纖長 推薦好用產品

xxxcwing好用推薦：多謝cosme 抽中試用~ 因為我比較少化眼睫毛 所以技巧一般 可以比各位新手參考~ 首先講下佢個包裝先可能因為行簡約風格，所以都係同其他產品一樣有字同底色太似而睇唔清 不過都係一d 小問題 而佢嘅刷頭有別於一般睫毛產品，佢嘅刷頭係相對細而且材質方面係用膠，除咗方便刷出更幼細嘅睫毛之外亦相對衛生 之後可以睇下佢嘅質感 可以睇得出佢用上述嘅刷頭刷得出一條條根根方明嘅線，而且佢雖然有纖維但相對少同短，會比較自然同適合打底 而佢嘅防水防油效果亦相當不錯，用力捽都唔會化開 首先呢個係我淨係夾咗睫毛嘅時候 我本身嘅下眼睫毛比較少同短 上眼睫毛一般呢個係用咗睫毛打底之後 可以明顯見到有效令我嘅下眼睫毛明顯纖長咗 而上眼睫毛則做得到根根分明 雖然冇影到但我喺持妝8小時嘅情況下睫毛依然能保持根根分明，持久力不俗 總括然而呢款係我會回購嘅產品 因為佢化得出自然同根根分明嘅效果 而且亦能夠令我嘅下眼睫毛變得纖長，即使喺冇上睫毛膏嘅情況下依然有不錯嘅效果，如果唔想眼睫毛太誇張單塗亦不失為一個好嘅選擇。

wandywsy好用推薦：多謝Cosme 比我試用ettusais 既魔束捲翹睫毛底膏～ 平時出全日街都怕睫毛膏會暈染而唔擦既我今次試下加左眼睫毛底膏後整個妝容會唔會更加好 呢個係試咗上手的效果，可以睇到眼睫毛底膏裏面包含了一點點黑色纖維，而且顏色是半透明的，可以營造出比較自然的效果。 我先用睫毛夾夾了睫毛然後再上眼睫毛底膏，可以睇得出擦了底膏後眼睫毛會比平常更深色，整體比較翹又不會顯得誇張，營造出睫毛比平時更長同時又根根分明的感覺。 之後再上睫毛液，可以看出眼睫毛已經有束感的效果，整個眼妝都比較乾淨。 上了妝8小時後，係香港26度的天氣下，睫毛膏仍然沒有溶，眼下也沒有暈染，可以話係持妝效果比想像中更持久。 有點疑惑的是，上了睫毛底膏後（沒有上睫毛液的情況下），卸妝時用眼唇卸妝液，眼部竟然也卸不出什麼。 在上了睫毛底膏和睫毛液後，卸妝時也只卸得出一點點黑色的東西。 比我平日用其他品牌睫毛膏後卸妝的感覺不一樣。 總括而言，ettusais 既魔束捲翹睫毛底膏帶比我蠻不錯的感覺而其持妝效果也令人比較驚喜～

Kpl6be6好用推薦：平時化完個妝覺得仲係差咁啲嘢嘅時候～就應該使出呢支bling bling眼神器啦👀輕輕一夾睫毛～再用佢掃一掃～就能輕易擁有捲翹持久睫毛一雙✌🏻能夠使睫毛做到根根分明效果！而且真係全日唔塌！即時為眼妝大加分！(成個人精靈哂😂)難怪連化妝師友人都讚口不絕❤️

Fish Tse好用推薦：新手化妝最大既挑戰我諗就係令到睫毛好似太陽花咁，除左要有易用既睫毛夾之外仲要揀一個好既睫毛膏，好唔容易夾到睫毛之後如果一用睫毛膏就變曱甴腳咁就會破壞左成個妝 哩款睫毛膏我覺得好適合新手用因為佢唔會取到太多既睫毛膏，可以覆蓋埋眼頭、眼尾短睫毛。裡面仲含有角蛋白胺基酸有修護既成分 即使本身睫毛比較短既sis都可以擦到飛天既效果，膏體輕盈持久長翹，性價比非常高 平時夾完睫毛後，用睫毛膏由根部開始同上刷，如果想睇下豐盈d可以刷多幾層，令雙眼似發大既感覺，佢有7種顏色可以揀，可以親到唔同妝容唔同場合使用 哩款都係我2024年最愛既睫毛液！

Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！

Nicnic好用推薦：夏天有好多水上活動，一支起防水嘅Mascara 係必備的，呢一支mascara超防水，船P都唔甩 ✅可濃可淡：上圖係較自然效果，用咗比較少嘅膏體都可以太陽花嘅效果，有自然放大眼嘅感覺。如果用得比較多膏體，就有濃密效果，不過就要小心啲唔好搽到曱甴腳。 ✅勁太陽花：最鍾意佢個curve 極靚 💯 ✅持久度高：不論淡同濃個curve 都hold 得住，大概6/7個鐘之後會drop 少少。而且唔會smudge 或者溶 👍🏻👍🏻 ❗️一定要用眼唇卸妝液卸妝 ❗️要小心控制用量

manman好用推薦：2024年末回顧—愛用睫毛膏 * 質地輕盈柔順,單擦一層就能立即增加睫毛密度,效果自然又迷人。 * 塗抹體驗極佳,刷頭設計簡單乾淨,不會結塊或留下碎屑。乾得很快,使用方便快捷。 * 即使大汗淋漓也不怕,睫毛整天都保持捲翹動人。持久力出色,是戶外活動的最佳拍檔。 * 色系選擇豐富, 下次可以嘗試不同色號,為妝容增添更多變化,令造型更添精彩。 驚喜滿分!這支睫毛膏令人出乎意料地出色,能維持整天的完美捲翹,完全不怕溶妝。性價比極高,值得推薦, 絕對是必回購的好物。

Gladys好用推薦：這款睫毛液即使經歷整天的忙碌與活動，睫毛依然保持捲翹，不容易融妝，讓我不必擔心隨著時間的推移而失去妝效。使用後，睫毛的長度明顯增長，讓眼妝看起來更加立體且有神。即使我是短睫毛的人，也能輕鬆達到夢寐以求的長睫效果。不妨試試這款！

Kuma好用推薦： 呢支近期架妹最愛既睫毛液♪ 架妹對於透明感精緻妝容嘅執著真係無人能敵( ；´Д｀) —————— ♪ 束感效果：★ ★ ★ ★ ☆ ♪ 持久度：★ ★ ★ ★ ★ ♪ 使用難度：★ ☆ ☆ ☆ ☆ ♪ 性價比：★ ★ ★ ★ ★ —————— 對比其他開架品牌嘅束感睫毛液，感覺呢款既質地相對較為輕盈，好快乾，喺香港呢個喺頭髮狂噴hair spray出門都會秒塌既潮濕天氣都keep到全日捲翹，性價比黎講小資女生同學生都絕對可以閉眼入！♪ 睫毛夾夾翹睫毛後先用下面既梳頭整理好睫毛，然後用Z型束感梳頭時我會稍為喺睫毛根部停留1-2秒先梳上去，確保大部分睫毛液都係沾喺根部而唔係睫毛尾端（如果唔係會變曱甴腳><） 本身有用開佢地嘅mascara base，按照佢地宣傳咁講一齊使用，睫毛比較稀疏嘅我感覺會比起單用束感睫毛液效果更好～但份量要拿捏得好好，搽太多base再用呢支會變曱甴腳⋯所以手殘黨都係建議單用呢支就夠！ 留意返因為超強持久力所以只使用卸妝水係卸唔甩的！！溫水都卸唔到，只可以用卸妝油～ #火熱新品

wandywsy好用推薦：多謝Cosme 比我試用ettusais 既束感雙頭3D睫毛液～ 平時出全日街都怕睫毛膏會暈染而唔擦既我今次試下ettusais既睫毛液～首先可以看出睫毛液是有兩個頭的，齒梳用來打造根根分明的效果和梳順睫毛，另一邊用來營造束感的睫毛效果。 呢個係試咗上手的效果，可以睇到眼睫毛底膏顏色是淺黑色半透明的，比起其他品牌顏色可以算是比較淺的。 我先用睫毛夾夾了睫毛然後再上眼睫毛底膏。 之後再上睫毛液，可以看出眼睫毛已經有束感的效果，整個眼妝都比較乾淨。 第一次試用這個睫毛液手法有點生疏，結塊情況不算嚴重，試用幾天後可以輕易打造出束感的效果。 上了妝8小時後，係香港26度的天氣下，睫毛膏仍然沒有溶，而又保持到睫毛翹的感覺，眼下也沒有暈染，可以話係持妝效果比想像中更持久。 在上了睫毛底膏和睫毛液後，卸妝時也只卸出一點點黑色的東西。 比我平日用其他品牌睫毛膏後卸妝的感覺不一樣。不知道是不是要配合其他卸妝手法或用溫水卸妝呢？

