找產品
不易脫妝 推薦好用產品
734 件
kameari好用推薦：一用過就返唔到轉頭，質地透薄，唔會黏笠，油肌的我都放心使用，上臉後一直有着保濕感不會很快出油，妝容都明顯貼貼服服。最讚是不焗促沒導致敏感。整體滿意效果很好。
<看全文>choichoi好用推薦：Addiction的產品有著很多日本女生的支持，在使用過其粉底後我也是讚不絕口，那麼底霜我又怎能錯過呢（配一套XD ）而且這個也是明星商品呢，只是我買的是30ML方罐型版本。 質感帶點清涼的霜狀，看著很厚重但延展度超優而且感覺很。保。濕！真的保濕到帶種錯覺在使用保養面霜XD（經歷過脫皮時期要化妝後用上它表示得到解救） 完全吸引後臉部感覺毫無負擔，後續的上妝亦變得更貼服，感覺它跟很多粉底都能搭並使其效果昇華，比方說： 粉餅=更貼服令粉感降低不會產生厚重感 使用帶光澤感粉底液=會令其更美麗妝容更立體 絕對不會輕易出現卡粉的情況，那是保濕功效同時發揮的關係吧！
<看全文>
Fng好用推薦：KATE 零瑕肌密BB霜｜ 混合偏乾肌嘅春季潮濕測試 香港春季又濕又笠，混合偏乾肌搵底妝真係好頭痕——太潤驚溶妝，太控油又驚兩頰乾到裂開。 KATE呢支BB霜質地與膚感： 質地偏奶潤奶潤，延展性唔錯，用手指上都好推得勻。建議用濕美妝蛋上妝，會更貼服自然。上臉係微霧妝感，唔會油淋淋但又唔會乾到繃緊。重點係——清爽唔悶，呢點喺潮濕天氣下真係大加分！ 遮瑕與持久表現： 毛孔同泛紅大概遮到七八成，日常返工絕對夠用。最驚喜係持久度，有用家分享出汗做完運動都冇乜點溶，戴口罩大半日都頂得住。但要注意，佢防曬得SPF24，出門前記得另外搽高防曬打底。 混合偏乾肌溫馨提示： 網上評價話呢支滋潤度幾高，秋冬用都夠力，所以春季用絕對足夠。但色號要留意，EX-1偏自然，如果膚色偏白可能要親身試試先。 總結： 一支性價比高、持久度有驚喜嘅開架BB霜！特別適合香港春季潮濕天氣，混合肌用啱啱好。記得用濕粉撲上妝+做好防曬打底，就可以靚足全日啦！
<看全文>Sandy好用推薦：底妝心得 零瑕肌密高遮瑕BB 霜 5大獨特之處 滋潤不黏膩 – 並能夠迅速地被皮膚吸收，有效鎖住水分，使皮膚感覺清爽舒適。 亮澤肌妝效 – 含有能夠反射光線的微細光澤粒子，幫助隱藏皮膚暗沉，賦予皮膚亮澤的效果。 修飾毛孔、凹凸、膚色不均 – KATE零瑕肌密高遮瑕BB霜擅長於修飾皮膚表面的細小瑕疵、精準地覆蓋和平滑各種皮膚問題，同時提供透薄妝感。 妝效持久 – 即使在面對高溫、濕氣或是皮膚出油的情況下，妝效依然穩定，不易脫妝、暗沉或浮粉。 PA+++ – 有效抵禦UVA和UVB的損害，保護皮膚免受紫外線的侵害。
<看全文>
Fng好用推薦：ysl 明彩筆 ✍️ 質地與設計： 筆狀設計超精準，扭出嚟係水潤奶油質地，帶微微珠光。本來用開#2自然色遮黑眼圈，今次特意揀#1亮白色嚟做提亮。 💡 眼周提亮實測： · 遮黑眼圈：水潤唔卡紋，但遮深色黑眼圈要疊加 · 提亮法令紋：效果超自然，係真正「明彩」效果 · 唇峰打亮：即刻有嘟嘟唇感 總結： 一支創意與功能並重嘅多功能筆！依然係化妝袋必備嘅提亮神器。
