上色持久 推薦好用產品

agnessstang好用推薦：我用緊嘅色號係3.75 Warm Medium Brown 偏深嘅啡色 易畫 十分顯色 可以輕手少少畫 如果唔係會太深色🤣 好容易勾勒到自然嘅眉型 防水持久 顏色自然 有12隻色 可以配合翻自己嘅髮色選擇～

Blueblueblue好用推薦：平時係用開幼筆款眉筆，今次買粗頭嘅試，一樣咁好用。 如果有替換筆芯買就好了。

Hamiii好用推薦：為左個盒既顏值入手既胭脂🌷 至於胭脂本身都好上色，支掃上面亦唔覺得吉:) 整體上係好既.. 只不過我唔覺意買得太紅，呢盒就比較少用😅

Lumi Kwan好用推薦：我呢個係情人節特別版，好靚好靚。外盒一樣有經典格仔，而個胭脂係心心壓紋，兩色入，超級靚！用嘅時候，用返佢個掃仔，輕輕就上到。 佢嘅make up真係幾好，唔係得個名，係有quality !

Noel好用推薦：KA 修容粉 #Medium 絕對係不會買錯的修容恩物，趁著 Lookfantastic 推出了Kevyn Aucoin 的化妝品組合，終於入手了❣ 小小一塊修容餅，配上經驗紅黑漸變盒子，加上防塵絨袋，超精美👍 這款產品一共有三個色號： #Light 適合白皙皮膚  #Medium 適合一般亞洲人  #Deep 適合小麥肌  #Medium 帶小許灰調，不過色澤剛剛好，棕灰色上面非常自然~ pan size 比較小，用大掃上面陪修容，就要小心沾，避免一邊太多一邊又沾不到。不過，用作鼻影粉，就完全ok 😍 顏色很自然，不會有髒髒的感覺，大愛❗ 這塊陰影粉，手指觸感很滑，但粉質偏乾，不會有“綴手”的感覺，亦沒有起碎屑👍這盤最大的缺點，絕對係價格高，未必每人都能負擔~

Tiffany好用推薦：最適合亞洲人嘅陰影條容粉，試左果然好用，顏色啱啱好，唔會偏灰偏紅，可以打造自然瘦面效果。

Kitty 好用推薦：Fresh呢支黃糖潤色護唇膏真係好出名，係品牌嘅皇牌產品。一打開已經聞到好香甜嘅黃糖味，好想食咗佢落肚咁！質地非常滋潤，好似將潤唇膏同護唇精華二合一，就算轉季時極緊繃或冬天乾燥到爆拆嘅嘴唇都可以即刻得到舒緩，仲有淡淡嘅自然血色感，好氣色即刻返晒嚟！ 不過要提一提，可能因為成分天然滋潤，佢嘅膏體真係比較軟，用嘅時候千祈唔好轉太多出嚟，否則好易一唔小心就整斷咗，真係心都痛埋😂！

Kmggigi好用推薦：嘴唇皮膚狀況: 嘴唇偏乾，比較易甩皮，上唇色偏暗沉 產品使用心得: Fresh黃糖潤色護唇膏主打為嘴唇帶嚟24小時保濕滋潤，同時又可以潤色 質地好滋潤，搽完會覺得上咗一層薄薄嘅油保護嘴唇，滋潤度亦都好持久 我依支玫瑰粉紅色唔太顯色，搽完會令唇色冇咁淡白，適合日常素顏用 如果本身唇色偏淡，偏暗沉都可以一試玫瑰粉紅色！ 效果圖:

Evoo好用推薦：自購*Ducato 弱爪專用指甲強化液 (透明）（nail hardener 7ml $72 狀況：卸完美甲後，指甲變好薄好軟 5⭐️為最高評價 >味道：⭐️⭐️⭐️⭐️一般指甲油化學味道，但唔算好大浸又好濃烈，可以接受 >乾的速度：⭐️⭐️⭐️⭐️都算快乾，塗完十隻手指已乾一半（乾的速度與一般指甲油相同） >硬度：⭐️⭐️⭐️因為指甲太薄，所以厚塗一層都係可以整彎指甲，但整體感覺有幫助令指甲增加硬度 >>值得注意係，塗一層已經可以撫平凹凸不平的指甲，睇落似nail coat 咁可以改善卸甲後指甲不光滑的情況！！！（很滿意⭐️⭐️⭐️⭐️⭐️） 整體感覺：4星⭐️半，建議如果想改善指甲軟&裂的情況，可配搭不同品牌的指緣油～

