不易脫妝 推薦好用產品

Chloeincosme好用推薦：呢枝NYX嘅Makeup Setting Spray其實買左好耐，但最初用嘅時候，我發現佢嘅噴頭噴出嚟嘅噴霧唔夠幼細，一嚇落塊面會搞到個底妝一撻撻😂感覺有啲唔夠均勻，所以放左佢入冷宮好耐。後來，我試咗一個新方法，用佢噴喺化妝粉撲上面，嚇到微濕，效果真係出乎意料！ 用呢個方法之後，我發現底妝變得更加服帖，妝感自然有光澤。粉撲吸收咗噴霧後，輕輕按壓喺面上，令肌膚有水光感。妝容持久度明顯提升，即使經過一整天，底妝都冇咁容易脫妝

Noel好用推薦：開架美國品牌 NYX 以性價比搶佔了年輕人的市場，這款 Makeup spray 就剛好代表了品牌的特性：價格佛心，定妝效果佳❗黑色這款 Setting spray 係 matte finish，對於追求霧面肌的我而言，真的很吸引😝 NYX 定妝噴霧包裝簡約，噴咀達中度至細緻，沒有噴水柱／面部出水珠的 fail 情況，讚👍產品味道一般，但不算難聞，加上容易消散，個人認為可以接受。 使用習慣：化妝過程中使用 2次 1️⃣ 防曬後噴一次，當作 makeup 打底 2️⃣ 粉底後加噴一次(輕手) 再上定妝粉 基本上全年使用都 ok 沒有問題，CP值滿滿 👍（只是，再好的 setting spray 對著囗罩都係冇反抗力，粉底還是會沾囗罩的，所以沾不沾囗罩這個問題，不會影響我的評分。） #派對完美底妝

Kaki720好用推薦：最近試用左呢隻貴婦粉底 光澤感真係好重 遮瑕力一般 真係冇咩粉感 好自然 好貼皮膚 乾肌用佢真係夠潤身 我最鐘意水光肌效果！ 唔落碎粉定妝都唔痴立立 水光得黎又唔係話好油 整體來講都好滿意👍 用過後返到轉頭👍

Shelleyluk 好用推薦：我皮膚係沙漠機, 上網睇到差唔多皮膚勁推薦佢個粉底. 佢真係好好用，但係佢係比較低coverage. 做啲藝素顏裝或者淡妝比較適合. 但係佢真係好貴! 😣😣😣😣

Tszki好用推薦：canmake光影膏 03 這款產品的質地非常特別，摸起來軟糯有彈性，猶如慕斯或麻糬一般。塗抹在肌膚上時感覺水潤絲滑，能輕易推開並緊貼肌膚。顏色是偏珍珠粉色，打T字位、臉頰、下巴、眼角位置，很自然的光澤，我很喜歡這個珍珠粉色，是熱門缺貨的顏色！

Fish Tse好用推薦：想個妝再突出d唔少得一定要用高光膏，我用既係01號色月光寶石係米白色帶點米金色既珠光 哩款高光款個質地好軟綿綿既感覺，而且d粉仲好細緻，閃亮度都非常之好令到肌膚更加有光澤感係到 搽係d提亮位會令到成個妝感都好唔同。仲含有多重保濕成分，持妝度仲要好高佢可以防水、防汗、防油、耐揉擦即使持久一整日都唔會輕易咁脫妝 sis唔需要擔心卸妝問題，哩然佢係防油、防水等但係用卸妝油一卸，好易就卸得好乾淨，我都係用卸妝油卸一次就已經夠啦

chewyfruit好用推薦：✨Bobbi Brown 碎粉 實測報告 📦 包裝同設計 · 盒身：經典黑色方正粉盒，簡約有質感 · 粉撲：附送薄身絨面粉撲，方便攜帶但上妝一般建議用掃 · 鏡子：盒內有足夠大嘅鏡，補妝方便 🌫️ 粉質特色 · 細膩度：★★★★★（超幼細，好似煙霧咁） · 顏色：透明無色，唔會改變底妝色調 · 粉感：上臉近乎零粉感，唔會厚妝 💁🏻‍♀️ 使用感同效果 膚質參考：混合肌（T字位油，面頰中性） 妝效： · ✅ 即時效果：上臉即刻變啞緻，毛孔有柔焦感 · ✅ 自然度：完全冇面具感，好似天生好皮膚 · ✅ 透氣感：皮膚冇焗促感覺，夏天都舒服 · ❌ 遮瑕度：近乎零（純粹定妝用，唔會增加遮瑕） ⏳ 持妝度實測 日常工作（冷氣房8小時）： · 中午微微出油，用紙巾印油後冇補妝都OK · 眼妝、唇妝邊位保持完整 · 冇出現乾紋或龜裂 戶外活動（週末行街3小時）： · 出汗後用紙巾印，只係甩咗少少粉 · 冇出現「白汗」尷尬情況 ✅ 優點總結 1. 粉質超細：真係「如煙似霧」，上臉零負擔 2. 百搭唔出錯：透明色任何膚色都啱用 3. 柔焦效果：毛孔同細紋即時隱形 4. 唔會

