霧面妝 推薦好用產品

Nicole好用推薦：一直聽人講Covermark依個牌子嘅底妝產品唔差，做咗幾日功課之後終於決定去專櫃試一下 顏色方面用咗櫃姐推介嘅SN20，上面之後比較自然，唔會過份白 Silky fit 比我想像中更加好用，粉質非常幼滑同細！上妝速度快又方便，上咗一層之後毛孔已經遮得七七八八，皮膚睇落去超級無敵好！妝效非常貼服，唔會浮粉、亦冇乜重粉感/面具感❤️ 唔會卡粉卡到一撻撻或上得唔均勻，眼紋同埋鼻翼位置都唔會卡粉 遮瑕效果可以少量咁疊加上去，唔會太厚重。一到兩層左右已經好勁，大致上可以遮到我嘅紅印同雀斑，但可惜未能夠完全對付到我個萬年黑眼圈XD 用後未見有敏感情況出現，上多兩層都唔覺得有負擔(*^^*) 見到自己皮膚好靚咁越用越上癮！ 目前為止未覺得乾，對乾皮膚非常之友善❤️ 同以前用過嘅粉餅差太遠，甚至好過氣墊！相信今個夏天至愛非佢莫屬 購入價$420，有盒同粉撲。粉盒設計太靚，令我忍唔住成日拎出嚟望XD 外型美觀大方，方便拎出街用~

Miki2020好用推薦：本身買佢地支cc cream，BA介紹下就入埋呢個粉餅。 上面易推開，霧面，遮下中下。 用後嘅感覺係如果我係早3年唔洗帶口罩用就好...已經係配合佢支 cc cream, 試幾次出街載口罩都浮粉浮到好核突，一用手掂一掂就脫妝，轉埋day cream都搞唔掂。 但如果個日只係全日係屋企因開meeting化妝，佢又真係keep得幾好。 但而家一出街都要載口罩....佢就用全無用武之地

aaapril好用推薦：正值冬天，天氣開始乾燥。我推薦這個自己已經用了3盒空瓶的。如假包換的空瓶!! (*ˉ︶ˉ*) 唔易脫粉，真的好好用。特別戴住口罩嘅情況下，持久性非常明顯。我記得第一次用完，當我回購嘅時候，剛好@cosme缺貨，我每隔幾日就會去舖頭望下返貨未，終於行左幾之後先買到，好誇張！ 外觀： 我第一次購買時大約係2020年， 當時係採用金色包裝。而家轉左灰色，同樣用紙盒包住，而色號印喺底部，唔好手快快攞錯！注意裡面唔包粉撲，需要另外購買！！ 我依隻係保濕系列嘅皇牌，有3隻顏色選擇。我用嘅係<771 自然色> ，顏色偏粉色，可以提亮我面部膚色，望落無咁暗沉。 另外，佢嘅粉質屬於超幼細而且好順滑，非常之容易推開，唔怕卡粉之餘，仲可以令個妝望落去唔會厚𥄫昅。之前幾篇文章都有提及過我係屬於超級乾性皮膚，另一個我喜歡用Chacott 保濕蜜粉嘅原因係因為佢嘅保濕力做得好好，可以長時間幫我hold住個妝，唔會擔心肌膚越用越乾。

jaye好用推薦：呢款係透明而保濕系列既碎粉，秋冬呢段時間用好好，粉質非常之細緻，柔軟，非常浮貼係臉上，無好重粉感，好薄透既感覺，控油效果就未係最好，不過定裝效果係秋冬用都好持久，夏天係會爭啲。估計性價比夠高，所以係@cosme都長期無貨…～推薦！！

