纖長 推薦好用產品

Kura好用推薦：平價好用嘅眼睫毛精華液，我係日夜都有用，用完眼睫毛係變得強韌咗，冇咁容易掉，同埋眼睫毛都有變長咗少少，睫毛精華液嘅質地係偏濃稠嘅精華液，刷頭都係便特別嘅設計，搽上眼可以好精準搽到想要搽嘅位置，呢一點係非常好，同埋canmake嘅出品口碑一直都非常好，長期霸佔 @cosme 嘅榜單好物，我都係會繼續長期回購，誠意推介俾想眼睫毛變靚嘅大家 #我的崇光感謝祭必買眼部護理 #我的崇光感謝祭必買眼部護理

Jane好用推薦：性價比超高，使用一個月後明顯見到睫毛增長和濃密，落妝時也明顯減少了掉睫毛的機會。

Kura好用推薦：呢款睫毛膏絕對好用到超乎你想像，價錢親民，每次用完都可以刷到根根分明嘅睫毛，睫毛非常纖長嘅效果，有放大眼睛開效果，係短睫毛嘅救星，卸妝用普通卸妝水就可以清潔乾淨非常方便 @cosme #日系 #睫毛 #日系

wintonggg好用推薦：canmake嘅調色真係都幾好～茶色依隻好靚，都keep得耐，不過冇話特別纖長，但勝在性價比高，當時有特價三十幾蚊已經係松本清入到手！

Circlecyy20好用推薦：使用後感覺有小驚喜，因為能夠做到防水防汁嘅效，而且會顯得更加結實明亮

chymiaaa好用推薦：呢款眼睫毛液有防水同防油 持久度效果好好 而且個刷頭好好用 唔會容易結塊 性價比好高 推薦購買！🥰👍🏻

Emily Leung好用推薦：一句講晒：「電眼心機神器，塌睫毛救星！」 👍效果超屈機： 佢係白色帶啲黑色纖維嘅膏體，未搽睫毛膏之前用。一搽上去，啲睫毛即刻「站」起身，仲會好似偷偷幫你加長咗咁，變到好濃密！之後再補多層黑色睫毛膏，個效果真係誇張到好似戴咗假睫毛咁！ 👍持久度爆燈： 最勁係佢個「定型」能力！朝早出門到夜晚返屋企，啲睫毛都係咁翹，完全唔會打回原形。落雨流汗都頂得住，絕對唔會變「熊貓眼」。 點用先最掂： ❤️記住要 「由睫毛根部」 開始向上Z字形咁掃，咁先可以撐到最起。 ❤️千祈唔好搽太厚，等佢乾咗七八成先好上黑色睫毛膏，如果唔係容易有「蟑螂腳」。 缺點： ⚠️如果唔小心搽太多，或者未乾透就上黑色睫毛膏，會有少少結塊。 ⚠️落妝要用眼唇卸妝液，耐心敷多陣先容易卸得乾淨。 如果你係「睫毛下垂星人」，或者想個眼妝再突出啲，Kate呢支真係必入！平平哋但效果拍得住大牌，絕對係開架寶藏！

chasiutung好用推薦：Kate極致大眼睫毛底膏 透明gel狀質地加幼細黑色纖維  毛毛搽上眼睫毛會變有乳白色嘅絨毛感 乾左睫毛會定型但吾會生硬 感覺好輕 一d都吾厚重 之後搽平時用開嘅睫毛膏疊塗上去 可以做到纖長根根分明嘅豐盈效果 Kate依支眼睫毛底膏防水防汗防皮脂 好似我依種又大汗眼皮又油嘅人士都可以用 一整天睫毛依然捲翹完全無塌 而且一條纖維都無甩 👍非常好用 一直回購

940727.0好用推薦：今日去咗Aeon度睇化妝品，俾我見到佢做緊一個特價$10一盒。 之前已經用過佢其他嘅睫毛真係好舒服好好用，而且啲毛係非常之柔軟。

迪迪好用推薦：本身因為夏天驚擦眼睫毛會化，所以試吓用假眼睫毛，呢款假眼睫毛係超容易用！我第一次用，雖然細睇嘅時候會睇得出痴得唔好，但對於首次痴假眼睫毛，絕對新手友善！如適合追求效果，自然唔浮誇的人

橘子貓好用推薦：一向知道Fasio睫毛膏很有口碑，日本通關後旅遊Shopping，在一系列睫毛膏之中藍色包裝最順眼，就選購了一枝。 這款是自然捲翹纖長防水，四項之中有三項半達標： 自然✅ 自然眼睫毛妝效，不會誇張，塗了像是天生眼睫毛就那麼長。 捲翹✅ 基本上卷曲度可以維持一整天，難得我不用mascara base打底，眼睫毛也不會塌下。 纖長✅ 自然增長睫毛，不同濃密型，就算塗上3、4層也一點都不會令睫毛變曱甴腳。 防水⭕️ 上妝半天就有點溶妝，睫毛膏會暈到眼下有明顯黑色，雖然未去到一撻撻那般誇張。 整體睫毛膏表現是不錯的，可能我是油眼皮，防水防暈效果未如理想，不過也可以用mascara base去補救。還是值得推薦。 #火熱新品

