找產品
上色持久 推薦好用產品
907 件
zetalhc好用推薦：搽完覺得上色度顯色度唔錯，嘴唇都顯得豐盈同埋有光澤，而且有啲立體感嘅效果，持久度都唔錯
<看全文>Noel好用推薦：趁CP網店優惠，就要快快入手的唇膏，今次分享一下秋冬愛用3色，Foolish、LA Lady、Lay Over。這三枝中，LA Lady 更加係我的竉兒，氣場恩物，詳見圖四的試色💕 Foolish 橘色就非常趁紅葉季節、Lay Over 係氣場入門色，帶啡調。 唇膏價格廉宜，遇到折扣優惠更加欠買。唇膏筒係玫瑰金管包裝，唇膏身上印滿星星🌟 設計上盡見心思，兼顧了品質和價格👍 唇膏帶有椰子香味 🥥 個人超愛❗塗到唇上很順很滑，不用護唇膏打底也ok。加上顯色度＋飽和度超高💕 而且唇膏的膏體夠硬身，夏天用也不見得軟或易斷，滿分！ #我的秋冬愛用彩妝
<看全文>
Fng好用推薦：俾佢包裝吸引， 顏值100分， 所以買咗佢 CDP LUMINIZING FACE ENHANCER#14返屋企，除了白色珠光外仲有微微粉色感，跟膚色融合在一起會更自然。 每次攞出嚟用之前，都忍唔住欣賞一番，佢個外殼喺陽光下更加bling， 更加閃耀，閃出嚟嘅光芒非常之吸睛 ， 療癒感十足。 佢內裏包個柔軟小掃子，十分好用，另外佢粉餅壓成凹凸三角立體幾何圖案，非常之有質感，新買返嚟嗰陣，欣賞咗一輪，先至用。 佢粉質幼細，夠貼膚，妝容細緻，亦唔顯毛孔，last到一整日，同埋它屬於比較低調一種嘅highlight，唔會浮誇，肌膚有透光的美感，適合日常妝容。
<看全文>Natp好用推薦：第一次買咁貴既光影粉！ Ba 話呢隻色可以當埋胭脂， 試埋上面效果真係得！ 所以去日本果陣就買左！ 雖然望落去好深色， 但上到面好自然！ 唔會爆閃， 平時上完胭脂要再上highlight, 呢個就可以一盒過， 但缺點係其他地方的打亮就唔夠閃， 因為有色唔可以上得多， 變左眼頭鼻尖等等就只能好輕手咁拖過。
<看全文>
橘子貓好用推薦：SkinLights™ Prismatic Powder Highlighter #201 Daybreak Glimmer 開架品牌之中意外好用的Highlight！ 粉質細緻，順滑易抹開，高光餅看着好像比較深色，抹開後是偏向香檳色，可以很好融合亞洲人皮膚的黃色undertone。 喜歡高光效果較自然的妹子，掃一層就可以了；喜歡高光高調、歐美風格的效果，可以掃兩至三層。難得一款高光可以表現到不同風格之餘，不會太顯毛孔。推薦！
<看全文>Fng好用推薦：哩隻highlight開架品牌來講性價比好高， 唔顯毛孔同埋妝效細緻，因為歐美品牌妝感比較高調 ，佢非常之閃耀，最好配合完妝， 如果唔係會有啲浮誇。
<看全文>
Bear好用推薦：日本旅行時選購的22號顏色，超。好。用。 看前面評論說亂塗都好用真的沒有說錯，由淡粉紅到櫻花色然後浪漫玫瑰粉，最後小小紫調的深色勾畫出眼型（全部超級顯色）；閃粉部份塗眼頭和眼球下方，整個甜美韓妝造型就出來了！
<看全文>cheng2001好用推薦：自己用緊23號色 - Almond Canelé 杏仁可麗。 打底色已經比我用到凹左，要留意整體色較深同顯色，所以要輕手d。閃粉效果都明顯，妝容比較適合外出約會。 我常用打底色，仲可以用右下角深色畫眼線，中間色就可以提亮臥蠶，帶出bling bling大眼效果。 Overall都幾滿意，一盒細細盒眼影有齊曬三個功能，對於鍾意化閃粉眼影既人黎講，cp值都唔錯！
<看全文>
Fng好用推薦：Burberry Kisses Hydrating Lip Colour - # No. 85 Sepia 磁石開蓋包裝，標誌性品牌格仔紋， 外殼包裝質感一流， 連內裡唇膏體都有360度格仔印紋。呢個係偏些許紫色tone豆沙色，質感油滑貼薄顯色，持久度都幾好。
