找產品
上色持久 推薦好用產品
907 件
🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特
<看全文>Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。
<看全文>
YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。
<看全文>Kitty 好用推薦：話說前排經過萬寧，見到Kate呢隻小怪獸唇膏做緊discount，忍唔住手入咗支04號色！用咗幾日同大家分享下真實使用感啦～ 💄包裝設計 支唇膏係長方管身，雖然係膠殼但係手感唔差，開合都好順暢。 💄顏色表現 04號係帶點珊瑚調嘅蜜桃紅色，薄薄搽一層已經好顯氣色，厚塗就會更加有女人味。呢隻色幾適合日常用，唔會太誇張，黃皮都可以駕馭到，睇落個人都精神啲！ 💄質地感受 真心要讚吓佢個質地！塗上嘴真係好順滑，好水潤。完全唔會扯唇紋。本身驚佢會太潤容易脫色，但其實佢持久度超高，保持到輕盈感之餘又唔會乾燥。 💄持久度 食個輕食飲嘢都keep到六七成顏色，當然食飯就要補啦～不過以開架唇膏嚟講算係好好！唯一要留意係雖然宣傳不沾杯，但實際都有少少沾杯，但可以接受。持久度已經好過市面大部分水光唇膏。 💄性價比 唔過100蚊有咁嘅質素真係幾抵玩！比起專櫃唇膏絕對唔輸蝕，而且顏色選擇又多，之後都想試埋其他色號～ 總括來講，如果你鍾意自然得嚟又有氣質嘅唇妝，呢支04號真係唔錯嘅選擇！特別推薦比學生黨同OL日常使用～
<看全文>
Emily Leung好用推薦：全網第一！Nars 新色腮紅Please me🌸 Nars好會起名字！這個名字叫Please Me取悅我！專櫃試色好美，馬上激情下單購買！ 原相機自然光拍攝📷 這款胭脂是冷紫粉色，完全不挑皮。黃皮塗是清冷氣質美女！橄欖皮塗上直接白到白光。閃粉特別明顯，像月光一樣的細膩碎鑽感。 整體試色跟高潮有點像，揉開底色不明顯。本人覺得更適合跟啞光腮紅局部疊塗，或做高光使用。
<看全文>Kmggigi好用推薦：NARS Blush 高顯色、柔滑又有光澤嘅完美胭脂！✨ NARS嘅胭脂果然冇令我失望！ 粉質非常細膩柔滑， 用胭脂掃輕輕取粉都完全唔會飛粉，質感一流 上臉後非常貼膚，妝容自然又乾淨😆 我呢隻色係高顯色嘅類型， 所以用嘅時候記得要輕手上妝， 再用胭脂掃均勻推開，慢慢疊加， 效果會更加細緻自然 呢隻色非常顯氣色，仲帶有細緻嘅珠光閃粉， 上臉之後會有一種微微嘅光澤感，令妝效睇落充滿元氣又唔會過於誇張，日常同派對妝容都非常適合！ 💕
<看全文>
