顯色 推薦好用產品

ying好用推薦：✨ Bobbi Brown Long-Wear Cream Shadow Stick Ombre Crème Stick Longue Tenue 用嚟畫臥蠶 好靚・好bling ✨ 💬 用完真心話 呢支Bobbi Brown眼影筆 我唔係就咁當眼影用 而係用嚟畫臥蠶。 ✨ 做臥蠶好靚 輕輕一畫 下眼位置即刻有自然嘅提亮 唔會太誇張 但就係嗰種「唔知點解對眼精靈咗」嘅效果 ✨ 好bling 佢嘅光澤係細緻嗰種 唔係大閃片 而係好高級嘅微閃 望落去好乾淨、好靚 ✨ 質地順滑 霜狀質地 畫落去好順 唔會拉扯眼周皮膚 ✨ 持久 佢個系列叫Long-Wear 真係幾持久 畫完之後成日都唔會甩 唔會積線 ✨ 方便 筆狀設計 一畫就得 唔使掃唔使手指 趕時間用佢畫臥蠶好快 🌟 我嘅總結 Bobbi Brown Long-Wear Cream Shadow Stick 我會用佢畫下眼位置 做臥蠶好靚・好bling ✨ 自然提亮 唔誇張 對眼即刻精靈咗 持久度好

Vera Violet好用推薦：夏天最驚熱到成身汗，出門口幾分鐘就開始溶妝，Bobbi Brown 呢支 超持久炫彩眼影筆 絕對係必備~ 色號： 我入手左 Cappuccino，係一款好溫柔嘅啞緻大地色，呢個色實用性高，單色搽可以消腫、加深對眼既輪廓；或者當做 base，係上面疊加其他閃閃色都超靚 妝效： 主打防水防汗，真心好岩夏天用，全日都 keep 到原色，唔驚變積線甩色 用法好方便~ 朝早趕時間，係眼皮畫兩下再用手指摔兩下就暈染得好靚，即刻可以出得門口，直頭係返工/旅行神器 已經睇緊其他色，睇岩絕對會再買多幾支，瘋狂回購！

Kmggigi好用推薦：Visee 3D Glitter Eye Liquid係一款簡單易用、效果絕美嘅液體眼影，無論新手定化妝達人都可以輕鬆駕馭！✨ 液體眼影設計非常方便，質地柔滑、易於推開， 用手指或者眼影掃都可以輕鬆操作， 完全唔需要高技巧，特別適合化妝新手使用！ 我嘅常用方法係：單搽或者先搽其他顯色眼影打底，再喺眼皮中間點綴少量液體眼影，提升整個眼妝嘅層次感🤣 呢款液體眼影帶有極致閃亮效果， 細緻嘅閃粉喺唔同角度下會反射出多層次光澤， 效果自然又吸睛，無論係日常妝容定派對妝都非常適合👏

Verna好用推薦：我很喜歡bling bling的小物和美妝品，所以當我見到這款眼影液時，立即😍😍😍 急不及待要試試 這款眼影液用法很簡單，只需點在想highlight的地方，我通常會點在眼瞼中間，然後掃均勻就可以，但我總覺得我用手指稍為印開少少的效果比較好😝 所以操作上真的很容易，就算是新手也容易上手 這款眼影液有閃粉，也有閃片，我覺得它閃爍的程度剛剛好，也很美，是屬於不經意的閃，而且當它乾了就不容易掉甩 #火熱新品

Summer好用推薦：NARS 四色眼影用落真係幾順手，粉質幼滑，顯色度高又持久，一日都唔易甩妝。唔易飛粉，化妝過程乾淨舒服～ 四色配搭好方便，輕鬆就可以疊出立體漸層效果，日常淡妝同夜晚濃妝都啱。 不過啞緻色推開時有啲難暈染，要花多少少心機。至於閃爍色就光澤感好強，效果華麗，派對或者濃妝場合用就好靚，佢個閃粉真係好閃下😂 總結嚟講，呢盤眼影係穩陣又實用，啱晒想要方便又高質嘅人！

