霧面妝 推薦好用產品

Shirlin Ho好用推薦：今次買咗LAURA MERCIER嘅定妝粉係因為網上有太多人推薦 就試吓用啦 專櫃姐姐推薦呢種碎粉因為比較保濕 係真嘅 佢就算上好多厚都唔乾同埋粉感一啲都唔厚 令到個妝好自然 所以會推薦俾乾肌嘅朋友

koko_wy_lo好用推薦：粉質保持一貫細膩輕盈 上妝後非常輕透柔滑無粉感 升級配方加入高效鎖水嘅透明質酸同氨基酸粉末 全方位保濕控油 長效持妝一整天 一拍即時與肌膚融合☺️柔焦毛孔 隱形瑕疵 塑造輕感細緻霧面肌 仿如自帶濾鏡出門🤭 最重要係我帶去旅遊喺炎夏實測下 完全唔會浮粉脫妝😌妝容無暇細膩 令人超安心

alicec好用推薦：呢款蜜粉絕對係 Laura Mercier平替！對於混合油肌來講，好輕透又貼面，控油同埋持妝效果都唔錯，中間個彈網可以輕鬆攞到合適份量，唔會飛到周圍都係粉。性價比超高，好用又唔貴，值得推！ #火熱新品 #每月新品感謝禮 

Cheryl好用推薦：media luxe蜜粉算是蠻高性價比之選，一大罐可以用很久。 蜜粉質地很細而且沒有珠光，薄薄一層已經可以蓋過油光，最重要的是不會卡粉！

Fng好用推薦：CHANEL ULTRA LE TEINT 持久啞緻粉底液 色號10~ spf15 戶外活動稍為不足夠， 要自己另外再補防曬打底 。高度遮瑕粉底液，令膚色均勻及抑制油光，遮蓋黑眼圈8成，感覺不厚重，matte妝效，與肌膚自然融合，持妝到 晚上有奶油肌妝感。

Noelle S好用推薦：中至高度遮瑕，上一層粉底後再疊加黑眼圈咀巴附近暗沉位就ok。一上面霧面粧效，之後轉小奶油肌，整體妝感自然、保濕持久。買了B20色(MAC nc15, MUF y225) ，一月上面時覺得太深色就放埋一邊，而家五月外出跑下步皮膚黑咗啲似乎又啱色喎。#BA照

lingbb好用推薦： - 質地好易推開，今次試用色比較深色（p115)， - 妝感自然輕薄中清爽輕盈， - 面部有提亮同均勻膚色嘅效果，遮瑕度屬中上，可遮到7-8 成黑眼圈 ，finish比較啞緻，令毛孔肌好靚。 - 持久度方面，用定妝噴霧定完妝冇乜浮粉問題 - 夏天我T字位比較易出油，所以出油位一定要打好底，其餘地方都算完整 - 適合需要持久妝容嘅你

葉子🍃好用推薦：色號P115，鍾意佢貼服自然，唔係死白妝感，遮暇力足夠荳印同斑都遮到，好難得佢有遮暇力同時又可以keep到水潤感，全日都唔會乾，有光澤感，但唔黏笠，無卡粉，亦無氧化變色，香味怡人，係控油力唔強

Kura好用推薦：質地超柔滑,顯色度高,持久度高,搽完一陣,印一印都完全唔會甩色,就算戴全日口罩都唔會好甩色,食野都KEEP 到色,唔會好乾，搽一層嘅顏色好少女適合日常妝，疊加搽兩層適合煙燻妝御姐風嘅妝容，厚搽嘅時候係顏色飽和度最高，同埋唔會顯唇紋，但呢個牌子行尊貴女王路線會比其他牌子嘅唇釉都貴，呢支女王權杖唇釉之前風靡萬千女士，得到好多女士嘅寵愛，呢支唇釉雖然持久度但卸妝方面都係可以用眼唇卸妝水都輕鬆可以卸走，非常方便