<看全文>Simona好用推薦：YSL明彩筆真係外表吸引，金管拎出街一拎即刻加分✨！ 遮瑕力一般，但用嚟提亮眼底同補妝一流，保濕度都幾好。 有時真係趕時間，上唔切遮瑕，用YSL明彩筆隨手一掃都即刻有精神啲！👍 提亮眼底氣色好咗，夠晒方便快捷。
<看全文>
Emma W好用推薦：Revlon 持久無瑕水印潤粉底液能夠長時間保持妝容，不易脫妝。這款粉底液的質地輕盈，容易推開，讓肌膚感覺舒適，並不會有厚重感。最重要的是，對於想要遮蓋瑕疵或膚色不均的人來說，這款粉底液提供了良好的遮瑕效果，能夠遮蓋小瑕疵。塗抹後，更加光滑和有光澤，又不會起粒粒。一段時間段後，不易浮粉，係減少補妝的粉底液之一。 價錢方面，相較其他高端產品，依個較親民，似一個不錯的選擇。 適合肌膚：任何 成效度：4/5 保濕度：3.5/5 貼合度：4/5 質地：cream狀
<看全文>Mo Wong好用推薦：呢款粉底遮瑕度唔錯，可以遮到我面上D斑7成左右，我係上薄薄地一層，用黎化霧面妝幾啱。佢都易推開，我係乾肌上面唔會太乾，而且佢keep到幾長時間唔甩妝，所以幾滿意。
<看全文>
Hamiii好用推薦：Bb cushion黎講質地比較厚 比較適合秋冬天用 滋潤度 遮瑕度都好足👍🏻 但建議用完唔好再上乾粉定妝 會顯得妝感過重 定妝噴霧就好夠啦：）
<看全文>Noel好用推薦：我的冬日 BB Cushion 首選❗乾肌會愛上的韓方滋養 Cushion，對於滋潤➕光澤感底妝有執著的朋友，不妨一試👍這個金盒 Cushion 較白盒有更高遮瑕力啊~ 雪花秀 BB Cushion，一直想買來試試，但係價格較高，未能拿定主意。因為紫色蝴蝶的限定包裝，更有同樣設計的化妝袋禮物，包裝實在係太美❣我就購入了第一組，色號係 #21 Natural (Pink) 🥰 完全不會後悔，乾燥日子化妝，必定用它了！ 一撕開氣墊粉的鋁質包裝膜，就會散發很濃郁的韓方藥材➕化妝品的香味，個人感覺不太吸引，但上面後會消散👌 新一代Perfecting Cushion EX，粉撲比較厚實，使用上更好手感；舊版沒有EX，我試過用到後期，粉撲邊緣有少少爆開 ~ 個人大約按壓三次粉芯，就可以上完全面的底妝，coverage 約6成；如 眼下/鼻周 位置需要重點遮瑕，可以多拍一層，達到8成左右遮蓋度，表現理想❗光澤感亦有良好表現，上妝後可見權骨位置，有道很自然的光，有天生奶油肌感覺😍 不過，光澤沒有 Guerlain 小金條那麼囂張😂 冬天使用，個人會減少使用定妝粉；而夏天使用，我只用小小RCMA
<看全文>