Sakura醬好用推薦：Excel三合一眉筆轉季實測！秋冬都唔怕變無眉娘 轉秋冬季真係煩～朝早涼冰冰出門對眉仲係靚靚哋，點知行兩步個太陽出嚟，額頭出少少汗就溶咗半邊眉...自從用咗Excel三合一眉筆，終於可以同呢啲尷尬講bye bye～ ✨ 一支搞掂仲要超順手 支野設計真係好聰明～眉筆芯軟硬適中（唔會話畫落去「吉」住塊面），眉粉嗰頭輕輕掃兩下就已經好上色！最正係個眉梳，梳兩下啲眉毛即刻整齊晒，成個過程快到你唔信！ ❄️ 秋冬持久度滿分 試過同班friend去打邊爐！成間舖煙霧瀰漫，出嚟個妝溶咗七成...點知對眉居然「企得好硬」！冇化開冇甩色，個眉形依然keep到～真心佩服！ 🍁 轉季必愛呢個位 天氣開始乾，但支眉筆唔會話畫落去「鞋掹掹」，反而仲好貼眉毛！個眉粉填充嘅部分仲做到啲啲茸毛感，望落自然到好似本身啲眉毛生出嚟咁～ 💡 小貼士 如果想個眉妝再持久啲，可以畫完之後輕輕印少少碎粉上去～咁就真係風吹雨打都唔怕啦！ 總結： 轉秋冬季成日因為溫差搞到眉妝溶咗一撻撻？Excel呢支三合一真係幫到手！價錢合理又耐用，一支解決晒畫眉嘅煩惱～而家我朝早畫完眉，成日都唔使點補妝，真係慳返唔少時間！ 轉季都ke
<看全文>Daisy好用推薦：自用PD01 當初想要購入三合一眉筆眉粉眉刷組合，試用過幾隻牌子，excel最有驚喜。 Excel呢支眉筆上色出色又唔會太硬色，眉粉配合上色。顏色有多個選擇，染左頭髮都可以配返相同頭髮顏色。
<看全文>
Fng好用推薦：Opera 柔潤亮澤染色唇膏#05 Coral Pink夏日自然好氣色之選 Opera呢支染色唇膏絕對係偽素顏神器！同其他日系唇膏（如Canmake、Cezanne）相比，佢贏在極致水潤輕薄——質地似有色潤唇膏，一塗即溶入唇紋，唔會卡皮或積色，仲有SPF15防曬，啱曬夏天用✨ 熟齡偏乾唇實測：帶妝8小時依然保持水潤感，無須補搽，持久度驚艷！食飯後顏色會輕微脫落，但底色依然自然（似本身唇色透紅），唔會斑駁尷尬。相比Canmake較黏膩、Cezanne較顯唇紋，Opera平衡度做得最好～ 推薦色號：#01珊瑚紅、#04透明紅（黃肌顯白之選）。唯一要注意係遮蓋力唔強，深唇色要先打底。 推薦給：✔️ 追求自然水光唇妝 ✔️ 怕唇膏乾顯紋 ✔️ 夏天想要輕透防曬唇膏！
<看全文>lonia好用推薦：聽聞OPERA嘅唇膏好用，所以去日本旅行嘅時候就買咗一支返嚟。個人喜好偏橙色調同水光感嘅唇膏，所以就揀咗色號05。呢支唇膏感覺好滋潤，唔會顯唇紋。上色度亦好好，搽兩下已經上到唇膏應有顏色，難怪咁多人力讚。下次可以試吓買其他顏色～
<看全文>
zzzhelen好用推薦：依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）
<看全文>Kitty 好用推薦：本身見佢呢隻係日本開架人氣款，話防汗防油仲要超持久，我咁易溶妝嘅油眼皮當然要試吓啦！ ✨筆芯軟硬度： 一畫上手覺得超順滑！筆芯偏軟但唔會易斷，輕輕一畫已經好顯色，唔使用力壓眼皮～對於新手來講好友好，畫內眼線都唔會拮眼！ 🔥持久度測試： 我朝早9點化妝出街，到夜晚7點返屋企～期間冇補過妝，眼線竟然冇溶到！只係眼尾微微淡咗少少（我仲眼皮易出油添！）。超防水，測試過，就算用洗手液都洗唔甩。真心佩服佢嘅防水抗油能力～💪 🐼防暈染表現： 完全冇熊猫眼！之前用過唔少開架眼線筆，到下午就暈到落眼袋，但呢支真係乖乖哋留喺原位～就算戴住口罩焗住塊面都頂得住！ 💦卸妝難度： 雖然佢持久，但用眼部卸妝液敷10秒左右就抹得走～唔使捽到眼皮紅晒，呢點我好滿意～！ 缺點都要講吓： 個設計系用幾多轉幾多，一次轉太多出來收不返去容易斷，同埋如果筆頭可以再幼細少少就更完美，畫極細眼尾線會更精準～ 總結： 百零蚊支嘅開架眼線筆來講，性價比超高！油眼皮姊妹絕對可以入手～建議畫眼線前先撲少少碎粉打底，效果更無敵！💖