choichoi好用推薦：外型像蘿蔔一樣的唇粙（？），是不是很精美呢；薄塗一層已超級顯色也不易沾杯的喔。如果預算充足可以考慮因為質素也對得起這高價格的呢

graceky好用推薦：今次先感謝抽中試用Sofina Primavista霧光潤澤粉底霜 九月喺日本啱啱出果陣諗住咁搞笑用碌碌上妝都得?! 嘅心態 諗住遲啲去日本果陣買嚟試下用 點知三個月後香港都出喇 仲抽中試下 本身都有用開Sofina base 打底 呢個突破到底成唔成功都有啲期待 收到兩盒東西 一盒係粉底盒 一盒係補充裝粉底霜同埋碌碌 個碌碌本身以為係硬嘅滾輪 原來係好軟熟 有彈性 好似mochi感覺嘅氣墊滾輪 粉底霜係膏狀 上喺碌碌/上面都好易推 就算喺我好乾嘅手上碌 都唔會卡粉卡喺啲紋路度 所以都幾保濕 上鼻翼位方面 由於我鼻樑唔算高 有毛孔粗大問題同鼻翼因敏感會泛紅 但碌上粉底霜係比我想像中貼服同埋自然 唔會好重粉同好黏住/好易甩粉底嘅感覺 呢個要讚! 未有上面圖睇 睇住試上手圖先 其實唔係幾易睇到分別 係好薄嘅妝感 好貼 但係 有啲位要注意‼️ 1. 真係要用啲陰力 來回碌多幾碌先上到個碌再上塊面 因為佢係氣墊做 就咁碌係上唔到粉底霜 2. 粉底霜都有啲容易痴到啲塵 可能要諗啲計 好似保鮮紙咁收到會乾淨啲 3. 粉底霜可能太軟 相對容易會壓到有凹痕 要用陰力 由於妝感都幾薄 雖然唔會令皮膚

Emilyyy好用推薦：主打特色：持久保濕，用滾輪上妝，SPF14 PA++ 質地：霜狀果凍 試用季節：12月 個人膚質：雙頰偏乾及微微泛紅，T位稍油粉底和粉底殼（附滾輪上妝工具）是分開購買，用完可直接買補充裝，粉底殼附帶一面鏡，尺寸還算大，上妝很方便。 這款粉底最大特色就是用滾輪上妝，滾輪的海棉比想像中柔軟有彈性，本以為很難照顧鼻翼這些比較刁鑽的位置，但因海棉有足夠的彈性而能照顧到。海棉表面感覺有一層塗層，有點黏感，不會很吃粉，但相對的就要多滖幾次才能取到粉。（鼻翼位置也ok） 滾輪上出來的妝也很均勻，不費力氣就上好底妝，使用方法也很簡單，很適合新手使用。上出來的妝比較透薄，是日系妝容的感覺，滋潤度也不錯，但遮瑕力較低，平常用的粉底液上好底妝就不太需要額外遮瑕，這款就要再做遮瑕，感覺也不太能再用滾輪做疊加，比較適合本身比較不太需要遮瑕的皮膚做均勻膚色。（before）（after） 有一點比較要留意的是滾輪很會沾毛和塵，再用粉底時會把毛和塵帶到粉盒上，感覺不太衛生。（比較沾塵） 整體來說還是挺新奇有趣的，也不太需要技巧就能上好底妝，新手友好。但遮瑕度低，比較適合本身不太有瑕疵又喜歡透薄妝感的人。找一

Blueblueblue好用推薦：歐美beauty youtuber 經常性都會開箱color pop 嘅化妝品，所以唔太熟悉化妝嘅我都跟風買。 顯色度高，新手宜輕手。

KDing好用推薦：顯色度高 粉質唔會睇落好粗糙 上面就要輕手少少 唔係好易變左好紅既蘋果

lingbb好用推薦： - 用緊11 號色，粉質幼滑透薄輕巧，同時具有吸油及控油效果👍🏻 夏日生痘痘都無問題 - 有瑕疵既時候用佢會比較貼妝 - 我既使用技巧係重點遮瑕會用粉撲上，會高遮瑕啲，亦有效修飾毛孔，打造出柔霧妝感。 - 成面用會用掃，有磨皮感，千奇唔好上太多，會好厚重， - 持久力相當強既粉餅，試過hold8個鐘無問題 - 加上粉餅含有維他命E成分，能防止氧化，維持定妝效果。呢樣係非常加分位，最怕塊面過咗一日暗過條頸既顏色， - 而且聽講呢款係比教耐用既粉餅，cp值幾高 -推俾瑕疵肌或黃皮肌👍🏻

