光澤 推薦好用產品

Kitty 好用推薦：終於得閑同大家分享呢支YSL Top Secret妝前乳啦！話說之前喺專櫃試咗一次，就即刻被佢種草，忍唔住入手咗～而家同大家講講真實感受啦！ ✨質地同香味： 一撳出嚟係淡粉色嘅凝露狀，質地超輕薄！推開之後好似變咗層薄紗咁，黐喺面度零負擔～而且佢有YSL一貫嘅高級花香，唔會太濃，聞落好舒服，每次用都覺得自己好似做緊spa咁！ 💖修飾效果： 最驚喜係佢嘅柔焦效果！我鼻翼同額頭都有啲細毛孔同暗粒，一搽咗呢支妝前乳，即刻有層磨皮濾鏡咁，毛孔隱形咗好多！後續上粉底真係貼服到爆，冇再出現卡粉或者浮粉嘅情況～而且佢帶微微光澤感，唔會死白，成個底妝睇落自然又透亮！ 🌿保濕度： 我係混合肌，T字位易出油，但兩頰有時會乾到繃繃緊。呢支妝前乳保濕度幾好，搽完面珠墩即刻水潤咗，又唔會笠黐黐，後續粉底更加持久，就算帶妝成日都冇出現乾紋～（不過大乾肌可能都要再加強保濕喔！） ✅總結： YSL Top Secret妝前乳絕對係懶人恩物！如果你趕時間，甚至可以直接搽佢再加層碎粉就出得街，偽素顏必備～雖然價錢有少少貴，但一支都用得幾耐，同埋真係能提升成個底妝嘅質感！會唔會回購？已經諗緊囤多支後備啦～😂

Kelvin好用推薦：今次用返專櫃既底妝產品💁🏻‍♂️YSL美顏絕密絲緞補濕底霜 👦🏻男士中性皮膚，少許粗大毛孔，無暗瘡痘痘，白浄肌膚 ⭐️質地 依枝係半透明粉紅啫喱狀，推開之後變透明。好易推，面上有凹凸瑕疵即刻變平滑，拯救到cake粉起皮～⭐️特點 依枝base重點，隱形毛孔平滑皮膚，但不能修飾膚色/遮瑕，功效較單一 無提亮 無防曬 無遮瑕調色 任何皮膚人士都用到 ⭐️效果 有保濕效果但不高，以加夏天又焗又熱既天氣男士作為底霜唔會太滋潤啱啱好，乾肌要用呢支base就加強保濕。混合肌都適合，不過佢比其他毛孔隱形底霜個保濕效果較好，同時可以全面用，唔使再加其他底霜，好方便 心得⭐️ 我用佢嘅時候，會配搭遮瑕度較高/乾身少少既foundation，用返YSL持恆持全日冇甩妝，貼服又唔乾，成個原妝底好完美👍🏻

Jayla好用推薦：[愛用分享] 質地：偏硬，硬度不易受天氣影響 顏色：一共10色 滋潤度：保濕滋潤，不黏 Bobbi brown嘅晶鑽保濕修護唇膏係我成日都會用嘅潤唇膏，外型係bobbi brown一貫嘅簡約風格，由於係方型嘅管身，卡實之後蓋係冇辦法旋轉，所以唔會有唔小心轉咗成條唇膏出嚟嘅風險。 已經用咗好多~ 打開之後膏體係望落係比較結實，初時上手有擔心過唔夠滋潤，但用落覺得好有驚喜。喺嘴上一抹就化開，搽完覺得滋潤順滑，而且冇黏黏嘅感覺。因為係有少少硬度嘅膏體，所以可以好順暢地搽，整個過程唔需要擔心太用力而塗得太多，亦唔會有黏住嘴唇嘅摩擦感。睇返官網主要成份有橄欖油同荷荷巴油。其實荷荷巴油並唔係油脂而係液態臘，難怪就算係8月嘅夏天拎出嚟用都唔會溶化。 呢款潤唇膏係屬於透亮嘅顏色，我分別買咗Bare Nude 同Bare Raspberry。官網上嘅顏色色差比較大，所以最好係去專櫃親身試色。Bare Nude係有少少橙調，顏色亦比較淡。所以主要我嘅用法係當化偽素顏妝嘅時候用嚟嘴唇嘅色調，偏橙少少令妝感柔和d。 而Bare Raspberry係我每日都會帶住出街。我多數到下午就會開始有

heihei好用推薦：嘴唇好乾，雖然每晚有用Lip Balm，但每朝仍要先搽潤唇膏打底先可以好順滑咁搽唇膏而唔起死皮。 見網上好多人推薦BB呢款潤唇膏，就買咗評論話最啱素顏用，自然有血色嘅Bare Rasberry嚟用。試用後覺得的確非常滋潤，對於我呢啲咁易乾嘅嘴唇嚟講的確做到潤唇膏嘅作用，就算甩咗都唔洗狂補嚟保持滋潤。而Bare Raspberry隻色亦都幾提升到血色，令嗰嘴唇望落水潤得嚟有番少少色。要講缺點應該就係佢滋潤得嚟係有啲黏笠嘅，同埋唔會成膜，所以食嘢飲嘢就會甩。

