上色持久 推薦好用產品

Fng好用推薦：KissMe 極細眼線液筆用後感 （春夏・熟齡混合偏乾肌） 👁️✨ 化妝咁多年，最怕兩件事：眼線出水唔順，同埋未到中午就溶成熊貓眼。 尤其香港春天濕到牆滴水，夏天又熱又焗，眼線撐唔住真係好狼狽。 KissMe 呢支眼線液筆（約HK$65 / 0.4ml）我聽過好多人讚，但一直半信半疑。一支筆，扭轉我對開架眼線嘅印象 筆頭極細，新手都控制到 0.1mm 極細筆尖，就算手震都唔會「畫出界」。我用嚟填補睫毛根部同畫眼尾，精準度拍得住專櫃筆。 出水順暢，唔會斷斷續續 輕輕掂到皮膚就出到色，唔使㩒到手指痛。 顏色夠黑，一筆到位 我買黑金色，係實實在在嘅濃黑色，唔係灰灰淡淡嗰種。 潮濕天氣實測：溶唔溶？ 講到眼線，防油防暈先係關鍵。我特登喺以下情況測試： · 全日冇補妝：朝早8點化好，夜晚10點返到屋企，眼尾完整無缺。 · 出汗 + 戶外：行咗半日街，鼻翼出晒油，但眼線依然喺度。 · 眼油困擾：我係內雙眼皮，好易溶妝。呢支捱到8小時先有少少褪色（已經好叻）。 👉 一句總結：防暈力強💯，春夏天用都好安心。 不過都有少少嘢要留意 · 眼線膠筆 vs 眼線液筆：如果你想要好柔和自然

ArielG好用推薦：有多種顏色選擇，05色相對比較自然，較易控制粗幼易畫，溫水即可卸👍🏻

lonia好用推薦：本人係呢款產品嘅長期用家，因為我眉色較為深色，化妝嘅時間都鐘意用眉彩，soft返眼眉嘅顏色。自己就長備BR-2呢款色號喺屋企。呢款眉彩非常顯色，基本上由眉尾搽返上眉頭2-3下，就已經可以完成眉妝。去旅行都帶佢出行，出去戶外，就算流汗都唔受影響。推薦俾想有效淡化眉色嘅朋友。

Sandy好用推薦：Kate Tokyo 眉彩膏 顏色: BR-7 深裸棕 染咗頭髮之後，條眉嘅顏色都要跟返 淡化原有黑色眉毛 刷頭非常容易用， 記住輕輕力好喇如果唔係太深色 頭髮 同條眉毛 嘅顏色都要接近 睇落先沒有違和感 非常之推薦卸妝都好容易 卸妝都好容易一抹就甩 毫無難度 價錢非常經濟$58

TY好用推薦：容易上手，輕輕一畫已經好顯色。 用嚟畫內眼線新手都冇難度，畫出嚟夠幼細自然，唔容易甩或者暈染，持久度高。

Rachel Hui好用推薦：Dejavu眼線筆使用起來相當方便，極細橢圓筆芯超正，可輕鬆一筆勾出眼尾，寬的一端則迅速填色眼線。顯色度高且易上色，快乾效果極佳，不容易甩色，但也不難卸妝。非常適合打造精緻又持久的妝容。

Fng好用推薦：#119 新版沒有舊版咁滋潤，舊版搽一次已有滋潤感覺 ，新版要搽三次先有。

Noel好用推薦：購買這款 OPERA 唇膏N，主要因為品牌在日本很火紅，又是 @cosme 唇蜜 No.1，加上它的金管唇膏使用效果不錯，所以就入手了一枝❣開架品牌而言，這個 product 有10色選，橘、紅、粉都有涉獵，滿滿誠意！ 基本上單塗這個唇膏，就能打造光澤感，像果凍一般，很Q很水，日系可愛妝容適用❗唇膏滋潤感不錯，不用護唇膏打底也可以，塗到唇上很流暢👍囗罩不用帶了，塗塗光澤感唇膏就無錯了！唇膏持久度一般，容易 transfer 同沾杯，顯色度4成左右，不能飽和。