<看全文>
Chloeincosme好用推薦：呢排終於試咗傳說中嘅 Charlotte Tilbury 四色眼影盤（買完平替excel1最後都係忍唔住入手CT😂），果然名不虛傳，易上色唔飛粉，閃粉比Excel大粒少少，歐美感重啲，但又可以輕鬆畫到近期好興嘅「白開水」妝容♥️ 🤍 粉質與顯色：5/5 粉質細滑如絲，一掃就上色，暈染度超順手～深色夠實淨，淺色透薄有層次，即使新手都輕易畫出專業感！ 🤍 閃粉效果：4.5/5 閃片比Excel更璀璨，顆粒稍大但唔會飛粉，厚搽光澤偏歐系華麗感，但用指尖輕拍眼頭或臥蠶，即刻變溫柔韓系水光～ 🤍 實用度：5/5 配色設計聰明，跟住官方教法三步驟就完成日常妝，濃淡皆宜！想要「白開水」妝容的話，用啞光色打底加少少閃片點綴已經好清透！ 🤍 持久度：4.5/5 帶妝10小時都冇積線或褪色，閃片依然緊貼眼皮，油眼人都撐到一日！ 總結： 如果預算允許，CT眼影盤絕對值得投資！佢完美平衡咗歐美顯色度同亞洲清淡妝感，一盤搞定多種風格♥️
<看全文>pinky好用推薦：自購左2次，買黎送比朋友1次😆 以前覺得眼影唔使買專櫃級 但CT眼影系列質地好幼滑 顯色度高 好易攞粉🎨 而且每盒顏色配搭都十分好看😍 一盒就輕鬆化曬成個眼妝 岩曬d對眼妝無咁熟練既靚女們♪( ´θ｀)ノ 而家佢地既閃粉格真係好sharp好出色！！ 拎黎做highlight都得 雖然價錢貴少少 但經過呢2年使用後又覺得都值得 好過買左盒平野完全唔用/唔記得左 因為好用既產品唔使刻意自己都識搵出黎用呀🫶🏻😆 黎緊年尾咁多party 各位可以考慮入手haha(≧▽≦)
<看全文>
wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！
<看全文>🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品
<看全文>
yuyikyi好用推薦：已經試過不同品牌的啡色和啡黑色眼線液，這枝uzu品牌的眼線液簡直係世一，大推！！！已用過超過五支！ uzu 眼線液顏色的選擇很豐富，單單是啡色的眼線液已經有多種不同色調色調，它們畫的效果有比較自然的，讓眼神看起來更柔和，如果喜歡有明顯眼線，除了黑色，uzu的黑啡色都係好自然又有化妝感的好選擇，不像被一條黑線框實。大地色的選擇全部都很百搭，適合日常妝容同時也能輕鬆駕馭各種色調的眼妝。 我的眼皮屬於偏油性的，這款眼線筆用起來順滑好畫，很容易畫出幼幼尖尖的眼線，防油的同時也持久，一整天下來也沒有脫妝的情況，油眼友好的產品。此外，卸掉眼線時簡單用眼唇卸妝液或是溫水，便能輕鬆卸掉。