貓餅好用推薦：包裝好靚，好夢幻，買返黎折開包裝原來冇fill滿成支，實際量可能得2/3，用完頭髮順滑左，正常護髮素的功效，冇乜特別啦

格仔餅公主好用推薦：香味好香好甜，勁大浸花香，不過用完好易出油同埋好笠，第日set頭好快就塌

Miaomiao好用推薦：買左裸色同粉色既蜜粉，效果分別不大。閃粉比較明顯，通常帶閃粉既粉底，拍左上面都係輕微珠光，但係呢款係近睇會見到有一粒粒閃粉既狀態，適合鍾意妝感亮麗顯著既人。 控油能力高、配合埋同系列既long lasting primer可以持妝全日，特別適合夏天使用。我係混油皮，T字位出油位置覺得用呢款幾好，但係面頰同額頭位置就會有d起皮。

FishYu好用推薦：用開呢個牌子既粉底液，想試下同系列既碎粉，所以買左set試用裝。碎粉顏色係裸色，帶閃粉。 控油能力高，持妝效果強就算戴口罩都冇乜甩妝。如果用曬同系列既粉底液+碎粉我覺得太控油會偏乾，用呢隻碎粉會揀配其他較補濕既底霜。

莓莓好用推薦：多謝@Cosme 邀請試用CANMAKE呢支新品唇膏新色04（櫻桃帕菲） ⭐️質地： 佢本質上都係水潤型，但做法有少少唔同。 就係你薄薄哋塗一層，佢會自己喺嘴上面形成一層好貼嘅「膜」，顏色同光澤都會被鎖實，望落更完整。 而且佢嘅質地係好順滑、有少少化開嘅感覺，一上嘴個嘴會變得比較飽滿，有少少立體感。 ⭐️使用感 但我覺得佢最犀利嘅地方唔係潤，而係水光感同持久度做得幾平衡。唔食嘢嘅話，佢可以一直keep住嗰種水潤、有光澤嘅狀態，唔會過一陣突然變乾、抽乾水分。 就算食咗嘢，都只係輕微甩少少，底色仲會留返喺嘴上面，望落都仲有氣色。呢點其實同好多水潤型唇膏有啲唔同，好多係一上嘴好靚，但甩得好快，要不斷補。佢似係嗰種 潤得嚟唔易消失嘅類型。 ⭐️顏色 再講吓呢個新色04，係一個偏冷調嘅櫻桃紅/莓果紅。按理講呢種顏色對黃皮唔太友善，但佢上嘴係會提氣色，唔會顯暗又唔會顯髒。就係嗰種有少少甜、有少少曖昧，但又唔幼稚嘅紅色。再加上佢係無香料，日常用更舒服。 如果你想搵一支唔需要技巧、顯氣色、有水光感，又唔使成日補嘅唇膏，呢支其實幾好用。

Asteria好用推薦：多謝 @Cosme 邀請試用 CANMAKE 新唇膏 #04 櫻桃帕菲 🍒💄 超開心～ 🌸💖 ✨ 質地好神奇 薄薄搽一層，佢會自己喺嘴上面形成一層「膜」～ 鎖住顏色同光澤，仲好順滑，輕輕化開嘅感覺～ 一搽上嘴，嘴唇即刻變得 飽滿又立體！👄✨ 💧 水光感＋持久度，平衡得超好 唔食嘢嘅話，可以一直 keep 住水潤光澤，唔會突然變乾～ 就算食完嘢，底色都仲喺度，望落依然有氣色！😳💕 同平時啲水潤唇膏好唔同，呢支 潤得嚟唔易消失！超驚喜～ 🍒 顏色超有氣質 #04 係偏冷調嘅 櫻桃紅／莓果紅～ 本身以為黃皮會驚，點知上嘴反而 好提氣色，唔顯暗唔顯髒！ 有少少甜、少少曖昧，但又唔幼稚嘅紅色 💋 而且 無香料，日常用更舒服～ 🌸 💖 小總結 顯色＋水潤＋成膜＋持久，真係好驚喜！ 04號色少女得嚟帶果醬感，唔打底直接搽都 水潤唔顯唇紋～ 薄上一層已經遮到原唇色，再疊加更光澤 ✨ 實測：正常講嘢飲水唔點甩，食嘢甩剩 60%，補一補就搞掂～ 😆 CANMAKE 唇膏一向都做得好好，呢支我一定會再回購！🛍️💕