Emily Leung好用推薦：Fujiko 染眉膏 - 塌毛救星定係伏品？ 前言：眉毛都要有「空氣感」？ 成日見日本女生啲眉毛咁有空氣感，又蓬鬆又立體，好似啲毛流會呼吸咁！Fujiko呢支染眉膏就係主打呢種效果，話可以打造「立體棉花糖眉毛」。到底係咪真係work？等我話你知！ 1. 刷頭同質地：真係有啲唔一樣 首先，個刷頭真係好特別，係一個好扁身嘅橢圓形，上面啲刷毛好短好密。咁嘅設計好處係可以好精準咁勾畫到眉形，尤其係眉尾部分，唔會一嘢就掃出界。 質地方面，佢唔係傳統嗰種濕漉漉嘅膏體，而係偏向乾爽，有少少似睫毛膏嘅感覺。好處係一上色就好快乾，唔會搞到啲眉毛「黐立立」。 2. 妝效實測：真係做到「蓬鬆感」？ 呢part係重點！ · 立體感同毛流： 效果真係幾明顯！用「Z」字形向上掃，真係可以將啲眉毛一支支咁固定起，營造到嗰種好自然嘅蓬鬆感，尤其係眉頭位置，即刻有咗嗰種日系嘅立體效果。 · 顏色同染色力： 佢嘅顏色選擇都幾自然，上色度適中，唔會話一嘢就好濃色，適合追求自然妝效嘅人。但如果你本身眉毛好濃密，可能主要係用嚟整理毛流同加少少色。 · 持久度： 出街半日，個眉形都仲keep得幾好，冇話變返塌塌哋咁

Fng好用推薦：刷頭好梳，容易上色， 瞓一晚瞓時間就可以染到自然美嘅顏色，手殘也handle到。😆😆😆

PorscheB好用推薦：呢枝Afterglow lip balm 已經係第二枝 顏色是 orgasm，偏桃橙色 加啲閃粉 上咀效果好自然 ，而且有足夠滋潤度 官方介紹仲話可以 將Afterglow護唇膏點印在雙頰最高位置， 可達致自然啞緻的提亮效果。🫶🏻 下次回購會試下呢個用法

popocarcar好用推薦：見朋友用得好靚，所以見到專門店買滿額有sample 送，就買多少少，拎咗支sample妝試。 顏色唔算十分出色，不過好滋潤。

Viannie好用推薦：性價比極高，百幾蚊就有16色，好適合初學者/學生/想試多種顏色嘅人入手。我選擇咗呢盒USP09 phoenix 入手，顏色偏向紅橙黃tone, 貪佢多色玩。顯色度唔錯，係粉質唔夠細緻，一次過拎太多會上色唔均勻，不過勝在多元化，一盒有齊啞色，柔和珠光同較粗粒閃粉嘅色都有，可以做多種變化係幾好嘅。

Rin好用推薦：呢盒大名鼎鼎嘅NYX 16格眼影，我覺得基本上係會化妝嘅人人手一盒 眼影呢係用得非常之慢嘅其中一樣產品咁但佢嘅配搭又非常之多，所以呢有陣時就會買到成屋都係眼影 我覺得佢幾好用，係因為佢可以慢慢疊色，就唔會驚一下帶咗上去，然後就一達喺度 都有啲人話佢顯色度好高嘅，但係我覺得佢顯色度未算話好高，因為有一啲真係一上去你就救唔返 而且佢嘅飽和度較低，唔會突然之間好sharp 適合大部份嘅皮膚 可以做到好多唔同嘅妝效到適合一年四季用嘅

