濃密 推薦好用產品

Circlecyy20好用推薦：使用後感覺有小驚喜，因為能夠做到防水防汁嘅效，而且會顯得更加結實明亮

chymiaaa好用推薦：呢款眼睫毛液有防水同防油 持久度效果好好 而且個刷頭好好用 唔會容易結塊 性價比好高 推薦購買！🥰👍🏻

Emily Leung好用推薦：一句講晒：「電眼心機神器，塌睫毛救星！」 👍效果超屈機： 佢係白色帶啲黑色纖維嘅膏體，未搽睫毛膏之前用。一搽上去，啲睫毛即刻「站」起身，仲會好似偷偷幫你加長咗咁，變到好濃密！之後再補多層黑色睫毛膏，個效果真係誇張到好似戴咗假睫毛咁！ 👍持久度爆燈： 最勁係佢個「定型」能力！朝早出門到夜晚返屋企，啲睫毛都係咁翹，完全唔會打回原形。落雨流汗都頂得住，絕對唔會變「熊貓眼」。 點用先最掂： ❤️記住要 「由睫毛根部」 開始向上Z字形咁掃，咁先可以撐到最起。 ❤️千祈唔好搽太厚，等佢乾咗七八成先好上黑色睫毛膏，如果唔係容易有「蟑螂腳」。 缺點： ⚠️如果唔小心搽太多，或者未乾透就上黑色睫毛膏，會有少少結塊。 ⚠️落妝要用眼唇卸妝液，耐心敷多陣先容易卸得乾淨。 如果你係「睫毛下垂星人」，或者想個眼妝再突出啲，Kate呢支真係必入！平平哋但效果拍得住大牌，絕對係開架寶藏！

chasiutung好用推薦：Kate極致大眼睫毛底膏 透明gel狀質地加幼細黑色纖維  毛毛搽上眼睫毛會變有乳白色嘅絨毛感 乾左睫毛會定型但吾會生硬 感覺好輕 一d都吾厚重 之後搽平時用開嘅睫毛膏疊塗上去 可以做到纖長根根分明嘅豐盈效果 Kate依支眼睫毛底膏防水防汗防皮脂 好似我依種又大汗眼皮又油嘅人士都可以用 一整天睫毛依然捲翹完全無塌 而且一條纖維都無甩 👍非常好用 一直回購

940727.0好用推薦：今日去咗Aeon度睇化妝品，俾我見到佢做緊一個特價$10一盒。 之前已經用過佢其他嘅睫毛真係好舒服好好用，而且啲毛係非常之柔軟。

迪迪好用推薦：本身因為夏天驚擦眼睫毛會化，所以試吓用假眼睫毛，呢款假眼睫毛係超容易用！我第一次用，雖然細睇嘅時候會睇得出痴得唔好，但對於首次痴假眼睫毛，絕對新手友善！如適合追求效果，自然唔浮誇的人

Lumi Kwan好用推薦：係因為顔色靚所以買，Color mascara以日牌顔色較低飽和度(相對歐美ysl, L’Oréal等)，而且addiction 日雜誌狂推，所以喺香港唔紅都算可惜。 顔色係橙色，掃頭都幾易刷，但較難用落下眼睫毛，份量一拎會較多，所以第一下要小心，相對持久度高，缷妝一定要用眼部專用，而且要落兩次。

rachelnoni好用推薦：用的是02號色，rusty brunette 棕色，顏色自然又易襯髮色。一塗上睫毛就根根分明，最好是不會結塊又不會暈染。易卸妝，一抹就可以。會再回購其他顏色。

橘子貓好用推薦：一向知道Fasio睫毛膏很有口碑，日本通關後旅遊Shopping，在一系列睫毛膏之中藍色包裝最順眼，就選購了一枝。 這款是自然捲翹纖長防水，四項之中有三項半達標： 自然✅ 自然眼睫毛妝效，不會誇張，塗了像是天生眼睫毛就那麼長。 捲翹✅ 基本上卷曲度可以維持一整天，難得我不用mascara base打底，眼睫毛也不會塌下。 纖長✅ 自然增長睫毛，不同濃密型，就算塗上3、4層也一點都不會令睫毛變曱甴腳。 防水⭕️ 上妝半天就有點溶妝，睫毛膏會暈到眼下有明顯黑色，雖然未去到一撻撻那般誇張。 整體睫毛膏表現是不錯的，可能我是油眼皮，防水防暈效果未如理想，不過也可以用mascara base去補救。還是值得推薦。 #火熱新品