Hellobeauty 好用推薦：限定產品永遠都係最吸引人,所以今次我忍唔住買咗CEZANNE Pearl Glow Highlight SP3 Snow Fantasy 有一日行街見到呢個限定色產品,已經覺得好靚,忍唔住同朋友分享,我強調未打開,近鏡,已經明顯睇到有四隻不同珠光色,價格仍然大眾價位,所以對於有選擇困難症嘅小資女嚟講,非常吸引； 吸引地方：質感順滑易推,四色珍珠光分明,可因應個人喜好,膚色,分開使用,塗上面上不同位置提亮,同時,又可以四色混合塗上面； 我就喜歡四色混合使用,因為我覺得混合使用,最適合我，係最自然珠光色 我初時擔心珠光粒子未夠幼細，但是上面後，沒有問題，感覺自然，唔誇張，而且貼服，唔乾，沒有出現敏感情況 溫馨提示：要加疊2層或以上，塗上面先有效果，但絕對適合日常低調妝容，值得一試的性價比高產品

Suki好用推薦：Cezanne Pearl Glow Highlight真係平價又出色，尤其係當高光用已經好靚，但當胭脂用嚟畫咬唇妝或者提升氣色，效果仲係意外地出色，真心推薦！ 呢款高光嘅光澤感非常自然，係帶少少珍珠感嘅細緻光澤，唔會有太誇張嘅閃粉感，所以即使用喺面部大範圍都唔怕過火。當高光用嘅時候，可以輕輕掃喺顴骨、鼻樑或者眉骨位，妝效即刻變得立體，仲帶有一種低調嘅透明感，成個妝容超有氣質。 但最驚喜係，呢款高光其實當胭脂都非常好用！揀啲偏暖色調（例如偏粉紅或者珊瑚調嘅色號），輕輕掃喺蘋果肌，唔單止可以提升氣色，仲會帶嚟一種微微嘅光澤感，令皮膚睇起嚟好似由內而外散發健康嘅光芒，非常適合打造輕透自然妝感。

LenaC好用推薦：好高興喺@cosme同埋LUX既【特別會員禮企劃】🫶被抽中😻😻😻😻 收到6枝正貨嘅LUX洗護系列試用☺️☺️ LUX呢6枝洗護系列都係無矽❗️無添加 Parabens防腐劑及合成著色劑 ‼️ 絕對可以安心使用⚜️ 以下係我嘅用後感 質地 : 透明啫喱狀 適合髮質 : 細軟易塌受損髮 起泡量 : ♥♥♥♥ (泡泡好細又好多 無需太費時即可搓揉出大量綿密的泡沫，可依需求按摩到滿意為止，而且都好容易沖洗乾淨。) 香味 : 淡淡清香 後勁感覺有少少果香 洗完會持續飄逸著一股清新既香氣 效果: 洗頭既過程好舒服滋潤 唔會感到乾澀 或者難以用手指梳開 用後頭皮感到乾淨清爽 唔黐笠 第二朝起身 頭髮感覺蓬鬆啲 唔會好塌好扁咁 捲曲嘅髮尾都感覺更Q彈☺️🥰 用前用後 簡直一目了然🫥 真心感謝@cosme 邀請試用😍😍 好野必須分享ahahaha 加上價錢嚟講又唔離地 買啲好野寵下自己 大家都試吓啦 開心😘 P.S. 好多人平時都係稍稍沖濕頭髪 就落洗頭水 其實沖洗頭髪係要沖洗頭皮 約1分30秒 洗淨油污及灰塵 有健康既頭皮先可以長出健康既頭髪 ➡️護理頭皮一樣重要🐒

