顯色 推薦好用產品

Chloeincosme好用推薦：呢排用緊 Excel 單色眼影，一如既往咁好用！雖然逐粒打開有少少唔方便，但除此之外真係冇咩缺點～ 🤍 粉質細膩度：5/5 粉體壓得實淨又軟糯，手指或掃具都易上色，暈染自然唔結塊，單搽一層已經有通透感！ 🤍 顯色度：4/5 日系一貫清透風格，顯色度適中，重複疊加都唔會厚重，適合鍾意自然妝感嘅人～ 🤍 持久度：4/5 帶妝大半日只有輕微減淡，冇飛粉或積線問題，油眼皮建議加底霜更穩陣！ 🤍 便攜度：3.5/5 逐粒獨立包裝雖然衛生，但出門想帶多幾隻色就有啲麻煩🥲 總結： Excel單色眼影品質穩定，色號又多，無論係打底、提亮定重點色都搵到心水～絕對係日常淡妝嘅可靠之選！會繼續回購其他新色～

Fng好用推薦：excel 眼影我買咗 d01 偏粉色， s02 偏金色， 粉質幼滑，有細閃粉，珠光妝感，容易地handle 清透妝容，細細盒易收藏。

Rosa好用推薦：非常方便 ，因為泡泡豐富能夠滲透每根頭髮，染出嚟啲頭髮非常均勻。我大約等咗30分鐘左右清洗，效果接近圖片顏色 而且說明書非常容易理解  至於缺點方面 開始用上頭髮的時候 氣味有點攻鼻 但這種感覺也很快消失

維他他好用推薦：用過n咁多次，每3月個月左右就染一次，因為開始布甸頭喇，我最愛的色係愛爾蘭棕，但係呢隻好難買，如果見到我一定會入幾支，隻色好自然，啡得好靚。之後主要都係買焦糖色或者奶茶色，但係奶茶色有啲太淺，返工好似唔係幾好。 超方便使用，將兩支液體混合，慢慢溝勻，再換咗個嘴，帶埋手套，就可以開始染髮，長頭髮都要染幾耐吓，同埋都會用咗2/3支，之後我會等半個鐘，就會去洗頭，當然要用埋佢附帶嗰個護髮素，洗完之後頭髮會順滑好多，有輕微嘅染髮味道，大概會留三日左右，之後就冇味道。 唔敢用紅色，紫色呢啲，每次都係用啡色 試過用另一隻牌子嘅泡沫染髮，但都係呢隻好啲

Kmggigi好用推薦：Homei Weekly Gel — 易上手、易卸除，輕鬆玩美甲💅 質地: 呢款Homei Weekly Gel嘅質地同普通指甲油差唔多，延展性好、容易上手。 品牌仲有推出配套嘅Peel Off Serum Base， 用咗之後可以輕鬆撕除甲油，完全唔傷甲， 對經常轉款嘅人嚟講真係非常方便。 款式: 色號選擇非常豐富， 我用嘅係貓眼系列，磁吸效果靚又有層次感。 不過要注意，磁石棒需要另外購買， 想打造閃亮貓眼效果就要準備好工具。 效果: 塗抹時顏色均勻順滑，雖然色澤偏淺色系， 但通常上一至兩層已經夠飽和。 照燈固化後效果光滑細緻，有專業美甲店既視感！ 唯一缺點係持久度唔算高——大約3至4日就會開始脫落，未必做到官方講嘅「weekly」效果。 不過相對優點係，完全唔傷指甲！ 對於平時用普通指甲油容易令甲面變脆、變薄嘅人，呢款真係輕鬆又安全嘅選擇。 用完三日後效果: 雖然甩咗四隻，但係指甲表面完全冇花！ 總結：輕鬆玩色，溫和不傷甲的入門gel甲 Homei Weekly Gel集易用、易卸、顏色靚於一身， 雖然持久度一般，但勝在對指甲零負擔。 適合想間中玩下美甲、又唔想太花

Suidan好用推薦：我呢色號係 NE-43 SHINY BEIGE，有好微細既閃粉，令指甲望落更美更健康。而呢支GEL甲油使用好方便，只需一支便可以做到gel甲，好合適懶人使用。