<看全文>royu3好用推薦：升級版的UZU Eye Opening Liner，延續「Mote Liner」的各項優點，打造出更出色、更持久的眼線液！ 依舊是有設計感的8角形筆桿，不會出現舊版筆桿掉漆的情況；而且手感良好，方便繪畫出理想線條。毛量竟比前身Mote Liner 的提高了28%(#ﾟДﾟ)令筆觸更柔軟順滑，更易控制線條與弧度，新手使用也OK⭕️升級版的防水度更提升了200%，特別適合於炎炎夏日，能持續耐水、耐油、防暈染！保證流眼淚也不會溶掉👍🏻 用水沖擦模擬流淚的情況，完全沒有脫妝的情況出現⭕️未知是否因防水度提高，眼線液變得容易乾掉，很快就畫不出墨水，而且多了一層塑膠感❌ 雖然如此，UZU 眼線液還是承繼了前身的優點，能避免變成「熊貓眼」🐼 是現時市面上，開架眼線液的優質之選👍🏻 #夏季戀愛感妝容
<看全文>
Fng好用推薦：日本開架王者Excel 4格眼影一直係OL同學生黨最愛，號稱「平價版Lunasol」，主打「零技巧都能畫出日系透明感眼妝」！我買咗SR06，暖調玫瑰棕，熱賣色。 我上妝無打底直接上，手指+附送海綿棒 。 💟優點: 粉質軟糯似專櫃，摸上手似「濕粉」咁順滑，完全唔飛粉。日系清透光澤，最淺格嘅珠光超細緻，唔會閃到盲，偽素顏心機妝首選！ 冷氣房8小時冇積線，出街2小時微微溶妝但冇變熊貓眼。趕時間用手指亂抹都均勻，深色格畫眼線仲唔甩色，懶人恩物～ ❌ 缺點:顯色度偏自然，想要歐美cut crease效果會唔夠力，要重複疊擦3-4層先明顯。 深色格較乾，最深色格粉質冇其他3格咁軟，乾肌用可能少少卡雙眼皮摺。 🌞 香港夏天適用度 - 混合肌：直接上妝已夠用，持久度合格！ - 油眼皮：一定要打底，否則半日後漸消失 📢 總結 Excel 4格眼影絕對係「開架價錢，專櫃質感」！尤其適合香港夏天追求快速+自然妝效嘅女生。雖然油眼皮要打底，但整體性價比超高，難怪長期霸佔cosme排行榜！ 開架中無敵手！真係平靚正～ #日系眼影
<看全文>Julianna好用推薦：呢盒眼影盤真係開架眼影嘅天花板。四色配搭好實用，唔論係上班妝、約會妝定平日素顏想加少少精神感都啱用。我買嗰隻係偏暖啡＋裸粉tone，上眼之後帶自然閃爍感，有層次又唔浮誇。最鍾意係佢粉質好細緻，唔飛粉而且暈染得好順手，化個眼妝完全唔費力。用咗咁多開架牌子，excel 算係少有做到咁貼膚同顯色嘅一款。特別係中間兩格色，一啲都唔會冇存在感，反而令雙眼睇落有神有神。不過唯一小缺點係個盒設計偏大少少，冇附眼影掃，出門要自己拎掃少少唔方便。但整體係回購意欲好高嘅眼影盤，我已經開始考慮入手其他色系啦！
<看全文>
wcm好用推薦： Kate眉粉一直是我的愛用！除了畫眉超自然，還意外發現它非常適合當鼻影！一盤三色的設計很實用，淺色混中間色可以畫出霧眉，最深色則能畫眼線。而最淺的咖啡色帶一點灰調，拿來修飾鼻影非常自然，不會顯髒或過紅，輕鬆打造立體輪廓。 超級實用！！ 粉質細緻好暈染，持久度也不錯，一整天不太掉色。附的雙頭刷雖然小巧，但斜角刷畫眉+眼線、暈染刷修鼻影都很順手，出門帶這盤就能搞定眉毛+眼線＋鼻影，超級方便！ 整體來說CP值很高，特別推薦給喜歡自然妝感或懶得帶太多彩妝品的人！
