找產品
顯色 推薦好用產品
1,209 件
Emily Leung好用推薦：Cezanne 珠光胭脂測評（色號 PK01） 包裝設計 Cezanne 呢盒珠光胭脂（Cezanne Pearl Glow Cheek）係典型日系平價包裝，塑膠殼輕身薄身，方便帶出街。設計簡潔，透明蓋可以一眼睇到顏色。冇附送掃，要自備工具上妝。 質地同粉質 粉質出乎意料細滑！開價來講絕對係高質。壓粉實淨，唔會飛粉，手指摸上去有絲絨感。珠光好細緻，唔係大粒閃片，而係似皮膚自然透出嘅光澤。 色號 PK01 試色 · 顏色：柔和小麥粉色，帶淺金香檳色珠光，唔係死實嘅粉紅。 · 效果：上臉後好自然，有微微提亮同立體感，似皮膚本身嘅光澤。 · 適合膚色：自然膚色至偏黃膚色都啱用，白皮用會更顯透明感，深膚色可能唔太顯色。 顯色度同妝感 · 顯色度：偏淡，適合鍾意自然妝感嘅人。要疊加2-3層先有明顯效果。 · 妝感：透明絲光感，珠光低調貼服，唔會顯毛孔或浮粉。 · 貼服度：好好，粉質幼細，上臉後同皮膚融合度高。 持久度測試 · 日常室內約5-6小時，珠光感會減弱，但底色仍然睇到。 · 出油後顏色會變得更融合，唔會積線或斑駁。 · 油性皮膚建議先用碎粉打底，乾性皮膚可以直接用。
<看全文>NEKOI好用推薦：性價比高，算是這個牌子的標準評價了吧？但的確呢個價錢呢個質素冇投訴。 雖然話係珠光，但其實只係帶點光澤，上臉很自然。上完個人就帶點血色，唔誇張。 附送個掃當然冇自己買嘅咁好用，但我覺得算夠用，有時返到公司先執返啲眼耳口鼻，是但掃幾嘢就做到想要嘅感覺。
<看全文>
Kitty 好用推薦：香港終於可以買到Dior 2026年隻新唇油，即刻試咗！呢支煥彩潤唇油真係幾有驚喜。 搽上嘴嗰陣，感覺好得意。質地好似糖漿咁，濃潤又柔滑，一掂到唇好滋潤，好舒服。個刷頭係大大棉花糖刷頭，好軟熟，好貼唇形，好輕易就搽得均勻。我揀咗#085 呢隻色，係好靚嘅煥彩粉紫色，可以同其他唇彩疊搽，一搽個心情都跟住好起來。 佢話用到水漾潤色科技，我搽完之後，個嘴真係好似有層糖衣咁，鏡面水光好明顯，睇落即刻嘭嘟嘟，好有透明感，呢點我好鍾意。至於保濕力，我試咗大半日，就算冇補搽，嘴唇都keep住有潤潤哋嘅感覺，冇平時咁易乾，唇紋都冇咁顯眼。 總體來講，呢支唇油嘅光澤感同保濕度真係唔錯，日常用好方便，簡簡單單就已經有bling bling嘟嘟唇。如果你鍾意水潤透亮嘅唇妝，呢支值得試下！ #火熱新品
<看全文>YY好用推薦：Dior誘惑煥彩潤唇油 比佢晶瑩剔透既顏色吸引到，再加上Dior brand加持，咁就入手咗依支Lip oil 新手可以先用唇膏💄打底，然後疊加依枝lip oil 係面，造返鏡面效果！ 🌟依枝 Lip oil唔算黏笠，冇黐頭髮，潤唇作用，即時淡化唇紋，上唇舒服 🫥相反Lip gloss好似有層膏狀塗咗喺嘴唇上面，但無滋潤作用 依枝Lip oil 比透明lip gloss更好用👍🏻 臨近歲末，一定要約朋友出嚟開party，想要吸精，喺眾人間閃閃發亮，一定唔少得呢支Dior lip oil，超加分🩷 薄唇厚唇都岩用，減唇紋，嘴唇脹卜卜，超減齡😻😻😻
<看全文>