zetalhc好用推薦：用嘅時候唔會起一粒粒膠，可以令到睫毛跳跳分明，個人覺得性價比幾高。而且防水防汗，唔會甩色，但係用普通卸妝油都可以好乾淨清除。

zetalhc好用推薦：可以做到令睫毛更加纖長同埋根根分明嘅效果，同時亦都做到防水同埋持久嘅效果，但卸妝就比較需要時間

mavis好用推薦：防水防油好適合想要自然效果嘅sis 用咗佢唔會太濃密， 效果偏自然

Verna好用推薦：我每天返工出門，都總會畫眼線，因為我的油眼關係，我挑選眼線液時，很著重它的防暈度和持久度 這支眼線液的防暈度和持久度都不錯，到了放工時候，也沒有暈染情況出現 它的筆尖很幼，很容易掌握，而且筆毛軟硬適中，就算手殘黨也可以控制得到，畫出一條流暢順滑的眼線 我比較喜歡用黑色的眼線，它的黑色也很實色，完全符合我的心水 #火熱新品

popocarcar好用推薦：呢支FASIO眼線液絕對係油眼皮寶物。 筆尖硬度適中，容易控制，畫幼細嘅眼線，手殘黨都可以輕易駕馭。 防油防水力能力超強。 #火熱新品

lingbb好用推薦：lancome名氣好高嘅睫毛膏，有Lancome花點綴顯得高貴，而且透明樽身令花朵更有立體感。 扭開帶有五邊掃型刷頭幫助睫毛掃得均勻，而且係曲線棒方便使用。上睫毛液時好輕易沾上睫毛而且好墨黑，掃頭雖大但我係使用上唔會好易hi到眼周位置。如果本身油眼就最好用碎粉為睫毛同眼底定妝。 但我用咗幾次發現用係上眼睫毛一段時間後，會出現下垂冇左曲線，反而下眼睫毛做得出色，每一根都好輕易沾到睫毛液，因我平時用好多睫毛膏用係下睫毛搽完冇乜存在感，所以我推薦俾搵緊下眼睫毛液嘅朋友。

Over.here好用推薦：作為一個唔用睫毛夾既懶人，平日掃兩掃都有自然濃密既效果。防水，唔係用暖水抹得甩。呢個mascara沒有特別多人推介，但對我來說係回購最多既一款。喜歡！

Tobimak好用推薦：真係做到纖長效果，妝感好自然唔會曱甴腳，而且價錢便宜。但係刷頭比較大，要用得好小心。

sammiimelda好用推薦：完全做到纖長嘅效果 但係刷頭太大 好難控制份量 好多時會查多咗變咗一噠噠 同埋夏天嘅時候會溶落眼袋

iliya 好用推薦：貪得意買嘅彩色睫毛液，色號好多，例如：墨綠色、緋紅色等，而且防水防油，持久力超高！

choichoi好用推薦：色號選擇多也很能趕上潮流，即使緋紅或是墨綠甚至紫色也一應俱全，抹後就直接纖長了睫毛，當中添加了保濕成分，令我感覺在卸除時睫毛沒那麼容易脫落

shadow影子好用推薦：超強勁嘅白色打底纖維，能夠緊緊附上眼睫毛，再塗上黑色睫毛膏，瞬間打造兩倍纖長效果！性價比高，又平又襟用！

killkew.b好用推薦：一支有兩邊刷頭，一邊係白色美睫精華，可以用黎做第一層打底，幫助保護睫毛同埋增長，另一邊係黑色睫毛液。雖然刷頭比較大，搽既時候要小心啲，唔好整到眼皮。 頭幾次用因為質地較濕潤，睫毛會比較容易drop，用多幾次之後質地變得乾身少少會比較好用。 搽出嚟效果濃密，睫毛望落精壯，不過容易黏埋一齊， 做唔到纖長既效果～

Suki好用推薦：Kiss Me 的超級防水濃密眼睫毛液，結果有點小失望呢！這個睫毛液的防水效果確實很強，但效果卻讓我有點尷尬。 首先，它的包裝真的很可愛，粉粉嫩嫩的顏色讓人心情愉快，開心地想要試用。 #使用感受 不過，當我塗上去的時候，睫毛看起來有點厚重，像曱甴的觸角一樣，完全不是我想要的自然效果。雖然濃密是它宣傳的賣點，但對我來說，反而覺得有點太過了，妝感顯得有點污糟。 #防水效果 至於防水效果，我承認它真的很出色，一整天下來也沒有暈染。但如果要選擇的話，我寧願妝感更自然，而不是這種濃密得讓我有點不自在的樣子。

Lilyscl好用推薦：用完唔會太誇張，但要小心用量，重手左會有機會曱甴腳。最緊要係防水，唔會好易甩，夏天用都唔驚熊貓眼。性價比都ok!