<看全文>Vivian好用推薦：在日本@cosme 購入的限定色，無需多講能媲美專櫃品牌的眉粉，三色從眉頭畫到眼眉，顏色自然持久顯色，內附小掃形狀也十分適合勾劃眉型，而且細細盒方便帶出街或旅行都得，容量大價格便宜性價比高
<看全文>
Kitty 好用推薦：Love Liner 眼線筆 -- 粉紅風暴！夏日玩妝必備，筆尖幼過針、持久到喊！💖 講真，用厭晒啲例牌黑色啡色眼線未？今次真係忍唔住要同大家分享呢支Love Liner 眼線筆！本身佢係日本開架紅牌，出名夠持久同筆尖超幼，最癲係顏色多到揀花眼👀！我今次專登破格揀咗粉紅色！冇錯，就係粉！紅！色！夏天熱辣辣，成日化黑棕真係悶到瞓著，不如玩大啲，用粉紅眼線撞出夏日元氣妝啦～✨ 重點實測：係咪真係咁神？ ✅ 1. 筆尖幼到離譜！手殘都勾到精緻線條。 講真，我呢啲成日手震嘅人最驚畫眼線！但 Love Liner 支筆尖真係幼過針咀，畫落眼瞓超順滑，零拉扯！勾眼尾尖位、填內眼線，甚至喺下眼瞓畫幾條假睫毛都冇難度，精準度💯！筆頭夠硬淨唔會散，新手都操控到～ ✅ 2. 顯色度爆燈！粉紅一畫即搶FO 買粉紅色最驚唔顯色或者似發炎… 但 Love Liner 呢支粉紅一畫就出色，仲要係好透亮嘅櫻花粉💕，唔會俗豔！質地水潤，一筆就均勻上色，唔使來回畫（來回畫易甩㗎！）。日光下睇似夏日汽水咁清爽，夜晚有燈光仲會帶少少光澤，靚到癲！ ✅ 3. 持久力真係痴線級！油眼都頂到全日 重點嚟喇
<看全文>Emily Leung好用推薦：Love Liner眼線液用後感｜手殘都畫到超順滑眼線！ 近期化妝袋必備！Love Liner纖密流暢防水眼線液真係名不虛傳，絕對係手殘黨恩物！ 包裝少女心滿分！支筆身好拎，筆頭係彈力毛刷款，唔會太軟亦唔會太硬，超易控制。 點解咁好用？ 最大賣點係個毛刷筆頭，出水量啱啱好，一畫落去就好流暢，顏色濃黑，一筆就已經好顯色。完全可以畫到由幼到粗嘅唔同線條，連眼尾嗰下「小勾」都可以好輕鬆完成！ 睇下個筆尖幾幼細！喺手背畫線，線條實淨又順滑，零斷開。 持久度爆燈？ 我試過帶妝成日，又出汗又出油，條眼線都冇溶開冇暈染，真係堅防水防油！夜晚返到屋企，都仲係完好無缺，唔使做熊貓眼。 畫出嚟條眼線好sharp又順滑，仲可以好輕鬆拉長眼尾，放大雙眼效果一流！ 總括來講： ✅ 優點： 筆頭極易操控、畫出嚟線條流暢、持久防暈、顏色濃黑 ❌ 缺點： 相對開架價錢貴少少，但絕對值！ 咩人必入？ ➡️ 成日手震畫唔到直線嘅新手！ ➡️ 油眼人士，受夠咗暈妝煩惱！ ➡️ 鍾意畫精緻眼線嘅你！ 一支解決晒畫眼線嘅煩惱，真心推薦！
<看全文>
TsuenMa好用推薦：HEAVY ROTATION #自然眉妝 #日系 09號色Natural Brown✅標榜係吾會失敗嘅顏色 呢隻色應該係無論染深啡色定啡色都可以搭配得到💖 一條無甘黑甘實色嘅眉，可以令到整體嘅氣場溫和吾少，增添日系妹子嘅氛圍🌸 一枝大概60-80蚊左右，但一枝細細枝就算日日用都可以用到好耐，性價比好高，推薦盲入手，吾洗多諗試試佢😙 我諗我會想試埋佢其他色，襯吾同嘅裝感同髮型，但呢枝色會係化妝包入面嘅常駐item 🥰 效果圖：
