight 我比較少用，整體偏紅同較深色，不過盤入面既閃粉色好易用。另外，我對be blunt依隻色敏感‼️用完佢眼皮就會起粒粒同埋痕、甩皮 Citrus fizz（未影相，稍後補）好啱日常用，一盒4色，我多數用so tart打底完用求其一隻閃既畫埋臥蠶，眼頭同埋眼中間，咁就搞掂了。有需要先用peel away加深輪廓
<看全文>Cy好用推薦：呢盒眼影主要係暖色系，以大地色系為基礎、紅色系為輔，比較有活力，我主要都係用大地色個幾隻 眼影粉質細緻，又唔會壓到很實，所以幾易取粉 顯色度方面表現幾唔錯，我主要都係用手指腹上妝已經好夠，基本上取少少量已經好顯色。 佢嘅珠光閃粉都超顯色，飽和度同延展度幾高，算幾好暈染 係手度試色睇得出顏色都幾顯色，而且呢盒都比較易駕馭易上手，性價比都高，用左好耐都仲有好多而且有9格色配搭
<看全文>
Bendict好用推薦： 我買嘅色號係colorless $400一支 我覺得麻麻哋 無修飾毛孔效果 第二係太乾 一搽完上粉底 卡粉卡到飛起 如果真心要買 顏色買Beige會好啲 或者試下第二隻牌子我係敏感肌偏乾 用呢一支嘢會太乾 左中右分別係 rmk CPD 植村秀 可以見到植村秀 texture比較厚 rmk同cpd 係偏水狀 推開更加睇到 乾肌用呢支妝前打底 會比較乾 所以唔太推薦
<看全文>Poyobb好用推薦：佢係三合一防曬隔離霜，有防曬SPF50/PA++++ 、base、調色效果。我係混合性皮膚，我唔鍾意分開用乳液、防曬、底霜疊加喺底妝，因為咁樣疊加多層一定爆粒粒，淨係買一支過嘅底霜。 如果買膚色嘅話，直接日常當底妝使用都OK。佢隻紫色好靚，可以做強嘅去黃效果。比其他開架牌子嘅紫色base，效果更自然。 我用佢再加Shu uemura既foundation，妝感貼服有光澤。持妝度好好👍🏻唔知點解佢用依支base係唔會令皮膚起暗粒，但佢嘅保濕度又幾好。即使粉底液用碎粉定妝後，都唔會令個皮膚底層乾燥💕
<看全文>
Fng好用推薦：去日本 手痕買咗 CLUB 晚安蜜粉(玫瑰味)，它粉質算細膩，帶淡淡玫瑰花香，上臉有輕微提亮同柔焦效果。Selling point 免卸妝 概念，夜晚護膚後薄撲一層，可以減少黏膩感，亦能吸附多餘油脂。混合肌夏天用，T位確實冇咁易油光滿面，而且唔會抽乾兩頰水分，整體膚觸清爽～ ✨使用感與缺點： 粉撲厚身軟熟，但遮瑕力接近零，只係修飾毛孔同膚色，本身肌膚狀態理想嘅話可以日間使用。如果護膚品太潤或疊加太多層，有機會輕微搓泥！熟齡肌要注意唔好撲得太厚，否則可能卡少少乾紋。玫瑰香味較濃，對香料敏感者要避開。 ✨適合邊類人： 適合夏天想保持清爽嘅混合肌，懶人不想夜晚黐立立必試！但極乾肌可能覺得雷，建議局部用於T位即可。 總結：百零蚊有齊顏值+功能！ 偽素顏感自然！
<看全文>Akassoo好用推薦：見簡介話係素顏用完可以當偽素顏，對於平時懶化妝嘅我嚟講好似好啱用，不過用完發覺其實只係好似加咗層霧化 / 柔焦嘅感覺，但實際係零遮瑕同埋零防曬作用🧐 所以如果係嘅話可能化完妝用嚟當定妝更加有實際功用🧐🧐。 上完粉底之後用呢一個蜜粉嚟定妝，配合返佢嗰個粉撲，就會變咗霧面嘅粉底。