ying好用推薦：✨ CHANEL LE TEINT ULTRA 持久啞緻粉底液 剛上完・好無瑕・妝感勁靚 乾肌・幾個鐘後會乾 ✅ 剛上完：好無瑕・妝感勁靚 呢個係呢支粉底最大嘅優點！ 一上完嗰下，個妝真係好靚。 好無瑕，但又唔會假面。 毛孔柔焦咗，膚色均勻咗， 望落去係好乾淨、好精緻嘅妝感。 呢下嘅驚艷程度，真係會令人「嘩」一聲。 ✅ 質地水潤易推 上妝嘅時候好順， 唔會卡粉，唔會一撻撻。 好容易推勻，新手都搞得掂。 ✅ 遮瑕力中高 泛紅、痘印都cover到， 唔使另外用太多遮瑕膏。 ⚠️ 乾肌要注意：幾個鐘後會乾 呢個係我嘅真實感受。 剛上完係好靚， 但過咗幾個鐘之後， 會開始覺得乾。 尤其係兩頰、鼻翼呢啲位， 會feel到繃緊，甚至會有少少乾紋出現。 唔係誇張嘅「裂開」， 但係你會feel到：「嗯，乾咗。」 如果你係極乾肌，秋冬可能會有啲吃力。 💡 解決方法： ▸ 妝前保濕要做足（保濕噴霧＋面霜＋妝前乳） ▸ 可以混合一滴精華油一齊用 ▸ 或者只係夏天用 ▸ 上完之後用保濕型定妝噴霧 🌟 我嘅總結 CHANEL LE TEINT ULTRA 持久啞緻粉底液 剛上完：好無瑕・妝感
<看全文>TinaWongLK好用推薦：𝗖𝗛𝗔𝗡𝗘𝗟 — 𝗨𝗟𝗧𝗥𝗔 𝗟𝗘 𝗧𝗘𝗜𝗡𝗧 持久啞緻粉底液 夏天我皮膚keep住都係乾肌 其實勁頭痕 用保濕粉底/氣墊皮膚會黐笠笠 甩妝 用霧面粉底 皮膚就會太乾&甩皮 而用Chanel就吾會有以上呢啲問題 每次用都無甩皮/太乾嘅現象 質地方面 上面好容易推開 好水潤嘅感覺 但同時又吾會覺得乾 另外，仲有陣好舒服嘅花香味 （一聞就知Chanel 化妝品嘅味道） *會氧化一個度 #火速新品
<看全文>
Fng好用推薦：MAKE UP FOR EVER HD 高清蜜粉 全霧面妝效➕️控油王者⚜️ 🌟 第一印象：專業彩妝師的隱形武器 MAKE UP FOR EVER 作為專業彩妝品牌，呢盒 HD高清蜜粉 可謂係佢哋嘅殿堂級產品！包裝係簡約嘅黑色粉盒，附送一個超柔軟嘅蜜粉撲（不過好多專業人士更愛用掃）。一打開，見到啲粉細緻到好似一縷輕煙咁飄起，就知道「高清」之名絕非虛傳！🖤 佢嘅存在，就係為咗喺高清鏡頭下都做到零粉感嘅完美定妝。 💎 粉質與妝效：極致幼滑，真正的「隱形」 粉質真係幼細到無可挑剔！🤯 用掃輕輕一掃，啲粉彷彿冇重量咁，上臉後完全冇顏色、冇閃粉、冇粉感，真正做到「透明」。佢嘅功效唔係改變膚色，而係純粹透過光線折射原理，即時柔化毛孔同細紋，將底妝變成一個啞緻、平滑、無瑕嘅第二層皮膚。無論你本身係水光肌定係奶油肌，用咗佢之後都會變成高級嘅全霧面妝效，而且完全唔會厚粉或假面。 ⚡️ 控油與持久力：油皮親媽，混合肌恩物 控油能力絕對係佢嘅王牌！🔥 對於香港嘅炎熱潮濕天氣，或者係容易出油嘅T字位，佢嘅吸油同持妝效果簡直係救星。上妝後，皮膚會立即變得乾爽，而且能有效延緩油光冒出。實測帶妝8小時，只有鼻翼
<看全文>Rachel Hui好用推薦：這款 Make Up For Ever HD Skin Setting Powder 0.1 Corrective Rose真的好適合日常攜帶，輕巧方便。一分錢一分貨，它粉質真的極細緻，定妝時唔會卡粉，妝容依然保持貼服自然。遮瑕度雖然唔算高，但顏色柔和，唔會令妝感變得死白。 最驚喜嘅係吸油力強，即使長時間帶妝，皮膚都可以維持乾爽清透，特別適合夏天或容易出油嘅膚質。 但即使係秋冬使用，亦都唔會太乾燥起皮，只在重點易出油地方薄薄一層，有效減少脫妝嘅機率。 總結嚟講，呢款蜜粉係一款實用又高效嘅定妝選擇！✨
