找產品
上色持久 推薦好用產品
998 件
綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色
<看全文>星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。
<看全文>
Noel好用推薦：ColourPop 暖調的4色高光盤，黑五優惠時購入，一盤四色，每色都是大大的 regular size OMG❗超有誠意的高CP化妝品。高光包括了帶黃色、粉色、珊瑚色 undertone，基本上一年四季都可以用這般走天漄❣ 高光粉壓得很實，不易飛粉，手指觸感很滑👍而且顯色度高，屬於高調的 highlighter，喜歡低調高光的，請避開。唯獨帶粉色的高光有一點點顯毛孔，沒有另外三個好用啊！ #我的秋冬愛用彩妝
<看全文>zzzhelen好用推薦：lunch money係一款好啱一般偏白膚色用，有少少香檳色，好自然。我幾鍾意佢有少少濕潤既感覺，唔會飛粉。少少就夠哂閃，可以用好耐
<看全文>
natanatalie好用推薦：一支很適合新手使用的眼線筆！🤤 以一支開假的眼線筆來說，他算是非常好用。首先，價錢不貴，小資女也負擔得起。❤️ 它能夠勾劃出非常幼細的眼線，也非常容易控制和拿捏，而且很顯色，一般或在眼尾都十分容易勾劃！🫶🏻 而且它的持久度非常之高，以我這一種油眼的人來說，它的持妝度能維持到10小時，算是非常出色！🥰
<看全文>mandy好用推薦：KATE TOKYO SUPER SHARP LINER EX4.0 進化版持色眼線液筆 EX4.0 #BR-3 暖棕 $90（Sasa 再打88折） 第一次用KATE家的眼線液筆，覺得非常驚人地好用，完全不輸其他開架品牌的名品眼線液耶。即使初學者只要手夠定就能描繪出理想的眼線。進化版持色眼線液筆EX4.0的筆頭不會太硬，所以畫眼線時較易掌握，眼睛也完全不會感到不舒服。有了好用的眼線液筆，初學者多練習自然會愈畫愈順手。眼線的持久度不錯，午後也沒有溶妝或暈染。 使用色為#BR-3 暖棕 由於我已有黑色的眼線筆，所以選購了顯色較自然的BR-3 暖棕色。像這樣不浮誇、非常自然的眼線跟淡妝很搭，亦能自然的放大雙眼。
<看全文>
Kitty 好用推薦：最近整理化妝櫃，摷返呢盒幾年前好hit嘅NARS吉隆坡出嚟。講起呢盒雙色眼影，真係當年嘅斬男盤、溫柔代表，幾乎個個都想拥有一盤。呢盒係玫瑰金搭莓紫色，當年真係紅到發紫！我用落覺得佢係方便同“挑剔”並存。 ✅ 優點：上妝真係好快！趕時間嗰陣，手指捽兩下就搞掂個眼妝。玫瑰金嘅偏光好細膩，靚。 ❌ 缺點：好揀人！如果係黃皮、膚色深、單眼皮或腫泡眼，紫色好易顯濁或顯腫，有中伏風險。粉質偏乾硬，顯色度我覺得幾好。 💡 使用貼士：千祈唔好用紫色大範圍塗！只喺雙眼皮褶內或眼尾細範圍加深，再用玫瑰金提亮眼中同眼頭，效果會乾淨好多。 總結嚟講佢係一款經典嘅產品。皮膚白皙嘅雙眼皮朋友可以試出溫柔感；但黃皮同腫眼泡就強烈建議專櫃試色先，未必係你杯茶！
<看全文>Emily Leung好用推薦： Nars嘅Hammamet呢，佢哋嘅雙色眼影真係我最心水嘅雙色眼影喇！呢盤感覺有啲似聖保羅，但係又唔完全一樣。好有日韓風同奶茶feel，春夏秋冬用起上嚟感覺都唔同。層次感同深邃度就唔使點期待啦，因為佢色調都幾清淡。 粉質唔錯，啞光色好易沾粉又易暈染，肉橙色打底好有「媽生美女」嗰種氛圍感，係個好暖調嘅打底色。每次搽珠光呢部分我都會諗起砂糖橘，好明亮好炙熱嘅歐美閃粉橘粉色，化歐美妝嘅效果真係好驚艷，日常妝嘅話用手指點少少喺眼皮中間就夠喇，如果唔係會變孫悟空。 呢盤唔係話無可替代，只係我覺得Nars嘅化妝品專業度同磁吸包裝都幾加分。