Latoya好用推薦：首先我的髮質好似鋼線 又粗又硬 本身以為自己沒有脫髮的危機 就經常性將頭髮又染又電 開始中間條界越嚟越深😭 變成一條大馬路 今次試用Lux 2款洗髮乳 -角蛋白氨基酸豐盈柔順洗護系列 起泡⭐️⭐️⭐️⭐️⭐️ 柔順⭐️⭐️⭐️⭐️ 光澤⭐️⭐️⭐️ 清爽⭐️⭐️⭐️⭐️⭐️ 5顆星為滿分 不得不讚呢款洗頭水的到第二日放工都唔會覺得油笠笠 唔會有頭油味 用左6日左右 個頭都感覺好乾爽同蓬鬆感？應該話頭髮嘅健康程度好咗 好似有左少少營養 不過頭髮雖然好順冇打結 但唔係滑有光澤戈類 不過防脫方面仲未見到效果 可能6日時間唔算話係好長 洗頭嘅時候仍然都有一堆頭髮（好心痛）但係掃地發現地下少咗頭髮 會回購 因為好難得有枝洗頭水可以唔笠 夏天應該好啱用 -乳木果油氨基酸強韌防斷洗護系列 起泡⭐️⭐️⭐️⭐️⭐️ 柔順⭐️⭐️⭐️ 光澤⭐️⭐️ 清爽⭐️⭐️⭐️ 5顆星為滿分 呢枝洗頭水主打防脫同適合脆弱易斷受損髮質 試用左3日感覺不大 修復效果不及上面戈枝洗頭水有頭髮飲咗營養劑健康咗嘅感覺 到到第二日下午開始有少少笠  會比較鍾意

chewyfruit好用推薦：Dove 光澤修護洗髮乳測評 一句話總結： 係幫頭髮做咗個「平民版焗油」！性價比高，針對毛躁同暗啞效果出奇地好！ 主要好處： · 順滑之光： 用完最明顯係啲頭髮即刻聽話咗！毛躁乖乖收斂，光澤感自然咁走出嚟，唔係「油立立」嗰種，係健康光澤。 · 保濕度足： 質地creamy，沖水時已經feel到頭髮又滑又軟，梳頭時特別順手，打結情況少咗好多。 · 香味舒服： 係陣陣優雅嘅花香味，唔會太濃烈，留香耐，成日覺得自己個頭好香。 要留意嘅地方： · 滋潤度好，所以油性頭皮嘅朋友，可能覺得夏天用有啲「重」，或者要洗多兩遍。 · 追求極致蓬鬆感嘅朋友就可能覺得佢太貼服，未必係你杯茶。 適合邊個用？ · 髮尾乾燥、飛散毛躁嘅中至乾性髮質。 · 經常吹頭、電髮，想簡單快捷幫頭髮恢復光澤同順滑嘅人。 · 想揾支平、靚、正日常洗頭水嘅用家。 簡單嚟講， 佢係一支好穩陣、唔會點出錯嘅「入門級修護」洗頭水，唔使一百蚊就有一支，絕對對得住個價錢有突！

A&R好用推薦：味道好香，洗完頭髮好清爽，頭髮好蓬鬆，唔會好乾，頭髮光澤同以前一樣，見唔到有咩特別。價錢實惠，特價時候買。

Fng好用推薦： LAURA MERCIER 幻魅柔霧鎖水唇膏，色號係 #198 Brown Suede，秋日必備嘅高級感唇色！🍂 💄 🎨 顏色與質地：秋日高級「麂皮棕」 #198 Brown Suede 係一隻非常復古優雅嘅帶紅調嘅棕色，就好似一杯濃郁嘅楓糖奶茶，又似秋日嘅麂皮外套，充滿高級時裝感！🤎佢唔係暗沉嘅土色，而係因為有紅調，所以極度顯白、提氣色，黃皮膚用完全唔會顯髒或病態，反而有種復古摩登嘅氛圍感，襯返駝色、米白、黑色衫都絕配！ 質地係呢個系列嘅最大賣點！真係做到「柔霧」同「鎖水」嘅完美結合。膏體極致柔滑，好似牛油咁融化喺嘴唇上，塗抹時零拉扯感。上嘴後係全霧面啞光妝效，但神奇在完全唔乾燥、唔顯唇紋！對熟齡肌嚟講，呢點真係救星，終於搵到唔會放大唇部乾紋嘅啞光唇膏！✨ 💦 妝效與持久度：高級霧面，舒適持久 上唇後呈現非常高級嘅絨毛霧面質感，色彩飽和度極高，一層已經非常顯色。佢嘅滋潤感係內在嘅，唔會令嘴唇有油潤光澤，而係保持霧面同時感到舒適。 持久度令人驚喜！😲 由於質地貼服，飲水時只有輕微沾杯。大約可以維持4-6小時，食嘢後內圈會脫色，但脫得均勻，外圍顏色依然保留，形成一種自然嘅漸變效果