YYeman好用推薦：MAC絲霧唇膏930測評： 色號：930 蜜桃燕麥茶 · 顏色係好靚嘅裸調蜜桃色，帶少少奶茶同豆沙感，好適合日常通勤。 · 黃皮友好，顯氣質又自然，唔會「冇血色」，素顏或淡妝塗都好提升精神。 · 相比Armani 214，呢支更偏暖調同年輕感，214就更加玫瑰女人味啲。 質地：柔霧絲絨 · 新配方好順滑，一塗即勻，唔會扯唇皮，係MAC子彈頭入面算係最舒服嘅霧面質地之一。 · 上嘴係高級絲絨霧面感，但完全唔乾，有少少滋潤度，長時間帶妝都唔會令唇紋變明顯。 持久度：中等 · 屬於輕薄貼唇嘅類型，食輕食（飲嘢、食蛋糕）問題不大，但食濃味或油膩嘢就會脫一半左右。 · 好處係脫色都脫得均勻，唔會斑駁，補塗都好方便。 設計：經典子彈頭 · 黑色磨砂外殼幾有質感，膏體切面方便勾勒唇形。 小貼士： · 深唇色嘅人可能要先遮一遮原本唇色，先可以還原到官試色嘅效果。 · 如果想顏色更實更持久，可以薄塗一層後，用紙巾印一印，再疊塗多一層。 整體評價： 呢支係近期嘅「偽素顏」心機之選！顏色溫柔又高級，質地大進步，完全擺脫咗以往MAC霧面唇膏「好乾」嘅印象。如果你鍾意自然、溫柔、有氣質嘅日常

莓莓好用推薦：MAC絲霧唇膏 #544 測評 1. 色調同顯色度 · 色號：544屬於「奶杏蜜桃色」，帶少少暖調嘅裸粉感，唔會太過螢光或偏橙。 · 顯色：一層已經好上色，遮蓋唇色能力中等，深唇人用可能會偏暗少少。 · 適合膚色：黃皮同白皮都友好，日常提氣色，淡妝或偽素顏都好夾。 2. 質地同舒適度 · 絲霧妝效：半啞光質地，有微微光澤感，唔會完全「粉狀啞光」，睇落唇部質感軟熟。 · 順滑度：膏體好推，唔會卡唇紋，但建議唇部狀態好時用（如果死皮多會顯紋）。 · 保濕感：中等保濕，唔算乾，但長時吹冷氣或天氣乾燥時，最好加少少潤唇膏打底。 3. 持久度同沾杯情況 · 持久度：普通飲食可以保持6成顏色，飲水會輕微脫色，但唔會斑駁脫落。 · 沾杯：有少少沾杯，屬正常範圍，始終唔係液體唇膏。 · 卸妝難度：普通眼唇卸妝液可以輕鬆卸乾淨。 4. 優點 · ✅ 顏色自然百搭：日常返工、見客、約會都適合，温柔提氣色。 · ✅ 質地平衡得好：半啞光得嚟唔乾，適合怕乾但又想有霧面感嘅人。 · ✅ 包裝實用：MAC經典子彈唇膏設計，容易攜帶補妝。 5. 缺點 · ❌ 唔算好持久：需要定時補塗，尤其食

bibikiu好用推薦：柔焦碎粉嘅upgrade版粉紅色可以輕微tone-up之餘加咗一點點（日本人好鍾意講的)「血色感」。用多咗都唔會感覺好厚粉。保濕程度亦非常出衆，全日保濕晤會吸乾面上水粉，但又做到控油功效。 我買的係迷你版，但都可以用好耐！當然買正貨size抵好多。

粉紅寶寶好用推薦：非非非常好用，調色、保濕，用完氣色好bright好粉嫩，唯一缺點係比較貴，應該用完一次，未必捨得再買🙈🙈 購自專門店，希望會出特大size可以抵用啲 另外Laura Mercier嘅磅粉盒都有個缺點，就係個stopper唔好拆，用到最尾好難倒出黎時，連拆stopper都拆唔出，點都會浪費咗個底少少🙈