Fng好用推薦：我屬於乾性肌膚，Bobbi Brown透薄柔焦碎粉於夏季潮濕天氣使用時，控油力中等，乾肌唔起乾紋，佢主打柔焦👍🏻，毛孔即時隱形😍，粉質輕薄透光，相對保濕型碎粉控油力稍強 。 乾肌在夏季T位微出油時，薄掃一層可抗暗沉，但我會避開易起皮區域，如法令紋、眼下。 冷氣房長時間帶妝後，建議補噴保濕噴霧（如Avene舒護活泉水）避免繃緊。 冬季（乾燥天氣)我就只會局部使用，不會全臉定妝。✅ 冬季乾肌可以用bobbi brown 維他命底霜打底，提升貼妝度。

janna17好用推薦：本人一直有用開MUF嘅粉餅，超級大推薦！佢地推出粉底液我都抱住好大期望睇下會唔會做到高遮瑕又自然貼服嘅妝感。結果係做到嘅！coverage有，持久度有，亦非常貼面。不過唔會再回購🥹🥹原因係呢支粉底液真係好難推開…我本身習慣用手上粉底液，呢支係你搽完幾秒即刻乾左完全無辦法修正…….而且…雖然本人係從來唔追求產品要好香好好聞（甚至我係抗拒有加香料嘅產品），不過呢支真係好臭…有一陣完全難以接受嘅化學味….不會回購！！

lamsofina好用推薦：很久以前已經想嘗試Makeup For Ever的粉底液，今次是用1P02色號。覺得粉底液貼服，遮瑕力強，而旦令膚色變得均勻透亮。粉底液用一點點巳經夠，延伸力強，令低妝自然貼服。就算夏天很熱，一整天過後都沒有怎麼融妝、甩妝。很不錯！

Bendict好用推薦：之前喺藥妝店買 直接用呢支定妝噴霧 噴霧比較大滴 用之前一定要搖勻 我之前用粉條上妝 用呢一支定妝 效果比較好 春天到夏天個妝可以keep到大約六至八個鐘

TY好用推薦：用之前要搖勻，噴出嚟好霧，唔會好大粒水珠。 少少香味唔會好濃。 乾咗之後皮膚好似有層嘢包住，唔會覺得好乾，夏天用感覺可以加強持妝效果，鼻嗰啲位冇咁出油。

綺羅香好用推薦：我最看重粉底液就係會唔會致痘，以前試過幾個出名嘅開架同專櫃牌子都好唔掂，為咗唔想嘥錢又嘥咗大大支粉底液，就專入手試用裝 NARS呢款粉底液試用裝一啲都唔孤寒，一支細細支起碼用咗差唔多10次，由於試用裝唔係隻隻色都有，底妝難免同原來膚色有落差，不過好輕薄貼服，上一層大概有6～7成遮瑕度，皮膚有淡淡透出嚟嘅光，同最重要持妝一日並無致痘‼️可能我定妝做得唔好，戴咗一日口罩，近鼻哥位浮妝，但整體妝感仲keep得好好

羅小白好用推薦：都幾水潤，而上面唔卡粉，有種天生皮膚好好嘅感覺，但大約四個幾鐘頭之後會開始氧化，塊面會黑左一兩度，所以想買嘅話，建議買番白一度嘅色

Tszki好用推薦：質地輕盈且不易卡粉，適合夏季或潮濕環境使用。質地極度滑順：它是類似「精華液」的高流動性質地，延展性極佳，用手指就能推勻，不會有厚重面具感 。 具備半霧光質感的「光澤陶瓷肌」，觸感薄透且能修飾毛孔及不均勻膚色。陶瓷光澤感：完妝後是那種「半霧半光」的質感，像天生皮膚很好、透出淡淡水光的感覺 。 修飾毛孔效果好對於鼻翼兩側的毛孔遮蓋力很出色，能營造出平滑的視覺效果 。控油抗汗延續了 Primavista 的強項，即使夏天流汗，妝感依然能維持 6-8 小時不崩塌。 遮瑕力中等： 對於深色痘印或黑眼圈，這款粉底液只能遮住約 5-6 成，需要額外搭配遮瑕膏 。