<看全文>
Tszki好用推薦：canmake光影膏 03 這款產品的質地非常特別，摸起來軟糯有彈性，猶如慕斯或麻糬一般。塗抹在肌膚上時感覺水潤絲滑，能輕易推開並緊貼肌膚。顏色是偏珍珠粉色，打T字位、臉頰、下巴、眼角位置，很自然的光澤，我很喜歡這個珍珠粉色，是熱門缺貨的顏色！
<看全文>Fish Tse好用推薦：想個妝再突出d唔少得一定要用高光膏，我用既係01號色月光寶石係米白色帶點米金色既珠光 哩款高光款個質地好軟綿綿既感覺，而且d粉仲好細緻，閃亮度都非常之好令到肌膚更加有光澤感係到 搽係d提亮位會令到成個妝感都好唔同。仲含有多重保濕成分，持妝度仲要好高佢可以防水、防汗、防油、耐揉擦即使持久一整日都唔會輕易咁脫妝 sis唔需要擔心卸妝問題，哩然佢係防油、防水等但係用卸妝油一卸，好易就卸得好乾淨，我都係用卸妝油卸一次就已經夠啦
<看全文>
Kelvin好用推薦：開架牌子潤唇膏嚟講，質地幾厚身。佢係一支有色潤唇膏，仲有SPF20 PA++嘅防曬效果。 我嘴唇薄，顏色唔深。所以揀French pink色，淡粉紅色，男士都用到可以睇落個嘴唇滋潤啲。隻顏色自然得來幾好睇，唔會誇張。 冬天出街之前會搽一次，好少甩皮👍🏻Nivea啲野幾好用
<看全文>Akassoo好用推薦：之前去日本旅行買咗NIVEA Rich Care & Color嘅豐盈水潤顯色潤唇膏，佢係一支有色嘅潤唇膏，仲有SPF20 PA++嘅防曬效果。 呢款潤唇膏有好多隻顏色揀，當初都有選擇困難症，個人建議揀深色啲嘅顏色，因為之前試過買較為淺色嘅顏色上到嘴睇落好似冇色一樣，但係如果揀鮮艷啲嘅顏色個顯色度就會差得遠。 我自己今次推介嘅呢支顏色係French Pink，就係潤潤哋嘅深粉紅色，個人覺得顏色都幾靚同自然。不過大家就預咗潤唇膏唔會好持久，基本上過一段時間（特別係食完嘢之後）都要再補搽。 嚟緊聖誕節約埋一班朋友party交換 聖誕禮物嘅話，如果我收到呢款潤唇膏做禮物都會覺得窩心，重點係呢支潤唇膏性價比高，仲可以即刻當面拆開呢份聖誕禮物搽上嘴俾朋友睇！
<看全文>
Tszki好用推薦：配色邏輯簡單,通常包含霧面打底色與細緻珠光色，讓新手也能輕鬆完成有層次感的眼妝。 粉質服貼, 部分系列含有吸油粉末，能增加妝容持久度，且閃粉細緻、不顯廉價。 性價比極高,價格親民，一盤多色（通常為 9 或 10 色），單色攤算下來非常划算。 攜帶方便,體積小巧且外殼堅固，是旅行或隨身補妝的好選擇。 顯色度中等, 對於追求重口味或歐美妝感的用家來說可能過於清淡。 輕微飛粉,部分亮片色或顆粒較大的閃粉會有飛粉現象，建議用手指上妝會更貼合。 內附刷具一般,附贈的眼影棒或刷頭不太好用，建議自備專業刷具。
<看全文>Sakura醬好用推薦：眼影｜秋天落葉妝🍂 🍂Etude House嘅MAPLE ROAD楓葉之路 9色棕紅色系眼影盤 5個啞色➕4個珠光 喺陽光底下靚到不得了！ 配色勁百搭 對新手都勁友善 點樣配都唔會出事😄 啞色粉質好軟糯 細閃亦都做得幾靚 唔結塊唔飛粉～◉‿◉ 十分推薦
<看全文>