橘子貓好用推薦：因為疫情而有了只用粉餅作底妝的習慣，bobbi brown 透薄超柔粉餅也是在此其間購入。 粉餅粉質細緻，有毛孔修飾力，遮瑕度也有中上程度。最令我意外的是它吸油和控油的程度！真的是一秒迅吸！！一抹上臉，油光嗖一聲就沒了。粉餅基本上上妝在那就固定在那，控油持妝有8小時走不掉。臉上出了油光的話，輕輕用紙巾印走就不太影響妝效。 不過，由於它控油方面很出色，遮瑕力也不錯，相對來說妝感（粉感）也會相對重一些。對上妝手法要求高一些，如果妝前保養或防曬用得比較厚重，會容易令粉餅上臉有卡毛孔的情況出現。注意一下就可以避免。 我所購入的色號是#Sunny Beige，粉餅undertone是peach，比較適合冷色系肌膚的姊妹。不過有時粉底液顏色淺了或偏黃，可以用這粉餅去補救。 它絕對是我用過最控油的粉餅了，混油肌或油肌值得一試。

Cosmeemee好用推薦：佢細細支又幾平🤭 質地唔錯做primer啱啱好🌟 但慢慢個人懶咗，依家直接用隔離霜搽埋隻眼😅 就冇再特登買一支專屬眼部嘅primer 了

Fng好用推薦：做唔到打底應該有嘅效果，搽咗primer 都唔見得眼妝持久，又會起接痕， 唔知做乜🤫🤫🤫，巳閒置咗一邊。

龍好用推薦：首先感謝@cosme抽中我作為試驗者之一， CANMAKE係一個我自己私心好鍾意既產品來。佢除左價格相當親民，仲有產品都相當地好用(ﾉ>ω<)ﾉ。 今次就試佢呢款月光提亮粉底，有01同02色。本人偏黃底所以用02自然色。講左包裝先啦，好可愛❤️！然後入面有鏡同一個水滴形既粉撲要來上妝。 用後感，其實用佢提供既撲上妝都算還可以，可以叫平均，最重要係自己落手唔好太重，拎得太多。輕輕咁全臉拍，拍左2-3分鐘就可以。佢既遮瑕還算可以，可能因為我唔算太深色，所以用落覺得遮到。然後提亮部分真係一畫上鼻梁到就立提左，呢個相當方便，唔需要話再買過個提亮筆。然後有柔化毛穴既作用，相當OK。 不過最大既缺點我覺得係佢到左大約4個鐘就有少少開始卡粉既問題出現，然後整體來講如果鼻個邊既紋唔深其實呢款用來出街4～5小時係可以。但再長就唔太建議，如果要長既就可能要補一補會好D。 最後，以佢個價錢來講，中學妹妹買來用絕對係相當抵用，但前題係個膚色要岩。我本身既膚色比較困難，所以我自己就唔會再買。

takemyokane好用推薦：多謝 @Cosme 送出試用❤️這次使用的是 G01 號 Light Beige 色，第一眼覺得月亮圖案的包裝很可愛！雖然 Canmake 是平價開架品牌，但內層也有分成兩層把粉撲分隔開，附有鏡子，粉撲又是可愛的水滴形設計，細節絕不馬虎。因為是SPF50，不用再另外塗防曬。   根據官方用法，先由左掃至右，再以拍打形式逐少拍上臉部，然後只用右邊較深色部份拍在黑眼圈及其他瑕疵位置。基本上毛孔部份都能遮蓋，但泛紅位置就需要其他產品輔助。而且之後一定要上蜜粉定妝，否則它一直就是濕濕的狀態，比較容易弄花。注意必須輕輕拍打上妝，才會比較透薄貼服，否則戴口罩時會相對地容易掉妝。它未必是完美，所以個人不會在約會或與朋友外出時使用，但一般上班日子想快速上妝是不錯的選擇。 可愛的設計水滴形粉撲前後比較