LenaC好用推薦：一直係Sofina Primavista UV base 粉底液嘅忠實粉絲🙆🏻‍♀️ 佢嘅UV base 可以長時間抑制皮脂 實現零油光妝感 一整天都可以保持妝容清爽柔滑 唔會同皮脂、汗水混合 基本上唔會出現溶妝、浮粉情況 質地輕薄清爽 一啲都唔黏膩 適合春夏濕熱季節 價錢亦超貼地❤️ 😹（重點） 美白 遮瑕 修飾毛孔 一✅過完勝🛎️ #BA照

Fng好用推薦：這個 MAQUILLAGE dramatic Skin sensor base EX 可以當素顏霜用，可提亮肌膚🌟，一秒偽素顏就出門，它夠輕透，質地非常水潤，塗在臉上很好推💞，又有少少遮瑕力兼SPF 50+。 或者薄薄塗上一層，然後等一兩分鐘之後，再上粉底，沒違和感，妝效非常自然，又有提亮效果，而且裏面還有養膚成分，透氣唔會焗到生粒粒，夏天勁啱用，值得推介🫶。 佢仲有個tone up version係淡紫色底，如果係想退黃調嘅sis可以考慮嗰個。

Vivian好用推薦：淡紫色較為水妝質地，延展性高，能夠明顯改善暗沉泛黃皮膚，提亮效果好，清爽不黏笠，比較適合春夏季節潮濕或炎熱天氣使用，配合滋潤型氣墊粉底妝感不錯

Sanna Cher好用推薦：使用工具如圖，提取份量比粉底液多，可視乎個人需要使用。塗上primer及under eye corrector 後的臉部情況，可見瑕疵和泛紅。塗上產品後的臉部明顯白晢，瑕疵減少，膚色均勻了不少。個人認為，效果適合上妝，當然上偽素顏妝容亦可以。完妝照片，使用loose powder作定妝，如使用setting spray 的光澤感會更強。

Ressie14好用推薦：幻彩流星彩妝粉盒2024年版 一直覺得呢種小珍珠狀嘅蜜粉喺設計上真係好突出，忍唔住今年買咗一罐一睹廬山真面目。 我會用散粉刷喺罐裏面兜圈抓粉，均勻沾出五色珍珠蜜粉嘅份量，然後掃上臉蛋， 佢呢隻粉質唔會好乾，視覺上散發彩妝帶嚟嘅光澤；仲有淡淡嘅香氣，閉上眼睛想像..就好似喺一間高級嘅化妝間度妝扮一樣。 另外佢嘅包裝顏值超標！小罐係密封設計…防止一粒粒蜜粉受潮濕影響，所以如果有用完嘅一刻，蜜粉罐絕對可以用嚟收藏～

Ronni好用推薦：其實佢一出就買咗～ 全因佢好靚 仲要好似好多色好特別～ 不過用咗幾次～ 就將佢打咗入冷宮🫠 原諒我用到勁污糟🤣入面真係好靚嘅～ 不過… 佢真係一定要用掃上～ 煩😠 同埋佢係閃嘅🥹 個人真係唔鍾意～ 隔咗好耐～ 清櫃想扔嘅時候見到佢～ 又拎出嚟用咗2日～ 同事話睇落個妝好滑☺️☺️ 同埋唔會印曬落個口罩😷 我決定俾多次機會佢！

PorscheB好用推薦：第一次用Make Upforever呢個ultra Hd 定妝粉 之前都係用碎粉 倒出黎果種 感覺都係比較難掌握用量 今次呢個粉餅 只需要用掃 掃 然後fing走多餘既粉 就可以上面 粉質好幼細，定妝效果滿意 價錢唔算好貴 性價比ok 特別中意 個粉盒有塊鏡 個外殼唔膠 有手感 亦都有啲重量 有高級感覺！ 最方便就係出街補妝都有得照住 唯獨係無位放棉 / 掃仔 如果帶出街用，就要另外擺補妝工具

sylsylsyl好用推薦：由於貪方便嘅關係，雖然知道碎粉會抵用過碎粉餅好多，但係都係用碎粉餅多 始終可以唔使倒黎倒去同怕拎粉太多太少 對朝早趕急嘅返工時間黎講好緊要 所以我呢盒碎粉餅其實係向屋企用，工具係大powder brush 因為佢係無粉撲向入面 如果要帶出街未必好方便 顏色係白色，上面係完全唔影響粉原有顏色 然後粉質好幼細，有柔焦效果，再加控油 （但唔會過乾） 係我春夏秋會用嘅碎粉餅 冬天會轉用保濕強d嘅選擇