Kitty 好用推薦：講真，最初入手Chanel呢支霧面唇膏個陣，我心諗：唔會又係個啲睇得唔用得嘅伏物嘛？點知一試即刻改觀！ 💄包裝設計：經典黑金配搭 Chanel嘅產品一向以簡約優雅見稱，呢支唇膏都唔例外！黑色亮面管身加上按鈕式設計開合好方便，拎出街補妝都覺得自己好有氣場～哈哈！ ✨質地： 雖然係霧面，但佢唔會一搽上去就抽乾你嘴脣啲水分！膏體軟硬適中，好順滑易推，薄薄一層已經夠色，厚搽都唔會結塊或者起粒粒。最驚喜係佢有種絲絨感，唔似一般霧面唇膏咁硬邦邦，反而有少少彈性，落高級又唔老土。 🎨顯色度： 真心無得輸！遮蓋唇色能力超強，深唇色人都唔需要擔心。我入手嘅#107都係熱門色，一搽即刻氣質提升，仲好顯白！持久度都算合格，飲嘢食少少嘢都keep到，當然食大餐就一定要補啦。 💦保濕度： 老實講，霧面唇膏來講佢已經做得好好！唔會好似某啲品牌咁，幾個鐘後脣紋暴現兼爆拆。但建議本身唇部狀態差嘅朋友，先用個脣底膏打底，效果會更順滑。 總結： 如果你係霧面控，又怕乾到似沙漠，呢支絕對值得試！價錢雖然唔算平，但質素對得住個價。唯一要彈係個包裝嘅按掣設計有時唔太順，但睇在佢咁好睇嘅份上就算啦哈哈～

Fish Tse好用推薦：就黎又到聖誕啦！出去玩梗係要化返個靚妝影多d靚相去紀念下個節日啦！ 唇膏係唔少得既環節，揀岩唇膏可以令個氣息睇落去差好遠，想係聖誕受矚目，可以考慮哩款啞緻柔滑唇膏 唇膏既外殼係黑色配搭金色唇膏殼比人有種高貴既感覺令人愛不釋手 我買既係63號色ESSENTIELLE，哩款唇膏有荷荷巴油衍生物同埋乳木果製成柔滑配方好順柔睇落去雖然係咁啞緻桃紅色，但都有種濕潤盈滿既感覺 仲有一點佢既顯示度非常之高，搽一層已經充滿色彩，用既時候直接搽上唇上由中心向外塗抹就可以了

Emily Leung好用推薦： ～Ettusais艾杜紗雙色眼影02～浪漫氛圍感粉棕色 超級漂亮的粉棕色眼影，兩個顏色就可以畫一個完整的眼妝！ 顏色淡淡的，不會顯髒，新手也不怕下手重了！ 粉質很軟糯，不飛粉，是那種絲絨質地，很好暈染，也非常完美地體現了日系眼影融膚度高的特點！ 左邊珠光色，帶閃顏色軟軟糯糯，有點濕濕的感覺 👉🏻用來打底 右邊稍微硬一點，但是絲絨感也很棒，不會飛粉 👉🏻上下眼尾慢慢暈染開 簡單易畫、都不用刷子，手指頭就搞定了。真是適合我等又懶又手殘的人。 真的太喜歡啦～總之就是買不了吃虧買不了上當！哈哈哈～

Suki好用推薦：Ettusais 深邃雙色眼影 4 號色本來對佢簡約嘅設計同柔和嘅色調抱住好大期望，用嚟化日系妝容，但用落之後真係有啲失望，特別係粉質同顏色表現，都冇達到預期。 首先，佢嘅粉質實在太易碎，輕輕用刷或者手指取粉時，粉末就成堆飛出嚟，唔單止令眼影盒入面變得好污糟，仲會掉喺手上或者化妝枱度，清理起上嚟幾麻煩。如果唔小心用力過大，仲會令成個眼影盤睇落殘破不堪，對於鍾意乾淨整潔包裝嘅人嚟講，真係扣分。 至於顏色方面，4 號色嘅配色偏暗，雖然想打造深邃眼妝，但實際上顯色度一般，喺眼皮上效果唔夠鮮明，仲有啲偏灰，化完之後睇落好似污糟咁，完全冇提亮或者修飾眼神嘅效果。即使試過疊加幾次，都未能解決呢個問題，反而越疊越覺得厚重，好難操作。