Kitty 好用推薦：Deep盤嘅配色睇落係濃郁嘅大地色系，有齊啞光同金屬光澤質地，一打開就覺得好適合秋冬或者夜晚出街用。 🎨 粉質同顯色度 - 粉質真係好細緻，摸落去好似絲絨咁滑，唔會點飛粉。我用刷子或者手指都上到色，好順滑。 - 顯色度好高，但唔會一嚟就一嚿嚿，你可以慢慢疊加。尤其係個深棕+金屬金色，一搽上去眼窩即刻深邃咗，個輪廓出返晒嚟。 👁️ 上眼效果同點樣用 - 點樣畫： - 我用最淺嘅啞光色打底，大面积掃成個眼窩。 - 跟住用中間嘅深棕色暈染眼尾同眼摺位，加深個層次感。 - 最後用金屬金色點喺眼皮中間同眼頭，即刻有種華麗感，個眼妝睇落更立體。 - 整體感覺：Deep盤出嚟個效果係神秘又帶啲型格，特別係夜晚去派對或者約會，真係眼神有故事嗰種氛圍。如果你係油皮，建議加個眼部打底，咁樣個妝會更持久。 ⭐ 優點同缺點 - 👍 優點： - 配色實用，一盤可以搞定成個眼妝，從通勤到夜場都用到。 - 持妝度唔錯，我試過帶妝8個鐘，都冇明顯脫妝或者結塊。 - 粉體入面有保濕因子，我幹皮用都唔會卡紋。 - 👎 缺點： - 價格偏貴，算是高階彩妝單品。

chasiutung好用推薦：我買嘅係deep (大地色)同tender (玫瑰粉紅色) 粉質細滑 容易上色 用掃上會飛粉 配色好靚 個眼妝hold到全日 Deep 依盒化完真係好靚 吾會浮腫 點化都好靚嗰種 tender依盒 個人認為 好考技巧 一定要少量多次去上 要暈染得好 如果吾係隻色會好螢光同好會顯眼腫

❤MingMing❤share_beautyird好用推薦：Armani Beauty 胭脂液，真係好用到爆！推薦❤️❤️ 首先，佢外表就已經好靚好吸引，淺粉紅色外殼配鏡色嘅標誌性Armani Logo，非常有質感。 然後胭脂液並唔係水狀，而係似唇彩一樣有點潤澤嘅質地，睇圖就見到佢會有微微反光。而且佢非常好推！！只要點喺面上，慢慢推開佢，佢就會變得好均勻。 最正嘅係佢推開之後，出嚟嘅色澤非常自然唔會「硬綁綁」，有種天生紅潤嘅好氣息；而且會為臉頰帶上光澤感——但呢種光澤感又同珠光唔一樣，係一種更水潤更自然嘅亮澤效果，俾人一種皮膚好好嘅感覺。 雖然睇落去細細枝、價格比較高，但我真心覺得物有所值！大推大家try try ❣️❣️

Hamiii好用推薦：手殘黨慎用 我自己算雷左 唔太控制到份量 一係深左一係淺左 重點 掛住控色度 就拍得唔好 明顯有痕 手殘黨都係乖乖地用粉啦😶‍🌫️

ying好用推薦：✨ Bobbi Brown Long-Wear Cream Shadow Stick Ombre Crème Stick Longue Tenue 用嚟畫臥蠶 好靚・好bling ✨ 💬 用完真心話 呢支Bobbi Brown眼影筆 我唔係就咁當眼影用 而係用嚟畫臥蠶。 ✨ 做臥蠶好靚 輕輕一畫 下眼位置即刻有自然嘅提亮 唔會太誇張 但就係嗰種「唔知點解對眼精靈咗」嘅效果 ✨ 好bling 佢嘅光澤係細緻嗰種 唔係大閃片 而係好高級嘅微閃 望落去好乾淨、好靚 ✨ 質地順滑 霜狀質地 畫落去好順 唔會拉扯眼周皮膚 ✨ 持久 佢個系列叫Long-Wear 真係幾持久 畫完之後成日都唔會甩 唔會積線 ✨ 方便 筆狀設計 一畫就得 唔使掃唔使手指 趕時間用佢畫臥蠶好快 🌟 我嘅總結 Bobbi Brown Long-Wear Cream Shadow Stick 我會用佢畫下眼位置 做臥蠶好靚・好bling ✨ 自然提亮 唔誇張 對眼即刻精靈咗 持久度好

Tobimak好用推薦：我手上呢支Bobbi Brown超持久炫彩眼影筆第二代既色號係Pink Sparkle，佢用喺日常上班妝容真係好啱。我平時會早上化妝時輕輕畫喺臥蠶位置，眼神即刻精靈咗😆佢仲帶少少閃亮但唔浮誇，令整個妝容自然又乾淨。 質地方面，佢好滑順，推開毫不費力，定妝之後一整日都唔會暈染，返工到收工都仲保持住柔和光澤。對於朝早趕時間嘅人嚟講，呢支眼影筆真係方便又安心，畫一次就可以放心出門，唔需要擔心中途要補妝。🥰