格仔餅公主好用推薦：睫毛天生疏想用完佢睇下有冇改善，不過明顯效果就唔多覺，用完無生油滋粒無敏感就算啦，但係下下要嚌上手都幾煩，鍾意市面掃狀睫毛精華多啲

choichoi好用推薦：質感不會黏膩，不會導致容易產生油滋粒等過潤情況，強壯睫毛的功效沒感但滋潤度很好，感覺當了眼精華用

Winnie好用推薦：對我來說，刷頭太大了，不太合眼型，應該比較適合眼大的妹子。有增長及增量的效果，整體效果滿意。

lingbb好用推薦：我連埋下睫毛膏一齊買，佢刷頭好大我反而覺得幾好掃，但同下睫毛膏一樣必須要打底先痴到我既眼睫毛，佢做到貼住眼睫毛唔會有曱甴腳，如果佢有增長或豐盈款就更好， 總括來說，中規中矩！ 

Kmggigi好用推薦：喺眾多專櫃睫毛液中，GA睫毛液堪稱低調而實力派嘅產品！ 質地濕潤但不會過於濃稠，刷頭設計十分人性化，上妝時不易結塊，可以輕鬆打造豐盈纖長的睫毛效果。 使用後睫毛分明且濃密，特別適合濃妝造型！ 雖然見到有使用者反映有暈染問題，但我個人使用就未遇到依個情況。 卸妝方面要格外留意，通常需要按壓幾次先會徹底乾淨。

jojoma123好用推薦：先說說掃頭設計,能方便梳出分明的睫毛效果,而它的睫毛液質地亦不太厚身, 不會令睫毛起結,塗上後,能造出纖長的睫毛

choichoi好用推薦：輕易塑造出帶濃密感且根根分明的睫毛，彈性刷頭使用起來增加靈活性、更好控制超好刷！沒有暈染的情況出現，整體持久度不錯，超出預期的一款睫毛膏

Emma W好用推薦：Kissme 纖細睫毛液的持久、防水性非常好。而最緊要係防水加易卸妝，剛好依款就好適合。能夠整天保持不暈染，說算出一身汗都唔會溶妝。掃出極為纖柔、根根分明的睫毛，適合想要自然妝感的人。加上抹2下，就已經卸左妝，這大大減少因物理損傷眼部幼嫩肌膚，而增加的眼紋出現。由根原做起，防止大個生眼紋。 適合肌膚：任何 成效度：4/5 持妝度：4/5

_jc好用推薦：非常持久嘅睫毛膏，用咗成日都冇drop，沖完涼之後仲保持捲翹， 非常滿意😳

mandy好用推薦：Benefit They’re Real! Magnet Extreme Lengthening Mascara 磁力睫毛液 $240 Benefit 首創可反地心吸力的磁力睫毛液， 是一款可以令睫毛即時纖長捲翹， 變成睫毛如太陽花般盛放的洋娃娃大眼。 我習慣先用睫毛夾夾睫毛，使睫毛捲翹， 然後以打底睫毛液固定好捲翹的睫毛， 再使用磁力睫毛液，會比較容易掃上睫毛膏， 打造出完美的濃密豐盈、纖長捲翹的美麗眼睫毛。 磁力睫毛液的刷頭雖比較大，卻不難掌握， 而且用慣了也沒有難度。 磁力睫毛液非常持妝，不暈不染， 一直保持捲翹，完全沒有塌下來耶， 眼妝可維持一整天都不用補妝，持久度極佳! 如果大家喜歡具明顯睫毛纖長捲翹濃密效果的眼妝， 可以考慮磁力睫毛液; 相反要是需要上班適合的低調眼妝， 日系開架品牌如資生堂ettusais的睫毛液/睫毛打底就幫到您。

Clara KY Chan好用推薦：完全係垃圾，夾好左嘅睫毛搽完就drop哂。冇諗過依家2023年竟然會有睫毛膏搞到有熊貓眼，唔防水唔防油。放工就會見到下眼線位染哂黑，真係好尷尬！仲要咁嘅價位！除左失望真係冇第二啲形容詞形容佢。已經俾左好多次機會，呢次真係決定送佢去堆田區。人生中最雷嘅睫毛膏，Blacklist。

choichoi好用推薦：能畫出根根分明且濃密的睫毛，沒有什麼特殊味道，是其中一款不斷回購的睫毛膏

kameari好用推薦：持久度油眼來說都保持得幾好，易控制。而且卸妝是幾容易去掉，幾滿意這款。

Hana0125好用推薦：擦頭係波波形狀，意外地幾好用，精華可以平均掃係睫毛上。用左大半枝都唔覺得啲睫毛有變長，但甩睫毛嘅情況就少左，有效強化睫毛根部。可能要長期用先見到睫毛生長嘅效果。

sscxy好用推薦：啫喱狀的挺清爽，溫和不刺激，也沒有亂長東西，設計也較方便使用，效果不過不失，需要較長時間才看到稍為濃密一些，睫毛亦較為強壯一些，濃密纖長效果可能需要長一點時間才看到