Emily Leung好用推薦：Excel Sr03真是神一樣的眼影盤 怎麼做到盤面看起來寡淡無聊但是塗在眼睛上這麼有神采的… 不得不承認日系做這種珠光濕潤感真的有一套。整盤都是珠光色，妙就妙在，它的珠光細到類似於緞光粉質又足夠軟糯。所以成功避開了大珠光會造成的腫脹感，兩塊深色還能幫忙自然消一下腫。 配色是日系盤一貫堅持的清淡，妝感看起來清透溫柔，很顯眼睛神采。整盤是中性大地色，不暖不冷，勝在不挑人，單眼皮雙眼皮都能用！ sr03 就是為通勤而生的盤子！主打不出錯+不費事 對於新手來說不用動腦研究配色，不需要厲害的手法 甚至不用刷子，手指 or 自帶的海綿棒都能搞定！

auntiemuscle好用推薦：大推excel呢盒眼影 呢盒cx05(推出之前一路私心想買cx04因為鐘意綠色）同埋之前做左color test我係岩autumn啞我就試下呢個tone晚眼影😀 雖然佢價格比其他開架高少少 但絕對性價比高 眼影粉好滑 唔飛粉 想透薄啲就用掃上 想實啲顯色啲就用掃疊/印上去 同埋好多日系都透明感重 響我呢啲「小麥肌？」就唔係好顯色同埋冇妝感 佢左上第一格都唔會顯腫（當然唔好搽到上眼窩） 反而覺得有啲元氣 鐘意佢右上同左下格閃 有啲偏光 chrome 啡色果格佢係啞色有少少光 做眼線我嫌佢唔夠色 但疊眼線上面做過度色就好靚岩岩好 個啡係少少偏藕色 同埋！keep到全日冇溶！

YYeman好用推薦：Lunasol 四色眼影 02 係佢哋嘅經典色號，叫「Beige Beige」，成日被譽為「大地色眼影嘅教科書」。 優點： · 粉質極細：日系眼影嗰種濕潤軟糯感，用手指上色已經好貼膚，唔飛粉。 · 光澤高級：唔係歐美系嘅大閃片，而係細緻嘅絲緞光澤，望落皮膚有自然通透嘅立體感。 · 配色穩陣：四個色由米白、淡金、淺啡到深朱古力色，點畫都唔會出錯。新手都唔怕變「熊貓眼」。 · 層次感好：由淺到深一層層疊加，唔會話一嘢落太重手，好易暈染出眼窩深邃度。 缺點： · 顯色度偏低：鍾意歐美濃妝嘅朋友可能會嫌太淡，要來回疊幾層先夠色。 · 持妝度一般：油眼或夏天用，唔用眼影底霜嘅話，半日左右個光澤會變淡，深色位會有少少積線。 · 性價比普通：以開架價錢嚟講，Lunasol 定位中高價，但包裝同粉質對得住個價。 總結： 適合追求自然氣質、日常返工返學用嘅朋友。特別係偏愛偽素顏、清淡眼妝嘅人，會好鍾意佢嗰種「唔覺化咗妝，但對眼有精神咗」嘅效果。如果鍾意顯色或玩 colour，呢盤就未必啱你。 💡 小貼士：用指腹上中間兩格光澤色再掃開，比用掃更顯色；最深色用扁掃畫近睫毛根部，可以自然代替眼線。

lingbb好用推薦：- beige beige01係經典通勤大地色，無論包裝定內涵都非常精緻。閃亮鏡面包裝非常有質感，眼影質地很細緻，上起來都相當服貼，持妝度去到夜晚都係完整 - 屬走低調溫暖的氣質路線 - 左上米金色嘅珠光可同膚色融合，滲出好靚嘅光澤度，唔會飛粉 - 右上溫暖米金色＆左下暖駝色都屬淡低調眼影，冇明顯的亮片卻帶有細緻低調的珠光光澤感 - 右下眼線色係溫暖咖啡金色，深色裡帶有比較明顯金色亮粉 - 呢種淡雅的米色還是較適合偏白膚色嘅人，有氣質感，一般場合都相當實用，出錯率低！推薦！

Bendict好用推薦：因為之前皮膚狀態唔太好 可能寫嘅心得唔準確 而家好返就修改返以前嘅心得同評價😹 植村秀粉底 有分霧面同光澤 兩者差別在於光澤形 係比較潤 霧面嗰一支 冬天乾燥有少少難上🫠 呢一支光澤形 係比較適合秋冬天氣用 植村秀嘅粉底 兩支粉體都做得好細👍 化完個裝亦都非常貼 乾燥天氣亦都唔會卡粉 我用嘅色號係674 有提亮效果 😺但個人覺得光澤版 雖然比較水潤 但遮瑕力唔夠霧面果支咁好 持妝能力都係唔夠😿 但如果皮膚唔係瑕疵皮 用呢支粉底應該唔錯👌