Noelle S好用推薦：已多次回購的平價好物，家𥚃公司各放一支，但最啱心水既深啡色有時會缺貨。軟硬適中，細細支非常易畫，偏乾肌一整天都唔需要補色。

Jasmine Yuen好用推薦：開架品牌都有好物！ 細細支放入手袋好方便，轉出黎唔易斷，軟硬適中，好顯色，唔使好大力畫畫已有顏色。 我買既係啡色，好自然。比眉粉好用，因為可以一筆筆畫眉頭，比較仿真

Emily Leung好用推薦：Cezanne 珠光胭脂測評（色號 PK01） 包裝設計 Cezanne 呢盒珠光胭脂（Cezanne Pearl Glow Cheek）係典型日系平價包裝，塑膠殼輕身薄身，方便帶出街。設計簡潔，透明蓋可以一眼睇到顏色。冇附送掃，要自備工具上妝。 質地同粉質 粉質出乎意料細滑！開價來講絕對係高質。壓粉實淨，唔會飛粉，手指摸上去有絲絨感。珠光好細緻，唔係大粒閃片，而係似皮膚自然透出嘅光澤。 色號 PK01 試色 · 顏色：柔和小麥粉色，帶淺金香檳色珠光，唔係死實嘅粉紅。 · 效果：上臉後好自然，有微微提亮同立體感，似皮膚本身嘅光澤。 · 適合膚色：自然膚色至偏黃膚色都啱用，白皮用會更顯透明感，深膚色可能唔太顯色。 顯色度同妝感 · 顯色度：偏淡，適合鍾意自然妝感嘅人。要疊加2-3層先有明顯效果。 · 妝感：透明絲光感，珠光低調貼服，唔會顯毛孔或浮粉。 · 貼服度：好好，粉質幼細，上臉後同皮膚融合度高。 持久度測試 · 日常室內約5-6小時，珠光感會減弱，但底色仍然睇到。 · 出油後顏色會變得更融合，唔會積線或斑駁。 · 油性皮膚建議先用碎粉打底，乾性皮膚可以直接用。

NEKOI好用推薦：性價比高，算是這個牌子的標準評價了吧？但的確呢個價錢呢個質素冇投訴。 雖然話係珠光，但其實只係帶點光澤，上臉很自然。上完個人就帶點血色，唔誇張。 附送個掃當然冇自己買嘅咁好用，但我覺得算夠用，有時返到公司先執返啲眼耳口鼻，是但掃幾嘢就做到想要嘅感覺。

莓莓好用推薦：3CE Velvet Lip Tint - #Speak Up 測評 1. 顏色同質感： · 色調：#Speak Up係一支「紅梨色」，帶少少復古暗紅，唔會太過鮮豔，黃皮同白皮都襯到，顯白效果一流。 · 質地：絲絨霧面，上嘴順滑，推開後變啞光，但唔會乾到裂唇，厚塗薄塗都ok，日常同夜晚出街都適用。 2. 持久度： · 飲水食輕食嘅話，顏色可以keep到6-7成，算係中等偏上。不過食油膩嘢就需要補少少。 · 輕微黐杯，但唇釉底色會留低，唔會一下子甩晒。 3. 使用感： · 刷頭設計容易勾畫唇形，新手都易控制。 · 味道係淡淡花香，唔會好化學。 · 雖然係啞光，但唔會好扯唇皮，建議嘴唇乾嘅人用之前搽少少潤唇膏打底。 4. 缺點： · 如果本身唇紋深，可能會卡少少紋，建議做好保濕。 · 價錢中等偏貴，但質素對得住個價。 5. 總結： #Speak Up係一支唔會出錯嘅氣質色，適合想低調但有氣場嘅人。絲絨質感舒服，持久度合格，值得入手！

