霧面妝 推薦好用產品

rac好用推薦：我選了偏粉紅色Yukon。會較白。塗上面有小小偏粉紅。因為我面色偏青。上面後會變得好氣色。質地：乳液但偏水。我用手上面 再快速推開 再用粉撲印。因為佢較易乾。所以上面後動作要快啲。否則會有一撻撻。 上面及遮瑕度：能遮到大約8乘的瑕疵。連毛孔也能填補。就像有一層薄薄的紗在面上。但不假也不是面具感。在這方面很驚喜。下圖一有小小瑕疵 下圖二是使用後完全遮晒持久度：早上7點上妝 到下午3點未見溶妝。口罩也未見粉漬。最近天氣潮濕 只在額頭上有微油。用紙巾印走便可。甚至乎不用補妝。 結總：驚喜 絕對會回購 唯一不好係樽口位好易流出 要小心打開

Wkk好用推薦：顏色我認為比較偏粉，適合皮膚較油的人使用，比較適合夏天使用，持久度一般

Jasmine L好用推薦：之前已經用過米白色，件出咗粉紅色所以買咗。 粉紅色相較買白色會顯得精神啲，因為令到整體妝容帶有血色感，好適合面色比較蒼白嘅女士使用。 乾爽到冇最新嗰隻粉體咁出色，不過相對上調色效果會比較好，適合冬天使用。

Becky CC好用推薦：這款蜜粉控油度算可以，冬天可以維持8至10小時，可以為臉部增添粉紅氣色，不過要注意用量，可以考慮局部上當作打亮，不然會容易顯白

莓莓好用推薦：3CE Velvet Lip Tint - #Speak Up 測評 1. 顏色同質感： · 色調：#Speak Up係一支「紅梨色」，帶少少復古暗紅，唔會太過鮮豔，黃皮同白皮都襯到，顯白效果一流。 · 質地：絲絨霧面，上嘴順滑，推開後變啞光，但唔會乾到裂唇，厚塗薄塗都ok，日常同夜晚出街都適用。 2. 持久度： · 飲水食輕食嘅話，顏色可以keep到6-7成，算係中等偏上。不過食油膩嘢就需要補少少。 · 輕微黐杯，但唇釉底色會留低，唔會一下子甩晒。 3. 使用感： · 刷頭設計容易勾畫唇形，新手都易控制。 · 味道係淡淡花香，唔會好化學。 · 雖然係啞光，但唔會好扯唇皮，建議嘴唇乾嘅人用之前搽少少潤唇膏打底。 4. 缺點： · 如果本身唇紋深，可能會卡少少紋，建議做好保濕。 · 價錢中等偏貴，但質素對得住個價。 5. 總結： #Speak Up係一支唔會出錯嘅氣質色，適合想低調但有氣場嘅人。絲絨質感舒服，持久度合格，值得入手！

Emily Leung好用推薦：💄3CE絲絨唇釉！黃皮親媽！素顏塗也顯白到發光✨ 🌟色號：3CE絲絨唇釉 TAUPE （經典磚紅棕調！薄塗奶茶感，厚塗復古高級臉） 👉質地：慕斯絲絨感，上嘴順滑到尖叫！不拔乾不結塊，抿嘴也不會斑駁～ 💋妝效： ✔️薄塗：日常通勤必備！低飽和奶咖色，溫柔顯氣質！ ✔️厚塗：瞬間切換港風女主模式！紅棕調超顯牙白，合照穩贏💃

Kitty 好用推薦：呢支粉底液持妝度高，推開嗰陣好順滑，唔會話一上臉就乾涸。用濕粉撲薄薄咁拍開，即時係柔焦霧面妝感，唔會死實實一塊面，反而似天生皮膚好嗰種絲絨質地。如果係乾肌朋友，建議妝前保濕做足，或者混一滴精華，咁就唔怕卡粉。 遮瑕度： 佢嘅遮瑕度屬於中高階，黑眼圈同泛紅大致上遮到七八成，如果好深嘅痘印就要另外用遮瑕膏。最鍾意佢堆疊上妝唔會厚粉，局部再加多層都依然透薄，呢點好加分。 控油同持久度： 朝早八點化完妝，到中午T區開始微微出油，但唔會浮粉或溶到一撻撻，紙巾輕輕印走油光，妝容依然完整。到夜晚放工，面頰keep住貼服，鼻翼兩側冇白頭點，整體算係越夜靚。對於混合肌嚟講，春夏用啱啱好，大油皮就可能要中途補多一次碎粉。 色號選擇： Lancome色號算幾多選擇，建議大家去專櫃試清楚，或者拎sample返屋企試足全日，咁最穩陣。 總結： 呢款粉底對於追求自然啞光、唔想妝感太重嘅朋友，真係值得一試。持妝力對混合肌來講合格有餘，暗沉問題唔嚴重，全日妝容都keep到白淨。整體嚟講，會回購！