Sarah好用推薦：@cosme @cosmeHongKong 底妝心得：這是shu uemura 的王牌粉底產品，有霧面和亮澤兩款。由於香港天氣時常潮濕酷熱怕會油光滿面，所以選購了霧面。 不過失了預算，在冷氣房中工作時皮膚有乾燥感，用這個的時候下眼底明顯會有卡紋。不過遮瑕度算很高，有很好的提亮和修容作用。 我選的是574號色，比自己皮膚淺色了很多，可能用674會更自然（但就沒有了提亮作用了）粉底液質感比較適合冬天使用，推開後有點厚，可能是自己不適應。但只要用蜜粉定妝，面也幾乎也不會氧化變灰，算是妝效持久。小小一瓶應該可以用很久。

Noel好用推薦：Visee 眼影產品係信心保證，個人而收了好幾盒不同系列👍 老實說，Visee 不同系列的眼影，除了包裝 case 的分別外，眼影拼色、妝效、品質都大致相同，未入坑的靚靚挑 Visee 就對了❗最近子瑜還代言呢！ 驟眼看，以為眼影係四色 quard，打開有驚喜的第五個色🤣 眼影粉質幼細，觸感很滑。而右上的灰色底×銀閃色有 surprise，即使只用來單塗，已經超好看❣眼影粉壓得很實，不飛粉，平日快快化妝趕上班，用手指 apply 也沒有困難💖 基本上這款五色眼影，可以打造到兩個類似的眼妝。而最下方比較實的啡色更可用作眉粉／眼尾加長，真的一盒可以救全家，一物三用，爆CP值❗❗真的沒有時間化妝，我就帶著這盒衝出門👌

橘子貓好用推薦：#BR-2 眼影摸着是軟糯粉質型的，順滑不卡粉、不結塊，易推開，顯色度偏高，可暈染疊色，以平價眼影來說，使用感不錯。 要說缺點的話，稍嫌左上一格的香檳閃粉色底色顯色度不足，會顯得閃片比較呆板單調。整個5色眼影可畫的眼妝風格變化不大，都是日常大地色系眼妝。而且，眼影持久度一般。 整體而言，在平價眼影之中算表現不錯，化妝新手友好，顏色適合的可以入手。

Fng好用推薦：KATE 零瑕肌密粉底液｜ 混合偏乾肌的香港春天濕戰攻略🌧️ 喺香港「回南天」嘅高濕度環境下，呢支粉底液反而變成混合偏乾肌嘅 「神隊友」——只要識得用，春天嘅潮濕反而解決咗冬天最頭痛嘅乾燥問題： 💧 春天質地大不同 當環境濕度超過80%，原本冬天覺得偏乾嘅質地， suddenly變得 「啱啱好」 。液態轉粉嘅過程因為空氣中嘅水分變得更加順滑，唔需要刻意加強保濕打底，已經可以做到貼服零卡粉。 🌧️ 回南天實測表現 ▸ 濕度90%早晨：薄上一層已經足夠，粉底同皮膚融合得自然，唔會因為潮濕而浮粉 ▸ 全日口罩測試：控油力喺春天剛剛好，唔會因為濕度高而溶妝，除低口罩依然完整 ▸ 下午補妝：即使T位輕微出油，用紙巾印走油光後妝容依然完好，唔需要補粉底 🎭 春天妝效進化 冬天用可能會覺得偏霧面，但春天嘅潮濕天氣反而令妝效變成 「絲絨微光」——有種天生好皮膚嘅通透感，又唔會油光滿面。呢支喺春天嘅表現比冬天更出色！ 💡 回南天使用秘笈 1. 簡化妝前保養：春天濕度高，妝前只需要輕薄保濕就夠，太滋潤反而會令粉底容易移位 2. 定妝技巧：因為本身已經係粉霧妝效，可以完全跳過蜜粉步驟，保留自然絲絨

Kala好用推薦： KATE零瑕肌密粉底液質地輕薄絲滑，延展性佳，塗抹後肌膚觸感柔滑，遮瑕力約7成，能有效修飾毛孔、痘印與輕微泛紅，打造自然透亮妝感。持妝力強，混油肌使用8小時仍清爽不暗沉，控油效果不錯，適合秋冬。乾肌建議搭配保濕打底，避免些許卡粉。色號選擇偏自然，貼合亞洲膚色，日常通勤妝容好選擇，性價比高，值得回購。