chewyfruit好用推薦：Canmake絲滑潤澤碎粉用後感 ✨ 外觀同設計 佢個包裝真係夠晒「日系可愛」！個盒細細個，直徑同手掌心差唔多，扁身設計好易塞入化妝袋，帶出街補妝超方便。個粉撲係「重點好評」，好厚身軟熟，絨毛好密，摸落去好似摸緊兔仔耳仔咁舒服！ 🌸 粉質同妝效 粉質係「超級幼細」，打開個盒唔會飛到周圍都係粉（呢點好加分）。 上臉個下真係有驚喜——「即刻柔焦」！ 好似幫塊面開咗層薄薄嘅磨皮濾鏡咁，毛孔同細紋會變朦朧，但完全唔會厚粉或假面。 係一種啞緻絲絨感，光睇皮膚質感好似絨布咁細滑，唔會反光，適合追求自然霧面妝嘅朋友。 💦 保濕同控油表現 · 乾肌朋友注意： 因為入面加咗美容液成分，我自己（混合肌）用落真係唔會抽乾水分，帶妝幾個鐘面頰位都唔會乾到起屑。不過如果你係極乾皮，建議都係做好妝前保濕先。 · 控油力： 屬於「輕中度控油」。油鼻位大約頂到3個鐘開始會少少出油，但唔會溶妝，用紙巾印走油光後，妝面都仲係完整嘅。大油田就可能要補密啲。 ☀️ 防曬bonus 有個SPF23 PA++嘅防曬值，雖然唔可以代替防曬霜，但心理上會覺得安心啲，尤其係喺室內對電腦，或者落街買少少嘢嗰陣，算係多一

Chloeincosme好用推薦：乾性肌膚揀蜜粉真係要好小心，唔係好易會卡粉或者顯乾紋。行街見到呢盒Canmake好多好評嘅碎粉，價錢又唔貴所以就買咗嚟試吓。 **包裝** Canmake 嘅蜜粉包裝一如以往行可愛路線，而且細細盒方便攜帶。 **粉質** 粉質方面，摸上手都算幾細滑，但冇我既愛牌LM嗰種好驚艷嘅感覺。 **使用方法** 可以喺搽完防曬或者底妝之後用，用佢附送嘅粉撲輕輕印喺臉上。乾性肌膚既我會避免用太多，薄薄一層就夠，而易出油嘅地方譬如鼻翼兩側可以加強少少。 **使用效果** 佢嘅柔焦效果唔錯，可以修飾毛孔，令皮膚看起來平滑啲。而且佢喺紫紫地色，有輕微提亮去黃既效果。遮瑕力就比較弱，如果想遮瑕嘅話，就要另外用遮瑕膏！

布吶吶好用推薦：今次同大家試吓呢支風超大嘅 Estee Lauder持久水凝亮澤修護粉底液，聽個名都知佢野心好大啦——又要持久、又要水凝、又要亮澤、又要修護！係咪真係咁神奇？等我話你知～ ✨ 第一印象：包裝高級，泵頭好評！ 支嘢拎上手幾有份量，玻璃瓶+金蓋，擺上妝枱都覺得自己好似貴婦。最正係有個泵頭！衛生又易控制份量，唔會一時失手倒到成手都係～加分！ 💦 質地：果然「水凝」無呃人！ 擠出嚟係流動性幾強嘅乳液狀，推開好似絲綢咁滑溜～一掂到皮膚就覺得「咦？幾水潤喎！」完全唔厚身，無嗰種「戴面具」嘅感覺。乾肌姊妹應該會鍾意！ 🧏‍♀️ 上妝效果：自帶「溫柔光環」 上完一層，個膚質即刻升levellll～ 唔係啞光，唔係油光，係種好自然嘅「皮膚自己透出嚟」嘅光澤感！好似飲飽水咁，睇落精神咗，但又唔會變「燈塔」～ 遮瑕度中等，淺色雀斑、暗沉可以修到七八成，如果嚴重瑕疵可能要加少少concealer。 ⏰ 持久度：朝九晚六無甩色？ 我朝早化好妝，無用primer、無set碎粉（專登測試！），到中午T位有少少出油，但唔係溶妝嗰種，反而變咗「奶油肌」feel～ 到下晝4點幾，光澤感依然keep到，只係鼻翼