Viannie好用推薦：最近啲指甲唔知做咩好似酥皮咁，一層層分離又好易斷，變得好薄🥲 日本旅行買咗黎試下，呢款強化甲油可以當底油/強化/面油使用，顏色全透明，搽完會好似上咗光油咁，快乾易搽，同埋佢真係會令到指甲硬啲，冇咁易反，推薦！

Kura好用推薦：質地超柔滑,顯色度高,持久度高,搽完一陣,印一印都完全唔會甩色,就算戴全日口罩都唔會好甩色,食野都KEEP 到色,唔會好乾，搽一層嘅顏色好少女適合日常妝，疊加搽兩層適合煙燻妝御姐風嘅妝容，厚搽嘅時候係顏色飽和度最高，同埋唔會顯唇紋，但呢個牌子行尊貴女王路線會比其他牌子嘅唇釉都貴，呢支女王權杖唇釉之前風靡萬千女士，得到好多女士嘅寵愛，呢支唇釉雖然持久度但卸妝方面都係可以用眼唇卸妝水都輕鬆可以卸走，非常方便

choichoi好用推薦：外型像蘿蔔一樣的唇粙（？），是不是很精美呢；薄塗一層已超級顯色也不易沾杯的喔。如果預算充足可以考慮因為質素也對得起這高價格的呢

羅小白好用推薦：呢隻眼影好多人話同某個歐美品牌好似，但佢價錢平好多，同埋咁多隻色，可以有多啲組合出嚟，而且本身呢個牌子嘅眼影佢嘅持妝都唔錯，不過就有少少飛粉。 我去water bomb嘅前提之下，係不停淋水嘅情況都可以去到夜晚都仲有顏色，雖然預咗點都會甩，但佢嘅表現比我想像之中好，未至於一啲顏色都冇晒。 日常用嘅話，出去都唔使點樣補色，絕對對得住呢個價錢。

jaye好用推薦：韓牌既眼影一向都唔錯，酒紅色系，顏色一樣自然，亦更顯氣色，顯色度不及歐美品牌高，勝在可以慢慢疊加，唔怕失手，粉質都算細緻，唔會飛粉，亦貼服，閃粉亦夠幼細，令到眼妝自然精神，比起大地色系，自己更鐘意酒紅色系，性價比又高，推！

Jasmine Yuen好用推薦：呢款款礦物柔亮胭脂的質地非常細膩，容易上妝而且自然。我慢慢少份量掃上面唔會一撻撻。 我自然膚色，呢個Pink me up顏色自然，有白裡透紅的感覺。持久度ok，能夠keep返工8個鐘唔使補。 BareMinerals 主打礦物天然成份，適合敏感肌膚使用，因為它不含有害的化學物質，而且不會引起任何刺激或過敏反應❤️ 配合佢既牌子粉底十分match~

KDing好用推薦：色號係pink me up 的確如名咁好粉紅 上面幾顯色 而且會有青春害羞感 如想自然D就取粉要少D

Blueblueblue好用推薦：歐美beauty youtuber 經常性都會開箱color pop 嘅化妝品，所以唔太熟悉化妝嘅我都跟風買。 顯色度高，新手宜輕手。

KDing好用推薦：顯色度高 粉質唔會睇落好粗糙 上面就要輕手少少 唔係好易變左好紅既蘋果

HYL好用推薦：MAC三文魚色多用膏 可用作眼影但更適合當腮紅 只是真的上妝速度要快 乾的很快

WSY好用推薦：呢款有少少珠光，同埋上妝好耐都唔會甩，亦都唔會乾到甩皮，幾好用！

choichoi好用推薦：有大牌質素的唇釉，強烈推薦，單獨薄塗已足夠遮蓋唇色，疊擦則打造到飽滿豐盈的美唇，帶微微霧面感，輕易打造性感誘人雙唇的item

Kura好用推薦：呢款唇釉顏色持久，顏色飽滿，搽上嘴令到皮膚整體膚色有所提亮，係自然妝容嘅最佳選擇

KimKim好用推薦：眼影顏色有很多，顏色主要偏粉色，上妝很自然又很持久，顏色都很出色，閃粉好靚。係我日常會用嘅眼影。用咗好耐了用到佢附送嗰支眼影棒都爛咗啦。🤣

chasiutung好用推薦：Etude house 水蜜桃10色眼影盤 粉質一般不夠幼滑 塗上眼不容易推開 顏色會一撻撻咁 配色沒層次感 上眼隻隻色都差唔多 會顯眼腫 不推介黃皮膚色吾夠白人士使用 上眼會顯螢光橙色 不好看而且不持久