莓莓好用推薦：NARS四色眼影盤——ST PAUL DE VENCE 聖保羅 呢盤係屬於溫暖嘅橘棕色系 非常適合日常妝或者溫柔氛圍感嘅妝容 配色清新自然，既可以畫出低調妝 又可以疊加深色，營造更濃郁嘅妝效 百搭又實用，適合鍾意柔和妝容嘅人。 顏色：整體係杏棕色調，蜜桃色用嚟打底，配搭裸色、淺啡同深啡。蜜桃色溫柔清透，裸色提亮眼窩，淺啡加深輪廓，深啡勾勒眼線。 質地：粉質細膩，結合咗啞緻同微珠光質地，唔飛粉，易暈染。 特點：新手都啱用，配色日常又百搭，輕輕鬆鬆就可以畫出自然有神嘅眼妝，日常返工、約會都啱用。

Kitty 好用推薦：香港終於可以買到Dior 2026年隻新唇油，即刻試咗！呢支煥彩潤唇油真係幾有驚喜。 搽上嘴嗰陣，感覺好得意。質地好似糖漿咁，濃潤又柔滑，一掂到唇好滋潤，好舒服。個刷頭係大大棉花糖刷頭，好軟熟，好貼唇形，好輕易就搽得均勻。我揀咗#085 呢隻色，係好靚嘅煥彩粉紫色，可以同其他唇彩疊搽，一搽個心情都跟住好起來。 佢話用到水漾潤色科技，我搽完之後，個嘴真係好似有層糖衣咁，鏡面水光好明顯，睇落即刻嘭嘟嘟，好有透明感，呢點我好鍾意。至於保濕力，我試咗大半日，就算冇補搽，嘴唇都keep住有潤潤哋嘅感覺，冇平時咁易乾，唇紋都冇咁顯眼。 總體來講，呢支唇油嘅光澤感同保濕度真係唔錯，日常用好方便，簡簡單單就已經有bling bling嘟嘟唇。如果你鍾意水潤透亮嘅唇妝，呢支值得試下！ #火熱新品

YY好用推薦：Dior誘惑煥彩潤唇油 比佢晶瑩剔透既顏色吸引到，再加上Dior brand加持，咁就入手咗依支Lip oil 新手可以先用唇膏💄打底，然後疊加依枝lip oil 係面，造返鏡面效果！ 🌟依枝 Lip oil唔算黏笠，冇黐頭髮，潤唇作用，即時淡化唇紋，上唇舒服 🫥相反Lip gloss好似有層膏狀塗咗喺嘴唇上面，但無滋潤作用 依枝Lip oil 比透明lip gloss更好用👍🏻 臨近歲末，一定要約朋友出嚟開party，想要吸精，喺眾人間閃閃發亮，一定唔少得呢支Dior lip oil，超加分🩷 薄唇厚唇都岩用，減唇紋，嘴唇脹卜卜，超減齡😻😻😻

bibubibu好用推薦：色號517 質地係satin 有少少光澤感而唔算好水潤 搽上嘴幾滑身 又唔顯唇紋 相當顯色 肉眼見到嘅顏色 搽上嘴就係一樣顏色 唔算好持久 食完野就會冇哂 但以佢嘅價錢嚟講係無可挑剔 性價比高 仲可以配上唔同造型嘅唇膏case 可以買多幾隻唔同顏色都唔心痛

Verna好用推薦：我在網上見到有人介紹，這品牌的唇膏是超平價，而且質素不錯，逛商店時見到，就買來試試 原來這唇膏的唇膏芯和唇膏殼是分開賣的，所以可以自選喜歡的唇膏殼花紋顏色，而且下次再買時，就可以環保一點 我看官網介紹，全部總共有22個顏色，分開7個色系，而我選的色號是#553紅色系，我覺得有點似珊瑚色或者豆沙色，很容易carry和配搭 它的質地很柔滑水潤，因為成份有玻尿酸，所以不用潤唇膏打底也可以，塗上咀感覺很滋潤，而且有點點的光澤感，CP值真的很高 不過我覺得它有點容易掉色，這是唯一美中不足

lingbb好用推薦：ysl既lip tint好好用 416 色是最愛，非常顯色，唔顯唇紋、滋潤，而且食完野飲完野都仲有色係咀👍🏻 顏色選擇又多，只需用少少就可以查哂成個咀。 唯一缺點係使用後一般時間咀唇會有啲乾

royu3好用推薦：我愛用的色號為12號色，約會必備，是任何季節，任何時候都能用的唇妝產品，已回購多次！ 這系列的唇釉為鏡面，即具光澤感的唇妝感，即使乾燥天氣時使用也能覆蓋唇紋，能避免約會時咀唇脫皮、「乾爭爭」的尷尬情況⭕️看上去色調飽和度好像很高，但上唇後是較透亮的水紅色，是人見人愛的顏色🍒看上去水嫩紅潤，如櫻桃般甜美可口。 而且持久度很好，下圖為用水拭擦模擬飲食後的情況。 如圖所見仍保留淡淡粉紅色，咀唇如原生唇般自然。約會時使用，不會變得蒼白無血色，好感度大大提昇，很討喜呢👍🏻 #夏季戀愛感妝容