nicolebuzz好用推薦：粉質幼細，有少少定妝功能，我多數係用左上兩格作全面用，用左感覺有少許自身光澤感，不會太浮誇，鍾意自然感覺既就會愛上。 另外叫淺粉紅可以當highlight用，胭脂也不錯，但中間紅色太紅，要輕手搽。 整體來講，雖然價錢不便宜，但一盒可以搽不同位置，所以一直也使用，而且很滿意。
<看全文>Noel好用推薦：Hourglass 走低調奢華風格，為純素品牌，值得推介❗這盤 face palette 是我非常推介的產品，對於沒有試過 Hourglass 粉狀產品的靚靚，我起推坑👍 包括了定妝粉，高光及胭脂粉，每年聖誕也有特別盤，值得留意啊～ Hourglass 粉狀產品非常幼滑細緻，手指觸感無敵好！上到面上光澤感低調自然。而這類面部盤，可同時得到 Hourglass 名物：烘焙胭脂， 烘焙高光等，真的超值❣
<看全文>
Anne好用推薦：之前都鍾意用Canmake嘅化妝品，呢個眼影盤22號都係粉色調所以好鍾意💕好啱日常想精緻少少嗰陣用，粉紅色（右上）同埋偏橙粉（左下）嘅色都唔會太誇張，所以日常返工都會用。中間嘅閃粉都好閃，可以點綴成個眼妝，想華麗啲嗰陣可以搽用埋。 左上淺粉白色用嚟畫臥蠶highlight都唔錯，係幾自然顏色唔會死白。 眼影盤後面都有教學可以點樣用啲色調，非常之適合新手。不過佢支眼影筆細細支之前整跌咗費事執返嚟用，圖中嗰支係我自己換落去嘅。
<看全文>Bear好用推薦：日本旅行時選購的22號顏色，超。好。用。 看前面評論說亂塗都好用真的沒有說錯，由淡粉紅到櫻花色然後浪漫玫瑰粉，最後小小紫調的深色勾畫出眼型（全部超級顯色）；閃粉部份塗眼頭和眼球下方，整個甜美韓妝造型就出來了！
<看全文>
mandy好用推薦：KATE TOKYO LIP MONSTER SOUFFLE MATTE 怪獸級持色絨霧唇釉 M02 $99 （Sasa 再打88折） 一直比較少接觸KATE TOKYO，這次參與免費化妝服務，覺得KATE的化妝品也挺好用的。由於瓶身設計不是走可愛路線，平時比較少留意。KATE的化妝品全是酷酷的黑色，給人專業化妝師品牌的感覺。 怪獸級持色絨霧唇釉的唇刷非常好用，可以幫助初用者更易於掌握抽繪理想的唇型。 完妝是輕盈的霧面唇妝，比有色潤唇膏更持久， 但大吃大喝後還是會掉色，飯後還是需要補妝。 霧面唇妝較容易令雙唇變乾燥，怪獸級持色絨霧唇釉沒有這問題，使用感清爽不黏笠，而且還不顯唇紋，這給予我對KATE很不錯的印象，就是實力派。 大家可嘗試比較上一層唇色及上兩層唇色， 這視乎您喜歡鮮色一些的唇妝還是淡色一些的唇妝。總之覺得不夠顯色就上多一層好了。 色號M02是亮眼的粉橙色/珊瑚色， 最近我都在用這樣的色系作為唇色， 覺得比較易carry，又不會很誇張， 是天天都可用到的唇色，還挺顯肌膚白， 不論上班或約會都可以使用。
<看全文>Ice好用推薦：個色幾靚，搽上嘴係嗰種唇泥嘅感覺，好易推開，好顯色。就算食飯飲嘢，high甩咗都係會有少少色起上邊，有啲染唇。不過注意如果唇紋比較多，又或者個嘴會甩皮乾嘅話唔係幾適合用呢支，佢會顯得你啲唇紋更加明顯，更加乾。
<看全文>