Emily Leung好用推薦：💄3CE絲絨唇釉！黃皮親媽！素顏塗也顯白到發光✨ 🌟色號：3CE絲絨唇釉 TAUPE （經典磚紅棕調！薄塗奶茶感，厚塗復古高級臉） 👉質地：慕斯絲絨感，上嘴順滑到尖叫！不拔乾不結塊，抿嘴也不會斑駁～ 💋妝效： ✔️薄塗：日常通勤必備！低飽和奶咖色，溫柔顯氣質！ ✔️厚塗：瞬間切換港風女主模式！紅棕調超顯牙白，合照穩贏💃

jhope0725好用推薦：呢枝真係#此生摯愛唇彩！ 呢支唇彩一如其名，質感好似棉花一樣輕薄，唔會抽乾嘴唇水份，唔顯唇紋，疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。 佢顯色度、飽和度都好高，輕輕一層，已經令到成個嘴好立體，影相會好精神。我用嘅顏色係14號，上嘴唔會太紅~ 佢持久度算中上，未至於可以全日都唔補妝，但係維持四、五小時都冇問題~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝！而且佢嘅好處係落妝會好乾淨同方便，唔會好似其他tint咁食死左個嘴唇。 唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝，有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇抿開，就會natural d! 私心推介，希望大家都搵到啱自己嘅色號！ 

瑪拉好用推薦：持久唔掉～就算飲水食嘢整到都只會掉少少，我呢個係11號色，本人黃二白，暖皮膚搽上嘴係好靚嘅玫瑰色～

Ice好用推薦：一個性價比幾高嘅胭脂，顏色又多又顯包，又便而，又有得揀粉狀又或者膏狀。Donki 同 Aeon 都有得買。 佢自帶一個胭脂掃，佢嘅毛都幾舒服幾軟。又有掃，色又靚，簡直就係出外旅遊居家必備。化妝新手學生黨一定要買嚟試下

Fng好用推薦：602號色， 橙色裸粉， 適合黃皮使用，夠顯白， 掃毛柔軟，唔會吉面，細細盒方便攜帶去旅行。

Hellobeauty 好用推薦：想要bling bling電眼就留意下我今次分享呢樣產品啦! 今次想介紹日本CEZANNE Glow Liquid Eyeliner 多用途淚袋透明感閃亮纖細眼線液筆, 相個大家對Cezanne產品都唔陌生, 但真係要好好介紹呢支眼線液筆的優點😆 1. 眼線液筆亮片顆粒不會太誇張，好適合自然眼妝，特係妝感最自然是玫瑰金色 2. 加上纖細眼線液筆咀設計，無論係畫淚袋位或 畫眼線 都容易控制及簡單畫出畫龍點睛的效果 (用左佢, 真係個日都覺得自己對眼靚左) 3. 纖細眼線液筆咀設計, 我除了可以畫淚袋位或 畫眼線外, 如果沒有eyeshadow係身，都會將眼線液筆傾斜掃上，當eyeshadow點綴一下眼睛，因為眼線液筆亮片顆粒不誇張及其水質透明感質地，效果唔錯 ( 我其中一張圖片亮是分享, 呢支眼線液筆當eyeshadow用，跟CEZANNE 四色粉質眼影(左上格顏色) 可以有相似效果 4. 其水質透明感質地，畫淚袋位時不會有乾裂及厚實感 5. 好用、效果靚，加上價格，確是性價比高產品 聖誕節將近, 可以考慮入貨，因自己眼妝畫龍點睛啦😆

Hoiyi好用推薦：呢盒一眼影掃上眼蓋超易上，超閃又自然，超有性價比，光澤感一流，絕對極力推介給喜歡閃閃人士使用#眼妝

Fng好用推薦：較早前係官網買入 urban decay smokey 眼影盤，佢成個包裝好有質感，盒子雲石紋外表，成盤偏冷色調， 有三格係matte finish，其他都有珠光或閃粉，品質出名幼細，唔會飛粉，持久度十分高，有朝到晚都冇甩過妝， 如果喜歡淡妝，搽少少就已經夠， 因為佢顯色度非常之高。