Akassoo好用推薦：以前用開韓國嘅粉底，呢排轉試下日本嘅粉底，當中最大嘅分別係日本嘅妝容一向都係輕薄自然啲，而呢款media luxe嘅輕透持效粉底液顧名思義，真係好輕透。用之前要搖晃，一倒上手可以睇到佢係勁流質，要好快拍上臉。我用嘅係02號色（自然），開頭倒出嚟見到咁黃勁驚買深咗色，好彩拍返上臉之後都符合返膚色（本身自己係普遍黃種人膚色）（如果你皮膚係比較白嘅話，就可以試吓01號色）。不過因為輕薄自然，所以遮瑕度唔會話特別高，如果大家多瑕疵嘅話，都需要另外用遮瑕。 呢隻粉底液主打「防水抗汗，輕透美肌持續全天」，個人覺得佢的確係防水，而持久度都真係高，基本都可以hold到7-8個鐘、暗沉亦唔明顯。不過，而家啲天氣咁炎熱，日日都30幾度嘅情況下鼻翼就比較易浮粉，鼻頭亦都會出現白芝麻嘅情況。 另外，呢隻粉底係SPF26 PA++++，喺而家咁炎熱嘅天氣底下我自己都會喺上妝前用防曬底霜打底。整體嚟講，呢隻粉底液嘅性價比高，港幣$100都唔洗，但都做到晒基本粉底液嘅要求。如果日常淡妝嘅話其實呢隻就夠晒。

Verna好用推薦：這款粉底液的質地很流質，所以用之前一定要先搖勻，上面後，感覺很輕盈很透薄，而且完全無感無負擔，而摸上去是有點粉粉的觸感。它的防水防汗能力也不錯，也不容易脫妝 我這支的色號是02 自然，顏色和我的膚色也配合 不過因為它很透薄的關係，所以遮瑕度不是很高 而它的缺點就是份量太少，一支小小的，只有25ml

Kura好用推薦：又一心得我心嘅定妝碎粉，碎粉嘅質地係好細滑，我嘅膚質係混合性偏乾冬天乾夏天油，但熱天嘅時候會出油，如果膚質同我差唔多嘅姊妹可以參考下我嘅分享，上臉好容易就做到令到成個妝都靚上加靚嘅感覺，我用完碎粉之後出街去玩超過八個鐘，個妝都仲係keep得好自然，粉質細膩，用完呢款碎粉之後都唔會有卡粉嘅現象，我係轉天氣嘅時候用，一時凍一時熱，但都完全唔會影響整體妝感嘅效果，一款好嘅定妝碎粉真係非常重要，夏天最驚個妝溶到好肉酸，我用完就算係出曬汗都唔會令到個妝變到污租，同埋我通常都會用粉撲上，特別油嘅位置會加印多小小，但遮瑕力就偏低，因為只係定妝碎粉，我係同埋佢地嘅粉底液配合一齊用，感覺一流，價錢中等，如果揀唔到碎粉都值得一試嘅，產地係made in Italy，我用嘅色號係pure glow,特別附上我用完之後嘅妝感俾大家睇下，感覺都好自然好靚嘅妝，希望大家都會鍾意我今次嘅分享啦，我會好快就會再同大家分享其他好物㗎啦，我愛大家，大家要好好照顧自己呀

Nico好用推薦：Thanks Bobbi Brown & Cosme 🥰 用完蟲草粉底之後 我on top 加左呢款碎粉 由於我之後要戴口罩 所以我一般習慣會用多少少碎粉 防止粉底掂到口罩～呢款碎粉係有膚色既 用左都唔會全臉matte曬 保留到粉底既光澤之餘 仲可以加多少少遮瑕度 個妝全日都好完整 得極少（要好仔細體先體得出）係口罩上面 去打邊爐 出曬汗都冇點溶妝 其後去戴口罩去做運動 都冇流白汗之類 但有少許暗沈 光澤度冇一開始咁好 最後 卸妝都冇出粒粒/痘痘 好開心可以試用到兩款咁驚喜既產品😻

綺羅香好用推薦：感謝@cosm送贈嘅雪肌精 cc絲絨雪粉餅，送嚟嘅淨係粉芯，無外盒，我見官網嘅粉盒圖好靚，銀白色圓形外盒上面有雪花圖案，就自己去買嚟配返 收到嘅色號係01，顏色有啲偏黃，粉質好細滑，用手輕輕掃幾圈就融入皮膚，妝感係自然嘅柔霧感，因為個名帶CC兩字，本嚟就唔太期望遮瑕度會高，對痘印同黑眼圈嘅遮蓋算中度偏低，雖然可以疊加上去，不過唔會遮到完全看不見，而且將係瑕疵柔焦，對毛孔跟肌膚紋理嘅修飾也很不錯，但係如果毛孔非常粗大，都係搭配專門填平毛孔嘅產品比較好

格仔餅公主好用推薦：包裝勁靚但亦係令我對雪肌精大跌眼鏡既一樣產品，上完臉成個妝感好乾，如果保濕唔做就用佢塊面睇落會好乾同顯毛孔，所以比3星..