jhope0725好用推薦：呢枝真係#此生摯愛唇彩！ 呢支唇彩一如其名，質感好似棉花一樣輕薄，唔會抽乾嘴唇水份，唔顯唇紋，疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。 佢顯色度、飽和度都好高，輕輕一層，已經令到成個嘴好立體，影相會好精神。我用嘅顏色係14號，上嘴唔會太紅~ 佢持久度算中上，未至於可以全日都唔補妝，但係維持四、五小時都冇問題~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝！而且佢嘅好處係落妝會好乾淨同方便，唔會好似其他tint咁食死左個嘴唇。 唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝，有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇抿開，就會natural d! 私心推介，希望大家都搵到啱自己嘅色號！ 
<看全文>瑪拉好用推薦：持久唔掉～就算飲水食嘢整到都只會掉少少，我呢個係11號色，本人黃二白，暖皮膚搽上嘴係好靚嘅玫瑰色～
<看全文>
natanatalie好用推薦：Love Liner眼線筆好用又抵用，已經成為我的化妝櫃中必備的眼線筆！🩷 屬於油眼的我用很多眼線筆都會出油導致溶妝，很多時都會令我很尷尬和困擾，有時工作忙起上嚟未必能夠經常照鏡，便會不自覺地變成了熊貓眼，令我很尷尬。 Love Liner眼線筆卻能夠整天保持不暈染，不會很容易化掉，這一點令我很喜歡它！😘 而且顏色非常飽和，很容易出色，畫線非常流暢，不容易卡住，就算用它來畫內眼線也易於上色。因此我覺得也適合新手使用。🤪  雖然防水，但卸妝時不會太困難，使用普通卸妝產品即可輕鬆去除，不用二次清潔，節省了不少卸妝的時間！😍 Love Liner眼線筆性價比高，非常適合日常使用！🤤
<看全文>jovyjosie好用推薦：呢支眼線筆係我喺日本嘅時候買，見佢長居榜首，回購再回購！ 佢非常之順滑，最適合用嚟畫內眼線！佢嘅筆頭係扁平的，新手都容易畫到一條順滑嘅眼線！ 而佢防水嘅功力更加係超強，直接用落水喉，都唔驚會甩妝！
<看全文>
mandy好用推薦：CHANEL LES 4 OMBRES BYZANCE #318 PARURE VÉNITIENNE $595 CHANEL的4色眼影盤粉質柔滑不飛粉，容易上妝。 4色眼影都可互相配搭到，非常實用，不存在癈色。 右下的眼影第一眼以為是白色，其實是很美的幻彩色， 可以用作眼影打底，具少許提亮效果。 左上的玫瑰粉色及右上的香檳金色均可以用作眼影主色， 可以按照喜好選其中一色作主色。 左下的啡色，可以用來描繪眼線，可有效放大雙眼。 CHANEL的4色眼影盤外盒設計簡約華麗而且貼心， 不佔空間，內附鏡子及眼影掃，方便隨時隨地上妝補妝。 顯色方面剛剛好，即使上多幾層眼影，也不會太鮮色或具濃 豔感。特別喜歡CHANEL的4色眼影盤配色，每個眼影色都很美很經典不過時，可以一個眼影盤走天下，在不同場合都可以派上用場。
<看全文>Vlee好用推薦：色號 #268 顏色配搭非常適合黃種人皮膚 健康膚色使用唔會顯得污糟 雖然顯色度不算高，反而容錯率就高 非常適合新手使用，可以逐層疊加 啡紅色一格顏色唔會俗氣，易carry 偽素顏可以只使用啡色三格 夏天使用都冇溶妝，眼皮沒有出現摺痕 持久度算高 
<看全文>