Emily Leung好用推薦：fwee GN02 玫瑰心動鎖色唇露 🌹 無花果烤奶色，黃皮必收！ 前排見 IG 洗版嘅 fwee 唇露，終於忍唔到手入咗支 GN02，同大家講吓真心用後感 💄 色調： GN02 係「乾燥玫瑰 + 無花果奶皮」嗰種 tone，唔會太紅又唔會太紫，帶少少棕調，好襯亞洲人膚色。 素顏薄搽似天生唇色好氣息，厚搽就溫柔又有氣質，返工、見家長都用得。 質地： 一搽落去係水狀，推開之後變 絲絨霧面，完全唔黏笠，仲薄過空氣～ 但記得！！！嘴唇乾嘅話一定要打底，否則顯唇紋會現形 😂 鎖色／持久度： 呢支主打「鎖色」，的確比一般霧面唇釉企理： · 飲水、戴住口罩講嘢，4-5 個鐘都仲見到 7 成色 · 食飯內圈會甩，但外層留到色，唔會一撻撻 （小缺點：難卸，要用眼唇卸妝液敷一陣） 用後感總結： ✅ 優點：色調高級、黃皮顯白、唔沾杯唔沾口罩、補妝輕便 ❌ 缺點：偏乾、唇紋深嘅人要打底、持久度高所以有染唇 邊個適合買？ · 想試 MLBB 霧面玫瑰色嘅人 · 成日戴口罩又想 keep 到唇妝 · 唔 mind 補唇妝（因為始終會甩內圈） 邊個唔太啱？ · 極乾唇／成日爆皮（除非肯勤力打底）
<看全文>Fng好用推薦：fwee 玫瑰心動鎖色唇露 GC01 Bunny Rose用後感 ——冷調玫瑰嘅「顯白魔法」，唇紋瞬間隱形！ 🌹✨ 我本身係熟齡混合偏乾肌，平時搽唇釉最怕顯唇紋同黐頭髮，但fwee呢支新系列真係令我完全改觀！用咗大約兩星期，分享吓～ 關於 fwee 新系列 今次港台地區搶先韓國推出「玫瑰心動鎖色唇露」(Rose Obsession Stay-Fit Lip Tint)，一共多達 18 款玫瑰色調，分成 Glow（水光感）同 Matte（柔霧感）兩種質地，實測唇掃亦因應質地而重新設計。我買咗GC01 Bunny Rose 係 Glow 水光質地，主打輕盈透亮水光感，唔會好似傳統唇蜜咁黏笠。 GC01 Bunny Rose 顏色分析 GC01 係 偏冷嘅玫瑰色，唔係好粉嫩嘅少女粉紅，亦唔會太紫太暗，好有氣質但唔老氣。低飽和偏冷調，幫黃皮即時去黃提亮，我覺得係一年四季都咁百搭，係溫柔又有個性嘅感覺。 質地與妝效：玻璃水光感，3D立體豐唇 質地係輕盈嘅啫喱水光質感，上面順滑易推，唔會拉扯嘴唇。裡面有隱藏油膠囊，持久閃亮得嚟唔會黐口。上嘴之後好似有一層晶瑩嘅露珠停留喺唇上，望落 3D 立體
<看全文>
TsuenMa好用推薦：Innisfree 我的專屬彩妝眼影盤 除咗入手咗閃鑽系列嘅眼影，仲入手左眼面系列嘅粉紅系列，本身佢連個盤係跟咗一支眼影掃，但用用下都唔知去咗邊嚕🙈不過其實係可以再另外買返嘅，係我自己冇再去買，因為佢係好細支，裝起上嚟唔算太好用，有時直接用手指上就算，後來都額外買咗另外嘅眼影掃去上妝，就冇再糾結呢知唔見咗嘅眼影刷。  以前真係好鍾意用呢盒眼影盤，你會見到係鐵盤左兩隻顏色，但最後因為覺得佢顏色太實淨，唔夠柔和，所以入手左其他嘅眼影，去代替呢一盤。 啞色嘅眼影，主要可以作為日常嘅妝容，返工嘅話唔會太浮誇，又可以令到雙眼更加有神，所以其實眼妝真係好重要🙂↕️ 如果啞色嘅話就都唔怕可以上多少少，失敗率比較低，但係都要留意如果隻色係深色嘅話，最好都係要少量多次咁去上妝喇。 呢盒眼影基本上用普通嘅卸妝水就可以充分落妝啦，唔需要用到去眼妝專用嘅卸妝油。💟 不過依家市面上有好多其他嘅選擇，我覺得好用程度會比較高，可以行先考慮其他嘅產品再考慮佢，又或者如果你睇中佢可以彈性咁揀自己想要嘅顏色，咁都未防係一個好選擇💞
<看全文>Circlecyy20好用推薦：都真係啞色調 唔會有閃粉 所以我用黎都係做打底色 不過持妝力就差咁dd