Kura好用推薦：呢款妝前打底嘅質地係超級水嘅乳液，顏色有少少藍色，但搽上臉唔會泛白，但會顯得皮膚好通透，同埋有防曬度數，夏天用非常好用，亦都唔油膩，超級適合快速上妝，同埋用嘅份量唔需要好多就可以搽曬全臉，價錢平，性價比高，值得入手好用嘅妝前乳 @cosme #妝前打底 #妝前打底

橘子貓好用推薦：這款是控油base，粉瓶是自然粉色，主要提亮肌膚。 流動性高，有保濕感，提亮膚色的效果是有的，塗完不會泛白。但控油效果對於夏天混油肌的我不太足夠。用了跟沒用似的，鼻頭、額頭出油時間跟之前差不多。 可能比較適合乾肌在香港春夏使用。 塗粉底前，有用Cezanne的分別：#BA照

Kathy Wai好用推薦：好啊，呢支Laura Mercier極致持久水潤澤妝前乳（Hydrating Primer）真係乾肌同混合肌嘅恩物！ 支嘢係奶白色嘅乳液質地，好柔滑，推開個下感覺好水潤，好似搽緊保濕乳液咁，好舒服。吸收得幾快，唔會留低黏立立嘅感覺。 用咗佢打底之後，最大感覺係成塊面即刻充滿光澤感，好似飲飽水咁。之後再上粉底，真係會貼服好多，尤其係眼底同鼻翼啲容易卡粉嘅位置，情況改善咗好多。個妝好似「食」咗落皮膚咁，持久度都提升咗，冇咁容易因為皮膚乾而浮粉或者出乾紋。 如果你係大油皮就可能覺得太潤，但對於追求水光肌同需要保濕嘅用家來講，佢絕對係一支高分嘅妝前打底！

mcosmetics好用推薦：乾肌秋冬天氣必備嘅妝前底霜！已經用過兩至都係咁鐘意🩵 我本身皮膚比較容易敏感，LM呢款皇牌產品係無矽無香味，搽開係gel 妝好容易吸收。皮膚即時保水，面頭留低輕微黏感，之後上妝會貼服好多☺️即時由暗啞皮膚變得飽滿有光澤👇🏻

Emily Leung好用推薦：日本品牌cezanne銷售王唇膏 日本開架品牌Cezanne向來的唇膏都出名夠滋潤顯色，同時塗在唇上也絕不會顯唇紋，受到不少女生的大愛！ 在BE系列中，最最最讓女生心動的唇色就是BE-1的色號，也被日本女生譽為“自身柔焦裸粉色”！ 以紅潤粉色為主色調，透明質感隱約透出裸粉唇色，而且雙唇還看起來超水潤飽滿，溫柔魅力都輕輕散髮出來，令人很想馬上親一口！ 就算素顏出外，塗了這支BE-1唇色，呈現迷人的粉紅色澤，除了可以馬上提亮氣息，最重要是別人絕對察覺不出你的小心機，裸粉自然雙唇讓你自帶仙氣。

Emma W好用推薦：CEZANNE長效光亮唇膏質地水潤滑順，一搽即帶來自然光澤與好氣色！101號色係豆沙色，好適合秋冬天時使用。其潤澤度，不顯脣紋，顯色度適中，能修飾唇色，疊擦更飽和。但持色力就不太行，用紙巾印幾下就冇左個脣色。保濕效果優秀，乾唇也能舒適使用，無香味，卸妝容易。 適合肌膚：任何 滋潤度：4/5 光澤度：3.5/5 持妝度：2/5 值得推薦度：3.5/5 （建議秋冬天時使用）

chewyfruit好用推薦：Hello！姊妹們～今次同大家開心share 呢個Media粉底霜 OC-B1 ！因為呢個「開架寶藏」 真係驚喜度爆燈，性價比高到令人想尖叫啊！💖 🌟 第一印象：開箱即心動！ 樽身小巧可愛，撳蓋設計好衛生。一打開見到係幼滑奶油霜狀，但係呢～ 一掂上手就知唔簡單！質地軟糯好似雪糕，用手指一推就化開，完全冇厚重感，超級貼心！❤️ 💧 上臉實測：水潤到喊！ 我係混合肌（T位油、面頰乾），用佢個日仲要係開緊冷氣嘅乾燥環境。點知一上臉——哇！好似飲飽水咁！ ✨ 光澤感：唔係油光，係從肌底透出嚟嘅自然光澤，好似皮膚本身好好狀態咁！ ✨ 遮瑕度：我面頰有少少泛紅同暗瘡印，薄薄一層已經遮到七七八八，毛孔即刻隱形，真係「偽素顏」神器！ ✨ 色號OC-B1：超級適合追求自然提亮嘅姊妹！唔會死白，係好乾淨嘅米調亮膚色，黃皮友好，出街冇人覺得你化咗厚粉，只會問：「你今日皮膚點解咁好？」😉 ⏰ 持久度測試：朝九晚九冇難度！ 朝早化好妝，冇用碎粉定妝（想試真佢實力）。 · 中午：T位少少出油，但反而變咗好靚嘅奶油肌，用紙巾輕輕印一印就恢復原狀。 · 夜晚：成個妝依然貼服，冇斑駁冇浮粉，只有鼻翼微微溶