Desse好用推薦：長期回購眼線筆💓💓💓 圖中畫眼睛嘅就係喱支啦🧏🏻‍♀️ 我揀眼線筆嘅基準就3樣.. 1. 易控 2.顯色度高 3. 唔易甩色 都係最基本嘅準則 喱支就3樣都齊🌟 💡筆尖幼細易控 基本上番手畫多兩次都唔會過粗過深.. 超級易操作.. 筆尖夠細..拉長尾端都好自然 💡顯色度高 特別係啡色支眼線筆.. 一筆上色.. 啡色好溫柔 💡不易脫妝 佢寫嘅24小時真係無呃人🫢 7點化嘅妝.. 打完牌番到屋企2點幾.. 都仲見到條眼線🫢🫢 總結係… 絕對值得盲沖🫢🫢

Ressie14好用推薦：一支「好用 + 值得推介」既眼線液, 就如用在臉上既一支「科學毛筆」。 MAC眼線液筆咀之纖維毛料, 喺觸覺上堅挺身, 帶彈性; 視覺上可見佢筆尖鋒銳, 可畫微細線條; 筆性令我輕易, 流暢地畫出眼線, 手殘既網友都唔會出事 ; 第二係MAC眼線液容量充足 0.67ml ; 用左成支+有不慎意外跌過、飛過落地, 筆殼設計良好, 有好好保護筆芯以致唔會斷墨/有多餘外滲。 持久度方面, 出汗遇水都保持完貌 ; 包裝係全黑外殼, 低調實用, 望到呢支眼線液已經覺得好醒神! MAC眼線液綜合實力一流, 係我最信任+每日都會用得著既美妝產品。

格仔餅公主好用推薦：我個人用手指上呢盒都已經覺得好靚，唔係好使技巧，因為佢個粉質好貼服同顯色，建議眼影新手唔想買太貴但又質素唔差既product攞嚟訓練畫眼影簡佢都唔錯

mavis好用推薦：顏色配搭都好容易用，就算係新手都唔會難畫，盒入面有埋掃，帶去旅行都好方便

Fng好用推薦：CANMAKE 透亮珠光胭脂粉 #P01，絕對係胭脂平價必選！ ✨ 優點： ✅ 平價高CP：百元內有交易，學生黨恩物！ ✅ 珠光細緻：#P01帶淡粉珍珠光，黃皮上臉自然提氣色，唔會顯毛孔或變金箔臉 ✅ 輕透妝感：日系透明感十足，重手都唔會變關公，適合淡妝日常 ✅ 內附掃具：附送小掃方便補妝，雖然質素普通但應急夠用 💦 持久度： ✅ 冷氣房內約4-5小時開始變淡（需補塗） ❌ 戶外出汗或戴口罩摩擦後掉色快，約2-3小時需補妝 ⚠️ 油肌建議先上啞光底妝，否則珠光易顯毛孔 🌞 香港夏天表現： ✅ 粉質算細膩，無結塊或飛粉問題 ❌ 濕度高日子易溶妝，建議定妝噴霧加固 ⚠️ 缺點： 1. 顯色度偏弱，白皮用自然，黃深膚色需疊擦3-4層 2. 附送掃具難取粉，建議自配胭脂掃 3. 大油肌夏天用可能加速出油 總結：係一支「合格嘅開架珠光胭脂」！適合預算有限、追求自然透亮妝效嘅學生同OL。香港夏天用要記得出門前加固定妝，同埋深黃皮可能要用多幾掃～💖

Kura好用推薦：呢款珠光胭脂粉係打造戀愛粉嫩妝容嘅必備單品，胭脂嘅設計就係滿滿嘅戀愛氣息，心型設計非常符合情人節嘅主題，胭脂粉質細膩，搽上臉顯色度高，飽和度高，就算夏天用都唔會容易溶妝，同埋所有顏色都超級靚，閃粉亦都好靚，整體妝感自然，有氣息，我係選擇包色，咁就可以打造到唔同主題嘅戀愛粉嫩妝容啦，超級適合約會時用 @cosme