Catcmc好用推薦：係用過最好嘅遮瑕膏，之前已經試咗N咁多其他款，有啲遮唔到太深嘅黑眼圈，有啲又太乾，有啲又浮；最後發現呢個係最最最最最好，潤得來又唔會厚，但係又遮到！唔怪得知咁多人介紹

KDing好用推薦：呢款遮瑕都幾貼面，唔會喺眼底造成顯乾紋，黑眼圈調色嘅function都幾好

傻傻小貓好用推薦：性價比好高，妝效都好自然偏霧面，仲可以用好耐，真係好抵買，絕對會再回購

royu3好用推薦：Innisfree 的礦物粉剛好用完，買了這個來試試，讓我十分驚喜！盒子裡包含一個粉撲，蜜粉透明無色無味，粉質細緻，透薄的霧面妝感，絕無粉感⭕️吸收油脂後會有自然的肌膚光澤感。跟Innisfree的礦物粉真的很相似，但容量是10g，為前者的兩倍！而且這盒更具修飾功能，上妝後毛孔bye-bye⭕️ 絕對是夏天對抗油光、高CP值的好選擇！

Giselle 好用推薦：Canmake 眼袋遮瑕筆 02號 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款算係canmake呢幾個月出嘅新品中最hit嘅其中一款產品ヽ(o♡o)/基本上一打開ig就已經見到好多日本美妝博主安利佢(∩˃o˂∩)♡今次我入手嘅係屬於偏粉色調嘅02號色⸜₍๑•⌔•๑ ₎⸝呢隻色會比較適合想增加臥蠶血色感嘅小夥伴(≧ω≦)我一般都會用佢嚟配搭粉色系嘅眼妝，瞬間變成溫柔可愛日本妹子(* >ω<)=3佢另外仲有偏裸膚色系嘅01號色(♡ >ω< ♡) ❤︎ ︎ ❤︎ 我自己最鍾意係佢嘅膏體設計ฅ(*°ω°*ฅ)佢嘅直徑係設計到啱啱好fit落我嘅臥蠶(.*◡͐︎*)b唔會話太闊而令到眼袋好突出(๑•́ω•̀)佢嘅顯色度唔算特別高，可以透過疊塗去校返適合自己嘅深淺୧⃛(๑⃙⃘⁼̴̀꒳⁼̴́๑⃙⃘)୨⃛我一般都會來回畫幾次去令佢嘅顏色更突出₍ᐢ⸝⸝› ̫ ‹⸝⸝ᐢ₎不過因為佢係屬於扭出嚟就收唔返嘅設計，再加上佢嘅膏體偏軟 ˏ₍•ɞ•₎ˎ所以入咗手嘅小夥伴一定要小心每次扭出嚟嘅用量哦(´∀｀)♡另外佢係屬於比較難卸嘅遮瑕，

tiff好用推薦：畫上去時候好順滑，唔易甩，keep到全日。 色調唔會太白， 黃白肌都可以使用👌🏻

Yty好用推薦：化妝底霜係水凝乳霜質地，遮蓋毛孔效果幾好同遮到比較淺既細紋、都keep到大概8個鐘，我試過配搭唔同類型嘅底妝都夾到，例如粉底霜，氣墊粉，粉餅，睇返平時個人嘅習慣同天氣去配搭，比較適合香港夏天同潮濕天用，如果係油性嘅皮膚就一年四季都可以，適合毛孔比較粗大同埋想遮少少幼紋用，效果幾好，值得回購