Water好用推薦：呢款產品有齊highlight & contour，又平，性價比之選！我係01色號，最basic全matte色，contour都有唔同深淺，新手都唔易出錯。個掃都幾好用，掃鼻影啱啱好！ 佢唔算超級顯色，好處係唔會上到一撻撻，同溶妝都唔會明顯，但需要少量多次咁上。

yykk88好用推薦：上網見人哋介紹呢個修容粉好啱初學者用，於是就上網買咗呢個canmake修容粉。本人係CANMAKE TOKYO嘅忠實粉絲～好多product都有買過嚟用，呢個係類似佢嘅胭脂粉咁，不過個掃係打斜嘅，方便掃喺面頰兩側位置或者眼附近位置。佢嘅修容效果我覺得還好，算係自然唔誇張嗰種～ 總括而言：| (• ◡•)| 質 地：❤️❤️❤️❤️🤍 顯色度：❤️❤️❤️🤍🤍 持久度：❤️❤️❤️❤️🤍 價 格：❤️❤️❤️❤️🤍 推薦度：❤️❤️❤️❤️🤍

Noel好用推薦：資生堂的 SYNC 粉底液於歐美非常火紅，不少 beauty guru 都大推這枝，因此我都充滿期待！因為作為日本品牌，粉底產品竟然能打入外國美妝圈，真的極為神奇😍 肌感同步持久粉底的包裝很實在，磨砂玻璃瓶配上黑色塑膠泵頭，設計乾淨利落。而黑色的扭扭開關設計，又省卻了額外一個瓶蓋，使用上更方便👍我的色號 160 Shell，上到面上超自然，像是 second layer of skin 💗 使用這個粉底液前，必須先搖勻再泵出，沒有搖勻的話會有點一塊塊。粉底液具中高流動性，延展性超好，可以在皮膚上推到超薄❗個人喜歡使用氣墊粉撲＞美妝蛋上 SYNC粉底，因為感覺可以增加多一點 coverage，習慣使用氣墊粉撲上兩層，基本的瑕疵都已遮蓋 8成，表現理想。 雖然是啞緻的粉底液，但是用起上來：絕！不！乾！身為大乾肌，本人初初試用這枝粉底時，正要跟幾位大學朋友見面，真的超不安😝 不過，這一次的 wear test 卻是一個大成功，眼下沒有乾紋，眼皮沒有積線，鼻兩邊也沒有明顯脫妝！ OMG！沒有斑駁，沒有氧化，持久力超讚💕 是本人目前用過，最好的一枝 dry skin friendly 啞緻粉

Kaka好用推薦：人生第一支粉底液，顏色自然，很貼合自己原本膚色；粉底液流動性高，很容易推開；遮瑕能力中上，泛紅、淺色痘印可以遮住，黑眼圈、深痘印就要另加遮瑕；皮膚狀態偏乾的時候，會在鼻翼位輕微卡粉，但做好保濕可以減少情況；夏天使用也不會悶出痘痘或脫妝，有SPF30 PA++++ 防曬能力，表現不錯。

Noel好用推薦：美國版的 Benefit 面部彩妝盤，包含四個皇牌產品。HOOLA 古銅粉，不但可用作夏天(扮)曬黑了，畫到額頭，權骨及下顎位置。對亞洲人而言，這個暖調淡棕色更可以用作修容粉，放到權骨對下位置，一物兩用。 而我喜歡直接用 HOOLA，超輕手掃到本應放腮紅的位置 🥰 這樣會令妝容更有個性，氣場增加～ Benefit 的紙盒裝蜜粉一向品質極好，份量大方。HOOLA 的粉質幼滑，顯色度中至高，而且可堆疊。上到面上粉感不會很重，自然好看☀️