Chloeincosme好用推薦：1028 眼睫毛液 以前喺台灣好紅，而家用落都唔覺得差，而且台灣買價錢真係好平！不過可能我隻眼太油，夜晚仲會有少少溶妝～ 🤍 纖長效果：4/5 刷一層已經明顯拉長睫毛，而且根根分明，唔會結塊，效果自然～ 🤍 捲翹度：3.5/5 夾完睫毛再搽，可以維持到半日捲翹，不過晏晝開始會慢慢塌返落嚟～ 🤍 防油度：3/5 對我呢種油眼人嚟講，防油效果普通，夜晚眼尾會積咗少少黑色印～ 🤍 性價比：4.5/5 台灣買真係好抵！平過香港好多，效果對得住個價錢～ 總結： 如果你唔係油眼肌，1028呢支睫毛液絕對係平價好選擇！纖長效果自然又易卸，去台灣旅行可以掃貨～不過油眼人就要諗諗先，我會冬天用，或者加多層睫毛底膏打底！ #換季 #轉季
<看全文>Tobimak好用推薦：從香港屈臣氏購入，性價比極高。搽上睫毛後根根分明及很顯長。唯一美中不足就是略嫌刷頭沒有一邊專供下睫毛用，所以趕時間時會有不便。 #平價彩妝
<看全文>
Fng好用推薦：OPI甲油， n年前買落 😝😝😝 🎨 顏色與質地：秋日裡的一抹溫柔氣質 呢隻色號NLW52，係一隻好靚嘅玫瑰木色調，帶少少啡調同灰調，好似一杯暖笠笠嘅玫瑰奶茶咁！🍂佢唔係好鮮艷搶眼嗰種，而係一種好溫柔、好顯氣質嘅顏色，超級無敵襯返秋天著毛衣、飲熱咖啡嘅氛圍！☕ 對黃皮膚嘅我哋嚟講超級友好，好顯白，唔會老土！ 質地方面，OPI一如既往咁出色！💯 指甲油掃頭夠闊，一兩下就可以掃勻成隻指甲。油嘅濃度剛剛好，好順滑，好易塗勻，就算係新手都好容易駕馭！ ✨ 上色度與光澤感：一層已經好出色 以呢種溫柔色系嚟講，佢嘅上色度算係非常優秀！只係塗一層，顏色已經好均勻、好飽和，只係會透少少指甲原本的顏色，有種通透感。如果想顏色再實淨啲，塗兩層就完全唔會透底，而且光澤感會更加靚，好似做完Gel甲咁，有種高級嘅漆光效果！🌟 ⏳ 持久度：正常表現，記得要做好底層同頂層！ 我嘅測試係：塗一層底油、兩層NLW52、再加一層快乾頂油。大概可以維持4-5日開始指尖有少少磨損。如果唔做家務、成日打字，應該可以維持得更耐。對於一般指甲油嚟講，呢個持久度算係合格以上！記得一定要塗底油同頂油，持久度同光澤感真係會差好遠！
<看全文>A&R好用推薦：OPI指甲油真係好受歡迎，顏色選擇多到眼花繚亂，最高峰期我至少有15隻色。 質地偏厚實，但塗上指甲好均勻，顏色飽和度高，兩層就已經好靚。乾得都算快，唔容易出現刷痕。 經典酒紅色系列，效果真係好亮澤，指甲睇落好有質感。持久度方面都幾好，正常家務同打字都唔會即刻甩色，大概可以keep到五至七日。再加埋Base Coat and Top Coat，效果更加耐。 包裝設計簡約，瓶身容量適中，價錢雖然比開架品牌高少少，但質素真係有保證。
<看全文>
綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色
<看全文>星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。
<看全文>Noel好用推薦：ColourPop 暖調的4色高光盤，黑五優惠時購入，一盤四色，每色都是大大的 regular size OMG❗超有誠意的高CP化妝品。高光包括了帶黃色、粉色、珊瑚色 undertone，基本上一年四季都可以用這般走天漄❣ 高光粉壓得很實，不易飛粉，手指觸感很滑👍而且顯色度高，屬於高調的 highlighter，喜歡低調高光的，請避開。唯獨帶粉色的高光有一點點顯毛孔，沒有另外三個好用啊！ #我的秋冬愛用彩妝