Kitty 好用推薦：🇯🇵✨日本旅遊必買！CANMAKE金屬刷頭睫毛膏——新手&潔癖者福音，打造日系精緻睫毛✨🇯🇵 去日本旅遊，點可以錯過掃平價又高質嘅日系彩妝？CANMAKE呢個國民品牌今期推出嘅金屬刷頭睫毛膏，絕對係2025年新品嚐鮮嘅頭號目標！無論係新手定化妝達人，呢支睫毛膏嘅獨特設計同實用性，保證令你一試愛上，仲要即刻包色入手！ 必買理由： 日本限定金屬刷頭，精細到尖叫！有別於傳統毛刷，呢支睫毛膏採用韓國流行後再改良嘅全金屬刷頭，超幼細設計輕鬆照顧眼頭、眼尾同下睫毛，連最刁鑽嘅短毛位都刷得勻稱！單次沾取膏體量恰到好處，唔會一嚿嚿結塊，輕鬆刷出日本妹最愛嘅“成束感”睫毛，自然又精緻。 最驚喜係金屬刷頭構造簡單，用完用紙巾一抹就乾淨，甚至可以直接水洗，啱晒有潔癖嘅你！去旅行帶住佢，輕便又唔使驚滋生細菌。 日本當地價錢只需幾百yen，以而家匯率仲抵到笑！加上CANMAKE成日推出限定色號，好似自然黑同柔和棕，旅行買嚟自用或送禮都啱晒，唔入手真係走寶。 🌟 網友分享冷門用法：想啲睫毛再翹啲，可以抹乾金屬睫毛刷個頭上面啲膏。跟住用火機或者風筒烘熱個刷頭，然後當睫毛夾咁燙上去啊，好多

Fish Tse好用推薦：要畫上一個完美我眼妝，睫毛膏都係好重要既一環刷到靚靚既太陽花睫毛會令成個眼妝望落去更有神 睫毛膏最怕就係一次過攞個量太多導致會有曱甴腳既情況出現，我見到哩款金屬刷睫毛膏真係忍唔住要買返黎試下個效果 有黑色同黑灰色選擇，夾完眼睫毛之後上睫毛膏係睫毛底定一陣再向上搽就會好輕易得到太陽花既睫毛，即使疊加第二、第三層都唔會有曱甴腳嘅情況出現 至於搽幾多層都好取決於你想要咩妝容，如果係平時返工想淡妝搽一層就足夠，如果想妝容完整度高d就可以搽第二、三層 重點佢係防水、防汗唔易暈染

Sophia好用推薦：在日本旅遊通常都會入手睫毛膏，一來液體眼妝產品更需要定期替換才衛生，二來日本品牌的擦頭較歐美品牌細適合亞洲人用。藥妝店產品多到簡直花多眼亂，旅遊時分秒必爭的情況下，有著@cosme第一位貼紙的OPERA Mylash Advanced睫毛膏立刻吸引了我的目光，沒有用過也毫不猶豫地放入購物籃！ 用後果然沒有失望～纖細的刷頭能輕鬆捕捉每一根睫毛，即使是下睫毛也能均勻塗抹，根根分明，完全不會結塊或蟑螂腳。溫水可卸的特性更是方便，卸妝時輕鬆不費力，卻又能維持一整天的捲翹，持久不暈染。對於追求自然妝感的朋友，OPERA Mylash Advanced睫毛膏是日本旅遊必買！