Water好用推薦：混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！

jhope0725好用推薦：呢枝真係#此生摯愛唇彩！ 呢支唇彩一如其名，質感好似棉花一樣輕薄，唔會抽乾嘴唇水份，唔顯唇紋，疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。 佢顯色度、飽和度都好高，輕輕一層，已經令到成個嘴好立體，影相會好精神。我用嘅顏色係14號，上嘴唔會太紅~ 佢持久度算中上，未至於可以全日都唔補妝，但係維持四、五小時都冇問題~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝！而且佢嘅好處係落妝會好乾淨同方便，唔會好似其他tint咁食死左個嘴唇。 唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝，有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇抿開，就會natural d! 私心推介，希望大家都搵到啱自己嘅色號！ 

瑪拉好用推薦：持久唔掉～就算飲水食嘢整到都只會掉少少，我呢個係11號色，本人黃二白，暖皮膚搽上嘴係好靚嘅玫瑰色～

Ice好用推薦：一個性價比幾高嘅胭脂，顏色又多又顯包，又便而，又有得揀粉狀又或者膏狀。Donki 同 Aeon 都有得買。 佢自帶一個胭脂掃，佢嘅毛都幾舒服幾軟。又有掃，色又靚，簡直就係出外旅遊居家必備。化妝新手學生黨一定要買嚟試下

Fng好用推薦：602號色， 橙色裸粉， 適合黃皮使用，夠顯白， 掃毛柔軟，唔會吉面，細細盒方便攜帶去旅行。

Sanna Cher好用推薦：使用產品色號3N，是偏向暖色而且粉嫩，非常適合搭配金棕色妝容。雖然產品顏色比膚色深，但塗抹後，加上loose powder，效果比原生膚色白晢。產品是乳霜質地，用上化妝掃後能夠輕易塗抹全臉，而且份量不用太多。塗抹妝前乳後的肌膚狀態，對比塗抹粉底液的效果，見美白遮瑕效果明顯，而且膚質亦有提亮。完妝照片，塗抹loose powder的效果，如使用setting spray，粉嫩效果能夠更加明顯。

Kitty 好用推薦：首先，個樽身真係靚到爆！金燦燦嘅玻璃瓶，拎上手好有貴氣感（雖然指紋黐到癲🤣）。泵頭設計幾衛生，一泵就夠用全臉。質地係creamy狀，推開好順滑，有種高級護膚品嘅香味，唔會燦鼻～ 👩🏻妝感點樣？ 我係混合肌，T位油兩頰乾。呢支粉底上臉嗰陣好貼服，係那種天生好皮嘅光澤感，唔會假面或者粉感重！遮瑕度中等偏上，我面頰嘅泛紅同暗瘡印薄薄一層已經遮到七七八八，如果要多啲遮瑕可以疊加，但唔會覺得厚重。 ⏰持久度測試 朝早8點上妝，到中午T位有少少出油，但用紙巾印一印之後，妝容依然完整，冇斑駁！到咗夜晚7點，整體妝感依然keep到，只係鼻翼同嘴角有輕微溶妝，但唔會變地圖臉～我覺得佢嘅抗氧化能力幾好，唔會好似某啲粉底咁到夜晚就變灰黃！ 👍🏻最鍾意嘅優點 1. 養膚效果：落妝之後皮膚冇變差，反而覺得幾潤，可能因為有護膚成分？ 2. 光澤感：唔係油光滿面嗰種，係自然透光嘅高級感～ 3. 貼服度：就算係乾到爆嘅冷氣房都冇起皮！ 👎🏻可以更好嘅地方 1. 價錢：真係貴啊！！！（但諗深一層，如果當係護膚品+粉底二合一，又好似抵返少少？） 2. 油肌可能要補妝：如果係大油皮，夏天可能要用控油pri