<看全文>
Bendict好用推薦：我十幾年前開始用MAC 嘅產品 當時mac嘅色號 男仔好難揀得啱 因為當時mac嘅產品顏色對於亞洲人嚟講一般偏黃 到呢兩年再重新試用mac 粉底嘅色號改善咗好多 色號我用NC25 粉底遮瑕能力高 但粉體細緻度一般 修飾毛孔效果高 但始終有一個問題 就係texture偏乾 我用170s 粉底刷上妝 推得比較薄 但因為男士嘅色號選擇仍然比較少 上咗妝終仍然覺得有少少偏黃😿 試過NC20 顏色太過白😅 如果用其他方法上妝 處理得唔好好容易會有面具感 持妝能力高 夏天用持妝可以超過八個鐘 但男士如果買要試清楚色號👍 下圖： 上邊為 植村秀unlimited 674 下邊為 MAC Studio Fix NC25
<看全文>Kitty 好用推薦：呢款霧鏡粉底我真心覺得係混合肌嘅恩物。 質地方面，流動性好高，輕輕一推就勻，唔會話好快乾住。妝感係自然柔霧，唔係死白嗰種，似天生好皮膚再打咗層柔光咁。遮瑕度中上，暗瘡印大概遮到七成，疊多層都唔會厚粉。 控油持妝最驚喜——而家呢個天氣，朝早化妝到傍晚，T字位只係微微出油，用紙巾印一印就還原，完全唔會斑駁溶妝。最緊要係唔氧化，收工個妝仲同朝早一樣色。 不過乾肌朋友要留意，妝前保濕要做足，否則鼻翼可能會有少少乾紋。我自己混合肌，用濕美妝蛋上妝就啱啱好。 包裝係泵頭設計，好衛生，一泵就夠全面。價錢三百幾，以專櫃粉底嚟講性價比好高。總括嚟講，追求全日清爽又自然柔霧妝感嘅，呢支值得入手！
<看全文>
Kura好用推薦：土灰色嘅陰影嘅修容效果真係好靚，雖然顏色有d暗沉，但搽上臉非常靚，我鍾意用黎修飾臉部輪廓真係非常自然，同埋令到塊臉變細勁多，係即刻變瘦同埋就算掃多咗都唔會覺得好奇怪，我會有個打陰影嘅技巧tips就係下巴位可以打圈上就算大範圍打都非常自然，令到我塊大臉更加細同埋精緻，妝容立體感非常突出 @cosme #陰影 #修容
<看全文>Cheeeeery好用推薦：Canmake真係性價比極高既牌子！ 呢盒陰影粉我都用左好一段時間，早排先hit pan🤣 先講下產品本身～呢隻陰影粉粉質好細緻，亦都好易blend開～我買既係01色，呢隻色十分自然，上面唔會太明顯但係又可以見到效果，好啱新手用～不過我個人就覺得隻色太過暖色調，下次應該會買灰tone 啲試下🫢 而產品本身附有既掃既幾好用，掃上面唔會拮好舒服～而且都冇乜嚴重甩毛，size又啱哂掃鼻影～ 會回購呢盒咁抵用既陰影粉～
<看全文>
Poyobb好用推薦：質感類似Sofina Primavista 調色底霜，ettusais 呢支偏粉色，接近膚色狀態。 Primer控油能力強，用完之後皮膚會乾爽呈現霧面狀態。夏天日常可以淨係用喺T字位，減少出油情況，令妝感全日維持得更好。如果係油性皮膚可以全面用，用完控油度好強，面部感覺乾爽至少許繃緊，所以如果乾性皮膚就唔建議使用。 我買佢最主要嚟講都係增加底妝嘅控油度，至於修飾毛孔方面，有少少效果，建議用返修飾毛孔嘅底霜（豬油糕質地嗰種底霜）。呢支比Sofina嘅平約百元，視乎自己情況而買啦😉