zetalhc好用推薦：用嘅時候唔會起一粒粒膠，可以令到睫毛跳跳分明，個人覺得性價比幾高。而且防水防汗，唔會甩色，但係用普通卸妝油都可以好乾淨清除。

zetalhc好用推薦：可以做到令睫毛更加纖長同埋根根分明嘅效果，同時亦都做到防水同埋持久嘅效果，但卸妝就比較需要時間

mavis好用推薦：防水防油好適合想要自然效果嘅sis 用咗佢唔會太濃密， 效果偏自然

lingbb好用推薦：lancome名氣好高嘅睫毛膏，有Lancome花點綴顯得高貴，而且透明樽身令花朵更有立體感。 扭開帶有五邊掃型刷頭幫助睫毛掃得均勻，而且係曲線棒方便使用。上睫毛液時好輕易沾上睫毛而且好墨黑，掃頭雖大但我係使用上唔會好易hi到眼周位置。如果本身油眼就最好用碎粉為睫毛同眼底定妝。 但我用咗幾次發現用係上眼睫毛一段時間後，會出現下垂冇左曲線，反而下眼睫毛做得出色，每一根都好輕易沾到睫毛液，因我平時用好多睫毛膏用係下睫毛搽完冇乜存在感，所以我推薦俾搵緊下眼睫毛液嘅朋友。

Over.here好用推薦：作為一個唔用睫毛夾既懶人，平日掃兩掃都有自然濃密既效果。防水，唔係用暖水抹得甩。呢個mascara沒有特別多人推介，但對我來說係回購最多既一款。喜歡！

Fannie好用推薦：刷頭好幼細，刷完真系做到根根分明，好自然，試佐好幾款睫毛膏都會試過暈染到下眼檢位，哩款用完暈染情況不太明顯，解決佐我嘅煩惱😆會再回購！

CC1997好用推薦：本身一直用開Dejavu嘅睫毛膏，可以話係咁多年嚟唯一長期使用同回購嘅睫毛膏品牌！我用開紅色同粉紅色大炮，最中意嘅賣點係佢地嘅睫毛膏可以不斷疊加但都唔會起曱甴腳。 呢枝同平時紅色粉紅色嘅效果好唔同，夾左睫毛再搽左之後有個種去做左角蛋白嘅感覺，根根分明同纖長，但就比較無濃密嘅效果。適合化淡妝、想營造自然美女嘅感覺時用。同其他款一樣都係可以疊搽，唔易起曱甴腳的。 持久度方面，春天去行完一日山都仲見到睫毛係纖長同翹，不過有少少黑色粉跌左係下眼位置，可能比較適合短時間外出用。或者唔介意嘅話中途抺一抺下眼簾就可以。 呢個係出左半日街後，抺走左跌係下眼位置粉抺嘅效果： 對比番未上妝前，可以睇到睫毛係長過原本，亦都加粗左，比原本明顯但依然係根根分明。 易缷程度一如既往，溫水可日卸。 總結嚟講，推薦俾日常出街或者番工想化淡妝嘅時候用。

Tobimak好用推薦：真係做到纖長效果，妝感好自然唔會曱甴腳，而且價錢便宜。但係刷頭比較大，要用得好小心。

sammiimelda好用推薦：完全做到纖長嘅效果 但係刷頭太大 好難控制份量 好多時會查多咗變咗一噠噠 同埋夏天嘅時候會溶落眼袋

iliya 好用推薦：貪得意買嘅彩色睫毛液，色號好多，例如：墨綠色、緋紅色等，而且防水防油，持久力超高！

choichoi好用推薦：色號選擇多也很能趕上潮流，即使緋紅或是墨綠甚至紫色也一應俱全，抹後就直接纖長了睫毛，當中添加了保濕成分，令我感覺在卸除時睫毛沒那麼容易脫落

shadow影子好用推薦：超強勁嘅白色打底纖維，能夠緊緊附上眼睫毛，再塗上黑色睫毛膏，瞬間打造兩倍纖長效果！性價比高，又平又襟用！

killkew.b好用推薦：一支有兩邊刷頭，一邊係白色美睫精華，可以用黎做第一層打底，幫助保護睫毛同埋增長，另一邊係黑色睫毛液。雖然刷頭比較大，搽既時候要小心啲，唔好整到眼皮。 頭幾次用因為質地較濕潤，睫毛會比較容易drop，用多幾次之後質地變得乾身少少會比較好用。 搽出嚟效果濃密，睫毛望落精壯，不過容易黏埋一齊， 做唔到纖長既效果～

Suki好用推薦：Kiss Me 的超級防水濃密眼睫毛液，結果有點小失望呢！這個睫毛液的防水效果確實很強，但效果卻讓我有點尷尬。 首先，它的包裝真的很可愛，粉粉嫩嫩的顏色讓人心情愉快，開心地想要試用。 #使用感受 不過，當我塗上去的時候，睫毛看起來有點厚重，像曱甴的觸角一樣，完全不是我想要的自然效果。雖然濃密是它宣傳的賣點，但對我來說，反而覺得有點太過了，妝感顯得有點污糟。 #防水效果 至於防水效果，我承認它真的很出色，一整天下來也沒有暈染。但如果要選擇的話，我寧願妝感更自然，而不是這種濃密得讓我有點不自在的樣子。

Lilyscl好用推薦：用完唔會太誇張，但要小心用量，重手左會有機會曱甴腳。最緊要係防水，唔會好易甩，夏天用都唔驚熊貓眼。性價比都ok!