Simona好用推薦：MAC Studio Fix Mattifine 12hr Shine Control Primer輕氧毛孔隱形底霜（$390/30ml），用過一次即愛上！😎 之前櫃姐送試用裝，控油力一流，用咗之後即使成日留冷氣房個額頭都唔會再咁出油，效果可以頂到12個鐘，比之前明顯少油光。 推介俾易出油肌膚，想長時間keep住啞緻妝感絕對啱用！ 呢枝等於其他品牌兩三枝底霜，啫喱質地易推，保濕、控油、遮毛孔三合一，真係方便又省時間。加上成分勁有誠意：有丁二醇、乳糖酸、玻尿酸鈉等保濕成分，仲有金縷梅水、水楊酸鎮靜消炎，控油有PCA鋅、抗氧化有維他命E，難怪會成為MAC熱賣皇牌。 無論保濕、控油定遮毛孔，一枝搞掂，性價比高，值得入手！

Emily Leung好用推薦：#火熱新品 Laneige新品氣墊｜和金碩珍一樣還原美貌吧！ 因為JIN有代言蘭芝，還送立牌，剛剛好氣墊用完了，抱著試試的心理，下單了氣墊。沒想到還可以，遮瑕力也湊合，妝感輕薄，滿足日常妝的基本需求。 💛本人膚質：混合偏油，有明顯毛孔，黃1白，橄欖皮 💛質地：粉質細膩輕薄，容易取粉 💛妝效：啞光和光澤之中的微水光肌感 💛遮瑕：五六分，偏自然輕透，能修飾一點毛孔。 💛持妝：未定妝的情況下能持妝6小時，定好妝估計8小時以上不成問題。 韓系氣墊一般主打清透水光肌，遮瑕力較爲欠缺。日常淡妝或者短途打個底還是可以的。如果是為了代言人周邊，就馬上入手！😘😘😘

Amy KHM好用推薦：老實說係因為Jin代言所以入手🫣但意外地發現係一款適合唔同膚質嘅cushion！ 以前冇聽過有Mewy呢個terms 官方話要Growy同Matte嘅中間值然後上妝個下會即刻明係咩一回事 本身皮膚係混合性偏油 尤其係T zone同面頰 佢個粉撲係好貼心嘅U型方便上鼻翼位同嘴角 因為始終夏天都會易出油所以用完都會用碎粉定妝 但如果for乾肌 真係可以直接上完噴個定妝就搞掂🙂‍↕️ 推薦比所有膚質嘅夏日cushion! 我官網買個陣仲連一個refill同啲mini skincare 方便帶去旅行用~

Kura好用推薦：今個夏天我最鍾意用嘅碎粉，我用嘅色號係01，搽上臉唔會泛白，包裝外形超級少女心，粉質細膩，定妝效果超好，遮瑕力算中等，定妝效果好自然，令到我整體妝感都貼服唔錯，夏天我一出街就爆汗，用咗呢款碎粉我就算大爆汗都好我嘅妝都唔會溶得好犀利，係我夏天必用嘅碎粉，非常推薦俾大家 #碎粉 @cosme

wingbks好用推薦：最靚化妝品嘅品牌，價錢唔算貴婦級，但靚靚外表，女仔次次都心心眼😍忍唔住買! 碎粉貼面～適合晚間妝容

AngelC好用推薦：上面後透簿之餘又有少少遮蓋到面上斑斑、 最重要一點係不用上碎粉定妝都唔會有笠感覺、好鐘意

wintonggg好用推薦：專櫃買的，遮瑕力幾強，夏天都頗持妝，不過對比nars嘅粉底液，厚重左小小，同埋色號比較少選擇，但整體來講對得住價位，同埋cushion都方便返學返工一族，會再回購！

Silvia好用推薦：雖然係SPF50++++,始終係化妝品，但我唔會完全當係防曬用，OL室內日子用。所以唔知佢防曬係咪真係掂！但佢均勻膚色，防水防油防氧化都好好。單用膚色提亮唔少，可以偽素顏出街。加粉底，底妝好貼好靚，可以keep到7-8小時。但佢唔似其他妝前咁爽身，行cream狀路線，有d痴痴地，我哩d混白偏乾幾中意，油肌未必中意

Conw好用推薦：集防曬 提亮 均勻肌色於一身，去短旅行要慳手提行李重量的話，帶一支就夠。 50度防曬，去東南亞都唔驚。 雖然質地偏杰但延展性好好，珍珠大少可以全臉使用。 有一定遮蓋力，有珍珠粒粒折射光線，均勻膚色綽綽有餘，配上遮瑕膏和有色碎粉，真的可以省下粉底步驟 有滋潤度，成膜後有光澤，在皮膚附著力不錯，乾燥清爽的天氣使用可以保持6小時以上 25g細細支牙膏裝，放在行李不佔位置和重量 #出國必備彩妝