<看全文>Noelle S好用推薦：五月已經差唔多日日三十度超潮濕，混合偏乾都出油溶妝，用呢支妝前乳搽T字鼻翼就好好多，keep到成日妝。粉橘色mouse狀35PA++質地柔滑，撫平毛孔減少出油，加埋蜜粉就十分持妝。
<看全文>
sammiimelda好用推薦：特登買來夏天用嘅一款粉底 質地比較輕盈 上面都清爽 遮瑕冇其他粉底高 但主要睇中佢夠輕薄 持久度都足夠全日 延展性亦都高 容量少少就夠用全面
<看全文>Beautyfish好用推薦：第一次使用Make Up For Ever的粉底~ 那天逛街時無意中看到，試了一點在手背上發現質地非常貼薄，水狀的質地很好推。而最吸引我的是它標榜不易脫妝，不會甩色落口罩上；咁啱最近天氣開始熱又潮濕，加埋帶mask個妝真係好易溶，所以忍唔住就買了，發覺佢真係幾好用❤️ 這隻粉底液的成份天然，而且相對簡單，對皮膚的負擔不會那麼大。親身試用過之後真係發覺佢比其他粉底貼面而且持久，妝感好自然，薄薄上一層已經可以令全面膚色均勻，semi-matt 嘅妝感幾靚，同埋持妝得嚟唔乾，呢點對於混合性偏乾皮膚嘅我來講就好好😍 要留意返佢嘅遮瑕度屬於低至中，需要多啲coverage嘅地方可以輕輕上多一層而唔會厚粉；不過對於喜歡多啲遮瑕力嘅朋友可能會嫌佢薄得滯，而且佢唔算控油。 總結：我覺得呢隻粉底同MAC嘅Studio Fix Fluid有啲相似，都係long-lasting同貼面；不過呢一隻會更加適合乾性皮膚；如果要控油同高啲coverage嘅話應該MAC會好啲😉
<看全文>
Sanna Cher好用推薦：使用產品limited edition的deer色號，是同款中最淺的顏色。顏色在調色盤中看來甚為鮮明，但塗抹在臉頰之後，會有明顯使用前後分別，而且帶柔焦效果。塗上粉底後，使用調色盤中的finishing powder，具有修飾毛孔的效果。使用橫2左2格的胭脂，是接近橘的色調，胭脂不是著重透明感，而是輕微色調，點綴眼妝的顏色。個人認為hourglass的妝感甚有貴婦感。陰影、打亮和胭脂均使用調色盤的感覺有一種曬傷感，但個人是很喜歡，因為無論塗抹多次，柔焦的效果並不會消失，輪廓感很重。完妝照片。
<看全文>Kmggigi好用推薦：Hourglass 柔光亮顏修容粉餅盤 — 高級光澤、水光感、六色超實用，底妝精緻感一步到位✨ 粉質: Hourglass 嘅粉質向來都係頂級， 呢個粉餅盤亦都唔例外！ 粉質幼滑到不得了，一掃就上色均勻， 完全無厚重粉感，妝面乾淨得嚟又好通透。 效果: 上臉之後嘅光係典型 Hourglass「柔光濾鏡光」， 自然、精緻、完全唔浮誇！ 個面會即刻變亮，有果種內發光嘅質感，好高級。 