<看全文>bibubibu好用推薦：顏色係burberry kisses no.93 Russet 係一個帶啡調嘅紅色 比較適合秋冬使用 佢唔挑膚色 無論黃皮定白皮用都顯白 唇膏帶有微微光澤感 唔算太乾 亦唔顯唇紋 但先用潤唇膏打底會比較好 佢都幾顯色 持久度正常 食完一餐飯都甩得七七八八 外表就一百分 外殼同唇膏身都有burberry經典格仔紋 銀黑色鏡面外殼補妝嗰陣仲可以當鏡用！
<看全文>
jhope0725好用推薦：作為開價品牌其中一個王者，呢款產品實在好抵買，由日本購入，折實港元$40都唔使！ 呢一盒眼影，粉質算細，唔多飛粉 配色非常適合日常使用，一盒當中已經有齊光影顏色，主色調，同埋陰影顏色。不過光影嘅顏色飽和度相對低，查出嚟似透明加閃粉，而唔係有底色嘅粉色。對比起某啲品牌，三色或四色眼影都係差唔多深淺度，呢盒眼影就略勝一籌，三種顏色嘅深淺度非常明顯，一盒已經足以打造成個眼妝，臥蠶、眼尾輪廓都做到。 對於我呢種黃皮膚，特別喜歡佢嘅陰影顏色，非常能夠突出眼尾形狀，有助拉遠眼距、達至放大雙眼嘅效果！而且產品出咗好多顏色，適合唔同妝容，平平哋入手，買多幾款顏色都唔肉痛！ 產品size亦都非常迷你，出街、去旅行補妝都非常方便！ 不過提提，產品入面冇附帶鏡子，出去補妝要留意呢~ 至於持久度方面，就同佢價錢掛鉤了~ 大約三4小時後，眼皮就會開始出油，閃粉會堆積，不過以呢個價錢，我覺得產品質素已經係相當之高呢
<看全文>Fng好用推薦：#9 焦糖色 ，細細盒攜帶方便，去旅行啱曬。珠光效果明顯，用起臥蠶，略為太誇張，做眼影就perfect， 性價比高。
<看全文>
LorraineTsung好用推薦：Visee既眼影我真係好鐘意💕 眼色好靚之餘仲好顯色又百搭👈🏻 而且質地好滑唔飛粉👍🏻 . 我今次入手既係 GR-7 但我相中無用到綠色！用左橙色做主色😉 感覺即刻好日系🥰又唔會顯眼腫👍🏻
<看全文>Noel好用推薦：Visee 四色眼影，係個人覺得最欠買既日本開架眼影組合❗顏色組合超實用，顯色度，持久度等等既表現，都很理想，而且價格親民，非常值得推介❣ 先分享購買主因，係因為：電視廣告超級燒🔥 睇了廣告之後，就燃起必須要入手的購買慾🤣 我手上的顏色係 #PK-3 正正就係 Model色號❣ #PK-3 係偏紅既大地色系，日常翻工超好配搭，個人可以用這盒，化出2個眼妝 👌 產品本身而言，四色眼影中，最淺色，左上角有點Cream 狀，包裝上亦註明了 “glossy base” 值得一讚👍 講求快速上妝時，有了這一格做打底，就唔需要再找眼影底膏🤗 另外三色眼影均為粉質，很soft，手指或者眼影掃，都能輕易沾取眼影😍 配色方面，右上近玫瑰金色既眼影深得我❤ 無論眼尾色配暗紅色 / 深啡色，都超級襯💕 如要挑剔，就係顯色度，同歐美眼影比較，日系眼影顯色度略低一點~
<看全文>
Fng好用推薦：喺日本專門店買 addition胭脂液，買咗三隻色 分別係#24， 21 ，26 (圖片由右至左排列)， 最sharp嗰隻係26號色 ，有非常輕微螢光感，佢哋上臉嘅顏色 跟 樽身嘅顏色一樣， 我買這三隻色都係暖色糸，適合黃tone皮膚 。塗一層， 點一點喺面頰中央，用手指輕輕按壓拍勻， 延展性十分高， 出嚟妝感好透薄，好像皮膚透出來的自然紅潤感， 就算新手使用，都唔會一達達， 同埋 佢妝效持久，去到夜晚都唔甩妝， 這方面值得一讚。 同埋佢咁大支，應該係用一世都用唔完🤣🤣🤣。