<看全文>
Miranda好用推薦：【質感】 先講刷頭設計。呢支豐眉膏係細小嘅錐形刷頭，刷毛軟硬適中，可以精準咁抓住每一條眉毛，尤其係眉頭、眉尾呢啲細毛位置，都唔會沾到周圍係。呢個設計其實幾貼心，唔會一下手上太多膏體，好啱新手。 膏體方面，佢有加入微細纖維，望落有少少毛茸茸嘅質感。上面之後嘅感覺係自然輕身，唔會厚重或者結塊。顏色選擇都算多，容易搵到貼近自己髮色嘅色號。不過要提一提，佢嘅膏體偏濕少少，如果一開蓋就直接用，有機會沾得太厚，建議用之前喺瓶口輕輕刮一刮走多餘膏體，效果會自然好多。 【使用感】 使用感方面，呢支豐眉膏最大嘅好處係快靚正。你唔使用眉筆慢慢畫，只需要順住毛流輕輕梳，已經可以填補到眉毛嘅空隙，令稀疏嘅眉毛望落豐盈立體。對於本身眉毛量唔算多嘅人，或者懶得畫眉嘅人，呢個效果係幾方便嘅。 不過，都要講返幾點不足。首先，佢嘅顏色自然得嚟，顯色度其實偏淡，唔係一擦就「好濃好濃」嗰種。如果追求明顯染色效果嘅人（例如想用佢直接改變眉色），可能要上多幾層，甚至配合眉筆使用先夠。其次，佢嘅定型力唔算特別強，即係佢可以令眉毛「企起身」，但如果你本身眉毛係極度雜亂或者向下生，佢未必可以將佢哋乖乖固定一整日。 【持久度
<看全文>Kmggigi好用推薦：眉毛狀況: 眉毛不算稀疏，有霧眉習慣，平時只需要為眉毛稍微增添色彩 Benefit Gimme Brow+ 豐眉膏可以令你輕鬆勾畫出自然濃密眉毛！✨ 呢款豐眉膏嘅最大特點係可以輕鬆打造出自然濃密嘅眉毛， 內含細小嘅纖維成分，能夠填補眉毛間嘅空隙， 令眉毛睇落更加豐盈濃密， 而且完全唔會有假嘅感覺！ 妝效立體又自然，配合同系列嘅眉筆就更完美🥳 豐眉膏配備迷你精細刷頭，設計貼心， 可以輕鬆刷到每一根眉毛，連眉尾都可以處理到 即使係新手或者手殘黨，都可以快速上手， 輕鬆刷出完美眉妝，唔需要額外技巧 素顏: 眉毛不算稀疏，霧眉後都足夠明顯產品使用後: 冇用任何眉筆嘅情況下都可以幫條眉加色， 同時令條眉睇落去更加濃密
<看全文>
SwSw 好用推薦：一向都好鍾情於M·A·C 嘅彩妝，特別係唇膏，而除咗全新嘅Powder Kiss輕吻雲霧保濕唇膏之外，同系列嘅M.A.C Powder Kiss 輕吻雲霧唇頰霜都成為我嘅新寵兒！唇頰霜偏柔霧面質感，蘊含熱情果油、椰子油和乳木果油等多種滋養成分，保濕長達10小時，能有效柔焦修飾毛孔與唇紋，呈現朦朧嘅雲霧妝感。❤️ Powder Kiss 輕吻雲霧唇頰霜一物兩用，而顏色更加多，一共28種顏色，揀到人眼花撩亂！！！配搭咩style嘅妝容或唔同膚色點都可以揀到一隻適合嘅嘅顏色😍 用法好簡單，將唇頰霜喺雙頰或唇逐層堆疊至理想色澤，想要更高飽和度，就增加點塗次數，再輕鬆暈染，呈現柔霧嘅妝感。💕 #火熱新品 #火熱新品 #火熱新品
<看全文>iliya 好用推薦：#火熱新品 M.A.C Powder Kiss Lip + Cheek Mousse輕吻雲霧唇頰霜真心推薦❤️ 我今次選購嘅係Pink Roses，近似粉紫紅色，係帶點少女嘅粉色，輕輕塗抹一層就可以化個偽素顏妝。質地方面就係類似慕絲質地嘅唇頰霜，感覺輕薄唔黏笠，容易推開唔會結塊，打造出柔和嘅自然好氣色。 而且輕吻雲霧唇頰霜真係太方便啦！特別係補妝方面，一支就可以作為唇膏、胭脂兩用，細細支帶出街輕易就可以放到入袋仔入邊~ #火熱新品
<看全文>