呢盤柔焦效果好唔錯，毛孔睇落平滑好多， 而且完全唔飛粉，乾肌都用得好舒服。 上臉後唔乾唔卡粉，妝感穩陣又靚。 重點係: 六隻色全部用得着，完全無廢色！😎 第一行左：做高光超靚，柔亮得嚟唔會閃到好誇張。 第二行左＋中：自然靚色胭脂位，帶光感但唔顯毛孔。 其餘色：做修容超自然，輪廓即刻乾淨有層次。 順帶一提：我而家用緊限定款，外型靚到唔捨得用！😍 限定包裝真係超美，擺喺化妝桌都係一個藝術品，完全加分！ 總結：唔乾、唔飛粉、唔顯毛孔， 一盤搞掂高光＋胭脂＋修容，妝感高級到飛起✨ 想妝感精緻又想粉質柔滑自然？ 呢盤 Hourglass 必須收！😎
<看全文>
Kitty 好用推薦：近排天氣又凍又乾，轉季底妝真係好頭痛🥶 本身係混合偏乾肌，用開嗰啲粉底液一上臉就顯紋、浮粉，仲要兩個鐘後變面具面… 但！最近試咗資生堂呢款養膚修護粉底，真心想寫篇文表揚佢！ 🔸質地＆延展性： 一按出嚟勁易推開～ 似乳液嘅質地，用手指上已經好易推匀，唔使化妝掃都掂！乾肌上臉完全唔厚粉，似第二層皮膚咁貼薄。 🔸妝感： 係嗰種日系天然光澤肌✨ 唔係閃粉嗰種假光，而係皮膚本身飲飽水嘅透亮感。乾肌最怕卡粉，呢款喺鼻翼、眼下完全冇積線，連平時甩皮嘅下巴位都馴服到！ 🔸遮瑕度： 屬於中等遮瑕～ 萬年黑眼圈疊兩層遮到五成，泛紅、暗瘡印加層碎粉都隱形到。最驚喜係佢遮瑕得嚟唔厚重，唔會一撻撻。 🔸持久度： 朝早8點化妝，到下午2-3點妝容仍然健在，對持久度要求高嘅話一定要定妝！到放工前成塊面冇暗沉變灰，越夜越靚嗰種奶油肌效果💯 🔸適合邊類人？ ✅乾肌、混合偏乾必試 ✅鍾意光澤感、自然妝效 ✅追求貼服唔卡粉 ❌大油肌可能要諗諗，或者冬天先用 小總結： 雖然價錢比開架貴少少，但以質素嚟講絕對對得住個價！尤其係乾肌sis，呢個冬天真係要靠佢救返塊面～
<看全文>Anson好用推薦：終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣
<看全文>
Fng好用推薦：Canmake棉花糖粉餅 #01繡球花園｜春日限定偽素顏神器！ ✨ 粉質與色調 呢塊春日限定粉餅融合珠光感嘅淡紫、粉紅、米白、嫩黃、淺藍五色，粉質延續棉花糖系列嘅空氣感細滑，但比舊版更多咗層次感！混刷後上臉會自然調節膚色，紫色修正暗黃、粉色提氣色，似為皮膚打上柔光濾鏡～ 🌟 妝效與控油度 實測香港春日潮濕天氣，薄撲一層已有柔焦毛孔效果，控油力屬中等偏上，T區可維持3-4小時乾爽。最驚喜係零粉感不厚重，疊擦兩層都唔會假面，真正做到「若有似無」的偽素顏～ 💔 美中不足 · 遮瑕力近乎零：純粹調色定妝，瑕疵肌要另用遮瑕 · 粉撲依舊難用：建議自配絨面粉撲或散粉刷 · 限定色難回購：錯過季節可能絕版，要囤貨！ 🆚 同系列比較 · VS 經典透明色MB：MB純控油；#01多咗調色提亮功能 · VS 舊版五色蜜粉：新版粉質更貼服，色系更柔和 · VS 薰衣草紫色款：薰衣草款偏冷調；#01冷暖調平衡更百搭 💡 春日使用技巧 1. 三明治定妝：粉底後輕拍→噴定妝噴霧→再薄撲一層 2. 局部調色：單獨沾取紫色掃T區，即刻去黃氣 3. 補妝秘訣：先用吸油紙，再用粉撲按壓出油位 春日適