Becky32好用推薦：第一次用呢支睫毛液，有驚氣，搽下眼睫毛，好突出，依家一定搽埋先出門

YY好用推薦：Ettusais 係 shiseido旗下開架品牌，質數有保證，依枝係魔束細緻濃密眼睫液👉🏻煙燻色 我會形容呢支Mascara係芝麻灰色，依隻色少有又靚，佢並唔係坊間嘅灰黑色，其實佢成條line嘅Mascara屬於而家新興嘅亞麻色調🩶 掃頭size不算大，連下眼睫毛都掃到。膏體順滑，唔會起結塊 ，全日都冇點甩過。我用shu uemura卸妝油，容易卸得乾淨。 由於佢冇延長纖維係入面，有時我會當埋eyebrow膏，眉妝都keep得到！ 2024年我染左亞麻灰髮色，上眼睫毛用依支芝麻色，下眼睫毛就用返黑色，襯埋落Love liner既Mocha色eye liner，絕配！年未出街我一定用佢😍

Daisy好用推薦：多謝選中我試用，這款睫毛底膏我已多次回購再回購，完全是不可或缺。 它是梳子狀，所以很容易使用，睫毛可根根分明，不會結塊。而且本身帶有黑色呢樣纖維，令睫毛很自然呈現出纖長感。右邊👉🏻是使用了睫毛底膏的效果，明顯較左邊👈🏻有纖長及增加捲翹感。持妝7小時，仍可持久不暈染。而且用眼唇卸妝液就可輕易卸除，大推睫毛底膏💯

Jcxjessie好用推薦：呢個牌子嘅睫毛膏打底同埋睫毛膏都係我暫時覺得幾好用嘅一set! 我隻眼會出油，所以有時用唔同牌子嘅睫毛膏都會甩咗落眼底，不過呢個牌子就冇出現呢個問題 同埋佢嘅刷頭係幼細嘅，睫毛膏打底嗰個就係好似梳咁，查完出嚟根根分明👁️👁️ 而睫毛膏嗰個係細刷頭，可以連眼尾嗰啲細細嘅毛仔都搽得到

LenaC好用推薦：平時用mascara 最驚有熊貓眼 我用過幾款mascara 始終都有少少熊貓眼 或者甩一兩條fibre mascara 可能因為我塊面比較易出油啦 但呢隻mascara 就keep得幾好 由晏晝到放工返到屋企都無印落去 質地方面 呢款mascara 望落雖然有啲糊狀杰杰哋咁 但塗上去出奇地貼服 眼睫毛根根分明 唔會幾條眼睫毛痴埋一齊咁 個刷其實就無咩特別 同其他mascara既掃差唔多 如果有機會 可能會試吓佢既mascara base 個掃刷好似把梳咁 不過作為一枝mascara嚟講佢都唔錯既 推薦 :)

Emma W好用推薦：睫毛液能夠持久保持妝效，即使在潮濕夏天、或者落雨出汗時，都不容易晕染。 另外，比一般睫毛液，其令效果更長更纖細，又不易起塊狀凝固物，增強了眼部的立體感。 最怕就係防水產品難卸妝，但其唔會有依個難處。用濕左化妝棉輕抹兩三下，就已經卸咗妝，不會對睫毛造成傷害。 適合肌膚：任何 成效度：4/5

cc好用推薦：真係超好用！個掃好細好易用，下眼睫都刷到～適合新手使用，唔會有曱甴腳！ 睫毛纖長效果好好！十分推薦！（我配合埋canmake既持久睫毛液，可以keep住眼睫毛全日都好靚！）💕

Verna好用推薦：我很羨慕有長長睫毛的女生，因為總會給人有著bling bling大眼的感覺，奈何我的睫毛卻不爭氣，但我每天早上總是要趕出門，沒有時間搽睫毛液 謝謝@cosme送我這支睫毛增長液，就急不及待要試試。它的外型有點像唇釉，都是有著一個棉頭，顏色是透明的，而用法也很簡單，只需好像塗睫毛液般塗在睫毛上就可以了，所以我習慣晚上臨睡前，塗在睫毛上。塗了在睫毛之後，雙眼也沒有感覺不適 用了兩星期，就覺得睫毛好像有長了點點，也沒有之前那麼容易脫落。於是我也把它塗在眉毛上，結果眉毛也有變得濃密了點點，一物兩用😝