<看全文>zzzhelen好用推薦：lunch money係一款好啱一般偏白膚色用，有少少香檳色，好自然。我幾鍾意佢有少少濕潤既感覺，唔會飛粉。少少就夠哂閃，可以用好耐
<看全文>
natanatalie好用推薦：一支很適合新手使用的眼線筆！🤤 以一支開假的眼線筆來說，他算是非常好用。首先，價錢不貴，小資女也負擔得起。❤️ 它能夠勾劃出非常幼細的眼線，也非常容易控制和拿捏，而且很顯色，一般或在眼尾都十分容易勾劃！🫶🏻 而且它的持久度非常之高，以我這一種油眼的人來說，它的持妝度能維持到10小時，算是非常出色！🥰
<看全文>mandy好用推薦：KATE TOKYO SUPER SHARP LINER EX4.0 進化版持色眼線液筆 EX4.0 #BR-3 暖棕 $90（Sasa 再打88折） 第一次用KATE家的眼線液筆，覺得非常驚人地好用，完全不輸其他開架品牌的名品眼線液耶。即使初學者只要手夠定就能描繪出理想的眼線。進化版持色眼線液筆EX4.0的筆頭不會太硬，所以畫眼線時較易掌握，眼睛也完全不會感到不舒服。有了好用的眼線液筆，初學者多練習自然會愈畫愈順手。眼線的持久度不錯，午後也沒有溶妝或暈染。 使用色為#BR-3 暖棕 由於我已有黑色的眼線筆，所以選購了顯色較自然的BR-3 暖棕色。像這樣不浮誇、非常自然的眼線跟淡妝很搭，亦能自然的放大雙眼。
<看全文>
Kitty 好用推薦：最近整理化妝櫃，摷返呢盒幾年前好hit嘅NARS吉隆坡出嚟。講起呢盒雙色眼影，真係當年嘅斬男盤、溫柔代表，幾乎個個都想拥有一盤。呢盒係玫瑰金搭莓紫色，當年真係紅到發紫！我用落覺得佢係方便同“挑剔”並存。 ✅ 優點：上妝真係好快！趕時間嗰陣，手指捽兩下就搞掂個眼妝。玫瑰金嘅偏光好細膩，靚。 ❌ 缺點：好揀人！如果係黃皮、膚色深、單眼皮或腫泡眼，紫色好易顯濁或顯腫，有中伏風險。粉質偏乾硬，顯色度我覺得幾好。 💡 使用貼士：千祈唔好用紫色大範圍塗！只喺雙眼皮褶內或眼尾細範圍加深，再用玫瑰金提亮眼中同眼頭，效果會乾淨好多。 總結嚟講佢係一款經典嘅產品。皮膚白皙嘅雙眼皮朋友可以試出溫柔感；但黃皮同腫眼泡就強烈建議專櫃試色先，未必係你杯茶！
<看全文>Emily Leung好用推薦： Nars嘅Hammamet呢，佢哋嘅雙色眼影真係我最心水嘅雙色眼影喇！呢盤感覺有啲似聖保羅，但係又唔完全一樣。好有日韓風同奶茶feel，春夏秋冬用起上嚟感覺都唔同。層次感同深邃度就唔使點期待啦，因為佢色調都幾清淡。 粉質唔錯，啞光色好易沾粉又易暈染，肉橙色打底好有「媽生美女」嗰種氛圍感，係個好暖調嘅打底色。每次搽珠光呢部分我都會諗起砂糖橘，好明亮好炙熱嘅歐美閃粉橘粉色，化歐美妝嘅效果真係好驚艷，日常妝嘅話用手指點少少喺眼皮中間就夠喇，如果唔係會變孫悟空。 呢盤唔係話無可替代，只係我覺得Nars嘅化妝品專業度同磁吸包裝都幾加分。
<看全文>
K_w好用推薦：收到貨也覺得好好看，亮片很細膩溫柔，不算太高調的 類型，走的是精緻路線～貴氣大小姐 但是黃皮真的… …拔草省錢吧。我是黃一二白，塗上 臉之後就是紫色里透出黑黃的感覺！！快看起來很髒很 士那種（是我的問題嗚鳴嗚） 不過相信白皮用一定超美，自帶仙氣那種！但是爾等黃 皮只能說一句愛過杏