<看全文>Sonia0525好用推薦：@Cosme購入之後，使用一段時間，發現好好用 有時我趕住搭巴士，會帶出門口，巴士上補色，好方便，使用方法簡單，顏色自然，上手容易，會再回購  係手上輕輕掃一下，顏色比較淺 通常會再掃多下，配搭眉筆、眉粉一齊用
<看全文>
Poyobb好用推薦：市面上出咁多五彩繽紛嘅眼線液，其實最務實一定係用返黑、啡、灰色，百搭顏色✏️ 呢支係Kiss me Heroine Make 系列極緻持色纖細眼線。筆尖十分幼細，毛筆在十分尖細，只有超細0.1mm，即使貼住睫毛填空白位都好容易，上眼線可以描繪到好完美既弧度粗幼，非常乾脆俐落。如果新手想用眼線液買佢就練習最好。 墨水出色均勻，沒有化開 ，顯色強。市面眼好多眼線液嘅黑色同啡色相差不大，超推薦我手上呢05灰啡色，添加返眼神之餘，又帶點柔和感🫧 即使上翹形眼線or平衡延伸眼線，當天鍾意邊個造型都可以使用。一直以來用眼線筆描繪內眼線，會痕到流眼水，反而用返呢支眼線液就冇問題。 持久力強，而且係寫住super water proof。用於內眼線全日都沒有溶妝，夏天去沙灘眼妝淨係用眼線液同睫毛液，眼線液係唔會甩，唔會化開。但一用卸妝油就已經寫卸好乾淨沒有殘留。 好多開架日本品牌嘅眼線液好好，Love Liner dolly wink，但最後都係揀返Kiss me 💕
<看全文>Summer好用推薦：Kissme眼線液係我用過咁多個牌子最好用嘅一款，佢夠晒幼，畫上眼好易操控。我出親街都會化妝，畫眼線係絕不可少，Kissme呢一隻係唯一一款我試過嘅係唔甩色，維持到全日嘅眼線液，大推呢一隻，同埋佢好易上色，又好滑，畫上眼好易上手，完全唔會怕失手。 係可以畫到咁幼！
<看全文>
Chloeincosme好用推薦：Canmake既臥蠶眼影有幾出名唔洗講，而你見我用到凹晒就知我有幾鍾意用佢。有自從買左佢之後，畫臥蠶完全係得心應手，毫無難度。🤣 我自己包晒01/02 色，不過最中意都係01🥹 4 格既粉質都好幼細，唔飛粉，成盤分左做4 格，1 同2 係膨脹色，畫係臥蠶位，3 號深色用黎畫臥蠶線同下置。4號係好幼細嘅閃粉，可以點係眼皮。 大概就係上圖既畫法，手殘如我都冇問題。 畫出黎隻眼大左好多🥹🥹 另一樣好surprise既係日系眼影通常好快冇晒色，但canmake呢隻臥蠶眼影完全唔會！ 建議未入手既真係可以試吓，$80 有找既價錢就可以令個眼妝更精緻！推薦！😗
<看全文>YiN好用推薦：講到開架好物，canmake嘅淚袋眼影盤01號色一定有份。一度喺sns好hit之後引起香港日本都大缺貨，我買嗰陣都搵咗一段時間。要強調返好用嘅係01號色，我另外買咗05號色，就真係唔係咁好用，下面會講原因。細細盒，內附海綿頭同掃頭嘅專用掃，帶出街用都方便，不過我習慣用返自己嘅眼影掃。 一盒有四格色：微微反光嘅米色、米色珠光、金色半透明閃粉、啞光輪廓陰影，原意係可以一盒做到淚袋嘅突出光面同畫下陰影線。