Nicole 好用推薦：白管色號914，顏色偏橘調，質地水潤和帶光澤。 本身唇色不淺不深，塗了一次基本上是看不到變化，要多塗幾次才看到唇色有少少顏色，顯色度比較低，持久度也不高，要經常補。 所以它只適合淺唇使用，整體來說它只是有色潤唇膏。

Fng好用推薦：chanel 91# 唇膏顏色夠持久，食完嘢都仲有六成顏色喺唇上面，同埋淡淡香味 ，搽上咀有滋潤感覺，唔會起死皮 ，唔顯乾紋，就算個嘴狀態差， 搽上去都即刻修復嘅效果。

Blueblueblue好用推薦：超級防水防油。 我回購過4-5枝😂 建議用啡色眼線，望落自然D。

edol好用推薦：買咗呢支新出嘅04號色，包裝寫畫完後會有血色感，果然名不虛傳！不會是非常誇張的酒紅色，畫完眼線後眼睛感覺有神，但又不會像黑色眼線筆那麼實色，所以也能畫在眼睛下面，作為下眼影使用，非常方便。墨水量也被控制得很好，非常滑順。但又能慢慢調節用量，在想畫的地方畫好眼線，不會出界。筆尖非常細，畫內眼線或外眼線也沒有問題。持久度很好，畫了一整天也沒有褪色或消失。不過我的眼睛是非常乾的，不知道油眼的使用感受會否跟我一樣。

YYeman好用推薦：令你用到鐵皮嘅平價好用眼影Visee😍 之前睇cosme大賞推薦，買咗Visee嘅蕾絲眼影盤，真係好用到爆。之後每次去日本、台灣、香港都會去藥妝店掃Visee，又平又正！而家Visee開咗旗艦店，我仲入埋Visee羽毛四色眼影BE-1，一樣係cosme大賞推薦，一樣咁好使～ Visee嘅眼影粉質都幾幼細，唔會飛粉，好易上妝，呢盤都唔例外，而且跟埋眼影棒，帶出街補妝都好方便。另外，Visee嘅眼影都會加透明質酸呢類美容成分，所以用落會覺得好貼服，持久度都唔錯。 呢4隻色配搭都好實用，最淺色可以大範圍打底，淺啡色就用嚟暈染，大地色可以用嚟調整眼形，例如眼距闊嘅人可以將深色擺前面（前移畫法）；相反眼距窄嘅人就將深色擺後面。最深嘅啡色可以用嚟畫眼線，咁樣畫出嚟嘅眼線會自然啲，好適合日常返工用。

LorraineTsung好用推薦：羽毛眼影系列都係偏大地色 我用既係BE-3 質地好順滑上眼持久又唔會飛粉 而且配色點搽都好靚🥰

Kitty 好用推薦：呢盒Bobbi Brown Incandescent眼影真係一見鍾情！佢係水光湿漉漉嘅人魚姬色，粉橘底色帶金粉色偏光，陽光下閃爍得好夢幻，望住佢就好似人魚鱗片咁波光粼粼🧜‍♀️ 粉質超幼滑，用手指上色最靚，輕輕印一層已經好顯色，仲可以疊加到金屬光澤。 我最鍾意單塗人魚姬色喺眼皮中間，眨眼之間有種濕潤水光感，溫柔得嚟唔誇張。或者用佢打亮眼頭，成個眼妝即時高級晒～持妝力都唔錯，冇乜飛粉，六個鐘都仲保持到光澤。如果想低調啲，薄薄掃一層已經似自然透出嘅紅潤光，真係約會必備！總括嚟講，呢盒係貴得值嘅心頭好，眼影控一定要試下呀～💖

lingbb好用推薦： - 誠意推介俾鐘意誇一點妝容既你 - 呢粒眼影每次望到非常賞心悅目，包裝金光閃閃鏡面真係好靚好靚。🥹 - 入面內涵隻色melting point我覺得係難得一見咁靚，係一隻大膽古銅色加好多金色閃閃，非常出色，唔算好飛粉，好適合用黎去party用嘅顏色。 - 顯色度、持久度、貼服度都唔會令人失望 - 我唔係成日用眼影擦上眼，我會輕輕搵掃掃係下眼線位，帶出精神blingbling嘅感覺 - 推介你地去專櫃玩下🥹