<看全文>
Fng好用推薦：我喺專門店買，色號係 yp10，偏黃， 遮瑕度好好，同埋 比較滋潤， 較適合冬天使用。
<看全文>綺羅香好用推薦：以前用過好多粉底都爆痘， 後來聽講Covermark嘅漢方粉霜被譽為最適合痘痘過敏肌嘅粉底，所以一直都好想試，早前終於買咗啲試用 今次買嘅試用色號比較多，因為呢款漢方粉霜顏色調得比較特別，會特登分藍色調同黃色調，藍調對應冷皮，黃調對應暖皮，唔識分辨冷暖皮的話，就最好去門市搵sale幫手揀，又或者好似我咁買幾個覺得會合適嘅色號，逐隻試上面 自從學識睇成份表，自然都會查一查呢隻粉霜，成份非常簡單，包含最基本粉底成分、化學防曬、一啲抗炎抗氧成分，不含成膜劑，亦都無乜油分，好處就真係唔會焗啲痘，唔好就唔持妝好易甩 粉霜質感水潤，拍開好快乾，我用氣墊粉撲上，但係啲粉霜俾粉撲吸哂，要改用粉底掃上，再用美妝蛋拍瓷實，底妝透薄舒服，無負擔感，妝面有自然光澤，遮瑕度中低，但能夠柔焦毛孔，帶妝半日都無爆新痘，果然係痘敏粉底嘅祖師爺
<看全文>
robinsbk好用推薦：已經空瓶咗3枝🤣 因為我都算係沙漠肌 就算係夏天 個妝全日都唔會點出油 反而係帶妝8-9個鐘後可能會開始變乾🥲 完成哂skincare routine會用呢枝spray打底 再用嚟噴濕個sponge嚟上foundation 搽埋concealer同cream contour之後 會全面再噴多幾下 成膜之後落少量碎粉 用完真係set得貼貼服服 個妝同啲coverage都唔會點溶點郁 仲要唔點變乾!! 但其實佢都係會transfer 如果呻鼻涕個啲抹到都係會甩 不過只要唔掂塊面就無事! 佢補妝用都好好!! 放工前輕輕印一印面啲油/甩咗嘅妝 噴一噴spray再上返啲concealer又靚返✨ 不過有樣嘢仲想提嘅係佢個噴嘴都幾參差xd 佢本身噴出嚟已經唔算幼細 我都覺得尚可接受 但有次我買咗枝唔知點解噴出嚟直線咁打落塊面度LOL 學有個會員咁講:好似用緊消防喉 所以我就擰返上一枝個噴頭落新個枝度 到之後新買個啲都無事 應該只係個別狀況xd
<看全文>Heychauchau 好用推薦：要讓妝容維持最好的狀態，我的秘密武器是用Make Up Forever 水氧定妝噴霧。噴上定妝噴霧，可以在皮膚上形成薄膜，隔絕暴露在陽光下，繼而令妝容溶化。是作為我妝容維持持久的最後一道程序。 完成底妝後，我會先用Make Up Forever的超高清無瑕蜜粉作第一步定妝，之後再噴在水氧定妝噴霧，加強妝容的保護。的確，底妝真的變得牢固和貼服，而且能夠明亮肌膚，去除暗啞膚色，讓皮膚能夠持久地維持水潤狀態，減水出油所導致浮粉和脫妝的問題。由於皮膚狀況偶爾不穩定，會擔心產品會導致肌膚過敏，而定妝噴霧成分主要以水份為主，不含酒精，相對也比較溫和。上妝前用作保濕噴霧，讓妝容更貼服，化完底妝後，用作定妝噴霧，夏天一整天妝容還是維持好好的，也不用頻密補妝，也不會大量出油，是我夏天的妝容秘訣。