畫喺手上就係咁嘅色。以佢本身嘅用途黎評論，冇錯係可以畫到一個有凹凸感嘅淚袋，佢係一件合格嘅產品，但其實如果你手上有其他類似顏色嘅眼影一樣做得到。 粉質黎講其實冇特別好，尤其佢格閃粉，一定要用海棉棒上啲閃粉先會密，同埋上眼之後啲閃粉會甩返落嚟，所以我好少用呢格。至於陰影色好睇你本身膚色夾唔夾，01色嘅陰影色偏橙，喺我膚色上係做唔到自然嘅淚袋陰影，但用嚟加深眼尾係幾靚嘅。至於我買05色，粉質基本上差唔多，只係變成淺紫色基調，我依家都係當普通眼影用。 咁點解我仲會話佢係開架好物呢？係因為佢左邊格微微反光嘅米色係淚溝神器！ ✅提亮淚溝一流 近年大家興講啞光高光提高面部平整度，好多品牌都開始出好多淺
<看全文>
TsuenMa好用推薦：#Dior Addict Lip Glow 004 CORAL 一見到呢枝唇膏嘅外型就比佢吸引左，小香水瓶嘅設計，加埋透粉紅嘅配色，充滿少女感，拎出黎搽嘅時候，相信會好吸睛🤭🤭 色號揀左004珊瑚色，對於抗拒大紅色或者好怕Barbie 粉紅嘅人會係一個吾錯嘅選擇。本身我比較健康膚色，所以岩搭一啲偏橙的胭脂或唇膏。 質地好滋潤明亮，適合乾唇嘅人，但比較容易掉色，搽完飲水會好易印左啲唇膏上去杯到。所以可能要補得密啲，或者食完晒野先再搽會好啲。 總括而言，呢枝都係一枝好靚好吾錯嘅唇膏💄
<看全文>Candy Ng好用推薦：大家想出街，不被人發覺係好重妝容感，又要令自己睇上去有些氣息，好建議大家用527號色。 它雖然上唇不是明顯的顏色，係令你睇上去自然感重d 的淡豆沙色，大家隨意出街，不是化全妝，但係用一些出色的唇膏，吾化全妝，就會令自己睇上去有d 奇怪。 甘用#527 號色，就無呢個感覺，淡淡地為你地帶出自然的小妝容感🤭而且它都幾滋潤感，有光澤，大家睇我用得都多，就知道平日出街，我有多隨意，又多喜歡用它💗
<看全文>
lingbb好用推薦：-用咗超過3 支，外型係好粉嫩透粉外殼，殼如其美，完全係滋潤度高打造自然透亮粉嫩唇色，鐘意飽和度唔高嘅潤唇膏我推薦呢款！ - 隨住身體既熱感，唇部會隨之變得唔同色，以我經驗，當你個人夠暖，顏色會愈黎愈深色。 -如果咀唇有乾皮或咀唇偏乾先打好個底，例如磨砂磨走多餘既死皮先用 - 呢個系列暫時最鐘意用#005 色，原本唇色無血色，用完會變得好自然既唇色，唔會太深或唔出色， - #001 對我黎講太淺色 - #010 係帶閃粉既holo pink，要塗厚一點先比較顯色，🧐 - 我會推薦#005lilac顏色！🤩
<看全文>wcm好用推薦： 如果偏愛自然妝感，這支很適合你！ #01經典粉： - 上唇是超自然的「初戀粉」，完全不會死亡芭比感 - 顏色會隨體溫變化，冷膚色用起來更顯白 #02活力橘： - 實際上是「蜜桃橘粉」調，黃肌用也不顯蠟黃 - ️ 比01更顯氣色，素顏擦像天生好唇色 - ️ 陽光下會有微微的光澤感，超適合夏天 - 兩支疊擦也超美，01打底+02唇中暈染 - 滋潤度超好，能立即撫平我脫皮的唇紋 - 持久度中等，喝水很容易會掉但不會斑駁 - 薄荷香味很淡，不會刺激敏感唇 （小缺點：價格偏高，用很快，不過還是很漂亮！）