Emily Leung好用推薦：跟風入了這支日本超火的唇釉！！✨ Fujiko這支唇釉在日本藥妝店都搶瘋了！ 櫻花妹幾乎人手一支的斷貨王！！ 我入的01珊瑚粉真的太絕了… 上嘴瞬間溫柔到窒息！鏡面水光感絕了✨ 黃皮天菜！素顏塗直接白一個度✨ 薄塗是那種日雜氧氣感，嘟嘟唇嫩到能掐出水～ 厚塗就是低調顯貴的富家小姐姐氣質！ 通勤淡妝配它真的yyds！ 水潤玻璃唇質地，而且成膜後都不怎麼掉色 一支get日系透明感妝容，真的愛了！

mandy好用推薦：Fujiko Nuance Wrap Tint 豐潤水光不沾色唇釉 $96 (buy1 get 1 free) from 松本清 Fujiko 豐潤水光不沾色唇釉正在松本清做特價，買1送1呀! 購入的是01珊瑚粉及05無花果啡。 推薦的原因: 1.滋潤度高，而且潤而不笠 2.不顯唇紋 3.顯色漂亮，還不脱色 4.價位便宜，性價比高 5.小巧可愛，不佔空間 6.蘊含不少美肌成分，例如: 保濕成分、抗衰老成分及抗氧化等成分，化妝同時滋潤雙唇。 7.持久度比較其他唇妝產品好，但大吃大喝後還是要補妝 #01珊瑚粉 顯色是接近非常淺色的嬰兒粉，很適合配搭淡妝或是偽素顏，讓人誤以為是天生美唇。 #05 無花果啡 顯色自然血色感，可以配上日妝，上班休假都適合。 即使沒有上妝時，也可單用無花果啡唇色，效果也是出奇地好看，而且完全沒有違和感。 含保濕成分: 雙-二甘油多脂酰己二酸酯-2, 甘油, 雙丙甘醇, 戊二醇, 角鯊烷, 乙基己基甘油, 山茶籽油, 茶葉萃取, 丁二醇 及 蘋果果萃取 抗衰老成分: 甘油, 角鯊烷, 山茶籽油, 茶葉萃取, 蘋果果萃取 及 洋薔薇花萃取 抗氧化

TsuenMa好用推薦：M.A.C 柔潤持色唇膏💜 好特別嘅唇膏設計，MAC出嘅唇膏基本上都係以子彈形狀去設計，辨識度好高。而呢支嘅唇膏身，有漸變顏色，更加有時尚感，別樹一幟。🎀 呢支係405號色Under the covers，呢隻色我都好鍾意，唔會太鮮紅帶點紫色嘅格調；自己本身嘅唇色都係偏紅，所以唔能夠搽啲太鮮艷嘅顏色，所以呢支就啱啱好🥰而且唇膏個質地本身都好滋潤，適合我呢啲個唇比較乾嘅人🎈 不過就持色度唔算好高，都幾容易會甩色，不過佢子彈設計體積較細，容易攜帶外出補搽補色。 另外要睇嘅係我好鍾意佢隻各種香味，微微嘅甜香，對我嚟講有一種似係朱古力嘅味😍 上色圖：

SammyN好用推薦：因為好鍾意Chili見到呢個色號叫Hot as chili 就買咗了。佢係冇Chilli咁鮮紅嘅，但都係好睇嘅紅，應該就係鮮辣椒同乾燥辣椒嘅分別🌶️

Sanna Cher好用推薦：整體來說，是一個能夠塑造立體感的胭脂。使用產品附送的化妝掃，在臉頰由外到內，由上至下均勻伸延色彩，大概就是打好多次「1」。 程序完成三次後，會同時做到顯色且增強立體感。