mavis好用推薦：非常之容易畫，畫一下已經好夠色，好容易就畫到一條又幼又靚嘅眼線

iliya 好用推薦：呢枝啫喱眼線筆真係防水防油，唔易暈化，而且容易控制，簡單就畫到一條完美嘅眼線，意外驚喜😍😍😍

Fng好用推薦：喺品牌未撤出香港前，專櫃買，佢顏色係大地色系，夠百搭，顯色度高，粉質細緻。 春夏秋冬都用得著， 同埋閃粉細膩， 冇飛粉情況 ，值得入手。

xkatxx好用推薦： 一盒16隻顏色 基本上任何膚色任何場合都岩用👍🏻 無論淡妝定濃妝都可以用 十分之推介👍🏻  相類近嘅色系已經配埋一齊 基本上唔使點諗配搭🤭 當中嘅閃粉亦都非常出色 普通用手指或者眼影掃已經好容易鬆開佢👍🏻👍🏻 新手都好岩用👍🏻 唔算容易飛粉  眼影盤嘅周圍同鏡面都好乾淨👍🏻👍🏻呢一點好抵讚！ 顯色度 ⭐️⭐️⭐️⭐️ 順滑度⭐️⭐️⭐️⭐️ 持久度 ⭐️⭐️⭐️⭐️ Cp值 ⭐️⭐️⭐️⭐️⭐️

Fng好用推薦：benefit 胭脂液唔好睇佢外表顏色咁紅， 就以為佢好難handle ，其實佢上臉後展現出嚟嘅係 好透薄嘅紅潤感，好自然，裝效十分持久， 自然融入粉底， 佢產品稱可以塗上唇，我試驗過 ，又係唔甩色，非常之持久， 但我本人唇色比較淺，所以可以用嚟作唇液，如果嘴唇 比較深色，佢就cover唔到你本身嘅唇色。

Sarah好用推薦：可以一物多用 當作腮紅 或者唇彩 顯色度和持久度都唔錯 而且水潤有光澤 不會引致粉刺 很安心

mcosmetics好用推薦：YSL呢支彩蜜唇色漆亮系列同佢個名一樣，搽出黎係有光澤但睇落唔油膩，而係嘴唇睇落幾juicy咁🩷 質地好輕盈，少少滋潤感。我揀左416號色，鐘意薄搽blend開睇落好有血色感☺️佢有明顯香味，係一陣果香味少少甜，個人覺得幾好聞，介意香味嘅話最好去counter試試先～掃頭扁平好好搽：佢會有少火stain, 抹嘴大約留30-40%顏色：搽完過左兩個鐘嘅效果，面頭嘅光澤稍為減弱：

SammyN好用推薦：色號為401&407。持色度久，唔乾。呢兩種適合唔同場合，亦好自然。

Cherrie好用推薦：集打底、眼影、眼線一身 唔使三分鐘就化到一個眼妝 非常方便易用 已經用咗好多年

iliya 好用推薦：一盒有齊底霜、眼影、眼線，而且塊鏡好大塊，非常方便攜帶出街補妝！

lingbb好用推薦： -L'Absolu Rouge Cream唇膏無論唇膏潤澤、顏色、都非常驚喜 - 唇膏管包裝精緻優雅精美，採用法國製造高級訂製唇膏殻，特別鐘意金色印花 - 打開唇膏方式都非常特別，要按一按頂部按鈕，唇膏就會由底部彈出，個蓋套返落去又會有「卡」一聲確保已關好 - 今次選擇咗#196 fresh touch cream ，係好優雅嘅橙茶色， - 唇膏含滋潤玫瑰凝霜成份，適合中意潤澤感嘅你， - 亮澤唇妝效果長達18小時， - 食完野會仲有剩，但建議要補補 - 非常大推！

葉子🍃好用推薦：一上唇很順滑，夠滋潤，色調係264，唇膏色有閃粉，但搽出黎又唔係好覺眼，但會凸出左甘，顏色很美，不顯唇紋，但比較易甩色，飲野同戴口罩都甩到有印

L好用推薦：喺松本清買，90幾蚊，見佢有五條悟聯名，即刻買返支，筆尖超細，順滑顯色，超持久，可惜冇咁容易上手。

zetalhc好用推薦：超級順滑同容易控制嘅眼線筆！十分推薦比新手用，顏色好防水防汗唔易甩色，但係用卸妝油就好容易可以卸走，性價比好高！

🌸好用推薦：我買嘅係306色，使用感很好，色澤自然顯白，而且快乾唔易甩。

940727.0好用推薦：Dior革新演繹其經典的指甲油：美妝甲油成為Dior首款注入花卉萃取兼具護甲功效的指甲油。極致亮澤的指甲油，締造持久高級訂製時尚甲色。 受大熱潮流及Dior品牌新作啟發，全新美妝甲油配方添加牡丹花及開心果萃取，配上色澤和諧的色素粒子，散發前所未見的高級訂製時尚格調。