Angie好用推薦：URBAN DECAY出嘅眼影真係好高真，無論係顏色配搭定粉質都100分❤️‍🔥 隨盒附送嘅眼影掃都好軟好好用

natanatalie好用推薦：Love Liner眼線筆好用又抵用，已經成為我的化妝櫃中必備的眼線筆！🩷 屬於油眼的我用很多眼線筆都會出油導致溶妝，很多時都會令我很尷尬和困擾，有時工作忙起上嚟未必能夠經常照鏡，便會不自覺地變成了熊貓眼，令我很尷尬。 Love Liner眼線筆卻能夠整天保持不暈染，不會很容易化掉，這一點令我很喜歡它！😘 而且顏色非常飽和，很容易出色，畫線非常流暢，不容易卡住，就算用它來畫內眼線也易於上色。因此我覺得也適合新手使用。🤪  雖然防水，但卸妝時不會太困難，使用普通卸妝產品即可輕鬆去除，不用二次清潔，節省了不少卸妝的時間！😍 Love Liner眼線筆性價比高，非常適合日常使用！🤤

jovyjosie好用推薦：呢支眼線筆係我喺日本嘅時候買，見佢長居榜首，回購再回購！ 佢非常之順滑，最適合用嚟畫內眼線！佢嘅筆頭係扁平的，新手都容易畫到一條順滑嘅眼線！ 而佢防水嘅功力更加係超強，直接用落水喉，都唔驚會甩妝！

Sophia好用推薦：Dior唇膏唇彩類產品從來都唔會令人失望，呢支傲姿舞台持色唇膏值得推薦👍 💄外表：黑色幼管配末端銀色經典籐格紋，感覺有質感✨️，而且唇膏幼身搽咀角位都容易 💄質地：非常順滑輕盈，完全冇乾燥感，唔用潤唇膏打底都舒服，帶有滋潤小光澤💋 💄顏色：大熱120色號係輕透裸粉色，咩膚色都啱，唔照鏡搽都唔會出錯，要飽和度就需要搽多2層🌈 💄持色：持色力還可以，飲水會轉印到杯邊，掉色後可能還有一半🤔 整體感覺都滿意，如果要揾一支外表精緻日常易用的品牌唇膏，可以放心入手❣️❣️❣️ #火熱新品

rachelnoni好用推薦：呢支唇膏一直好多人推介，去旅行時順便在dutyfree買，當時BA說所有色都賣晒，只有新出的4隻色有貨，色號890。 用過後真係好好用，夠滋潤唔使潤唇膏打底都可唔可以，顏色顯色夠持久。一般水潤唇膏食飯後都會甩色，但呢支甩色很輕微

Sanna Cher好用推薦：使用色號794，為當時的特別版，偶爾見到專門店有售。紫兩色為冷調，棕色和卡其綠色接近暖色，使用時可將眼影盤分為冷暖色調使用，每次使用兩色。使用圓形眼影掃，打圈掃上卡其色，見色調可用於不同季節。 眼影色調能夠做到輕微煙熏妝，而妝容有別於黑煙熏或大地色調使用在煙熏妝容方法，是色調非常獨特的配搭。加上卡其綠色作眼線陰影，見色調混搭後有點混濁，可隨個人喜好抹塗，但對個人來說是認為看似很高冷的暖色。完妝照片

mandy好用推薦：CHANEL LES 4 OMBRES BYZANCE #318 PARURE VÉNITIENNE $595 CHANEL的4色眼影盤粉質柔滑不飛粉，容易上妝。 4色眼影都可互相配搭到，非常實用，不存在癈色。 右下的眼影第一眼以為是白色，其實是很美的幻彩色， 可以用作眼影打底，具少許提亮效果。 左上的玫瑰粉色及右上的香檳金色均可以用作眼影主色， 可以按照喜好選其中一色作主色。 左下的啡色，可以用來描繪眼線，可有效放大雙眼。 CHANEL的4色眼影盤外盒設計簡約華麗而且貼心， 不佔空間，內附鏡子及眼影掃，方便隨時隨地上妝補妝。 顯色方面剛剛好，即使上多幾層眼影，也不會太鮮色或具濃 豔感。特別喜歡CHANEL的4色眼影盤配色，每個眼影色都很美很經典不過時，可以一個眼影盤走天下，在不同場合都可以派上用場。