Fng好用推薦：買咗AB09號色，暖棕色調，屬於百搭顏色，上臉柔和夕陽嘅感覺🌅，適合黃皮膚使用。一貫日糸清透感，可以多次疊搽，去打造自己想要嘅深淺色效果， 不會出現重手咗，無可挽回的地步。 另外，驚喜嘅地方係佢好持久，全日妝感維持不變， 粉質細緻，冇結塊情況，同埋佢有漸變層，可以用頂層最淺色做highlight ，另外可以溝埋一齊用，就會有低調blink blink 效果 ，不浮誇， 適合日常妝容。2024 我最常用嘅 胭脂 非佢莫屬 ，打造不同妝容 ，非常方便，性價比又十分之高。

Vivian好用推薦：唇膏塗上是光澤顯色，主打持久不脫色，的確在光澤型唇膏裏面不錯，類似Kate怪獸唇膏，而且價格便宜，開架品牌值得一試

綺羅香好用推薦：由於Visee 嘅開架唔係度度都有，趁圍方新開，特登去嗰邊藥妝店搵呢支係日本比Kate怪獸唇膏更加搶手嘅黏膜持色唇膏，竟然誇張到全部色號都無貨，連試用都無，唯有搵代購買兩隻最熱門PK850同PK851，咁啱係近排行過cosme store見到仲有貨，快快手再買多支OR250 所謂黏膜感，即係模仿嘴唇內黏膜濕潤嘅血色感，自然而柔焦，迷人又睇落無害，係日本逐漸流行，Visee 只係出咗6個色號，選擇唔多，不過色階跨度夠大，唔算難揀，圓柱形黑色外殼，有少少墜手，主打媲美怪獸唇膏嘅持色能力同埋黏膜色，色彩飽和度高，搽兩層已經遮哂原唇色，上唇觸感舒服，唔黏，滋潤度足，有好靚嘅緞光光澤，官方話要等60秒成膜，持色能力先會比較好，不過我發現飲水食嘢都係會甩咗一啲，不過係接受範圍內，出門最好帶埋去補妝，跟住係PK850、PK851同OR250各評 PK850，兔子戀人，代言人子瑜使用色，超級無敵難買到嘅色號，我搵咗好多間代購先買到，但後尾發現cosme store 返咗貨😐，隔幾日再去又俾人搶哂，非常粉嫩嘅珊瑚粉色，無螢光感，搽完感覺個人後生好多，難怪係大熱色號 PK851，任性的肉球，模仿貓咪手

Hoiyi好用推薦：超綿密、延展性好，用指腹輕拍或暈染就融進皮膚，塗完變成半霧面但帶光澤，不黏膩。保濕成分多（有植物油等），久了也不乾。 像從肌底透出來的自然光澤，不是閃瞎眼的閃粉。 #胭脂

Kpl6be6好用推薦：平時用開都係粉紅系胭脂～今次入手咗呢款偏橙系嘅04號蜜桃色🍑質感柔滑～上臉顏色唔會太深～主要係為臉頰添上咗氣質感嘅珍珠光芒(笑)～令妝容增添上立體感～連上高光嘅功夫都慳番～(註：#夏天 用都唔會話好易甩)

Fng好用推薦：KissMe 極細眼線液筆用後感 （春夏・熟齡混合偏乾肌） 👁️✨ 化妝咁多年，最怕兩件事：眼線出水唔順，同埋未到中午就溶成熊貓眼。 尤其香港春天濕到牆滴水，夏天又熱又焗，眼線撐唔住真係好狼狽。 KissMe 呢支眼線液筆（約HK$65 / 0.4ml）我聽過好多人讚，但一直半信半疑。一支筆，扭轉我對開架眼線嘅印象 筆頭極細，新手都控制到 0.1mm 極細筆尖，就算手震都唔會「畫出界」。我用嚟填補睫毛根部同畫眼尾，精準度拍得住專櫃筆。 出水順暢，唔會斷斷續續 輕輕掂到皮膚就出到色，唔使㩒到手指痛。 顏色夠黑，一筆到位 我買黑金色，係實實在在嘅濃黑色，唔係灰灰淡淡嗰種。 潮濕天氣實測：溶唔溶？ 講到眼線，防油防暈先係關鍵。我特登喺以下情況測試： · 全日冇補妝：朝早8點化好，夜晚10點返到屋企，眼尾完整無缺。 · 出汗 + 戶外：行咗半日街，鼻翼出晒油，但眼線依然喺度。 · 眼油困擾：我係內雙眼皮，好易溶妝。呢支捱到8小時先有少少褪色（已經好叻）。 👉 一句總結：防暈力強💯，春夏天用都好安心。 不過都有少少嘢要留意 · 眼線膠筆 vs 眼線液筆：如果你想要好柔和自然