<看全文>橘子貓好用推薦：#06 Tadzio 外表跟指甲油一樣的胭脂液，我這枝是套裝𥚃的迷你裝，5ml 小小枝已經好夠用。顏色是桃紅色的，在瓶身看似好豔好可怕，但輕拍上臉就是元氣好臉色的草莓粉紅。 每次只需要一點點點用量，就可以用手指輕易抹出均勻、顯色的胭脂。胭脂在臉上很快由液體轉為粉狀，牢牢的巴在皮膚上。胭脂液轉粉狀後就很難再推薄，尤其如#06這般鮮色的，所以一定要少量多次去疊加，我第一次用掌握不好一次取太多份量，立馬就變成了： （🔴—_—🔴） 持久度很不錯，戴妝大半天也最少留有有8成顯色度。 總體使用感受不錯，會考慮購入其他顏色。
<看全文>
zzzhelen好用推薦：買咗有一段時間，依隻係100 Stora Dolls。本身諗住佢比較冷色，所以擺到天時凍先用佢，點知上眼效果超自然，日日用都得，顏色都係百搭，日妝又得，晚妝又得，簡直係相逢恨晚，馬上成為我2024年最喜愛眼影。我諗依隻色tone，啱哂所有同我咁上下膚色既人。 ysl眼影仲好易blend開，又顯色，點兩下既量就夠一隻眼既眼皮。重點色要少量多次先唔會太濃 以下係我用係日妝既時候 以下係我用前鏡影，會易啲見到閃粉 成個眼妝只要用右上大範圍打底，右下加深雙眼皮摺位，左上閃粉點亮眼中+眼頭，左下掃鬆眼線就完成啦
<看全文>🌸好用推薦：引頸以待的YSL皮革四色眼影盒終於在香港專櫃及官方網站產架。早前在歐美的美妝網站見過相關的介紹已經很想買，現在終於等到了！我是在香港官方網站購入的，連同唇膏一同購入，獲贈了贈迷你皮革氣墊粉底。皮革設計很有質感。 我買了300 Kasbah Spices（暖棕色）和400 Babylone Roses（冷調粉紅）。300號色比平時常用的大地色盤更橘一點，有點像橘子汽水的感覺，四格的顏色分別是淡金色、裸米色、絨面駝色和牛奶巧克力色。除了金色外，其餘三種顏色都是啞光的。特別喜歡它的金色，閃片與粉質完美結合，粉質細膩，閃耀而不浮誇。 400號色是煙熏玫瑰色調，四種顏色分別是玫瑰石英、冷調粉色、暗粉色和酒紅色。這是大熱色號，右上角的冷調粉色，色調偏紫，不會顯得腫眼包，反而是很有氣質的配色。 眼影粉質細膩，容易暈染。眼影貼服，妝效持久。大力推薦！
<看全文>
Suidan好用推薦：好多謝@cosme 及 Fusari抽中我試用速染蓬髮粉撲。我本身髮質偏幼，而且人愈大，就發現頭髮分界愈來愈闊，望落好顯老。以前都有諗過買其他牌子既髮粉來遮蓋分界，但都礙於擔心遇到以下狀況而卻步。 1️⃣造形型不自然 2️⃣會令頭髮變得油膩及頭皮發炎 3️⃣遇到雨水便會脫色 而在試用了此產品一段時間後，我發現呢個Fusari既速染蓬髮粉撲就完全沒有以上既問題出現。 首先，佢既使用方法很容易及方便，我每天出門口上班前都會用呢個髮粉撲在分界線上印幾下，會發現份量很容易控制，而且唔會有重手左既情況出現，好輕鬆就可以打造澎湃髮量的視覺效果，而髮粉的顏色與我本身的頭髮顏色完全融合左，望落超級自然！ 其次，我已經連續使用此產品14天，每一天的髮粉都可以留在頭皮超過10小時。經我細心觀察後，留意到並沒有因用了髮粉而令髮絲變得油膩，頭皮亦沒有受刺激而變得紅腫或發炎等情況。 此外，我在家中試過用水噴灑在已使用髮粉的手上以模仿下雨之情況，發現髮粉仍然不易脫色，不過加上洗頭水的話仍能容易洗淨。 總括而言，我十分推薦大家選購Fusari既速染蓬髮粉撲，因為佢能輕鬆解決我髮型的煩惱。
<看全文>Kaufmann好用推薦：很高興@@cosme 抽中試用Fusarium速染蓬鬆粉撲！ 本身的法則較纖幼、髮色是棕黑色。由於頭髮偏幼，所以平時會使用一啲類似爽身粉的粉末去洒在頭髮上，使頭髮看起來厚一些，但不能有染色！ 使用這產品時，我覺得產品粉質好有幼細、冇乜氣味、包裝簡單，去旅行容易帶備、使用好方便。只需要將粉撲印在分明的髮界上會，便快速染到髮、有蓬髮嘅效果。 使用產品後，效果很自然，能好好與髮色融合。這產品不易脫色，很持久而且能防水！特別在夏季這樣天氣潮濕下，我覺得很好用，加上這產品我覺得係不刺激，不會引起頭皮敏感。我現在一外出就會用，值得推介！