Suki好用推薦：入手咗兩個色號1C0（冷調最白） 同 1N1（中性調一白），兩隻色都超貼亞洲膚色！1C0適合追求白皙透亮妝感嘅女生，而1N1就自然啲，黃白皮用都唔會灰。混搭使用仲可以調出更貼合膚色嘅效果，好貼心！ 呢支粉底質地水潤輕薄，推開似精華咁滑溜，上臉唔會卡粉或顯乾紋。妝效係好似皮膚本身咁好有透明感，完全冇粉感厚重嘅問題。夏天用都keep到水潤，開冷氣房都唔緊繃！ 唯一缺點係遮瑕力偏弱，適合皮膚底子好、追求偽素顏嘅人。如果係明顯痘印或黑眼圈，需要額外用遮瑕膏。不過輕薄同遮瑕難兩全，取捨之下我依然鍾意佢嘅貼服度！

shadow影子好用推薦： 鮮艷奪目嘅紅色喺唇膏嘅一大賣點，查咗上咀之後，可以見到要目嘅光澤感，令嘴仔顯得非常性感。

橘子貓好用推薦：L’absolu Rouge Ruby Cream #274 超粉粉嫩嫩的蜜桃色～不會偏粉偏橘，塗上顯得整個人年輕有朝氣。

bibubibu好用推薦：色號517 質地係satin 有少少光澤感而唔算好水潤 搽上嘴幾滑身 又唔顯唇紋 相當顯色 肉眼見到嘅顏色 搽上嘴就係一樣顏色 唔算好持久 食完野就會冇哂 但以佢嘅價錢嚟講係無可挑剔 性價比高 仲可以配上唔同造型嘅唇膏case 可以買多幾隻唔同顏色都唔心痛

Verna好用推薦：我在網上見到有人介紹，這品牌的唇膏是超平價，而且質素不錯，逛商店時見到，就買來試試 原來這唇膏的唇膏芯和唇膏殼是分開賣的，所以可以自選喜歡的唇膏殼花紋顏色，而且下次再買時，就可以環保一點 我看官網介紹，全部總共有22個顏色，分開7個色系，而我選的色號是#553紅色系，我覺得有點似珊瑚色或者豆沙色，很容易carry和配搭 它的質地很柔滑水潤，因為成份有玻尿酸，所以不用潤唇膏打底也可以，塗上咀感覺很滋潤，而且有點點的光澤感，CP值真的很高 不過我覺得它有點容易掉色，這是唯一美中不足

konningching好用推薦：性價比高，我媽最愛❤️，佢試好多款唔同既底霜🫂。 佢話呢款又平又保濕又去黃，仲可以修飾毛孔！ 另一款藍色底霜就岩我地後生女用😆

劉肥貓好用推薦：有微微調色效果 亦有防曬 功能 非常容易推開 我多數當佢防曬使用 價錢平

Mei_pk好用推薦：這款碎粉很控油，用了它妝容一整天都不會脫妝，就是有點乾。底妝需要加強保濕

Ice好用推薦：細細地一盒好方便帶出街。佢喺入邊仲有個絨毛嘅粉撲，可以令到啲碎粉上到塊面，維持到個妝咁好靚。 重點係佢真係好平好抵用性價比超高，去韓國一定要買，超好用。又可以。又可以令到個妝咁變得霧面，又可以令到個妝容更加持久。