<看全文>sami.mew好用推薦：001 warm natural 顏色好日常好實用，粉質也足夠細膩不卡粉不飛粉～ 大地色調上眼好溫柔，而且都好百搭，一盤9隻色隻隻都好實用，可以配合心情做唔同搭配，特別鐘意佢嘅淺色，化出泥嘅妝效好自然～ 雖然價錢較貴，如果只係要類似色同質地嘅話市面上仲有唔少其他選擇，但考慮到係dior呢個品牌嘅話都算合理～只係希望佢嘅包裝如果可以做得再有質感啲唔好咁膠，或者至少附番塊實用啲嘅鏡面方便化妝會更好😂
<看全文>
Tszki好用推薦：canmake光影膏 03 這款產品的質地非常特別，摸起來軟糯有彈性，猶如慕斯或麻糬一般。塗抹在肌膚上時感覺水潤絲滑，能輕易推開並緊貼肌膚。顏色是偏珍珠粉色，打T字位、臉頰、下巴、眼角位置，很自然的光澤，我很喜歡這個珍珠粉色，是熱門缺貨的顏色！
<看全文>Fish Tse好用推薦：想個妝再突出d唔少得一定要用高光膏，我用既係01號色月光寶石係米白色帶點米金色既珠光 哩款高光款個質地好軟綿綿既感覺，而且d粉仲好細緻，閃亮度都非常之好令到肌膚更加有光澤感係到 搽係d提亮位會令到成個妝感都好唔同。仲含有多重保濕成分，持妝度仲要好高佢可以防水、防汗、防油、耐揉擦即使持久一整日都唔會輕易咁脫妝 sis唔需要擔心卸妝問題，哩然佢係防油、防水等但係用卸妝油一卸，好易就卸得好乾淨，我都係用卸妝油卸一次就已經夠啦
<看全文>
rachelnoni好用推薦：呢款開架唇膏在voce每年榜單都入選，見早前松本清特價，計落仲平過日本，買枝黎試。買咗最hit的06色，一上嘴有薄荷涼感，輕輕薄搽一層已顯色，望落去似搽左lip gloss，但質地輕薄唔會黏笠，再搽多一層效果會更靚，有少少豐唇感。而且呢款唇膏唔望鏡搽都無問題，輕鬆方便，難怪咁多好評。 不過始終係光感唇膏，食完飯會甩，需要補妝。
<看全文>mandy好用推薦：在松本清旗艦店找到B idol的彩妝產品， 是由前NMB48成員吉田朱里研發的開架彩妝品牌， 當中潤色潤唇膏及四色眼影盤都大受歡迎。 B idol的潤色潤唇膏走開架便宜路線(@$98)， 品質卻不比專櫃品牌遜色， 顯色漂亮可愛零色差，滋潤及水潤度滿分! 帶水蜜桃的清爽香味， 令人難以決定選色，很想包色呢! 擦一次，唇色顯清新淡雅; 叠擦兩次，可以展現豐唇嘟嘟唇效果。 這次入手的是#06色的任性啡色。 顯色自然帶少許光澤， 是一年四季都可以使用的顏色及質地。
<看全文>
Kitty 好用推薦：NARS限量版Orgasm四色眼影盤，真係將經典嘅Orgasm腮紅色完美移植到眼眸上！一盒集齊啞光、緞光同爆閃質地，實用度滿分💯。 最吸睛一定係嗰格招牌蜜桃粉金，上眼透出自然紅暈，好似面紅心跳咁溫柔💓。配搭埋深邃玫瑰啡同香檳提亮色，好易就暈染出有層次感嘅日常桃花妝👁️。粉質算幼滑，持妝大半日都OK👍。 不過，亮片色有少少飛粉，建議用手指輕按上妝。鍾意清新少女妝感嘅姊妹，呢盤絕對係穩陣之選，一盒搞掂通勤同約會妝容。今年聖誕，我已經諗好用呢盤嘅閃爍質地，畫一個充滿節日氛圍、閃靈靈嘅精緻眼妝啦😉✨！
<看全文>TinaWongLK好用推薦：𝗡𝗮𝗿𝘀 — 𝗤𝗨𝗔𝗗 𝗘𝗬𝗘𝗦𝗛𝗔𝗗𝗢𝗪 #𝗦𝗧 𝗣𝗔𝗨𝗟 𝗗𝗘 𝗩𝗘𝗡𝗖𝗘 佢成盒色tone都好nice，好岩日常用 搽上眼又唔會太重手 最鍾意#ST PAUL DE VENCE I呢隻色 ，勁bling bling 可以稱佢為日常版嘅urban decay💕 ✔️以上是自購產品 ✔️為個人真實感受
<看全文>