Kriskirs09好用推薦：Nars 自然亮采持久粉底液 當時係專門店想買粉底液 店員就sell咗我呢一支 佢幫我即時試咗上面覺得效果唔錯 佢唧出嚟嘅質地比較cakey 化妝嘅時候都比較快乾 推開嘅時候已經感覺到好黏稠喺手上面試嘅效果都會感覺到比較乾 的確呢一隻粉底液係比較適合油性皮膚 以下係我嘅上面圖：（上妝時間比較耐）買完返屋企發現自己上粉底嘅時候 好！難！用！🤢 一開始我係用cushion上妝（打濕咗 發現上得唔均勻仲有啲一嚿嚿嘅感覺 試咗幾次之後發現用乾粉撲上面會好啲 或者直接用手指上😵 小妹用後感 覺得佢嘅遮瑕力都算唔錯 平時用一層都已經應付到日常瑕疵 如果追求完美無瑕嘅底妝就要再加遮瑕膏 佢都屬於越夜會越靚嘅粉底液 皮膚出咗油之後同佢融合咗會比較自然 早上化完即時嘅感覺算幾厚粉 佢喺面上面都真係太有存在感 另外鼻翼都有少少積粉 後來我借咗俾另一個朋友試用 佢係屬於乾肌 以下係佢嘅上面圖：佢有啲暗瘡印嘅位置係直接有甩皮嘅情況 但係佢都認同遮瑕力係幾高🤔 總結而言 小妹都唔係專業化妝師 所以上面嘅效果都有機會因人而異 我就覺得有啲難用

Fng好用推薦：NARS natural radiant long wear foundation， 妝感係少少光澤，同埋粉底液流動性唔強，比較厚身， 要分開局部上臉，如果唔係乾咗好難推得均勻， 遮瑕力中上，但係夏天用，感覺皮膚比較焗一點，如果係乾肌使用，去到夜晚會現乾紋。

Sanna Cher好用推薦：使用色號794，為當時的特別版，偶爾見到專門店有售。紫兩色為冷調，棕色和卡其綠色接近暖色，使用時可將眼影盤分為冷暖色調使用，每次使用兩色。使用圓形眼影掃，打圈掃上卡其色，見色調可用於不同季節。 眼影色調能夠做到輕微煙熏妝，而妝容有別於黑煙熏或大地色調使用在煙熏妝容方法，是色調非常獨特的配搭。加上卡其綠色作眼線陰影，見色調混搭後有點混濁，可隨個人喜好抹塗，但對個人來說是認為看似很高冷的暖色。完妝照片

mandy好用推薦：CHANEL LES 4 OMBRES BYZANCE #318 PARURE VÉNITIENNE $595 CHANEL的4色眼影盤粉質柔滑不飛粉，容易上妝。 4色眼影都可互相配搭到，非常實用，不存在癈色。 右下的眼影第一眼以為是白色，其實是很美的幻彩色， 可以用作眼影打底，具少許提亮效果。 左上的玫瑰粉色及右上的香檳金色均可以用作眼影主色， 可以按照喜好選其中一色作主色。 左下的啡色，可以用來描繪眼線，可有效放大雙眼。 CHANEL的4色眼影盤外盒設計簡約華麗而且貼心， 不佔空間，內附鏡子及眼影掃，方便隨時隨地上妝補妝。 顯色方面剛剛好，即使上多幾層眼影，也不會太鮮色或具濃 豔感。特別喜歡CHANEL的4色眼影盤配色，每個眼影色都很美很經典不過時，可以一個眼影盤走天下，在不同場合都可以派上用場。

綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色

星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。

　peg好用推薦：呢款氣墊真係我用過最強嘅底妝，真心要強烈推薦畀大家！ 佢最令我驚艷嘅係嗰種變態級嘅遮瑕度！我塊面本身啲暗瘡印、紅絲，甚至係幾深嘅黑眼圈，輕輕印一層已經遮咗八九成，基本上連遮瑕膏都唔使再另外上，慳返好多時間。雖然佢遮瑕咁高，但神奇在佢上咗面唔會好似戴咗面具咁厚粉，反而係好貼服，仲帶有一種好高級嘅光澤感。 講到持妝力就更加係無敵，平時出街最驚個妝溶到一撻撻，但呢款氣墊真係可以做到全日唔溶妝。就算要長戴口罩，或者夏天出晒汗，個妝都仲係好完整，完全冇乜沾染落口罩度。佢出咗油之後，唔會浮粉或者暗沉，反而會變咗做超靚嘅奶油肌，越夜越靚！ 佢粉質好細膩，所以就算係鼻翼位都唔會點卡粉。我已經回購咗好多次，對於我呢啲追求完美妝感、又懶得補妝嘅人嚟講，呢款 TIRTIR 氣墊真係冇得輸，係我化妝袋入面一定要有嘅底妝！ 但係有一個特別嘅點就係上妝手法方面，佢一定要喺「抆」落去毛孔嗰度，之後先慢慢再引開個妝會薄好多同埋自然好多，如果就咁印落去妝感就好厚重。

Fng好用推薦：TIRTIR 持久定妝紅氣墊｜ 混合偏乾熟齡肌の「春日高光水煮蛋」用後感 ✨ 妝感實測｜水光肌定高遮瑕？ 紅色殼呢款主打「光澤感＋高遮瑕」，輕輕一拍已經可以遮到7-8成泛紅、痘印同毛孔。粉質算細緻，上臉有種絲滑柔焦感，唔會厚粉。不過要注意，佢嘅光澤度偏高，出油後塊面會「反光到花花哋」，視覺上反而顯毛孔。 ✨ 混合偏乾春日攻略｜定妝係關鍵！ 香港春天又濕又悶，混合偏乾肌想用得靚，記住呢幾招： ✅ 妝前保濕要做足：呢款氣墊本身偏乾（有網民評保濕度得2星），妝前一定要用夠保濕精華同乳液，否則兩頰易卡粉 ✅ 少量多次上妝：佢成膜快，建議逐少逐少拍開，同一個方向唔好來回捽 ✅ 混合肌必用定妝噴霧：T字位用蜜粉局部定妝，兩頰保留光澤感；有混乾用家大推「用定妝噴霧代替蜜粉」，效果最自然 ✨ 同價位春日vs 產品 質地/妝感 春天表現 Laneige Neo Cushion 中遮瑕半霧面 較保濕但遮瑕力輸 Clio Kill Cover 高遮瑕微光澤 同樣高遮瑕但質地更厚 ✨ 色號小貼士 色號選擇極多（40色），C＝冷調、N＝中性、W＝暖調。亞洲常用：17C（白皙）、21N（自然偏白）

綺羅香好用推薦：呢排發現自己眼皮有啲色素暗沉，搽上去眼影啲色無咁靚，就買咗支底膏，首先貪佢夠平，第二夠細支，因為唔係經常化妝，無必要買太大支或者好貴嘅浪費 唧出嚟係白色膏狀，易推開，抹開之後眼皮膚會tune白咗，有少少油潤感，但唔會令眼影化唔開，因為將眼皮白咗，眼影色會出啲，幾好用

Sym97好用推薦：👁眼影打底好物 眼影底膏擠出嚟呈白色、薄薄搽少少係眼皮上方底膏會變透明。之後上眼影時，感覺眼影更加貼服同持久，顯色唔浮粉，自然令眼妝更shape ！ 注意事項❗️要識控制眼影份量 因為搽咗底膏，眼影會更顯色，如果使用較深色（如棕色/深紅色等）要注意唔好沾太多，以免變得過分上色。建議使用疊加+暈染形式上眼妝。 夏季好用☀️冬季就效果唔太理想❄️ 夏天都未正式開始，太陽就曬到嚟，成日一出門口去返工就流曬汗，未返到公司可能就已經溶晒妝。依枝眼影底膚好似搽左層防汗水防溶妝🙆🏻‍♀️ 不過，冬天乾燥嘅時候，搽咗之後好似唔夠滋潤，照樣會甩皮。 想有效咁用這枝底膏要謹記「適可而止」 1。唔好用太多（眼妝會過厚） 2。上眼影時輕手啲，用疊加法+暈染