Q能Q好用推薦：粉質超滑，上面完全冇粉感，磨皮效果好好 買咗2024版，$215有20g性價比幾高 但只適合秋冬，夏天控唔住油

Giselle 好用推薦：Excel 柔絲美肌精華蜜粉（2023 秋冬ver. 01） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Excel每年秋冬都會出嘅限量版蜜粉( ⸝⸝•ᴗ•⸝⸝ )੭⁾⁾因為呢款係添加咗美容液成份，所以年年一出就會超級無敵搶手₍ᐢ⸝⸝› ̫ ‹⸝⸝ᐢ₎我自己用後覺得超級好用₍ᵔ·͈༝·͈ᵔ₎佢嘅粉質係超級幼細，就算上多幾層都無嗰陣好厚粉好白嗰陣感覺⸜( ´ ꒳ ` )⸝♡︎而且佢可以做到模糊粗大毛孔嘅妝效，望落去有種皮膚好好嘅錯覺ヾ(*>∀︎<)ﾉﾞ另外佢嘅粉撲真係超級無敵舒服(o´∀︎`o)ﾆｺｯ超級軟而且又大，基本上拍幾下就已經定好晒全臉妝容而且用嗰陣又唔會唔舒服(〃'∇︎'〃)佢嗰盒嘅設計屬於壓落去就已經可以沾到粉，唔需要倒轉嗰盒倒到周圍都係粉(≧︎▽︎≦︎) ❤︎ ❤︎ 佢嘅定妝效果屬於一般般嗰種，around 4個鐘頭就會開始係鼻翼附近開始有浮粉嘅情況(◞︎‸◟︎；)所以油肌嘅小夥伴呢款唔太適合你哋(இдஇ; )另外因為佢係好大盒所以都唔太適合帶出街隨時隨地補妝(꒦ິ⌑︎꒦ີ）

Amyloid Li好用推薦：色號方面偏黃少少，持久效果都OK ，不過控油效果好似冇咁出色，需要用定妝噴霧定妝比較好

CandyLiYing好用推薦：氣墊粉底顏色號BD21，粉底色上臉有點偏白，粉底透亮，睇上去有果凍感覺，可能自己混合偏油性皮膚，到中午需要補小許粉，屬於自然色調

Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍

Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少

Viannie好用推薦：性價比極高，百幾蚊就有16色，好適合初學者/學生/想試多種顏色嘅人入手。我選擇咗呢盒USP09 phoenix 入手，顏色偏向紅橙黃tone, 貪佢多色玩。顯色度唔錯，係粉質唔夠細緻，一次過拎太多會上色唔均勻，不過勝在多元化，一盒有齊啞色，柔和珠光同較粗粒閃粉嘅色都有，可以做多種變化係幾好嘅。

Rin好用推薦：呢盒大名鼎鼎嘅NYX 16格眼影，我覺得基本上係會化妝嘅人人手一盒 眼影呢係用得非常之慢嘅其中一樣產品咁但佢嘅配搭又非常之多，所以呢有陣時就會買到成屋都係眼影 我覺得佢幾好用，係因為佢可以慢慢疊色，就唔會驚一下帶咗上去，然後就一達喺度 都有啲人話佢顯色度好高嘅，但係我覺得佢顯色度未算話好高，因為有一啲真係一上去你就救唔返 而且佢嘅飽和度較低，唔會突然之間好sharp 適合大部份嘅皮膚 可以做到好多唔同嘅妝效到適合一年四季用嘅

rac好用推薦：我選了偏粉紅色Yukon。會較白。塗上面有小小偏粉紅。因為我面色偏青。上面後會變得好氣色。質地：乳液但偏水。我用手上面 再快速推開 再用粉撲印。因為佢較易乾。所以上面後動作要快啲。否則會有一撻撻。 上面及遮瑕度：能遮到大約8乘的瑕疵。連毛孔也能填補。就像有一層薄薄的紗在面上。但不假也不是面具感。在這方面很驚喜。下圖一有小小瑕疵 下圖二是使用後完全遮晒持久度：早上7點上妝 到下午3點未見溶妝。口罩也未見粉漬。最近天氣潮濕 只在額頭上有微油。用紙巾印走便可。甚至乎不用補妝。 結總：驚喜 絕對會回購 唯一不好係樽口位好易流出 要小心打開