<看全文>Samantha好用推薦：一開始比佢個靚靚粉盒吸引🤩 上網見過有人話太白 我就覺得係上粉嘅手勢影響 我自己就係拍一下喺額頭中間然後再拍開 第一下拍嘅位要係你修容會打嘅高光位 咁影相出嚟就會好似有埋highlight咁 大家都可以試吓 今次呢個限定set裝好抵 $118有量正裝同mini size兩個😍
<看全文>
natanatalie好用推薦：各方面都表現出色的粉底👍🏻 我一向用了這品牌的蜜粉很多年，這一次試試他們的粉底。粉底的顏色選擇也是很多的，這次我選了中性的顏色，適合亞洲肌膚。😝 粉底的質地比較輕薄輕盈，很容易推開，我是把它點在面上再用化妝棉推開的，保濕度不錯，有微微的緊致提拉效果。粉底的光澤度也是很滿意的，能夠塑造美味水光肌的效果。而且這款粉底的遮瑕度我也是挺滿意的，基本的黑眼圈和淡淡的痘印他也是能夠覆蓋到。😜 妝感自然而且持久，化了一整天也不會變暗，也不會怎樣脫妝和溶妝，各方面的表現也是十分出色的。😊
<看全文>Conw好用推薦：自帶美顏粉底 LM除了碎粉和妝前做得好，粉底也非常好，中價位中粉底必買之選。 質感： 稠的乳液，延展很好，帶滋潤感 中度遮瑕，可堆疊 妝感： 啞面緞光，受光位會出現漂亮光澤 使用感受： 控油滋潤度好平衡，不會拔乾，香港適合秋冬使用，乾肌夏天都可以。 完妝稍稍黏手，吃進皮膚定妝後乾爽。 出油後成奶油肌，不會有白芝麻，只有少許積線情況，堆開補補粉ok。 持妝中上，4到5小時需補補妝，適合日常使用。 妝感漂亮各方面表現平均，不會出錯的一款。💖 就是香港專櫃色號選擇較少。
<看全文>
natanatalie好用推薦：適合油肌的BB霜❤️ 一開始推開的時候，質地真係好輕盈，延展性好，唔會有厚重感。對我這種容易出油的肌膚來講，最驚喜係佢真係有一定控油力，至少頭幾個鐘唔需要補妝，T字位都算乾爽。妝效係自然偏啞緻，唔會太光澤，但又唔至於死板，係一種「素顏但乾淨」的感覺。👍🏻 防水防汗效果我覺得係佢最大賣點，夏天行街或者坐戶外都唔容易溶妝，仲有SPF防曬，方便懶得多塗一層防曬的日子。不過，遮瑕力就真係中等，痘印或者紅印要靠遮瑕膏幫手。長時間用落去，雖然唔會暗沉，但油肌始終會有少少焗促感，特別係天氣濕熱的時候。🥰
<看全文>Meoww好用推薦：1支結合防曬、底霜及粉底及遮瑕效果，持久保濕、均勻膚色、修飾瑕疵的高機能BB霜。 延展性好好，性格比高👍🏼夏天用有點焗身，冬天用剛剛好
<看全文>
auntiemuscle好用推薦：質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base
<看全文>stella好用推薦：質地屬於流質，上臉無調色效果，一隻純保濕底霜。同粉底唔會打交，令成個妝容貼服全日都唔會有浮粉。但我覺得只係啱混合性偏光或者乾性皮膚。油性皮膚可以略過。
<看全文>