TsuenMa好用推薦：#CLUB 素顏蜜粉 (有防UV） 又係衝住有防曬成份嘅蜜粉去入手，主要想係補妝嘅時候用，但發現呢隻吾適合用黎補妝： 1） 佢上面有色嘅程度，完全吾可以話自己係透明蜜粉，如果上完妝再用呢個產品，會令到膚色更加死白，好吾自然，我自己好麻麻地。 所以一般而家會用黎做吾帶妝嘅時候，上完護膚產品就用佢出街，減輕黏笠感的同時抵擋紫外線。 2） 佢個粉撲好大好柔軟，而我係好鍾意呢個撲，小蝴蝶嘅設計好有少女心，但因為個撲太大，所以都係吾岩用黎做補妝。 見到有其他用家係用黎做晚安蜜粉，等啲護膚品吾會痴落去枕頭到，不過我自己就無試過，因為始終覺得呢啲粉類都係要清乾淨先去瞓教，等毛孔可以抖抖氣。

Viannie好用推薦：用過粉紅色玫瑰香味好鍾意，想試埋粉綠色白茶香，但唔鍾意個味道😔 功效其實一樣，主要係果日唔化妝，搽完防曬就用佢，薄薄上一層好似定妝咁，塊面冇咁立立令，冇咁重黃氣白少少會精神啲，最正係夜晚唔駛用落妝產品🥳

綺羅香好用推薦：去台灣旅行好開心中咗5000蚊icash ，用佢嚟買咗好多化妝品同香水，其中就有1028藍色吸油蜜粉，以前見細妹經常回購。台灣酷熱嘅天氣令到我鼻翼出油嚴重，又唔記得帶定妝蜜粉，妝溶得好快，係康是美見到1028就即買即用，用粉撲上會令膚色變得太白，要用掃輕輕掃走多餘嘅粉，吸油力驚人，就算帶妝全日再加食燒肉，鼻翼依然清爽，難怪細妹咁鍾意

Heychauchau 好用推薦：這個透明蜜粉餅小小的，而且附有粉樸和鏡子，特別方便外出攜帶，吸油程度尚算可以，一般都用作底妝後定妝之用，夏天很容易溶妝，也方便作補妝之用。

Ntra好用推薦：一直都知好多人激推，台灣旅行時見到即入手，平時我搽完防曬，懶得搽粉底液直接用佢拍全面，效果真係令人好驚訝，雖然佢係粉餅，但一d都唔厚，好輕薄，有少少遮瑕度，超貼服，平時趕返工用佢基本上好快出到門口，懶人必備

bearbear246好用推薦：色號OC10 妝效持久自然 同時粉質幼細有效修飾毛孔 控油效果一般 要配合控油底霜使用 性價比高既一款產品 附上粉卜 粉卜質素唔錯 唔洗特別使用技巧都可以快速上妝 所以應該會繼續回購 唯一美中不足係粉盒入面既設計 粉卜同粉餅只係附上一片透明膠片作為分隔 如果粉盒有設計多一層會更衛生

Chloeincosme好用推薦：呢枝NYX嘅Makeup Setting Spray其實買左好耐，但最初用嘅時候，我發現佢嘅噴頭噴出嚟嘅噴霧唔夠幼細，一嚇落塊面會搞到個底妝一撻撻😂感覺有啲唔夠均勻，所以放左佢入冷宮好耐。後來，我試咗一個新方法，用佢噴喺化妝粉撲上面，嚇到微濕，效果真係出乎意料！ 用呢個方法之後，我發現底妝變得更加服帖，妝感自然有光澤。粉撲吸收咗噴霧後，輕輕按壓喺面上，令肌膚有水光感。妝容持久度明顯提升，即使經過一整天，底妝都冇咁容易脫妝

Noel好用推薦：開架美國品牌 NYX 以性價比搶佔了年輕人的市場，這款 Makeup spray 就剛好代表了品牌的特性：價格佛心，定妝效果佳❗黑色這款 Setting spray 係 matte finish，對於追求霧面肌的我而言，真的很吸引😝 NYX 定妝噴霧包裝簡約，噴咀達中度至細緻，沒有噴水柱／面部出水珠的 fail 情況，讚👍產品味道一般，但不算難聞，加上容易消散，個人認為可以接受。 使用習慣：化妝過程中使用 2次 1️⃣ 防曬後噴一次，當作 makeup 打底 2️⃣ 粉底後加噴一次(輕手) 再上定妝粉 基本上全年使用都 ok 沒有問題，CP值滿滿 👍（只是，再好的 setting spray 對著囗罩都係冇反抗力，粉底還是會沾囗罩的，所以沾不沾囗罩這個問題，不會影響我的評分。） #派對完美底妝