Emily Leung好用推薦：Media粉嫩保濕礦物粉底霜測評 質地： 一打開係好似Cream狀雪糕咁嘅粉底，摸落去好軟糯、好creamy。用粉撲或者海綿輕輕印落去，會感覺到佢即時「融化」咗少少，變成好絲滑嘅粉體。質地屬於保濕型，推開個下有少少濕潤感，但唔會油膩或者痴立立。乾得好快，上臉後好快會變半啞光。 妝效： · 遮瑕度中等偏上：對於泛紅、暗瘡印、毛孔嘅遮蓋力幾好，一層已經可以遮到七七八八，屬於開架粉底中遮瑕力驚人嘅產品。痘印位可以疊加多一層。 · 妝感：自然嘅粉嫩柔焦感，唔係死啞光，帶有微微嘅自然光澤（似皮膚本身嘅光澤）。遠睇好似天生皮膚就咁平滑，有種「偽素顏」嘅感覺。因為係礦物粉底，粉感唔算重，但如果你皮膚狀態乾或者有皮屑，有機會卡皮。 · 持久度：中等。混合肌/油皮大概可以Keep到4-5個鐘，之後T位會開始出油，但出油後唔會斑駁得太難睇，用紙巾印走油光後妝面都仲算完整。乾皮用就比較適合，只要做好保濕，全日都唔會乾到裂。 · 氧化情況：有少少，建議揀色號嘅時候可以揀白半個至一個色號，等佢氧化後就啱啱好貼合膚色。 適合咩人？ · 混合肌至乾性肌膚（大油皮夏天用可能太快溶妝） · 追求自然遮瑕、唔喜

Emily Leung好用推薦：十多塊錢的快樂倩麗單色眼影05，日系透明感 四十多塊買不了吃虧的顏色！ 非常漂亮，比一般的單色粉質好，摸起來也很軟 是日本夏天流行的顏色，不過不適合疊加，會混在一起 只能當底色。 這個紫色好絕，到手真的美呆了，顏值很高，不廉價，閃片特別好看，紫色夾雜著五彩閃，就是比較飛粉，只能手指上妝。 上眼之後是淡淡的紫色，很有氛圍感！

Jasmine L好用推薦：CEZANNE單色眼影閃粉細膩柔軟，上色順滑自然，顏色顯色度適中，日常眼妝一掃就夠有神采。 持久度幾好，唔易脫妝或卡紋，無刺激無粉塵飛，輕盈唔黏笠，快速上妝超方便，性價比高。

Emily Leung好用推薦：RMK 隔離霜 ｜想要「水潤透亮」同「貼服持久」底妝嘅人，揀佢！ 👍 優點： · 質地輕薄： 乳液狀，好推唔黏立，保濕度夠，皮膚冇負擔。 · 修飾一流： 帶少少珍珠光澤，可以即時提亮膚色，睲神兼有「透光感」，但唔會誇張到滿面閃粉。 · 貼服度爆燈： 因為夠潤，令後續粉底癡到實一實，減低浮粉同卡粉機會。 · 日系靚妝： 完美做到嗰種自然、有光澤嘅「偽素顏」底妝效果。 👎 缺點： · 遮瑕力弱： 主要係調同提亮膚色，唔好期望佢可以遮到痘印瑕疵。 · 控油一般： 對大油皮嚟講，夏天可能唔夠持久，比較適合乾性至混合性肌膚。 · 價錢中上： 唔算平，但用量省，一支都用好耐。 結論： 如果你底妝追求自然光澤同貼服感，唔係要超強遮瑕同控油，RMK呢支隔離霜絕對係「神隊友」級別，能令你成個底妝質感即刻升級！

Jasmine L好用推薦：RMK水漾隔離霜質地水潤輕盈似乳液，一推即融，吸收快唔黏膩，用完皮膚即時滑溜有自然光澤，修飾毛孔唔太有效果，不過就令後續粉底更貼服持久。 保濕力夠，敏感冇刺激，但控油一般，T字位半日後會有少少油光。適合想通透底妝嘅OL日常用，先做好保濕效果更好。