Nicole 好用推薦：號是neutral rose，乾燥玫瑰色，粉調豆沙色，我覺得塗上令人感覺溫柔知性☺️ 上色飽滿、潤滑，而且質地非常滋潤，不顯唇紋，持久度也不錯；深唇淺唇也可以用，它能很好地覆蓋原唇色。 我認為不適合素顏，比較適合日常妝容使用更好，更能凸顯它的美。

Ceci好用推薦：最近愛用嘅一款唇膏就係Bobbi brown嘅霧面唇膏，顏色係boss pink，類似豆沙色、上嘴好靚好自然，唔需要化全妝，平時出街簡單搽一搽就即刻顯得精神左🤭雖然係霧面但唔會好乾，並且十分持久，食完野唔會甩哂👍🏻

chasiutung好用推薦：Ysl持色亮澤水唇釉 色號207 質地偏水狀 不黏立 成膜後不掉色 乾左會有點顯唇紋 顯色度高透薄玻璃唇妝效 剛上唇是偏淺橙色 會慢慢變深 味道怪怪的有點苦

Kaying Yeung好用推薦：YSL610 黃皮顯氣色❤️色彩測試Spring light適用！ 亮面水光唇嘅質感 優點：顏色對於黃一白嘅我真係好適合，唔會話特別濃或者好唔自然嘅南瓜色 而且色tone顯白 缺點：食嘢唔小心掂到都係會好容易甩 我另外都有大熱嘅612色 但係覺得冇咁適合黃皮

Fng好用推薦：⌛️ hourglass 我買嘅色號係secretly， 佢係 輕微偏cool tone嘅顏色， 上嘴非常之貼服順滑，顯色度十分高， 同埋唔會令到個嘴起死皮， 持久度中上。

綺羅香好用推薦：自從睇完一條美妝YouTube 片介紹之後，對呢支造型復古、低調優雅嘅煙管唇膏簡直一見傾心，好似柯德係電影Breakfast at Tiffany's拎住嘅長煙管，淨係拎上手已經有一股性感女神嘅味道，就忍唔住買下買下就咁買咗3支（可惜仲未買到新出Red0） 金色唇膏管閃閃發光，不過太容易沾指紋，金屬管身比較墜手，分上下兩部分，位於上部分嘅唇膏可以拆落嚟，用哂可以換第二支裝上去，顏色選擇多，但係唇膏分量偏少，一支1g都無，日日搽應該好快就要買新一支😂 唇膏色號要打開蓋先睇到，每個色號名稱都改得好特別，有長有短，而且一定會後面跟一條底線，等用家腦補一個故事上去，我手上有自帶氣場土調嘅I’ve been，可愛調皮嘅Secretly，同被稱為最溫柔乾燥玫瑰色嘅if only，最想入手嘅爛蕃茄色嘅at night 希望日後有機會買到 唇膏質地又軟又糯，顏色飽和度非常高，搽兩層已經遮哂唇紋同原本唇色，而且閃住金色嘅緞面光，滋潤度中中挺挺，纖細膏體方便精準勾勒唇形，配搭妝容或者隨便日常搽都非常適合，令人愛不釋手 #此生摯愛唇彩

Fng好用推薦：hourglass ambient - lighting edit volume 3 哩盤非常之實用，上面三格係光影，下面有兩格係胭脂 同埋 bronzer ，尤其上面嗰幾格中間嘅highlight 我用到hit曬pan，它粉質非常之細緻，打出嚟嘅highlight效果係水光肌， 一啲都唔顯毛孔，同埋持久度十分好，個底妝甩咗，個 highlight咗仲喺度，下面兩格胭脂屬於cool tone， 整盒顏色配搭多樣化，適合黃皮用，值得推介。🤎💜🩵💙💚💛🧡🩷❤️