jhope0725好用推薦：作為開價品牌其中一個王者，呢款產品實在好抵買，由日本購入，折實港元$40都唔使！ 呢一盒眼影，粉質算細，唔多飛粉 配色非常適合日常使用，一盒當中已經有齊光影顏色，主色調，同埋陰影顏色。不過光影嘅顏色飽和度相對低，查出嚟似透明加閃粉，而唔係有底色嘅粉色。對比起某啲品牌，三色或四色眼影都係差唔多深淺度，呢盒眼影就略勝一籌，三種顏色嘅深淺度非常明顯，一盒已經足以打造成個眼妝，臥蠶、眼尾輪廓都做到。 對於我呢種黃皮膚，特別喜歡佢嘅陰影顏色，非常能夠突出眼尾形狀，有助拉遠眼距、達至放大雙眼嘅效果！而且產品出咗好多顏色，適合唔同妝容，平平哋入手，買多幾款顏色都唔肉痛！ 產品size亦都非常迷你，出街、去旅行補妝都非常方便！ 不過提提，產品入面冇附帶鏡子，出去補妝要留意呢~ 至於持久度方面，就同佢價錢掛鉤了~ 大約三4小時後，眼皮就會開始出油，閃粉會堆積，不過以呢個價錢，我覺得產品質素已經係相當之高呢

Tszki好用推薦：細緻珠光，不含大顆亮片，而是細膩高雅的珍珠光澤。粉質被形容為潤滑且具有透明感，上眼後能修飾眼部暗沉，讓神采更加明亮。 服貼不飛粉，採用舒芙蕾配方，觸感綿密且抓粉力佳，即使直接用手指塗抹也能輕鬆推勻。 新手友好，三色配色邏輯清晰（底色、中間色、深邃色），不需複雜技巧即可畫出自然漸層。內附長柄雙面眼影棒，方便細部描繪。 用途多樣，最淺的「提亮色」效果顯著，額外將其作為臥蠶打亮或局部高光使用。 ·

SammyN好用推薦：顯色、持久，攞喺手有重量感。對我嚟講稍乾（如果唔打底會有碎碎）要搽潤唇膏打底先。

Fng好用推薦：366#burnt rose，特別顯白，天鵝絨質地，用起來貼服顯色又持久，不顯唇紋。

Miranda好用推薦：【質感】 呢盤眼影嘅粉質真係做得好好，軟糯細滑，用手指掂起已經感覺到嗰種高級嘅絲絨觸感。四格顏色嘅質地都好平均，啞光色順滑唔澀，珠光同金屬色嘅閃粉細緻，上面之後好貼眼皮，唔會飛粉飛到成面都係。顯色度屬於中等偏上，可以逐層疊加，唔會一下手就太重，新手都容易掌握。唯一要留意嘅係壓盤唔算好實，用化妝掃沾取嘅時候會有輕微飛粉，但考慮到佢嘅軟糯程度，呢個係可以接受嘅。 【使用感】 講到顏色，#720 撒哈拉沙丘嘅實物係一隻 好純正嘅冷調水泥裸棕，帶灰灰嘅煙熏感，完全唔暖唔紅。同官網圖嘅色差真係好大，官網圖睇落偏紅偏暖，但實物係清冷型嘅裸灰色調。如果你係俾官網圖呃咗而入，可能會覺得好失望；但如果你本身就想搵一隻真正嘅冷調水泥色，你會覺得呢盤簡直係寶。佢嘅冷灰調對黃皮嚟講意外地友好，唔會顯髒，反而有種高級嘅清冷氣質，好適合化煙熏妝或者打造「生人勿近」嘅時尚感。用手指上妝已經好順手，眼影同眼皮融合得好，冇界線。右上角嘅珠光色係低調嘅水光感，唔係粗閃片，上面之後好有質感。整體嚟講，顏色同官圖不符係最大嘅缺點，但如果你接受到實物呢種冷調水泥色，使用體驗係好好嘅。 【持久度】 持久度方面，呢盤眼影表