JuneL好用推薦：外形似mascara，但拎出嚟刷頭是棉頭設計而非梳形。 每次使用只需直接塗抹在眼睫毛上即可。我個人會覺得，用後眼睫毛係健康咗無咁易甩，也唔會令眼周出現不適，效果是有的，但增長唔算十分明顯。

mandy好用推薦：ETTUSAIS EYE EDITION (MASCARA BASE) WARM STYLE 植睫梳激長睫毛底膏 01 Sheer Black 鑽石黑 $119 植睫梳激長睫毛底膏的梳頭比較特別， 兩面都可以使用，而且梳頭大小適中，梳的齒針細密， 可輕易梳理較短小的睫毛。 完妝是捲翹纖長自然又根根分明的眼睫毛， 與魔束豐盈捲翹睫毛底膏相比，濃密度比較不明顯。 基本上如果大家追求自然風纖長睫毛， 單用植睫梳激長睫毛底膏已很足夠。 如果想似洋娃娃睫毛，才再上睫毛膏。 跟其他ETTUSAIS家的睫毛底膏一樣， 至少大半天不出油不溶妝，持久度不錯。 總之，ETTUSAIS家的睫毛底膏就是價廉物美， 是小資女恩物!

格仔餅公主好用推薦：非常好推薦因為我唔洗點夾睫毛佢都好翹唔會好dup，好持久唔易熊貓眼但唔難卸，滿分既睫毛膏

940727.0好用推薦：Dolly wink 依個日本品牌由我中學就用緊。佢哋出嘅假眼睫毛都好自然可愛，今次我買咗啡色,眼尾藍色嘅假眼睫毛款，超級鍾意🥰咩場合都戴得.

inkitsung好用推薦：自從佢出咗呢個10 秒易痴眼睫毛之後，我都好少買其他用～ 一嚟佢依個款式同選擇都好多，而且可以貼合返自己唔同嘅需要再混合使用～ 有時仲會推出一啲好靚嘅限定色，就好似我呢2副粉色201，202～ 有咗佢化乜妝都咁得心應手喇👍🏻👍🏻

zetalhc好用推薦：可以做到睫毛根根分明嘅效果，上色同持久功效都唔錯唔會覺得有就膠咁，唯一係比較容易結粒粒，用上睫毛嘅時候要快手。

橘子貓好用推薦：比較早期的韓系睫毛膏，卷曲、濃密效果出色，維持度也還不錯，我眼皮比較油就一定要配合睫毛底膏使用，否則就容易暈染。

Kura好用推薦：係我用過最好用嘅睫毛底霜，我嘅眼睫毛天生好短好幼，用完呢款睫毛底霜之後就可以好容易刷到好靚嘅睫毛，同埋用完之後睫毛嘅形狀會變靚好多，同埋就算夏天出街用完呢款睫毛底霜之後睫毛都可以keep到好耐都唔溶，真係睫毛膏嘅好排檔，同埋呢款睫毛底霜有好多纖維，搽上睫毛後可以好容易打造出睫毛嘅根根分明感，同埋呢款睫毛底霜嘅顏色係藍色嘅非常特別，真係平靚正嘅睫毛底霜首選，強烈推薦俾大家，快d去試，你都值得擁有咁好用嘅睫毛底霜，產地係日本 #平價彩妝 @cosme

wintonggg好用推薦：係深藍色嘅睫毛底霜，不過日常當睫毛膏用都幾好，定型唔錯，都可以刷到好長

Tobimak好用推薦：從香港屈臣氏購入，性價比極高。搽上睫毛後根根分明及很顯長。唯一美中不足就是略嫌刷頭沒有一邊專供下睫毛用，所以趕時間時會有不便。 #平價彩妝

橘子貓好用推薦：Extend Curl Waterproof Mascara #黑 曾經最愛的Mascara，粉色、藍色和棕色包裝都入手了。粉色是經典的黑色睫毛膏，纖長、捲典、持久、防水，方方面面效果都不錯。屬於全能型睫毛膏選手。去台灣有買1送1必買。

zetalhc好用推薦：性價比超高嘅睫毛液，纖細嘅擦牌可以令睫毛根根分明，又唔會起一粒粒嘅膠，非常好用。唯一就係比較難卸妝，就咁用卸妝洗面奶卸得唔乾淨，一定要用卸妝油。 