<看全文>
Fng好用推薦：Addiction輕柔霧面胭脂液絕對係近年熱門之選！作為黃調肌＋混合偏乾皮，試咗#003溫柔日落（Warm Sunset）之後，發現佢完美解決咗夏天怕胭脂溶妝同顯毛孔嘅問題～ ✨色號點揀？ #003係帶橙調嘅珊瑚色，超適合亞洲黃調肌！上臉自然提氣色，有種曬完太陽微微泛紅嘅感覺，減齡又柔和。黃一白至黃二白用都無違和感，唔會似兩撻野或太誇張。如果膚色偏深嘅話可以考慮#004（深啲嘅玫瑰調），但#003對大部分黃肌來講都安全又自然。 💦質地同效果： 液狀質地非常輕薄，推開後瞬間變霧面粉狀效果，零黏膩感！呢點對香港悶熱天氣極重要～佢唔會加重皮膚負擔或顯毛孔，反而有種「天生好氣色」嘅感覺。持久度驚人——試過30℃出街4小時，胭脂依然貼服無溶妝，無須補搽。 ☀️上妝技巧： 建議用手指或海綿蛋輕拍上妝（點上臉後快速拍開），因為乾得比較快。混合偏乾皮用完全無卡粉或繃緊，反而同粉底融合得好好。顯色度中等，可以層疊加深，新手都易掌控。 總結：呢支胭脂液結合咗液體嘅貼服同粉狀嘅霧面效果，黃調肌用#003號自然又顯白，夏天怕膏狀胭脂溶妝嘅必試！ 推薦給：✔️ 黃肌想找自然橙調胭脂 ✔️ 混合肌需要持久
<看全文>rachelnoni好用推薦：去補貨買定妝噴霧，見呢款胭脂液有好多顏色選擇，試上手，點知就foggy / glow各買一枝，另外買滿金額送多一枝。 之前有用指甲油裝的胭脂液，少少已經好顯色。今次新版有兩個妝效，foggy係霧面妝感，買左01 Pillow dream，就咁睇顏色好誇張，但由於霧面關係，搽上面係粉嫩淡紫色，有提亮效果。另外glow買左04 healing，係自然色，搽上面係自己好氣色感覺，輕微光澤感。 新版胭脂液感覺輕盈，搽上面感覺舒服。
<看全文>
Rosa好用推薦：非常喜歡的眼影盤,整體所有顏色使用都非常之高 而且粉質非常細緻,非常有光澤的眼影 而且他的配色非常容易配搭,基本日常使用係絕對沒有問題!重點他們有分某部份會有珍珠光澤，某部份是啞面 ，所以能夠創作很多不同效果嘅妝感 這盤眼影也是我平日用得最多的
<看全文>Littlemon好用推薦：too faced 最熱賣既眼影盤💁🏻 顏色：雖然係peach系列，但細心睇其實得4-5隻係比較似桃色，其他都係暖棕色。而係呢4-5隻色入面，又得just peachy 同candied peach做到主色，對於好鍾意peach色既人會略嫌唔夠。而且佢唔算好顯色，要用primer先得。比起同系列另一款just peachy（見圖）,just peachy更多深淺peach色更好玩，佢個peach sangria做陰影色勁靚。而且粉質顯色度都高好多。 持久度：要用primer，都keep到一日既 設計：個盒係靚既，又有蜜桃味，不過個味有d假 性價比：都ok,如果你無咩大地色系既palette,又想有少少橙色玩下，呢個platte就適合你啦 總括：可能好多人會好似我咁，買完第一代又忍唔住買埋第二代just peachy😂因為粉質同顏色差太遠啦！第一代好在有珠光色，不過我個人覺得佢個珠光唔係好靚，搽完無果種明顯既立體感。如果有朋友猶疑買sweet peach 定just peachy好，我會建議買just peachy加born this way，咁就有晒靚桃色同大地色，又有靚閃色💁🏻
<看全文>