<看全文>
Kitty 好用推薦：Dior 唇膏嘅包裝一向無得輸，拿上手沉甸甸嘅，經典嘅深藍色配銀邊，個感覺已經贏咗！帶出街補妝個陣，虛榮心即刻飆升，哈哈！ 🎨 顏色：超靚木玫瑰豆沙色🎨 #720色號係一隻好微妙嘅顏色！佢係一隻帶住少少啡調同粉棕調嘅豆沙色，但唔會好似普通豆沙色咁悶，裡面仲有微微嘅玫瑰色調，所以佢有個咁詩意嘅名叫做木玫瑰。 - 對黃皮超級友好！我本身係黃二白，搽上嘴完全唔會顯黑或者顯黃，反而即刻睇落個人好精神、好溫柔。 - 顯色度：遮蓋力好好，我本身唇色偏深，薄薄搽一層已經能夠還原到唇膏本身嘅顏色，仲好均勻。 - 場合百搭：呢隻色真係唔挑場合！平日返工、見客，佢低調得嚟又有品味；周末去Cafe打卡、或者夜晚去食飯，佢又顯得你好有氣質，絕對係一支唔會出錯嘅萬能唇膏！ 💋 質地：絲絨啞緻，高級感之選 💋 呢支係柔霧啞緻質地，但係！佢一啲都唔乾！ - 順滑度：搽上嘴個下好似絲絨咁順滑，完全唔會拉扯到嘴唇。 - 滋潤度：雖然係啞緻，但裡面應該加咗保濕成分，我唔打底直接搽都唔會覺得繃緊，亦唔會顯唇紋（當然，如果本身唇況好差，點都要做返個基本護理啦）。 - 持久度：食嘢飲水當然會甩少少，但唔會成層甩到冇晒，底
<看全文>KDing好用推薦：我用既色號係720號既玫瑰色，搽上嘴好顯色，上嘴顏色都幾深色，搽上嘴好係紅噹噹，絕對係招財嘅顏色，所以好適合去朋友屋企拜年嘅時候，打牌嘅時候贏到開巷🤓 同埋有啲好重要，就係呢支唇膏拎出嚟補妝嘅時候都覺得貴氣十足，顏值已經拉滿咗。本身支唇膏嘅質地都係偏向matt身，所以都要用少少潤唇膏嚟打底，咁樣冇咁容易起死皮。 唇膏嘅持久力都算幾高普通飲嘢飲咗幾次之後嘴唇嘅顏色都唔會話甩得好嚴重，補妝嘅次數唔需要太多。 顯色度：4/5 啞面唇膏
<看全文>
Chloeincosme好用推薦：講到開架好物，不得不介紹一下我係日本購入Canmake 8色眼影盤。canmake出眼影出左好耐，但幾年前買我覺得佢太易甩，呢兩年好左好多！帶妝全日都仲有色！ 我買入既係02號色，係好岩淺夏皮膚既顏色！ 其中我最鍾意下面個排左二果格，係好低飽和的玫紅粉紅色，另外右上角既香檳淺粉閃都好鐘意，最常用就係佢地🤣（右上用到鐵皮了）（支掃係日本整唔見左😅🤣） Canmake雖然係開架牌子，但呢盒眼影粉質真的不錯，上眼之後唔飛粉！而顏色亦好實用，除左右下既深啡色我嫌佢唔夠實色搞到畫唔到眼線，呢到扣左D分，但其他幾隻色都好OK! 望下上眼效果：佢可以做到日系眼影追求既自然透明感，容易blend開，閃粉幼細，令眼妝更日系（但如果鍾意大閃片既就要考慮返韓牌啦🧐）上眼皮中間搽左眼影盒右上角閃粉果格，有種自然水光感。（發現過左相機唔多唔少食左少少色😢） 推薦小資女如果想搵盒CP好高既眼影，可以試下呢盒！ . #開架好物 #透明感
<看全文>Kura好用推薦：canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕
<看全文>