Noel好用推薦：Hourglass 走低調奢華風格，為純素品牌，值得推介❗這盤 face palette 是我非常推介的產品，對於沒有試過 Hourglass 粉狀產品的靚靚，我起推坑👍 每年聖誕也有特別盤，值得留意啊～ Hourglass 粉狀產品非常幼滑細緻，手指觸感無敵好！而這類面部盤，可同時得到 Hourglass 名物：大理石胭脂， 烘焙高光等，真的超值❣ 第一行高光： 三色選，亞洲人黃皮可用，沒有一個色不能 carry，甚至三色 mix 都ok👌 第二行胭脂： 個人愛用第一格啡調，及中間玫瑰色調，珊瑚色就比較春日用

Vlee好用推薦：#199 Inattendu 顏色係深啲嘅啡紅色 非常適合健康膚色 我習慣薄薄一層推開 馬上好有血色感，亦都唔會顯得膚色黑 適合健健康康膚色嘅自然唇膏顏色 建議薄用潤唇膏後使用 持久度正常，冇令嘴唇變乾

Fng好用推薦：211#subtile， 紅茶玫瑰色 ，係熱門色，厚搽薄搽都好睇，特別顯白，用起來貼服顯色又持久，不顯唇紋。

Desse好用推薦：Play Color Eyes 4色眼影盤 Kisses 🛑先講！化妝新手雷區🛑 原因： 極 顯 色！ Play Color Eyes 4色眼影盤 Kisses是韓國品牌 Etude House嘅一款 #眼影 盤 包裝好似一粒kisses嘅朱古力🍫 連眼影都有朱古力味嫁💓 💡顏色方面 我手上嘅金色Kisses 眼影盤有4種唔同感覺嘅橙金色🧅 可以輕鬆混搭出日常同派對妝容 如果懶少少. 我有時淨上右邊隻橙啡色就算🤣 有漸層得嚟又有少少閃粉.. 隻色都幾消腫 💡質地方面 眼影的質地比較幼細…非常顯色💓 珠光或閃粉就比較大粒.. 但整體嚟講比較易飛粉 🔔小小tips🔔 係上眼影前.. 先喺下眼皮先上一層碎粉 就算飛粉.. 都可以輕鬆印走 值得留意嘅係…. 🏮閃粉狀態唔持久 帶有閃粉嘅顏顆粒比較大.. 都幾容易掉粉.. 最好配搭吓閃粉液用 🏮包裝盒比較大 包裝盒雖然好靚… 但size比較大 一般嘅化妝袋裝唔落😥 帶出街用比較唔方便 🧏🏻‍♀️🧏🏻‍♀️🧏🏻‍♀️總結吓 Play Color Eyes 4色眼影盤 Kisses係一款適合日常妝容嘅眼影盤 特別適合鐘意化妝用同一色調

Hamiii好用推薦：見個盒幾靚入手 金色同紅色諗左好耐.. 最後入手金色🙃 呢4隻色既組合係幾靚既 屬於橙金色 絕對唔係橙啡😂 非常建議額外➕隻米白眼影打底先上隻橙色 因為佢實在 好 顯 色！ 一個唔覺意抓粉多左好易會出事 但整體黎講係幾靚 幾滿意既 唔太飛粉 顯色 價錢又唔貴 可以入手玩下：）

Carmen好用推薦：修容粉顏色啱啱好，唔會太深唔會太啡，好快就用到見底，啲粉都好易推開 

popocarcar好用推薦：白色閃粉高光效果唔突出。 陰影顏色自然。 如果盒有鏡會更佳。

lllcccyyy好用推薦：佢仲細過掌心 勁迷你 勁可愛 而且仲有三隻色 好輕易就化到個靚眼妝 中間嗰粒閃片色係重點！ 勁靚！ 入收左11&13號色 一個咖tone 一個粉tone～

killkew.b好用推薦：非常出色，粉質質素高，尤其閃粉非常亮麗， 上眼效果貼服持久，有多種顏色選擇， 配色容易配搭，適合日常妝容使用， 你見我已經用到hit pan😌 價錢平，超級抵用～