940727.0好用推薦：以極纖細三角睫毛刷，將睫毛自根部向上提起，營造纖長睫毛 1.無須擔心纏繞，三角刷頭刷長設計 三角刷頭設計，可使睫毛自根部起刷出較原本眼睛更為深邃的眼妝。 2.無須擔心下垂，維持纖長 可防止下垂，有效長效維持纖長。 3.無須擔心暈染，乾淨俐落 有效防止脫妝、暈染，可長效維持妝感。 使用方法 1.自睫毛根部起，順之字形，略為施力地來回塗抹。 2.輕輕細細地以刷具描繪前後之睫毛。 3.如描繪眼線，可打造更有神之眼妝。

poonpoon好用推薦：戀愛嘅季節一定要妝容變得更加溫柔，除咗粉粉嫩嫩嘅胭脂，仲有三文魚色嘅眼影之外，一定唔少得一支淺棕色睫毛液。 Majolica majorca 睫毛液出名超多纖維，而且有多種顏色選擇，黑色、深棕色、淺棕色，而且仲有分防水，溫水可卸。 浪漫既季節必選淺棕色，妝容加倍溫柔🌹就算只係搽一層，已經非常長翹，沒有曱甴腳。就算全日都冇甩過。本身的刷形掃頭已經可以令睫毛好纖長，不需要特別技巧。 可惜嘅係只有台灣、日本先有得賣，記得去旅行要團貨。 甜美嘅笑容，加上無敵溫柔嘅妝容，夢幻甜美感up up up💕

YY好用推薦：MJ持久鬈長激場睫毛液 學生年代睇YouTube開始興起，已經撤出香港市場多年😿去親日本旅行一定買返3-4枝，啡色黑色都買。 平價好用，質量好。超多纖維，好易刷到好纖長嘅睫毛 我唔會夾眼睫毛，過份捲撓style唔適合我， 淨係鐘意用纖長mascara，mj睫毛液刷完2層就好夠。我會刷完之後會用眉刷刷返順啲睫毛，咁就好靚。之後再噴setting spray撤回都冇甩，乾得幾快。 出咗全日街有少少溶，用Shu uemura潔顏油都落得好乾淨。到2024仲係我心目中既top one睫毛液 🥇

Rainbow好用推薦：MJ 持久鬈翹激長睫毛液 MJ 睫毛液由中學已經開始用, 最大特點係有黑長纖維同梳子型既刷頭,好容易就有根根分明的效果, 但香港開架已經無得買,上次係日本旅行行過藥妝店,見好耐冇用就買黎用下 今次既體驗: -要係紙巾印走過多既纖維.否則好容易整到眼皮 - 睫毛可以Hold到一日,唔容易dup 返落黎

Karman28好用推薦：十分喜歡呢款睫毛液既刷頭，用完眼睫毛唔會一舊舊，很分明，而且很顯色，感覺睫毛長了和濃密了。 卸妝也很方便，普通的卸妝油或gel都能清潔得很乾淨，不需要特別使用卸眼妝的用品。

mandy好用推薦：D-UP Perfect Extension Mascara for Curl 完美纖長鬈翹睫毛膏 #RUBY BROWN 寶石紅棕 功效：纖長+自然鬈翹 建議大家先用mascara base打底， 之後再上完美纖長鬈翹金膏就會更容易掌握。 完美纖長鬈翹睫毛膏可以完成既纖長又自然鬈翹的睫毛。 想要纖長的睫毛，只需多掃幾次睫毛膏便可。 完妝時，睫毛膏鬈翹纖長不暈染不溶妝， 持久度非常好，而且睫毛根根分明。 睫毛膏的掃可以好好的抓緊短小的眼頭睫毛及下睫毛， 而且可以輕鬆畫下睫毛而不暈染。 此外，完美纖長鬈翹睫毛膏暖水可卸，不傷睫毛。 含保濕成分: 聚乙二醇-45M, 水解透明質酸, 維生素原B5 及 水解蠶絲蛋白 鎮靜消炎成分: 維生素原B5 及 銀杏葉萃取 抗衰老成分: 人參根萃取, 銀杏葉萃取 及 枇杷葉萃取 抗氧化成分: 人參根萃取, 銀杏葉萃取 及 枇杷葉萃取

Lumi Kwan好用推薦：顏色都係低飽和度嘅顏色，係現時化妝界最熱門嘅色調，我買嘅係淺啡灰色同埋淺啡黃色，無感比較強，適合化一啲淡水妝，妝容篇冷白色調嘅效果會更加適合，不論顏色，兩支睫毛膏嘅持色度都非常之好，而且冇甩色嘅情況，掃頭都好容易控制，易於描繪。