<看全文>
Lumi Kwan好用推薦：之前睇好多日本雜誌，啲編輯都極力推薦，而且呢個產品成日都拎日本獎項，所以上次去日本嘅時候我刻意買咗一盒。以前覺得碎粉係一件用極都唔完嘅產品，但唔知點解用呢一盒嘅時候我大約用四個月，就用完啦。粉粒好微細，佢仲有另一款顏色係珠光，但因為我怕會好似成面油咁，所以冇選擇。入面有一個粉撲，我仲貪得意買多一個粉撲可以有替換，粉撲超級柔軟好舒服，但有時我都會用粉底掃去上妝，上左妝之後覺得皮膚好滑淨，就算之後再加highlight，都輕而易舉。我剛剛由去完日本返嚟，所以都冇貨買咗一盒，我會長期支持佢。
<看全文>YolandaAuYeung好用推薦：蜜粉粉末超級細緻柔滑，延伸性好。優秀的透薄感，原因是「Bouncing Powder 彈潤粉體」技術，令肌膚產生絲滑潤澤質感，輕柔地覆蓋肌膚，令肌膚整日也呈現自然明亮光澤，仙氣Level UP!! 用後感: 蜜粉粉末超幼滑，驚艷不已的絲滑觸感，令人一試難忘! 質地非常貼薄，能有效提亮肌膚色澤，就像第二層肌膚，透岀素肌感，連毛孔也完全隱形了，自然遮瑕修飾，沒帶一點厚粉感，即使帶着口罩，也不泛油，持久度很好，這是我定妝必備之恩物！ #細緻碎粉
<看全文>
Fng好用推薦：IPSA 零瑕修飾遮瑕霜 EX SPF25｜ 🎨 產品定位：三色自調遮瑕盤 防護規格：SPF25 PA++ ✨ 核心優勢： · 色彩學調色：深中淺三色 + 空白調色格，可精準調出貼合膚色的遮瑕色 · 智能貼膚質地：乳霜觸體溫融化，實測遮黑眼圈不卡紋，遮痘印不厚重 · 養膚成分：添加薑黃精華，遮瑕同時抑制痘痘惡化 ⚠️ 使用注意： · 調色難度：新手需練習3-5次掌握比例 · 防曬局限：SPF25僅適合室內防護，戶外需疊加防曬 · 取粉衛生：建議用專用刷具，避免手指直接取用 💡 專業調色公式： ▫️ 黑眼圈：中間色 + 少量淺色（偏青用橘調） ▫️ 新生痘印：深色 + 中間色（比膚色深半號） ▫️ 提亮淚溝：淺色 + 微量中間色 🖌️ 上妝技巧： 1. 遮瑕刷溫熱後取粉，點壓手法上妝 2. 黑眼圈採用「倒三角塗法」避免邊界感 3. 等待30秒再用蜜粉定妝 🌞 香港氣候表現： ✅ 潮濕夏季：搭配定妝噴霧持妝8小時 ✅ 乾燥冬季：混合半滴角鯊烷油防卡粉 ✅ 口罩摩擦：薄塗一層後噴定型噴霧 總結：彩妝師級的「自定義遮瑕盤」！適合追求精準遮瑕的混合肌玩家，但趕時間的通勤族建議選
<看全文>Chloeincosme好用推薦：🤍 遮瑕力：4.5/5！IPSA呢盒三色遮瑕真係經典之作～遮瑕度非常高，普通黑眼圈、痘印同泛紅基本上都可以完美覆蓋，唔會話蓋極都仲見到🖤 🤍 質地與保濕：3.5/5！質地屬於中厚身，幾紮實，推開時要快手少少～如果皮膚唔夠濕潤，會有少少乾同顯紋，所以乾肌用之前真係要做好保濕打底！ 🤍 調色功能：5/5！可以自由調色～💡 ✨ 最淺色：適合提亮，可以用喺淚溝、眉心同鼻樑，即刻彭潤起來～ ✨ 中間色：最百搭！