Jcxjessie好用推薦：因為佢有啲偏紅，所以冇乜瘦面效果，我塊面比較圓，用落好似有少少顯肥…

jaye好用推薦：呢盒Orgasm X 胭脂限量版，包裝超靚，顏色都好靚，Orgasm胭脂粉色自然紅暈，orgasm X更為偏向蜜桃色和珊瑚色，兩隻色粉質都一樣超細緻又柔滑，易暈染均勻，顯色度高，要輕手啲，當然亦可以任意疊加，由自然色調以至大膽鮮艷的高彩度色調都做得到，另外個金色閃粉同樣細致，可作為眼影亮片，十分貼服，自然又精神，日夜妝容都唔會覺得誇張或濃艶。仲有，成盒野不含香料不含酒精，好岩敏感皮膚既我，好鐘意！

ferferfer好用推薦：中間orgasm 隻色上面真係好自然好靚，右邊嘅orgasm X 就絕對唔好貪心，用少少已經好上色，金色highlight 色都好自然

Desse好用推薦： 【歲末】有咁多party.. 點可能少得一支靚靚嘅lip blam❤️ #112 號色嘅小銀條💡 想當年要配貨先入到手..🙂‍↕️ 而家易買咗好多🌟 YSL嘅唇膏不論顯色度同滋潤度都做得好出色💡 #112 蜜桃奶茶 屬自然柔粉色調🧏🏻‍♀️ 適合淡妝使用🌟 即使素顏.. 搽少少都可以提升成個人嘅氣息💡 滋潤度大約做到4個鐘.. 食飯嘅時候補一補就ok.. 完全遮蓋唇紋🥰 相入面係薄塗一層嘅色調.. 顯色足夠.. 好靚嫁💋

Lumi Kwan好用推薦：一睇就知我係fans. 兩大唇膏品牌YSL 同Dior都係我大推，但如果講大愛大愛，一定係YSL。我都未影晒，但目標係想話俾大家知質感。 第一支係我好常用嘅啞緻唇膏，睇我連number 都冇左就知我成日帶出街。佢好好用，好易查，啞色但好滑，又唔易甩。 我個人係中意唇釉，漆亮系列水凝膠質地為雙唇帶來清爽，唔同平價品牌，佢係好long lasting，又唔會好閃令令，太糖果感覺有時會好油膩，佢就剛剛好，帶點小性感。而金蓋系列就係啞色，佢更long lasting又唔乾，好嘅lip tint唔乾真係好緊要！ 至於唇膏，圖中小銀管有粒銀星星，所以啲閃粉一查就會出晒黎。 對比之下，絕色唇膏較實色，顯色度係最高。亮彩唇膏就自然d，但都有啲色系有閃粉，可按個人選擇。 我再加一張”落妝一次圖”，就知邊款最long lasting .

Candy Ng好用推薦：我用這款碎粉真係用到好盡😂😂 因為佢真心好用，上臉不會令皮膚覺得繃緊，好舒服。 而且佢成份天然，沒有普遍市場上碎粉有令皮膚致癌的成份---石棉，所以大家可以好放心使用😍😍😍

wintonggg好用推薦：味道好香！！好好聞，同埋粉質又好細膩，控油度好好，有曬大牌子嘅quality

Tongtong Ho好用推薦：// 柔光透明蜜粉 仲係24小時持妝tim 粉質細滑 皮膚0負擔 0妝感 0卡粉 0浮粉 做到保濕同時控油嘅效果 輕鬆打造零粉感啞緻效果 出job都好中意用 絶對係化妝師大推之選！！！！ 上完蜜粉 過幾個鐘面部小小出油 更能妝蜜粉融合肌膚 塑造緞面陶瓷肌效果 非常自然貼服 用化妝掃以按壓方式上碎粉 更易set實個底妝架～ 柔焦效果亦可以輕輕幫你blur 走毛孔tim 已經空瓶左2盒🤭🤭絕對係私心推介😆

rleungyt好用推薦：粉質幼細，帶金色閃粉。個人覺得以定粉蜜粉來說太閃，我會用作highlighter 😅可能做表演者/出席event、要bling bling場合比較可以用作face powder/body powder