格仔餅公主好用推薦：睫毛天生疏想用完佢睇下有冇改善，不過明顯效果就唔多覺，用完無生油滋粒無敏感就算啦，但係下下要嚌上手都幾煩，鍾意市面掃狀睫毛精華多啲

choichoi好用推薦：質感不會黏膩，不會導致容易產生油滋粒等過潤情況，強壯睫毛的功效沒感但滋潤度很好，感覺當了眼精華用

Winnie好用推薦：對我來說，刷頭太大了，不太合眼型，應該比較適合眼大的妹子。有增長及增量的效果，整體效果滿意。

lingbb好用推薦：我連埋下睫毛膏一齊買，佢刷頭好大我反而覺得幾好掃，但同下睫毛膏一樣必須要打底先痴到我既眼睫毛，佢做到貼住眼睫毛唔會有曱甴腳，如果佢有增長或豐盈款就更好， 總括來說，中規中矩！ 

Kmggigi好用推薦：喺眾多專櫃睫毛液中，GA睫毛液堪稱低調而實力派嘅產品！ 質地濕潤但不會過於濃稠，刷頭設計十分人性化，上妝時不易結塊，可以輕鬆打造豐盈纖長的睫毛效果。 使用後睫毛分明且濃密，特別適合濃妝造型！ 雖然見到有使用者反映有暈染問題，但我個人使用就未遇到依個情況。 卸妝方面要格外留意，通常需要按壓幾次先會徹底乾淨。

jojoma123好用推薦：先說說掃頭設計,能方便梳出分明的睫毛效果,而它的睫毛液質地亦不太厚身, 不會令睫毛起結,塗上後,能造出纖長的睫毛

Winnie好用推薦：專塗下眼睫毛的產品非常少見，我是第一次嘗試，刷頭是特別設計，不容易弄髒下眼睫部位，而刷頭及刷毛非常细，的確比較容易處理稀少的下眼睫毛，值得一試的產品。

lingbb好用推薦：我係一個揸完上眼睫毛就一定要揸埋下眼睫毛既怪人， 一直都諗緊會唔會有品牌出下睫毛液😂 呢個牌子出名睫毛膏同眼線。 買哂上下睫毛膏。 下睫毛膏個刷頭細細，個刷頭設計幾好，但個睫毛液就比較難痴住我既睫毛，必須要打個睫毛液底上毛比較有顏色，都算係防水同油，用係我身上開頭無溶妝，去到後段就開始溶妝；係時候要換枝新的！

choichoi好用推薦：輕易塑造出帶濃密感且根根分明的睫毛，彈性刷頭使用起來增加靈活性、更好控制超好刷！沒有暈染的情況出現，整體持久度不錯，超出預期的一款睫毛膏

mavis好用推薦：經過專櫃嘅時候見到有幾抵買嘅套裝，貪得意買來試下，估唔到搵到平價 #夏日必備彩妝 💕💕💕 有時好懶唔想化妝（特別係又熱又濕又焗嘅夏天！），但係又想個樣精神啲，搽睫毛液就係不二之選😎CANMAKE TOKYO 呢款睫毛液真係好好用！！！掃頭幼細，可以精準搽到每一條眼睫毛，乾得好快所以唔驚眨眼嘅時候會整污糟下眼位置👍🏻 持久度高，出咗街全日都冇溶，唔會有熊貓眼🤭 呢個價錢有咁高嘅質素，真係無唔買嘅理由😆

Connor好用推薦：之前用過Canmake嘅睫毛液都係ok唔錯嫁，但我呢枝可以講話唔掂😟首先每次拔出刷頭都沾咗好多睫毛液，要刮平先可以上眼用，如果唔刮嘅話就會太濕一舊舊，同埋刷出嚟嘅效果唔係根根分明，有時仲會出現蒼蠅腳嘅情況，最後佢真係有啲難缷…🫥

choichoi好用推薦：睫毛膏的刷頭設計好用，容易塗抹也容易靈活控制角度，而且不會容易造成所謂「曱甴腳」的情況，價格便宜非常合理，Kose的副線出品～推薦推薦 #火熱新品

popocarcar好用推薦：最近藥妝店推出優惠，見88折，所以買咗呢支Ultra Waterproof睫毛液。 防汗防水都好出色，冇暈染，捲翹度可以keep足全日。 #火熱新品