Wkk好用推薦：顏色我認為比較偏粉，適合皮膚較油的人使用，比較適合夏天使用，持久度一般

Jasmine L好用推薦：之前已經用過米白色，件出咗粉紅色所以買咗。 粉紅色相較買白色會顯得精神啲，因為令到整體妝容帶有血色感，好適合面色比較蒼白嘅女士使用。 乾爽到冇最新嗰隻粉體咁出色，不過相對上調色效果會比較好，適合冬天使用。

Becky CC好用推薦：這款蜜粉控油度算可以，冬天可以維持8至10小時，可以為臉部增添粉紅氣色，不過要注意用量，可以考慮局部上當作打亮，不然會容易顯白

莓莓好用推薦：3CE Velvet Lip Tint - #Speak Up 測評 1. 顏色同質感： · 色調：#Speak Up係一支「紅梨色」，帶少少復古暗紅，唔會太過鮮豔，黃皮同白皮都襯到，顯白效果一流。 · 質地：絲絨霧面，上嘴順滑，推開後變啞光，但唔會乾到裂唇，厚塗薄塗都ok，日常同夜晚出街都適用。 2. 持久度： · 飲水食輕食嘅話，顏色可以keep到6-7成，算係中等偏上。不過食油膩嘢就需要補少少。 · 輕微黐杯，但唇釉底色會留低，唔會一下子甩晒。 3. 使用感： · 刷頭設計容易勾畫唇形，新手都易控制。 · 味道係淡淡花香，唔會好化學。 · 雖然係啞光，但唔會好扯唇皮，建議嘴唇乾嘅人用之前搽少少潤唇膏打底。 4. 缺點： · 如果本身唇紋深，可能會卡少少紋，建議做好保濕。 · 價錢中等偏貴，但質素對得住個價。 5. 總結： #Speak Up係一支唔會出錯嘅氣質色，適合想低調但有氣場嘅人。絲絨質感舒服，持久度合格，值得入手！

Emily Leung好用推薦：💄3CE絲絨唇釉！黃皮親媽！素顏塗也顯白到發光✨ 🌟色號：3CE絲絨唇釉 TAUPE （經典磚紅棕調！薄塗奶茶感，厚塗復古高級臉） 👉質地：慕斯絲絨感，上嘴順滑到尖叫！不拔乾不結塊，抿嘴也不會斑駁～ 💋妝效： ✔️薄塗：日常通勤必備！低飽和奶咖色，溫柔顯氣質！ ✔️厚塗：瞬間切換港風女主模式！紅棕調超顯牙白，合照穩贏💃

jhope0725好用推薦：呢枝真係#此生摯愛唇彩！ 呢支唇彩一如其名，質感好似棉花一樣輕薄，唔會抽乾嘴唇水份，唔顯唇紋，疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。 佢顯色度、飽和度都好高，輕輕一層，已經令到成個嘴好立體，影相會好精神。我用嘅顏色係14號，上嘴唔會太紅~ 佢持久度算中上，未至於可以全日都唔補妝，但係維持四、五小時都冇問題~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝！而且佢嘅好處係落妝會好乾淨同方便，唔會好似其他tint咁食死左個嘴唇。 唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝，有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇抿開，就會natural d! 私心推介，希望大家都搵到啱自己嘅色號！ 

瑪拉好用推薦：持久唔掉～就算飲水食嘢整到都只會掉少少，我呢個係11號色，本人黃二白，暖皮膚搽上嘴係好靚嘅玫瑰色～