用嚟遮黑眼圈同鼻翼泛紅一流，同膚色融合得最自然～ ✨ 深色：適合遮痘印同斑點，或者調和淺色嚟準確match自己膚色～ 🤍 持久度：4/5！set好之後幾貼服，唔會話輕易移位或者溶妝，大半日都依然keep到～ 總結： IPSA呢盒三色遮瑕絕對係調色高手恩物！雖然對乾肌來講有少少挑戰，但只要做好保濕，#轉季 都岩用！ 佢高遮瑕同靈活調色嘅優點真係冇得輸～特別推薦比經常需要精準遮瑕（例如黑眼圈、痘印）嘅你，一盒就可以搞定全臉細位☺️🖤 #換季
<看全文>
Kelvin好用推薦：粉質幼細，唔會令皮膚痕癢，無顏色，聞落有少少香味。細細盒，但碎粉份量都唔少。入邊會配合一個棉花糖粉撲，軟綿綿，上面幾舒服😇 夏天好熱出汗，最怕笠痴痴。我會用濕紙巾抹乾淨，然後就會拍碎粉，會用喺手臂。用完皮膚會保持乾爽，用上面部控油度都好好，上面幾會顯得白淨，隱形毛孔。 身體任何地方都用得，性價比高👍🏻
<看全文>Nicole 好用推薦：24夏季限定薰衣草紫色蜜粉餅 外型和馬卡龍一樣可愛🟣 粉餅質地比較細膩，自帶鏡子和粉撲； 粉撲比較柔軟，抓粉力度也不錯，輕輕拍就能取到粉。上面後確實有隱形毛孔的效果，屬於那種完全無色透明感的蜜粉，微微霧面，所以不會改變膚色，是自然裸妝感的必備！ 控油效果也不錯，面上出油減少，至少能夠維持大半天；當需要補妝，把蜜粉印在油光出現的位置，迅間就能把油光消失得無影無蹤，還有味道是淡淡薄荷味和有一點點涼感，相當適合夏天使用！ 集控油、持妝於一身，值得再次回購！
<看全文>
Kmggigi好用推薦：呢款係帶柔霧透明感嘅高效蜜粉，控油定妝之餘仲兼具保濕🫶🏻 佢蘊含玻尿酸成分，既定妝又有保濕效果， 質地輕盈柔滑，無色無味，完全唔會刺激肌膚， 就算係敏感肌都可以用，用咗成日都感覺舒適無負擔 用完之後可以打造出柔霧妝效， 但同時保留自然嘅透明感， 令肌膚睇落細緻又清新，完全冇厚重粉感 可以有效模糊毛孔同細紋，讓妝容更顯無瑕自然！ 雖然係霧面妝效， 但可以帶出自然嘅細膩光澤感同晶瑩透亮嘅效果， 令肌膚睇落更加通透有氣質，妝容層次感更高級！
<看全文>Fng好用推薦：by terry補濕碎粉， 乾皮嘅我覺得 補濕力極好， 全日唔會起乾紋。 極幼細粉末，與肌膚自然融洽，遮到毛孔細紋，天鵝絨妝質感。
<看全文>
mcosmetics好用推薦：見到有好多YouTuber都分享乾機適用呢個密粉，所以去咗SOGO啟德 Bobbi Brown 專櫃買。我用pure glow色號。粉質好幼細上面冇份感，但係本人T字位會出油，佢完全冇控油效果。不過包裝好好，有鏡，有塊膠隔開粉撲同粉末，有過篩粉末可以更加幼細，本身附送粉撲都好舒服。希望佢可以出一個控油力多少少嘅版本。
<看全文>Ahpin好用推薦：呢個Bobbi Brown嘅碎粉真係我作為乾肌人一年四季嘅必需品🥹 佢嘅粉質好細，就算喺眼下幫遮瑕定妝都冇問題。妝感係霧面光澤，好啱我呢啲唔鍾意太水光肌同埋底妝太黏嘅人。佢有少少顏色，所以有時落胭脂重手咗都可以幫手調返靚。大大盒有排用，值得一試！
<看全文>