zzzhelen好用推薦：買咗有一段時間，依隻係100 Stora Dolls。本身諗住佢比較冷色，所以擺到天時凍先用佢，點知上眼效果超自然，日日用都得，顏色都係百搭，日妝又得，晚妝又得，簡直係相逢恨晚，馬上成為我2024年最喜愛眼影。我諗依隻色tone，啱哂所有同我咁上下膚色既人。 ysl眼影仲好易blend開，又顯色，點兩下既量就夠一隻眼既眼皮。重點色要少量多次先唔會太濃 以下係我用係日妝既時候 以下係我用前鏡影，會易啲見到閃粉 成個眼妝只要用右上大範圍打底，右下加深雙眼皮摺位，左上閃粉點亮眼中+眼頭，左下掃鬆眼線就完成啦

Kmggigi好用推薦：KISS ME-Heroine Make Long Stay Sharp Gel Liner係一款超易上手嘅眼線筆， 無論新手定化妝高手都啱用！✨ 眼線筆筆尖設計非常順滑好畫， 輕輕一畫就能畫出流暢嘅線條， 對於化妝新手嚟講，使用起嚟特別容易掌握，畫眼線再唔怕手殘！ 雖然呢款眼線筆用落非常好， 但要特別小心蓋筆蓋嘅時候要確保冇壓到筆尖， 避免筆毛出現分叉嘅情況，否則可能會影響之後嘅使用體驗。 上一支用到一半出現分叉嘅情況，確實有啲麻煩， 所以保存時務必要注意。 除咗好畫易用之外， 呢款眼線筆嘅持久度亦非常出色， 畫出嘅線條唔易暈染， 可以輕鬆保持一整日嘅妝容完整， 對於眼妝要求高嘅人嚟講係非常可靠嘅選擇。

羅小白好用推薦：呢個牌子防水防汗嘅效果從來都冇令我失望過，同埋用落都幾好，好上色，同埋好容易上手，不過佢嘅筆芯實在太幼，稍為用力都會壓斷咗支筆芯，亦都有可能係因為我唔識用啦，我畫一條眼線都可以壓斷兩次，反而同牌子另一個系列就冇呢個問題，建議可以將支筆芯整得硬啲，新手會容易啲上手。

Kura好用推薦：土灰色嘅陰影嘅修容效果真係好靚，雖然顏色有d暗沉，但搽上臉非常靚，我鍾意用黎修飾臉部輪廓真係非常自然，同埋令到塊臉變細勁多，係即刻變瘦同埋就算掃多咗都唔會覺得好奇怪，我會有個打陰影嘅技巧tips就係下巴位可以打圈上就算大範圍打都非常自然，令到我塊大臉更加細同埋精緻，妝容立體感非常突出 @cosme #陰影 #修容

Cheeeeery好用推薦：Canmake真係性價比極高既牌子！ 呢盒陰影粉我都用左好一段時間，早排先hit pan🤣 先講下產品本身～呢隻陰影粉粉質好細緻，亦都好易blend開～我買既係01色，呢隻色十分自然，上面唔會太明顯但係又可以見到效果，好啱新手用～不過我個人就覺得隻色太過暖色調，下次應該會買灰tone 啲試下🫢 而產品本身附有既掃既幾好用，掃上面唔會拮好舒服～而且都冇乜嚴重甩毛，size又啱哂掃鼻影～ 會回購呢盒咁抵用既陰影粉～

Sanna Cher好用推薦：選用526色號，為上年聖誕的款式，是比正紅色較深的色號，屬暖色，而且產品質地柔軟，有輕微的霧面感。 左方是塗抹一次，右方是塗抹兩次的效果。 用上矽膠質地的化妝掃，輕易代替手指塗抹咀唇，效果良好。完妝照片，見唇妝效果偏向自然。

Josephine Lau好用推薦：103號色 很顯白的顏色，未到正紅色，可多塗2層，顏色就會更紅。 滋潤度還可以。