Yoyo Sin好用推薦：顏色係幾靚既！但稍微有少少乾🥴需要潤唇膏打底先用到 少少顯唇紋

miko_83好用推薦：成膜快，不沾杯，顯色度很好。特別是刷頭好用，貼合唇型。顏色都是流行色。性價比超級高。

chewyfruit好用推薦：✨Bobbi Brown 碎粉 實測報告 📦 包裝同設計 · 盒身：經典黑色方正粉盒，簡約有質感 · 粉撲：附送薄身絨面粉撲，方便攜帶但上妝一般建議用掃 · 鏡子：盒內有足夠大嘅鏡，補妝方便 🌫️ 粉質特色 · 細膩度：★★★★★（超幼細，好似煙霧咁） · 顏色：透明無色，唔會改變底妝色調 · 粉感：上臉近乎零粉感，唔會厚妝 💁🏻‍♀️ 使用感同效果 膚質參考：混合肌（T字位油，面頰中性） 妝效： · ✅ 即時效果：上臉即刻變啞緻，毛孔有柔焦感 · ✅ 自然度：完全冇面具感，好似天生好皮膚 · ✅ 透氣感：皮膚冇焗促感覺，夏天都舒服 · ❌ 遮瑕度：近乎零（純粹定妝用，唔會增加遮瑕） ⏳ 持妝度實測 日常工作（冷氣房8小時）： · 中午微微出油，用紙巾印油後冇補妝都OK · 眼妝、唇妝邊位保持完整 · 冇出現乾紋或龜裂 戶外活動（週末行街3小時）： · 出汗後用紙巾印，只係甩咗少少粉 · 冇出現「白汗」尷尬情況 ✅ 優點總結 1. 粉質超細：真係「如煙似霧」，上臉零負擔 2. 百搭唔出錯：透明色任何膚色都啱用 3. 柔焦效果：毛孔同細紋即時隱形 4. 唔會

Fng好用推薦：我屬於乾性肌膚，Bobbi Brown透薄柔焦碎粉於夏季潮濕天氣使用時，控油力中等，乾肌唔起乾紋，佢主打柔焦👍🏻，毛孔即時隱形😍，粉質輕薄透光，相對保濕型碎粉控油力稍強 。 乾肌在夏季T位微出油時，薄掃一層可抗暗沉，但我會避開易起皮區域，如法令紋、眼下。 冷氣房長時間帶妝後，建議補噴保濕噴霧（如Avene舒護活泉水）避免繃緊。 冬季（乾燥天氣)我就只會局部使用，不會全臉定妝。✅ 冬季乾肌可以用bobbi brown 維他命底霜打底，提升貼妝度。

janna17好用推薦：本人一直有用開MUF嘅粉餅，超級大推薦！佢地推出粉底液我都抱住好大期望睇下會唔會做到高遮瑕又自然貼服嘅妝感。結果係做到嘅！coverage有，持久度有，亦非常貼面。不過唔會再回購🥹🥹原因係呢支粉底液真係好難推開…我本身習慣用手上粉底液，呢支係你搽完幾秒即刻乾左完全無辦法修正…….而且…雖然本人係從來唔追求產品要好香好好聞（甚至我係抗拒有加香料嘅產品），不過呢支真係好臭…有一陣完全難以接受嘅化學味….不會回購！！

lamsofina好用推薦：很久以前已經想嘗試Makeup For Ever的粉底液，今次是用1P02色號。覺得粉底液貼服，遮瑕力強，而旦令膚色變得均勻透亮。粉底液用一點點巳經夠，延伸力強，令低妝自然貼服。就算夏天很熱，一整天過後都沒有怎麼融妝、甩妝。很不錯！

Bendict好用推薦：之前喺藥妝店買 直接用呢支定妝噴霧 噴霧比較大滴 用之前一定要搖勻 我之前用粉條上妝 用呢一支定妝 效果比較好 春天到夏天個妝可以keep到大約六至八個鐘

TY好用推薦：用之前要搖勻，噴出嚟好霧，唔會好大粒水珠。 少少香味唔會好濃。 乾咗之後皮膚好似有層嘢包住，唔會覺得好乾，夏天用感覺可以加強持妝效果，鼻嗰啲位冇咁出油。