ArielG好用推薦：有多種顏色選擇，05色相對比較自然，較易控制粗幼易畫，溫水即可卸👍🏻

lonia好用推薦：本人係呢款產品嘅長期用家，因為我眉色較為深色，化妝嘅時間都鐘意用眉彩，soft返眼眉嘅顏色。自己就長備BR-2呢款色號喺屋企。呢款眉彩非常顯色，基本上由眉尾搽返上眉頭2-3下，就已經可以完成眉妝。去旅行都帶佢出行，出去戶外，就算流汗都唔受影響。推薦俾想有效淡化眉色嘅朋友。

Sandy好用推薦：Kate Tokyo 眉彩膏 顏色: BR-7 深裸棕 染咗頭髮之後，條眉嘅顏色都要跟返 淡化原有黑色眉毛 刷頭非常容易用， 記住輕輕力好喇如果唔係太深色 頭髮 同條眉毛 嘅顏色都要接近 睇落先沒有違和感 非常之推薦卸妝都好容易 卸妝都好容易一抹就甩 毫無難度 價錢非常經濟$58

TY好用推薦：容易上手，輕輕一畫已經好顯色。 用嚟畫內眼線新手都冇難度，畫出嚟夠幼細自然，唔容易甩或者暈染，持久度高。

Rachel Hui好用推薦：Dejavu眼線筆使用起來相當方便，極細橢圓筆芯超正，可輕鬆一筆勾出眼尾，寬的一端則迅速填色眼線。顯色度高且易上色，快乾效果極佳，不容易甩色，但也不難卸妝。非常適合打造精緻又持久的妝容。

Fng好用推薦：#119 新版沒有舊版咁滋潤，舊版搽一次已有滋潤感覺 ，新版要搽三次先有。

Noel好用推薦：購買這款 OPERA 唇膏N，主要因為品牌在日本很火紅，又是 @cosme 唇蜜 No.1，加上它的金管唇膏使用效果不錯，所以就入手了一枝❣開架品牌而言，這個 product 有10色選，橘、紅、粉都有涉獵，滿滿誠意！ 基本上單塗這個唇膏，就能打造光澤感，像果凍一般，很Q很水，日系可愛妝容適用❗唇膏滋潤感不錯，不用護唇膏打底也可以，塗到唇上很流暢👍囗罩不用帶了，塗塗光澤感唇膏就無錯了！唇膏持久度一般，容易 transfer 同沾杯，顯色度4成左右，不能飽和。

Emily Leung好用推薦：Fujiko 染眉膏 - 塌毛救星定係伏品？ 前言：眉毛都要有「空氣感」？ 成日見日本女生啲眉毛咁有空氣感，又蓬鬆又立體，好似啲毛流會呼吸咁！Fujiko呢支染眉膏就係主打呢種效果，話可以打造「立體棉花糖眉毛」。到底係咪真係work？等我話你知！ 1. 刷頭同質地：真係有啲唔一樣 首先，個刷頭真係好特別，係一個好扁身嘅橢圓形，上面啲刷毛好短好密。咁嘅設計好處係可以好精準咁勾畫到眉形，尤其係眉尾部分，唔會一嘢就掃出界。 質地方面，佢唔係傳統嗰種濕漉漉嘅膏體，而係偏向乾爽，有少少似睫毛膏嘅感覺。好處係一上色就好快乾，唔會搞到啲眉毛「黐立立」。 2. 妝效實測：真係做到「蓬鬆感」？ 呢part係重點！ · 立體感同毛流： 效果真係幾明顯！用「Z」字形向上掃，真係可以將啲眉毛一支支咁固定起，營造到嗰種好自然嘅蓬鬆感，尤其係眉頭位置，即刻有咗嗰種日系嘅立體效果。 · 顏色同染色力： 佢嘅顏色選擇都幾自然，上色度適中，唔會話一嘢就好濃色，適合追求自然妝效嘅人。但如果你本身眉毛好濃密，可能主要係用嚟整理毛流同加少少色。 · 持久度： 出街半日，個眉形都仲keep得幾好，冇話變返塌塌哋咁

Fng好用推薦：刷頭好梳，容易上色， 瞓一晚瞓時間就可以染到自然美嘅顏色，手殘也handle到。😆😆😆